السيدة زينب تأتي بأولادها عون و جعفر عليهم السلام الى اخيها الحسين عليه السلام

و تستأذن لهم اخيها لكي يبرزوا للقتال و كانت تعلم بأن الحسين عليه السلام يمتنع من ذلك

فكأني بها خاطبته قائلتاً :

_______________

یَـخال اولادی یا خیمة بناتي

يراس ازماطي يَـمزامط خواتي

__،__،__،__،__

يراس ازماطي يا سگف الـعله البيت

يا ما بشاربك يحسين حلفيت

اجيت ابحاجة يبن امي و تعنيت

و عندك محد اليوصل غلاتي

__،__،__،__،__،__

يمن فد يوم ما ردّيت طَلْبي

اريد اتفرّح ابهالساع گلبي

ترىٰ من المستحه ماشوف دربي

و احسّ امقصرة اوياك ابحياتي

__،__،__،__،__،__

يبوالسجاد ، يبن امي الزچية

جبتلك عون وَيْ جعفر هديه

فداوي اثنين يرحولك سويّة

اريد بذوله تكمل تضحياتي

__،__،__،__،__،__

يگلها ارجوچ ردّيهم تراني

ذبح جسام و اخوانه كفاني

و عله الاكبر احسن موتي لفاني

خليهم ذخر ساعة مماتي

__،__،__،__،__،__

تگله شلون هان اعليك يحسين

تردهم ، خاف چه لنهم قليلين

سامحني بعد بس هاي الاثنين

هذول اوصال چبدي و كل رباتي

__،__،__،__،__،__

خذتّه ابخيمته و استلحگتّه

و باُمها الزچية حلّفته

و معصبها برگبته علّگتّه

و تْگلّه الحيدر آخذ مشتكاتي

__،__،__،__،__،__

لابوي هناك اروحن و اشتكيله

و اگلّه حسين ردّ إيد العقيلة

ردّ اولادي و المدمع أسيله

و گد ما دخّلِت نشفت لهاتي

__،__،__،__،__،__

اذا نسوانكم فد يوم گعدن

و اتباهن الك فدوات ودّن

أنا بيمن أشارچهن و اعدّن

أموت هناك خويه بمستحاتي

__،__،__،__،__،__،__

#هادي-الزينبي

17/شعبان/1437

#نـَعـي _ وَمْضَتَيْنِ
السيدة رباب تخاطب السيدة زينب عليهن السلام
تقـول :

حلمت البارحة و شفت ابني بالطيف
او ما ظلّ الدمع بالعين محبـوس.
شفت عبدالله كابر، چنّه سنتين
او چنّه احساب توه امطلّع اضروس
هَالوحَـيّـد يزينب هالولد هاذ
و استعيل خذاه البين مني.
أنا بكل ليله حسرة تبات ويّاي
يزينب ما شفتهم خَلْفَة ٱبـنـي.
#هادي-الزينبي✍

19/شعبان/1437

الناشر الحاج فلاح حسن:
#السلام علی سبایا كربلاء

___

طبع کلمن یسافر من یرد لٓهله

یجیب اویاه صوغه البیها رَغبیّة •

و اهل الشام من رَدَّوْا بعد عاشور

هذا الجاب خاتم ، ذاك ترچیة •

___

#عبد_السبايا
#هادي_الزينبي

#هــوسـات

لِشبيه رسول الله ، علي الاكبر عليهم السلام

•••••••••••••••••••••••••••••••••••

احنه كلشي الواصل الْنه/عن علي الاكبر ترىٰ
كلّه موقف يوم واحد/من حياته الطاهرة
ندري بس عن يوم عاشر/يوم فرها الزمجرة

« شي گـالت حيـدر شَيْ طـاهـا »

==============
خل نطالع عن حیاته/من قبل طـف كربله
هُـوَّ من يا بيت أصله/و نعرف اجداده و هـله
هالگد الله ايحب الاکبر/هيچي ناطيه منزله

« جبريـل ابزمرة خدّامـه »

==============
أشبه الناس ابمحمد/بالْـخُـلُـقْ وَيْ خِـلقته
مثل طاها ابکل خصاله/و منه ماخذ هیبته
خزرة اعيونه عجيبه/چنّه حمزة ابخزرته

« مـن صـاد الهزبـر بـعـیـونـه »

