واويلاه يازهراء

https://youtu.be/ycVACysKEvc

#جديد_في_خدمة_الرواديد_والقراء
#شهادة_السيدة_الزهراء
#١٤٤٢ه‍ـ

أيَّانَ تظهرُ يا ابنَ بنتِ محمدِ،
لتُشِيدَ للزَّهراءِ نورَ المشهَدِ

أيَّانَ تكشفُ قبرَها يا سيِّدي
فيَقِرُّ دمعُ العينِ عندَ المرقدِ

ما كانَ قصدُ الليلِ تدفَنُ وسْطَهُ؟!
ما كانَ أبْيَنَ من خفاءِ المرقدِ!!

هل ضمَّها القبرُ الخفيُّ مكانهُ؟!
أم عُرِّجت نحوَ العليِّ الأوحَدِ!

يا سرَّكِ المدفونِ وسطَ قلوبِنا،
لكِ في القلوبِ مساكنٌ فلْتخلُدي

يا بضعةَ المختارِ، هل من نظرةٍ
تشفي الصُّدورَ بنوركِ المتوقِّدِ،

أنتِ الكريمةُ والعظيمةُ فاطم
أنتِ البتولُ وأنتِ ظلُّ المسجدِ

قد حيَّرَ السِّرُ الدَّفينُ عقولَنا!
فمتى يَحينُ لقاءُنا في المشهدِ؟!

لنَصبَّ دمعَ العينِ نذرِفُ عندكِ
ونصيحُ بالثَّاراتِ نرفعُ باليَدِ،

ثارَ الحسينِ،وثارَ زينبَ أختِهِ،
ثارَ الأئمةِ، ثارَ وِلدِ الأحمَدِ،

وهناكَ عندَ البيتِ نصرخُ عالياً،
أنْ يا لثاراتِ ابنِ بنتِ محمدِ...

#زينب_فياض
#عظم_الله_أجورنا_وأجوركم

قصائد فاطمة الزهراء عليها السلام #جديد


كلشي بالدنية ضياع ومجلسج نبع الوجود
اليدخل ابستان حبج شيلكة بي غير الورود
ارد اهيمن بالمجالس و اكعد اباب العزاء
خاطر اجزع عالمصيبة ما اريد ابجي ابرود

كون انكع خدودي بدمعاتي عله مصابج
كون وانزل ادموعي واغسل دم اعتابج
كون اصيرن قنبر و اتعبد يم بابج



شكد احب درب المجالس ما اضن يعلا درب
لو عليه يصعب مكانه يندل ادروبة الكلب
كصرتهه الخطوة لجلج يالتحبيني من اجيج
من أصل عتبة عزائج حاير بيا حالة اطب

ريت اطبلج محني وجفوفي عله ضلوعي
ريت انكع افراشات المجلس بدموعي
ريت يخلص عمري و الزهرة موضوعي



الحاضر بهاي المجالس تحسد اوجودة السماء
والدليل ابن مظاهر منيتي كال احضر عزاء
رغم قدسيتة و مكانه لكن اتمنة الحضور
حتة يلطم عله الزجية ويعتلي منه البكاء

نوح يريت ايامي للزهرة اكضيهن
نوح واذا ما يبجن لمصابج اعميهن
نوح علمودي الكافر نسوانج يسبيهن



مقصر وداعت بناتج لو اخلص عمري انوح
شنهي مولاتي علمودي ابنج اتكلتلة الجروح
شعرة من لحية حبيبج تسوة كل هذا الوجود
الما يحب درب المجالس ليا ذنب باجر يروح

ليش علمودي الحافر يتعثر بضلوعة
ليش ترك جم طفلة عله مصابة مفجوعة
ليش بخيل الخادم عالضامي بدموعة



انسبن عندج حراير حتة تتحرر حرمنة
وانسلب ستر الامامة وارتفع رأس الزلمنة
دخلن بسوك ومجالس الما طلع ضلع بعمرهن
يمتة نجزع عالمصيبة بلكت انموت بلطمنة

اااه شكثر اتمنة بالمجلس استشهد
اااه وبالجنة يم فاطم كون اكعد
اااه العايفكم شيحصل من يبعد



خادم خدام زينب عليها السلام
حميد كاظم الشمري

قصائد جديد إلى استشهاد مولاتي فاطمة الزهراء عليها السلام #جديد

يخلص ليل فاطم تجري دمعتهه
ماكو انسان ما ناح لمصيبتهه


عادة البل عرب كلكم تعرفوهه
ماتنطنك الحرمة ولا يشوفوهه
جا ليش الزجية اباب عصروهه
وضلوع الزجية جذوع كسرتهه


عين الزهرة صارت يا علي حمرة
واضن خدهه انشلع من شدت السطرة
شلون انطاك كلبك تنطك الزهرة
و يحركهه الجفن لو جرت عبرتهه



كسر العظم تكدر يا علي تجبرة
بس كسر الضلع ما ينجبر كسرة
والمكسور ظلعة ينكسر عمرة
وصعبة يا علي فاطمة فركتهه



يم عتبت الباب وتنسمع ونتة
دم شاف بعتبة وحيرة معرفتة
دم اوليدة هذا لو ظلع مرتة
وتموتك يا علي فاطمة بموتتهه



روحك يا علي مو كصتك تعرك
لان مو هينة عربي وحرمتك تنطك
شلون انباك حكّم وانتم اهل الحك
وصية طه ليش الناس خانتهه



اباب الدار يكعد يهمل العبرة
ويتمنة المنية بفركة الزهرة
و ليلية يسوي قراية للفقرة
ونكعت من دموع الفقرة عتبتهه



خادم خدام زينب عليها السلام
حميد كاظم الشمري

#جديد الليالي الفاطمية.
ختمة عزاء .. .
.
أويلاه. يا فاطمه
.
هم رحتي شفتي كربله .. بيها الشباب امچتله
بعيالچ ايحيط الخطر .. وسط المخيم زلزله
وسط المخيم زلزله
.
شفتي بلحسين اشجره
خده افترش ارض الفلا
ياويلي طر چبده الظمى
وبگلبه نبيلة حرمله
گاعد على صدره الشمر
يالزهره منهو اينزله
سل سيفه باشر بالذبح
كامت تشوفه العايله
نحره 12 طبره انطبر ..
محبوبچ اليوم انوله
يافاطمه دمه جره. ..
ما ظل ولا ناصر. اله
ياويلي گطعوا منحره ..
صاروا سبايه كل هله
گطعوا چفوفه وخنصره ..
شدو رقيه ابسنسله
راسه ارتفع فوك الرمح ..
زينب مشت بالقافلة
زينب مشت بالقافلة
أويلاه يا فاطمه
.
.
هم رحتي صوب المشرعه. شفتي الچفوف امگطعه
ضحى الكفيل ابمهجته .. لجل الخدر. والمقنعه
لجل الخدر والمقنعة
.
يالزهره زينب عالنهر
شافت يويلي مصرعه
بالدمعه تنظر جربته
بعينه السهم ما طلعه
نادت يخويه يا شهم
صوت الشمر هم تسمعه
أينادي طلعوا بت علي
چفك بعد شيرجعه
