ابوذيات في حق السيدة فاطمة العليله عليها السلام

مـاجَـت عـيـنـي بالدمعه علىٰ إلْراح (١)
و گـلـبـي يكـتـوي بَـهمّه علىٰ الراح (٢)
و أصفگ بالوسف راحي علىٰ الراح (٣)
*و أنعه حالتي الصعبه الشجيّه*
...............
(١)مضى و مشى، (٢)بشكلٍ بطيء، (٣)الكف
➖➖➖➖➖➖➖➖
و حگ منهو الگمر بالعَليا عَلاّه (١)
فـراگـك والــدي دلاّلــي عــلاّه (٢)
و نـوحـي هالدهـر بالدنيا علاّه(٣)
*أبچي اموادعَك صبح و مسيّه*
...............
(١)رفعه، (٢)امرضه و انهكه، (٣)اشتد و سما
➖➖➖➖➖➖➖➖
حـيـلـي ما يشد يا بويه لوداع (١)
وياكم بالظعن ماخذني لو داع (٢)
لو منكم خبر واصلني لـو داع (٣)
*يـخـفـف عـلتي و ضيمي عَلَيّه*
...............
(١)الفراق، (٢)رضيت، (٣)المرسال
➖➖➖➖➖➖➖➖
جــدّي بـاللحد ضمني يَجَداه (١)
لدمومي الخصم عزمه يجِدَه (٢)
شيفيد الوعظ بيهم و يجْداه (٣)
*الأُمّـه خـالـفـت بـيـك الـوصيّه*
...............
(١)يا جدي، (٢)يشتد و يجتهد، (٣)الجدوى
➖➖➖➖➖➖➖➖
ويلي عالزمن هل بينا من دار (١)
ألـوان الـكـدر يـا وسفه من دَر(٢)
انوار الوحي مطروده من دار (٣)
*طـلـعـت بـالأسـىٰ لـلـغـاضـريه*
...............
(١)لف، (٢)سال بكثره، (٣)بيت او منازل
➖➖➖➖➖➖➖➖
حَنَّت بالگبر مكسوره ضلـعـيـن (١)
فاطم للبچي بس إلها ظل عين (٢)
و نادت للولي يَوليدي ظل عين (٣)
*گـلـبـي ع الـحـزن وَيّـه الـرزيّه*
...............
(١)اضلع، (٢)عين واحده، (٣)ساعد
➖➖➖➖➖➖➖➖
✍️الشاعر : أبو شهيد الأحسائي
السبت ١٤٣٧/١٢/٢٩هـ
════════════
*لا يجوز و محاسب شرعاً حذف او تغيير التوقيع*

*♦️قناة الواتساب♦️*
https://chat.whatsapp.com/INKEg5B0j6q5qkZUiGHZlY
〰️〰️〰️〰️〰️〰️〰️〰️
*🔹قناة التلگرام🔹*
https://tttttt.me/joinchat/AAAAAE_HFNViqL7eHHi48w
════════════

خطاب لوعة و فراق فاطمة العليلة عليها السلام

والله دوم إللي نحبهم ما يضلّون
ليش أهلي راحو عنّي وين يرحلون
و إگطعوني من أملهم و ضيِّعوني
❃❃❃❃❃❃❃❃❃❃❃❃
آنه و أيّام العَتَب وشگد نعاني
حتّىٰ من لوعي الحزن ضج و نَعاني
والله مو سهله عَلَي بهَمّي أتاني
من مضىٰ بسَعدي و رحل و فگده شِجاني
ليلي ما عَرفَه و صُبُح لونه إجاني
سوده هالدنيا الدمع كثره عماني
...............
أمشي و أتلَمَّس أثرهم بين لأركان
و ارسم بفكري صُوَرهم و شوگي عنوان
وسفه محرومه وَصلهُم و ضيِّعوني
❃❃❃❃❃❃❃❃❃❃❃❃
حيرتي بيها إغرگت مَدري اشْدَهاني
مدوهنه بين الألم و بين الأماني
من مشو و آنه أعد هاي الثواني
و المرض وسفه نحل روحي و كياني
صابره اشلون اعتجِب و ضيمي ولاني
و مركبي اشراعه إنفتگ بعاصِف زماني
...............
غارگه بموج النوايح ويَّه لظنون
و خايفه أهلي بسفرهم ما يرجعون
وين ألاگيهم و أدلهم و ضيِّعوني
❃❃❃❃❃❃❃❃❃❃❃❃
ساكنه ابيوت الوحي ويَّه المناحه
و لَيَّه جبريل بخبر ما رَف جناحه
وسفه طيفه ما شِفِت راح برواحه
بس بگىٰ غراب الوجل يدوي بصياحه
و عيني مرهونة كِدَر و گلبي بجِراحه
و أرتجي بويه يجي و يطلع صباحه
...............
بس وحي الموت إعلَه داري بحسره و يحوم
ينادي جبريل بخبرهم ينحب اليوم
بالسِما ينعه چتلهُم و ضيِّعوني
❃❃❃❃❃❃❃❃❃❃❃❃
من أغمّض كل جفن و أغفي لحالي
أحلم بطيف الأبو و أشكي اشجرالي
أگعِد بحِجرَه و أحِن بويه يا غالي
عاين إشلوني إفگَدِت عُگبك دَلالي
و من أوَسِد ع الصدر راسي لوِصالي
أسمع آهه بكل ألم و بصوت عالي
...............
ألمس اعظامه أثاري صدره مهشوم
و رِدت أقَبّل راسه وينه نحر و دموم
و أگعِد أفزع أندَه إلهُم و ضيِّعوني
❃❃❃❃❃❃❃❃❃❃❃❃
بالهَجر ظامي الگلب شوگ و مراره
هالوضع قاسي و صعب ولا بإختياره
و الوَصل عَذبه إبتعَد و أعلن قراره
و أشرب أمواج الدمع كل ما تجاره
و كَوْكَبي غاب إختفىٰ وماهو بمَداره
بلا شَمِس آنه و گُمَر عيوني سَهاره
................
للسما من أنطي وَجهي و مَرَّت أطيار
أسأل اجناح المشاعِر شنهي لأخبار
و يمكن بحالي يگِلهُم و ضيِّعوني
❃❃❃❃❃❃❃❃❃❃❃❃
خاطري بروعي هِمَس هَمْسَة ندامه
هالسفر ماظن أبد سَفرَت سلامه
خوفي لا يعود الظعن نسوَه و أيامه
تندب إلصار و حصل وَيّه النشامه
ترجع ابلايا الطفل خويه اشعلامه
ولا رُقيّه بالظعن گلبي بضرامه
...............
ولا علي يرجع أخافن وَيّه جسّام
خايفه بويه أفگده وَيّه لأعمام
ابهالسفر خوفي أجلهُم و ضيِّعوني
❃❃❃❃❃❃❃❃❃❃❃❃
الشاعر : أبو شهيد الأحسائي
الثلاثاء ١٤٣٧/١٢/٤هـ
════════════
*لا يجوز و محاسب شرعاً حذف او تغيير التوقيع*

*♦️قناة الواتساب♦️*
https://chat.whatsapp.com/INKEg5B0j6q5qkZUiGHZlY
〰️〰️〰️〰️〰️〰️〰️〰️
*🔹قناة التلگرام🔹*
https://tttttt.me/joinchat/AAAAAE_HFNViqL7eHHi48w
════════════

