ميمر
بحق ألانصار


نعـمه الـزلـم شدوا حزم
يوم الحـرب زود وعـزم

صارو درع لجل حسين وتنافسوا انصاره
*-------------------*----------------*

يشهد عزمهم بالشدد والحومه
گالوا شهاده لو نصر محسومه
كلمن يمـوت بـساعته وبيومـه

أنـطـو وعـد مثـل الشهـد
صـار الأجـل واكثـر بـعـد

ماهمو اجيوش وموت بسوح الحرب واخطاره

*-------------------*----------------*

هايه الصحابه التنذكر بالطيبه
اتنافسو بالطف شباب وشيبـه
الـهـم تـلـوك المـرجله والـهيبـه

بـذل الـنــفس عـدهـم عـرس
وجيش الكفر مثـل الـخـرس

خيـل وزلـم بالميدان منـهم بقت محتـاره

*------------------*----------------*

خلوا مواقف بالفخـر مـذكـوره
أتبين عشگهم للسبط بـحروره
احيود وزلـم والـكربله منـذوره

كـلهـم وفـه ونفس الصفه
حبوا صدگ حـب مـعـرفـه

ذوله الصحابه الشجعان كلمن لزم بتـاره

*------------------*-----------------*

أروع صور للتضحيـه ومعناهـه
يـم الحسين وصحبتـه تلكاهـه
دمهم رسمهه وبالـوفه خطاهـه

طـول الدهـر هـاي الصـور
مـن تنـذكـر بـيهـه الـعِبـر

المايقتدي بـهل انصـار ماضن تفيد اعـذاره

*--------------------*----------------*

الصاحب يوّفي الصحبته بفعاله
يــوم الـشــدد يـتحـزم ابـدلالـه
هـذا الصـحيح النفتخـر بمـثـالـه

بـين الـملـه طـف كـربلـه
اعظم درس بـيـهـم حلـه

اتعلم واخذ ادروس شلون الوفي تختاره

*-------------------*-----------------*

هيچي الشجاعه بالحرب مريوده
اتلـوگ المواقف للخـذاهـه بـزوده
أحـتار الشـمـر بالمعـركه وجـنوده

خاف وهتـف گلبه أرتـجـف
هجموا سـوه والـــدم نــزف

أقره المجد والتاريخ وشوف الوفه وأخباره

*------------------*------------------*

✍بقلم خادم الحسين ع
الشاعر رعـد الجـــريخـي


https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

شافو علي شد الحيل والخيل عثرت بالخيل
وخله الزلم محتاره
انخبص كل العسكر من طب عليها الاكبر
************
طبها علي بغيرة علي وشايل الموت بجفه
روعهم وخله الزلم من عنده بيهم رجفه
دار الحرب ديرت رحه وعالموت كلهم صفه
يخطف عليهم كالرعد هيج الجنود اتوصفه

شافوه اجاهم عناي والزلم ركضت حفاي
واحد يلوذ بواحد
لون الوجوه اتغير من طب عليها الاكبر
*********
يرعد اجاها بصارمه وخله الزلم مختبصه
بعده علي بأول شخص والجيش يرجف نصه
العباس باوع وابتسم كله بقتلك حصه
فرصتهم الشرده وملك الحظه بهاي الفرصه

من جاب طاري العباس خله الزلم راس براس
ويتباها كام بعمه
ضيع عليها المعبر من طب عليها الاكبر
**********
عالميمنه من طب علي البل ميسره ضم راسه
امدافع الهم من وصل بمهره البرز ليه داسه
اوجوهم صارت صفر وحابس الكل انفاسه
عالموت كلهم بالسره كله وكفو عباسه

من عندي وين اتروحون كلكم اليوم اتموتون
وماكو مفر من عندي
راوه العده موت احمر من طب عليها الاكبر
***************
عالكثره متعلم علي بقلت عدد ما يقبل
وما يقنع بسبعين الف بكدهم يريد اتخيل
اختلفو منو اليبرز اله كلمن يكول انته اول
امبين زعل روحو ركض يخسف الطف من يزعل

عليه الزعل لايك حيل وبسيفه راواهم ويل
تعب علي الخياله
وشكثر تاهت بالبر من طب عليها الاكبر
************
عطشان الاكبر للحرب وحالف الجيش ايركضه
ويهجم علي بفارغ صبر منتظر هاي اللحظه
ايموت لو يبقى عدل اليبرز له هو وحظه
وما اضنه الاكبر بالحرب براس ابن غانم يرضه

اجثثهم ترس بيها الكاع ودرب المفر بيهم ضاع
انجوم الظهر راواهم
ضنو اجاهم حيدر من طب عليها الاكبر
**********
من صال خلاهم علي الخياله عالخياله
عالصف الاول من هجم الثاني طاح شماله
معناها وصلت للعظم ومتأخره حيل الحاله
هذا علي او وارث علي يتورط اليدناله

جدامه ركضو من صال وعالموت كلهم بالحال
الموت صار بكيفه
الزلم كامت تعثر من طب عليها الاكبر
***********
تمت
ميثم العمري


https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

يــــــــوم العاشر💔
قصيده ضهــــــــر العاشر/ المصيبه..بعد وقوع الولى ع
حال لسان مولاتنا العقيله ع


ابــن امـي مذبوح/مـن الكفى حزه الشـمر
ابــن امي مذبوح/داست عليه خيل شكثر
تســاوه صـدره ويالضهـر
ألغالي ضل ابلا نحـــر

أبــن أمــي مذبـوح/أبــن أمــي مذبـوح
*****************

گومن للحنين بعجل نغطيله من حر الشمس
متعوب والينه تره من ذبحه خلص هالرجس
نايم يوسفه عالثره الدللنه يخواتي امس
انعاتبه عن الخدر بس كون المعاتب همس

خلنه يرتاح/شمسوي بيه سيف الرجس
خلنه يرتاح/ موجوع من سحك الفرس

بالجبهه مصيوب ابحجر
الغالي ضل ابلا نحر

ابن امي مذبوح//ابن أمي مذبوح
*****************
نايم اخينه اعله الوجه منظر صعب ماينحمل
متفطره شفته من العطش ومزاحم بجسمه النبل
سلبوهن اثيابه تره وعاري بقه فوك الرمل
الساتر الدنيا وسف بس السمه صارتله ضل

هواي جروح// ماضل عضو منه سلم
هواي جروح//بس عينه ضلت عالخيم

سهم المثلث بالصدر
ضل الحسين ابلا نحر

ابن أمي مذبوح//ابن أمي مذبوح
*****************
ياويلي من كثر السحك مترضرضه ضلوع الفجر
ثغر اليقبله المصطفى بالسوط واليه الشمر
والاصعب واكثر بعد وي ضهره مطبوك الصدر
حكي من اننوح وانتحب ماضل تره عندي صبر

بهيده النوح//لوردنه نبجي وننتحب
بهيده النوح// خافن يسمعونه الغرب

لا حمي ضل ولاخدر
ضل الحسين ابلا نحر

ابن أمي مذبوح//ابن أمي مذبوح
*****************
وين امشي بعدك ياشهم المن ادير اعيوني
الماشافو اخيالي كبل هسه وسف شافوني
رحمه ولا عدهم ابد ورمو يخويه امتوني
لو بسمك انه حشمت يالخارجه نادوني

نار وخيل// محتاره وين انطي الوجه
نار وخيل// بعدك حرت وين اتجهه

ليلي صفه بعازة كمر
ألغالي ضل ابلا نحر

ابن امي مذبوح//ابن أمي مذبوح
*****************
من الهظم وجهي درت صوب النهر شجايه
يصرخ دليلي يالكمر مشتاك اشوف الرايه
ليل وضلام وحايره ولخدر صار حجايه
زينب كفيلج مايجي ضل عله المسنايه


خوف وليل// شيخلصه ليلي يالشهم
خوف وليل// وصرت الكفيله اعله الحرم

عندك يبو فاضل خبر
الغالي ضل ابلا نحر
ابن امي مذبوح// ابن امي مذبوح
*****************
خادم الزهراء ع
الملا //ياسر الزيادي



https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

بحق القاسم ابن الحسن ع


خليني اودعك ياهوه
انته الجرح وانته الدوه
خـابت ييمه احلامـي
بـاچـر اشــوفــك دامـي
*-----------------------*---------------------*

هـذا اوداعِ الاخـير ادريـهـه
كـربـلـه اعـرف دمـع تالـيهـه
امـك جـروح الحـزن تاذيهـه
وتصعب الحاله التشوفك بيهه

يـالغالـي لوصـار الفجـر
تـحـرگـني نيـران الهجـر
اتـخيلـك كـدامـي

*-------------------------*----------------------*
يمه لوجاني الصبح وهمومـه
يبـتدي بعـاشـر محـرم يومـه
ادري مابيهه سلامـه الحومـه
چني اشاهد مصرعك ودمومه

گلبي ارتجف من كربله
اصعب مصاب اتحمله
ردتـك ذخـر ليـامـي
*-----------------------*-----------------------*

