‏أبد والله يا مولاي

بطور النزله

قصيدة بحق سيدنا وشفيعنا ابي عبدالله #الحسين عليه السلام *ندبة*

تقرأ بعدة أطوار وألحان تناسب جميع المجالس




*صدگ يحسين ماتنسی الیلطمون*

*الواسوا فاطمه‌ واعلیك يبچون*

............................................

صدگ يحسين والیلطم تجازونه
الچان ابمجلسك تتفايض اعيونه
عده اهواي أمل بيكم تحضرونه
*بعد شيريد لو عنده تحضرون*

............................................

بعد شيريد هذا التحظر ابيومه
الگابل فاطمة وامطین اهدومه
الچان إيصيح يازينب یمهضومه
*اخت عباس زینب تنسبي إشلون*

............................................

صدگ يحسين کلمن یلطم اهوايه
تحظر موتته وتلفه بالرایه
بعد میخاف هذا اوينشده رايه
*لون شافك اجيت اتغمض العيون*

............................................

كلمن يحظره المضلوم هنياله
الچانت دمعته لحسین هماله
الیذکر گطع راسه وسبیت اعیاله
*اليرضى اعليه ابو السجاد مامون*

............................................

مامون اليخدمك وانته مولاه
وخلص بالخدامه اسنين دنياه
إحسين ايسجل اليبچون ویاه
*وحبیب وجون راخصهم یسجلون*

............................................

یهنیاله اللطملك سجليته
گعدت احذاه وانته البشريته
واعدته ابوعد واليوم اجيته
*گلت احظر تراني لليموتون*

............................................



سيدي *ياحسين* وفقني لخدمتك سيدي وتقبل مني حروفي الفقيرة



*تمت*

العمل مهدى إلى مولانا علي بن موسى الرضا عليه السلام



خادمة الإمام الحسين عليه السلام

*أم علي رضا الشريفي الحسيني*

نعي العشاق بحق الحسين ((ع))

الترافه البيك ما ترهم للخــــيول
مالت ماي يحسين وفراشـــــــات

يالخدك يشابه وردة اليــــــــــاس
واحساسك دفو جنح الحمامــــات

يراگ لكل بحر ويغازلة الـــــروج
وتتمنة البحار تصير روجـــــــات

الصبة والعاتيات اتغزلن بيـــــــك
شافن بالشفايف احلة بسمــــــات

يهلال وسكن ما بين النجــــــــوم
وبيه اتفاخرن حتى المگمــــــرات

عطر خدك يخالف عطر الـــورود
تتمنه الحدايق منه شمـــــــــــــات

يحتار اليوصفك يبتدي امنيـــــــن
يمحير الشعر ومحير الابيــــــــات

يا خصلة الاخصه واحچي للنـاس
ولگيتك يالترف كلك كرامـــــــــات

عشگتك وافتخر عشك المجانيـــن
ما اعوف العشگ يالغالي هيهات

يئآية وبسملة عند اليرتلــــــون
ما تكمل بدونك سورة وايــــات

يا صوت الجوامع وكت الغروب
ويا اجمل ورِد بين الصــــلاوات

الماعرفو محبتك غرگو بـــروج
وسرت وياك بصدور المبحرات

مرات انجبر واتغازل ويـــــــــاك
ومرات الغزل لحظاته مـــــــرات

اسرح بالخيال الماجن بشــــــوگ
واردن للطفوف وكلي حســــرات

اوصفنك ندة واتذكر المــــــــاي
وتتحول فرحتي بخدي دمعــــات

حتة الخيل ما تشبه للخيــــــــول
داسن عالصدر وين الثكيــــــلات
××××××××××××××××××××××××

الابوذيات على لسان السيده زينب //ع//

مثل ونّك تره بكلبـــــي.. تعالن
و صيحاتي بحزن خويه.. تعالن
يخيل الدستن ابن امــي.. تعالن
علي دوسن واشبعن روك بيـــه
#####################
ملائكة العرش يحســين.. غارن
عليك بيوم خيل العــــده.. غارن
ضمي و عيونك الحلوات.. غارن
بكثر ما دارن الشوف لرقيــــــــة
#################'#'###
اخوي امغيره التربــــان .. بس چن
بدر ليل اهدعش خـاواه.. بس چن
يخيل شضل بعد بحيـسن.. بس چن
عساچن بالكسر يالاعوجيـــــــــــــة
###############'#'#####'
✍ بقلم خادم الحسين ع
الشاعر رعد الچريخي