ذكرى مصاب السيدة فاطمة العليلة عليها السلام

بدرب الأحباب تاهت العين // ودمعة غياب تنطر احسين
ولا خبر منهم وصل // من رحل ظعن الأهل
و دمعة غياب تنطر احسين
●•••••●•••••●•••••●●•••••●
كل مسافات الفگد - روحي تطوي و تبتعِد - تدَوِّر احسين
و گلبي ما فاده الصبر - صعبه كل لحظه تمر - هالأهل وين
بالهجر سعدي إنذبح - و الألم صوته صدح - بصرخة البين
لنّي ميته و إرتحِت - ولنّي حَيَّه أصبحت - بين لإثنين
...............
جسمي و الروح بين أمرين // و دمعي مسفوح يجري صوبين
و الصبر بِيَّه إنچتل // من رحل ظعن الأهل
و دمعة غياب تنطر احسين
●•••••●•••••●•••••●●•••••●
تشخص اعيوني الفضا - و الصدر يلهب لظىٰ - شيطفي هالنار
جمره من راحو صِرِت - بحالي و همومي إحترِت - و هاجت افكار
و عِلِّتي زادَت وسف - دوايَه من إيدي إنخطف - بهاي لأسفار
نوب أگوم بلوعتي - و نوب أطيح بحسرتي - حيلي منهار
...............
جسمي لو طاب گلبي معلول // بهٰذا لمصاب يبگىٰ منحول
هالسفر بِيَّه إشعمل // من رحل ظعن الأهل
و دمعة غياب تنطر احسين
●•••••●•••••●•••••●●•••••●
أگعد بوَجه الصبح - و أسأل الشمس بجرح - أهلي چاوين
تجاوب اشلون أعتجِب - بغيم عنّي تحتجِب - تجذب ونين
و ليلي لو حَلْ و استقر - انطي وجهي للگمر - و اطلبه يعين
يناشد انجومه عسىٰ - بيا أرض بويه رسىٰ - و تغفىٰ هالعين
...............
اصحىٰ بنياح و اغفىٰ بصياح // بويه من راح فزَّت اجراح
و كل نجم دمعي سأل // من رحل ظعن الأهل
و دمعة غياب تنطر احسين
●•••••●•••••●•••••●●•••••●
فكري سارح بالكِدَر - و الحزن اصبح وطن - و غُربه لأوطان
الوطن بويه و رحل - و عنده ما لَيَّه محل - و خذها لإخوان
و اتركوني امحيَّره - وبالأمل متصبِّره - لو وعد حان
يلفي مرسال و يجي - و ليهم أگصد ارتجي - و انسىٰ اشجان
...............
ارسم احلام بفكري و آمال // و خوفي لأيام تحمل أهوال
خايفه مدري اشحصل // من رحل ظعن الأهل
و دمعة غياب تنطر احسين
●•••••●•••••●•••••●●•••••●
الماي اسمعه بكل كتر - يجري بأصوات القهر - و سيله ويلات
و من على شفافي يُمر - طعمه حسره بل أَمَرْ - طعمه آهات
عَذبَه مو هاني إلي - خصوص من أطري الولي - چنَّه عبرات
چنَّه بالدم مختضب - و يجري آيات الغضب - شهالعلامات
...............
و صوره ع الماي نار و خِيام // و چنَّه حَمّاي ع النهر نام
چن گمر يَمَّه إنچتل // من رحل ظعن الأهل
و دمعة غياب تنطر احسين
●•••••●•••••●•••••●●•••••●
يا دهر گلبي خفگ - و چن عَلَيْ هضمي طبگ - و رايده اجواب
هل يرد ظعن الولا - و عزوتي بي كامله - و ماكو غِيّاب
لو ترد بس معوله - هالحرم من كربله - تروي لمصاب
و بويه تالي افگده - و اسمع بحاله إشغدىٰ - وَيَّا لأحباب
...............
بِيَّه هالخوف يزرع أوجاع // گِلّي شِتشوف بهٰذا لوداع
شايف بحالي شنزل // من رحل ظعن الأهل
و دمعة غياب تنطر احسين
●•••••●•••••●•••••●●•••••●
الشاعر : أبو شهيد الأحسائي
الخميس ١٤٣٧/١١/٧هـ
════════════
*لا يجوز و محاسب شرعاً حذف او تغيير التوقيع*

*♦️قناة الواتساب♦️*
https://chat.whatsapp.com/INKEg5B0j6q5qkZUiGHZlY
〰️〰️〰️〰️〰️〰️〰️〰️
*🔹قناة التلگرام🔹*
https://tttttt.me/joinchat/AAAAAE_HFNViqL7eHHi48w
════════════

مصاب السيدة فاطمة العليلة عليها السلام

*شالو الأظعان - و گلبي الولهان - شايل ويّاهم*
●•••••●•••••●•••••●●•••••●
نور هاشم و الزهره - شايل اظعانه
و نار گلبي متوجره - و تلهب أحزانه
حسين طالع بالعتره - و عايف أوطانه
و ليش خلاّني بحسره - و هَمّي ذبلانه
*نور الأطياب - أعلن لغياب - شايل ويّاهم*
●•••••●•••••●•••••●●•••••●
ليش وحدي عافوني - و المدمع ساچب
آه لو بس إخذوني - ظل فكري عاتب
هاج ضيمي و شجوني - و الوجد لايب
حيف أهلي بگّوني - و حَنِّتي تنادب
*بحالي المعلول - ابگىٰ معگول - شايل ويّاهم*
●•••••●•••••●•••••●●•••••●
ضيم هالعِلَّه ابحالي - ما يرحم وسفه
جيت بويه الغالي - و إلزَمَت چَفّه
بصوت أندَه يالوالي - بِيَّه لا تِجفىٰ
چيف يل غيرك مالي - بأوجاعي أصفىٰ
*بلَيّا وليان - شلون الأوطان - شايل ويّاهم*
●•••••●•••••●•••••●●•••••●
روح ما ظلَّت بِيَّه - روحي بحماهم
و دار ما ظلَّت لَيَّه - وحشه بفرگاهم
و دوم انطر هالجَيَّه - يمتىٰ و ألگاهم
طيوفهم تلفي إعليَّه - و أبچي لذِكراهم
*روحي بآمال - تترَجّىٰ وصال - شايل ويّاهم* ●•••••●•••••●•••••●●•••••●
چيف خلوني بروحي - ولا واحد يَمّي
مين يلچمها اجروحي - و يواسي هَمّي
وين هَلْ يسمع نوحي - لكبر أو عَمّي
جال هالغَم بسوحي - و النَحِب نَغمي
*وعدوني يجون - و لَيَّه يردون - شايل ويّاهم*
●•••••●•••••●•••••●●•••••●
شلون دهري خلاّني - بهاي الأسِيَّه
صوت سكنه بآذاني - و أختي رُقَيَّه
و طيف عبدالله جاني - و شِفتَه بإيدَيَّه
آه سُگمي آذاني - و مِنَّه مَبلِيَّه
*ظلّيت بخوف - زُواري طيوف - شايل ويّاهم*
●•••••●•••••●•••••●●•••••●
لگاه أشريه بعُمري - لو يحصَل وَصله
حسين بو اليِمّه ذخري - و الحامي المِلَّه
خاف كل تالي أمري - عَنّي يتخلّىٰ
البين ما يرحم صغري - بيتمي يتسَلّىٰ
*من گبل اطلوع - ضمني بدموع - شايل ويّاهم*
●•••••●•••••●•••••●●•••••●
الشاعر : أبو شهيد الأحسائي
الأربعاء ١٤٣٦/١٢/٢٣هـ
════════════
*لا يجوز و محاسب شرعاً حذف او تغيير التوقيع*

*♦️قناة الواتساب♦️*
https://chat.whatsapp.com/INKEg5B0j6q5qkZUiGHZlY
〰️〰️〰️〰️〰️〰️〰️〰️
*🔹قناة التلگرام🔹*
https://tttttt.me/joinchat/AAAAAE_HFNViqL7eHHi48w
════════════

(( شـــال الـــضـــعـــن))
ابيات نعي في خروج الامام الحسين عليه السلام من المدينة المنورة
〰️〰️〰️〰️〰️〰️〰️〰️
شــال الــضـعـن سـبــط الـهُـدَه
و بـطـيـبـه مـحــزون الـگـلــب
مـعـلــولــه نــادت طـفــلــتـــه
خـذنـي تــرىٰ افـراگـك صعب
تـخـلـيـنـي وحــدي ابـهـالـبلـد
و دمـعـي علـه خدودي يصب
يـا بـويـــه مـــا فــاد الــدمــع
ولا فـــادت الــوَنَّــه وعــتــب
يــامــا إجـيـــــتـــك والــــدي
وضلعي إنحنىٰ واطلب طلب
ويّـاكــم إخــذونــي شــأظــل
وحـشـه الـبـلـد يـل المُنْتَجَب
لا تــگِـــلّــي مــعـلــولــــه ولا
أگــدر عــلــه دَرْب الــتــعَـب
خــذنـي عـســانــي لا أظــل
رهــن الأسَـه وصبري إنْغلَب
نـــور الـــمــديـنــه يـا يُــبَــه
شوف الحشا بضيمي إلْتَهَب
صــد لـيـهــا لـحسيـن بهضم
وضمها وشهگ وگال السَبَب
مـجـبـور أنـا أمـشـي بـهَـلـي
أمــر الله و بلـوحـه إنكـتـب
الـسـفـره طـويـلــه و مُؤلِمَه
و بـيـهـا الحـزن وَيَّه العَجَب
و إنـتـي عـلــيـهــا مـا أظــن
تـگــوي وجـعــهــا و الغَضَب
بـيــهـا الـحـرايــر تـنـســبـي
و خدري تسمعي بـه انْتَهَب
و زيـنـب تـسـمـعـي حـايـره
تـنـادي وسف بـيتي انْخَرَب
و بـيــهـا يـگــطـعـو رگبـتـي
و جسمي عله الرمضا إنْسَلَب
و راسـي عله الرمح الطويل
سِنانه بدمَه نـحري انْخضَب
أهـلـي و خـواتـچ بـالـيــسِر
و حـبـل الـكـفـر بيها سَحَب
و تـدخـل ديـار الـشـامـتـــه
بـيـن الـشـتـم و بين الطَرَب
تشوف ابْطَشِت عنده يزيد
راسـي و ثـنـايـايَــه ضَـرَب
بـنـتـي فــلا أكـثـر أگـــول
هـجـرچ سـهم و بِيَّه نِشَب
صـبـري عـلـه أمـر الرحيل
يا ضـنـوتـي يومي إگْترَب
〰️〰️〰️〰️〰️〰️〰️〰️
✍️الشاعر : أبو شهيد الأحسائي
الأربعاء ١٤٤١/١٠/٢٥هـ
════════════
*لا يجوز و محاسب شرعاً حذف او تغيير التوقيع*

*♦️قناة الواتساب♦️*
https://chat.whatsapp.com/INKEg5B0j6q5qkZUiGHZlY
〰️〰️〰️〰️〰️〰️〰️〰️
*🔹قناة التلگرام🔹*
https://tttttt.me/joinchat/AAAAAE_HFNViqL7eHHi48w
════════════

((وطـــن أحـــــلامـــــي))
خطاب العليله فاطمه لأبيها الحسين عليه السلام

يا وطن احلامي باچر -- يفني عمري هالانين
لا تسافر او تهاجر -- يا حبيبي يا حسين
گلبي مجروح // و دمعي مسفوح
يا حبيبي يا حسين
❊❊❊❊❊❊❊❊❊❊❊❊
آه چم دوب ابدليلي وَيَّه كل زَفرَه إطْلَعَت
و عبرتي ع الوَجنه بويَه كل حلمها وَدَّعَت
آني يحسين العليله لحسرتي الدِنْيَه نَعَت
و بقَهَر گلبي يَغالي هالرزايا أبْدعَت
...............
و هالدهَر چن بِيَّه ناذِر -- أگضي أيّامي حَنين
ما رَحَم حالي ولا خاطِر -- و عَصَّبِت مِنَّه الجَبين
و ذابِلَه الروح // و دمعي مسفوح
يا حبيبي يا حسين
❊❊❊❊❊❊❊❊❊❊❊❊
اشحال من بيها النوايب دارَت ابموج النَدَم
ليت من گبل إرتحالَك چان واليني العَدَم
صارت أحلامي كئيبه كلها عن موت اويه دَم
وبيت آمالي بقرارك وسفه يا بويه إنهدَم
...............
لو جبل صبري تِفَتَّت -- و دَكَّه ميعاد الرَحيل
و شَملي ياوسفه تِشَتَّت -- و للوَصِل ماكو سبيل
طاحت اصروح // و دمعي مسفوح
يا حبيبي يا حسين
❊❊❊❊❊❊❊❊❊❊❊❊
چيف فاجَئني غِيابَك و آمِرِت عَنّي تشيل
من گِلِت خِذني يَبويَه أبگَه وحدي مُسْتَحيل
گِلِت مَعْلولَه يَبنتي و إلْزَمي الصبر الجميل
و خَذِت كل أهلي و عِفِتني و راح وَيّاك العليل
...............
هالوطَن يا بويه غُرْبَه -- اويايه ظَلَّت ذِكريات
وش بُگه بعُمري و أطلْبَه -- و راح ريعان الحَيات
و الأسىٰ يلوح // و دمعي مسفوح
يا حبيبي يا حسين
❊❊❊❊❊❊❊❊❊❊❊❊
لو رِحِت أبگَه أعاني ضيم و هموم و اشوف
طيوف أحبابي إللي راحو بكل دمع يجري ذَروف
الدار مو دار ابفَگِدكُم و الحزن لا ما يروف
امعذبه بسهري و نياحي و الكدَر بِيَّه يحوف
...............
مو سَهِل عگبَك أقاسي -- جمرَة الهَجْر الأليم
يَلْ خَذِت حيلي اويه باسي -- و الله بفّادي عليم
و أجذب النوح // و دمعي مسفوح
يا حبيبي يا حسين
❊❊❊❊❊❊❊❊❊❊❊❊
ألتمس ريحك يوالي بين جدران و سراب
و لو شِفِت بأحلامي طيفَك اجري عبرات العِتاب
لحضنك أشتاگ و أنادي ينتهي يَمْتَه الغِياب
و ألتگي بشخصَك يبويه و تنهي أيّام العذاب
...............
من أفز من نومي أبچي -- بويه وينك يالحبيب
اويه النَجم في ليلي أحچي -- وين نازل هالغريب
و انطره يبوح // و دمعي مسفوح
يا حبيبي يا حسين
❊❊❊❊❊❊❊❊❊❊❊❊
الدِنْيَه چانت حِلْوَه بيكم و بوجودَك ليها لون
و چِنْت أظِن أهْنىٰ بربيعَك و خانَت ابعَزمي الظنون
چَنّي في غَفْوَه سعيدَه و أصحىٰ ألْگاها شجون
حَسْبي ع الجاني عَلينَه و حَمَّر ابقهري العيون
...............
حِلْوَه چانت عيشَه بيكم -- و هَسَّه چالعَلْگَم و اَمَرْ
يَمْتَه و اتْجوني أبيكم -- إنتو بيتي و مُسْتَقَرْ
جرحي مفتوح // و دمعي مسفوح
يا حبيبي يا حسين
❊❊❊❊❊❊❊❊❊❊❊❊
ياما بويه اتْوَسَّليتَك لا تشيل و تِرْحَلون
إگْعِد ابطيبه مَعايَه ولا تسير ابهالظعون
يا ضِوَه أوطاني إنتَه وَحْشَه لو تمشي تكون
و خايفه أسْمَع خَبَرْكم بكربلَه لو توصلون
...............
و باچر الناعي أسِمْعَه -- ينادي لحسين اذْبَحوه
و ما إلَه يا طيبه رَجْعَه -- و صدرَه بالخيل إسْحَگوه
و عاري مطروح // و دمعي مسفوح
يا حبيبي يا حسين
❊❊❊❊❊❊❊❊❊❊❊❊
الشاعر : أبو شهيد الأحسائي
الخميس ١٤٣٩/٨/١٦هـ
════════════
*لا يجوز و محاسب شرعاً حذف او تغيير التوقيع*

