#دمعة_المهدي~*
تحچي دمعة المهدي قصة من ليالي الشام
من يم النهر تبدي وترسم عالخدود آلالام
الأميرة بالسبي مشيت عجيبه رافگت ظِلّام
عافت خيمة محروگه بخدرها شبّت النيران
〰〰〰〰〰
ظهرها محني من المصاب من لمن وگع عباس
وشافت عالنهر چفين واويلي وشاب الراس
ومن هجموا على خيمها طلعت تنخى ابوالنوماس
گوم ادركنا يا خويه علينه هجمت العدوان
〰〰〰〰〰
يبچي المهدي دمعاته لعمته الصابره الحرّه
شافت عالترب اخوها اويلي منذبح نحره
وشافت حافر العدوان انطبع واويلي عا صدره
كلما يذكر المشهد المهدي ينتحب باحزان
〰〰〰〰〰
ريحة حرگ المخيم وعباية وحبل بالزندين
آثار الذبح والسيف وعالصخرة راس الحسين
وقميص المنذبح منشور بيه آثار للچفين
وكل قطرة دمه تنشد ثار المنذبح عطشان
خادمة آل محمد✍🏻