#قصائد_في_خدمة_الخطباء
#محرم_١٤٤٢
#ليلة_الوداع
بين السيدة زينب(ع) و العباس(ع)
(طور "إسمع عتابي" للشيخ علي البيابي)

بْظَهري اللّي مايل .. جيتك يكافل
ها يا بو فاضل .. زينب د ضُمها

نْطيني يِمينك .. دَنّي جِبينَك
و گرُّبلي عينك .. خلّيني شِمها

أصعب رزيه .. وْداع المِنيه
صَبَّت عَليه .. هاللّيله همها

باچر أشوفَك .. مَدمي و أطوفَك
و انْظُر چفوفَك .. طايح عَلَمها

(جواب العباس(ع).. )

يْگلها يزينب .. گلبي تِعَذّب
صُبري ترَ اْصعب .. لو شر دِنالِچ

لو ابگى مرمي .. عالشاطي مدمي
مَيهمني سهمي .. بس همي حالِچ

باچر اميه .. تگودچ سبيه
مْنِ الغاضريه .. ويّه عِيالچ


#عظم_الله_أجوركم