*♦️قناة الواتساب♦️*
https://chat.whatsapp.com/INKEg5B0j6q5qkZUiGHZlY
〰️〰️〰️〰️〰️〰️〰️〰️
*🔹قناة التلگرام🔹*
https://tttttt.me/joinchat/AAAAAE_HFNViqL7eHHi48w
════════════

(( فارگوني))
ذكرى خروج الامام الحسين عليه السلام وحال طفلته فاطمه العليله

فارگوني كل هَلي -- و اتركوني و من إلي
و آنه وحدي و النوايب أصعب اعليها
و دمعة الحسره تساچب تنوح واليها
❊❊❊❊❊❊❊❊❊❊❊❊
إلْمَن بهَمّي ألوذن وين أروح
و إلْمَن أشكيله مصابي و چيف أبوح
بِيَّه ما ظَلَّت عگبهم وسفه روح
بس بُگَت روح التعاسه و كلها نوح
بهاي مو سهله أعيشن و بالجروح
و ظلها كل عُمري المآسي بي تلوح
...............
و كل عذابي و محنتي -- شلون اعيشن حالتي
گلبي ذابل من مصاعب شلون تاليها
و دمعة الحسره تساچب تنوح واليها
❊❊❊❊❊❊❊❊❊❊❊❊
الموت أرحَم لَيّه وسفه ولا أشوف
دور أهلي ظَلْمَه ظَلَّت و بيها خوف
ابكل ركن همسه كئيبه للحتوف
تنادي صبري يا عليله ع الظروف
و هالدهر لا تنتخي به ما يروف
و حولچ أطياف إللي راحو بس تحوف
...............
و من زماني ما شِفِت -- إلاّ كل ضيم و خُفِت
ابگه بأحضان المتاعِب و أشتكي ليها
و دمعة الحسره تساچب تنوح واليها
❊❊❊❊❊❊❊❊❊❊❊❊
هاي مو نظرة خيالي ولا سراب
أنظر أطياف إللي راحو بكل عتاب
من أصد عبدالله مهده بإكتئاب
أنظر السهم بمكانه و چبدي ذاب
و من أصد غُرفة رُقيّه ابكل عذاب
أنظر الضيم و خرابه و لإغْتِراب
...............
لكبر امچانه أصد -- گلب أبويه منمرد
امْوَذَّر ابحيف المصايب و روحي شاگيها
و دمعة الحسره تساچب تنوح واليها
❊❊❊❊❊❊❊❊❊❊❊❊
شلون يا حال المدينه لإللي راح
كلها آهات و ملامه وَيْ صياح
و ليل وحشتها بسماها مسْتَباح
راح نور الله الذي وجهه صباح
و طير فرگاه و وداعه وسفه لاح
ناشر اجناح المنايه و دمعي طاح
...............
و بالگبر أم الحسن -- تجذب ونين المِحَن
و النبي لهاي الغوالب گلبه يبچيها
و دمعة الحسره تساچب تنوح واليها
❊❊❊❊❊❊❊❊❊❊❊❊
چم تمنيت الزمن صوتي سِمَع
و لوگت ممشىٰ ظَعَنْهُم بي رِجَع
و شوفي بأحبابي يتلاگَه و إجْتِمَع
والله ما فارگ هَلي بهٰذا الوِدَع
گلبي من عيشه معاهم ما شِبَع
شلون لآخر لحظه فرگاهم طُبَع
...............
ياما ياما چنت أظن -- إعْلَيّه ما خاف الزمن
يگِلّي مو سهلَه المَطالِب بالله تنسيها
و دمعة الحسره تساچب تنوح واليها
❊❊❊❊❊❊❊❊❊❊❊❊
حسين تسبيحة لساني و مُهجتي
ليته يعرف من سَفرْتَه إشْغُرْبتي
أتْنىٰ مرساله يجيني بفرحتي
و أمشي ويّاه و أجيله و عزوتي
و ألگىٰ أعمامي و أبويه و إخوتي
و أنسَه آلامي و حنيني و عِلَّتي
...............
أدري آمالي حِلِم -- و ليتها تصبح عِلِم
مو سهل بُعد الحبايب و آنه أتْنيها
و دمعة الحسره تساچب تنوح واليها
❊❊❊❊❊❊❊❊❊❊❊❊
الشاعر : أبو شهيد الأحسائي
الاثنين ١٤٤٠/١٢/١٧هـ
════════════
*لا يجوز و محاسب شرعاً حذف او تغيير التوقيع*

*♦️قناة الواتساب♦️*
https://chat.whatsapp.com/INKEg5B0j6q5qkZUiGHZlY
〰️〰️〰️〰️〰️〰️〰️〰️
*🔹قناة التلگرام🔹*
https://tttttt.me/joinchat/AAAAAE_HFNViqL7eHHi48w
════════════

