#وفاة_النبي
#استشهاد_النبي
#وامحمداه
#صفر
#يازهراء

مصايب صُبّت اعليّه
يبويه اشسوّت ابحالي
عَلى الأيام لو صُبّت
يبويه صارت الْيالي
**
أشمّ اترابك الزاكي
وما يهنا لي شمّ الطيب
ومن بعدك زهَر دنياي
متبدّل ابلون الشيب
أشوف الما تحسّه الناس
ويحدّثني الملك بالغيب
يبِنت المصطفى اتروحين
بعده وما يظل غالي
**
فقدك أخذ من قلبي
صبري ودمعي من العين
ويحدّثني الملك بويه
ابمصايب تفجع الكونين
مصايب ضربة المحراب
سم الحسن ذبح احسين
فقدك فتح باب امصاب
ما ينسد واخذ بالي
**
بتْنا ليلة الوحشه
يبويه نشتكي الربنا
نخاف اثلاثه يا بويه
من اعدانا تطلبنا
الما له دين والْنافق
والناصبي الْمَيْحبنا
اجتمعت بالحرق بابي
وطبّ الدار ما ايبالي
**
ما قال التون بالدار
فقْدت أمِس والدها
بدال "الله يصبّرها"
وبدال "الله يساعدها"
دفع بابي وكسر ضلعي
وحَشاي ابنار وقّدها
وسقّطني جنين احشاي
عَليه انمرد دلالي
**
عليه انمرد دلالي
اشذنبه وطاح يم الباب
أوّل من يجي مقتول
من دمي انخضب بخْضاب
نشده اشلون عصروني
وانا أندبك يا ياب
كلها ايام يا بويه
اوتعاين عينك احوالي
**
تمت

سجاد البيابي
28/2/1440

#وفاة_النبي
#استشهاد_النبي
#وامحمداه
#صفر

فاطمه اتنوح وحيدر يجري دمعه
ويّا لحسين حسن أحنى يودعه
**
يشعب الروح علي حيدر ينادي
عنّي اتروح يبوالزهرا يهادي
عاين اجروح تعالجها أولادي
ونازل الروح وقف عد طاها ينعى
**
فاطمه اتصيح يعزي ويا دلالي
من قبل ساع إذا دمعي يلالي
اتمسحه بالإيد تبدّل بويه حالي
سالت ادموع وصوت الون أرِفعه
**
والحسن صاح أحن يمّك يجدي
امغمض العين وانا ذوّبني وجدي
اتقلي مسموم أروح وهذا وعدي
ايطول لغياب وصوتك ما أسمعه
**
واما لحسين هوى يم جده ينحب
وايده ابإيد عزيزة قلبه زينب
ايقلّه عاشور اذا جسمي تخضب
تنزل اتشوف خدر زينب اووضعه
**
تمت
سحاد البيابي
28/2/1441