==============
الحسن أكبر عمامه/و كلها تعرف شنهو چان
لو يريد ايمد سُفرته / الكون ينگص و الزمان
الملايك كلها تگعد /و الإنِـس وِ شْماكو جـان

« و ثلثيـن الـسُـفـرة ايـظل خـالـي »

==============
دارس افنون البطولة / و مالـه بالـوادم مثيل
شرد اوصفه العنده واحد / مثل أبوفاضل زميل
توّه يمشي و چان یشگف/ضربة اصواب الكفيل

« و مـن يـشـگـف ما رَفّـت إيـده »

==============
بالحرب من شال سيفه/ اُو وسطت الجيش انحِدَر الگـوم گالوا هذا منـهو / (بـشرٌ كَـيـفَ بـشـر) .
صاح أبواليمة علـيٌ / فـي عليٍ قـد ظهـر .

« و صـار أصـفـر لـون الـخـيّـالـة »

•••••••••••••••••••••••••••••

#عَبْدُ_السبايا
#هادي_الزينبي
الناشر الحاج فلاح حسن

•••••••#يحيدر

لإستشهاد اميرالمؤمنين
″عليه السلام″
[]<>[]<>[]<>[]<>[]<>[]

يحيدر، مصابك للحجر أدْمىٰ المحاجر

يحيدر، طبرتك ماهو دم صبّت مناحر

عـددها اثنين و سبعين
و الاصعب نحر الحسين

يحيدر ••• يحيدر

°°°°°°°°°°°°°°°°°°°°°

انفطر چبد السّمه و اتفایضت أحزان

الْهُدیٰ أصبـح حـزین و فاگد الأرکان

شِفه صدره هُـبَـلْ من هامة القران

و عله افراش المنـيـة سورة الإنسان

****

رزيتك ، رزيّه الشَيّبت سبعه المثاني

مصابك، يحيدر للحزن غـَيّـر معاني

مـصـابـك ثـاني اثنين
و الاصعب نحر الحسين

يحيدر ••• يحيدر

°°°°°°°°°°°°°°°°°°°°°

إلك متعصّبه الكعبة اشكثر ونّت

المناسك چن یتامه البابك اتعنت

الملايك من طحت يا بالحسن حنّت

إجت حور الجنان ابدمك اتحنّت

****

يبوتراب ، الك قد قامت انواع العزية

سببهن ، لأن ظلت الك تنعه الزچية

نـوايــب عَمّت الديـن
و الاصعب نحر الحسين

يحيدر ••• يحيدر

°°°°°°°°°°°°°°°°°°°°°

مصابك هم دريت ابزينب اشسوّه

كأن ضـلـع الزچيـة منكسر توّه

تشوفك تحچي من كثر الألم گوّه

اذْکَرَتْ ساعه الي شافت امها تتلوّه

****

تشوفك ، طبـرتــك نـازل ابعينك ورمها

يحيدر، اذْكَرَتْ يوم السقيفة و سطرة امها

صعب عَ الحرة يومـيـن
و الاصعب نحر الحسين

يحيدر ••• يحيدر

°°°°°°°°°°°°°°°°°°°°°

غـدت زينب أمس وَي باچــر اتشوفه

انرسم وادي الطفوف ابمسجد الكوفة

مثل يوم الشريعـة و زينب ابخوفـة

طحت طيحة گمر ومگطعة اچفوفه

****

يحيدر، نفس سيف الّي صابك و انت صايم

عله الشّط ، گطع چـف الگمر لیث الهواشم


هُوَن عَ الشاطي چفـیـن
و الاصعب نحر الحسين

يحيدر ••• يحيدر

°°°°°°°°°°°°°°°°°°°°°

تشوفك زينب و مخنوگة بالعبرة

تعاين صدرك و ظلت تجر حسرة

اذْكَرَتْ صدر الحُسين و فاجعة نحره

الشمر چن طَبْرِتَك طگه اثنعش طبرة

*****

تعاين ، لاخوها مـن الگفا حـزّوا وریـده

یرافس ،تحت رجل الشمر و ایٖؤمي بيده

و یحرگون الصواويــن
و الاصعب نحر الحسين

يحيدر ••• يحيدر
[]<>[]<>[]<>[]<>[]<>[]

#عبدالسبايا
#هادي_الزينبي

@vazeynaba69 ←للتبادل
_____________
رابط القناة ↓
https://tttttt.me/hadialzenabe

#مايرحمون

السيدة رباب
تخاطب ولدها الرضيع عليها و عليه السلام


<><><><><><><>

يُمّا لــو ظلّيـت يَمّي بهالمنازل

يبني چان گماطك تبدّل سلاسل


يالولد و زنودك ازغار
و السّلاسـل كلهن اكبار

ما يرحمون ... ما يرحمون

===========

يُمّا ذبّاحك نذلّ ، چان شد بيدك حبل ، و من ايدي جرّك /

مو بعيده من الشمر ، چان جدّامي افتكر ، داس إعله صدرك /

أدري بي عظمك ترف ، چان كسرولك چتف ، لو حتّه ظهرك /

ذوله شغلتهم سَلِب ، يسلّبوك بلا ذنب ، عريان انظرك /

*

ما دريـت بحرملـة شِمسوّي بيّـه

رحمة الله إعله الذبح و الأعوجيّه


عمده مشّاني عله النّار
و السّلاسل كلهن اكبار

ما يرحمون... ما يرحمون

==========

حتّه لو ما منذبح ، و ما من بجسمك جرح ، لو هذا وضعك /

شلون أشيلك يالولد ، برگبتي حبل المسد ، رايح يلوعك /

إنگول ماكو حرمله ، يُمّا شوف السّلسله ، شلون أرضعك /

خاف توگع بالنّتل ، و من حدر نوگ الهزل ، ياهو اليطلعك /

*

طاحن اهناك الحرم من طرّوا السّوگ

و اليطيحن عَ الأرض تسحگهن النّوگ


عَ الهزل نتگطّف احجار
و السّلاسل كلهن اكبار

ما يرحمون ... ما يرحمون

==========

بالك ارتاح بسهم ، ما ضگت طعم الألم ، طعم الظّغينه /

ما عشت شهر السّبي ، و ما سمعت الأجنبي ، ايلاسِن سَكينه /

ما شفت ظيم السجن ، يُمّا ليله من يِجِن ، وحشه علينه /

خُفنه من عين الشمر ، و احتراماً للستر ، وَگفه غفينه /

*

خُفنه لا من الحرم توگع عبايه

وگفه نامن بالسّجن كلّ السّبايه


چن سهم نظرات الأشرار
و السّلاسل كلهن اكبار

ما يرحمون ... ما يرحمون

===========

الشّام كلها تزيّنت ، كلها بالفرحه ٱعْلِنَت ، عيد ال اميه /

كلها تحچي بهالأمر ، هسّه منّانه تمر ، چم خارجيه /

يُمّا شَحچيلك تريد.، فاجعة مجلس يزيد؟، و الصّعبه هيّه /

شگد أحب موتي يِحِل ، من يِجي ٱبّالي النذل ، يغلط عَلَيّه /

*

چَنّةِ الزّهرا و أبد ماكو بدلالي

وسفه ما بين الزلم مچتوفه تالي


الهسّه گلبي يشتعل نار
و السّلاسل كلهن اكبار

ما يرحمون ... ما يرحمون

==========

و الظّعن يوم الرجع ، محّد بوجهي طلع ، مَسْتَقبلوني /

استقبلوهن بالأسه ، و نزّلوا كل النّسه ، و ما نزّلوني /

شو عمامك من إجوا ، بس عَلَيْ ما سَلّمَوْا ، و استغربوني /

چم شهر عنهم غبت!، يعني هالگد شَيّبت!؟ ما يعرفوني!؟

**

عمّك محمد مشه الزينب سئلهه

هالمره إلمن يزينب؟وين اهلهه؟


شَيّبت من ذيچ الأنظار
و السّلاسل كلهن اكبار

ما يرحمون.... ما =يرحمون

=========

#عبدالسبايا
#هادي_الزينبي.