(( يا مسافر بروحي ))
ذكرى مصاب عليلة الإمام الحسين عليهم السلام

يا مسافر بروحي -- شِلْيرهم اجروحي
خذت الگلب مني -- و امكانه ظل حزني
●•••••●•••••●•••••●●•••••●
بويه يا بويه العليله آنه يا نور البصر
لسان حالي صار يشكي للأسَه و طيف الكدر
يَلْ خَذِت أحلام عُمري و خاطري عفته إنكسر
عِلَّتي من راح نورك زادت و گلبي انفطر
...............
ظل خايب إحساسي -- و متْوَجعه أنفاسي
و صار النحب فني -- و امكانه ظل حزني
●•••••●•••••●•••••●●•••••●
عَوَّدِت عيني يَبويه تصحه و اتشوفك ضُوَه
و عَوَّدِت ريتي يَغالي تشمها أنفاسك هَوَه
لَنّي مخنوگه عفتني و حيلي منهاره و گُوَه
و عيني بس ظلمه تشاهد و صارت أيّامي سوَه
...............
صرت اسهر بليلي -- و يصدي الگمر ويلي
و خاوه الدمع جفني -- و امكانه ظل حزني
●•••••●•••••●•••••●●•••••●
همسة البهجه بحياتي صوتك و كل الأمل
و من رحت چم همسه اسمع للهضم دمعي همل
صوت يهمس ما يجيلچ والدچ موته حمل
و ماتت بروحي الأماني و مدري بويه شِلْ العمل
...............
يل صوته قُرآني -- بضيمه الدهر جاني
سعدي و رحل عني -- و امكانه ظل حزني
●•••••●•••••●•••••●●•••••●
اگصد لدارك يَبويه و گلبي بهمومه انطبع
و ادخل لحجرة صلاتك و فكري بآلامه خشع
چن اشوفك بويه بيها و طيفك اگبالي ركع
و اغفىٰ بيها و اصحىٰ وحدي و اصرخ بصوت الوجع
...............
يا سُبْحَة آمالي -- شوف اشْجرا بحالي
صار النعي لحني -- و امكانه ظل حزني
●•••••●•••••●•••••●●•••••●
اصبر اشلون إعْلَه فگدك و آنه بيك امْعَوّدَه
يل رحِت ما تدري إنّي ميته مو بس فاگِدَه
خوفي ما نتلاگه بويه و جوفي هجرَك مارِدَه
لن غراب ينوح فوگي صبرچ الله يساعِدَه
...............
خوفي يا أحبابي -- يدگ اليتم بابي
و حضن القهر ضمني -- و امكانه ظل حزني
●•••••●•••••●•••••●●•••••●
يالأبو ما تدري بِيَّه اشلون أتاني جَيّتَك
اگعد بدرب الرواحل بَلْچن أشْتَم ريحتَك
انطر المرسال مِنّك و اقره عنها سفرتَك
ولا خبر مِنَّك إجاني كافي لوعة غيبتَك
...............
يا مسافر و عيني -- تترقبه يجيني
بنار الهجر شَبْني -- و امكانه ظل حزني
●•••••●•••••●•••••●●•••••●
وحشه صارت هالمدينه و طيبه ما چنها وطن
بالكآبه الدور تصفر و الندم بيها سكن
وين أوَلي بويه وجهي غربه و آهات و شجن
ليته جاني الموت گبلن انظرك شلت الضعن
...............
تتذكَّر أعباري -- لهفتها أمراري
و آنه أنتخي خذني -- و امكانه ظل حزني
●•••••●•••••●•••••●●•••••●
الشاعر : أبو شهيد الأحسائي
الأحد ١٤٤١/١٠/١٥هـ
════════════
*لا يجوز و محاسب شرعاً حذف او تغيير التوقيع*

*♦️قناة الواتساب♦️*
https://chat.whatsapp.com/INKEg5B0j6q5qkZUiGHZlY
〰️〰️〰️〰️〰️〰️〰️〰️
*🔹قناة التلگرام🔹*
https://tttttt.me/joinchat/AAAAAE_HFNViqL7eHHi48w
════════════

مصيبة السيدة فاطمة العليلة عليها السلام

إلى أينَ الرَحيلُ -- يا أبي
صَدىٰ قَلبي العَليلُ -- يا أبي
خذوني خذوني ولا تتركوني
❃❃❃❃❃❃❃❃❃❃❃❃
أبتاهُ هاجَ وَجدي و بِيَ الأرزاءُ تَحدي
و أنبَرَت آهاتِ حُزني تَمحو في آثارِ سَعدي
أيقَنَ الدَمعُ الهَمولُ أنني ذا اليَومَ وَحدي
سَأُعاني هَجرَ خِلٍّ بِالبَلايا صارَ وَعدي
...............
عَويلٌ و نُواحٌ -- يا أبي
فِراقٌ و جِراحٌ -- يا أبي
خذوني خذوني ولا تتركوني
❃❃❃❃❃❃❃❃❃❃❃❃
كيفَ لا يَنهارُ قَلبي و بِيَ السُقمُ يَزيدُ
كيفَ لا و الروحُ وَلَّت في خُطىٰ دَربٍ بَعيدُ
أبتاهُ هلْ تُراني بَعدَ فَقدٍ لا أبيدُ
من بُكاءٍ و إفتِجاعٍ إنَّ خَطبي ذا شَديدُ
...............
سَلا هَمّي حَنيني -- يا أبي
غَدىٰ دَمعي مُعيني -- يا أبي
خذوني خذوني ولا تتركوني
❃❃❃❃❃❃❃❃❃❃❃❃
أبتاهُ لِمْ رَجائي لَم تُجِبهُ أو تُلبي
حِينما قد لُذتُ أشكي لَكَ حالي عِندَ نَحبي
أينما بالظَعنِ تَسري خُذني رِفقاً بي و رَبي
لِمْ تَقُلْ لي يا بُنيَّه دَربُكم ذا غَيرُ دَربي
...............
لِما أبقىٰ و تَمضي -- يا أبي
أحالٌ هذا يُرضي -- يا أبي
خذوني خذوني ولا تتركوني
❃❃❃❃❃❃❃❃❃❃❃❃
كيفَ قُل لي كيفَ أحيا بَينَ أطلالِ الحَنينِ
بَينَ دورٍ فيها كانت تُتلىٰ آياتِ المُبينِ
و أراها اليَومَ صارَت مَأوىٰ بُؤسٍ و أنينِ
كُلُّ رُكنٍ فيها يَنعىٰ. إبن خَيرِ المُرسلينِ
...............
شَجاها وَطنٌ لي -- يا أبي
و هَمٌّ زادَ حِملي -- يا أبي
خذوني خذوني ولا تتركوني
❃❃❃❃❃❃❃❃❃❃❃❃
أبتي إن حُزتَ نَصرا أعطي عَهداً لا تَذرني
إن ثَقفتُم أرض حِلٍ عُد إليَّ ثمّ خُذني
سَوفَ أبقىٰ في إنتظاري و يَعيشُ الحُلمَ ظَني
و أعُدُّ الدَهرَ شَوقاً لأراكَ نورَ عَيني
...............
إصطباري و إشتياقي -- يا أبي
رجاءً للتلاقي -- يا أبي
خذوني خذوني ولا تتركوني
❃❃❃❃❃❃❃❃❃❃❃❃
إن مَضىٰ ناموسُ سَعدي و اعترىٰ الثُكلُ فُؤادي
أيُّ حُضنٍ سَوفَ يُؤي لَوعتي حينَ أُنادي
وا حُسيناً وا حُسيناً أبتاهُ يا عمادي
أيُّ خَوفٍ صارَ كَهفي بعدَ عَطفٍ و وِدادِ
...............
علىٰ من أُغفي رأسي -- يا أبي
لأشكو مُرَّ بُؤسي -- يا أبي
خذوني خذوني لا تتركوني
❃❃❃❃❃❃❃❃❃❃❃❃
الشاعر : أبو شهيد الأحسائي
الأربعاء ١٤٣٥/١٢/٢٠هـ
════════════
*لا يجوز و محاسب شرعاً حذف او تغيير التوقيع*

*♦️قناة الواتساب♦️*
https://chat.whatsapp.com/INKEg5B0j6q5qkZUiGHZlY
〰️〰️〰️〰️〰️〰️〰️〰️
*🔹قناة التلگرام🔹*
https://tttttt.me/joinchat/AAAAAE_HFNViqL7eHHi48w
════════════

