ياعلي ياعلي .. هذا اول جرح
يبتدي بالضلع..  وينتهي اعالرمح

اجروحك اهواي .. البسمار والماي
ياعلي ياعلي
………………… ..
قصتك يحچيها دمعك .. ليل حزنك والالم
تبتدي من باب بيتك…  تنتهي اباب الخيم
ارد اسألك يابو زينب ..بجفن زينب شرسم
خوف لو غربة ويتامة .. لو عباية وبيه دم

فاطمة فاطمة .. بيه يبدي الحزن
وباجر بكربله .. چم ضلع ينطحن

ذباح الفياي .. البسمار والماي
ياعلي ياعلي
………… ………
مدللت بيتك يحيدر .. بعينها ما ضلع دمع
الما تضم أعليك كلشي .. ضمت ألآم الضلع
اگبالك احلى سنين عمرك .. ذايبه مثل الشمع
وانته بقيود الوصية .. اليوم گلبك ينصدع

بالهدم بالهدم .. تلاگي چف اليطگ
وزينب بكربله  .. بيه اطفي الحرگ

الماذيها مولاي .. البسمار والماي
ياعلي ياعلي
.…………………
بليل تدفنها العزيزه .. بليل ترجع وحدك
چم جرح مر بخيالك .. وترجى ياهو يساعدك
تلث يتامه اباب بيتك .. امنا وين تنشادك
ابچي ابچي ولا تكابر .. اگبالهم ذب دمعتك

عتبتك عتبتك .. يمها طاح الگمر
ولو رجع ينولد .. ينذبح عالنهر

وتحچيها بهداي .. البسمار والماي
ياعلي ياعلي
………………… ..
غايتك واحلام عمرك .. نور عينك والضوه
التارسه بيتك محنه .. برحي روحك والنوه
ال الك خاطبها الله .. معنى اية( قل هو )
اتبدى گدامك دفوها .. ولجرح ماضل دوه

حيرتك حيرتك .. بينت ياعلي
بدمعتك من صحت .. بعدچ شضل الي

تنقره بعيناي.. البسمار والماي
..،............
نينوى منانه تبدي .. إلا نهاية  تستمر
بيها يبدي إلا خليفة .. ويكمل احداثة الشمر
نارهم يم باب بيتك..  باچر تلوح الخدر
وباچر بسيف الرذيله .. ينگطع خيط الفجر

قصتك قصتك .. سولفاها العرش
وتحزن الها السمه .. ويبچي الها الرمش

ليك الام جاي.. البسمار والماي
ياعلي ياعلي

#ايوب #يوسف #الطوكي





@HxzEU1
https://tttttt.me/hxzeu1
قناه نشر القصائد المنبريه