💫З Новым годам, сябры, з Новым годам Беларусь — краіна прыгожых, працавітых і мудрых людзей, наша зямля.

Давайце верыць у казку і цуды, як і нашы продкі, і яны абавязкова здзейсняцца. Чараўніцтва ёсць — гэта нашы дабрыня, міласэрнасць, любоў і вернасць.

Жадаю кожны дзень надыходзячага года жыць у радасці, быць шчаслівымі разам са сваімі блізкімі, любіць сваю справу і дапамагаць тым, каму гэта патрэбна.

Чароўнага, шчаслівага, плённага года!

🙏🏻✨Падзякуем Богу,
што год пражылі,
За ўсё, што змаглі мы
і што не змаглі,

За хлеб наш штодзённы
і ўсё,што да хлеба,
За сонца, за месяц,
за зорнае неба,

За дождж і за снег
і за ўсе нашы справы,
За добрыя словы
і светлыя мары,

За шчырыя сэрцы,
за родныя вочы,
За светлыя дні
і за цёмныя ночы,

За добрых людзей,
што прыйшлі з дапамогай,
За свет, што нам мілы.

✨За ўсё дзякуй Богу!

❄️✨ Так павялося між людзей —
Год пачынаецца з надзей…

Што новы — ён не будзе горшы,
Што на патрэбы будуць грошы,
Што нас здароўе не пакіне
І ўсё ліхое недзе згіне.

Што будзе хлеб
І ранкам — кава,
Што будзе час да нас ласкавым:
Не ляжа глыбаю на плечы.
І будзе што зварыць у печы.
І будзе гурт, каб тое з’есці.
І будзе кут усім прысесці.

І будзе келіх і віно…
Каб прагучала тут наноў:
Хай новы год не будзе горшы,
Хай на патрэбы будуць грошы…

З мальбой —
Да Бога — ад людзей:
Год пачынаецца з надзей!💫

Але далёка не чужы гэты вобраз і для беларускай культуры, пачэснае месца ў якой займаюць вужыкі.
Яны здаўна лічыліся істотамі таямнічымі, здольнымі ўплываць на лёсы людзей: караць і ўзнагароджваць, знішчаць і мілаваць. Нездарма нашыя продкі імкнуліся падтрымліваць з імі сяброўскія стасункі і, кажуць, яшчэ ў ХІХ стагоддзі часам у якасці хатняга гадаванца трымалі💥 вужа.