مصاب السيدة فاطمة العليلة عليها السلام

يدروب أهلي الهاجرو -- خبريني يدروب
عنهم أسايل مادرو -- بالدمعه چم دوب
معلوله خلوني // ياخوفي نسيوني
بالدمعه چم دوب
●•••••●•••••●•••••●●••••●
أنا گلبي إنتحل بالهم ودمعي إعله الوجن ساري
أنا بدياري خلوني غريبة حال بأفكاري
أجر الونّه بالونّه ودليلي يسعر بناري
خطف لوني الهجر وسفه رفعت للمحنه أعذاري
...............
صبري تفرهد بالقهر -- و انتحلت الروح
وليلي طويل ويا الدهر -- و افّادي مجروح
وش دعوه عافوني // ياخوفي نسيوني
بالدمعه چم دوب
●•••••●•••••●•••••●●••••●
عليله من الفگد روحي يدرب إلعافو أوطاني
أصد لكل ركن خالي و موحش دون خِلاّني
و أضج بلهفة أشجاني شنو بهالحال خَلاّني
وحيده ولا أهل ليّه وأعاني حسرة أحزاني
...............
مدهوشه من وضعي ترا -- مابين الأطلال
و مَحّد إلى ضيمي إنبرا -- بس عشت الأهوال
وين إليواسوني // ياخوفي نسيوني
بالدمعه چم دوب
●•••••●•••••●•••••●●••••●
أجيك بخطوة أشواگي يدرب و أحمل آمالي
ضعيفه وعلتي زادت وناح الگاع لجل حالي
اقوم واعثر بمشيي واصيح بصوتي العالي
عسى مرسال أهل بيتي وصل ياخذني للغالي
...............
أوصل على حدَّك أظل -- أترقب إيجون
لكبر لو إن راعي الفضل -- عني يسألون
بالجيّه وعدوني // ياخوفي نسيوني
بالدمعه چم دوب
●•••••●•••••●•••••●●••••●
أرد الدار ما أگدر و أشوف الدار صفت ظلمه
سراج الدنيا فارقني أبويه حسين أبو اليِمّه
بزوايا داره من أگعد أشوف طيوف من رسمه
وإذا غيَّب نجم طيفه تغيب بشفتي البسمه
...............
اسمع تلاواته ترن -- بأركان البيوت
ولهان إله گلبي يحن -- من أسمع الصوت
لو أفنىٰ عذروني // ياخوفي نسيوني
بالدمعه چم دوب
●•••••●•••••●•••••●●••••●
بگيت أترجىٰ و أتوسّل گبل يرحل يخليني
يبويه بظعنك الساير إخذني وياك وديني
إذا بكل الأهل ناوي منو إليبگىٰ يسليني
رقيه وسكنه و الأكبر وعبدالله ضوا عيني
...............
كلهم أخذهم بالظعن -- وي خويه لعليل
وآنه لبچايه ما ذعن -- وأنوىٰ ع لرحيل
منهاره ردوني // ياخوفي نسيوني
بالدمعه چم دوب
●•••••●•••••●•••••●●••••●
نذر لو يرجعو لَيّه أزرعك يادرب زينه
و أفرش گلبي لأحبابي وأضم بصدري والينه
و أقبِّل عمي اچفوفه و أحب لهامه وي عينه
واروح لعمتي زينب أگلها هاذ أنا زينه
...............
تدري إذا صار وظفر -- أنشر بالأفراح
ورد ورياحين البِشر -- للوالي لو لاح
تتناهم عيوني // ياخوفي نسيوني
بالدمعه چم دوب
●•••••●•••••●•••••●●••••●
الشاعر : أبو شهيد الأحسائي
الجمعه ١٤٣٤/١٢/٢٦هـ
════════════
*لا يجوز و محاسب شرعاً حذف او تغيير التوقيع*

*♦️قناة الواتساب♦️*
https://chat.whatsapp.com/INKEg5B0j6q5qkZUiGHZlY
〰️〰️〰️〰️〰️〰️〰️〰️
*🔹قناة التلگرام🔹*
https://tttttt.me/joinchat/AAAAAE_HFNViqL7eHHi48w
════════════

((حـنــيــن الــعــلــيــلـــه))
ذكرى مصاب السيدة فاطمة العليلة عليها السلام

إخْذوني ويّاكم هَلي بدرب المخاطر
يَلْ شِلِت بأحبابي يَلْ ناوي تهاجر
تمشي معقوله // و آني معلوله
●•••••●•••••●•••••●●•••••●
وگَّفِت بين الكِدَر وَيْ نار لوداع
و الحزن يچوي النظر يا بويه كل ساع
من شِلِت عنّي وسف عمري إنْتِهَه و ضاع
و إگْعَدِت وحدي أنا بس أحْسِب أوجاع
وَشْحال بويه لو رِحِت و بينَه الحزن شاع
و بديار جَدّي و مَوْطِنَه كل مُهجَه تلْتاع
...............
يَلْ خَذِت روحي وگت ناوي تغادر
ع الجرح بويه أنا شأگدَر أكابر
و حالي منحوله // و آني معلوله
●•••••●•••••●•••••●●•••••●
مو سهل فگد الأبو للعاش بحْماه
نوب يضُمَّه بلَهْفِتَه و يقَبِّل إيداه
و نوب يشم عطره و يسح دمعات عيناه
و يصرخ بصوت الشجن يا والدي آه
شلون أنا و بنتك شِفِت تتركني ويلاه
و من هَلي ما خَلَّفِت شخص أبْگَه ويّاه
...............
وَجَّرِت روحي ألم و اگليبي حاسر
و هَلَّت ادموع النَدَم بجفني تگاطر
بهضمي مذهوله // و آني معلوله
●•••••●•••••●•••••●●•••••●
يامَه بيك إتْوَسَّلِت تاخذني ويّاك
بويه بويه أرْتجي بضلع أُمي أنخاك
بس تجاوبني بأسف عبرات عيناك
صبري يا بنت الهُدَه و بعيد بلگاك
راحل آنه ابهالسفر وعدي ما أنساك
و لو حصل لَيَّه الظَفَر بالرَجْعَه بُشْراك
...............
و آنه يامَه إعْلَه الوَعَد بجلس و اناطر
وخاف اظل وحدي وسف مكسوره خاطر
بوعدي مشغوله // و آني معلوله
●•••••●•••••●•••••●●•••••●
بويه وحشه دنيتي لو عفتو لديار
ليت أُمَيَّه لا وُلَت ولا صار هَلْصار
لاچن إشْبيدي بعد لو صارت أقدار
غير أصَبُّر مُهجتي و أتْعَنَّه كل دار
و أگعد أتْصَوَّر صُوَر ترسمهَه لأفكار
إنْكُم اويايه و بعد ما حَلَّت أخطار
...............
و چن صُوَركُم تبتعد و آني أناظر
و أسْأل اشْحَل بالأهل و أگعِد أفاكر
جفوني مذبوله // و آني معلوله
●•••••●•••••●•••••●●•••••●
حَلَّت اطيور الأسَه بالدار تنعاك
تنادي يا بنته إيئسي ما عاد يلگاك
لو مِشَه احسين الولي في غُربته اهناك
يُبْگَه ما يرجع إلچ و الحسره ويّاك
حالِف بجوره الدهر ياوسفه يبْلاك
بالهجر وَيَّه البُعُد وما يرحم ابچاك
...............
من نحيبه امدوهِنَه و افّادي حاير
هالدهر قاسي عَلَيْ و بآلامه جاير
و ظالمه احلوله // و آني معلوله
●•••••●•••••●•••••●●•••••●
خايفه يجيني النعي و السود رايات
لموطني ترد بس حرم ترفعها آهات
البُگه براسچ تَرَه والدچ مات
و ذاگت اعمامچ بعد كاس المنيّات
حَتّه عبدالله إنچتل بسهم الرزيات
و هم رُقَيّه ما تجي تواريهَه تُربات
...............
خايفه يحل العَزَه و ماكو بشاير
بس ضعن لوعه يرِد يحچي المجازر
بخوفي مشلوله // و آني معلوله
●•••••●•••••●•••••●●•••••●
الشاعر : أبو شهيد الأحسائي
الأحد ١٤٣٨/١٢/٢٥هـ
════════════
*لا يجوز و محاسب شرعاً حذف او تغيير التوقيع*