الناشر الحاج فلاح حسن

قناة الإمام الحسن المجتبي ع:
‍ ‍ _ #بيت_الحسين

🌴🌿🌴🌿🌴🌿🌴

بگلبك لو تبيّت بَـيْــت الحسين

خاطر اسمه يصبح بيت الحسين

تسكن بيت ابـوهـا بـت الحسين

و شمحلا الگلب لـــو بي رقـيـة

🌴🌿🌴🌿🌴🌿🌴

#عبدالسبايا
#هادي_الزينبي

#وَحْـيِ_ٱلـحُـسَـيـــن:
#مجموعة_ارجاز_مكتوبة

بسم رب العشگ ، رب المجانين
اظل حد الابد مجنون الحسين
اذا حب الحسين ٱيسودن، ٱنگول
الْحَمِد لله البلانه بهالسواديـن
______

انه عندي حسيـن ديني و مذهبي
و ما يهمني شما يـلــوم الاجنـبـي
بـعـالم الذّر الله حط بيّه الجنون
و وجّب اعليّه أصيـرن زيـنــبــي
______

يالتلوم اعليّه اسمـع مني زيــن
يالّي حسبالك تردني بشبهتيـن
خــل اريّـح بالك بـهـذا الكــلام
أسبي ناموسي و اظل ويا الحسين
______

يسئل اللايـم يگلّي
شمـالكم متحجّـريــن

باللطم چنكم سكارىٰ
و لـعـگلكم فـاگـديـن

گتله هذا ما يخصـك
بـس يخص العاشْگين

هذا مجلس اختصاصي
لمجانـيـن الحسيـــن
______

انه رمضاني محــرم
ودّي يطـوّل دهــر

يومي اخدم بالمواكب
و اگضي اللـيـل بسهر

گلّي عاشورك شـوصفه
يــا ابـــوالـيـمــةاذا ؟

لَـيْـلَـةُ العَبّاسِ خَـيْـرٌ
هـِيَ مـِنْ ألْــفِ شَـهَرْ
_______

من حگها اللوادم لو حچت بينه
مجانين الحسين احنه مجانينه
مـن ذاك الوكت و بعالـم الارواح
مو عَ الكعبة ، عَ العباس صلينه
__________
لأميرالمؤمنين صلوات الله عليها
__________

فوگ عرش الله تـربّـع حـيـدرة
و عن لسانه الوحي گاعد ينتلي
هـاي معنـاهـا محمد مـن عـرج
ليلة المعراج صاعـد يــم علي
________

انت حيدر و اسمك محلّي النجف
انت هـــوّ و محّد لسـرّك كـشـف
انـت رب اهل الكهف و اتمنه كون
انـه يمك سـادس اصحـاب الكهف
________

كشّف زنوده علي و عَ الحومة هد
نطّن عروگه و مثل غيمة و رعد
بلَوْيَة عروگه عله زنـوده انكتب
هــو حيٌ ، قــل هــو الله احــد
________

باب گلبي فصّليته مـن حـديـد
و صار خيبر يستحي من اعتابه
الگلب لازم تحطله هيچي بـاب
حتى بس حيدر يطب من بابه
________

خلّي يسمعني الـذي كفّرني بيك
انه عبدك سيدي و ما بين ايديك
اسمك اسم الله و اذكرك بالسجود
لأن وحدك يا علي و ما لك شريك
________

#عبدالسبايا
#هادي_الزينبي

#نعي

لسان حال مولاتي السيدة زينب
•••<>صلوات الله عليها<>•••

°°°°°°°°°°°°°°°°°°°°°°
عمت عين الزمان شسوّىٰ بيّه
اسيرة مگيدة و بيـد ال اميـة

الچانت عدنه خدام و رعيـة
غـدت يا للاسـف تآمـر عليّه

چنت ام الخدر و الهاشـمـيـة
و هسه ام المصايب و السبيّة

قريش بجدي تفخر عالبرية
وعليه الناس صاحت خارجية


هلي الما ردوا البالضـيـج ياهُـم
و أسف محد عرف بالكون ياهم
عليّه الناس تنشد هـلـچ ياهـم
من ٱگولن "علي" مَيْصدگون بيّه

•••<>•••<>تمت<>•••<>•••

#عبدالسبايا
#هادي_الزينبي
26 شعبان 1438.

الناشر الحاج فلاح حسن

#وَحْـيِ_ٱلـحُـسَـيـــن:
#حوار_الرأسين

رأس الامام علي يخاطب رأس الامام الحسين
«« علیهم السلام »»

{}={}={}={}={}={}={}={}={}

آنه طبروني الفجر بين السّجِدْتين
و انت حزّوك العصر يا راس الحسين

و الجسم فوگ الوطية
ما مثل يومك رزيـة

<> يا هظيمة <>

• • • • • • • • • • • • • • • • •

آنه راس المنطبر گبل الفرض

و انت راس المنگطع منّ البغض

بس فرق لمّن هوينه اعلى الارض

آنه محّد ظل على اظلوعي يرض

*

آنه فوگ من الرمح محّد رفعني
و لا إجوني و فرهدَوا جدّامي ظعني

و لا خيول الأعوجية
ما مثل يـومــك رزية

<> يا هظيمة <>

• • • • • • • • • • • • • • • • •

من طحت جسمي الگرايب غسّلوه

للگبر تالي ابجمـعـهـم شـيّـعـوه

و انت جسمك من بعد ذبحك اجوه

وصلة وصلة گطّعوه و سلّبوه

*

آنه محّد بالحجر طگني ابجبيني
و لا بعد حرگ الخيم شافتّه عيني

و لا شفت زينب سبية
ما مثل يـومــك رزيـة

<> يا هظيمة <>

• • • • • • • • • • • • • • • • •

أرْد اسئلنّك سؤال ابذهنـي مَرْ

ليش خدك للحوافر بي أثر ؟

ليش حدر اعيونك اتبدّل خضر ؟

ليش من فيض الدمه حلگك حمر ؟

*

صح طبرتي الهَدّت اركان الديانة
شفتي بس محّد ضربها ابخيزرانة

و لا شمر يرفس عليّه
ما مثل يـومــك رزيـة

<> يا هظيمة <>

• • • • • • • • • • • • • • • • •

وجهك اشگد يشبه اُمك فاطمة ؟

عينك اليمنة عجيب اموَرّمـة !

هذا يا چف الّي خدك لاطمة ؟

حتى گالب عينك ابلون الدمه

*

آنه بفـراش النبي ليلة مبيتي
ماهو بالتنور و ارماده ابلحيتـي

يا ثمر گلب الزچیة
ما مثل يـومـك رزيـة

<> يا هظيمة <>

• • • • • • • • • • • • • • • • •

فاجعة يومك تظلّ ابلا مثيل

منها شابت زينب و شاب العليل

شافوا اشلون الشمر عمداً يشيل

رمحه،و ايلاعب سهم عين الكفيل

*

زينب اختك حايرة و ضايع أملها
اتنوح الك؟لولا تنوح اعْلى كفلها ؟

حَيّرَتها الغاضرية
ما مثل يومك رزية

<> يا هظيمة <>

• • • • • • • • • • • • • • • • •

انت رافگت الحرم طول السبي

عَ الرمح مٍتْعَـلّي فوگ و تصطبي

شفت شمسويه السياط اويا العِبي

و يزمخ ابوجه الرباب الأجنبي

*

بالخـرايب تالي بيتوها السباية
وانت بعيونك شفت حال العباية

شاهدت دگّوْا رقية
ما مثل يومك رزية

<> يا هظيمة <>

• • • • • • • • • • • • • • • • •

#عبدالسبايا
#هادي_الزينبي

١٦ / رمضان / ١٤٣٦

〰〰〰〰〰〰〰〰
@vazeynaba69 ←للتبادل
_____
رابط القناة ↓
https://tttttt.me/hadialzenabe

#وَحْـيِ_ٱلـحُـسَـيـــن:
#مجموعة_ارجاز_مكتوبة

______

بسم رب العشگ ، رب المجانين
اظل حد الابد مجنون الحسين
اذا حب الحسين ٱيسودن، ٱنگول
الْحَمِد لله البلانه بهالسواديـن
______

انه عندي حسيـن ديني و مذهبي
و ما يهمني شما يـلــوم الاجنـبـي
بـعـالم الذّر الله حط بيّه الجنون
و وجّب اعليّه أصيـرن زيـنــبــي
______

يالتلوم اعليّه اسمـع مني زيــن
يالّي حسبالك تردني بشبهتيـن
خــل اريّـح بالك بـهـذا الكــلام
أسبي ناموسي و اظل ويا الحسين
______

