الباقر ع

ركضت حراير والهوه زاحم عبيها
مشدوها امي بالستر طحت امنديها
ازغر عمر/واكثرجمر/انه السحكته
++++-++-+++
اسوالف زغار بيسرها صدفه عالناگه التقت
الباقر اويمه رقيه والجروح اتفتحت
بينهم دار الحوار الاول ارقيه بدت
وين چانت عنك امك ليش اديك اتحرگت

ليش السواد ابگصّتك ومنين اجالك
ابخدك اثر مثلي واشد من حالي حالك

ابخدك طبع. بي چم صبع. لبخدي نفسه
ازغر عمر .واكثر جمر. انه السحگته
+++++++++
امي چانت شايلتني بساعة العسكر هجم
ركضت وحملي ضهدها گوّه تنگل بالجدم
والضرب كله عليها چي لخيره بالحرم
تشگف وطحت امنديها وارجعت يم الخيم

ماعدها فرصه امن الضرب زيدت عذابي
صاحتني يالباقر اهم منك حجابي

اويه ام الخدر/نار وجمر
عودي سحبته
ازغر عمر. واكثر جمر انه سحگته
++++++++
موقف الچوالي گلبي والله احرّ امن الجمر
عمتي تسحب بالعليل وسوطه يضرب مستمر
اتگله بسّك مو گضيت امتوني كافي ياشمر
لو شفتني مالي والي الوحدي وبهذا العمر

بس انه يمها من هجم عسكر علينه
صحتلها ركضي گالت انه حيلي وينه

لمّن رحت /بيها لذت/لن دمها شفته
ازغر عمر/ واكثر جمر/ انه سحگته
++++++++
انه يالباقر قضيتي اعرفت ابوي ايريد ماي
للنهر صارت ركضتي والنذل يركض وراي
گتله اخذ ترچيتي هايه گلي لا مو همّي هاي
الا ينتلها باديني ارتاح من سالت دماي

يم النهر بيش اعثرت خليها سكته
بي ريحة العصابه چف عمي الي بسته

اشگد حاولت/منه ايست/ميّت عرفته
ازغر عمر/ واكثر جمر/انه السحگته
+++++++++
ليش جابو روس اهلنه ارقيه چا لجساد وين
ليش شو عباس راسه امهشّم اوماعنده عين
مرّه ينظر للعقيله او مرّه ينظر للحسين
روسهم مو چنها هيه هواي اشو متغييرين

مجروحه جدي گصّته شو باقي اثرها
اشفافه ما ادري العطش يمكن فطرها

وليش انشِمر/راس الگمر/من ضربو اخته
ازغر عمر واكثر جمر. انه السحگته

الشاعر ثائر الربيعي

#الناشر_الحاج_فلاح_حسن

*[ واحسيناه ]*

أداء: الرادود #علاء_الغريباوي
كلمات: الشاعر #حيدر_سامي_السعدي

https://youtu.be/zaFFl5wzN-Y

مجالس شهر جمادى الآخر لسنة 1442 هـ - 2021 م
ليالي إستشهاد الطاهرة الميمونة أم العباس فاطمة بنت حزام أم البنين عليها السلام
عزاء موكب قطيع الكفين - العراق - بغداد - مدينة الصدر

مونتاج واخراج: حارث العكيلي
مكساج: كرار الموالي
مخطوطة: مؤمل الرميثي
النشر الشبكي: علاء بركات العاملي

يـَـايزيد الطـّاغيه إسمَعنـي زيـن
آنه زينــب بت امــير المؤمـنين
* *
آنـــــه زينب بت مُحمـّــد والكِتاب
يــَــايزيد ومنــّـي إسمَع هالخِطاب
إبشِـر ابيوم الحَشــرباسوَء حسَاب
وبـْـعَـذاب النــّــار مِن الخــــالِدين
* *
إسعـَـه سَعيـَك دَام بِيدَك قـِــوّتـَـك
وكِيـــد كِيدك وافتِخـِــر بِبطَــانتك
والله ماتِمحــــي ذِكِرنَه ابـــفِعـلتك
ورَغم أَنـف الحِقد إحنـَـه الفائِزين
* *
يـَـايزيد أيـّــامَك السـُّــوده عـَــدد
وجَمعـَـك الـمَـلعون مـَـيظـل للأَبد
إحنَه مَنصُوريـن مِن واحِـد أحَـد
واليِـمــر بينه عِــبـَــر للــعالَمين
* *
رَغم سَبـــي العايله وسَلـب الأمان
ورَغم كالأسرَى تـِفـرنَه ابكل مكان
لا تظن بينـــه على الخـالق هـَوان
ولا تظـن عندَك كَرامـة صَـالحين
* *
عَجب كلّ العَجب مـِـن هذا الجرَه
إبن خَيـــر الخَلـق دِنيــــه وآخره
أَخـَـس خَلـــق الله يـﮔطَــع مَنحرَه
وايـدَه تـِﮔطـر مِن دِماء المؤمنين
* *
وَكِت خَلـّـه حــرّه مثلـي اتخَاطِبَك
وتِدخل ابمَجلس غـَـدر وتـراقِـبك
تِضرب اثــنَايه الحُـسين ابعُـودِتك
وتِهتف بأشيـَــاخ بـَــدر الكافِرين
………………
لقمان لعيبي البدران

*[ ما شفتك ]*

أداءوالحان : الملا #علي_الوائلي_الكربلائي
كلمات: الشاعر #عبدالرحمن_السلامي

https://youtu.be/QdNLTO6D230

مجالس شهر محرم الحرام لسنة 1442 هـ - 2020 م
مجالس ليالي العشرة الثانية من شهر المحرم
عزاء هيئة جواد الأئمة عليه السلام - العراق - واسط - العزيزية

مونتاج: سيد كاظم الموسوي
مكساج: كرار الموالي
تنفيذ: وارث للانتاج الحسيني
النشر الشبكي: علاء بركات العاملي

* *اللَّهُمَّ صَلِّ عَلَى مُحمَّدٍ وآَلِ مُحمَّدٍ وَعَجِّلْ فَرَجَهُمْ والْعَنْ أَعْدَاءَهُمْ* *

*★أول من يدخل علينا أمير المؤمنين وسيد المسلمين وقائد الغر المحجلين★فرأيت رسول الله يمسح بكفه وجهه فيمسح به وجه علي ويمسح عن وجه علي بكفه فيمسح به وجهه يعنى وجه نفسه★*

عن أنس بن مالك قال: قال رسول الله صلى الله عليه وآله يا أنس اسكب لي وضوءا قال: فعمدت فسكبت للنبي وضوءا في البيت فأعلمته فخرج فتوضأ ثم عاد إلى البيت إلى مجلسه ثم رفع رأسه إلى انس فقال: يا أنس أول من يدخل علينا أمير المؤمنين وسيد المسلمين وقائد الغر المحجلين، قال أنس فقلت بيني وبين نفسي: اللهم اجعله رجلا من قومي، قال: فإذا أنا بباب الدار يقرع، فخرجت ففتحت فإذا علي بن أبي طالب عليه السلام، فدخل فيمشي فرأيت رسول الله صلى الله عليه وآله حين رآه وثب على قدميه مستبشرا فلم يزل قائما وعلى يمشى حتى دخل عليه البيت، فاعتنقه رسول الله فرأيت رسول الله صلى الله عليه وآله يمسح بكفه وجهه فيمسح به وجه علي ويمسح عن وجه علي بكفه فيمسح به وجهه يعنى وجه نفسه فقال له على: يا رسول الله لقد صنعت بي اليوم شيئا ما صنعت بي قط فقال رسول الله صلى الله عليه وآله: وما يمنعني وأنت وصيي وخليفتي والذي يبين لهم ما يختلفون [فيه] بعدي، وتسمعهم نبوتي.

*√تفسير العياشي للمحدث الجليل أبي النضر محمد بن مسعود بن عياش السلمي السمرقندي المعروف بالعياشي رضوان الله عليه الجزء۲ الصفحة۲٦۲√*

*[اللَّهُمَّ ارْزُقْــــنَا كَــربَـــلاء]*

*{اللَّهُمَّ الْعَنِ الجِبْتَ والطَاغُوت}*

* *اللَّهُمَّ عَجِّلْ لِوَلِيِّكَ الفَرَج* *
*يـ حـــســـيـــن ـا*
قناة كامل الروايات
https://tttttt.me/AhYoAmRaNa

#لمولاي_مسلم_بن_عقيل
#عليه_السلام


المسافه من القصر للگاع
سفرت عشگ لحسينك
طحت والدم نهر مفروش
ونزيفك حته من عينك
يبو طاهر الطف يريد
زلم واهلك متانينك ،

-- هم انكسرت ضلوعك ودمك خَر
-- بس الفرق ما مذبوحلك منحر ،
-- وجسمك گضه كله من الدفع والجر

-- صوت طگت ضلعك
تنسمع بالطف اصياح وسكته
-- آلطحت هسه لخاطره
باچر يكسرون خاطر لخته
_____________________________________
اعله صبعك محبسك موجود
بس دافه الترب والدم ،
وطحت طيحت مطر ع الكاع
يمسلم كلشي ما يسلم
من كد ما الطاح اثكيل
ركن الحايط امثلم ،

-- هم جاسك عطش والعطش ما يخلص
-- الليل يزود بس وجه الگمر ينقص ،
-- الرمل من دمك المنثور كلش غص ،

-- بحبل جروا جسمك
هيه هاي احبالهم سم بيهه
-- هنه ذني الباچر
يشدن ام عون بسبي من ايديهه
_____________________________________
طحت والهوه يدفع بيك
وگاع الصلبه تتلگاك
حته بطيحتك مظلوم
يسارك عاكست يمناك
ياهو يشيل جسمك نام
حسينك هسه ماهو وياك

-- طحت براگ حيطان القصر تنزف
-- متت والدافعك متربع ويرجف ،
-- انطر راسك الچانت بي زلم تحلف

-- انشلت ايد الدافعك
بولد عمك باچر يصير اكثر
-- الهضم والهم والدم ،
وباچر اتلوح السيوف المنحر
_____________________________________
طحت بس وجهك المتعوب
ما خربت معانيه ،
طحت من فوك بس مولاي
اتطيح الشمس يوميه
عظم متنك انطش اتراب
مثل الالف وتسعميه ،

-- حَدَب ظهرك من الطيحه يا وسفه
-- ونزيف الخير من عيونه حد چتفه
-- طيحت ولد هاشم طيحت الكلفه ،

-- انرسم بالدم مشهد
بي حميده احبالهه بأيديهه
-- وطاحت الگمريه ،
الجان بعيونه علي مخليهه ،
_____________________________________

- الخادم
- علي مهدي المالكي

- #اللحن 👇👇




https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#عبدالله_الرضيع
جديد محرم ١٤٤٣ هجرية قصيده بعنوان (مهد خالي)
زنجيل ثلاث دگات لطفل الحسين عبد الله الرضيع

عبد الله يبني ومهجتي يا سلوة الروح
عليك بحزن ظليت بشوغاتي يا يمه انوح


عبدالله يا يمه عگبك صوب الدهر بسهامه
من شفته المهد خالي گمت الطم الهامه
ألولي بالدمع والاه وروحي بحزن محتامه
گلبي ينزف دمومه وشوغاتي تهد صروح
▪️▪️▪️▪️▪️▪️▪️▪️▪️▪️▪️▪️
يمهجة گلبي وسنيني اعليك الروح حزنانه
امك يعبدالله تنوح وتنتحب وتصيح حيرانه
يا شمة هوه البريتي بحزنها روحي غرگانه
بدموعي اناغيلك يعبدالله والگلب مجروح
▪️▪️▪️▪️▪️▪️▪️▪️▪️▪️▪️▪️
يست شهور يوليدي مصابك نحل عظامي
باجر گلت تكبر و تبقى ييمه لشيب ايامي
يا حيف الدهر خوان بغدره ذبح احلامي
واشوفنك يعبدالله بسهم النايبه مذبوح
▪️▪️▪️▪️▪️▪️▪️▪️▪️▪️▪️▪️
يبعد امك يعبدالله ياشمعة عمري حاجيني
مطوگ بالسهم نحرك يشمعة عمري وسنيني
مهدك ابين اديه ينوح بنوحه يايمه سابيني
يورده بطف كربله ذبلت وعطرك يمه ظل يفوح
▪️▪️▪️▪️▪️▪️▪️▪️▪️▪️▪️▪️
بعدك حزن وهموم يايمه ولا لحظه هنيه
مصابك جمر يسعر يعبدالله الروح مسبيه
من شفته راسك عالرمح تمنيت يايمه المنيه
كلشي حسبت حسابه يمه الا من ايدي تروح
▪️▪️▪️▪️▪️▪️▪️▪️▪️▪️▪️▪️
شمعه عمرك يعبدالله وذابت بأرض الطفوف
من طلبت الماي يمه سكن وسط ضلوعي خوف
الگطّع اگليبي ييمه من رجع بيك العطوف
شايلك والسهم نابت بنحرك ودمك سفوح


تمت بعون الله تعالى
خادمة الزهراء / ليلى زغيب



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

لا عرس لا شمع يوليدي وينك
فگدك يجاسم شمسوي بيه
بليلة زفافك رحت منديه
...
طول الليالي .. وانت اعله بالي
حلم الاماني حنه وصواني

لشيبي ارتجيتك.. لا ما نسيتك
احسب ثواني .. لطيفك اتاني

وسنيني ظلمه .. جاسم ييمه
شمع التهاني .. بجمره چواني

انحني عالجسد واشتم وريدك
ماي وتبده بالغاضريه
بليلة زفافك رحت منديه
...
شمعة شبابك .. تطفه بمصابك
يا امنياتي .. بهجرك مماتي

اتمنه ترجع ولصوتك اسمع
بچف نايباتي .. كل ذكرياتي

روحي الحنينه .. ظلت حزينه
صارت حياتي تشبه عباتي

مظلمه دنيتي بعدك ييُمه
وتحرگ دليلي نار الرزيه
بليلة زفافك رحت منديه
...
عشت اعله ناري .. اجرع مراري
دهري حرمني .. من شوفة ابني

بليل المصيبه .. امك غريبه
ايظل ظهري محني من تمشي عني

مو جنت اريدك .. تدفني بيدك
مات التمني .. يعيوني ذني

حسبت للكُبر تبقالي خيمه
ونتي اعله فگدك ظلت شجيه
بليلة زفافك رحت منديه
...
يبهر دليلي .. ما اغفه ليلي
مر بي نسمه .. عطرك اشمه

افراشك افرشه .. وابجيله غبشه
وارجع ألمه .. ودمعاتي يمه

يالفارگتني ما عودتني
گلبي تهظمه وينك ييمه

انتظر شنتظر وبگبرك انته
اشموعك گبالي يبچن عليه
بليلة زفافك رحت منديه

..
غالي وفگدتك .. يبني اعله بختك
ارحم حنيني .. ردتك تجيني

چبدي مردته .. حيلي هدمته
عشت بونيني .. ما تغفه عيني

شيگطع نحيبي .. ورايح حبيبي
ذبلن سنيني .. والطم جبيني

بروحتك يالولد دهري سباني
ترضاها امك تطلع سبيه
بليلة زفافك رحت منديه
...
خادم الحسين ( عليه السلام)
كرار حسين الكربلائي
( ابو كميل )