قصائد شعراء الندب في لبنان
قناة خاصة بشعراء القصيدة الحسينية المخصصة للندب باقلام شعراء لبنان
https://tttttt.me/sho3araalobnan

دارميات مفجعه السيده زينب (ع )تشكو الى ابي الفضل العباس( ع)


گتله امن اطب ديوان ترضها عباس
ما ثبت رمحه وگام يتهزهز الراس

*------------------*-------------------*

گتله افتهمتك زين ماراضي انته
لكن و حگ عيناك غصباً دخلته

*------------------*-------------------*

مصيونه اخت عباس چانت گبل هاي
هسه امشي بين اجناب والغربه وياي

*------------------*-------------------*

نار وسياط اعداك اختك چونها
جوّه العبايه وصار ازرگ متنها

*------------------*-------------------*

خدري الگبل مصيون اصبح خبر كان
و مثل الزچيه اتعيش وياي الاحزان

*------------------*-------------------*

✍ بقلم خادم الحسين ع
الشاعر رعد الچريخي

*حجةَ الله وينه~*
*اللّٰھـُــم ؏جِّل لِوَلیڪَ الفرج*
*لطم لحن ظلت بس صورهم~♪*
*حجةَ الله وينه ~ غايب ما يجينه²*

كنّه في المدينه~ يم گبر الحزينه ~ماكو من يعينه ~ وبأنينه دمعه مسفوح

لو نصاب عزيه~ بارض الغاضريه ~ ودمعاتي جريه هالمسيه لجده مذبوح

يا غايب… جدك نحره يهتف اشهر لواك
يا غايب… يبعث لك رساله وبيها ينخاك
يا غايب… بالندبة كل جمعة مهدي ناداك
يا غايب… وعالشريعه كافل چفوفه تلگاك
〰️〰️〰️〰️
في الجمعة نِنِدْبه… غربه والله غربه… والمدمع يصبّه والله صعبه ويجريِ عين~~~

وينه يمته يظهر… وبكربله يحضر … بسيفه لجده يثأر بطف الحسين~~~

لثارات… يشهر ذولفقاره ويقضي عالجور
لثارات… يمّه هاي انصاره وسيفه منشهور
لثارات… لجده راية ثاره صدره مكسور
لثارات… يطلب دم رضيعه وجده منحور
〰〰〰〰〰〰
بحالك الله يعلم… ناصب عزا ومأتم… وجفنك لونه من دم… بعينك دموع

وينك يا آمامي…تنحب على الظامي… جدك نحره دامي… وانت مفجوع

يا مهدي … عندك خيم زينب تلهب بنار
يا مهدي… ضلع امك تهشّم عدها بسمار
يا مهدي… وعبدالله يِنِشدك اطلب الثار
يا مهدي… ورقية بخرابة ردها للدار
خادمة آل محمد✍🏻
https://youtu.be/rvdhmVupOho

