يارسول الله بعيادك.. نحي هالليله ميلادك
المحفلك كلنه إجينه
مولدك غالي علينه
فرحتنه لاماتنوصف يلحير ابوصفه الدهر
مانحچي مُجمل سيدي نحچيلها لك بالمختصر
بن عمك انشق له الجِدار وانته لك انشق القمر
كلّك معاجز سيّدي يلثغرك يسولف سِور
جنه بگلبك تفوح. ميلادك هوه الروح
نورك بالسمه يلوح
يا اللي بيك افتخر آدم
رحمتك غطّت العالم
عايش بكل ذره بينه
مولدك غالي علينه
………… ..
بخلاقك اتحير العقل واشعاري يصعب تشرحك
شمدحك آنه يالنبي بس الله هوّه اليمدحك
واضح مثل نور الشمس موحاجه حدّ ايوّضحك
يمتنّه بينه كل محب لومره وحده يصافحك
نبني بكل گلب غار. بيه نرتلك اذكار
ونقرا بمدحك اشعار
ومانِمل احنه من ذِكرك
ويرسي مركبنه يم بحرك
غرگه وانمد لك إيدينه
مولدك غالي علينه
………… ..
مكه بقدومك ازهرت وبدرك يبوالزهره اكتمل
طاح الوثن ياسيدي وماكو بعد لات اوهُبل
صارت هلاهل بالسمه والكون هالليله احتفل
ومن العرش باقة فرح تسلّمها جبريل اونِزل
نورك يزهي بالعين. مثلك ينوجد وين
ياخير النبيين
شنهو احچي بعد عنّك
كل ملك تايه بحِسنك
وكل نبي لجلك حَنينه
مولدك غالي علينه
…………
بجنح المحبه للسمه نعرج ويسبگنه الحنين
للقبه الخضره بفرح ريت احنه يمك زائرين
مايبس غصن امحبّتك مهما تِمر بيه السنين
تدري العشگ ليك انخلق وانصغنا منك ماي اوطين
ماغيرك نِحبّه. نحرم لغلى كعبه
يا اللي يمدحه ربه
نعشگك يا ابوالزهره
وانته حبك من الفِطره
واحنه ذِكرك مانِسينه
مولدك غالي علينه
……… .
يالهادي من گد ماترف جبريلك بوجهك صفن
وبسمك إذا اذّن بلال الگه الجهات اتخضّرن
وكل الجمادات اشعجب لوبيها مر شخصك حِچن
دنيانه منفى سيدي وگلبك لأحبابك وطن
صحره ويروّينه.. حبك يهادينه
يا الغالي اعلينه
كلها دنيانه مسروره
والسمه زانت بنوره
صاحب الروح الحنينه
مولدك غالي علينه
تمت صادق سوّيد
#خطباء_المنبر_الحسيني
#قسم_الرجال
المحفلك كلنه إجينه
مولدك غالي علينه
فرحتنه لاماتنوصف يلحير ابوصفه الدهر
مانحچي مُجمل سيدي نحچيلها لك بالمختصر
بن عمك انشق له الجِدار وانته لك انشق القمر
كلّك معاجز سيّدي يلثغرك يسولف سِور
جنه بگلبك تفوح. ميلادك هوه الروح
نورك بالسمه يلوح
يا اللي بيك افتخر آدم
رحمتك غطّت العالم
عايش بكل ذره بينه
مولدك غالي علينه
………… ..
بخلاقك اتحير العقل واشعاري يصعب تشرحك
شمدحك آنه يالنبي بس الله هوّه اليمدحك
واضح مثل نور الشمس موحاجه حدّ ايوّضحك
يمتنّه بينه كل محب لومره وحده يصافحك
نبني بكل گلب غار. بيه نرتلك اذكار
ونقرا بمدحك اشعار
ومانِمل احنه من ذِكرك
ويرسي مركبنه يم بحرك
غرگه وانمد لك إيدينه
مولدك غالي علينه
………… ..
مكه بقدومك ازهرت وبدرك يبوالزهره اكتمل
طاح الوثن ياسيدي وماكو بعد لات اوهُبل
صارت هلاهل بالسمه والكون هالليله احتفل
ومن العرش باقة فرح تسلّمها جبريل اونِزل
نورك يزهي بالعين. مثلك ينوجد وين
ياخير النبيين
شنهو احچي بعد عنّك
كل ملك تايه بحِسنك
وكل نبي لجلك حَنينه
مولدك غالي علينه
…………
بجنح المحبه للسمه نعرج ويسبگنه الحنين
للقبه الخضره بفرح ريت احنه يمك زائرين
مايبس غصن امحبّتك مهما تِمر بيه السنين
تدري العشگ ليك انخلق وانصغنا منك ماي اوطين
ماغيرك نِحبّه. نحرم لغلى كعبه
يا اللي يمدحه ربه
نعشگك يا ابوالزهره
وانته حبك من الفِطره
واحنه ذِكرك مانِسينه
مولدك غالي علينه
……… .
يالهادي من گد ماترف جبريلك بوجهك صفن
وبسمك إذا اذّن بلال الگه الجهات اتخضّرن
وكل الجمادات اشعجب لوبيها مر شخصك حِچن
دنيانه منفى سيدي وگلبك لأحبابك وطن
صحره ويروّينه.. حبك يهادينه
يا الغالي اعلينه
كلها دنيانه مسروره
والسمه زانت بنوره
صاحب الروح الحنينه
مولدك غالي علينه
تمت صادق سوّيد
#خطباء_المنبر_الحسيني
#قسم_الرجال