#شعر_عاشورایی
هَنی مین اَسِر وا اَسِر پِوَنَه
وِ زیرِ گلاره م برار قِه وَنَه
چِنو دُشمِه شارِ دلم شیوَنه
مویه تا ابد دِ دلم پِ وَنه
دلم پِ تا پِ خَرَ مینَه سرِش
میکَه تا ابد جومَه سی دِ وَرِش
چی اِزگِل دِ جونی میکَه کِزُ نیز
دِ وَختی چَمَر اُفتاؤَ دِ وَرِش
هنی هم یَلِ بی سَرِم اِ خدا
هنی هم دو چَشِ تَرِم اِ خدا
هنی هم، هنی هم دلِ پر غمم
هِنایی، که ریخته پَرِم اِ خدا
ستینم سِتارِ دلم بُرِسَه
پَلی دالِکَم هَم دِ نو اشکِسَه
سر و دَس و تِشنی تِشنه، تو بو
سی کُمشو بَنالم، وِ دل شیوسه
هنی مین اَسِر وا اَسِر پِوَنه
هنی سازِ دل دَنگِ وِ وِ وَنَه
سرم خِر سرت، سی سخونم بیه
هنی تُ عطش تَش دِ جونم وَنَه
#شیما_نجفی‌نژاد
@lorestan_today