حجة الله وينه~
آداء الشيخ علي مدلج🎤
كلمات الشاعرة خادمة آل محمد ✍

*يا صاحب الزمان العجل العجل العجل أدركنا الساعة يا قائم آل محمد*
عظم الله اجوركم
يا مولاي يا صاحب الزمان أيها المغيّب عن الأنظار هذا يوم الجمعة وهو يومك المتوقع فيه ظهورك ونحن فيه ضيوفك فأحسن ضيافتنا وتصدق علينا برحمتك ولطفم وعنايتك فما نملك سوى هذه الدموع التي نواسيك بها بمصابك على اهل بيتك ع بعد أن أثقلت الذنوب ظهرنا وضربت الححب بيننا فبِتتا لا نسمع لك همسا ولا نشاهد لا شخصا وأنت الحي الذي يعيش بيننا فنلوذ بك عند الشدائد ونجدد لك البيعة والندبة في كل جمعة فاعذرنا على التقصير يا مولانا يا أبا صالح فها نحنا وقفنا ببابك كالأيتام التي تطلب أن تمسح على رؤوسها فامسح بكفيك علينا عسى أن تنجلي حجب الظلمات عن قلوبنا فنراك بعين البصيرة ويشرق نورك في قلوبنا يا صاحب الزمان سيدي أين أنت يا مولاي وأيّ أرض تُقلّك أو ثرى أبرضوى أم غيرها أأنت في سامراء أو الكاظمية أو في النجف أو في خرسان أم في كربلاء أم الشام أم في المدينة عند أمك المهجور قبرها المخفي آثاره سيدي أتراك هناك في طيبة وأي فرح يدخل على قلبك في اسبوع مولود جدك وقد يصير مرورك عند صاحبة القبر المهجور فتسمع أنين ضلعها وعند الباب تسمع أنين المحسن آه يا مهدي العجل ~ولأي مصيبة قلبك يعتصر ألما ودموعك تجري على خديك وأنت تنادي أماه يا زهراااااا
المهدي يم گبر أمه
وتهل جفونه بالدمعه~
يشتم للگبر عطره
ويبچي محنة البضعه~
ويدعي بالضلع مكسور
يا ربي عجّل الطلعه~
أطلب ثار للمحسن وثار مكسّرة لضلوع
〰️〰️〰️〰️〰️
وصوت من الگبر يبني گومي وياي خل نروح~
يومية العزا ننصب
بالطف مأتم المذبوح~
گامت تلزم الأضلاع
محنيّة وتزيد النوح~
تگله يبني يالمهدي
گلبي عالولد مفجوع~
〰️〰️〰️〰️
بموكب تعزيه للطف
نوصل يم گبر لحسين~
نطوفه وتنزل الأملاك
تلطم والدمع بالعين~
نزور المنذبح ظامي
والزهره تون ونين~
تشوف بالگبر جسمه
وراسه من النحر مقطوع
حسسين😭〰️
〰️〰️〰️〰️〰️
تگله جيتك… يا غريب الغاضريه
تگله جيتك… انحب وانصب عزيه
تگله جيتك… ودمعتي للجلك جريه
واحسينا… ظامي والنحر منحور
واحسينا… واويلي الصدر مكسور
واحسينا… گلبي من الحزن مفطور
وهنا يا اهل العزاء كأني بفاطمة الزهراء ع لما تنظر لجسد الحسين ع في قبره وفيه ألف وتسمعائة جرح والطعنة على الطعنة والضربة على الضربة وجراحاته تشخب دما ونحره ينزف من الوريد وقد قطعت أوصاله وتبدد لحمه وداسوه صدره حتى طحنوا اضلاعه تصرخ فاطمة صرخة للسماء *يا حسين* فيغشى عليها آه آه طور الأنين العاملي
يا منظر تشوفه البتول
وما تحتمل عُظم المصاب~
تشوف الرأس ويلي قطيع
وتعفر النحر بتراب~
ومن صدره مخسوفه الضلوع
وجروحه ما ليها حساب~
وخنصر يمينه والكفوف
مگطوعه أوصاله الشهيد
أي واحسينا واحسين²
〰️〰️〰️〰️〰️
مهدينه ينحب عالرضيع
ويعاينه بنحره السهم
يبكي لعبدالله الطفل
ظامي ومن جيده انفطم
طفل وتمدد عالصدر
صدر الإمامة الي انهدم
يحس بضلوعه بالحنان
يناغيله من نحره الوريد
خادمة آل محمد ✍🏻

#يـاحسـين 😭
الليلة جمعة… روحي يم گبر الحسين
الليلة جمعة… ذابح گليبي الحنين
الليلة جمعة… خلها بين الحرمين

نظرة منك… اجذبني يا قبلة صلاتي
نظرة منك… تغيّر محطة حياتي
نظرة منك… تحيي روحي من مماتي

روحي يمك… عاشقه القبة ومناره
روحي يمك… وگلبي ذايب بانتظاره
روحي يمك… والبعد عنّك خساره

بدربك آنه … الخطوة من قلبي تدق
بدربك آنه… امضي حاشى نفترق
بدربك آنه… روحي تنبض بالعشق

ما لي غيرك… انت مولاي الحنون
ما لي غيرك… يلّي ساكن بالعيون
ما لي غيرك… عاشقك حد الجنون

خلني وياك… عالدرب آنه اهتديت
خلني وياك… ومن زغر سني مشيت
خلني وياك… يلّي مثلك ما لقيت


يا إمامي … شيسوا يا حسين العمر
يا إمامي… بس إلك أفدي النحر
يا إمامي… يا نبض وسط الصدر
خادمة آل محمد ✍

*اللّٰھـُــم ؏جِّل لِوَلیڪَ الفرج*
يا مهدي أدركنا رددناها
العجل أيا موعود كم قلناها
شيعتكم كان ولا زال دعاها
*اللّٰھـُــم ؏جِّل لِوَلیڪَ الفرج*
〰️〰️〰️〰️〰️
يا قائم آل الله فمتى نلقاك
عجل يا نور الله قلبي ناداك

أدركنا يا مهدي تلك الرايات
شيعتك وتناديك يا للثارات

يا ابن الزهراء… فالضلع غدا مهشوم… والخد بدا ملطوم تلك علامات~

يا ابن الزهراء… عند الباب عُصرت… وضلوعٍ قد كُسرت… والمحسن مات~

لك ثأر السقط يصيح… أين الموعود
فوق الأعتاب هوى… والروح تجود
*اللّٰھـُــم ؏جِّل لِوَلیڪَ الفرج*
〰️〰️〰️〰️〰️
يا ابن الزهراء ~ في الندبة عهدي إليك… خادمك بين يديك… والروح فداك

يابن الزهراء ~ ننشد بدم المظلوم… طال الوعد المحتوم… فمتى نلقاك

لك بيعة في الأعناق… في صحن حسين
عند أمير العشّاق… بين الحرمين
*اللّٰھـُــم ؏جِّل لِوَلیڪَ الفرج*

خادمة آل محمد✍🏻
https://youtu.be/BV7t6eue6sg

*اللّٰھـُــم ؏جِّل لِوَلیڪَ الفرج*³
قصيدة قريض 1 استنهاض الحجة عج

الخطاب موجه لبقية الله الأعظم؟
*متى تدعو لثأرِ الضلعِ والنحر*
*أيا موعود قم وٱطلب لكم ثأر*
*فعمتك العقيلة تمضي في الأسر*
*بظعنها ناصبي قد غدا يحدي*
〰️
*قميص حُسينك المذبوح تنشره*
*ترى المذبوح في الطف وتُبصره*
*خضيب الجسم من دمه ومنحره*
*ألا فانهض لمظلوم آيا مهدي*
〰️
*جراح الطف في أنفاسك زفرات*
*وسورة مصحف أحزانك الآهات*
*أما آن ليومك تطلب الثارات*
*ألا فاسمع لكم ندبة في العهد*
خادمة آل محمد✍🏻

*مولاي يا ابا صالح لا يحق لي العتاب والسؤال لما يا مولاي لم تظهر بعد فأين يومك الذي نحن له نرتقبُ؟ سامحني مولاي اذا تجرأت بالسؤال ولكن اسمع سيدي هذا الاعتذار*
لحن ها يا مهدي~ باسم الكربلائي♪*
اعتذر لك… . أدري بذنوبي السبب
اعتذر لك… والقلب يبدي العتب
أعتذر لك… امسح دموع المحب
اعتذر لك~~
〰️〰️〰️〰️〰️
كل ذنب مني يأخر لك قدومك
تدري احنا بغربه ما ندري علومك
ننشدك عجل يامهدينه بيومك
يا كهف كل الحيارى مهدي نحبك
اعتذر لك~~
〰️〰️〰️〰️〰️
شلون ٱنادي العجل وِمْخيَّب لظنّك
أدري من كثرة ذنوبي تبعّدني عنك
بگلبي حسره ومستحي يا المهدي منك
وتُعْرض ٱعمالي وصحفها وتأذي گلبك
اعتذر لك~~
〰️〰️〰️〰️〰️
عبي وخدر انهتك حزنك بعاشر
يا أسير الدمعة دم باكي النواظر
جدك بحومة انسحق صدره بحافر
سَحْگة ضلوعه يا مهدينه تِنِدبك
آه يا مهدي~
خادمة آل محمد ✍🏻
https://youtu.be/UIwjpOtLmuk

*[ ساعة مماتي ]*

أداءوالحان : الملا #علي_الوائلي_الكربلائي
كلمات: الشاعر الشيخ #وسام_الشويلي

https://youtu.be/4zaBl7XO7tQ

مجالس شهر محرم الحرام لسنة 1442 هـ - 2020 م
مجالس ليالي العشرة الثالثة من شهر المحرم
عزاء موكب خدام الزهراء عليها السلام - العراق - واسط - كوت

مونتاج: عباس الهماشي
مكساج: كرار الموالي
مخطوطة: سيف علاء
تنفيذ: الفضل للانتاج الحسيني
النشر الشبكي: علاء بركات العاملي

ام البنين. عليها السلام

مو مسألة ماي. انت اكبر اهواي
خل بالك وياي. واسمعني عباس
++++++++
مو لجل ماي وشريعه اهلك اختاروا هلي
ساقي مابيهم خوالك ليش ابوك اختار الي
الگنطره هاي بشبابك كرّمك بيها الولي
عالمتن رتـبة شجاعه جربه علّگلك علي

صح گدها للجود..وتوافي لوعود
بس دور الازنود. .اكبر ينوماس
+++++++++
تدري لو ما الباب انت امك الزهره ترى
يعلم او من طينك الله يبني سواني مره
اشمعنه تشبه بس لخوتك بالشكل والحيدره
امن الكساء واهله لمّك بيده طولك سطره

الدك اعله يمناك. للرايه سماك
وتتميز انطاك ريشات بالطاس
+++++++++
كلها مهتمه الوجودك يبني من يوم الصرت
بالمهد چنت امن اعوفك والشغل بيتي رحت
روحي ليش اسألها عنك مابچه امن اتاخرت
ببتسامة وجهك اقره الزهره لولتلي ونمت

لولتلك اشلون..كل هلّله بم عون
ظمها بلعيون..يل كلك احساس
++++++++++
تذكره مو قصدي اعلمك انت عالم يالگمر
امك وانت واخوتك صاروا الهذا السفر
انت حماي الضعينة زينب شهذا القدر
انت لحسين بعظمته لو طحت يحني الظهر

هسه اعرفت وين..قصد ام الابنين
من ينحني حسين..ياخيمه تنداس
+++++++++
الماي عندك ماله قيمه حته تگطلعه درب
لكن ايصير اشغلاته لو فطر بالطف گلب
سكنه من يعطش گلبها تصبح بموقف صعب
وتنظر اشفايف رضيعه اتمولح بلون الترب

هل منظر تشفوف..حگك بلطفوف
تگطعها لچفوف..ياصاحب الباس
+++++++++
وأنه مثلك يابو فاضل دوري مو بس للربه
اوداع الاحسين وعذابي لنتظاره امحسبه
بس حرم يرجع ضعنكم والوجوه امتربه
راسي من هسه المناحة ذاك يومه امعصبه

توصلني آلآم. من ذيچ الاسهام
ومن حرگ الاخيام..وتشيب الراس

ثائر الربيعي

#الناشر_الحاج_فلاح_حسن

مو مسألة ماي
كلمات الحاج ثائر الربيعي
كلمات المبدع الملا احمد الزيداوي
#الناشر_الحاج_فلاح_حسن

¤• هلال محرّم ¤•

¤• خدام الإمام الحسين(ع) و المولى صاحب الزمان صلوات الله عليه ¤•

طور *"شچابچ لصوب النهر"*

يَا بو صَالِح يَا بو صَالِح يَا بو صَالِح يا بو صَالِح

غيبِتَك طالت يَبو صَالِح عَلِينَه
شهرِ لِمْحَرّم لِفى وْحسرَه بِينَه
شْلونَه حالَك والگُمَر قِطْعَوا يِمينه
اگبالكِ المَصْرَع تِشوفَه يَا هَضيمه

يَا بو صَالِح يَا بو صَالِح يَا بو صَالِح يا بو صَالِح

يْعينَك الله بْهَالليالي الأليمَه
كَم نحَر دامي انذِبَح كم يتيمَه
زينب الحُرّه سبيّه بْلايَه خِيمَه
يا بو صَالِح والرّزايَا شْگَدْ عَظيمَه

يَا بو صَالِح يَا بو صَالِح يَا بو صَالِح يا بو صَالِح

دَامِيه عْيونَك عَلَى لْحَزَّوْا وِريدَه
عْلَه الرِّمالِ مْسَلَّبِ ويَمَّه عَضِيدَه
دمعكِ الجاري على ارْقَيّه الشّهِيده
بِالسِّياطِ انضُربَتِ ومَاتَت يتيمَه

يَا بو صَالِح يَا بو صَالِح يَا بو صَالِح يا بو صَالِح


بْعينَكِ تْشوفِ الخُيولِ الأعْوَجِيّه
تِسحَگِ ابْصَدرِ الجُسومِ عْلَه الوطيّه
گلبكِ ايذوبِ وْدُموعَك جرِيّه
بس دمِعتَك حَمرَه عَالوَجْنَه الكَريمَه

يَا بو صَالِح يَا بو صَالِح يَا بو صَالِح يا بو صَالِح


#أمنن #علينا #برضاه
#يا_صاحب_الزمان

https://tttttt.me/khadimatAL3etraAltahira