من الحسن ذكره .. اتلتطعش عمره
واحسب جروح
ريحة الغالي .. جاسم اگبالي
شفته مذبوح
بلحظة منيه
راح منديه
...
وصل لمخيمي صوته
جايبلي خبر موته جاسم مني راح
خطوة جدمي تتعثر
چن ابني علي الاكبر هاي اللحظه طاح

آه عندي امانه من الحسن
آه زفيته بثياب الچفن
آه كل ساعه اصيح من الزمن آه

بعيني ربيته بروحي ضميته عن العيون
شهگة انفاسي إبن اعز ناسي يرحل شلون

نجم الثريه
راح منديه
...
ذبل وجه السمه اليزهي
وطحت يمه على وجهي .. وروحي شبگته

احط خدي على صدره
صارت شيبتي حمره .. من دم طبرته

آه كل جسمه يتنازف دمه
آه ذبلان من كثر الضمه
آه بوجهه ملامح فاطمه
آه

جاسم وليدي رايح منيدي وظهري محني
بطبرته اشتمه وصرختي يمه آه يبني

الوفّه الوصيه
راح منديه
...
گبل وكته طفت شمسه
تمنيت افرح بعرسه .. مثل باقي الشباب

رحل حلمي التمنيته
بدَيْ للموت زفيته .. وحنيته بخضاب

آه صار العرس نوح ودمع
آه وبخيمته مات الشمع
آه جسام كاسرلي ضلع آه

شمعة الزفه يا وسف تطفه بريح الآهات
من نزف جرحه ماتت الفرحه والولد مات

ما خله بيه
راح منديه
...
ويلي اعله الولد ويلي
تبده يمه كل حيلي وترس عيني الظلام

شلت جاسم عله صدري
شبگته وانحنه ظهري ورجعت اعله الخيام

آه من ابعيد اجه صوت الحزن
آه رمله بمخيمها تون
آه ما ينحمل فگد الإبن آه

اتلگت ولدها لبّة چبدها وحضنته بشوگ
بدمعة حزنها تلطم لبنها بگلب محروگ

الغالي عليه
راح منديه
...
اسمعتها تگله يا يُمه
الحياة بلا ولد ظلمه اگعد يالحبيب

يتعب الشيب حاچيني
يعيني ويا بعد عيني جرحك ما يطيب

آه فگدك مثل كسر العظم
آه لگضي العمر بعدك لطم
آه ترضاها گلبي ينهظم آه

ينذبح عمك تنسبي امك لمن تروح
حايره بأمري وينگضي عمري بين الجروح

بچف الرزيه
راح منديه
...
خادم الحسين ( عليه السلام)
كرار حسين الكربلائي
( ابو كميل)

عايفني مكسورة گلب
وينك ييمه
بعيوني ما شوف الدرب وينك ييمه
وينك ييمه .. وينك ييمه
...
يالولد يا شوف عيني ضيعت كلشي بغيابك
اوداعتك كل مغربيه شابحه عيوني اعله بابك
بعد توه الناس يبني اشافت امك من شبابك
يا جمال الله ونبيه اعليك ما لايگ خضابك

امحلفتك بهز المهد ارجع يغالي
ما يرحم افراگ الولد ارجع يغالي
دنياي ظلمه .. وينك ييمه
...
اتخوصرت گدام جسمك ومالت الخيمه لنحيبي
مشطت بچفوفي شعرك وبدماك اصبغت شيبي
انه امك ليش ساكت احچي كلمه يا حبيبي
رزق ما مقسوم اليه وليدي چنك مو نصيبي

ها يبعد عمري وهلي رحت منديه
گطعّت گلبي يا علي رحت منديه
حاچيني كلمه .. وينك ييمه
...
الوالده التفگد ولدها گلي شتسوي بعمرها
تدري يا ضي عين امك فرگتك كسرت ظهرها
بهامتك طبره اشكبرها انشلت ايده الي طبرها
السيف فرهد تعب شيبي وعايف جروح شكثرها

محنيه من كثر الحزن والله يروحي
ما ينحمل فگد الابن والله يروحي
دمك ألمه .. وينك ييمه
...
ليش يا سباح گلبي تعوفني بغربه وحيده
عمر ما بي علي الاكبر هذا عمري ما اريده
شوف ابوك يلوج بعدك حاط فوگ الظهر ايده
تدري بالوالد ييمه ايموت لو فارگ اوليده

گدام عدوانه بچه من بعدك حسين
بعامود خيمتنه انتچه من بعدك حسين
ونحرك يشمه .. وينك ييمه
...
ما بعد بس وحده حسين يفگد هله وناسه
السيف يتدنه مكان الـ بي رسول الله باسه
الشمر من يگطع وريده عالرمح يرتفع راسه
من يريت تشوف صدره وحافر الخياله داسه

