••• *أمير المؤمنين على قبر الزهراء《ع》* •••

#طور ••علي راح•• ((ملا محمد بو جباره))


*يا زهراء* يا شمعة عمري وسنيني يا زهراء

*يا زهراء* مثل ماي السّمه دمعي يا زهراء


على قبرج حنيني
(أصب دمعي وونيني)٢ يا زهراء

••••••

اجيت لقبرج انحب يالوديعه
يزهره ضاقت بعيني الوسيعه
أخبرج قلبي وضلوعي وجيعه
شسولف عايش بضيم لفجيعه

يا زهراء عسنها ضلوعي فدوه يا زهراء
يا زهراء ترى مات الورد حسره يا زهراء

يا دمعه في سنيني
(أصب دمعي وونيني)٢ يا زهراء

••••••

آنه حيدر وادفَنِت روحي بديه
وآنه احفَرِت وسّدِت نعش لزكيه
لسّه نيران الحزن بيّه سريه
شِلي بعمري ومشيتي للمنيه

يا زهراء انهدم حيلي عله فقدج يا زهراء
يا زهراء على الدنيا العفا عقبك يا زهراء

يا حرقه في وتيني
(أصب دمعي وحنيني)٢ يا زهراء

••••••

يزهره عن حياتي ما تغيبي
شقولن والضلع زيّد نحيبي
وآنه رايد هالمنيه من نصيبي
وبلطم خدّجِ ابصدري لهيبي

يا زهراء على قبرج عتابي يا زهراء
يا زهراء بليّاك العمر ذايب يا زهراء

واظل أبجي بسِنيني
(أصب دمعي وونيني)٢ يا زهراء

••••••

كل مسيه احضر واعقد نياحه
وحسرة المجروح ما تلتم جراحه
عقب عينك يا زجيه ماكو راحه
شلون اطب دارج ويطلع صباحه

يا زهراء أحس خنقه بدليلي يا زهراء
يا زهراء والله دنيا وفرّقتنه يا زهراء

أنوح وما تجيني
(أصب دمعي وحنيني)٢ يا زهراء

••••••

#أمنن #علينا #برضاه
#يا_صاحب_الزمان

https://youtu.be/HEc3UKiMYG8

#الناشر_الحاج_فلاح_حسن_ام_البنين_ع


#وفاة أم البنين
#طور يروحي الأحبهم *سيد فاقد الموسوي *


خلصن سنيني وكضن دمعه اعله دمعه
ونعشي لون مات الجسد ياهو اليشيعه

✿يون كليبي ماهاد .. راحو كل الأولاد✿
خلصن سنيني وكضن دمعه اعله دمعه

⌘⌘⌘⌘⌘⌘⌘⌘⌘⌘⌘

والله حيرة اه يادهري وحيل حيرني زماني
من مشو عني الغوالي مرافكه الونة تراني
ردت منكم شخص يحظر لاولاواحد اجاني
صعبة يفراك النحبهم عاش بعيوني وعماني

✿بطلي وكافي الونين .. مايرجعلج حسين✿
خلصن سنيني وكضن دمعه اعله دمعه

⌘⌘⌘⌘⌘⌘⌘⌘⌘⌘⌘

ادفنت وياكم حياتي وريت وافتني المنيه
خلصت سنيني بجفاكم آه وشعظم الرزيه
ضيعتكم يالغوالي ورحتو ياويلي من ايديه
تحلى دمعاتي لأجلكم تبقى مسفوحه وجريه

✿شبعت روحي اهات .. ميرجعولي هيهات✿
خلصن سنيني وكضن دمعه اعله دمعه

⌘⌘⌘⌘⌘⌘⌘⌘⌘⌘⌘

انه اتمنيت روحي تطلع لا ولاهاي المصيبه
واللي اصعب من سفرهم كلبي تركوه بنحيبه
يجري دمعي للاودهم صعبة لييفارك حبيبه
يظل بيه الحزن عايش وبالكلب نار ولهيبه


✿عذب روحي الفراك .. الهم روحي تشتاك✿
خلصن سنيني وكضن دمعه اعله دمعه

⌘⌘⌘⌘⌘⌘⌘⌘⌘⌘⌘

طبع كل أم تحن لأبنها تريده يحضر ينظر الها
وانه اتاني كل سنيني روحي فكدت كل املها
دمــعي يهمــل للغــوالي والنيــاحه ما املها
ظل دليلي بهمه حاير لو اجه لروحي اجلها

ردت يحضرلي عباس .. بجيته يرفع الراس
خلصن سنيني وكضن دمعه اعله دمعه

⌘⌘⌘⌘⌘⌘⌘⌘⌘⌘⌘

تمت بحمد الله
17/2/2018
✍🏻آلّشآعرهً آلــــّ؏ــلّويِـــــه آلّمٌوسويِــــۿ
❌لاإجيــــز حذف الأسم❌

#الناشر_الحاج_فلاح_حسن

#حلم_مذبوح

*لطم شور♪ يا قبلة الدموع*
حسين حسين حسين مولاى حسين حسين حسين³
لحن شهيد كربلاء♪
يا قبلة الدموع… اقبلني أن أكون
في خدمة الحسين… كعابس وجون
في العشق والهيام… ويحلو لي الجنون
أواسي فاطمة… وأُدْمِيِ العيون

في رتبة الخدم… نبکي دم العيون
فالدمع زينبي… والسر كافَ نون

حسين حسين حسين مولاى حسين حسين حسين³
〰〰〰〰
سجّلني خادما… كحمزة الصغير
كدعبلُ و كميت… بالضلع مستجير
واسمي في الخدم… كعابس وبُرير
مرساتي كربلاء… في شاطىء المصير
براقِيِ الدموع… بعشقه أسير
يا موطن القلوب… حسيننا الأمير
حسين حسين حسين مولاى حسين حسين حسين³
〰〰〰〰
في اللوح قد كتب… حسيني للأبد
لصاحب الزمان… نجدد العهد
ونمضي ثائرين… ننتظر الوعد
نداؤنا حسين… يا فاطمه مدد
نقسم بالنبي… الموت لنا شهد
وخُطّ في الجبين… علي لنا سند
حسين حسين حسين مولاى حسين حسين حسين³
〰〰〰〰
ارزقني كربلاء…. أحجُّ ماشيا
ازور عرشك… الدموع جاريه
في كل خطوةٍ… الجنان آتيا
ولمهديّ الزمان… له مواسيا

يا سيدي الذبيح… منحور ضاميا
نزحفا للضريح… كـسيلٍ عاتيا
حسين حسين حسين مولاى حسين حسين حسين³
〰〰〰〰
يا صاحب الزمان… طال بنا الجوى
بك اين سيدي… استقرت النوى
في أي مرقدٍ… تبكي في نينوى
في المذبح الشريف… قلبك ٍ انكوى
الهي بالحسين… مات و مَارتوى
عجّل لثأره… فصبرنا انطوى

حسين حسين حسين مولاى حسين حسين حسين³

الشاعرة خادمة آل محمد✍🏻
https://youtu.be/mb2KENHEtMM

#الناشر_الحاج_فلاح_حسن_وفاه_سبع_الدجيل


#نعي_لوفاة_سيد_محمد_سبع_الدجيل

#طور_الخضيب

ياللي تريد العافية وحاير صفـﻰ أمرك
اگصد لعد باب الوفى واكشفله عن سرك
اشكيله كل هم ينجلي ويشرح هضم صدرك
بس نادي بـ اسمه ياسبع منك نريد امراد

ياابا جعفر..ياابا جعفر..ياابا جعفر آه//٢

هالليلة ننصب مأتمك ونجريها دمع العين
لمصابك الشيعة تون ونذكر مصاب حسين
للهادي نعلن هالعزا عنه غبت لا وين
ينادي لك بحسرة ويون ونار اشعلت الفاد

ياابا جعفر..ياابا جعفر..ياابا جعفر آه//٢
✾▁▁▁▁▁✾▁▁▁▁▁✾▁▁▁▁▁✾

#نصاري_اوعاشوري_اوعكراوي وغيرها من الاطوار الشعبية

اريـد امراد منـك سبـع الدجيل
اجيتك معتنيلك سيدي ادخيل
مـا فـاد الـدوا ولا نـامـن الليل
منـي الحيـل رايح ردلي الحيل

يـا بـاب الفـرج جيتك نخيتك
بخوك العسكري صحت ورجيتك
مثـل عبـاس وصفك وصفيتك
متـرد اليـجي وانـة اعتنيتك
✾▁▁▁▁▁✾▁▁▁▁▁✾▁▁▁▁▁✾
#يقرأ👇
#حدي_حجاز_خليجي_اول لحن(لمن حدﯼ الحادي)
#او
#حدي_حجاز_خليجي_ثاني لحن(حضريني يالزهرة)

نرفع تعازي اليوم...
للي يصد الگوم...
هذا البطل ميشوم...ابن البطل هادي

نتمنى يـم قبره...
ونهل دمع حسره...
مظلم صبح فجره...والكل صفى ينادي

(ياسيدمحمد..ياسيدمحمد)//٢

خلونة هالليله...
كلنا نناديله...
واحدنة بعويله...يصرخ يبو الشاره

بالعسكري ننخاه...
ونشكيله من الآه...
يسمعك اي والله... لمن تطب داره

(ياسيدمحمد..ياسيدمحمد)//٢
✾▁▁▁▁▁✾▁▁▁▁▁✾▁▁▁▁▁✾

#طور_الفراق (مالي غيرك)

كله غيرة...وبالشهامة يوصفونة
كله غيرة...ينطي للي الينتخونة
كله غيرة...يرحب اللي يگصدونة

جيتك انة...وبيدي احملها امنياتي
جيتك انة...واندبك وية صلاتي
جيتك انة...اشتكي واسمع آهاتي

تــمــت بــعــون اللــہ
11/3/2018
✍🏻 #ولائـية_وافتـخر (دعـاء العـامـري)
❌لاإجيز حذف الأسم من القصيدة❌
✾▁▁▁▁▁✾▁▁▁▁▁✾▁▁▁▁▁

*لطم شور♪ يا قبلة الدموع*
حسين حسين حسين مولاى حسين حسين حسين³
لحن شهيد كربلاء♪

يا قبلة الدموع … رحماك إقبلني أكون
في خدمة الحسين … كعابس أغدوا وجون
في العشق والهيام… يحلو بحبه الجنون
أواسي فاطمة… وأُدْمِي محجر العيون

في رتبة الخدم… نبکي دما من الجفون
فالدمع زينبي … بشرى لقوم يعقلون


حسين حسين حسين مولاى حسين حسين حسين³ ~
〰〰〰〰
سجّلني خادما… كحمزة ذاك الصغير
كدعبلُ و كميت… بضلع فاطم اَستجير
واسمي في الخدم… كعابس لك أصير
مرساتي كربلاء… يحلو لكربلا المسير
براقِيِ الدموع… وفي جناحيّ اطير
يا موطن القلوب… حسيننا نعم الأمير
حسين حسين حسين مولاى حسين حسين حسين³
〰〰〰〰
في اللوح قد كتب… حسينيون للأبد
لصاحب الزمان… جئنا نجدد العهد
ونبقى صابرون… ميقاتنا يوم الوعد
نداؤنا حسين… نهتف فاطمه مدد
نقسم بالنبي… في دربه الموت شهد
وخُطّ في الجبين… في قل هو الله احد
حسين حسين حسين مولاى حسين حسين حسين³
〰〰〰〰
ارزقني كربلاء…. لها أحجُّ ماشيا
ازور عرشك… مني الدموع جاريه
في كل خطوةٍ… الى الجنان آتيا
وصاحبَ الزمان… ابقى له مواسيا

يا سيدي الذبيح… من الوريد ظاميا
زحفا الى الضريح… كـسيلٍ يغدو عاتيا
حسين حسين حسين مولاى حسين حسين حسين³
〰〰〰〰
يا صاحب الزمان… مولاي قد طال الجوى
بك أيا غريب… اين استقرت النوى
في أي مرقدٍ… تبكي ذبيح نينوى
في المذبح الشريف… برزئه القلب انكوى
الهي بالحسين… مات غريبا مَا ارتوى
عجّل لثأره… فالصبر ها قد انطوى

حسين حسين حسين مولاى حسين حسين حسين³
الشاعرة الحسينية خادمة آل محمد✍🏻

https://youtu.be/mb2KENHEtMM

••• *كلام أمير المؤمنين مع العقيله ليلة الطبره* •••

#طور الفايزي

قلها يزينب هالمسه قلبك عليّه
وباجر دليلك ينذبح بالغاضريه

يا بويه صبري عالهضم والرزيه
باجر مقامك ينرفع يل هاشميه
ما من مصيبه تشبه مصاب الشفيه
وانتي يزينب صبرك من الله هديه


كافي مدامع يا عزيزه نشفيها
باجر اراضي كربلا انهار تسقيها
وباقي حياتك بالحزن هم تقضيها
يوم لتِشوفي جثة الغالي رميه


يلقلبك عَليّه آنه قلبي عليكِ
يوم لتِمشين ابقهر مكتوفه ايديكِ
يا وسفه بويه تنذبح كلّ اهاليكِ
وتصعب عليّه ونّتك عالهزل خفيّه


عيني عَليكي والنجف مو بعيده
لتقولي بويه علي خلاني وحيده
وبليل الحادي عشر أجيكي بهيده
ادري ابدليلك ينكوي بنار الرزيه



#أمنن #علينا #برضاه
#يا_صاحب_الزمان

https://telegram.me/joinchat/CR3PJ0E4ijaEYdH_t2uloA

#ذكرى_تهديم_قبور_البقيع
#طور ناذر سنيني


حضرت الزهرة .. بنوح وبعبرة .. تنادي
عالگبور تحوم .. ويلي من هاليوم .. تنادي

<<✺>><<✺>><<✺>><<✺>><<✺>>

اتعنت الزهره الزجيه ابلطمة العين
تندب المهدي وتنادي بحسره وونين
لفركــة احبابي يعينــي كون تعمين
وانتظر ثــارك يغايب ثــار الــسنين

دمعتي اجريهه .. بغصه ابجيهه .. تنادي
عالگبور تحوم .. ويلي من هاليوم .. تنادي

<<✺>><<✺>><<✺>><<✺>><<✺>>

جيــت وبــموكب عزائــي انحب الكم
تــرك بيــه الــف غصه يــا كبــركــم
عندي ثار اويه النواصــب والقهركم
بدمــع واحــزان ورزيــه اتبــع أثركم

ابجي للغرقد .. واذكر الهدد .. تنادي
عالگبور تحوم .. ويلي من هاليوم .. تنادي

<<✺>><<✺>><<✺>><<✺>><<✺>>

اه ياجــمرة امصابي تذبــح الروح
ابقى اون لكبوركم وكليبي مجروح
صورة الثــار اعله بالي وابد متروح
يحضر المهدي يجينه يشافي الجروح

صحت يالقائم .. جاير الظالم .. تنادي
عالگبور تحوم .. ويلي من هاليوم .. تنادي

<<✺>><<✺>><<✺>><<✺>><<✺>>

عجل الله فرجــك يانســل الاطياب
انتظر جيتــك واتانــي ويه الهوه الهاب
جرح زينب والســبايا بكلبي مــاطاب
مصيبه المذبوح عاري الظل بالاتراب

عجل بثارك .. سله بتارك .. تنادي
عالگبور تحوم .. ويلي من هاليوم .. تنادي

<<✺>><<✺>><<✺>><<✺>><<✺>>

تــمــت بــعــون اللـہ
11/6/2019

✍🏻آلّشآعرهً آلــــّ؏ــلّويِـــــه آلّمٌوسويِــــۿ
❌لاإجيــــز حذف الأسم❌

.#محرم

#لطمية
#مجالس #الحسين عليه السلام

#طور " *حضرنا وياك يا حيدر*" ملا باسم الكربلائي

وايضا تقرأ ب#أطوار ••• *التغريد الحزين*••• ولفى عاشور وغيره~


حضرنا بمجلسك يحسين
قلبنا يستعر جمره

نريد صدور تتألم
شكثر مشتاق للعبره

*الدمع سجاب* ~
*على الأحباب* ~

-----------

يمن حبك سكن قلبي
يمن باسمك تهيم الروح

اجيت لمجلسك أنحب
وانادي يا ورد مطروح

شكثر مشتاق للونّه
إلك يبقى الدمع مسفوح

يا روحي يا ضوى عيني
يمن دمي فداك يروح

ولو دمعاتي تتجارى
ما يضمد لهيب الروح

ولا يبرى جرح قلبي
عليك نظل نحيب ونوح

دمعتي تسيل بالحسره ~
على اللي طاح عالغبره ~

يظل مرمي عزيز امه ~
وكم طعنه تجر طبره ~

*قلبنا انصاب*
*على الأحباب*

-----------

عبرتي عليك ما توقف
لطم صدري يون لجلك

إلك دمعات مذروفه
يحن ويلي قلب أمك

اجت زهرتنا للمجلس
تقيم النوح وبكترك

لَطمنا تشوفه والعبره
تنوحن أحضر بقبرك

ومن تحضرنه زهرتنه
تون بالآه وتندبك

وجنها تقلنا لو تنحب
وحق طه أحضرنك

يمن تنحب على المذبوح~
انا الزهره وجمر بيه~

أحضرك والدمع يجري~
واشيلن دمعك بديه~

*دليلي انصاب*
*على الأحباب*

-----------

كلمن تصرخ بمجلس
إعرفه شأنك وقدرك

ومن تنحب رسول الله
ينشّف دمعك ينظرك

يشافي العلة رب الكون
ويحضرك حيدر بقبرك

هنياله لعرف قدره
أبو اليمه رفع قدرك

يمن ربّاك ابو الاحرار
على الدمعه من صغرك

ومنّ تسيل دمعاتك
تحير العالم بأمرك

يهالخادم الك عيني~
يكرمك ربك بلِحسين~

والخادم اله سلطان~
لو سالت دموع العين~

*الدمع سجاب*
*على الاحباب*

------------

يمن تجزع على المذبوح
تباهي بيكم الزهره

ومن تجزع على الأكبر
تواسي الهادي وتنصره

ودمعك لو بكى جاسم
الحسن يحضر يهل عبره

واذا تبكي رضيع حسين
اتحضرك باقي العتره

أبو فاضل اذا تذكره
وتذكر عينه والطبره

تجي أمه عزيزتنا
ضلع محني قلب جمره

شكثر نتمنى نتقطع~
يبو اليمه فدا نحرك~

يظامي يالملكت الروح~
ننوح وننحب بكترك~

*دليلي انصاب*
*على الاحباب*


#أمنن #علينا #برضاه
#يا_صاحب_الزمان

*#طور الجفيري*

*وصيّة الزهراء عليها السلام لزينب يوم عاشوراء*

العقيلة زينب أدّت الأمانة .. "صاحت أماه يا زهراء لقد استرجعت الوديعه"
فقال لها الحسين(ع): "أخيّه وما الوديعه؟"..

تقله زينب..

يا خويه هاذي الوِصيّه
تِروي الحديثِ الزجيّه
لو شفتي الغالي عَليّه
شمّيه صَدره ابكربله


لو ظل وحيد ابكربله
كونِ الأمانه توصَلَه
واخذي دموعي الهامله
اتْرَوّي العُيون الذابله


عنّي نِيابه ابْمَحضره
شمّي يا زينب منحره
قبلي الصّدر يا صابره
موضع حوافر توصَله


*وقالت مولاتنا زينب(ع): أيُّ أختٍ تُقدّم لأخيها جواد المنيّه..* مهلاً يا نور عيني..*


متعوده عيني شوفِتك
ما أشبع مِنها نظرِتك
تحلالي خويه هيبتك
إحسبني ميته لو رحت


عن زينب رايح تبتِعد
خويه عساني باللّحد
منهو بعد عينك سنَد
حالي يألّم لو غبِت


ودّعتك الله يا اعْيوني
عنّك يغالي ايْبَعدوني
وباجر سبيّه ايْوَدّوني
إسمي غريبه لو طحت


#أمنن #علينا #برضاه
#يا_صاحب_الزمان

▪️ لسان حال الإمام الحسين عليه السلام
▪️ #الإمام_الحسين_الشهيد_ع
▪️ #طور_الجفيري


يا شيعــتــي يا عــيــونـــي
بمجــرى الدمــع واســونـي
وانــه ادري مــــاتنســـونــي
يـــا شيعتــي يـــا شيعتــي

ـــــــــــــ ◕~◕~◕ ـــــــــــــ

آنــه اللــي رابــي عالصبــر
وانــه اللـي احضـر بالگبــر
انــــا الجـــرح مــاينجــبــــر
يـــا شيعتــي يـــا شيعتــي

ـــــــــــــ ◕~◕~◕ ـــــــــــــ

ابكوا على الشيب الخضيب
ابكوا على الجسم السليب
وي فاطمـة زيـدوا النحيب
يـــا شيعتــي يـــا شيعتــي

ـــــــــــــ ◕~◕~◕ ـــــــــــــ

شــدوا العــزه وي فاطمــــة
ادريهـــا عالخــد لاطــمــــة
سـابــح ابنــهــا بالدمــــه
يـــا شيعتــي يـــا شيعتــي

ـــــــــــــ ◕~◕~◕ ـــــــــــــ

ويّــاهــا ابكــوا عالنــحــــــر
وعْــله الطريح عْــله النهــــر
و اجســاد بالحــر تنصــهـــر
يـــا شيعتــي يـــا شيعتــي

ـــــــــــــ ◕~◕~◕ ـــــــــــــ

ياشيـعــة اذكــروا غــربتــي
و غربة خواتــي و اخوتــي
عطـشـان حــزوا رگبتــي
يـــا شيعتــي يـــا شيعتــي

ـــــــــــــ ◕~◕~◕ ـــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

▪️ #لفقد_الأب
▪️ #طور_حضريني_يالزهرة

مظلم مكــان الجــان
              ضـاوي بسبب نــورك

و انهدمت الاركــان
              لمحصّـنــة بســورك

يا بويه يا بويه يا بويه يا بويه

ـــــــــــــ ◕~◕~◕~◕ ـــــــــــــ

ريتك تـرد ساعــات
              يوحش ظــلام الليـل

و تنشّــف الدمعــات
              ياللي وراك اتسيــل

لكــن تـــرد هيــهــات
              يامن هِدَمْت الحيــل

خــل نسكب العبرات
              بالمــگبــرة انــــزورك

يا بويه يا بويه يا بويه يا بويه
يا بويه يا بويه يا بويه يا بويه

ـــــــــــــ ◕~◕~◕~◕ ـــــــــــــ

يصعب تــرا فرگاك
              و بــان اليتـم بينــه

يالكنت وسط الـــدار
              كالخيــمــــة تـأوينــه

بعدك يبويــه النــاس
              تتــــرحــــم اعليــنــه

و انهدمت الاركــان
              لمحصّـنــة بســورك

يا بويه يا بويه يا بويه يا بويه
يا بويه يا بويه يا بويه يا بويه

ـــــــــــــ ◕~◕~◕~◕ ـــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

⬛️◾️▪️⚫️﷽⚫️▪️◾️⬛️
•● *طور جديد للتوسل بأمير المؤمنين ع على وزن الشيالة* ●•
☜الطور ؛ (زينب اجت لحسينها-الشيخ الحسناوي) وتقرأ بألحان مختلفه .
https://m.youtube.com/watch?v=T2Tw23XVQ-E

🏴 القصائد والنواعي والأطوار الجديده والقديمه المكتوبة (لمناسبات شهر رمضان وليالي القدر) ولسائر الأفراح والأحزان المقبله #في_الرابط  👇🏻👇🏻 تابعونا
https://tttttt.me/joinchat/AAAAAD8_rhRMz0RN2ZsQJg
▼△▼△▼△▼△▼△▼△▼
أمن يجيب المضطر
نتوسَلك يا حيدر


نورك أخذنه البابك
نگعد على أعتابك
تعرفنه كلنه أحبابك
احضرنه لا تتأخر


كل شيعتك تعبانه
من الوضع حيرانه
أرجوك لا تنسانه
لا ترضى نتعب أكثر


حلال كل مشكلنه
حاشاك ما اتملنه
تدري شنو اتحملنه
و اعلى المحن نتصبر


حالتنا وايد صعبه
كلمن يِضَيِع دربه
يا حل لنا و انجربه؟
و اعلى الفتن ما نگدر


يا بوالحسن دعواتك
خل نحظى ابمنجاتك
امنحنه من مرضاتك
و اسيقينا من الكوثر


غيرك منو يحمينه
و ابخيره من يحوينه
لو ننتخيه اتجينه
بالعين دومك تكبر
===============
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

#طور يا ليل طول ساعاتك

••• *شهادة مولانا زين العابدين عليه السلام* •••


مجروح .. بعيوني الدمعه
مجروح .. واحزاني تنعه

بعيني شفت المذبوح
عمري خلّص بالنوح

°°°°°°°°°°°°°°°°°°°
آنه زين العباد .. صوّبني دهري بالمحن
حزني باقي للأبد .. سلوتي النوح ويا الزمن
ادموعي تهمي دمه.. وبقلبي نيران الحزن

من وين اجيبه الصبر... وابويه مقطوع النحر
ومنّه مرضوض الصدر... محّد شاف مثلي محن

مفطور قلبه من الظما..
لجله تلطم فاطمه..
لجله تنحب وتنوح..
عمري خلّص بالنوح..

°°°°°°°°°°°°°°°°°°°

يا ناس شفتو طفل... بحضن الوالدِ انذبح
ومفطوم بسهام ونبل.. ودمه يسيل من الجرح
مات عطشان الكبد.. وعليه النوح ما برح

شحال ليصدّ لحبيبه... مطروح وعياله سليبه
ومسبيه تروح عجيبه.. وراس الوالي عله الرمح


صعبه زينب مسبيه..
وبالشام ماتت رقيه..
ونطب مجلس وصروح..
عمري خلص بالنوح..

°°°°°°°°°°°°°°°°°°°

كل ما اشوف العذب.. نار بقلبي تشتعل
أذكر ظامي الحشا.. واعوف الشرب ما احتمل
ودمعي يسيل من الجفن.. واذكر كربلا وشحصل

بعيوني مطبوعه صور .. ظهر مكسور عله القمر
واطفال ايتام من الصغر.. وشبان ورود تنجدل


وحسين مصيوب بقلبه..
وزينب تنحبِ بقربه..
وتنعى بقلب مقروح..
عمري خلص بالنوح..

