#لحن_ (بنات النبي) للملا باسم الكربلائي.

لسان حال السيدة زينب عليها السلام تشكي لأم البنين عليها السلام ....


#المستهل_

كعدي يأم الكمر ....سمعيلي هذا الخبر
عالعلكمي كافلي....راسه بعمود انطبر .

************************
سمعي ياام الاطايب قصتنا بالطف غريبة
والله امن اعدد مصايب جم من مصيبة ومصيبة
شفنا دواهي ونوايب وشكد مواقف مريبة
ظلينا بالبر غرايب ابذيجه الاراضي الكئيبة

واللي يصون الخدر
ظل منطرح عالنهر

آنه وعليلج علي....امشينا ابطريق اليسر
_________________________

شحجي وشكول وشجاوب عن سفرتي يالحنينه
من رحت اسمي العقيلة هسه آنه إسمي الحزينة
سبط الرسول وإمامي شفته بأرضها رهينة
بين اللي ماعنده غيرة وبين اللي هالدنيا دينه

وبين الذي ينتظر
من آل امية الأمر

الطاغي الهم ولي.......ماحسبوا بالكبر

______________________

يم البنين العزيزة لو شفتي عاشر محرم
كتلوا ييمة زلمنه وحركوا علينا المخيم
ظلينه بالبر حيارى ظالم علينا تحزم
صرت الدرع لليتامى من سوطه متني تورم

نار الخيم تستعر
وفوكاها حر الضهر

ذبحوا ظلم كل هلي.....من الله شلهم عذر

_________________________

بعد الحرب إعتنينه للطف نشاهد أهلنه
ردنه نسلم عليهم واعلى العزيز الكفلنه
بياحالة لكن جثثهم شفناها واشتد ذعرنه
ابن امي حزوا وتينه شيبه من الدم تحنه

كسروا ضلوع الوتر
من عكب حز النحر

اخيول الكفر تعتلي......فوكه ترض بالصدر

________________________

كل الجثث مرتمية فجأة ولفت غيمة سوده
ساعتها كلنا صرخنا حامينه وين اويه زوده
شمينه ريحة وفاءه عالعلكمي وشفنه جوده
لمن وصلناله يمه مكطوعه شفنه زنوده

شفنه دليل الكمر
يايمه صاير وذر

هسه وكع محملي.....صحت ودليلي انكسر

________________________

يمه دسمعيلي هايه وادريها توجع دليلج
لكن اريد اشكي عندج يا يمه شديلي حيلج
بالكوفه مجتوفه آني وسألوني وينه كفيلج
ضلوا يشتمون ابويه وكالولي وين اليجيلج

دكيت حيل الصدر
واتحسفت عالخدر

من الزلم محملي .....مابي ولامن أثر

*زينب الخفاجي*

#محرم_١٤٣٩_الناشر_الحاج_فلاح_حسن


#اولاد_مسلم {لسان حال الحوراء}
#لحن (خوية هم ارجع والاگيك) للملا قحطان البديري

اولاد مسلم ع الشريعة
اعليهم اتدَور الوديعة
شلون موتتهم شنيعة
آ يـويلي ... آ يـويلي
❍***❍***❍***❍***❍
من حرگ الخيام فرت منها الاطفال
زينـب اتنـادي وتـدور ويــن العيال
رحتـوا ويـن بيـا كتـر والدمع همال
يـاعـلي وينـك يبويـة هـالزمـن مال

ويلي ياويلي أويلاه
انتحب واصرخ من الآه
يـا محمد يـا عليـاه
آ يـويلي ... آ يـويلي
✹✹✹➖➖✹✹✹➖➖✹✹✹
فـروا الاطفــال مـن الغـاظرية
دمعـت امهم ظلت اعليهم جرية
بكربلـة شفنـة المصايب والأذية
ذبحوا الأيتام ذولة ارجاس امية

فــروا الاطفــال بـالليل
من حرگ الخيام والخيل
امن المصايب رايح الحيل
آ يـويلي ... آ يـويلي
✹✹✹➖➖✹✹✹➖➖✹✹✹
ازغار بيهم الرعب حاوط عليهم
واحد بواحد مشوا لزموا ايديهم
يمـة فـدوﯼ للگعـدة و حـﭼـيهم
ريتـك اويـانـة يـمسلم يـاوليهم

ويـن رحتـوا ردوا لية
شلـون نومتكم هنية
آه مـن ازلام امية
آ يـويلي ... آ يـويلي
✹✹✹➖➖✹✹✹➖➖✹✹✹
ابليل اظلم حرمة شافتهم خذتهم
امنين اجيتوا وشجرﯼ من حاورتهم
اولاد مسلـم گــوم اميـة حاربتهم
هـم يتـم والضيـم والدنيـا رمتهم

صحـت منكـم آ يظلام
مارحمتوا دمعت ايتام
عيـونهـم بـالليل متنام
آ يـويلي ... آ يـويلي
✹✹✹➖➖✹✹✹➖➖✹✹✹
{تــمت بعــون اللـہ}
11/9/2017
✍🏻 #ولائــية_وافتــخر (دعـاء العامـري)
🚫غير مبرئ الذمة امام اللـہ والزهراء من يحذف اسم الشاعرة🚫
🔴اجيز شرعاً للأخوة الرواديد لعدم ذكر اسمي لمن يصعب عليهم بالمجلس🔴
نسـألكم الـدعـاء....
▁▁▁▁▁▁▁▁▁▁▁▁▁▁▁▁▁▁▁▁

#الناشر_الحاج_فلاح_حسن
#لايسمح_بتغير_وازاله_اسم_الشاعر

#لسان حال ام الشهيد
#لحن الحاج باسم الكربلائي
#اداء االرادود احمد الزوار
#كلمات قاسم حتروش
#اشترك بالقناة على اليوتيوب ليصلكم كل جديد


مشاهدة "لحن باسم /بسملة كلامي/الرادود احمد الزوار/لسان حال ام الشهيد" على YouTube
https://youtu.be/2bFj6Yl5LyA

#شكرا_سيدي_ياحسين_على_هذه_النعمه
#لحن_جديد
#الرادود_احمد_الزوار
#كلمات_سيد_زيد_الفحام
#اشترك_بالقناة_عله_اليوتيوب_ليصلكم_كل_جديد




مشاهدة "بويه يا حيدر//الرادود احمد الزوار//مشاركة موكب السواد في عزاء يوم العاشر من المحرم 1440هجرية" على YouTube
https://youtu.be/XE936w6U0XQ

#صفر1440هـ #2018م
★•• وفاة النبي محمد "ص" ••★
#لحن * مرتضى حرب * { تعبانات }

مات اليوم .. أبو الزهره المصطفى
نبچي دموم .. عگبه والكون انطفى
يالهادي ... يالهادي
.................——––——................

ينوحون الاكوان ويلطمون
والكرار واولاده ينحبون
عالهادي من غمضها العيون
مملي الدار لمصابه يعزون

سيد الكون .. الليلة ودعنة ورحل
وسفة شلون .. مننا أخذاه الأجل
يالهادي ... يالهادي
——————★★★★——————

محمد الله انزله سوره
انهضمنة لمن طفى نوره
تبچي اعليه اهله وية دوره
ول ازمان عگبه يبدي جوره

ميرحمون .. الزهرة من عگبه الكفر
ينقضون .. عهده ذولة اهل الغدر
يالهادي ... يالهادي
——————★★★★——————

نواسيچ يا زهره بنبينه
غاب اليوم ياويلي ولينه
متحملين أنتي تفارگينه
تظلين عگبه بس حزينه

يم حسين .. عگبه شنهي عيشتچ
تبچي العين .. والله لاجل مصيبتچ
يالهادي ... يالهادي
——————★★★★——————

وحيدة يا زهرة وغريبه
تشوفين دنياچ العجيبه
دمعتچ عالوجنة سچيبه
ويلي اعليچ ويلي يالحبيبه

يعادوچ .. وينكسر منچ ضلع
يأذوچ .. وتشتكين من الوجع
يالهادي ... يالهادي
——————★★★★——————

تناديك گوم الحگ عليها
والعدوان شمسوين بيها
يمها تريد تحضر يا وليها
تعادي كلمن يعاديها

ورى الباب .. لاذت تبچي فاطمة
صاحت ياب .. شبوا نار الحاطمة
يالهادي ... يالهادي

تــمــت بــعــون الله
2/11/2018

✍🏻#ولائـية_وافتـخر (دعـاء العـامـري)
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
——————★★★★——————

