قائمة مواضيع قناة النعي الحسيني
روابط سريعة لمواضيع قناة النعي الحسيني

@naaey

#المقاطع_الحسينية

🎙 الخطيب:
#الشيخ_عبدالزهراء_الكعبي

⚫️مقتل علي الأكبر عليه السلام

⚫️ يبويه شربة اميه الجبدي

#التاسع_محرم
#علي_الأكبر عليه السلام

@naaey

شنّ اطرادها ابن احسين الأكبر
او خلّه الخيل بالهامات تعثر

امصيت هلهلت له الخيل لو لاح
عليها او صفّگت له اطراف الارماح
ورگصت له السيوف ابروس الاگراح
او فوگ الطوس دگت ضرب الاگشر

من هاشم امنتب موش ملفوف
ابوه احسين بالميدان موصوف
او جده حيدر الكرار معروف
او عمه الحسن والعباس الازهر

اهتز ابغيرة الله وفرّع الراس
تبارگ بالوجه والدرع والطاس
او سيفه الشعشعاني المرهب الناس
او بالخيل الگلايع ضيگ البر

اشچم حرّان من غدارته نس
مهو ابن احسين ضرب السيف اله او بس
ابرمحه اشچم عجيد اصياح لبّس
او خلاها ابجماجمها اتعثّر

تموج الخيل من يجبل عليها
چن الخيل أبو الحسنين بيها
ذب هذا وره او هذا لِديها
مِساميها ورمحه يلحگ الفر

شباب ولا يهاب الموت طفاح
ابسرج عالي طويل الظهر نفاح
أرْضَه السيف واطّه شرطْ الارماح
اورد ايلوج بلسانه او يفغر

مض العطش بابن احسين الأكبر
او رد ايلوج بلسانه او يفغر

يصيح ابصوت فت گلبي او شعبني
يبويه گوم ليه العطش ضرني
يبويه درعي او طاسي بهضني
يبويه او نشفت ارياگي امن الحر

يبويه شربة اميه لچبدي
اتگوّه وارِد للميدان وحدي
يبويه انفطر گلبي وحگ جدي
العِطش والشمس والميدان والحر

يگله امنين اجيب الماي يبني
مهو حچيك بهض حيلي او شعبني
وفت روحي او حمس چبدي او ضهدني
يبوي استخلف الله العمر واصْبِر

يگله والدمع بجري امن العين
يبعدي او بعد كل الناس يحسين
تگلّي اصبر او گلبي صار نصين
اشلون اصبر يبويه والصبر مر

حن احسين ويلي او سال دمعه
على ابنيّه يويلي او كِسر ضلعه
دار ايده على اطواگه يودعه
يشمه ودمعه امن الحزن محمر

تسايل بالدمع لوداع الأكبر
ويگلبي ذوب لوداعه او تفطر

يويلي من تلاگوا عند الوداع
امشابگ طول لمن هووا للگاع
لاع ابنٍ لبيّه والأبو لاع
على ابنيّه يويلي اوداع الاگشر

يشم احسين خد ابنه او يحبه
او دمعه مثل دمع ابنه يصبه
والنار اللي ابگلب ابنه ابگلبه
يخفيها على ابنه او نوب تظهر

يگله والدمع بالعين دفاگ
ابعبره امكسره وابگلب خفاگ
يبويه اوداعة الله هذا الفراگ
يبويه اشبيدنه هذا المگدر

يبويه للسيوف اسدر او للزان
او لُوح ابغارتك واشلش الميدان
يبويه اليوم مرواحك لِلجْنان
او بالكوثر يبوي اليوم تِفطر

تحسر ويل گلبي وجذب ونّه
او منّ الماي آه انگطع ظنّه
عرف لنّ المنية دنت منّه
جره دمعه او للميدان سدّر

شبل احسين للميدان سدّر
او خلّه الخيل بالهامات تعثَر

سدر والكون شابچ زان واسيوف
نشّاب او نَبِل وارماح واحتوف
ما والله رجف گلبه امن الخوف
ولا وجهه من اشراگه تغيّر

رد اسيوفها والنبل والزان
حِطيبَه والگروم اوجوه نسوان
شبل طاوي او نفج من شيب غِيلان
او شاف الغنم بالمران تِجْتَر

هز غدارته او ذبّ العمامه
نِشر راسَه اسم الله اعله النشامه
خز اگلوبها او شرّگ الهامه
او لَف راياتها وللسّرب نشّر