°°°°°°°°°°°°°°°°°°°

حلّت ساعة منيتي.. وباجر اتوسد بقبري
مسموم وعيني بلطفوف.. نار وخيم شرد فكري
أشاهد جم طفل يصرخ.. ودمعاتي من الحزن تجري

وتنادي العقيله تنوح.. يا عمه قلي وين نروح..
وآنه شفت حسين مطروح.. قلت فرّوا والدمع يجري


ممرود قلبي من لجرى..
شفت احبابي معفّره...
شفته ابويه مذبوح..
عمري خلّص بالنوح..

°°°°°°°°°°°°°°°°°°°

#أمنن #علينا #برضاه
#يا_صاحب_الزمان

#طور
#الفراق

*لسان حال مولانه الباقر عند احتضار والده مولانه زين العابدين عليه السلام ...*


بويه بويه قلبك جروح ونوايب
بويه بويه محزون وفاقد حبايب
بويه بويه الدهر راوانه العجايب


باحتضارك كربلا شفتها بعينك
باحتضارك ما خمد بويه ونينك
باحتضارك تجري الدمع خدّينك


بوداعة الله يل رحت شايل هموم
بوداعة الله قلبك نيران ودموم
بوداعة الله تاليها بويه مسموم


آه يبويه آثار اقيود بإيدينك
آه يبويه مسموم وزرقه متونك
آه يبويه تذكر حسين بونينك


شقد هضيمه عفت الديار بيا فجيعه
شقد هضيمه ضاقت علينه الوسيعه
شقد هضيمه خليت اقلوبنه وجيعه


#أمنن #علينا #برضاه
#يا_صاحب_الزمان

#لطمية
#طور يمجهز حسين

*مولانا زين العابدين عليه السلام*


يا باب النجاة شفت شكم مأساة
زفرات وآهات وتسيل العبرات

°°°°°°°°°°

يا علي السجاد عمرك صار هموم
لو تشرب الماي تبجي عله المظلوم
تنحب ليل نهار محزون ومالوم
مذبوح بعاشور وتسيل العبرات

°°°°°°°°°°

كم طفل عطشان يصرخِ وشفته
كم جسم مطروح عالثرى عفته
كم صدر مرضوض بعينك عاينته
وكم زند مبتور يطلب الثارات

°°°°°°°°°°

عليل ومأسور يتقيّد بحبال
قلبه من عاشور مجرّح بِ لنبال
لو حضر ايوب شاهد الاهوال
يا صبر ليحمل وتسيل العبرات

°°°°°°°°°°

مسموم وغريب يا زين العباد
جرحك ما يبرى ما شلت السواد
تلهج بالعزاء لِيومِ المعاد
بقيع الآهات يطلب الثارات

°°°°°°°°°°

وحتى بالممات ما تغيب الآهات
مرسومه الاحزان تشهق العبرات
يمتى يالغايب تطلب الثارات
ويّاك وننحب نهتف للثارات

°°°°°°°°°°

#أمنن #علينا #برضاه
#يا_صاحب_الزمان

⬛️◾️▪️⚫️﷽⚫️▪️◾️⬛️
كأني برأس الامام الحسين ع يخاطب العقيله ع
بطور(زينب اجت لحسينها-الشيخ الحسناوي)
https://m.youtube.com/watch?v=T2Tw23XVQ-E
وتقرأ بألحان مختلفه

🏴 القصائد والنواعي المكتوبه *(لصفر والسيدة رقية ع و الامام الحسن ع)* #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg
▼
وضعچ فجعني زينب
گلبي اعله حالچ يلهب


چم يوم اموگفينچ
للشام و امدخلينچ
ما ينسمع اونينچ
و الله عليهم يضغب


يا أختي المالومه
شتموچ يا مظلومه
يا بت علي محشومه
بيچ الزمن ظل يلعب


ما أدري شيطلبونچ
و اگبالي ايضربونچ
و امورمه ميراعونچ
بمصابچ آنه اتعذب


يا زينب احمي اسكينه
منعي الشمر و ايدينه
لا يغدر اكثر بينه
لا تسمحي له يگرب


طگوا طبول الفرحه
دمعچ منو اللي ايمسحه
همچ شنو اللي ايشرحه
و آنه اعله رمحي انحب
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ـــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

📋 فهرس دروس #الخطابة_الحسينية_من_دون_معلم

📌 المبحث الأول: #الونة

📌 المبحث الثاني: #أطوار_الشعر_الفصيح
🔸 ١- #طور_الدرج
🔹الف - #طور_الدرج_العادي
🔹 ب - #طور_الدرج_الفارسي
🔹 ج - #طور_الدرج_الجنوبي
🔸 ٢- #طور_المثكل
🔸 ٣- #طور_التخميس
🔸 ٤- #طور_الدشت
🔸 ٥- #طور_الحدي
🔸 ٦- #طور_القزويني
🔸 ٧- #طور_العاشوري
🔸 ٨- #طور_الركباني
🔸 ٩- #طور_الزريجي
🔸 ١٠- #طور_الكعبي ( #المقتل )
🔸 ١١- #طور_الهادئ
🔸 ١٢- #طور_الفايزي (الفائزي)
🔸 ١٣- #طور_النايلي
🔸 ١٤- #طور_الملائي

📌 المبحث الثالث: #أطوار_الشعر_الشعبي
🔸 ١- #طور_النعي
🔸 ٢- #طور_الزريجي
🔸 ٣- #طور_الهادئ
🔸 ٤- #طور_الملائي
🔸 ٥- #طور_الجنوبي
🔸 ٦- #طور_النايلي
🔸 ٧- #طور_العاشوري
🔸 ۸- #طور_الركباني
🔸 ٩- #طور_الدشت
🔸 ١٠- #طور_الحدي
🔸 ١١- #طور_العراقي
🔸 ١٢- #طور_الموال
🔸 ١٣- #طور_الفايزي

📌 #الملاحق:
🔸 ١- #قرائة_المصيبة
🔸 ٢- #بيت_التخلص
🔸 ٣- #قرائة_الأوزان_بالأطوار
*مجموعة باب الحسين (ع)*🏴

#٢٨_رجب_خروج_الإمام_من_المدينة
#في_الخدمة_المقدسة
#طور_الجفيري

لسان حال الإمام الحسين (ع)
عند وداعه قبر جده (ص) والزهراء(ع)

ودّعتچ الله ديرتي
بمشي ومعاية عيلتي
تارك هلي وكل عزوتي
ومعهم عليلة تنتظر

أجرك ع الله يالحبيب
بحسينك ليگضي غريب
لون السّما يصبح عجيب
يومن يحز نحري الشّمر

جيتِك ياعمري وجنّتي
تسبقني يمّه دمعتي
خليكي يمّي بمحنتي
أيام ويخلص هالعمر

أقصد گبر خويه الحسن
اگعد وسولف هالمحن
وصوته يناديني بشجن
بوداعة الله يالطهر

رايح انا لأرض الطّفوف
جنب النّهر دمي يطوف
وتگطّعن جسمي السّيوف
وعالثرى خدي يعتفر

#منال_بجيجي
نسألكم الدعاء 🙏
https://tttttt.me/manalbjeiji83

#في_الخدمة_المقدسة
#محرم_١٤٤٦
#طور_الجفيري
#درب_السبايا


درب السبي ما أصعبه
كل حُرمه تمشي مُتعبه
كل طفله تبچي ناحبه
وين لأبو وين المُعيلْ

زينب تقودِ القافله
وفگد الأهل تتحمّله
ونار بگلُبها شاعله
وين المحامي والكفيلْ

لْهموم عليها دائره
والدمعه منها ثائره
تتحدى عُصبه جائره
تحمي اليتامى والعليلْ

زينب وحيده وصامده
صرخة ألم متمرده
بالصبر تقهر هالعدا
هذا الأسى تشوفه جميلْ

وراس الأخو فوق الرمح
ماتنسى لحظةِ الذبح
مين لْيداوي هالجرح
هذا المصاب والله ثگيل

رمل الصحاري هم ينوحْ
من داستِ عْليه الجروحْ
ورد الأسى ريحه يفوحْ
تسقيه دْموع لْي تسيلْ

#منال_بجيجي
https://tttttt.me/manalbjeiji83

#٢٨_رجب_خروج_الإمام_من_المدينة
#في_الخدمة_المقدسة
#طور_الجفيري

لسان حال الإمام الحسين (ع)
عند وداعه قبر جده (ص) والزهراء(ع)

ودّعتچ الله ديرتي
بمشي ومعاية عيلتي
تارك هلي وكل عزوتي
ومعهم عليلة تنتظر

أجرك ع الله يالحبيب
بحسينك ليگضي غريب
لون السّما يصبح عجيب
يومن يحز نحري الشّمر

جيتِك ياعمري وجنّتي
تسبقني يمّه دمعتي
خليكي يمّي بمحنتي
أيام ويخلص هالعمر

أگصد گبر خويه الحسن
اگعد وسولف هالمحن
وصوته يناديني بشجن
بوداعة الله يالطهر

رايح انا لأرض الطّفوف
جنب النّهر دمي يطوف
وتگطّعن جسمي السّيوف
وعالثرى خدي يعتفر

#منال_بجيجي
نسألكم الدعاء
https://tttttt.me/manalbjeiji83/233