آه يالبـاب..

اوياهن ليش خلّيت اشسبب يالباب؟!

سـتر خلّوك من عين الكفر واحجاب..

تاليها اكبرت و الوفـه ابجذعك مات..

أهل حشـمه و عليـهن طبّبت أجناب..!

آه يالبـاب..

ظنَّـوا بيك خير و لاذَوا ابمگفاك..

عله اضلوع المحنّه امأمّنين اوياك.

عليـهن ما درَوا شـايل سـهم جوّاك..

بيـه صـدر الورد بيـد الكفـر ينعـاب..!

آه يالبـاب..

عليك اعتب لوَن عالنار..

لو أعتب عله النجار..

لو عالعتبـه ذيچ اليمها محسـن شاب..

آه يالبـاب..

طاوعت الزنم واحرگت أهل الدار..

ولن تدري ابخطيتك بالطفوف اشصار

حطباتك بگن للعاشـر امجمرات..

عليـهن سـحگت اطفال و بنـات ازغار..

آه يالبـاب..

اكسرت ظهر اليشيل ابصبعه البيبان..

خذوه مگيود....چنهم گيّدوا قرآن..

بس يا باب..ما چان ابد بالحسبان..

تتگيّـد بنـاته و تمشـي وي سـلّاب.....😭

#آه_يالباب💔💔
#لك_العزاء_يا_بقية_الله
#اللهم_عجل_لوليك_الفرج
@youssefsoufan