ظلت رقيه ابلا ابو
ظلها الشمر ظل يتبعه
سلب تراچيها النذل
وبخدها طبعة أصبعه
متني من السياط انذبح
كل طگه دم أمرصعه
لكن ولا طاح اللوا
بچفوفي خويه ارفعه
بچفوفي خويه ارفعه
.
.
حگي اذا درت النظر .. عن حالچ بيوم الخطر
يافاطمة ابو الحسن .. بچفوفه شالچ للگبر
بچفوفه شالچ للگبر
.
يا فاطمه عندچ ضلع
واحد تهشم وانكسر
بالعصره گطعولچ نفس
من مهجتچ غاب النظر
شوفي الحسين ابكربله
فوگ الترب صدره انحفر
حافر اذا مس الضلع
يترك على الگاع الأثر
10 الخيول الداسته
طلعت ضلوعه من الظهر
اطشر ابنچ بالفلا
لازم تدورين النحر
بين الخيم والمشرعه
عالتله لو درب السفر
يالزهره دوري خنصره
بيا حفره شوفيه استقر
وحدچ تلمينه صعب
متوذر احسينچ وذر
متوذر احسينج وذرچ
.
.
نزلت دموعي أمحيره .. موقف اريد اتصوره
عبدالله ليش الياسبب .. يالزهره گطعوا منحره
يالزهره گطعوا منحره
.
ليش العطش اصبح ذنب
وتصيبه نبله اتعفره
عبد الله يتروه ابدمه
من العصابه الكافره
مايشعر ابحر السهم
يشعر ببوه الينظره
أحا ينبلة حرمله
گلب الحسين اتمرمره
عبدالله كلش منقهر
والعله شنهي ياترى
كاروكه بالنار احترگ
وهدومه كلها امبعثره
بالذبحه الگماط انفتح
بي شدوا ايد الطاهره
عبدالله من نام ابگبر
هدموا عليه المگبره
راسه ارتفع فوگ الرمح
ياويلي امه اتناطره
بالخيمه امه اتناطره
.
.
خليني أحظر عبرتي .. شعرت رقيه بلوعتي
گالت يناعي استمع .. راح اروي كامل قصتي
راح اروي كامل قصتي
.
آنه الي چنت امدلله ..
وبحظن ابويه نومتي
گلبي ولا مره احترگ
ولا مره سالت دمعتي
من ليلة الحادي عشر
كملت ملامح غربتي
اظلم غده ابعيني الصبح
محترگه انظر خيمتي
بچفي الشمر شد الحبل
ياشيعه زادت لوعتي
ايعتني كل ساع واطحت
واركض والوذ ابعمّتي
آنه الشفت راس ابطشت
ظليت اونله ابونتي
نمت وشفت چن ابحلم
قبلني ابويه بوجنتي
اخذني وياه ورحت
وسط الخرابه دفنتي
اويلاه. يافاطمه
……………………… .........
لاتنسوني ووالدي من فضل دعائكم المبارك
.
حسن الموالي الفاطمي
.
2018/8/16ـ
القصيدة محرمة على منشدي الـ DJ