روّط زانته والموت بيها
او حزّ ارگابها او حوّم عليها
يا مبعد أهاليها عليها
وين اتفر او طير الموت يفتر

عگب ما شرّگ الهامات والطاس
اجتّه ضربة العبدي على الراس
ضعف واتواردو بسيوفها الناس
شبگ عالمهر ويلي والمهر فر

على ابن احسين يا گلبي تفطر
شبگ علمهر ويلي والمهر فر

شبگ عالمهر لبّاله يودّيه
لبوه احسين عنّ الگوم يحميه
أويلي المهر للعدوان فر بيه
وأوچب آه بِموسط العسكر

داروا بالسيوف عليه والزان
مثل چتال سبع المات فرحان
عسى ابعيد البلا وليته العدوان
أراذل بالمعايب دوم تفخر

هذا يگطع ابسيفه وريده
او هذا بالخناجر فصّل ايده
او هذا يغط من رمحه الحديده
ابخاصرته وهو يعالج او يفْغَر

ثگل بيه الطبر وتلوج روحه
اومحد عرف غير الله اجروحه
دِمَاياته على احصانه سفوحه
لمَن خرّ ابهناديها اموذّر

نده يحسين هذا الساع جدي
سگاني الماي واروى عطش چبدي
يگول اسرع تراك اليوم عندي
أويلي احسين صاح: الله واكبر

أويلي احسين صاح: الله واكبر
يبوي ليش هالنومه ابهالحر

گعد عنده او شافه امغمض العين
ابدمّه سابح امترّب الخدين
متواصل طبُر والرّاس نصّين
حنه ظهره على ابنيّه او تحسّر

يبويه گول منهو الشرگ راسك
ينور العين من خمّد انفاسك
يعگلي من نهَب درعك او طاسك
يروحي اشلون اشوفنّك امطبّر

يبويه من عدل راسك او رِجليك
او من غمض اعيونك واسبَل ايديك
ينور العين كل سيف الوصل ليك
گطع گلبي او لعند احشاي سدّر

يبويه من سمع يمّك ونينك
من شبحت لعند الموت عينك
للعشرين ما وصلن اسنينك
او حاتفني عليك الدهر الاگشر

اريد امسح اجروحك واشم خدك
واحط صدري على صدرك ووسدك
ما راعوا يبويه حرم جدك
واجت زينب تصيح: الله واكبر

اجت زينب تصيح الله واكبر
يعمه ليش ها النومه ابها الحر

هوت فوگه تشم خده او تحبه
او تِطبُگ طبرة الراس او تعصبه
او تسفِر زيج ثوبه او تجس گلبه
لگت دمه من افادّه يفوّر

يويلي ولولت واحنت ظهرها
تِخَمش اخدودها واتِشِد شعرها
وتدگ ابراسها وتلطم صدرها
او تنعى ابصوت طر گلْب الصخر طر

...

