#آه_يادمعـة_رقيـة
#نعي_جديد_ومفجع
*•••شكوى مولاتنا رقية ع لجدتها الزهراء ع حين فاضت روحها للجنة •••*

انا المظلومة يا زهرا
ومثلك ورّموا متوني

اجيتك اشتكي حالي
مثلك انه ظلموني
〰〰〰〰〰
يازهرا النار يم بابك
شبوها بحقد هالنار
وانه حرگوا خيامي
ويتامى تروعت وزغار
علينه حرگوا خيمنه
وْرِكَضِت عْلَى الجمر والحار
اناشد وين ابو فاضل
عينه تشوف آذوني
〰〰〰〰
ضربونك يا زهره بسوط
ومثلك انه ضربوني
الشمر جاني واذّاني
وزجر وخولّه شتموني
انت اللطمة جت عالعين
وانه اللطمة عا عيوني
المن اشتكي هضمي
وهاي الگوم يسبوني
〰〰〰
يا زهره من بعد هضمك
سكن روعتك حيدر
لكن انه يا جدة
گلبي من الحزن مرمر
يتيمة ومنهو يحميني
اسيرة ويّا هالخدّر
بحبل مچتوفه عالهزّل
انوح بحسره خلوني
〰〰〰〰
عباتي بنار محترگة
وزينب اجت تطفيها
بعباتك صار اثر الرماد
شفت زينب تشم بيها
تلبسها بيوم الطف
من ٱجا الظالم يوليها
يضربها على المتنين
وتجري دمعة عيوني
〰〰〰〰
(بعد بعد اشتشتكي رقية للزهراء ع)

يا جدة بالقبر شفتي
رسول الله اندفن جسمه
وانه بالطشت شفته
راس حسين ابو اليمه
انت زرتي لگبره
وانه ما اجيت يمه
بحسره فاضت انفاسي
وبارض الشام دفنوني

〰〰〰〰
الشاعرة الحسينية
خادمة آل محمد✍🏻