#وصايا_فاطمة


مشترك
الرادود علي فارس
الرادود حسن الجركس

https://youtu.be/keWPH5AVn88


#نص_القصيدة

يا حيدر .. يا الاولاد .. أستمعوا إليه
قبل لا أسافر .. وتحين المنيه
يا أحبابي عندي ليكم چم وصيه .. ليكم چم وصيه

يا حيـدر أول وصية إلك يا أبو الحميّه
أريدك تستمع مني يـا بو النفس الإبيه
الكسر ضلعي وهجم داري وساتر ماعليه
لا يحضر دفني يا حيدر ولايصلي عليـه

وفي خفية شيعوني / أو بالليل أدفنوني / يا حيدر يا الصميده
وكل طاغي هضمني // وعلى متني ضربني //في دفني مااريده
ولجل هالظلامة .. تبقى للقيامة
اخفي قبري ياحيدر ولا تترك علامة
وأريدك يا حيدر ماتعوف اليتامه


—
الوصية الثانية ليكم يا أولادي الميامين
حسن يا قرة عيوني وي مهجة قلبي احسين
اني ادري الزمن قاسي عليكم أنتو الأثنين
لان واحد يذوق السم أو واحد ماله معين

الحسن جعده تسمه // الحسين ابنحره دمه // يصب فوق الترايب
الحسن يرمونه نعشه // الحسين أبقلبه نبله // يموت وقلبه ذايب

بطشت چبده مرمي طالع من مهجته
بطشت نحره دامي أو مجروح شِفتـه
مصايب فجايع .. وكل هذا عــرفته

____

الوصية الثالثة بقلبي يا زينب أسمعيها
يا بنتي تشوفي كل فجعة ومصيبه تنظريها
وأعظم فجعة يا زينب في عاشر تحضريها
أخوچ ابكربلا دامي و جثته أمرضرضيـها

وعلى هذا النوايب // أصبري عالمصايب // يا بنتي يا الحبيبه
تركبين الهوازل // ولا يمچ بو فاضل // يازينب يا الغريبه

وتمشين يا حره بالسفره المريره
وتروحين يا زينب للكوفة أسيره
ورغم هالمهانه تبقين الأميره

_____

الوصية الرابعة صعبة في قلبي چنها جمره
أني أم صعبه أحچيها ولكن بيه حسره
اذا خيچ بقى وحده ولا واحد ينصره
يا زينب قبلي صدره او اشميه اعلى نحره

لان صدره يتكسر // وبالغبره يتعفر // ياوسفه يهشمونه
ونحره يقطعونه // بعد مايذبحونه // بعاسل يرفعونه

ويبقى ثلاثة فوق الغبره عاري
ودمه ياويلي عالتربان جاري
ولا أحد يغسله وسفه بهالبراري



كلمات
أحمد سوار