#خروج_زينب

مقارنه بين خروج زينب عليها السلام من المدينه وخروجها من كربلاء

تجهز للمسير حسين ونادى يا بني عدنان
اباشيل من المدينه ياالله طلعوا النسوان

المحامل كلها جهزوها ونسا هاشم دطلعوها
بعز وجاه جيبوها وياخواني بهيده دركبوها
تدرون بيها مدلله ليكون بصهيل الخيل تروعوها
بزودكم هالحراير دقوموا نريد أرض كوفان
▪️▪️▪️▪️▪️▪️▪️▪️▪️▪️▪️▪️

طلعت زينب بعز وعباس البطل دگ صدره
والاعلام فوق الراس تحرس زينب الحره
طول الدرب والعباس يباري محمل الدرّه
وزينب تدعي يارب سلم چفوفه لگمر عدنان
▪️▪️▪️▪️▪️▪️▪️▪️▪️▪️▪️▪️

نزلوا برض البلا وحاطتهم جيوش الكفر
ويوم العاشر الحره غادرت شمسها وي الگمر
نومه على حر الثرى واستعدت لليسر
ودعتهم من بعيد وبحبل امچتفه الذرعان
▪️▪️▪️▪️▪️▪️▪️▪️▪️▪️▪️▪️

طلعت يويلي اشلون طلعه والشمر يحديها
وبعد عينك يبو فاضل ابن الرجس يبديها
زينب المعروفه بخدرها اندار الزمان اعليها
ووقفه اشلون وقفت يخوها بوسطة الديوان


تمت بعون الله تعالى
خادمة الزهراء / ليلى زغيب


الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin