#في_الخدمة_المقدسة
#الأربعين
#صفر_١٤٤٦

(نعي شعبي)

لسان حال الزوار عند ضريح الإمام الحسين عليه السلام يوم الأربعين


بيوم أربعينك سيدي حضرنا بكربلا
نِشْكُر الله ونِحْمِدَه عْ لَهذي المنزله

مثلْ جابر إجينا إلكْ نركض بْلهفه
إنتَ الحبيب ونِرْتجي منّك الزُّلفه
كِلْ جروحِ الشوگ بحضرتكْ تشفى
وانتَ تنادي زوّارك بيا هلا

حِضَرْناك ونِحْمل أشواق المُحبين
قلدونا الدّمعه والخطوه والأنين
واحنا نوصِّلْ أمانَتْهُم والحنين
ونْجَدّدْ إلكْ كل سنه عهدِ الوِلا

نوگفْ يم ضريحكْ سيدي وننعاك
نِذْكِرْ مْصابك وانتَ مخضّبْ مْن دماك
مطروح عْ لَثرى وأنصارك وْياك
ونِذْكِرْ مْصاب العقيله وسبي لعايله


#منال_بجيجي
https://tttttt.me/manalbjeiji83

#في_الخدمة_المقدسة
#شهادة_الإمام_الرضا ع
#صفر_١٤٤٦

(نعي شعبي)


مولاي يالرضا يا ثامن الأطهار
وسفه ع لحالك وانت غريب الدار

جارت الأيام وْمن المدينه طلعوك
تودعنْ جدّك وتدري مايرجعوك
ماراعوا حُرمتك بس ودهم يذلوك
وانتَ المناره لي تشع من بني المختار

تِشتعل نيران البُغض بگلوب الأرجاس
ضيگوا عليك بأمر من بني العباس
تتحمّل كل الأذى ياسيدي النبراس
ودسولك سُم الحقد عُصبة الأشرار

واختك المعصومه ما لحگت تشمّك
كان ودها تحضرك وتقاسمك همّك
وهذا جوادك يگعد ياسيدي يمّك
يدفْنك بغربه وگلبه متألّم وْمحتار


#منال_بجيجي
https://tttttt.me/manalbjeiji83