https://tttttt.me/joinchat/AAAAADyvNcFdjoQh-74liA

لـ استقبال شهر محرم

هلالك يامحرم هل خل نواسي الزجيه

`````````````````

بهلالك خل نواسي الزهره
ونبجي بحزن نسجب العبره
كل شيعي لازم ياخذ اباأجره
يم فاطه تلكاهه ساعات المنيه
________
بهذا الشهر نبجي بحزن لهل البيت
اكضي العمر لو وياهم هم ياريت
اتمنه بعمري وطفالي لو ضحيت
نضحي بكلشي حتى نفوز يم رب البريه
---------------------------
بهلالك يامحرم يرتفعن الرايات
ونبجي بحزن للراحن مسبيات
مثل مصابك مايمر لا هيهات

على مصابك نبجي بكل صبح ومسيه
-----------------------
بهذا الشهر نرفع رايات العزاء
وبهذا الشهر صاير سفك الدماء
هذا شهر الحزن او شهر البكاء
شهرك يامحرم هل هذ شهر السبايه
---------------------------------------
كل المجالس يل الخدم حضروها
ورايات المجالس كومو نشروها
ولطميات لمحرم يالله هيئوها
هيئو الميمر يل الخدام خل نبجي برزيه
____________

يالله استعدو للخدمه ياخدام
وخل نرفع رايات واعلام
كلمن خدم هذا الشهر مايلام
خل نتعب ياخدام نربح ميه بل الميه
------------------------------------------
#جديد_تم_وبحمدالله


كلمات خادم الحسين/حسن الجحيشي

#جديد لشهادة السيدة زينب عليها السلام

--------------------------------
انه الغريبه الفاگده كل اهلي ياناس
حانت منيتي وانتظر لحسين وعباس
كسري ابد ما ينجبر
كل دمعه من تنزل گبر
حانت منيتي
@@@
حانت منيتي والتفت وانه الغريبه
باعيوني طيف امن الاهل وابراسي شيبه
ضلع وطبر سم وسبي وجثه سليبه
وابعاد عني كل هلي لا مو گريبه

بالشام هد حيلي گبر وسط الخرابه
حين الرقيه بالسبي نادت يا يابه

گلبي عليها منكسر
كل دمعه من تنزل گبر
حانت منيتي
@@@
بين المدينه وكربله والنجف والشام
روحي على اگبور الاهل واگليبي منظام
أيامي بس دمعة ألم واحزاني اعوام
بعد اهلي هالدنيه شمر سوطه اعله لعظام

عندي گلب واحد لَچَنْ ذاب اعله لگبور
ويتلفت الدور الاهل بس خاليه الدور

وامنين اجيبنه الصبر
كل دمعه من تنزل گبر
حانت منيتي
@@@@
جفني التگرّح بالدمع ياهو اليغمضه
عباس وينه ما يجي ويعوف ارضه
مرتين اتغرب عجب بو الغيره يرضه
ما عندي فضه ياخلگ وانده يفضه

مثل البتول ابهالوضع مو يمها حيدر
بالغربه اموت ابلا اهل يم راسي تحضر

هسه انقضه مني العمر
كل دمعه من تنزل گبر
حانت منيتي
@@@@

ما فارگتني كربله والشاطي والتل
درب السبي منّ اركبت والنوگ هزّل
بعد المعزّه ابلا اهل وابلايه محمل
وابمحلس ايزيد ادخلت واعليه يسأل

يتشمّت اعليه ابتسم ابن الدعيّه
عفتيهم ايگلي اخوتچ فوگ الوطيه

مسبيه يا ام الخدر
كل دمعه من تنزل گبر
حانت منيتي

-----------------------
ثامر بوجبارة
١٤-٠٧-١٤٤٢هـ
٢٧-٠٢-٢٠٢١م

*#جديد*

١/قُمْ وعزِّ المرتضى بالمرتضى
فبِسُمِّ الغدرِ قدْ ماتَ الرِّضا
أمسِ طٰهْ وَهْوَ ذَا اليومَ قضى
إنَّهُ فرْعٌ لِأصلِ الفادِحاتْ

٢/لمْ أَقُلْ في ما دهاهُ عجَبا
قاتلُ المختارِ كانَ السَّببَ
قال للمأمونِ قدِّمْ عِنبا
مُحْرِقاً قَلْبَ إمامِ الغزواتْ

٣/يا عَليٌّ قَتَلُوْا السِّبطَ عَلِيْ
قابلوا بالشَّرِّ خيرَ العملِ
في خراسانَ بعيدَ المنزلِ
أفتديكمْ في اغترابٍ وشتاتْ

٤/رحلَ المولى بروحٍ واجمهْ
وهوَ يدعو باكيا : يا فاطمهْ
عندَها يُحْيي الليالي القادِمهْ
لمْ يزلْ يذْكُرُها بعدَ المماتْ

٥/يا عليٌّ قمْ أعِنْهْ كيْ يرى
خلفَ بابِ الدَّارِ ضِلْعاً كُسِرا
وعلى الأعتابِ سِقْطاً عُصِرا
إنَّكَ الشاهدُ تلكَ النائباتْ

٦/آهِ لكنَّ الذي يُوْريْ الشُّجونْ
إنْ رأى حُمْرَةَ لطمٍ في العيونْ
ما كفاهُمْ سوَّدوا منها المتونْ
نصبَها جرُّوكَ يا ذا الحمَلاتْ

*الشاعر علي عسيلي العاملي*

*تمت بعناية الحجة (عجل الله فرجه) مرقد أمير المؤمنين عليه السلام ٢٩ صفر ١٤٤٤هج*

*#جديد*

خلصت ايام العزاء وبعده ما غار الدمع

شلون ينشف دمع عين الگلبه بيكم منفجع


١ / هو بالواقع العارف أبد ما يخلص عزاه

مو قضية صفر يخلص وانگضى حزنه وبچاه

الحزن دايم للظهور، لساعة الينشر لواه

هناك يتجدد عزانا من نداءه نستمع


٢ / إحنا شيعة الغاب عنا أطهر وأشرف إمام

وبغياب المهدي أصبح كل فرح عدنه حرام

نبگى محزونين حتى نشوفه بالبيت الحرام

شايل الراية العليّة بثار جدّه يندفع


٣ / حتى لو رايد تخلي عالتقاويم العمل

بأول ايام الربيع يكون ما نشبع وجل

عدنه معصوم وسبايا رِجعَوا بلايا أهل

وبشر ابن حذلم ينادي "ابو الأكبر منصرع"


٤ / عدنا أم أربع بنين تنوحهم ليل ونهار

وفاطمة الصغرى تصيح بدار ابوها الخالي صار

وابن خولة يطيح مغمي ويشتعل دلّاله نار

وسائل يدگ باب إمامه ، وگلبه يرجع منشلع

٥ / عدنا دار الله الچبيرة ببابها اشتعلت النار

وحرمة الله الما رعوها وهتّكوا منها الستار

عدنا رفسة يطيح بيها محسن بكتر الجدار

وعدنا عين تصير حمرة، وقرط منثور وضلع

٥ / عدنا عزنا بحبل ينجرّ ، والوصية تگيّده

وخلفه أمّ حسين تطلع، يرد سالم رايده

حاوطوها وروّعوها وحيل ضربوها العدى

وعلي يصيح استضعفوني يا رسول الجَمِع

٦ / عدنا بالخامس سْكِينه من بعد حِزْنِ الطويل

بموتها خِتمَت عزاها ودمعة الحزنِ الثجيل

ويوم ثامن ابو الغيبة على الأبو يزيد العويل

وإحنا وي مهدينا نبقى بالمآتم نجتمع

*عبد فاطمة*

*#جديد*

الحزن ما ينگطع عدنا على مصاب الطيبين
صَفَر لو خَلّص ، عزانا ما نگِطعه عْلى الحسين

١ / يالتظن يخلص عزانا بصفر إنت مشتبه
هواي عدنا دموع عگبه لا تظل غافي انتبه
عدنا حَرگة دار فاطم ما مثل يومة شِبه
وكسرة ضلوع الزچية وچتل محسنها الجنين

٢ / عدنا لوعة وما مثلها ، لحيدر الينگاد اْسير
عجب ايد الله تگَيْدت بحبل گيد ايد الأمير
وفاطمة تنادي بأثرهم براحته خلّوه يسير
عْليها رد قنفذ بسوطه أظهر الحقد الدفين

٣ / بربيع أول عدنا عيلة ترجع ديار النبي
عگب ما ذِبحَوا اهلها وخلّصت سلب وسبي
وزينب تنادي يجدي خدري شافه الاجنبي
ورضرِضَوا جثة حسينك من عگب گطع الوتين

٤ / عدنا لاْجل سكينة دمعة ، الماتت بخامس ربيع
عگب همها وطول ونها عالأبو الطايح صريع
تجاوزت خمسين عام تنوح عالنحر الگطيع
وصوته يصرخ "اندبوني" وْياها ظل طول السنين

٥ / بثامن ايامه الإمام العسكري يعوف الديار
ويصبح المهدي يتيم ينوحَه بليل ونهار
وتبتدي الغيبة الزغيرة وامتحان الانتظار
يا عزاء نْگِطعه واحنه بهم غيابة مِبْتِلين

٦ / أبد ما ننزع ثياب السود ونظل بالحزن
لحد يطر مصباح تاسع نغمة الفرحة ترنّ
للگلب نصرخ نگله إخذ مهلة لا توِن
إفرح لفرحة الزهره طاح إمام الظالمين

*عبد فاطمة*

*#جديد*

الحزن ما ينگطع عدنا على مصاب الطيبين
صَفَر لو خَلّص ، عزانا ما نگِطعه عْلى الحسين

١ / يالتظن يخلص عزانا بصفر إنت مشتبه
هواي عدنا دموع عگبه لا تظل غافي انتبه
عدنا حَرگة دار فاطم ما مثل يومة شِبه
وكسرة ضلوع الزچية وچتل محسنها الجنين

٢ / عدنا لوعة وما مثلها ، لحيدر الينگاد اْسير
عجب ايد الله تگَيْدت بحبل گيد ايد الأمير
وفاطمة تنادي بأثرهم براحته خلّوه يسير
عْليها رد قنفذ بسوطه أظهر الحقد الدفين

٣ / بربيع أول عدنا عيلة ترجع ديار النبي
عگب ما ذِبحَوا اهلها وخلّصت سلب وسبي
وزينب تنادي يجدي خدري شافه الاجنبي
ورضرِضَوا جثة حسينك من عگب گطع الوتين

٤ / عدنا لاْجل سكينة دمعة ، الماتت بخامس ربيع
عگب همها وطول ونها عالأبو الطايح صريع
تجاوزت خمسين عام تنوح عالنحر الگطيع
وصوته يصرخ "اندبوني" وْياها ظل طول السنين

٥ / بثامن ايامه الإمام العسكري يعوف الديار
ويصبح المهدي يتيم ينوحَه بليل ونهار
وتبتدي الغيبة الزغيرة وامتحان الانتظار
يا عزاء نْگِطعه واحنه بهم غيابة مِبْتِلين

٦ / أبد ما ننزع ثياب السود ونظل بالحزن
لحد يطر مصباح تاسع نغمة الفرحة ترنّ
للگلب نصرخ نگله إخذ مهلة لا توِن
إفرح لفرحة الزهره طاح إمام الظالمين

*عبد فاطمة*

كلمات الشوك

الملا علي الرميثي

https://youtu.be/ShtB2nE57Xg

•{لولا محرم}•

١/ أعدّ الليالي بطريق الظعون
و اريد بدمعتي ألاگي اليجون
من الصادق أطلب لمحرم دموع
فلولا محرم أنا من أكون

أتاني و أعد أحسب
أريد انصب الموكب...و اسهر

أرد آدمي بدمعي
أنا ازكه من أدگ ضلعي...و أطهر

شنو عمري من دونه
بلا مجلس جنونه...شگدر

في محرم عمري ألگاه...من أصيحن واحسيناه
بگلبي يطهر ويّه كل آه...من أصيحن واحسيناه

-بأبي أنت و أمي يا أبا عبد الله-

٢/ أتاني الضعينه بقلق و اشتياق
مخطره الصحاري و درب جيته شاق
أعلگله رايه و احضّرله ماي
هلا يبو الأكبر تشرف العراق

هلا بآل أبو طالب
تحط يمتى و نراقب...رحلك

نتاني يطل نورك
هلا بصحبك و سورك...و اهلك

هلا بريحة الزهرة
أنا برايته الخضره...اتبرك

عمري كلّه مو مواسم...آنه لضعون الهواشم
عمري كلّه أبقى خادم...آنه لضعون الهواشم

-بأبي أنت و أمي يا أبا عبد الله-

٣/ الحياة مو حياة بدون العزاء
الوطن مو وطن بلا كربلاء
بغير الحسين أنا لا أكون
أنا من أنا بغير البكاء

لطم دمعه و اقرايه
و إله أمشي مشاية...عمري

ثواب امي و انذوره
و حطب نار الجدورة...ذخري

علگ صحنه و امراده
و عطر راية السادة...عطري

غيري لأهل الدنيه داخل...و آنه يمك يبو فاضل
وكتي يعدل وكتي مايل...و آنه يمك يبو فاضل

-بأبي أنت و أمي يا أبا عبد الله-

٤/ عليل البواچي محرم دواه
يضيعني وكتي و أظلن معاه
و إذا گلبي صاير حجر أبقى انوح
عذر مالي كون الحجر هم بچاه

يفت الحجر حاله
بقت عينه لعياله...حاير

و لا غالي للغالي
وحيد الظهر خالي...شصاير

توسد رمل هيمه
و طرف عينه للخيمه...داير

لرقية بقه مهموم...واغريباه وامظلوم
بعياله غفه مهضوم...‌‌‌‌‌واغريباه وامظلوم

-بأبي أنت و أمي يا أبا عبد الله-


*الشاعر الموفق مصطفى صادق اللامي*


رابط قصيدة "لولا محرم":
https://youtu.be/8CEKuMcv4YA?si=G5h7c2JJCalAqzVa
_
قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://tttttt.me/MSudane
_
القناة الرسمية للملا مصطفى السوداني على telegram :
https://tttttt.me/Mustafa_Sudane
_

يادار اهلچ وين وين __يادار اهلچ وين
______
أصعب ايام عاليفگدون اول ايام
تبدي العيون من يروحون ترفض اتنام
انوب الاحلام حسره والام مثل السهام
ودمعة العين تكتب حسين صرنه ايتام

يادار اهلچ وين وين __يادار اهلچ وين
__
حمل وشال ماخذ البال الغالي من راح
اصبر اشلون مايرجعون يمته ارتاح
وحدي ضليت_ ويخنگ البيت _وماكو افراح
داري احس صار يلهب بنار وبس للنياح

يادار اهلچ وين وين __يادار اهلچ وين
__
چنه عدلين وهسه ميتين ابلايه الاحباب
الواحد ايهون __لاچن اشلون _كلها غياب
ضلت الدار جنها تذكار بس التراب
بويه مليت ميته ياريت وعيني عالباب

يادار اهلچ وين وين _يادار اهلچ وين
__
بويه الاحلام ترسم ايتام ترسم اجروح
راسك بطيف ذبحه بالسيف ياخذ الروح
وعمتي عالنوگ _وطبت بسوگ_ تبچي وتنوح
گلي بالصار شنهو الاخبار ياهو مذبوح

يادار اهلچ وين وين __يادار اهلچ وين
__
بويه اشتاگ وتدري الفراگ ياخذ الحيل
امن الصبح نوح _ گلبي مجروح _وابچي بليل
بأذني احس صوت بويه والموت بحافر الخيل
وادعي بس كون _ شده وتهون _ودمعي چن سيل

يادار اهلچ وين وين __يادار اهلچ وين
__
جديد
✍️ احمد علي البغدادي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

تَزَوَّدوا فَإِنَّ خَيْرَ الزَّادِ دَمْعَة ..
لِأَبِي عَبْدِ الله
ــــــــــــــــــ
آه من طول الطريـق وقلة الزاد
يوم ما ينفع الراحل مال واولاد
نسأل الراحوا گبلنا الهــم شفاد
كلهم يگولون دمعه لبو السجاد
رَحِيلُ كُلِّ خَادِمٍ يَكُونُ رَجْعَة ..
لِأَبِي عَبْدِ الله
ــــــــــــــــــ
دورو ويـّه اللي تدور وين ما چان
عينو هاي الوالده وام گلب لهفــان
عطش يوم الحشر ذخره المات عطشان
وعلى صدره الخيل اصبح الها ميدان
وَفَازَ مَنْ بِاللَّطْمِ أَدْمَى الْيَوْمَ ضِلْعَه ..
لِأَبِي عَبْدِ الله
ــــــــــــــــــ
تزودوا من المآتم هذي الأيام
والنصيب الما يجي الا بعــد عام
شكثر چانوا بالتعازي ويانا خدام
وغفله راحو هذا امر الله والاحكام
لَا فَرَّقَ اللهُ لِشَمْلٍ كَانَ جَمْعَه ..
لِأَبِي عَبْدِ الله
ــــــــــــ
الموت اعمى وما يميز شايب وشاب
ووادمـك وياك حدها تهيـل التراب
الا ابو السجـاد ما يترك للاحبـاب
يحضر بوكت التشوف الناس غياب
سَيَسْمَعُ الزَّهْرَاءَ مَنْ يَنْذُرُ سَمْعَه ..
لِأَبِي عَبْدِ الله
ــــــــــــــ
يوم تشهد ارجـــل وتتبره الايدين
ما يفيـدك غير فزعة دمعة العـــين
وكــــت ما تلگــه ابن لا من ابوين
احن من امك وابوك تشوف الحسين
فَدَمْعَةُ الْعَيْنِ بِـلَيْلِ الْقَبْرِ شَمْعَة ..
لِأَبِي عَبْدِ الله
ــــــــــــــ
#ياعزيز_الزهراء
علي العابدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي