#زينب الحوراء عليها السلام #تخاطب اخيها #الامام العباس عليه السلام
#بقلم المقصر #ناجي الصالحي @qwertyuuip

كوم حاجــــيني يا نــظــــر عيني
مــن يواســيني كــــوم عــــباس
""""""""""
خويه من صوب الخيام جيتك بحســــــراتي
جيتك اعثــــــر بالجدام انكل بخــــــــطواتي
جيت اطلــــعنهه السهام تنــــــــــسمع وناتي
خــــــــــويه يابدر الانام ماترد جــــــــــــلماتي
للنهر جــــــيتك بدمع حاجــــــيتك
خيي ونخيــتك كــــــــــوم عباس
"""""""""""
خويه جيــــــــتك بالحزن والدمــــــع بعيوني
كاصده الصــــــــوبك اون اشكي حال امتوني
ارد اراويــــك المتــــــــــن خويه من ضربوني
سكنه ورقيــــــــه بجــــــن يا كفــيل اضعــوني
ما تــــرد جــــنك عمــــــــي ندبنك
ناشــــدن عــــنك كــــــــــوم عباس
"""""""""""""
كــوم يا بعــــــــد الدليل لليسر مــــــــــشونه
صــــار عبــاس الرحــيل عالــــــهزل ركــــبونه
خويه بس دمعه تســيل بالحــــــبل جــتفونه
صار بينــــــه مــــو قليل والصعب شــــتمونه
ليــش ؟ ماتــكعد عيلتــــــك تنشــد
حامــي عن الحــد كــــــــــوم عباس
"""""""""""
ياهو اليضــــمد الجروح لْـۆ رحــــــت يالغالي
بدر ليــــــلي ما يلـــــوح ياهو يرحــــــم حالي
عالهزل يبــــن امي انوح وسفه اصــــــــعد تالي
دمعي من بعدك سفــوح وسفه طــــــــر اخيالي
عالهزل اركــــــــب والوضــــــع يصعب
جمــــــــرتي تلهب كــــــــــــــوم عباس
"""""""""""""
لليسر بــــــعدك مشــــيت وسفــــــه يابو الغيره
وين يبن امــــي دعيــــت ترد انه ابــــــــــحيره
بحسرة الفركه بجيــــــت غربه هــــــــاي الديره
بمحنتــــي خويه بقــــيت لٱ اخــــــــــو ونشيره
كــــــــــوم للحــره بالكلــــب جمــــره
عالضعــــــن نضره كــــــــــوم عباس
""""""""""""
#بقلم الملا #ناجي #الصــــالحي ✏
ونسالكم الدعاء #قناتي #خادمكم @qwertyuuip
للتواصل مع الملا ناجي الصالحي وللاستفسار
عبر الرقم 07821314204