#لسان_حال_مولاي_الحسين
#لفقد_مولاتنا_الزهراء

طاحت ماي شيلمهه
اعصروها الورده لنشمهه
الم صرخت يتيم اصرخ
على الحايط شفت دمهه

شفتهه وريت ما شايف دمهه من الضلع ينزف
الجانت تارسه النه البيت ظلت كاعده وترجف
حسين البگه براسك صار وراسي البي زلم تحلف

من فاطمه امي = الطكه بضلعها
دمهه غطاها = ونازل دمعها
صاحت يحيدر = بس ما سمعها . .
___________________________________
رحل مني حظن دافي . .
الحمل زايد عله جتافي
دمه من الباب للحايط
ركضتلهه بجدم حافي

الى ما لا نهايه يصير حزنه الفاركته امه
يعيش ايامه باللوعات جلمه يمه التهضمه
الجانت نورهه بكل صوب هسه البيت ظل ظلمه

البسمار اجاها = جيت مصيبه
ماتت حناني = أمي الحبيبه
قصة دفعها = قصه عجيبه
_________________________________
على احزاني الدمع شاهد
بسوالف جرحت الوالد
مشت زهرتنه من عدنه
بحزن فركه والم فاكد

شبت نار يم الباب والباب اندفع شفته
والبضلوعه كسره تصير رأسن يكض خاصرته
هيج بأمي صار وطاح دمهه اعله الارض سكته

بسوط الرزيه = تشكف بديهه
جذوع وثكيله = طاحن عليهه
بعثرات المهه = صاير مشيهه
_________________________________
كلت بلكي بعدني احلم
وضلع امي بصدك يلتم
واكلهه حسينج يريدج ،
وامسح من ضلعهه الدم

اجه البسمار كلش حار توهه النار حركته
ما مدگوك ع الحيطان صارت بالضلع دگته
هذا الحزن بي شوغات كلش ما اجه بوكته

يا دفعه منهن = تكدر تردهه
مايمهه يفزع = والد ولدهه
ما عدهه كلشي = بس شيله عدهه
________________________________
بين الباب جم لوعه
بيهه الزهره مدفوعه
المهه تضيعه كدامي
وانا ادريهه موجوعه ,

ذني ثنين لام حسين وي ضيم الضلع صارن
الحسن وحسين والمحسن فوك جروحهه اندارن
ضنون البال والدمعات من هالمشهد احتارن

بهاي المسيه = التمن عليه
ضلع امي كلش = عاكدلي اديه
كضتني غفله = جفوف المنيه
________________________________

⁃ علي مهدي المالكي

https://tttttt.me/alimahdi9x9

- اللحن 👇🏻