#الناشر_الحاج_فلاح_حسن_الحسن_العسكري_ع

#قصيده_القائيه بحب سيدي ومولاي الامام المنتظر ع


صفنه تاخذني وتضيع الروح بيهه
وصفنه افز بيهه ولاكي الروح يمك

الشغل روحه بهواك الروح منه ماتضيع
والشغل روحه بهواه ضيعاهه اي وحكك

مولاي عنك يكولون غايب وانت موجود
شكد جريب بروحه يلكاك اليحبك

الينحجب عنه ضواك سيدي اعمه البصيره
اومايمر بحلامه ابد فديوم طيفك

انت يامولاي جلباب السكينه والامان
والي مشغول بهواك مكحل عيونه بشوفك

يا قاموس حكم الله ومحتو اسرار البي
دعش معصوم سلمو رايه بجفك

بس اهل السبات لشخصك يجهلون
ويغضون البصيره من يمر ذكرك

ياسالوفت عشك تتغذه بيهه عقول
هنيال الغرب من جودك اونهلك

يمنهل جود يغرف منه الضمئان
مافد يوم جف عالخلك جودك

سفينه انت لليمر بيه طوفان
والغركان لبر الامان يوصله خلكك

يبو صالح شكبره سيدي خلكك
تمد جفك حتى للذي يبغضك

•┈┈┈••✦•••✿•••✦••┈┈┈•

خطت هذي الكلمات بقلم الشاعره ام رائد
زوين



#الناشر_الحاج_فلاح_حسن

#حلم_مذبوح

#لايسمح_بتغير_وازاله_اسم_الشاعر