قصيدة للسيدة زينب ع بخدمة الرواديد و القراء
#استشهاد_السيدة_زينب ع
كلمات #حسين_شعيب
#شعبي_عراقي



يا رب .. زينب .. خلّيني اخدمها لحد يوم المنيه
يا رب .. زينب .. راحت بِلا احسين و ابو فاضل سبيه


(١)
زينب للشام ... ويّه الايتام .. راحت مجتوفه
زينب ويلاه .. خاوَتها الآه .. والويل تشوفه
شافت ارجاس .. يمّ العباس .. تِرفسله جفوفه
ويّه الاجناب .. راحت بِعْتاب  .. الديوان الكوفه

يا رب .. من طب .. ضعن العقيله للقصر ماتت رقيه
يا رب .. زنيب .. راحت بلا حسين و ابو فاضل سبيه


----------------


(٢)
حاشى الولهان .. يعرف نسيان .. ابضل يبجي ابلوعه
يبجي الاطفال .. لو شاف حبال .. مَتْهيد ادموعه
زينب عالتل .. شافت مقتل .. ضلّت مفجوعه
عاشت اوجاع .. احسين اعله الگاع .. مطحونه اضلوعه

يا رب .. أنحب .. كل ما یِمر طاري الحسين اعله الوطيه
يا رب .. زينب .. راحت بلا حسين و ابو فاضل سبيه


----------------


(٣)
اعله المسبيه .. اويه الغُربيّه .. بتقصيري أدري
أبجيها يوم .. اوهيّه اعله الدوم .. دمعتها تجري
اعله المسبيات .. ابلطم الوجنات .. لو أقضي دهري
التقصير ايضل .. اويه الفوك التل .. نادت يا عُمري

يا رب .. یلهب .. جفن  البرائي بالليالي الزينبيه
یا رب .. زینب .. راحت بلا حسين و ابو فاضل سبيه


-----------------


(٤)
زينب آيات .. كلها ويلات .. يقراها المهدي
يقرى عمّه .. وينظر دمّه .. امن المدمع يبدي
دمّه اعله الخد .. يجري و يمتد .. حد يوصل خدي
خل يحجي القوم .. هذا المعصوم .. لازمني ابيدي

يا رب .. أصعب .. موقف اذا يوم اتركت هاي العزيه
يا رب .. زينب .. راحت بلا حسين و ابو فاضل سبيه

قصيدة #شهادة_الامام_الكاظم ع
#شعبي_عراقي
كلمات #حسين_شعيب


على المسموم .. اضل مألوم
مع المهدي .. أنوح دموم

*****

رجب شهر المآسي .. بيه الطم اعله راسي
جان اعله زينب قاسي .. وعلى موسى ابن جعفر
موسى بسجن عذابه .. بجى حسين ومصابه
السجن مقفوله بابه .. السبي زينب تذكر
زنزانته الرهيبه .. تذكره بالمصيبه
ام الخدر غريبه .. وسرت وحيده بالبر

لجل زينب .. يضل ينحب
دليله صار .. جمر يلهب

*******

 موسى ابن جعفر راهب.. ما عافته النوائب
يبجي على المصايب .. اللي عاشتها السبايا
دمعه على خدوده .. ما تنحمل قيوده
وتجرحت زنوده .. يتنفس الرزايا
سوط العدو كَجمره .. من ينزل اعله ظهره
بمتن زينب يِذكره .. وبحركة العبايه

يشوف البين .. دنا هالحين
بعد ساعات .. يلاكي حسين

*******

الكاظم لمَن تسمم .. كبد السما تألم
عرش الصبر تهشم .. على هاي الرزيه
على جسر الرصافة .. نعش موسى حسافه
جفن جبريل شافه .. وخجل من الزجيه
جنب قصر الامارة .. انبنت قبه ومناره
يضل خالد مزاره .. بنواحي الكاظميه

حبيب الله .. عظيم الجاه
ألف هارون .. فلا يدناه

********


مجلس امامي يبدي .. بألف لعنه اعله سندي
جرح دليل المهدي .. منهو اليجي و يشده
المهدي بدعاء الندبه .. لابن جعفر يندبه ..
نار الحزن ملتهبه .. يسمع رزايا جده
كل مجلس ويجيله .. نسمع صدى عويله
على موسى ورحيله .. ايضل يلطم اعله خده

عزا الكاظم .. ابن فاطم
ليوم الدين .. يضل قائم

#محرم_١٤٤٦
#ليلة_الأكبر
#شعبي

في خدمة الخطباء
[الطويل]


ناداهِ بقلبْ مفجوعْ .. ودمعةْ الشّيبةْ غطّاها
إشهدْ عالعدا جاهُمْ .. أشبَهْ خلقَكِ بطه

نُطقه منطِقِ العدنانْ .. والعدنانْ يوحى لَه
تَقوى وهيبةِ الكرار .. ومِنِ الزّهرا البَها نالَه
يِقتلونَه العِدا عطشانْ .. ويوذرونْ أوصالَهْ
وهوَّ ما يبالي بموتْ .. روحه للولي اهداها

ومِنْ صارِ الولَدْ عالگاع .. هرولّهْ الأبو بحسره
وذَب جسمهْ على جسمهْ .. مثلِ الرّوحةْ محتضره
على الدنيا العفا بعدَك .. خذِتْ من والدَك عُمره
تمنّيتِ المنيّه لو .. سويّه يبني نلگاها

وناذا عالخِيَم هاتو .. حصيره نجمِّعِ الأكبرْ
قطعة قطعة سوّونه .. على حمله فلا أقدرْ
كَفكَف دمعهِ بكمّه .. ورجعْ ينعى الى الخدَّر
خبري ليلى يا زينبْ .. وصبْريها عْلى بلواها

#اللهم_عجل_لوليك_الفرج
https://tttttt.me/ali_almortada5

#محرم_١٤٤٦
#المسير_الى_كربلاء
#شعبي

في خدمة الخطباء
[الطور البحراني]


عدّلِ المحملِ ودقِّ بإيدهِ ضلوعه
ونادى أنا العبّاسْ لِيصونِ الوديعه

بايدي اصعدك يختي للهودج ونزلِكْ
حاشا يبِنت الطاهرة يشوفونَه ظِلِّكْ
بعيوني أحرس خدركِ ومحّد يصلِّكْ
يا عزّةِ الإسلامْ واركانهْ المنيعَهْ

وصّتني أمي بيكِ وتدريني وفّايْ
سمّتني ساقي وعادتي احضرلِكِ المايْ
لكنْ عصر عاشورا ما ترحمنيِ عدايْ
يتكاثرونِ وانطرح جنبِ الشّريعَهْ

بعامودْ يا تاجْ راسي تتفلّقِ الهامْ
وْعيني اللي تحرس هالخدرْ تطفيها لِسهامْ
وكفوفي يختي بالغدر يقطعها ظُلّامْ
يتقوّص ظهر لحسين من هول الفجيعة

وبعدِ الولي تبدا مصايبنا الثقيلهْ
تلهبْ خيمْ بالنّارْ وتصيري الكفيلهْ
وقبالْ ذبّاحي تصعدينِ الهزيلهْ
والقطّعْ كفوفي يتباهى بصَنيعهْ

#اللهم_عجل_لوليك_الفرج
https://tttttt.me/ali_almortada5