يسئل اللايـم يگلّي
شمـالكم متحجّـريــن

باللطم چنكم سكارىٰ
و لـعـگلكم فـاگـديـن

گتله هذا ما يخصـك
بـس يخص العاشْگين

هذا مجلس اختصاصي
لمجانـيـن الحسيـــن
______

انه رمضاني محــرم
ودّي يطـوّل دهــر

يومي اخدم بالمواكب
و اگضي اللـيـل بسهر

گلّي عاشورك شـوصفه
يــا ابـــوالـيـمــةاذا ؟

لَـيْـلَـةُ العَبّاسِ خَـيْـرٌ
هـِيَ مـِنْ ألْــفِ شَـهَرْ
_______

من حگها اللوادم لو حچت بينه
مجانين الحسين احنه مجانينه
مـن ذاك الوكت و بعالـم الارواح
مو عَ الكعبة ، عَ العباس صلينه
__________
لأميرالمؤمنين صلوات الله عليها
__________

فوگ عرش الله تـربّـع حـيـدرة
و عن لسانه الوحي گاعد ينتلي
هـاي معنـاهـا محمد مـن عـرج
ليلة المعراج صاعـد يــم علي
________

انت حيدر و اسمك محلّي النجف
انت هـــوّ و محّد لسـرّك كـشـف
انـت رب اهل الكهف و اتمنه كون
انـه يمك سـادس اصحـاب الكهف
________

كشّف زنوده علي و عَ الحومة هد
نطّن عروگه و مثل غيمة و رعد
بلَوْيَة عروگه عله زنـوده انكتب
هــو حيٌ ، قــل هــو الله احــد
________

باب گلبي فصّليته مـن حـديـد
و صار خيبر يستحي من اعتابه
الگلب لازم تحطله هيچي بـاب
حتى بس حيدر يطب من بابه
________

خلّي يسمعني الـذي كفّرني بيك
انه عبدك سيدي و ما بين ايديك
اسمك اسم الله و اذكرك بالسجود
لأن وحدك يا علي و ما لك شريك
________

#عبدالسبايا
#هادي_الزينبي🖋

احمدالصخراوی 313:
‍ ‍ #مصيبة_ما_أعظمها

____

جسد كـل انسان بالنازل يصير
سبعة من أشباره لو صح ينشبر

و الوجـه ياخـذ شبـر منهن أكيد
واحد من السبعة سهمه و هذا سر

زين اذا هـذا الجسد مثل الحسين؟
بي تسعميّه و ألف طعنة و كسر

وجهه من هذا العدد چم ضربة شال
چم كسر مكسور؟ طعنـات شكثر؟

هـذا طبعاً غـيـر رمـيـات السهام
و الحِجارة، و غير رفسات الشمر

و ما حسبنه الخيل حي داست عليه
و لا حسبنه الخيزران الـبـالـقصر

ساعد الله ام عون كل هذا و تگول
ما رأيت الا جـمـيـل ، شهـالصبر؟

_______

#عبدالسبايا
#هادي_الزينبي

🔗🔗🔗🔗🔗🔗🔗🔗🔗
https://tttttt.me/hadialzenabe

في شجاعة الامام الحسن العسكري
صلوات الله عليه

_________

حي امام العسكري و شمراته
و عمت عينه الشكك بوگفاته

-----------

عمت عينه النكر زوده الحيدري
زلــم تجفل اسمه لمن ينطري
هد عساكرهم و سموه عسكري
و ذل بني العباس من صولاته

-----------

ذل بني العباس لا ما ذلّته
كثرة همّا و بالعدد ما همّته
السبع يفرح بالغنم لو حاطته
دخيل عكرة نونته و خزراته

------------

دخيل عكرة نونته الما تنفصل
وجهه چم الوان يتبدّل يظل
بلون حمزة و نوب لون بوالفضل
و هو نفس المرتضى بحد ذاته

-------------

هو نفس المرتضى و رب الرعُب
بس حرب ما چان خاطر بي يطب
العفو، ما چانت زلم ، شنهو الحرب
غير ايردّ الهم علي بـهـدّاتـه

--------------

حي ابوالمهدي و ابن ذاك الاسد
حي ابن سر قل هو الله احــد
سبح اسمه و شوف آيات المدد
شوف قـران الكرم و آياته

-----------

شوف دومه ال عالطفوف بضيجة
و الّي عالمذبوح ناشـف ريجه
و لا يـزال الزينب ايشگ زيجه
و خـده محفـور بأثـر دمعاته

_______

#عبدالسبايا
#هادي_الزينبي
7 ربيع الاول 1439

#الناشر_الميرزا_ملا_محمد_البصراوي