*♦️قناة الواتساب♦️*
https://chat.whatsapp.com/INKEg5B0j6q5qkZUiGHZlY
〰️〰️〰️〰️〰️〰️〰️〰️
*🔹قناة التلگرام🔹*
https://tttttt.me/joinchat/AAAAAE_HFNViqL7eHHi48w
════════════

مصاب عليلة الحسين عليها السلام

عافوني بديار النبي أحبابي
عافوني معلوله و أوِن لمصابي
عافوني و الحسره ترد لجوابي
ودعيهم
❃❃❃❃❃❃❃❃❃❃❃❃
ذاهله بين الألم - امشي متعثرة جِدَم - أهلي افگدِتهم
شالت أظعان الإبا - و الفگد ياما اصعبه - من ودعتهم
طيبه كلش موحشه - و الهضم وج بالحشه - الدنيا خذتهم
و الأسىٰ شفته حمل - يمتطي ركاب الأجل - لحظة عِفتهم
...............
ياما هِتَف دمع الجفن ينعاهم
و ياما بگىٰ مني الگلب ويّاهم
و ياما مشىٰ طيف الأجل ممشاهم
ودعيهم
❃❃❃❃❃❃❃❃❃❃❃❃
لهفه ظلّت داخلي - و خالي اشهد منزلي - عقب الأطايب
و من يساعد ونتي - و بيده يمسح دمعتي - لهجر الحبايب
آنه بس ويّه الحزن - أصبح لنوحي وطن - و افّادي ذايب
و من أصد صوب السِمه - انظر إلها مُظلمه - لجل إللي غايب
...............
وين إلْيخفف لوعتي و نياحي
وين الشمس غاب و طفىٰ مصباحي
وحدي أهوجس بالوضع لأشباحي
ودعيهم
❃❃❃❃❃❃❃❃❃❃❃❃
وحدي اجلس بالوسف - و القهر بيَّه هِتَف - ليش اتركوني
و السعد مني إنخطف - لوضعي يعجز كل وصف - شگد عذبوني
چن يتيمه بلا اهل - أحلم بلحظة أمل - لو ياخذوني
و حلمي ذبّاحه الوگت - متانيه حتىٰ اتعبِت - خافن نسوني
...............
عنّي مشو و آنه اعد لحظاتي
عنّي مشو ما حَسّبو لوعاتي
عنّي مشو و آنه ألِمْ آهاتي
ودعيهم
❃❃❃❃❃❃❃❃❃❃❃❃
من انام افزع و احِن - بليلي ما ألگه حِضن - بويه و دلالي
مساهره ضيم و وجع - و الأسىٰ بِيَّه إنطبع - بعتم الليالي
چم صدىٰ هَمسَه إسمَعِت - بلهفه كل هَمسَه إتبَعِت - لصوت الغوالي
البيت اطوفه و أنتحِب - أظلَمِت بعد إلْتحب - و آنه بلا والي
...............
ليلي و خيالي زيّدَن أوجاعي
ليلي و خيالي أزِمَن أوضاعي
ليلي و خيالي يهمسَن بأسماعي
ودعيهم
❃❃❃❃❃❃❃❃❃❃❃❃
اذكر بدمع العتب - أنخىٰ بويه بهالطلب - خذني الظعينه
خذني بويه بعِلتي - أخدم أهلي و إخوتي - يبن الأمينه
هٰذا سجادك علي - بعلته خويه الولي - چي ماخذينه
خذني أرعىٰ هالطفل - عن رُقيّه لا انفصل - و اختي سكينه
...............
بهمّي ألوذن بإخوتي و أعمامي
بهمّي أعاتب هالزمن و أيامي
بهمّي بگيت لوحدتي و آلامي
ودعيهم
❃❃❃❃❃❃❃❃❃❃❃❃
من مرض لوني طبت - عِلَّت بعاده بگت - تچوي عيوني
وسفه بعد اموادعه - بحيفي أبگه ضايعه - و خابت ظنوني
ألطم الهامه و أحِن - حسين وينه بيا وطن - لو يسألوني
و مِنّه طارش ما وصل - و لَيَّه بعلومه حِمَل - هاجت شجوني
...............
من يسألوني أختنگ ببچايه
من يسألوني إلمن أبث شكوايه
من يسألوني بس أضج مولايه
ودعيهم
❃❃❃❃❃❃❃❃❃❃❃❃
الشاعر : أبو شهيد الأحسائي
الأربعاء ١٤٣٧/١١/٦هـ
════════════
*لا يجوز و محاسب شرعاً حذف او تغيير التوقيع*

*♦️قناة الواتساب♦️*
https://chat.whatsapp.com/INKEg5B0j6q5qkZUiGHZlY
〰️〰️〰️〰️〰️〰️〰️〰️
*🔹قناة التلگرام🔹*
https://tttttt.me/joinchat/AAAAAE_HFNViqL7eHHi48w
════════════

#اللهم_وفقنا_للوصول_الى_كربلاء
اشتاگت روحي للحضرة أوصل زايرة اعتابه
كنّي فطرس بحبه شفاه حسين من صوابه
من مثلي وانا العاشق اموت بشمّة ترابه
خادم بس ردت يمه اقضي عمري يم بابه
لا يحرمني هذا العام ازوره واسمي بكتابه
يسجلني اجي زاير مشّاي اسمي بكتابه
خادمة آل محمد✍🏻
قناة الشاعرة الحسينية خادمة آل محمد ص
https://tttttt.me/joinchat/AAAAAD9ng3ujqkUa3rjbSA

