#زينب_وعلي
جديد محرم ١٤٤٣ هجرية قصيده بعنوان (الحگنه يكرار) لسان حال السيده زينب تستغيث بأبيها علي


الحگنه يكرار حاطتنه الاخطار
اخونه نايم عالثره وحرگونه بالنار


بغيبة اخوتي يا علي زجر الولانه
عالنهر يا حيدر بگه طايح لوانه
بطيحة كفيلي ياعلي العسكر لفانه
بويه رقيه هل صاحت حرگوا خبانه

تدري يمغوار تاهت الافكار
اخونه نايم عالثره وحرگونه بالنار
▪️▪️▪️▪️▪️▪️▪️▪️▪️▪️▪️▪️▪️
مرعوبه الأطفال علي مشدوهة البال
خيل وزلم يا حيدره ما ظلت ارجال
واخيمنا حرگوها العده واتغير الحال
متحيره بنتك بگت وي لمة اطفال

وشملنه طشار ياحامي الجار
اخونه نايم عالثره وحرگونه بالنار
▪️▪️▪️▪️▪️▪️▪️▪️▪️▪️▪️▪️▪️
جلجل الليل اعله بنتك بويه بظلامه
زينب وحيده يا علي وتحرس يتامه
فوگ الرمح راس الولي ابلايا عمامه
وسوط الشمر فوگ المتن خله علامه

حارت الأفكار وي متن الزغار
اخونه نايم عالثره وحرگونه بالنار
▪️▪️▪️▪️▪️▪️▪️▪️▪️▪️▪️▪️▪️
ناديتك بدمع اليهل يابويه احضر
وحيده زينب ياعلي وبگت تتنطر
جيوش العده يابالحسن حاطت الخدر
ريتك تشاهد يا علي شيبني منظر

مرعوبه الزغار مشبوحة انظار
اخونه نايم عالثره وحرگونه بالنار
▪️▪️▪️▪️▪️▪️▪️▪️▪️▪️▪️▪️▪️
تدري بل يذبح يا علي جلمة سبيه
عادي يبويه اتحملت أصناف البليه
ذبح وقتل وحرگ الخيم بالغاضريه
وبينه تشفت يا علي ازلام اميه

احجيلك اخبار من فعل الأشرار
اخونه نايم عالثره وحرگونه بالنار


تمت بعون الله تعالى
خادمة الزهراء / ليلى زغيب



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin