#الناشر_الحاج_فلاح_حسن_ام_البنين_ع
#قصيدة_جديده
#ام_البنين_ع
#مسك_الختام


مسك الختام… اجمل سلام
من السمه ..ورب السمه. .. ومن فاطمه
سلام
*
مو نعش هالليله شيعنا الوفه
والشمس لام الگمر ضيها اختفه
عله الدنيا گالت الدنيا العفه
العدها شاطي عذب بالطف نجفه
دمع اليتيم. .جرحه عظيم
يتم الصبر .. اعظم وامر ..مايستقر
كلام
**********
الما زرع عنبر حصد اذره امس
زرعت اوتاد اربعه تضلل شمس
وعلمتهم لو حجوا يمها همس
ظربت فنون الاخوه اروع درس

هذا العطاء. لام الوفاء
ربت زلم .. قوه وعزم .. يحمل علم
امام
######################
مو مرض حتى اقتنع وتمرضت
علمت اضلوع الحسين ترضرضت
بخبر ريحانة علي الحره گضت
وعن ابنها خبروها ومارضت

كبشي فداء… عج كربلاء

بنور الگمر .. شلت الظهر .. مر الدهر

ظلام
####################
تمنت العباس يحضر بالدفن
يشيل نعش الطاهره امه عله المتن
حسين جدام النعش يبجي ويون
وزينب اه تصيح وتنادي بحزن

يعلن حداد ……… حتى السواد
هذا الوفه.. منها الشفه .. من المصطفى
احترام
#####################
وصت اخر لحضه بركان الشرع
قوس لحدي انا محنية ظلع
وخلو قربه ومهد وسهام وشمع
اكتبوا فوق الگبر هاي ام الدمع
كسر الضلوع… من الدموع
ولصبري حد .. راح الولد .. بعده شجد
ونام
######################
ابو احمد الصالحي
١٢/جماد الثانيه /١٤٤٠هج

#الناشر_الحاج_فلاح_حسن

#حلم_مذبوح