تــرحــل وانـي اضـل بـحـيــره
وعيني وي طولك نظرهه اديره
يـالـوحيّـد مـاكـو لمـك غـيـره
انتـه يامعنى الهـوه وتفسيـره

هاليلـه يحلالـي الدمـع
ذاب الامل مثل الشمع
اتـعـذبـت بـوهامـي

*-----------------------*-------------------------*
بـاچـر تـنـوح الثكالـه الحالـي
باچـر افراكك حبيبـي الغالـي
تكثـر اهمومي وجـرح دلالـي
ماحسبت احساب هيج بالـي

الهذا الجرح ماحاسبه
فگـدك دليلـي أيعذّبـه
بلـغ الحسـن سـلامـي
*-------------------------*---------------------*

جفني مايبرح بعـد لدموعـه
بلـكن يخـفـف سعيـر الوعـه
جنت افكر بالعرس وشموعه
فجئه لن وضنتي مگطـوعـه

طـف كربـله طفـه الامل
وحلمي بفرحتك ماكمل
بـيقضتـي ومـنامـي
*--------------------*---------------------*

احمـل اسهـام الدهر وامصابه
لـوعفتـني ودمعتـي سـجـابـه
يـكتـل الـواحـد مـرار غيـابـه
ابالي ما چان وحسبت حسابه

ماعندي غيرك شرتجي
يجرحني لوباچر يجي
يـبني استمـع كـلامـي
*-----------------*------------------*
✍بقلم خادم الحسين ع
الشاعر رعد الجريخي



https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

اسم القصيدة : خادم اقبلني
اسم الشاعر : #ميرزا_عادل_اشكناني
اسم الرادود : #محمد_الجنامي
المناسبة استشهاد السيدة سكينه عليها السلام ربيع الأول 1442
المكان العتبة الكاظمية المقدسة

🏴🏴🏴🏴🏴🏴🏴🏴🏴

يابو علي انظر الي ابعين الولايه
نظرة ابو نظرة عفو نظرة عنايه

ابهالدرب خلني~خادم اقبلني
يابو علي ~ يابو علي

@@@

خل يخلص محرّمك
بس شيخلص مأتمك
گلبي صاير حسينيه بأسمك

سهله اگطع رگبتي
بس ما اگطع دمعتي
للحشر ابقى انعى اويه امك


وينه اليواسيني يشيعه
نادت الزهره
والشيعي جاوبها ابعزاءه
ولطمته ابصدره


وأبمجلسك~ اتنفسك
وأحييَ برثاءك
ميت چنت~ بس حي صرت
ابموكب عزاءك


حزني كملني~ خادم اقبلني
يابو علي~ يابو علي

@@@

ابهالخدمه يا سيدي
ماخذ سيرة والدي
يا أثر دعوة امي المجابه

ماهمني شلون انتسب
وأعليمن راح انحسب
والمهم اسمي ليك انتسابه


لا عذب الله امي شربت
حب القرايه
وغذتني بالمرضع درب
خدمة المشايه


وكان لي ~ ابو وهلي
بالخدمه كلهم
همه الأصل ~ وآنه الشبل
طالع مثلهم


اوياهم اشملني~ خادم اقبلني
يابو علي ~ يابو علي

@@@

ناس ادّوّر ع الذهب
ناس ادّوّر اللقب
وآنه ياسيدي جيت ادورك

والگيتك صفنة محب
ودمعة شايب ينتحب
وطفله ع الفطره تحبي لگبرك


ياشمس الله الساطعه
الماشاهدك اعمه
والمايخدمك سيدي
ماقدّر النعمه


خير النعم ~ ويه الخدم
اسمي تسجّل
هذا الإسم ~ اصبح حلم
كل نبي مرسل


إينادي سجّلني ~ خادم اقبلني
يابو علي ~ يابو علي

@@@

ماخاب ال إلك التجأ
ياباب الله والرجا
جيتك احسبني حر الرياحي

شابج ع الراس العشر
وأمشي مشية منكسر
وانت بس أنت تجبر جناحي


حگي إذا اگضي العمر
يم عتبتك گاعد
درب الله واحد للبشر
وحسين واحد


وين اتجه ~ ماي الوجه
يمك چفيته
وابهالكسر ~ بعت العمر
وأنت اشتريته


ياللي دللني ~ خادم اقبلني
يابو علي ~ يابو علي

@@@

حبلي ابحبلك متصل
لو فد لحظه ينفصل
ينفصل ويه ربي اتصالي

يانور الله بالفجر
وي غيرك يحله الهجر
دام انه ويه گلبك وصالي


من راسي حد اجدامي
وآنه غارك ابخيرك
والضايگ امحبتك بعد
مايقنع ابغيرك


والمختنگ ~ من العشگ
بإسمك تنفس
فوگ الرمح ~ شفتك صبح
لو ليلي عسعس


للشمس دلني ~ خادم اقبلني
يابو علي ~ يابو علي

🏴🏴🏴🏴🏴🏴🏴🏴🏴

#نسالكم_الدعاء

خادم اقبلني

#نسالكم_الدعاء

* *اللَّهُمَّ صَلِّ عَلَى مُحمَّدٍ وآَلِ مُحمَّدٍ وَعَجِّلْ فَرَجَهُمْ والْعَنْ أَعْدَاءَهُمْ* *

*★لأنه آمن عند رؤية البأس والايمان عند رؤية البأس غير مقبول★يا موسى لم تغث فرعون، لأنك لم تخلقه، ولو استغاث بي لأغثته★*

عن إبراهيم بن محمد الهمداني قال: قلت لأبي الحسن علي بن موسى الرضا عليه السلام: لأي علة أغرق الله عز وجل فرعون وقد آمن به وأقر بتوحيده؟ لأنه آمن عند رؤية البأس والايمان عند رؤية البأس غير مقبول وذلك حكم الله تعالى في السلف والخلف قال الله عز وجل (فلما رأوا بأسنا قالوا آمنا بالله وحده وكفرنا بما كنا به مشركين فلم يك ينفعهم إيمانهم لما رأوا بأسنا) وقال عز وجل (يوم يأتي بعض آيات ربك لا ينفع نفسا إيمانها لم تكن آمنت من قبل أو كسبت إيمانها خيرا) وهكذا فرعون لما أدركه الغرق، قال (آمنت إنه لا إله إلا الذي آمنت به بنو إسرائيل وأنا من المسلمين) فقيل له: (الآن وقد عصيت قبل وكنت من المفسدين فاليوم ننجيك ببدنك لتكون لمن خلفك آية) وقد كان فرعون من قرنه إلى قدمه في الحديد ولبسه على بدنه فلما أغرق ألقاه الله على نجوة من الأرض ببدنه لتكون لمن بعده علامة فيرونه مع تثقله بالحديد مرتفع من الأرض وسبيل الثقيل أن يرسب ولا يرتفع، وكان ذلك آية وعلامة ولعلة أخرى أغرق الله عز وجل فرعون وهي أنه: استغاث بموسى لما أدركه الغرق ولم يستغث بالله فأوحى الله عز وجل إليه يا موسى لم تغث فرعون، لأنك لم تخلقه، ولو استغاث بي لأغثته.

*√عيون أخبار الرضا للشيخ الأقدم والمحدث الأكبر أبي جعفر الصدوق الجزء۱ الصفحة۸۳√*

*[اللَّهُمَّ ارْزُقْــــنَا كَــربَـــلاء]*

*{اللَّهُمَّ الْعَنِ الجِبْتَ والطَاغُوت}*

* *اللَّهُمَّ عَجِّلْ لِوَلِيِّكَ الفَرَج* *
*يـ حـــســـيـــن ـا*
قناة كامل الروايات
https://tttttt.me/AhYoAmRaNa

:
استشهاد الامام الجواد ع

ابن الغريب المنذبح.. مرمي ثلاثه عله السطح
چنه الحُسين ابكربله.. محد فزعله ونزله
ابن الغريب المنذبح
……………………………………
شهاي المصيبه الله اكبر والرزيه
ضل ثلث تيام مرمي ابن الزچيه
وين هاشم عنه وين اهل الحميه
تنزل الفوگ السطح جـثـته رميه

ضلت رميه جـثـته.. مثل الذبيح ابغربته
مرمي ولا واحد أله.. محد فزعله ونزله
ابن الغريب المنذبح
……………………………………
مثل جده حسين ابواليمه ابمحنته
ضل غريب وتكسر الخاطر غربته
سـم بـنـي العباس گـطعـها چبته
وبالشمس من دون فـَيّ خلوها جثته

يامشبه اليوم بأمس.. هم ضل رميه بالشمس
عافو عمامه وكل هله.. محد فزعله ونزله
ابن الغريب المنذبح
……………………………………
الجواد اعله السطح محد فزعله
لاعشيره ولا عمامه ولا اجو اهله
چي بني العباس كل شيعي تقتله
تهجر اللي حب علي بگلبه يحمله

هم ضل ابن خير العمل .. ميت ولا فزعوله أهل
وشكبره همه الـيحمله.. محد فزعله ونزله
ابن الغريب المنذبح
……………………………………
عالسطح اشگد بقه بذيچ الظهاري
ميت ولا ما كو واحد بيه داري
هم مثل جده الحُسين البصحاري
ميت وفوگ الترُب ضل جسمه عاري

نفس المصيبه والحزن .. هم ميت ومايندفن
نفس الجنازه مجندله.. محد فزعله ونزله
ابن الغريب المنذبح
……………………………………
لاچن اصعب حال الحسين ابمحرم
مصابه عن امصاب ابنه هوايه اعظم
الجـواد ابسـم نـزف چبده وتخـذم
حسين گاع الطف تروت منه بالدم

ابنه جرح ما انجرح.. لاچن ابواليمه انذبح
اعضاءه كلها مفصله.. محد فزعله ونزله
ابن الغريب المنذبح
……………………………………
حسين من مگفه انذبح وشهل مصيبه
وشيبته بـدم وتـراب الطـف خضيبه
حسين فوگ التل تشوفه اخته الغريبه
تگله عنك خويه راح امشي سليبه

يالما عضو منك سلم .. حرگوا عله العيله الخيم
وركضن بناتك بالفـلـه.. محد فزعله ونزله
ابن الغريب المنذبح


#الشاعر عقيل الحسناوي..



https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*[ أهلا ودمعا ]*

أداء: الملا #أحمد_الخيكاني
كلمات: الشاعر #محمد_البشير

https://youtu.be/W_LopuiCXqQ

إحياء ليالي شهر شوال لسنة 1442 هـ - 2021 م
ليالي إستشهاد موﻻنا زعيم الجعفرية الإمام جعفر بن محمد الصادق عليه السلام
عزاء رابطة شباب علي الأكبر عليه السلام - العراق - بغداد

مونتاج واخراج: تيسير السوداني
مكساج: كرار الموالي
مخطوطة: محمد المزيدي
تنفيذ: مؤسسة الإباء الاسلامية للانتاج الحسيني
النشر الشبكي: علاء بركات العاملي

قصائد شعراء الندب في لبنان
قناة خاصة بشعراء القصيدة الحسينية المخصصة للندب باقلام شعراء لبنان
https://tttttt.me/sho3araalobnan

:
استشهاد الامام الجواد ع

ابن الغريب المنذبح.. مرمي ثلاثه عله السطح
چنه الحُسين ابكربله.. محد فزعله ونزله
ابن الغريب المنذبح
……………………………………
شهاي المصيبه الله اكبر والرزيه
ضل ثلث تيام مرمي ابن الزچيه
وين هاشم عنه وين اهل الحميه
تنزل الفوگ السطح جـثـته رميه

ضلت رميه جـثـته.. مثل الذبيح ابغربته
مرمي ولا واحد أله.. محد فزعله ونزله
ابن الغريب المنذبح
……………………………………
مثل جده حسين ابواليمه ابمحنته
ضل غريب وتكسر الخاطر غربته
سـم بـنـي العباس گـطعـها چبته
وبالشمس من دون فـَيّ خلوها جثته

يامشبه اليوم بأمس.. هم ضل رميه بالشمس
عافو عمامه وكل هله.. محد فزعله ونزله
ابن الغريب المنذبح
……………………………………
الجواد اعله السطح محد فزعله
لاعشيره ولا عمامه ولا اجو اهله
چي بني العباس كل شيعي تقتله
تهجر اللي حب علي بگلبه يحمله

هم ضل ابن خير العمل .. ميت ولا فزعوله أهل
وشكبره همه الـيحمله.. محد فزعله ونزله
ابن الغريب المنذبح
……………………………………
عالسطح اشگد بقه بذيچ الظهاري
ميت ولا ما كو واحد بيه داري
هم مثل جده الحُسين البصحاري
ميت وفوگ الترُب ضل جسمه عاري

نفس المصيبه والحزن .. هم ميت ومايندفن
نفس الجنازه مجندله.. محد فزعله ونزله
ابن الغريب المنذبح
……………………………………
لاچن اصعب حال الحسين ابمحرم
مصابه عن امصاب ابنه هوايه اعظم
الجـواد ابسـم نـزف چبده وتخـذم
حسين گاع الطف تروت منه بالدم

ابنه جرح ما انجرح.. لاچن ابواليمه انذبح
اعضاءه كلها مفصله.. محد فزعله ونزله
ابن الغريب المنذبح
……………………………………
حسين من مگفه انذبح وشهل مصيبه
وشيبته بـدم وتـراب الطـف خضيبه
حسين فوگ التل تشوفه اخته الغريبه
تگله عنك خويه راح امشي سليبه

يالما عضو منك سلم .. حرگوا عله العيله الخيم
وركضن بناتك بالفـلـه.. محد فزعله ونزله
ابن الغريب المنذبح


#الشاعر عقيل الحسناوي..


https://tttttt.me/labaykahoussein

( مجموعة أبوذيات )


اخـــذتو الگلب مـن رحتو.. تراكم
وعلى راسي الحزن والهم.. تراكم
متى اتعــودون وعيـــوني.. تراكم
يهلي ادخيـــــــلكم مــــرو عليـــه

موحش صار يهل الشـيم. بتكم
عليه اشلون ما ينگــــطع. بتكم
حزينه اواگفه اعله الباب. بتكم
وتنـــاطر اضـــعون الغاظــــريه

الشـــمر بالنار خيـماتي.. وياهن
وستـــــوحد ابنيــــاتك.. وياهن
ابغرب يبن امي ومحد.. وياهن
أحا يالوعة اسكيـــنه ورقـــــيه

ازامــــط بيك يالكافل.. ولوني
سبيه. اوليه من بعدك.. ولوني
تغـير شكلي بغيـــابك.. ولوني
ورحت وي الغرب بعدك سبيه

مـــــن دنيــــاي شفت اهمـوم.. شفتاه
وراس حسين اخوي ابطشت.. شفتاه
ابعصــاته ايزيد گام وضــرب.. شفتاه
القبـــــلهه النبـــي وحــامي الحمــــيه


اتركونه اغـراب احبتنه وهلنه
الزمن للحزن جــد بينه وهلنه
بعد هم يرجــع الغايب وهلنه ( وهل ألنه)
امل. بيه يرد والدنه الشــفيه

خبر جتلك يبـو الغيــره وردنه
اوذبل بجفــاك يابـــويه وردنه
كافي النــوم يلله انهض وردنه
المـــدينة جـدنه حماي الحميه

الناس اتنام مرتاحه.. وناباي
جمر. والگلب ماهود.. وناباي
البنات آبائها اوياهه.. وناباي
تركني ومات برض الغاضريه

وحق عبـاس وجفــوفه. وعينه
على الهم من زغر سـنه. وعينه
اتمنه ايعــــود ابوفاضل. وعينه
حارس عالخيـــــم من آل اميه

يالبمهدك جنـــح جبــــريل لولاك
يخــــــويه الكربله ماجيت لولاك
اروح الجسم اخوي حسين لولاك
حرت وعــــــــداك شبو نار بيــــه

يبوفاضل اخـــــــلافك. لوعه بينه
الشمــــر ماعنده رحمه. لوعه بينه
شطفي اخيامي خــــويه. لوعبينه
حــرت وثنينهـــــن شبن عليــــــه

اشگد يبقه الگلب ينطر ويتنه
ونيران الظمه اخــلافك ويتنه
الگوم استــوحدت بينه ويتنه
حرگو خيمتــــي وضــربو رقيه

النسه اتروح ابسبي بعدك .. يبوهه
والرض الشـــــام عالهـزل .. يبوهه
لون تدري اشجره ابسكنه .. يبوهه
متنهه احمر بقه امن اسيــاط اميه


الخادم
كامل السعيدي



https://tttttt.me/joinchat/2aPEJWQugWw3YzMy

ظل حسين     من رحتوا عنــه يالأكبر
ظل حسين     وحده يقاتل بين العسكر
سبعين ألف جيش العده
يمـــه وأبوك الوحـــــده
* * *
من رحتوا يبني ياعلــــي     كل الجيوش ألتمــــت
اعلى حسين اجت من كل كتر    والكاع خيل أنلظمت
شي بسيوف وشي نبـــــل     شي برماح وهجمــت
وشي بالحجر ترمي غدت     شي بس اجت تتشمت
وهوه وحيد     ماواحد ظل امن انصاره
وهوه وحيد     مابين الكـــــــوم الغداره
 ضده الخلك متجنده
يمه وأبوك الوحــده
* * *
بهالدنيه ماصارت كبــــل     يبني مثل هالوليه
تصير السهام اعليه مطـر     من يستراح شويه
اتمنيت يبني ياعلــــــــي    تكوم وترد للدنيــه
اتكض ظهره يم المشرعه     حتى يشربله أميـه
لن عطشان    والعطشان شلون يقاتــل
لن عطشان     ولايمه انته ولا ابوفاضل
 من رحتوا ياهو يساعده
يمـــه وأبوك الوحـــــده
* * *
الخيالـــه لا ماهمتــــه     يطرد على الخيالـــه
أذته الناس الحاقـــــده     الفزعت عليه رجاله
بنيران وحجار ونبــــل     شلوا يالأكبر حالــــه
ومن ثخنت اجروحه التفت    ويعاين اعلى اعياله
جنه يكول    راح تظلون بوحدكم
جنه يكول    آنه رايح والله الكــم
 مارحمه عد أهل الرده
يمـــه وأبوك الوحـــــده
* * *
من صاح هل مِن ناصرٍ    كلنه خنكتنه العبـره
ونتباجه صرنــه بالخيم    ونعاين اعلى الغبره
نندعي وننخــــه ياعلي     ونلتفت يمنه ويسره
بلكي الله يبني الكربلـــه     واحد يجي وينصره
كون تشوف   يايمه شصار بعماتك
كون تشوف   حاله ماتملك دمعاتك
 اتلفت وبالي انشده
يمه وأبوك الوحــده
* * *
بالضيم بعدك ياعلـــــي     مصابك إنه موتني
كطعت كلبــــــي موتتك     يبني انحني خلتني
لاجن مصيبـــــة والدك     أكثــر بعد جرحتني
طيحته دامي امن المهر     يمـه صدك كتلتني
ميته كون    من طاح وتتجاره دمومه
ميته كون    ولاشفته مخضب بالحومه
 من كل كتر ينزف غده
يمـه وأبوك الوحـــــده
* * *
الجان اعز من الهوه     مابين اهله وناســــه
وليه ولوه بكربلـــــه     وهوه بأخير أنفاســه
ويلاه من جاه الشمر     رفساه بصدره وداسه
وذبحاه يبني ياعلــي     وعالرمح شالوا راسه
يمه أنوب    سلبوه اوهوه بهالحاله
يمه أنوب    ضلوعه رضتها الخياله
 واطفاله يمه تشاهده
يمه وأبوك الوحـــده
* * *
                                  سلام المشعل

بَنَاتُكَ الكَواكِبُ أمسَتْ بِحَبلٍ تُسحَبُ

يَندُبنَ غَوثاً فَاطِمُ للّسبيِ سَيرٌ مُؤلِمُ


حُسِينا حُسِينا
_________________________
رُوَاية * وَهَذِي زَينبٌ تَرُوي الرَّزِيهْ

دُخُانٌ * يُغطّي كُلَّ أَرضِ الغَاضِرِيهْ

حُسِينٌ * تَهَاوَى جُثّةً أمسَتْ رِمِيّهْ

ضَحَايا * لآلِ البَيتِ فِي طَفِّ المَنِيهْ

حَيثُ الخِيامُ تَحتَرِقْ * نَارٌ وَشِملٌ يَفتَرِقْ
وَجهُ الإلهِ يُظلَمُ * للّسبيِ سَيرٌ مُؤلمُ

________________________
صِرَاخٌ * مُدوٍّ مِن خِيَامِ هَاشمِيهْ

أَبِي هلْ * تَرانِي أنّني الصُّغرَى رُقيّهْ

عَجِيباً * أ لمْ تِسمَعْ و لم تَمسِكْ يَدِيهْ

ضَيَاعٌ * أَبِي مِن لِي بِأوقاتِ المَسِيهْ

عَادَ النِّدَاءُ خَائِبا * كانَ الحُسِينُ غَائِبا
صَارتْ لِخدِّ تَلطِمُ * للّسبيِ سَيرٌ مُؤلمُ

_______________________
سُكِينهْ * تُنَادي عَمّتي أينَ الحُسِينُ

وَخَولهْ * لَها تَهوِي مِنَ الدّمعَاتِ عَينُ

وَفَاطِمْ * تَصِيحُ الغَوثَ ذا حِقدٌ دَفِينُ

وَزَينبْ * بَكَتْ فِي خُلسةٍ همّاً تَئنُ

آياتُ هلْ أَتَى بِلا * مَأوَى سِوى مَأوَى الفَلا
حَيثُ المُصَابُ الأعظَمُ * للّسبيِ سَيرٌ مُؤلمُ


________________________
نَجُومٌ * بِحَبلٍ قُيّدتْ مِن دُونِ رِقهْ

تُطَافُ * غَرِيباتٍ بِأعماقِ الأزقِهْ

يُسبُّ * عَليٌ فَاطِمٌ طَه وَحقَهْ

هَضِيمهْ* وآهاتٌ وَحَسْراتٌ وحُرقهْ

يُسبُّ أهلُ العِترةِ وهُمْ نَجَاةُ الأمةِ
جَهلٌ وبُغضٌ قَائِمُ * للّسبيِ سَيرٌ مُؤلمُ




____________________________
رَأَينَ * حُسِيناً دَامِياً فَوقَ الرِّمََاحِ

عَلِيهِ *يُهَالُ التُربُ مِن وَقعِ الرِّيَاحِ

غَرِيبٌ * ظَلامٌ يَحتَوِي وَجهَ الصَّبَاحِ

بُكَاءٌ *حَنِينُ البِنتِ فِي كَثرِ النِّوَاحِ

لمّا مَررْنَ حَولَهُ * أشجَى الحَنِينُ قَلبَهُ
ونَاحتِ العَوالِمُ *للّسبيِ سَيرٌ مُؤلمُ
____________________________
وَبَعدُ * فَللّحورَاءِ آهَاتٌ عَظِيمهْ

يَتِيمهْ * هَوتْ في حِضنِها أُخرَى يَتِيمهْ

وَشِمرٌ * بِسَوطِ الحَقدِ في كَفِّ لَئِيمهْ

تَمَادَى * بِضَربِ المَتنِ آهٍ يا هَضِيمهْ

مَتنُ السّماءِ الطَّاهِرُ * تَضرَبُهُ الأكَابِرُ
لَيتَ البَقاءَ يُهدَمُ * للّسبيِ سَيرٌ مُؤلمُ
____________________________
وَقفنَ * بِقَصرِ الكفرِ حَيثُ النَّاسُ تَشهَدْ

يَزِيدٌ * غَدَا مُستَهزِئاً مِن آلِ أحمَدْ

خَوَارِجْ * عَليهنَّ العِدا وَصفاً يُعدّدْ

وَ شَامٌ * تَرَاها عِندَها عِيدٌ تَجسَّدْ

يَعطُونَهنَّ صَدقهْ عَلى سَبِيلِ الشَّفَقهْ
يَا ليتُ هَذا حُلمُ * للّسبيِ سَيرٌ مُؤلمُ
_______________________
#علي حبيب الشابي
محرم 1443


https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

جديد محرم ١٤٤٣ هجريه
لطميه للسبي 👇👇

انه زينب انه زينب انه زينب

‏🧿🍃 ❨❨❨﷽❩❩❩ 🧿🍃

عفت اخوي حسين مرمي عاري طايح عالترب
والكفلني عالشريعه مات يم ماي الشرب
ورحت وي اعداي اسيره لديره اجناب وغرب
وروسهم فوگ الرماح وبالسياط إنه انضرب

انه زينب انه زينب انه زينب

‏🧿🍃 ❨❨❨﷽❩❩❩ 🧿🍃

انه ام عون العقيله المانظر ليه بشر
وسفه يتمرجل عليه الدعي ولطولي نظر
والله لو موجود اخوي البطل عباس الگمر
جان هسا بسيف حيدر راس كل طاغي شطر

انه زينب انه زينب انه زينب

‏🧿🍃 ❨❨❨﷽❩❩❩ 🧿🍃

للغري وجهت وجهي صحت وينك ياعلي
شوف بتك يسروها وظلت بلايه ولي
لاحسين ولا الكافل حتى يعدل محملي
والشمر بالسوط يضرب سكنه ويعاين الي

انه زينب انه زينب انه زينب

‏🧿🍃 ❨❨❨﷽❩❩❩ 🧿🍃

شفت انواع المصايب شفت انواع المحن
شفت كسر ضلوع امي وچبدة الوالي الحسن
شفت چتل اخواني كلهم والحسين من انطعن
خلصت اسنيني وحياتي بألم وبحسره وشجن

انه زينب انه زينب انه زينب

‏🧿🍃 ❨❨❨﷽❩❩❩ 🧿🍃

جيت بالعز والجلاله لكربلا وي اخوتي
واطلعت منها اسيره وتهل وسفه دمعتي
بعد ماجان ابو فاضل هو سايگ ناگتي
شمر يتمرجل عليه وصعبه والله حالتي

انه زينب انه زينب انه زينب

‏🧿🍃 ❨❨❨﷽❩❩❩ 🧿🍃

✍ الخادمه ام زيد الشمري

نسال •اللّـہ القبول
ونسالكم الدعاء بتعجيل فرج مولانا صاحب العصر والزمان عج

#الناشر_الحاج_فلاح_حسن