بعد شهادة إخوتها خرجت عقيلة الطالبيين شابكة عشرا على رأسها:


كل حياء الناس بكفة بالميزان
وانتِ حيائك مرجِّحلك الكَفَه
لجل هذا من شِبِكْتِي بالميدان
ظلل العَبَّاس فوگ راسك بكَفّه

#كافل_زينب

#كافل_زينب
جديد محرم ١٤٤٣ هجريه قصيده للعباس بن علي عليه السلام يخاطب اخته الحوراء زينب بعنوان (عباس الفداء)


يابنت حيدر علي خويه گولي ادللي
روحي فدوه للخيم وانتظر امرج الي

كلمتج امر اعتبرهه وانه رهن لخدمتج
دام اشمن بالهوه براسي احرس خيمتج
نامي وعيونج قريره بزودي انه رحلتج
تدري خويه انه اموت لو اشوفن دمعتج

ما اريدن اي دمع يلجم بحدر الضلع
اترس بعيني سهم ولا اشوفن هالوضع
▪️▪️▪️▪️▪️▪️▪️▪️▪️▪️▪️▪️▪️
ما يمرج خوف خويه وكافلج سالم يزينب
روحي ازرعها حرس لجلج اتسد الدرب
والي بايع عمره زينب لخيمتج ياخويه يقرب
بخزرتي تموت الزلم من اطبن للحرب

فدوه لعيونج سنيني لا يساري ولا يميني
دامه بيدي هالعلم الموت انه تعرفيني
▪️▪️▪️▪️▪️▪️▪️▪️▪️▪️▪️▪️▪️
خويه فد طلبه اطلبج كون خويه تعذريني
من اطيحن عالنهر خويه طلبه لا تجيني
دخيل بختج بت علي موت ثاني تموتيني
ما اگدر انه استمع تگولي خويه امسلبيني

لا تجيني عالنهر انه اموت أمن القهر
واسمع بطاري الزلم جهزوجن للاسر
▪️▪️▪️▪️▪️▪️▪️▪️▪️▪️▪️▪️▪️
خلي دمعج خويه سكته لو نووا بيج الرحيل
دمعتج تحرگهه روحي يمي لو باجر تسيل
جفوفي صح امگطيعيهه وجسمي ياخويه جديل
لجن احساسي يزينب ماهو ميت مستحيل

ما يموت احساسي لو خمدت انفاسي
روحي وياكم تهيم وشاهد اعليه راسي
▪️▪️▪️▪️▪️▪️▪️▪️▪️▪️▪️▪️▪️
من تصد عينج عليه وانه راسي اعله الرمح
تلاگي عيني تستميحج رايده منج صفح
تگلج العباس اخيج الاخره تدري الذبح
هلجرالي ما يهمني ولا اشوف دمعج طفح

انتي تدري بغيرتي ما تهمني حالتي
لو تگولي يا شهم نار تجدح نظرتي


تمت بعون الله تعالى
خادمة الزهراء / ليلى زغيب



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin