شوك وغرام هاي المسيه
عالـي المقـام نورنه ضيه
يامحمد يامحمد    يامحمد يامحمد

1
أجمل تهاني للنبي نبعثهن اليوم 
ونكله عيدك من وصل نسانه الهموم
قلب المحب غنه بفرح غازلها النجوم
وجه الصباح بلا شمس بالعليه مرسوم

نوّر ضواه يوم الولادة
شمه هواه خير وسعادة
يامحمد يامحمد    يامحمد يامحمد

 
   2
كل المشاعر حافلة ومبتهجة بالعيد
غير الفرح يهل الفرح كلشُي احنه منريد
حتى الطيور الطايره تبعث تغاريد
ياشيعي أفرح للنبي وعوف المواعيد

خلك غيور وخدم نبينه
فرحة وسرور حلت علينه
يامحمد يامحمد    يامحمد يامحمد

3
هليلة للهادي أفرحت أرض وسماوات
وكل الوجوه ملونه بلون الفراشات
هليلة تعجز للنبي كل العبارات
ماعدنا بس جلمه هلا وصوت الصلوات

ألنه افتخار نرفع صلاته
هذا القرار مـن معطياته
يامحمد يامحمد    يامحمد يامحمد

4
بارينه من سابع سمه من عرشه حياه
رفعة وكرامة ومنزلـة رب العلُه أنطاه
عمه أبو طالب من حضر بجفوفه شلاه
والناس صاحت هالنبي كـل احنه وياه

سيد الأنام هو البداية
راد السلام حد النهاية
يامحمد يامحمد    يامحمد يامحمد

5
هادينه كعبة من الوفه ومنبع للإحساس
والباري خصه وفضله عن مجمل الناس
للدنيا رحمة جيته ونقمة أعلـه الارجاس
يالهادي تسلم يمنتك يارفعة الرأس

سيف الظلام بيدك كسرته
عشت بسلام والباري طعته
يامحمد يامحمد    يامحمد يامحمد

6
يبقى الحبيب بكل وكـت ساكن بالكلوب
عالفطرة خذنه محبته ومن حبه منتوب
بكل المشاعر والذمم خطينه مكتوب
يا أصفى من ماي الذهب يا أغلى محبوب

هذا الكـلام يبقه بدمانه
ليوم الختام نحفظ أمانه
يامحمد يامحمد    يامحمد يامحمد

شطره
#امجد #صاحب #الشطري




@HxzEU1
https://tttttt.me/hxzeu1
قناه نشر القصائد المنبريه

اسم القصيده : على شفافك
اسم الشاعر : #امجد_الشطري
اسم الرادود : #محمد_الجنامي
المناسبه : استشهاد الامام الحسن عليه السلام
المكان : مسجد وحسينية انصار الحسين | بغداد

🏴🏴🏴🏴🏴🏴🏴🏴🏴🏴

على شفافك ضمه و عيني دمه تلالي
يخويه شلون اشربك والرمح عالي

¤♤¤♤¤♤¤♤¤♤¤♤¤♤¤♤¤

وكت ما عالهزل يبن امي ركبوني
نزلت من الهزيله افكد اظعوني
يجيروني بحبل نوبه ويضربوني
وعلى نحرك يخويه صدت عيوني

عفتني بحيرتي ومحد الي تالي
يخويه شلون اشربك والرمح عالي

¤♤¤♤¤♤¤♤¤♤¤♤¤♤¤♤¤

مشينه و من مشينه احساسي ظل ينعه
تذكرت الاصابع من بقن تسعه
صحت يحسين صاح الشمر شيرجعه
اخوج انه بديه زينب مكطعه

الشمر طول الدرب ما راحم بحالي
يخويه شلون اشربك والرمح عالي

¤♤¤♤¤♤¤♤¤♤¤♤¤♤¤♤¤

يخويه النذل شربت ماي جاب النه
رحت اسكي رقيه وبيه تتهنه
فتحت الجربه بيدي وصاحت بونه
اشلون اشرب وابويه منحرم منه

اشرب الماي لمن يرتوي الغالي
يخويه شلون اشربك والرمح عالي

¤♤¤♤¤♤¤♤¤♤¤♤¤♤¤♤¤

على درب السبي مره وكف راسك
كلت يمكن حجر من النذل جاسك
ركضت عليك ابجي وانظر احساسك
شفت شهكة نفس ماهيه بأنفاسك

كلت طفله وكعت شفت الظعن خالي
يخويه شلون اشربك والرمح عالي

¤♤¤♤¤♤¤♤¤♤¤♤¤♤¤♤¤

الرماح اشكد ولكم رمحك بعيني
تثدلي بمنحرك وتكلي عذريني
استحيت حسين اكلك متني ياذيني
اخاف اشكي ويجي الجلاد يعميني

تراها امتوني ماتتراوه يغالي
يخويه شلون اشربك والرمح عالي

🏴🏴🏴🏴🏴🏴🏴🏴🏴

⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)

https://tttttt.me/alradodeinpoems