وامك يركبوها الهزل وامشي سبيه
چفي يشدونه بحبل وامشي سبيه
جرحك الچمه .. وينك ييمه
...
خادم الحسين ( عليه السلام)
كرار حسين الكربلائي
( ابو كميل)

ليلة العاشر وداع ومصيبه
باچر اتمسّي اختكم غريبه
من اظل لوحّدي انطي الوجه وين
وآنه (لا عباس يبرالي ولحسين)
باچر اتمسي اختكم غريبه
...
گضيت اسنيني كلها بالدمع والآه
وليل العاشر بكل عمري ما انساه
ابن امي العزيز اتوادعت وياه
صدلي وگال زينب في أمان الله

احسين بچفوفه يضمني اعله صدره
وريحة الزهره اشمها اعله نحره
گتله خويه اشلون تغفه لزينبك عين
وانه لا عباس يبرالي ولحسين
باچر اتمسي اختكم غريبه
...
انحنالي وبيّنت بعيونه دمعاته
وضميت العتب ما بين شيباته
يريد ايسولف وخنگنه عبراته
وتالي بإيده أشر عله ابنياته

يحچي بوصيته وتفايض حنانه
زينب عيالي برگبتچ امانه
اشلون اباريهن صحت وبروحي نارين
وانه لا عباس يبرالي ولحسين
باچر اتمسي اختكم غريبه
...
يحچي وياي بس اعله الحرم عينه
وناده بصوت عبد الله الطفل وينه
لبوها جابته بچفوفها اسكينه
وشم رگبة رضيعه واسمع ونينه

ومن اجت يمه تودعه رقيه
لاحت بعينه ملامح منيه
كلشي بالطف گالي لوحدچ تظلين
وانه لا عباس يبرالي ولحسين
باچر اتمسي اختكم غريبه
...
التفتلي وگال كلمه تشيب منها الراس
تكسر ظهري باچر طيحة العباس
اظل لوحدي يختي ابين هاي الناس
وبعد ذبحي تشوفين الصدر ينداس

وگال يا زينب يحرگون خيمنه
تفر للهيمه اليتامه وحرمنه
صحت وين انبات اذا ماكو صواوين
وانه لا عباس يبرالي ولحسين
باچر اتمسي اختكم غريبه
...
اظل بلا خيم والاهل مرميه
وفجر اهدعش جرحه اعظم اعليه
زينب يا هلي ايسموها مسبيه
ومتون الشرف بالسوط محنيه

احجي وي روحي صدگ يخت الحسين
ابالمن هذي سبيه تروحين
اشلون امشي بلا ولي ومچتوفه اليدين
وانه لا عباس يبرالي ولحسين
باچر اتمسي اختكم غريبه
...
خادم الحسين ( عليه السلام)
كرار حسين الكربلائي
( ابو كميل)

حاجيني زينب وينه عبد الله الطفل وينه
ما ادري كَاعد ابني هسه لوغفت عينه
خليني نمشي للمعاره اندوره خلينـــه
مشتاكَه الوليله
...
آنـــه أم و كَلبي يتنفــس عواطف
عندي وي عبد الله يـا زينب سوالف
ابني من ودعته ضامي وريكَه ناشف
خاف طفلي هسه من هالظلمه خايف
●اوليدي طفل ليش القدر لوليدي ماعافه
ما ادري لسه ضامي لو رووهن اشفافه
المثل الكَمر خوفي التراب امغير اوصافه
زينب خلي نمشيله

ابني عبد الله شمس عمري و فكَدتـــه
وحته ما شبعانه من شوفت ضحكتـــه
بداعة العباس احلفج و انــــتي اختـه
خاف يبجي اوليدي خل نمشي ونسكته
●كَالو يزينب سهم المثلث كَطع نحره
ما ادري خاف بخيل اميه هشمو صدره
كلسا تدور ابالي يابت فاطمه فكـره ابني السهم هد حيله

اشلون جف الموت يخطف بيده ورده
و شْقنع وجـــه التــــراب يلوح خده
بالمــخيم لســـه عـــطره يـــفوح بعده
ولسه اشم ريحـــة ولـــد بـرماد مهده
●مهده رماد وآنه اشمن عــــطره برماده
ابدال الترب خليني احط ارويحتي اوساده
آنـــه كَبـــل نــــــومي اناغي وليدي معتاده ويغفه بشمة الشيله

ما يهمني الليل رحت لوحــدي اطلع
بلكي يفتح عينه من لصوتــي يسمع
ارد اكَـــله بــــفركَتــــك كَلــبي تكَطع
هذا وكت ارضاعك إكَعد يبني إرضع
●مشتاكَه اشمنه ويداعب خدي بجفوفه
يا عمته مشتاكه عيني يضـــحك اتشوفه
لا ما بقت بس ليله وحده وبـــاجر نعوفه هالليله اشد ليله




بالله يا زينب صدكَـ يرجع و اضمه
وصدكَـ يكبر و اكَضي تالي عمري يمه
ابني لســـه مـــا سمـــعته ايكَـلي يُمه
اوليدي ست اشهـــــر تروّه بفيض دمه
●اشلون اشرب الماي وكَضه عبد الله ما ضاكَه
ويـــلي عله اوليدي التهدم حيلي بفـــــراكَه
راح و ترك كَلبي يحن ما حنّت الناكَه المن ضيمي اشكيله

