🔺في استشهاد هادي الأنام مولانا وسيدنا علي الهادي عليه أفضل الصلاة والسلام🔻

📌نعي لحن يا ام الولد راح الولد للشيخ زمان الحسناوي📌

*آه يالهَادي آه يالهَادي*

سَمِّ الهادي، بقلبي انصاب
آه يا لوعة، فقدِ الاحباب
إبنِ الجواد، دمعَه ميزاب
ليشِ انقِتل،آه يالثارات

*آه يالهادي آه يالهادي*
●
●
●

حِضرَت قَبره،أُمَّه الزهره
قامَت تِْنحَب،تِجْذِب حَسره
أَطلُب حقّي،قَلبي جمْره
ذِبحوا اولادي بويه

*آه يالهادي آه يالهادي*
●
●
●

عزّوا المهدي،جدَّه مسموم
مات بغُربة،ويلي مظلوم
ربي يعينَه،المهدي مالوم
يا لِثارات الهادي

*آه يالهادي آه يالهادي*
●
●
●

عُمرَه خَلَّص،ويلي الهادي
انفطر كبْدَه،يا سَنادي
صار الهادي،حزنه بادي
على الشهيدِ تألّم

*آه يالهادي آه يالهادي*
●
●
●
مصابه يهون،لجلِ حسين
أعظم فَجعة تِدمي العين
نحرِ الظامي يكوي نارين
على المظلوم،ينحب بهموم

*آه يالهادي آه يالهادي*


بقلم خادمة العترة الطاهرة🖊

#يا #صاحب #الزمان
#الإمام #علي #الهادي
#أنشروا_ #تؤجروا

◆نسألكم الدعاء◆

https://telegram.me/joinchat/CR3PJ0E4ijaEYdH_t2uloA

#شهادة #الامام #الهادي
عليه السلام.
……… بحر طويل……

.

حُسيناه .. آخر حروف ابشفّتك
حُسيناه .. ظلت تنـادي دمعتك
ليلة منيه .. هاي المسيه ..
ياعلي الهادي.

ـــــــــــــــــ ❁ ❁ ❁ ـــــــــــــــــ
.
يالهفه بگلب محـروم
غـريب ولا أهـل عـنده
ياعبره بنفـس مظـلوم
وحيد وطايح ابشدّه
اشوفك چن چبد ظامي
مايه ابشفته وتبده
دخـل دارك رسـول المـوت
عنّك منهو ايرده

سلامات .. بعـينـك وداع ابهالمـسه
سلامات .. جسمك يچوّي اليلمسه
چن غاضريه .. هاي المسيه
ياعلي الهادي

ـــــــــــــــــ ❁ ❁ ❁ ـــــــــــــــــ
.
على فراش المنيه اليوم
الك يالهادي لطميه
ترد بالمسـتهل وتگول
مشـت زينبـنه مسبيه
ابوي حسين عالـتربان
يويـلي جثته مـرميه
علـى نحــره 12 طبـره
جـروحه 1900
.

بالانفاس .. همـسة ونـينـك تنـسـمع
بالانفاس .. كل شهگه تكسرلك ظلع
نوح الزچيه .. هاي المسيه
ياعلي الهادي

ـــــــــــــــــ ❁ ❁ ❁ ـــــــــــــــــ

سمهم من سره بدمك
جرت بدموعك اللوعه
نزلت دمعه مظيـومه
رقـيـه بيـها مصــدوعه
بين امراكض الايتام
يويلي ابخدها مصفوعه
ماتدري ببوها حسين
حوافر سحگت اضلوعه
.
والارماح .. تـركت على صـدره حفر
والارماح .. طلعت يويلي من الظهر
تحچي الرزيه .. هاي المسيه
ياعلي الهادي

ـــــــــــــــــ ❁ ❁ ❁ ـــــــــــــــــ

اشد لوعه على گلبك
مصاب الزهره يوم الدار
تموت وسالمه اضلوعك
لامن رفـسه لابسمار
عشت حسـرة ابـو فاضـل
ولهـفة چـفه للبتار
وانت الماتت أچفـوفك
بعد بيمـن تـرد الثــار
.
حكيمه .. تقرا الحروف ابصفنتك
حكيمه .. حره وعليـمه وفهـمتك
تقره الوصيه .. هاي المسيه
ياعلي الهادي

ـــــــــــــــــ ❁ ❁ ❁ ـــــــــــــــــ

علامات المنيه ابساع
على وجهك غدت تطفح
وملك الموت بچـفوفك
غده كل ساعه يتصفح
أشوف العسكري مخنوگ
عليك أبدمعته فرفح
جبيـنك أشـرق ابمحياه
ثـوب الجـنه تتوشح
.
والاملاك .. ناحت عليك من السمه
والاملاك .. گـامـت تـعـزي فـاطـمه
وحامي الحميه .. هاي المسيه
ياعلي الهادي

ـــــــــــــــــ ❁ ❁ ❁ ـــــــــــــــــ

آخـر كلـمه بشـفافـك
گلـتـها والـدمـع يـدي
يبني يالحسن لابد
تعيش الغربه من بعدي
يـبنـي والـوصيـه ديـن
وآنه أمنيـه عـندي
ليلة منتصف شـعبان
سلملي على المهدي
.
دعائي .. ياربي أحفظ شيعته
دعائي .. بالطف ترفرف رايته
تحمي الثنيه .. هاي المسيه
ياعلي الهادي
.
.
.
#حسن الموالي الفاطمي
.





@HxzEU1

https://tttttt.me/hxzeu1

قناه نشر القصائد المنبريه

#شهادة #الامام #الهادي
عليه السلام…..
..... #نزله #سريعه...#هجري....
.
.
غصبن عليهم ردت گبتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

ياعلي الهادي مزارك
غصبن اعليهم رجع
بفتوه من المرجعيه
شعبك الشيعي فزع
الحشد طر المنايه
بصدره للموت وطلع
اعلن ونادى المنادي
السبي حبله انگطع
.
یوم انتصارك تفرح شيعتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

سيدي عِرگ البطوله
من یکضه من یطگ
واحنه خالطنه دماکم
تربه وملوحه وعشگ
طگة الچف چن رصاصه
عالصدر لمن ندگ
بالحرب عشنه وربینه
مایخوفنه الرشگ
.
ننطر حفیدك يعلن ثورتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

احسب انفاسي واعدهن
وانتظر سر فاطمه
لو نهض يوسف زماني
هذا يوم الحاطمه
بالقحط أگضيها صایم
آنه معشوگي الظمى
واليمر يم السواتر
يغرگ بروج الدمه
.
مشهوده مولاي ضربة يمنتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

المهدي من يعلنها ثوره
آنه اسل سيف الصبر
ارد احد زنجاره بيدي
واگطع السان الشمر
اركض الصحن العقيله
اگطع اگیود الیسر
احتضن نار المخيم
واطفي چویات الجمر
.
وهالیوم اجیتك امسح دمعتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

افتخر آنه المقاتل
بالسواتر حوزتي
يفرح المصحف اشوفه
من ارتل آيتي
گصتي اسمع سمرها
من تغازل تربتي
دمعتي چن ناعي ینعی
والي تلطم تفگتي
.
هاي الکرامه سرها بحضرتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

اقسم بدمع السبايه
واقسم برب المجيد
والله مايشتم عطورك
لاشمر ولا يزيد
مایرد یوم الزچیه
لا ولا ذبح الشهید
الا تلگاني اعله بابك
سابح بدم الوريد
.
كل شيعي بينه يعشگ جنتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

لاتنسوني ووالدي من فضل دعائكم المبارك
.
#حسن الموالي الفاطمي
.

.






@HxzEU1

https://tttttt.me/hxzeu1

قناه نشر القصائد المنبريه