ليلة العاشر مصيبة ويا مصيبة    بالخيم كاعد حبيب بصف حبيبة

بالـدموع الهاملة

عاالتون والثاكلة

كـاعد حسين ويسولف للغريبة

ــــــــــــــــــــــــــــــــــ

ايكله باجــــــر يختي زينب     اخ بــــــــــاجر وشكثر بيه النوايح

منـــي شبيعي شوف يختي     خاف بـــــاجــر ما تميزين الملامح

بـــــــــــاجر الف وتسعمية     جرح بيــــــه وبالدمة تلكيني سابح

تلتم اعــــليــــــه النواصب      كلهه ضدي والغدر واهل المصالح

بينه لو طــــــــر الفجر

ديربالج عــــــــا الخدر

باجر الكل يأخذ من الدم نصيبة

ــــــــــــــــــــــــــــــــــ

بـــــــــاجـــر الانصار كله      واهــــــل بيتي تنذبح وبكل شراسة

ولا تسألينــــــــــي عليهم      أقل واحد يختي مطبور اعله راسه

تنتهك كلشـــــــي آل أميه      ومــــو عجيبة ما تخلي الكم قداسة

وهل السنينـــة راح تبقى      كلشي ممكن ينذبــح لأجل السياسة

دينهم يختي الـــــربح

مــــو مهم الينذبـــــح

هاي دنية وتجي دنية شكد عجيبة

ــــــــــــــــــــــــــــــــــ

بــاجــر وصوب الشريعة      خلــي عينج موقف العباس حاضر

يشك زيج النهــــر سيفه      مــــن يطبهم كافر ايطكه وي كافر

لو وكـــع من جفه جودة      ما يهمه مــــــــاي يترس بالنواظر

لجن يــــــا زينب مصيبة      حتى عينه بسهم يرموهه الكواسر

وهــــامه ينصاب بعمد

وجفه يبقى ابــــلا زند

وللمخيم ينسمع نوحه ونحيبه

ــــــــــــــــــــــــــــــــ

بـــــــاجر القاسم والاكبـر     كل زلمنه مــــــا يظل عدنـــــــه مقاتل

بدمهم اتفيض الصحاري      دمنه يجري من الارض للسمه واصل

حــتـــــــى عبدالله يزينب     اله حصه مـــــــن الدمه وغدر المقابل

ايخيم الــــــموت بخيمنه     بينه يحصد وابــــــن جوشن ما يجامل

وانتي وحدج بالخيم

لا كـفـيــل ولا عـلــم

وجن اسمعج وين اخوي ومن يجيبه

ـــــــــــــــــــــــــــــــــ

بـــاجـــــــر ولا خيمه تبقى       خيمة وحده مــا تــظل يا زينب الكم

وتمشــــــي العيلــــة سبية       والسلاســــــل تكــسر بخاطر جفنكم

اشلون اشوفن هل المناظر       وانه أدري الديـــــن مذبوح بخيمكم

أمنيتي من ربــــــي يزينب       تعمه عيني وهيج ما شوفن صوركم

هــــذا حـــــــــال العايلة

صبري يختي اعله البله

وديربالج عاليتامة بهل المصيبة




للخادم

ابو محمد الموالي 

(07733797255)

ونسألكم الدعاء 
قناة خـدام الامـام الحسـين ع

https://tttttt.me/joinchat/AAAAADx7GYo_N-zfwm9fqg

كلشي مَر بيكُم أشوفه
وماهُو عن عيُوني خَافي
وچَني آنه اويَاكم امشي
وجِدمي دَاس الجمرَه حَافي
آنه هادي الأمّه جدكُم
أعتذر ماشـارَكتكم

آنه هادي الأمه حاضِر
بوَقعة الطَف الأليمه
وكل غِصص مُره الإجتكم
امنِ الحُثالات اللئِيمه
بعَيني شفت الخِيم شبَّت
بنار الاحقاد القديمه
وكل طفل تاه بصَحاري
وكل مَره تحِس بهضِيمه
شلون يتشتَّت شَملكم
آنه هادي الأمّه جدكُم

كلشي مِر بيكم أشُوفه
وانه عِد ربي ابجِنانه
الدنيا والظلم الشِملها
ودُورة الدهْر وهَوانه
شلون ابِن بنتي تِبعَّد
واختِلَف وَكته وزمانه
وبيَزيد الأمه قبلَت
واخَذ بالباطل مَكانه
وانغِصب بالغِيله حقكم
آنه هادي الأمّه جدكُم

هالنتيجه الإلها وصلَت
أُمَّه ماتِبـعَت نبيها
ومثل ذيچ الأمَم صارت
نسخَه واتقلِّد مَشيها
لكن السَابق يعالَم
مافِجَع أم ابصِبيها
ولا گطَع ماي اعلى نسوَه
وخيمه ماشَب عَلِّي بيها
اتسجِّلَت هاي بإسمكم
آنه هادي الأمّه جدكُم

تجري دمعاتي اعلى إبني
من رُفع بالچف رَضيعه
ودمه فوگ اللحيه گـطَّر
واوگَفِت انظُر صَنيعه
من شُمر دمَّه ابسِمانه
بذيچ الاحداث الفَضيعه
خَذته بي خضَّبِت راسي
وامسَحِت راس الوَديعه
ادعِيته ياخذ ثاري ربكم
آنه هادي الأمّه جدكُم
**
واگُـف أنظر للمآسي
ودم مِشه بجَاريها عيني
وآنه اشوف ارقيَّه تبچي
بويه تصرخ ماتجيني
سَلِّبوا منِّي التراچي
وطِحت وانجرحَت جبِني
وآنه اشاهِد هذا كله
واصفك اليسرَه بيميني
وَسفه عالدهر اليضِدكم
آنه هادي الأمّه جدكُم

=============
لقمان لعيبي البدران
@lukmanalbadran

بسم الله الرحمن الرحيم
والصلاة والسلام على أشرف الأنبياء والمرسلين
حبيب إله العالمين أبي القاسم
محمد وعلى آله الطيبين الطاهرين ..
بتوفيق الله وتسديده
وبعد التوكل عليه
سنقوم بنشر القصائد الجديدة
لشهر محرم الحرام ١٤٤٣ هـ
على قناة التلگرام
والبيج الخاص
سائلين الله التوفيق لنا ولكم وقبول
الأعمال .
النشر على الروابط :
تليگرام
https://telegram.me/lukmanalbadran

فيسبوك
https://www.facebook.com/Lukmanbdran

كتابات حسينيّة
قصائد ومقاطع نعي حسينية في خدمة القرّاء والرواديد
https://tttttt.me/kitabathousayniyaya

لمن تود الاستفادة من هذه القناة ❤️🌸

#الامام_الجواد

نهمل الدمعه سجيبه.... من دمه دمع المصيبه

خل نواسيها الزجيه
عالجواد ابهالمسيه


يشبه الزهره الزجيه... بزغر سنه والمصيبه
عمره يبدي بالمحن... وينتهي بديره غريبه
خمسه وي عشرين عمره...اشافت عيونه عجيبه
دمعته دوم اعله خده... وينحب لعمته السليبه

يشبه الزهره وعمرهه
ينوح من يذكر كسرهه
ظلت الدمعه جريه
عالجواد ابهالمسيه
▪️▪️▪️▪️▪️▪️▪️▪️▪️▪️▪️▪️▪️
مصيبته الباب المراد... فجعت أملاك السمه
بزغر سنه يتموه.... وگلبه ينزف من دمه
من المدينه لطوس سافر... ينوح يمه فاطمه
شاهدي بعينج يفاطم... جبد ابويه امسممه

ظل يناديها بونين
بگلب ملجوم وحزين
آه يا عظم الرزيه
عالجواد ابهالمسيه
▪️▪️▪️▪️▪️▪️▪️▪️▪️▪️▪️▪️▪️
عمره كله خلصاه... بحزن واهات ومحن
حجة الباري يفاطم... ما صفى وياه الزمن
صادروا عمره يزهره...بكل حقد اهل الفتن
ناحت اعليه العوالم...والسمه تبجي بشجن

زهره ليتج تحضرينه
عالسطح عالي ونينه
الكون وناته شجيه
عالجواد ابهالمسيه
▪️▪️▪️▪️▪️▪️▪️▪️▪️▪️▪️▪️▪️
تاسع اولادج يزهره... عمره مثلج هم گصير
زهرة شبابه ذبلوها... بكل حقد وابلا ضمير
مثل جعده ام الفضل... لجمت الضلع الكسير
سممت جبده يفاطم... وخلته ابحر الهجير

ظل ثلاث اعله السطح
مثل جده المنذبح
بالگلب نار وسريه
عالجواد ابهالمسيه
▪️▪️▪️▪️▪️▪️▪️▪️▪️▪️▪️▪️▪️
عظم المعبود اجرج... بتاسع انوار الامامه
بالجواد الليله عادت... ذكرى بيتج والظلامه
مصايب اولادج يفاطم...بينه تركت جم علامه
لجن اعظمها يظل... السحگت الخيل بعظامه

مصيبته فتحت جروح
كل گلب لجله ينوح
عادت النه الغاضريه
عالجواد ابهالمسيه


تمت بعون الله تعالى
خادمة الزهراء / ليلى زغيب



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin