#ام_البنبن
#نخوة

🏴 نعي في التوسل بمولاتنا باب الحوائج أم البنين عليها السلام 🏴


● الأطوار في النعي : { لحظة يخويه - الجفيري } ، { يم الولد + يا كربله وطر الفجر - الحسناوي }

● وتقرأ كلطمية بطور : نخوة يزينب بنت علي ، وبعض أطوار العگیلي وتُقرأ كإقتباس من طور : يا فاطمة يم الحسن وعدة أطوار أخرى ..


صديلي لعيون الحسين
مولاتي يا أم البنين

أنخه ابدموعي واگصدچ
بالدامي واضلوعه انشدچ
مديها لهمومي يدچ
مولاتي يا أم البنين

لبابچ اجيت ابدمعتي
مكسور ظهري ابشدتي
تدرين بيها حاجتي
مولاتي يا أم البنين

افادي مجروح وحزين
جيتچ واسمعي هالونين
مچتوفه مني هاليدين
مولاتي يا أم البنين


نار ابدليلي اتوجرت
ودمعاتي عد بابچ جرت
بأحزاني روحي اتحيرت
مولاتي يا أم البنين

نظره وأريدن تنظري
لدلالي مولاتي اجبري
هالليله ليه احضري
مولاتي يا أم البنين

ايتيم وارجوچ العطف
مولاتي يالكلچ لطف
ابنظراتچ اجلي هالكلف
مولاتي يا أم البنين
____
تمت بحمد الله تعالى
بقلم : بنت الشمري و فاطمة كريم
١٢ / ٢٠١٩ م

#ام_البنبن


طور ياليل طول ساعاتك
******************
ام البنين الحرة
ماتت يا ويلي بحسرة
انخمدت منها الأنفاس
وين القمر عباس

**

آه يا أم البنين
لونت بونة خفيه
تصيح يا ابن حذلم
شعندك اخبار بهالمسية

بالله يا ناعي الغوالي
انشدك تحن على حالي
قلي شجرى على الوالي
تدري بالحسين شكثر غالي

*تقله ولادي يالتنعى
فدوى لولاد البضعه
تصفق ايد على الراس
وين القمر عباس

*

شلون حال ام البنين
من وصّل الناعي للمدينة
يقول لا مقام لكم بها
حسينكم بكربلا ذابحينه

راسه يلوح عْلى الرمح
وجسمه الجرح فوق الجرح
وعبدالله يمه منذبح
ياليل لا تبدي صبح

*ويلي من جاها الحادي
تقله ماريد اولادي
تصفق ايد على الراس
وين القمر عباس
##################
*عباس ابراهيم*