‏نعي البيات

نعي الحجاز مرة منخفض ومرة عالي الطبقة

ألوذية تلهف على زيارة مولى العاشقين ابي عبدالله الحسين عليه السلام


هاج الشوق بفادي والم لم
أصيح اومايكف دمعي والم لم
أزور حسين ياساعه والم لم
ضريحه وانسف اهموم العَلَيَّه


رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي
السيد موسى الأحسائي

‏نعي الحجاز

طور نعي المخالف

#للخدمة_الحسينية
#ولذكر_مولاي


بحضن المراسيل شكثر
كاتب حبيبي اتنفسك ،
بكد نومت اصحاب الكهف
ارزقني اظل بمجلسك ، ،

- بكل حايط صور = رسمها المطر = تحاچيك
- باء البسمله = يرب كربله = تناجيك ، ،

غربه = وهاي السوالف اصغر من شبر
غربه = خليته محبس بيديك العمر
غربه = يهل الچفافي وعيون الخضر
_____________________________________
اول رسالات الشُكر
ممنونك بكد السمه ،
يالطلعلت وجهي بصدگ
اي والله يابن فاطمه

- ممنونك بعد = عشگ ماله حد = يمولاي ،
- اقراك بألم = يشيخ الخدم = بحچي هواي

انه = الغطته شمسه وفيه بمجلسك ، ،
انه = الباگو حياته ابوگت محبسك ، ،
ابچي = يا ناسي واهلي وكلشي اتنفسك
_____________________________________
كلولي ليعلمك حرف
هذا تره يملكك دهر
يالعلمتني اعله الحچي
املكني طايحلك مطر

- املكني بعد = يعشگ المهد = يبو الخير
- لميت الحچي = ويرف البچي = جنح طير

روحي = شما مرهه اسمك تطلع ما ترد
روحي = كلفه بدليلي حجايات البعد ، ،
روحي = وشمحله اسمك يمحلي الورد ،
____________________________________
يابو علي وهذا التعب
قطره ابحر تعبك تره
وبمجلسك كون انتهي
وكون من اردن مكبره

- يحلالي التعب = حنان انكتب = للايام ،
- خيروح البعد = شحلاتك ترد = بلا اسهام

وينك = ارزقني كلشي تحبه سيدي
وينك = انت الحنين الماخذ بيدي ،
وينك = من فَي حنانك خيرك يبتدي
_____________________________________
اول يتم يبدي بعشگ
وشكد.ضريحك بي دفو
انت ابوي وكل هلي
وشيعيش الما عنده ابو

- يا رزق السمه = گمر فاطمه = نخيناك ،
- يا اول حمه = دعه لخادمه = بعلي وياك

دمعه = خطت سوالف للخدمه بعشگ
دمعه = هاي الدموع التبچيلك صدگ ،
دمعه = فراگ النحبهم واصل للعرگ ، ،
_____________________________________

- علي مهدي المالكي ، ،

https://tttttt.me/alimahdi9x9

جَزُوع الصار يلطــم ـ وجهه لحسين
ونـاره بگلبـــه زرگـه ـ وجها لحسين
ما ضــل حجر ما طَگ ـ وجه الحسين
وعلي السجاد چا مات ويه أبيّه ..

شريف الأمـــس منطي ـ إيده لحسين
هـذا إمأيْــده ربّـــــه ـ أييّده لحسين
تعـرف ليـــش گطعوا ؟ ـ إيد إلحسين
حته يضوگ گطع إچفوف أخيّه ..

نَدَم هنياله إلـ يّعَضْ ـ صبعه لحسين
السهام أمطَار صَبّت ـ صَبْ على حسين
تدري شـلون گصّــوا ؟ ـ صبع الحسين
إعله كيف إيگصّه حته يشبّعَه أذيّه ..

اليحب حسين يعمي ـ عينه لحسين
وسبع فدوات يصرخ ـ عيني لحسين
عالتّـل هيــچ دارت ـ عيـن الحسين
شاف إثنيــن زينب والزچيّه ..

مالومـــه الـ يـّـزورِگ ـ جسمه لحسين
ويصيح إنذرته فدوه ـ جسمي لحسين
تدري الخيــل جـابَت ـ جِسْم إلحسين
قـريب التَلّ أو ردّت بي لـ أُميّه ..

أوصّي العيـن إبچــي ـ جودي لحسين
بلكي الله و يِرِزقـچ ـ جـود الحسـين
تدري إشّــاف مـن رَد ؟ ـ جود الحسين
شــاف الدم تِرَس وجنَتْ رقيّــه ..

مهدي التقي

#ياأبا_عبد_الله💔

يالمعيّــش هالأرض كلهــا إبسلام
شـنهو قميـتها إذا مــا بيــها إمـام
ـــــــــــــــــــــــــــ
إنتـه يمــك غافيه رضـوى وطوى
وإنتــه يمكـن كيفك إتـوزع الهوى
گلبك إشكبره اعله گد كُبرَه إنچوه
إنتـه فاگـد أم و أبو و جَدّ و عمام
ـــــــــــــــــــــــــــ
هـوّه كلشـي يمـوت اذا مابي نبـُض
والكره الأرضيّـه الك طول بعـرُض
چان سـاخَتْ انتـه رحمَت هالأرض
تنام كـل الدنـيا وانتــه الما تنـام
ـــــــــــــــــــــــــــ
ينام حتــه الليل يمـك مـن يجِنْ
وياك حتـه الطيــر يشعِر بالأَمِنْ
إتنوّم الدنيــا وتضَـل وحدك تإِن
ما تحـب تغفـى خصوصاً بالخيام
ـــــــــــــــــــــــــــ
الكون بيدك والأرض چن محبسك
ومستمر إلـّ حَد ظهــورك مجلسك
الله خلّـه الجمـعه بس تتنـفسك
من الفجر للمغـرب إتشِدْلَك حِزَام
ـــــــــــــــــــــــــــ
الله خِــلالك نظــام إلـّ وحّــدك
الـ أنبيــاء المِشَت كلهــا تناشدك
إنته الـ تحققّ حلمهــا بسـاعدك
هيــچ مــن آدم.. لَحَد خير الأنام
ـــــــــــــــــــــــــــ
الورده من تِطْلَــع إلك بيــها علـم
الله كلشــي إمخلّـي يمّـك ينحسِم
چا . خِصَمْت الدنيـا بس رايد زلم
يريـدلك گول وفعل مو بس كلام !!
ـــــــــــــــــــــــــــ

مهدي التقي

#يافرج_الله

إختلف سوگ العبيد اليوم
طُبْ ســوگ الخَــدَم هسّه

طب سوگ النِخَاسه ارجوك
راح إتشــوفه مــو نفسه

تلگه أوجوه غير وجوه
حتــه اترابــك إتقدسه

چان الوكت لإبن إزياد
أو وادم تلعَـــق إبفلسـه

أمس مو بيعه . لا باعوك
تمشــي ابدمهم الخِسّه

هسه السوگ للــــخِدّام
عــود إتخـون . لا . إنسه

ماي أوجوهنا بفلسين
عبيد أســعارهم بَخْسَه

الخادم ماي وجهه وياك
غِيره ومستَحـه إتّرسـه

لِلْحْسينيه طُبْ وشوف
إعليك الجزع بي وِنسَه

هسه الناس عدها حسين
وي شَمّ الهــوى إتحسّه

عدهم ركضة إطويريج
من الهفهـاف إجت لسّه

شـفت باب الرجاء شلون
مـوت أو وادم إمكدْسَه

و زِفْ جسام مو شوباش
وادم تنطَش إبعرسـه

وعين الگمر خل ترتاح
بأي عين السهم غِرسه

و زينب گلها خلّ إتنـام
ليل إهدعش لتْحرسه

وحط عبدالله بالكاروك
مامـش حرمله إيمسّـه

إخيالك . شِمِر ما يدناه
بعد مو جسمك إيرفسه

وسبّح بالأصابع هيچ
كل چف بعده بي خمسه

#فَلْتَشْتَرِيْنِي..

اروحن وين ؟
خويه حسين اروحن وين ؟

گمر عطشان
ظل نايم على الغبره
وانت بلا هدم عريان
واخت محتاره وين تروح
تمشي بلا فكر لاروح
وضعن متروس بس نسوان
فوگ النوگ يغفن لو خذاهن نوم
ولعيون الشماته لسان
كسرني البين
اروحن وين ؟

حرم وعيال
وتلتف الدروب اصير چنها حبال
بلا محمل
ولا صيوان
ولا من راع
لهب يحرگ خيم ينثر رماد بگاع
ماكو جفوف تمطر ماي
يمكن تهفت النيران
جفوف اثنين
اروحن وين؟

شفافي الماروت واتاني صرخة خوف
وعيني احتار بيها الشوف
أعاين والگلب ملهوف
ريح تأوهت يم گاع كلها رماد
وامان الراح بس ماعاد
وانشاف الستر مچتوف
انين گبور
مثل مد وصعد بيّنه
عمر وانباعت سنينه
بظهاري طفوف
نهر ضامي وصعد لله
صعد لكن بلايه چفوف
خليها لفگد عباس تعمه العين
اروحن وين ؟

وينه الليل
صح انخاف
بس المهم ماننشاف
جروح أطيب
بس جرح الگلب يحسين ماينراف
عندي عيال. عندي اطفال
من كثر العطش والجوع
صاروا خويه بس خيال
من گد الهضم والخوف
دگات الگلب تحسب مشي الرجلين
اروحن وين ؟

علي طعمه البطاط

((وحـــــي الــــهـــــلال))
هلال شهر محرم الحرام

هَلَّ وَحيُ الحُزْنِ في كَبْدِ السَماء
و عَويلُ الأرضِ قد حانَ العَزاء
و هُتافاتِ الأنين -- وا حُسَيْناً وا حُسين
❉❉❉❉❉❉❉❉❉❉❉❉
يا هِلالاً هَلَّ و انْهَلَّتْ مَآسينا
أقْرَحَ الأكْبادَ حُزْناً و مَآقينا
تَزْرَعُ الآهاتِ فينا مُذْ تُلاقينا
و بِكَ الدَهْرُ شُجوناً صارَ يَسْقينا
آهِ مِنْكَ لا تُداوي أو تُواسينا
إنَّما أنتَ جِراحٌ حُفِرَتْ فينا
...............
أنتَ رَسْمٌ للنُواحِ و الرِثاء
سابِغٌ قَلْبَ البَرايا بالبُكاء
و غَدىٰ الوَجْدُ رَهين -- وا حُسَيْناً وا حُسين
❉❉❉❉❉❉❉❉❉❉❉❉
أيُّ عَتْبٍ لَوْ عَتَبْنا سَوْفَ تُصْغيهِ
لَيْتَ لَمْ تَغْدو مُحَرَّمْ أو تُبَدِّيهِ
لا تُراعي الدَمْعَ مِنّا حِينَ نُجْريهِ
أو لِلَحْنِ النَدْبِ يَعْلو مِنّا تَبْكيهِ
يا هِلالٌ أنتَ سَيْفٌ ظَلَّ يَفْريهِ
نَحْرُ وَحْي اللهِ بالطَفْ لَمْ تُراعيهِ
...............
يا حُسامَ القَهْرِ يا سَوْطَ البَلاء
بالدُجىٰ أرْخَيْتَ شُؤماً و إسْتِياء
مِنْكَ يَنْدىٰ ذا الجَبين -- وا حُسَيْناً وا حُسين
❉❉❉❉❉❉❉❉❉❉❉❉
أيْنَما الوَجهَ نُوَلّي في سَماءِ الهَم
رَسْمُكَ المُوحِشُ نَصْلٌ شاخِبٌ بالدَم
إنْ نَكَسْنا الرَأْسَ بُؤساً دَمْعُنا تَمْتَم
أمْسِكيني يا جُفونُ فِيَّ لا يُرْسَم
طَيْفُهُ الجارِحُ يَبْقىٰ فِيَّ لا يُعْدَم
لا أُداريهِ نُواحي حينَ بي يُبْصَم
...............
أيُّ جَفْنٍ سَوفَ يَحْوي ذا الشَقاء
حِينَما تُبْدي جِراحاً في العَلاء
لَيْتَ تُعْمىٰ كُلَّ عين -- وا حُسَيْناً وا حُسين
❉❉❉❉❉❉❉❉❉❉❉❉
أنْتَ غَمٌّ يُبْكي آدَم حينَ تَغْشاهُ
كُلُّ مَبْعوثٌ لرَبّي مِنْكَ شَكْواهُ
أيْ إلٰهي ذا الهِلالُ ماذا فَحْواهُ
لِمْ بِسَهْمِ الشَجْوِ يَرْمي حين َ نَلْقاهُ
فيكَ نوحٌ ناحَ عُمْراً صاحَ أوّاهُ
صَبْرُ أيّوبَ يُبادُ مِنْكَ بَلْواهُ
...............
أنْتَ سَهْمٌ في قُلوبِ الأنْبِياء
تَرْشُقُ الآلامَ فيها و الجَفاء
و بِكَ الوَحْيُ حَزين -- وا حُسَيْناً وا حُسين
❉❉❉❉❉❉❉❉❉❉❉❉
أنتَ ناقوسُ الرَزايا دَقَّ أجْراسا
و بلَحْنِ الوَيْلِ فينا تُفْزِعُ الناسا
تنحني الهاماتِ مِنّا تَسْلُبُ الباسا
لَسْنا نَنْسىٰ سِبطَ طٰهَ فيكَ كَمْ قاسا
حينَما تَغْدو كَبَدْرٍ نَرْنو عَبّاسا
تُشْهِقُ الأوْجاعَ مِنّا وهي أنْفاسا
...............
و نرىٰ فيكَ نُجومَ الأتْقِياء
ذُبِحَتْ فَوْقَ تُرابِ كَرْبَلاء
بدِماهُم مُضْرَجين -- وا حُسَيْناً وا حُسين
❉❉❉❉❉❉❉❉❉❉❉❉
أنْتَ زَيْنَب فيكَ صارَتْ بقُيودِ الأدْعِياء
تَرَكَتْ جِسْمَ أخيها و هو مُلْقاً بالعَراء
تَرَكَتْ فيكَ دُموعاً هَدَرَتْ مِثْلَ الدِماء
و مَضَتْ للسَبْيي قَسْراً بِنْتُ خَيْرِ الأوْصِياء
قَلْبُها قد ذاقَ مِنْكَ كُلَّ وَيْلاتِ العَناء
أنْتَ مِنْها يا هِلالاً قد سَلَبْتَ الأوْلِياء
................
هٰكذا قد هانَ فيكَ الشُرَفاء
و سَما سَوْطُ المُجونِ و البَغاء
كَيفَ تُسْبىٰ للَعين -- وا حُسَيْناً وا حُسين
❉❉❉❉❉❉❉❉❉❉❉❉
الشاعر : أبو شهيد الأحسائي
الجمعه ١٤٣٨/١٢/١٧هـ
════════════
*لا يجوز و محاسب شرعاً حذف او تغيير التوقيع*

*♦️قناة الواتساب♦️*
https://chat.whatsapp.com/INKEg5B0j6q5qkZUiGHZlY
〰️〰️〰️〰️〰️〰️〰️〰️
*🔹قناة التلگرام🔹*
https://tttttt.me/joinchat/AAAAAE_HFNViqL7eHHi48w
════════════

*حجةَ الله وينه~*
*اللّٰھـُــم ؏جِّل لِوَلیڪَ الفرج*
*لطم لحن ظلت بس صورهم~♪*
*حجةَ الله وينه ~ غايب ما يجينه²*

كنّه في المدينه~ يم گبر الحزينه ~ماكو من يعينه ~ وبأنينه دمعه مسفوح

لو نصاب عزيه~ بارض الغاضريه ~ ودمعاتي جريه هالمسيه لجده مذبوح

يا غايب… جدك نحره يهتف اشهر لواك
يا غايب… يبعث لك رساله وبيها ينخاك
يا غايب… بالندبة كل جمعة مهدي ناداك
يا غايب… وعالشريعه كافل چفوفه تلگاك
〰️〰️〰️〰️
في الجمعة نِنِدْبه… غربه والله غربه… والمدمع يصبّه والله صعبه ويجريِ عين~~~

وينه يمته يظهر… وبكربله يحضر … بسيفه لجده يثأر بطف الحسين~~~

لثارات… يشهر ذولفقاره ويقضي عالجور
لثارات… يمّه هاي انصاره وسيفه منشهور
لثارات… لجده راية ثاره صدره مكسور
لثارات… يطلب دم رضيعه وجده منحور
〰〰〰〰〰〰
بحالك الله يعلم… ناصب عزا ومأتم… وجفنك لونه من دم… بعينك دموع

وينك يا آمامي…تنحب على الظامي… جدك نحره دامي… وانت مفجوع

يا مهدي … عندك خيم زينب تلهب بنار
يا مهدي… ضلع امك تهشّم عدها بسمار
يا مهدي… وعبدالله يِنِشدك اطلب الثار
يا مهدي… ورقية بخرابة ردها للدار
خادمة آل محمد✍🏻
https://youtu.be/rvdhmVupOho

⬛️◾️▪️⚫️﷽⚫️▪️◾️⬛️
6 محرم *(كأني باللأنصار بجوار خيمة العقيلة ع)*
طور (فاطميه كل حياتي-ملا باسم)
https://youtu.be/ya6llC-HxB0

🏴بدأنا بنشر *(تجهيزات محرم وصفر بالترتيب)* من القصائد والنواعي ولسائر الأفراح والأحزان المقبله #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg
▼
للمنيه ... ما نعوفك للمنيه
للمنيه ... ما نعوفك للمنيه


من سمعنه بالعقيله ، تغلي مو متطمنه
تنشدك إعلينه، حقها ، خايِفه من عدنه
تخشى انعوفك يوالي و ، نرجع الموطنه
جينه انريح گلبها ، و نستِبق للجنه

بالزچيه ... جينه نقسم بالزچيه
للمنيه ... ما نعوفك للمنيه


يا ، أبو الأكبر نعاهد ، عد مخيم زينب
حاشى ما بين الشدايد ، ما نعوفك تتعب
من تمسكنه ابركابك ، ما قصدنه نلعب
دام ها نتنفس احنه ، انت ما تتخضب

عالوطيه ... احنه قبلك عالوطيه
للمنيه ... ما نعوفك للمنيه


الله شاهد و انت شاهد ، والزمن خل يشهد
لو يذبحونه ، نرد لك ، و العمر خل يمتد
نشتري هالنصره بالدم ، ليك بس نتودد
ما تخوِفنه المنيه ، لنك انت المقصد

رافضيه ... بينه نخوه رافضيه
للمنيه ... ما نعوفك للمنيه


حتى لو مليون مره ، يذبحونه الأجلك
والله تستاهل يغالي ، ياهو يسوه مثلك
حجة الله الظاهِره انت ، حاشى ما انبدلك
ما نظل أحياء دونك ، حتى نسمع قتلك

غاضريه ... تشهد النه الغاضريه
للمنيه ... ما نعوفك للمنيه


دام نشتم الهوى ما ، نرضى تبچي الحره
خل نموت و ما نعاين ، بت علي متيسره
و الشهاده نشتريها ، ما نبيع العشره
تالي اتشوف ابجثثنه ، عالثره متطشره

هاي هيه ... كربلايه هاي هيه
للمنيه ... ما نعوفك للمنيه
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ـــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

‏ملا علي الساعدي

⬛️◾️▪️⚫️﷽⚫️▪️◾️⬛️
*(هتافات آخر المجلس للأنصار ع ولسائر الليالي الحسينية)*
طور(ابد والله يا زهراء ما ننسى حسيناه)
أو بطور الملا نقيب الكربلائي
https://youtu.be/sb-z7orKsY4

🏴بدأنا بنشر *(تجهيزات محرم وصفر بالترتيب)* من القصائد والنواعي ولسائر الأفراح والأحزان المقبله #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg
▼
أبد والله يا مولاي ، ما نترك خدمتك


تنفسنه هوه حبك ، تنعمنه ابنعمتك
أبد والله يا مولاي ، ما نترك خدمتك

نظل خدام للمحشر ، و لا انعارض كلمتك
أبد والله يا مولاي ، ما نترك خدمتك

خدمتك هاي اي والله ، اتنزل رحمتك
أبد والله يا مولاي ، ما نترك خدمتك

عبيدك ردنه كلنه اكون ، نمشي اعله حكمتك
أبد والله يا مولاي ، ما نترك خدمتك

شلت راسي بيك اسنين ، فرحان ابقسمتك
أبد والله يا مولاي ، ما نترك خدمتك

شمس تضوي نجوم الليل ، و ابعيني لزمتك
أبد والله يا مولاي ، ما نترك خدمتك

على الأعلام من زغري أنه ابچفي رسمتك
أبد والله يا مولاي ، ما نترك خدمتك

وحگ زينب والعباس ، ابگلبي أقمتك
أبد والله يا مولاي ، ما نترك خدمتك

تحَير الكون آ يحسين ، من قدرة عظمتك
أبد والله يا مولاي ، ما نترك خدمتك
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ـــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
*6 محرم* للأنصار ع
الاطوار المقترحه للقصيدة في قناة التلجرام

🏴بدأنا بنشر *(تجهيزات محرم وصفر)* من القصائد والنواعي والأطوار الجديده والقديمه المكتوبة ولسائر الأفراح والأحزان المقبله #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg
▼
گوم حامي ابن الزچيه * يا حبيب يا حبيب
و افني هاي الناصبيه * يا حبيب يا حبيب


گوم يا شيخ المراجل * يا حبيب يا حبيب
كربله اگلبها زلازل * يا حبيب يا حبيب
و اهجِم وهز الفطاحل * يا حبيب يا حبيب
خلي ضرباتك قويه * يا حبيب يا حبيب


شيخ الأنصار الغوالب * يا حبيب يا حبيب
يل حزت أعلى المراتب * يا حبيب يا حبيب
بالله افنيها النواصب * يا حبيب يا حبيب
خلها تشرد آل أميه * يا حبيب يا حبيب


يا ابن ظاهر أريدك * يا حبيب يا حبيب
رايِتي ترفعها بيدك * يا حبيب يا حبيب
حتى لو گطعوا وريدك * يا حبيب يا حبيب
لا تطيح اعله الوطيه * يا حبيب يا حبيب


گوم و احمي اخيام زينب * يا حبيب يا حبيب
لا تخلي الگوم تگرب * يا حبيب يا حبيب
حتى لو شيبك تِخَضَب * يا حبيب يا حبيب
لا تِقَصر بالحميه * يا حبيب يا حبيب


لا تظن أنسى وگفتك * يا حبيب يا حبيب
صعبه اعليه فرگتك * يا حبيب يا حبيب
منذبح تالي لگيتك * يا حبيب يا حبيب
وين راسك يا شفيه * يا حبيب يا حبيب
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.