الشاعر: #ابن_نصار

المصدر: موقع مجاريد

@naaey

#المقاطع_الحسينية

🎙 الخطيب:
#الشيخ_هادي_الكربلائي

⚫️ عگب ما نوو كلهم على الشردة

#التاسع_محرم
#علي_الأكبر عليه السلام

@naaey

صال الاكبر او رج الميادين
اومن امذهبّه ماجت الصوبين

شباب او شمّر اردانه او نحرها
حر الصيد وبعينه صگرها

ذهلها او لا بعد تندل مفرها
يخطف روحها او منه تفر وين

وسّد شوسها اتراب الوطيه
او سسيفه تتلوّح ابحده المنيه

خلط روس أو جثث بالطف سويه
جدّه الليث حيدر كفو او نعمين

امصيت بالحرب من صغر سنّه
خله اخيولهم تسحب المنه

حتى الأرض ترجف خوف منّه
او مثل الطوف ثابت شبل الحسين

عگب ما نوو كلهم على الشرده
اولا واحد بعد يوصل الحده

شدر ومن العطش مفطور جبده
ينادي الچبد مني انجسم نصين

يصيح ابصوت بويه احسين عطشان
او ذابت مهجتي من نار الأكوان

يبويه امن الشمس والعطش خلصان
دليلي اهنا يبن سيد الوصيّين

بچه احسين او نحب واچثر نحيبه
يگله الماي يبني امنين اجيبه

ترى چبدي مثل چبدك لهيبه
يبويه اصبر واسدر للميادين

گومي تلگي ابنچ يليله
شدّي احزومه او هلهليله

لامت حرب شايل ثجيله
او من العطش ذايب دليله

واحسين اشوفه يتچيله
يروحي الذي راسي يشيله

المصدر: منهاج البكاء في فجائع كربلاء

@naaey

#المقاطع_الحسينية

🎙 الخطيب:
#الشيخ_عبدالزهراء_الكعبي

⚫️ دكومي لعلي الأكبر يليله

#التاسع_محرم
#علي_الأكبر عليه السلام

@naaey

#المقاطع_الحسينية

🎙 الخطيب:
#الشيخ_عبدالزهراء_الكعبي

⚫️ كعد عنده وصفك راح علي راح

#التاسع_محرم
#علي_الأكبر عليه السلام
#الحسين_والأكبر عليهما السلام

@naaey

گعد عنده وصفگ راحٍ علي راح
شافه والنبل شابك علي راح
صاح بصوت يازينب علي راح
يخويه اظلمّت الدنيا عليّه
@naaey

#المقاطع_الحسينية

🎙 الخطيب:
#الشيخ_عبدالزهراء_الكعبي

⚫️ من شد علي الأكبر ذاب جبد حسين

#التاسع_محرم
#علي_الأكبر عليه السلام

@naaey

من شد علي الأكبر ذاب چبد حسين
گلب ليلى لابنها منجسم نصين

ليلى من الخيم طلعت لابو اليمة
علي يبني تنادي واوچبت يمه
وليدي الحرب عيده وحنته دمه
امبارك يا علي عرسك يماي العين

ليله ابفرح وجه حسين فرحانة
تشوفه يعاين ابنه ولا خله مچانه
ساعة حسين آه انخطفت الوانه
على ابنيه وصب الدمع علخدين

ليله نادته يحسين گلي اشبيه
يگلهه هلبرزله أنخاف منه عليه
علي شارت اگليبي من الله نتمنيه
يا ليله اندعيله يعود من تدعين

ليله اندعت لچن من گلب لهفان
لعلي الأكبر وحيد بخطة الميدان
نادت يا الهي بوحدة العطشان
يالرديت يوسف رد علي الحين

استجاب الله دعاها ورد علي الأكبر
اخذ وجه المناية وللخيم سدر
ينادي من العطش گلبي انفطر والحر

@naaey

#المقاطع_الحسينية

🎙 الخطيب:
#الشيخ_جاسم_النويني

⚫️ وحق الهوى العذري لست أرى عذرا
#مقدمة

#التاسع_محرم
#علي_الأكبر عليه السلام

@naaey

وحق الهوى العذري لست ارى عذرا
لصب يواتي بعد بعدكم الصبرا

ولست أرى يحلو لعيني منامها
وما عاشق من لم تكن عينه سهرى

أجيرتنا بالجزع جار غرامكم
وجرعتموني يوم ودعتم مرا

سلوا الليل عني هل أذوق رقاده
وهل انا قد سامرت الا به الزهرا

ولم يشجني ركب أجد مسيره
كركب حسين حين جد به المسرى

الى ان اناخوا بالطفوف قلاصهم
وحادي نواهم بعد شقشقة قرا

فيا راكب الوجناء تسبق طرفه
اذا ما فلت اخفافها السهل والوعرا

أقم صدرها ان جئت اكناف طيبة
ومن طيبها تستنشق الند و العطرا

هنالك فاخضع واخلع النعل والتثم
ثراها وقل والعين باكية عبرى

اليك رسول الله جئت معزيا
بقاصمة للدين قد قصمت ظهرا

شبيهك في الاخلاق والخلق أودعت
محاسنه في كربلا بثرى الغبرا

ذوى غـصنه من بـعدما كان يانعا
وبالرغم ريح الحتف تقـصمه قسرا

فيا ليل طل حزنا فليلى بنوحها
وأجفانها ان جنها ليلها سهرى

بأوجـد منها حين للسـبط عاينت
ومنه صقـيل الوجه حزنا قد اصفرا

أعـيدي دعـاء الام يا لـيل انني
أرى ابـنك في اعداه يغـتنم النصرا

ولم أنسه لما عليه قد انحنى
واحشاؤه حزنا مسعرة حرى

ينادي على الدنيا العفا ونداؤه
عليه عظيم شجوه يصدع الصخرا

بني جرحت القلب مني فلم أجد
لجرحك طول الدهر غورا ولا سبرا

الشاعر:#الشيخ_قاسم_الملا
المصدر: أدب الطف

@naaey

#حسين

بسمِ الله الرحمٰنِ الرحيم
وفدينا الآلَ بذبحٍ عظيم
من داستهُ الخيلُ بكربلا
وهو صراطُ الحقّ المستقيم

يا مظلومَ نينوى.. آه
يا نجماً إذا هوى.. آه

آدمٌ دَعا بهِ... في الزمانِ الأوَّلِ
ثمّ نوحِ قد نجا... بالحُسينِ ابن علي

صلّى الله مدى الدهرِ على
من طفلاً كتِفَ الهادي اعتلى
من قالَ بهِ وأنا من حسين
كيف علاهُ الشمرُ بِكربلا

أنتَ شهيدُ أمَّتي.. آه...
أنتَ ذبيحُ عترَتي.. اه...

من بكى اِبني الحسين... في الدّهور القادمة
عارفاً بهِ نجا... من جحيمٍ حاطِمة

والطِموا تجلوا الصدور... من فعالٍ آثِمة
وابشِروا يوم الحساب... حينَ تأتي فاطمة
أطفِئ يا ليلُ ضياءَ الوجود
والطم يا كونُ عليهِ الخدود
قُتِلَ العطشانُ ابنُ المصطفى
وابنُ السقّاءِ بيَومِ الورود

يا نارَ المخيمِ... آه
آلَ البيت فارحمي... آه

هل درى عمقُ السياط.. ايُّ متنٍ يُضربُ
هل درى رمحُ القنا... أيُّ رأسٍ يُنصبُ
هل درى سهمُ الرَّدى.. أيُّ عينٍ تُحجبُ
هل درى قيدُ العليل.. ايُّ نورٍ يُسحبُ

يا إمامَ العصرِ قُل... للهلالِ يُغرِبُ
كي تصلي ليلَها... من جلوسٍ زينبُ

الشاعر اللبناني #نور_آملي

قصيدة #يا_نجما_إذا_هوى؛ محرم #١٤٣٩_هـ
✅https://tttttt.me/nouramuli1

#محررررم_1443هـ أم البنين ع تقول بعد ذهاب الحُسين ع

مبخوت حيل الخيمتة اتجاور خيامة
اشما دار عينة ايشوف ابو اليمة أمامة
هنيال ذيچ الريح من حركت ثيابة
هنيالها حطت عله اچتافة الحمامة

حيدر الحلفي

محتار ميمونك.. من فارك عيونك
اشلون يرجع للمخيم خالي..
وعيون زينب تسأل على الوالي..
من فارك عيونك .. من فارك عيونك
............................
والله هد حيله الحزن يصهل ويبجي ويون ومدنك الراس..
يمشي ويخط الجدم ويعثر بجف و علم
للبطل عباس..
بحيره من رد للخيم بروحه جانون الالم
جمره من الاحساس ..
عاش بالطف ملحمه جروح وأسهام ودمه
من الجدم للراس ..
ومن فاضت دموعه.. عالرضو ضلوعه
صاح أنه غير حسين ما يحلالي..
وعيون زينب تسأل على الوالي..
من فارك عيونك.. من فارك عيونك
.....................................
ظلمه بعيونه السمه ويبس ريجه من الضمه
وبعيونه حيره ..
يريد من زينب عذر خجلان من عدهه شكثر
وجهه يديره..
من السمه راح الضوه وأختنك حتى الهوه بحّر الظهيره..
تنظر عنان المهر زينب وهم تنتظرتشتم عبيره..
تسجل ألك موقف.. من دمك الينزف
وعالمهر شافت دم اخوهه الغالي ..
وعيون زينب تسأل على الوالي..
من فارك عيونك.. من فارك عيونك
.....................................
شاف بعيونه صور من العطش يشكي النهر
ويدور الماي..
ماكو شمس ولاكمرزينب اتلكي الخبر
عالغبره مولاي..
حسين جثه موذره عاري ظل على الثره
ومطبر هواي..
تحترك كل الخيم والهواشم والحرم أتّيه الراي..
ياللونك أتغير .. الفكد ابو الاكبر
رديت خالي و خيبّت أمالي ..
وعيون زينب تسأل على الوالي..
من فارك عيونك.. من فارك عيونك
........................................
السمه سوده مكدره ابن بت خير الوره حزو وريده..
تربع بصدره الشمر وتسحك الخيل بصدر شبل الصميده ..
شفت خنصر منكطع شيبّك هذا الوضع المحنه شديده ..
شلون يقبل نفترك والمخيم يحترك مثل الرعيده..
ولصوب ابو سكينه .. تشبح بقت عينه
وينسلب بيت المصطفى أول تالي..
وعيون زينب تسأل على الوالي..
من فارك عيونك.. من فارك عيونك
........................................
أنت شاهد يالمهر الشمس وكت الظهرذبحو ضواهه..
الدنيا ظلت مظلمه على أبن حامي الحمه وضمت سناهه..
فتحت الباب السمه وجنهه امه فاطمه رادت ضناهه..
صار ملعب للسيوف اتطشر بكاع الطفوف روحك يطاهه..
ذبحو حلم جده .. وظل عالرمل خده
ونار الفجيعه بمهجتي ودلالي..
وعيون زينب تسأل على الوالي ..
من فارك عيونك .. من فارك عيونك
............................................
اتربع بصدر الورد ذبح عطره بكل حقد شمر الخنه العار..
ماقبض روحه الملك وبجه كل كون الفلك ويعاين الصار..
ذبّل الورده العطش لجسد ما لمه نعش أوصاله طشار..
هذا باب المغفره راح لأمه الطاهرة وحيدر الكرار..
شافه النبي وكبر.. مظلوم أبن حيدر
ونزلت الأملاك تبجي أكبالي ..
وعيون زينب تسأل على الوالي ..
من فارك عيونك .. من فارك عيونك
..........................................
لخادم الحسين
حيدر مطر العبادي

برز بالميدان فارس حيّر الناس ..
ترتجف منه العساكر أسمه عباس ..
........................
شمرت السيف بيمينه مثل حيدر من يكر ..
ترتعب منه العساكر تشرد يردهه الشمر ..
بسيفه طشرهه ويلمهه خله كل عشره بكتر ..
ساعه يمنه وساعه يسره بروسهم طايح بتر ..
واليصير أكبال عينه برجله ينداس ..
............................
مثله أرض الغاضريه أبد ماشافت أبد ..
هذا شبلك يالصميده بالحرب مثل الأسد ..
سيفه بركاب الأعادي مثل منجل لو حصد ..
من يشن غاراته يقره القل هوه الله أحد ..
بجّه كل فرسان أميه وكل الأرجاس ..
..........................
هذا شبل أم البنين السوّه بالطف معجزه ..
أبد ماواحد وصلهه بجاله أخته معززه ..
اليكرّب صوب زينب ينصب الروحه عزه ..
حلم كابوس السبايه أبو فاضل فززه ..
الحره بوجود الكفلهه شلون تنجاس ..
...........................
هناك ملك الموت حاضر بيده لزمهم سره ..
صار أشجعهم جبان يكله خليني وره ..
زلزله ونزلت عليهم سيف سبع الكنطره ..
انسدت عليهه المعابر كل كتر بيه سيطره ..
هذا ضرغام الطفوف اليرفع الراس ..
............................
هذا صكار الأعادي الكمر شيال اللوه ..
كافل الحره الأبيه عنده أغله من الهوه ..
حتى أنفاسه ويَ أخيته الكمر يقسمهه سوه ..
ولوعطش نهر الفرات بأيد عباس أرتوه ..
يانهر يروي العطاشه بجوده ينقاس ..
.............................
عاشت أيدك يبو فاضل أرض صاحت والسمه ..
بطل والجايبته حره والنعم من فاطمه ..
من برز بالغاضريه شبل حماي الحمه ..
يكطر السيف بيمينه من مناحرهم دمه ..
صار أحمر لون جوده وسيفه والطاس ..
..............................
حظر للتجوال بالطف سوّه شيال العلم ..
رسم لوحات البطوله وسيفه صارلهه قلم ..
والنعم عباس حارس تشهد عليه الخيم ..
حتى لو جفه كطيعه ونابت بعينه سهم ..
أبد ماتمشي العقيله بلايه حراس ..
................................
حيدر مطر العبادي