#لحن القصيدة⬇️
https://youtu.be/9wS4vhDeGro

#لهدم_قبور_أئمة_البقيع
#لحن (گوم ارويها)
✍🏻 *بأقلام نخبة من خادمات اهل البيت*

••ماننساها .... ماننساها••
„„هـدم گبـور العترة طـه„„


هدموها وماخافو الله
اعداء المذهب والمله
وحنا الكل مغرور انگله
ونهتف هيهات من الذله
••انظل ننعاها .... انظل ننعاها••
„„هـدم گبـور العترة طـه„„

✍🏻#ام_فاطمة_الزهراء
✾❁✾________✾❁✾________✾❁✾

أصدر أمره آه يا ويلي
بهذا الأمر اتهدم حيلي
مصاب العتره هم يعنيلي
اسود صاير منهم ليلي
••روحي وياها .... روحي وياها••
„„هـدم گبـور العترة طـه„„

مولاتﮰ زينب
✍🏻#ام_باقر_الشويلي
✾❁✾________✾❁✾________✾❁✾

ننطر جيتك يـا مهدينة
ماحشموا حرمة هادينة
لنهجه لا ساروا لا دينة
هدموا الگبور اعادينة
••انبث شكواها .... انبث شكواها••
„„هـدم گبـور العترة طـه„„

✍🏻#ولائـية_وافتـخر (دعاء العامري)
✾❁✾________✾❁✾________✾❁✾

هدموها الروح وخلصانه
مارحمتهم هايـه اعدانه
والشيعة تنحب حزنانه
الصار وياكم صار ويانه
••مـر ذكراها .... مـر ذكراها••
„„هـدم گبـور العترة طـه„„

✍🏻#الشاعره_أم_حمودي
✾❁✾________✾❁✾________✾❁✾

هـدموهـا الأنـذال الكفره
الـرادو يمحـو ذكـر العتره
جرحونه وجرحوها الزهره
المنهم شافت ضيم شكبره
••نبچي وياها .... نبچي وياها••
„„هـدم گبـور العترة طـه„„

✍🏻#العلوية_ام_أسامة_البطاط
✾❁✾________✾❁✾________✾❁✾

ايهدمها الناصب نبنيها
اجمل ما كان انسويها
وبآيات الذكر انحليها
وبگلب الشيعي انخليها
••مانرضاها .... مانرضاها••
„„هـدم گبـور العترة طـه„„

خادمة الزهراء
✍🏻#ام_محمد_الساري
✾❁✾________✾❁✾________✾❁✾

يمته اتهل وتطلب ثارك
للعـدوان اتـسل بتـارك
احبابك كل احنه انصارك
نعينـك ويـاك ونتشارك
••يارجــواها .. يارجــواها••
„„هـدم گبـور العترة طـه„„

✍🏻#الـعـلويـة_الـمـوسـويـة
✾❁✾________✾❁✾________✾❁

#عگيلي_لهدم_قبور_أئمة_البقيع

*للمــوت انـظل مــا ننـساها*
*كـــل عــام انـجدد ذكـراها*

≈≈____________≈≈____________≈≈

ويـانـة المهـدي بـهالـذكرى
ينعى امصاب اولاد الزهره
لجور الظـلام ايجر حسره
*ويشكي جروحه لجده طه*
*كـــل عــام انـجدد ذكـراها*

✍🏻 #ولائـية_وافتـخر (دعاء العامري)
✺✺✺..........✺✺✺..........✺✺✺

ايعيــنك ربك يــا مهدينه
نـريدك تظهــر وتـلاگيــنه
خلصنـه الصــبر وملينــه
*ويـوميـه مصيبـه نـلگاها*
*كـــل عــام انـجدد ذكـراها*

✍🏻 #الــعــلويـــة_المــوســويــة
✺✺✺..........✺✺✺..........✺✺✺

لا تـشييد ولا قبــة الـهم
أظـهر غـايبنة وشيدلـهم
فـعـل النــواصـب ألَـمهُم
*انــظر الـقبــور و أنــعاها*
*كـــل عــام انـجدد ذكـراها*

✍🏻 #ولائـية_وافتـخر (دعاء العامري)
✺✺✺..........✺✺✺..........✺✺✺

هـدموا الگــبور وخــلوها
كل ذكرى ألكــــم زالـــوها
أرض الـروافض ســموها
*نـدري بجيتـك مـا تـنساها*
*كـــل عــام انـجدد ذكـراها*

✍🏻 #الــعــلويـــة_المــوســويــة
✺✺✺..........✺✺✺..........✺✺✺

گلـب الـزهره اتوجر هاليوم
بحسرة تنـوح اعليهم للدوم
بيهم كل يوم اتشوف هموم
*نبچي اوية الزهره لمبچاها*
*كـــل عــام انـجدد ذكـراها*

✍🏻 #ولائـية_وافتـخر (دعاء العامري)
✺✺✺..........✺✺✺..........✺✺✺

لليـوم ايـهل دمـع الـزهره
تـريـد الثــار الـها وللطبره
ولـحسين المظلوم ونحره
*الدنيا اظلمت وانته ضواها*
*كـــل عــام انـجدد ذكـراها*

✍🏻 #الــعــلويـــة_المــوســويــة

#تــمــت_بـعــون_اللـه
13/6/2018
❌لانجيز حذف أسماء الشاعرات❌
✺✺✺..........✺✺✺..........✺✺✺

#ولادة_الإمام_المهدي عج
#أقمار_شعبان
#لحنُ_الغياب

حَنِينٌ وشَوقٌ بِنا يَعْصِفُ
ودَمعٌ شغُوفٌ له نَذْرِفُ

تَتُوقُ القُلوبُ لذاكَ السّنا
بَرِيْقَاً لِأَبْصَارِنا يَخْطِفُ

فَكُلُّ الوجُودِ لهُ نَاظِرٌ
ولَحْنُ الغِيابِ لهُ يَعْزِفُ

تُرَابُك ارضي يُحَاكي السّماء
لواء انتصارٍ متى يُكْشَفُ

أَجَابَتْ قريبًا يكونُ اللّقاء
وثَارُ الإلهِ لنا يُعْرَفُ

هِيَ الشَّمْسُ تُشْرِقُ مِنْ مَغْرِبٍ
علائِمُ وَصلِهِ تُسْتَأنَفُ

وجِبْرِيلُ يِعْلُو بِذاكَ النِّداء
وجَيْشُ العِدَا جُلُّهُ يُخْسَفُ

ورآيُ الحَقيقةِ مِنَ مَشْرِقٍ
ولاءً وحُبَّاً لهُ تَهْتِفُ

ويَمْضِي الإمِامُ الى ثَأرِهِ
بِجُنْدٍ هَواهَا لهُ يزحفُ

يُقِيمُ العَدالةَ ، يَمْحِي الظَّلامَ
فَوعْدُ القداسةِ لا يُخْلَفُ

ويُحْيي عقيدةَ أهلِ الصلاحِ
ليلقى السعادةَ مُستضعفُ

يُبِيْدُ العُتَاةَ وأَهْلَ النِّفاقِ
كحيدرَ في بأسِهِ يُعرَفُ

يَؤُمُ الصَّلاةَ بقدسِ الإباءِ
وعِيسى ابن مريمَ يَسْتَخْلِفُ

فَكُنْ ياإلهي وليًّ الحبيبِ
دَلِيلاً وَعَيْناً بِهِ ترأفُ

#منال_بجيجي
https://tttttt.me/manalbjeiji83

زينب وما ادراك ما زينب ~ #لحن اسمع عتابي

اجتكم سبيه~ يا اهل الحميه
من شام لحزان ~ للغاضريه

كافل ظعنه~ راع ي المحنّه
اگعد يعباس ~ حامي خدرنه

ما كانت ابال  ~ مشدودة بِحبال
ونمشي سبايا ~ ما بين الرجال

عالناگه مسراي~ ومچتوفه يمناي
صحت ونخيتك~ وينك يسقّاي

ترضى يعباس~ مجروحه الاحساس
مسبيه امشي ~ ما بين الارجاس

واعظم رزيه~ صعبه عليّه
بين الدواووين~ ادخل سبيه
(خادمة آل محمد)

زينب وما ادراك ما زينب ~ #لحن اسمع عتابي

اجتكم سبيه~ يا اهل الحميه
من شام لحزان ~ للغاضريه

كافل ظعنه~ راع ي المحنّه
اگعد يعباس ~ حامي خدرنه

ما كانت ابال  ~ مشدودة بِحبال
ونمشي سبايا ~ ما بين الرجال

عالناگه مسراي~ ومچتوفه يمناي
صحت ونخيتك~ وينك يسقّاي

ترضى يعباس~ مجروحه الاحساس
مسبيه امشي ~ ما بين الارجاس

واعظم رزيه~ صعبه عليّه
بين الدواووين~ ادخل سبيه
(خادمة آل محمد)