⬛️◾️▪️⚫️﷽⚫️▪️◾️⬛️
.
قصيدة ؛ ألا من ناصر
.
الطور ؛ ما يناسب الوزن النصاري المشتق من *بحر الوافر* ، و تفعيلاته ؛ *(مفاعيلن/مفاعيلن/فعولن)* و يقرأ سواءا كنعي أو كلطمية .
مثال النعي ؛
1 (يگلها سولفي-للحسناوي)
2 (يا ضي عيني-للحسناوي)
3 (إجيتك يا بعد روحي-للحسناوي)
4 (لحن فارسي؛همه بار سفر بستند)
أو بأكثر من 10 ألحان أخرى للنعي...
وأما #اللطمية :
1 (فقيدا - للملا جليل الكربلائي)
2 أو كلحن الفارسي : (حسينم واحسين ،گفت و شنودم - محمود كريمي)
3 *(يزينب وين سويتي عزه حسين)*
4 أو كبعض أطوار #المربوعة أو #الفزاعية
، وغيرها الكثير من الألحان
.
▼△▼△▼△▼△▼△▼△▼

نداء العـرش عـمَ الخـافقينا
ألا مـن ناصرٍ ينصـر حسينا


يمن عندك قلب و إحساس تـسمع
صدى هز القلوب و صوته يفـجع
وحيد ابن النبي و اعيونه تـدمع
إنُــظْرَه و السيـوف اعليه تـركع

وحيـدٌ دونَ حامٍ أو معـيـنا
ألا مـن ناصرٍ ينصـر حسينا


منو اليسمع صدى الحـرب ابإذانه
صدى صرخة طفل يابس لسانه
صدى حـرمه تنادي ؛ يــا رجانه
عجب سيـدنه هاللحـظه نسانه

إلى البـاري شكونا مــا لقينا
ألا مـن ناصرٍ ينصـر حسينا


تعال إسمع صدى إعظام تنرض
صدى اضلوع من كِسروها ترمَض
صدى رمي السهام و گاع يختَض
صدى مظلوم مـا بي حيل ينهَض

نعاهُ اللوح و الـروح الأمينا
ألا مـن ناصرٍ ينصـر حسينا


مـنو يسمع صدى الآلام و الهم
صدى اسيـوف عالتــقطيع تلتم
صدى أنهار لكن تجري من دم
غريب ايون على الغبره ايتألم

على الرمضاء محزوز الوتينا
ألا مـن ناصرٍ ينصـر حسينا


على الغبره يعـالج موته وحده
تمـرغ بـــالـدِمِه و ملتهبه چبده
أويلي من إجاله الطاغـي عـنده
ســمع چـنه ينـوح إگباله جـده

غريبٌ قد بكـتهُ المرسـلينا
ألا مـن ناصرٍ ينصـر حسينا
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم))*
.
تمت بحمد الله تعالى
*ونسألكم الدعاء لتعجيل الظهور*

https://tttttt.me/joinchat/AAAAAD8_rhTShKlf9JeXTg

#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️

•● *(لطمية+هوسات : في هدم قبور البقيع الغرقد)* ●•

الطور: جميع ما يناسب #وزن_النصاري
كنعي او كلطمية .
مثال #النعي ؛
1 (يگلها سولفي -الحسناوي )
2 ( يا ضي عيني - الحسناوي )
3 ( إجيتك يا بعد روحي - الحسناوي )
4 (لحن فارسي؛همه بار سفر بستند)
أو بأكثر من 10 ألحان أخرى للنعي...
ومثال #اللطمية :
1 ( فقيدا - جليل الكربلائي )
2 *(يزينب وين سويتي عزه حسين)*
3 أو كبعض أطوار #المربوعة او #الفزاعية العراقية
4 او بطريقة القائية .
5 أو كلحن الفارسي : (حسينم واحسين ،گفت و شنودم - محمود كريمي).
، وبغيرها من الألحان.
.
ملاحظة ؛ ما بين القوسين بعد كل فقرة يقرأ بطور الهوسات و هو إختياري يمكن حذفه من القصيدة حين القراءة.

▼△▼△▼△▼△▼△▼△▼

إلى المختار نشكي له الظُلامات
بقيعه امهدمينه و كلنه حسرات

*(و اقبور العتره هدموها)*


يريت المصطفى ينظر شنو الصار
يهود الأمه ظلمت آله الأطهار
وسف قلبوا مراقدهم للأحجار
يعز اعلينه ما خلوا علامات

*(هدموا كل آثار العتره)*


حسن قبره تساوه ويه الاتراب
تهاوت قبِته وي كل الإقباب
ضريحه انشلع بيدين الأنصاب
و أظن يبچي النبي و تبچى السماوات

*(و ادموع الهادي اتبچينه)*


علي السجاد و الباقر هالانجوم
شفت مرقدهم ابفد يوم مهدوم
يريت الطـٰـه يرفع عنه الاهموم
يشيد أضرحه أحلى من الفات

*(بلماس و لولو ايزينها)*


إمام الجعفريه القلبه محزون
مزاره خالي باقي امن اليزورون
رسول الله إذا شاف اليظلمون
يون امن الظلم و ايزيد الآهات

*(و الليله محزون الهادي)*


نبث همنه إلى جد الميامين
نسئله يرضى ابظلم الملاعين
إجوا خربوا قبرها أم الابنين
زمنها ما وفه اوياها حرامات

*(لليوم الحره مظلومه)*

.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
.
تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
#القصائد_والنواعي_والأطوار_في_الرابط  👇🏻👇🏻

https://tttttt.me/joinchat/AAAAAD8_rhRMz0RN2ZsQJg

#انشروا_وشاركونا_في_الثواب

⬛️◾️▪️⚫️﷽⚫️▪️◾️⬛️

•● *(نخوة : لأسد الله رضوان الله عليه)* ●•

الطور: جميع ما يناسب #وزن_النصاري
كنعي او كلطمية .
مثال #النعي ؛
1 (يگلها سولفي -الحسناوي )
2 ( يا ضي عيني - الحسناوي )
3 ( إجيتك يا بعد روحي - الحسناوي )
4 (لحن فارسي؛همه بار سفر بستند)
أو بأكثر من 10 ألحان أخرى للنعي...
ومثال #اللطمية :
1 ( فقيدا - جليل الكربلائي )
2 *(يزينب وين سويتي عزه حسين)*
3 أو كبعض أطوار #المربوعة او #الفزاعية العراقية
4 او بطريقة القائية .
5 أو كلحن الفارسي : (حسينم واحسين ،گفت و شنودم - محمود كريمي).
، وبغيرها من الألحان.

▼△▼△▼△▼△▼△▼△▼


نخيتك يا أسد الله و رسوله
يــحــمـزه منك امرادي أنوله


مقامك عالي عد الله و نبيه
و أريدك ما تردني ابهل مسيه
همومي زادت و ثگلت عليه
و أنه كل ليله دمعاتي هموله


نـِـلت من ربـــك أوسام الشهاده
شنو الأكبر و أعز من هالسعاده
وحگك كل محب اگضي مراده
وحگ جاهك ، يمقياس البطوله


يعم المصطفى لتردني خايب
تراني امن الهضم دلالي ذايب
وحگ أم الحسن زيل المصايب
إسمها و نخوتك كل هم يزوله


جبت مرضاي محتاجه الدوائك
ردت اتــمن علــيــها ابشــفائك
لتــحرمهم يحمزه من عطائك
عظيـم انت و رمز الكل رجوله


كريم انت و أنه أستاهل عطيتك
لأني خادم الزهره و نخيتك
يحمزه إغمر حياتي ابحميتك
إذا اتردني تره أشكي للبتوله

.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
.
تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
#القصائد_والنواعي_والأطوار_في_الرابط  👇🏻👇🏻

https://tttttt.me/joinchat/AAAAAD8_rhRMz0RN2ZsQJg

#انشروا_وشاركونا_في_الثواب

⬛️◾️▪️⚫️﷽⚫️▪️◾️⬛️
.
•●•● *(لمجلس سفرة أبالفضل العباس عليه السلام)* ●•●•
.
☜الطور ؛ ممكن أن يقرأ بجميع أطوار الوزن النصاري ، سواءا كنعي او كلطمية
.
مثلاً #النعي ، كلحن ؛
(يگلها سولفي -للشيخ الحسناوي )
أو ( يا ضي عيني - للشيخ الحسناوي )
أو ( إجيتك - للشيخ الحسناوي )
أو بأكثر من 10 ألحان أخرى للنعي...
.
وأما #اللطمية بطور :
*(يزينب وين سويتي عزه حسين)*
( فقيدا - للملا جليل الكربلائي )
أو كلحن الفارسي : ( حسينم واحسين ،گفت و شنودم - محمود كريمي)
.
أو كبعض أطوار #المربوعة او #الفزاعية
، وبغيرها من الألحان.
.
▼△▼△▼△▼△▼△▼△▼
.
تلبية لطلب خدام المنبر و حسب رؤياهم و نذرهم للمجلس ، سطرت بعض الكلمات...؛




*و إلى العباس ننذر هل صواني*




نريد اليوم تحقيق الأماني
و إلى العباس ننذر هل صواني

أبو النوماس يدري اش نعاني
و إلى العباس ننذر هل صواني

نخينه بوالفضل راعي الحناني
و إلى العباس ننذر هل صواني

شكيناله الدهر واهل الزماني
و إلى العباس ننذر هل صواني

محن و آلام يغمر كل مكاني
و إلى العباس ننذر هل صواني

يريته ينظر النه ابهل ثواني
و إلى العباس ننذر هل صواني

دمعنه يجري لمصابه و عماني
و إلى العباس ننذر هل صواني

نهب له كلشي عدنه ابلا تواني
و إلى العباس ننذر هل صواني

نظل خدام اله و ابكل تفاني
و إلى العباس ننذر هل صواني

اردد اسمه كل لحظه ابلساني
و إلى العباس ننذر هل صواني

أبوفاضل تره امصابه دهاني
و إلى العباس ننذر هل صواني

عطش گلبه و گطع چفه چواني
و إلى العباس ننذر هل صواني

و أبو الغيره ابدعائه ما نساني
و إلى العباس ننذر هل صواني

شوَصفه و يعجز ابوصفه بياني
و إلى العباس ننذر هل صواني

لگيته من ازغر بالحب حواني
و إلى العباس ننذر هل صواني

عشگته من نظرته اشگد رعاني
و إلى العباس ننذر هل صواني

گبل ما اوگع ابذنبي هداني
و إلى العباس ننذر هل صواني


.
===============
📝 #الشاعرة_الملاية_زينب_المؤيد
📚 #ديوان_خزائن_الرثاء
.
تمت بحمد الله تعالى
*و نسألكم الدعاء لتعجيل الظهور*
ــــــــــــــــــــــــــــــــــــــــــــ
#القصائد_والنواعي_والأطوار_في_الرابط  👇🏻👇🏻

https://tttttt.me/joinchat/AAAAAD8_rhRMz0RN2ZsQJg

تابع قناة أطوار أشعار الملاية المؤيد على اليوتوب 👇👇

https://www.youtube.com/user/ze14mo
.
#انشروا_وشاركونا_في_الثواب
.