ارد أسألج هالســــؤال وكَلبي مجروح
اشلون بينه للسبـــــي لو باجر انروح
اشلون اشوفن بالعوالي راسه مذبوح
من كَبل سبيي عســــاها طلعت الروح
●يوليدي جانت جلمه حلوه وبيها ترديدي
يا ريـــــت اموت ولا اشوفن منحر اوليدي
يا ريت اموت ولا شفت شدو حبل بيدي انظر حالي وابجيله
خادم الحسين (عليه السلام)
كرار حسين الكربلائي

*[ غربة سفير الحسين ]*

أداء: الملا #محمد_باقر_الخاقاني
كلمات: الشاعر #السيد_أنور_الموسوي

https://youtu.be/mtroYYVSYwA

مجالس شهر محرم الحرام لسنة ١٤٤٢ - ٢٠٢٠ م
مجلس الليلة الخامسة من شهر المحرم
عزاء هيئة الحسن المجتبى عليه السلام - العراق - الديوانية

مونتاج: سجاد عباس العكيلي
تسجيل الصوت: محمد جاسم - أمير الخاقاني
مكساج: سجاد الهيفي
مخطوطة: محمد الصادق
النشر الشبكي: علاء بركات العاملي

فزاعيه لخروج الامام الحسين عليه السلام من مكه متوجها لكربلاء في يوم الترويه في الثامن من ذي الحجه ولم يكمل حجه

المستهل👇👇

شد الرحال ابو علي
ولكربلا اتعناها

⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱

ماخذ إخوته وكل هله
الحسين ابن عقد الوله
عازم يروح لكربله
وزينب تهل عيناها

⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱

عن مكه شال ابو علي
ودمعاته عالوجنه اتهلي
زينب تنادي يالولي
روحي الحزن غطاها

⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱

زينب تنوح وتبتهل
وتصيح والمدمع يهل
يابعد ناسي والأهل
وزاد النحيب وياها

⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱

شد الرحال ابن النبي
لرض البلايا والسبي
وگلب الموالي والابي
يعادي الذي عاداها

⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱

ينادي ابن خير العمل
وادموعه عالوجنه تهل
ركبوا زينب عالهزل
بعز وفخر بت طه

⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱

تبچي العقيله ام الخدر
والگلب دامي ومنكسر
وتگول ياجدي العذر
والنسا تبچي وياها

⊰᯽⊱┈──╌❊╌──┈⊰᯽⊱
⊰᯽⊱┈──╌❊╌──┈⊰᯽⊱

تمت بعون •اللّـہ تعالى
✍الخادمه ام زيد الشمري

نسال •اللّـہ القبول
ونسالكم الدعاء بتعجيل فرج مولانا

#الناشر_الحاج_فلاح_حسن

نعي للسيده زينب ع


اجت زينب لبو الاكبر تهل العين
مصيبة كربله ياخويه جتنه منين
وين انطي الوجه لو رحت لاوين
تره اصبح غريبه بغيبتك يحسين
****
اختكم انه زينب لا تخلوني
لون رحتو بعد عدمن تعيفوني
انه بذل شامتي اصبح دريتوني
يسلبوني ويضربوني ويشتموني
****
انه الما حسبت دهري غدر بيه
انه زينب ونيني اتراكم اعليه
تريدوني اروحن يهلي مسبيه
وشوفنكم جثث مذبوحه مرميه
****

الشاعر اياد الديراوي

منهاج محرم الحرام 1443 هـ
لمولاي علي الاكبر ( عليه السلام )
[ رسول الله رجع ]

رسول الله رجع والصوت ردد
بالطف هـذا الاكـبر لـو محـمـد
مصحف شايل بـعلـمه
مُحمد بس علي اسمه

حِـراء الغـار يـومــيه الـوحـي جـبريـل بـي نـازل
على طـه بـسـور قـرآن ومـن ثـگـل الـسـور مـايل
وبالطف غـار الأكبـر صار خـيمـة عمّـه ابو فـاضل
وحسين الوحي بالطـف يدخل بس عطـش شايل

أقرأ مايگـلـه يـگلـه بأحسـاس
منتظرك أباب الخيـمه عبـاس
علي والوالـد ايـكلـمـه
محُمد بس علي اسمه
______________1__________________

الـنـبـي بـالـغـار لا تـحـزن گـال الـصـاحـبـه اليـمّه
وبالطف قاسم العريس لعلي صاحـب وابـن عمّـه
بغار الخيمه مامش خوف بس چان الحذر حكمه
أهو عبد الله بيـهـم چـان يتـسـاوه أبـْالـف زلـمـه

يامحلاها گعده والحچـي الزيـن
علي وجسام گعدو ويه الحسين
زلمـه وگـعـد يـم زلمـه
محُمد بس علي اسمه
______________2__________________

طـلـع مـن غـار ابـو فـاضـل رسـالـه حـامـل بچـفه
مــثـل مـاي الـلـه خـطـواتـه وآثـار الـچـدم ضـفـه
مخـطّط سـوه بالمـيدان مو بـالسـيف بالـسـعــفـه
ولمـن گـام شـاف الـجـيش جامـد صابته الرجفـه

ضوه ايشوفونه ماشافو خياله
سيف أبچـفه وبگلـبه الرسـالـه
يمشي بهِيبِـته وعـزمه
محُمد بس علي اسمه
______________3__________________

عـسـاكر نـظـرتـه وصـاحت مـنو هذا الأجه علينه
بـمـشـيته يـقـره بالـقـرآن ؟ لـو نيتـه يحـاچـيــنه
مـو يـوسـف ولــكـن جـيـش لـمـن نـظـرو لـعـيـنـه
مـا جــرحُـو اصـابـعــهـم الـواحـد گـطـع چـفـيـنـه

من اعيونه مخـلوقـه البراءه
وگـام ايـرتـل اعـليـهم بـراءه
قـرآن ومـنـو يفـهـمــه
محُمد بس علي اسمه
______________4__________________

رسـالـه وگـام يـشـرحـهـا وكـلـهـا تـسـتـمـع لـيـهــا
خـيـام الـله خـيـام حـسـين يـعـني الـلـه راعــيهـا
الـيريـد ايتـوب خـل ايتـوب هيـه الـدنـيا تـاليـهـا
مـمـر لـلآخـــره وهـنــاك تــتــلاگـه الــزلــم بـيـهـا

اشما قدم نصيحه الهم يشاهد
واحدهم صـبـح لـلـدنيـا عـابـد
گـف اردانـه چـن عمّـه
محُمد بس علي اسـمه
______________5__________________

مــافـاد الـنــصـح شــافّـه گــام وســرفــن اردانــه
وسل الـسـيف بـيـمـينـه وگــام اتـطـيـح عـدوانـه
مـن الـخوف گـلـهـا تـصـيـح مـالـك فـتـح بـيبـانـه
عـلـي لــو هـذا ابــو فـاضـل وگـلـهـم لا عـلـي آنـه

راس براس طگ وعيونه تجدح
بسيفه مدري گـام بـخزره يذبـح
وروس القاده يم چدمه
محُمد بس عـلي اسـمـه
______________6__________________

#رزقهم_سلام_الله_عليهم
#احمد_رزاق_الاعرجي

((قصيده بحق ابو الفضل العباس ع))

راح اطب للحومه ×× يا علي يا علي
الخندق ايرد يومه ×× يا علي يا علي
*--------------------------*-------------------------*
هذا يوم وعــــودي يا علي يا علي
لازم اترس جــودي يا علي يا علي
موت اخلي حدودي يا علي يا علي

الراية هل ملزومه الخندق يرد يومه
*--------------------------*-------------------------*
راح امثلك بالحـرب يا علي يا علي
مبتسم للجيش اطب يا علي يا علي
اكلب الحومه كلـب يا علي يا علي

اليوصل وصل محتومه الخندق ايرديومه
*--------------------------*-------------------------*
انه حيدر ثانـــــــي يا علي يا علي
بدمي اخط ميدانـي يا علي يا علي
بس مجد عنوانــي يا علي يا علي

الزود بأسمي علومه الخندق ايرد يومه
*--------------------------*-------------------------*
والله اقرن عينـــــــــك يا علي يا علي
روحي تفدي حسينـــك يا علي يا علي
ناوي ارد صفينــــــــك يا علي يا علي

صوله الي ومحسومه الخندق ايرد يومه
×--------
×-----'-----''---'-''
انت فارس خيبـــــر يا علي يا علي
وانه حامي الـــخدر يا علي يا علي
من اصول اتبخـتـــر يا علي يا علي

الطف افيض دمومه الخندق ايرد يومه
*--------------------------*-------------------------*
صابر اسنين انتظـــــر يا علي يا علي
انتظر ساعة صفــــــر يا علي يا علي
وصلة وماكو عــــــذر يا علي يا علي

الجيش اشوفه نجومه الخندق ايرد يومه
*--------------------------*-------------------------*
بيك اشدنه العـــــزم يا علي يا علي
واسحك خيول وزلم يا علي يا علي
مبخت الرد منهــزم يا علي يا علي

هذا ياهو يلومـــــه الخندق ايرد يومه
*--------------------------*-------------------------*
انه شبلك يالاسـد يا علي يا علي
ما اهمن هل عدد يا علي يا علي
تصورت اكثر بعد يا علي يا علي

صوره الك مرسومه الخندق ايرد يومه

...
رعد الجريخي

نعي لسان حال السيده زينب مع العباس ع مفجع


ادري جفوفك بكتــرك وحالك هذا اشوفنــه
بس الضيـم جابانـــي غيرك ياهو افزعنــه
غيور واعرف بطبعـك وجرحك راح الجمنه
واكلك ضربو سكينـــه وعلينه حركو خيمنه

اجيتك حافيه واركض وانت اتكفلت بيــــــه
النار الحركت الخيمات جوت حيل رجليــــه
عمري يقارب الستيــن زحمــه انكاد مسبيه
ويعرفوني عزيزة كوم هاي التصعب عليــه

كدام الزلم والخيـــــل اركض والجدم حافـــــي
واسياط الشمر والنــار حركت ثوبي واجتافــي
اسولفلك هضم دنيــاي واحجي الصار لو كافي
رقيه تناطر الجـــودك وانـــت بنومتك غافـــي

اخت عباس يدرونـــي راسي بهيبتك عالــي
شلون اجناب تنضرني وانا مخدر اخيالــــي
عمري ارخيص يالكافل تدري والخدر غالــي
عيون الناس تطعنــــي وتجرح حيل دلالــــي

جنــت امخدره ويـــاك كلي شلون ما تصعب
بعباتي النار مستعـــره واكبالي الشمر يكرب
شمتاني يراعي الجود اختك فرت المعصـــب
اطلبك يالجبتني بديــن كوم و وفــي بالمطلب


ترضاهــه انـــربط بحبـــال وانا مخدرت عدنـــــــان
لو ترضى انضرب بالسوط و واكف وانشتم وانهان
مـــو عـــــاده لبني عدنان وحدهن تطلع النســـوان
كـــون المــــوت ياخذنـــي وكـــون موسده التربــان

عفتهه بمدمع واجيتـــك رقيه ويابسه الشفـــــه
ذبلت بالعطش والخوف عزيـــــزة كلبك الترفـــه
شكلهه اتعذرج عبـــاس وحبك يالاخـــو تعرفــــه
لو اكلهه البكه براســج على الشاطي انكطع جفه

احــــاول اقنـــع رقيـــــه وكلبهه يهود ونينـــه
بس شلــون يالغـــالــــي عذري يصير لسكينـه
تشوف ادموعي عالخدي وتسالني الكمر وينـه
مـــا اكــدر اكلهه بهـــاي دامي ونبلتـــه بعينه

نــــام مهنه بالنومــه ادري بحجــي اذيتــك
سويت الكبل ما صار وابقى اتفاخر بصيتـك
اعذرني وعتبت عليك وبدمع الجفن جيتـــك
الله ويــاك يعيونـــــي سفره بنيتـي ونيتـــك


الشاعر رعد الجريخي

لسان حال حبيبة الحسين ع رقيه ع


راس ابـويـه بـالـطـشـت جـابـوه الـيـه
دمـه يـنـزف والـجـسـد بـالـغـاضريـه

حاچـيـتـه ما حاچاني * وبـمـدمـعـي خـلانـي

***********************

ردت ابوسه بمنحره بس ما لگيته
سلمـت انـي الامـر بستـه بـلحيـته
بـويه بـويه ويـن جسـمك سائليته
شنهي ذنبك تنقتل شنـهي الجنيته


گـمت احـس وي الابـو گربت منيتي
وانــه طـفـلـه أتيـتمت شلـي بدنيـتي

المن ابث احزاني * وبمدمعي خلاني

********************

هلـت عـيـوني وصحت وينچ يعمه
چـانت امنيت الـعـمـر ارجـع واشـمه
مـواشـوفـن راسه يمي ايسيـل دمه
شفته بالطيف وشفت محفوظ جسمه


هسـه خابت ضنـتي شفته بخـضابه
عندي غالي ويـا گلب يحمـل مصابه

بعطفه الابو رباني * وبمدمعي خلاني

*******************

گتله بويه وماحچـه اتهدم كـياني
انـي ارقـيـه الـعـزيـزه گـتلـه انـي
چني احس بنفاس تلهب جاوباني
هـذا حالي ومنتظر جيتچ واتاني


گـتلـه فـدوه لحيـتك ويـاك اخذني
نار الاسيـاط وجـرح فگدك مـردني

حيل السكوت اذاني * وبمدمعي خلاني

************************

اشلون أعيش بدنيتي والعيشه مره
وانـي بـعيوني اشـاهد شيبه حـمره
مـظـلم اليـل بغربتـي اوجهه گمـره
ركـزّت بيهه وشـفـتـهه انـوار ثـغـره

هــذا نوره البـشمـس يعكس ضـواهه
سورت أصحاب الكهف يمي وقراهه

اتصورت شافاني * وبمدمعي خلاني

************************
عـادت الـميـت تـره تحـفظ حـرمته
بس ابويـه بالحـجر صـابوا جبـهـته
روحي هـامت لطشت گله وحظنته
قبّلت وجهه ودمه الحاجب مسحته

شنهو ذنبه وبالحجر صابو جبينه
تجري عيني والكلب ذاب بحنينه

وين الاجل شمتاني * وبمدمعي خلاني

***********************

كـلبـي حن الشوفته ورد ذكـريـاته
چنت احط سجادته واسمع صلاته
غالي عندي ومايصح والله بغلاته
هيچي غالي اليفگده شـلـه بحـياتـه

هـوه شـمعت دنـيتي ماعـندي غيـره
چنت أعيش بروضته واشتم عبيره

هسه الزمن جرحاني * وبمدمعي خلاني

***********************

✍خادم الحسين (ع)
الشاعر رعد الچريخي