صُبحية دَمع . بخيَام الشَرِع . امناشَغ ينسمع
امنَ اطفال وحرَاير
حارسهُم نِوَه . يمشي اويه الضُوه . وخلَافه الهوه
يگطَع بالحَناجر
بافتراقِ الجَمعِ يخلُو بيتُ الكرام ِ
ويغيبُ الضوءُ في داجيةِ الظلامِ
صُبحية دَمع

نسوَة حسين وإخُوته . وِلده وِگفوا والبَنات
وصُحبته الصَفوه الكريمه . اجتمعَوا لفَرض الصلاة
بساعة الفَجر الأخيره . والعدو بأربَع جِهات
أَمهُم وگال بقِـنُوته . ربي إِلهِمنا الثبات
للمبادئ ثِرنه واصلاح البلاد
ونسأل اتسَدِّدنه يارب العباد
خلَّص دَعوِته . ورَدِّ الخيمِته . ايوَدِّع عَيلِته
بِدموع المحَاجر
للفراق ِ المُـرِّ نزفـاً تجري المَآقي
والكفوفُ العطشى تسعى نحوَ العناقِ
صُبحية دَمع

خيمه جِمعَت كل فضيله. وقيمه عُليا بهالوجود
خِيرة الباري بعِباده . الوَفَّوا اوياه العهود
البيهُم يغَربل رَعيته . اهنا مُوالي اهنا جَحود
خيمه صارت للبوَاچي . والوِنين بلاحِدود
حسين اجَاهم واهمه چانَوا بانتظار
وحاوِطَـته النِسوه واطفـال الزغار
گلهُم نفترگ . وخيمتكم صِدگ . شوَيه وتحترگ
ماأخفي وأجَاهر
سَـترَونَ النجمَ في رابعـة ِ النهار ِ
ويدورُ الدهرُ بَعدي عَكسَ المسارِ
صُبحية دَمع

بنَيه يترادَف دمعها . بالرِكن گعدَت بعيد
اتناشغ وحسره التِجرها . اتذوِّب اگلوب الحديد
گلها يبنَيتي تعالي . حسين ابوچ آنا العجِيد
لاتگلّي بنَـيتي گالت . وگلي يابِنت الشهيد
كسـرَت بهالكلمه إحسَاسه الغيُـور
وفَرهِدت باقي الجَلاده البالحضور
ابدمعه اتلگّته . وگامت شُبگته . اتبُوس اعمامته
واتهِـلِّ النوَاظر
مدَّ كفاً فيهـا كُل الرِفـق ِ الجميلِ
نحوَ قرطٍ نامَ فوقَ النحر النحيلِ
صُبحية دَمع

گلهِن وإيده اعلى گلبه . وبَـيَّن اعلِيهِ الذبول
ساعه وامشي بلَايه رَجعه. وينزِل الليل ويطُول
ساعه وايشِحِّ المُحامي . واصفَه مقصَد للنصُول
راسي عالرمح ايتِعـلَّه . وجسمي مسرَح للخيول
اتجَهزَّن من بَعدي لسـياط وحبال
وللمَسير الجاسي وظهُور الجِمال
يربَات الستر . اُوصيچَن بامُر . بحجاب وصبر
اتفوزَن بالمَفاخر
فطريقُ الحقِ محفوفٌ بالصِعابِ
وجميلُ الصبر للعَلـيا خير ُ باب ِ
صُبحية دَمع
--------------
لقمان لعيبي البدران


@lukmanalbadran

*أمنية الموالي ان يكون خادما للحسين ع على ابواب شهر محرم*
*حسين~آه~ آه~ آه~* يا مولاي يا مولاي يا مولاي
〰〰〰〰〰〰
هلّ محرم بحزنه
وانه انتظر خدمة~
مُنيتي اصعد المنبر ويسجّلني ابو اليمّه~
اقرا تعزيه لحسين
أعين الزهره عاللطمه~
يسجلني مع الخدام
ونور الخدمة بجبيني
〰️〰️〰️〰️〰️
بس عندي طلب يا حسين قبل ما تخلص سنيني~
خلْني عايش بذكراك ولا ينشف دمع عيني~
ارزقني الأنّة واللطمة جزع ما ٱظنّه يكفيني~
وبآخر نفس ليّه بْخدمتك اختم سنيني
حسين~~~آه آه آه
〰️〰️〰️〰️〰️
خليني حدر بابك وسجّلني بصدق نيّة
زاير مرقدك مولاي بيوم الأربعينيه
ومن خدامك احسبني خادم دمعة رْقيه
ولا تحرمني من عطفك وانت وخادم الك خليّني
〰〰〰〰〰〰

خادمة آل محمد ✍🏻

كل محرم بيدي أعلك رايه ..
وكلبي يخفك لو سمع بقرايه ..
هلال شهرك من يهل .. يشّيب بحزنه الطفل
وكلبي يخفك لو سمع بقرايه ..
............................
شما أدك زنجيل أحس روحي تذوب ..
وأنفض بكل دكه عن صدري الذنوب ..
وغير الاسود أبد مايحلالي ثوب ..
حسين شمس الله الفلا شافت غروب ..
كل سنه لعاشور يجدد حزن ..
لمٌن الرادوود يقره وياه أوٌن ..
دمع عيني ينهمل .. يشيب بحزنه الطفل
وكلبي يخفك لوسمع بقرايه ..
.................................
نسأل الله نعمة الخدمه تدوم ..
خدمة حسين وعلي تزيح الهموم ..
مثل ما رمضان واجب بي نصوم ..
صدورنه بشهر اللطم تجري دموم ..
كل محرم تنزل دموع الوفه ..
وجفني بالعاشر أبد لا ماغفه ..
من اللطم لا ما أمل .. يشيب بحزنه الطفل
وكلبي يخفك لو سمع بقرايه ..
................................
اليوم أفلاك السمه تعلن حداد ..
والكواكب والكمر لبسن سواد ..
هذا شهر حسين هل علينه عاد ..
حسين عَبره حسين عِبره للعباد ..
وزينب بحبل السبي مرهونه ..
والخدر عالكمر دار عيونه ..
والله ياناس الحبل .. يشيب بحزنه الطفل
وكلبي يخفك لو سمع بقرايه ..
........................
استقبلت شهر المآسي والعذاب ..
وعشت مأساة العقيله والرباب ..
وخدالحسين التعفر بالتراب ..
وأبو الغيره الوزٌع أجفوفه ثواب ..
والهواشم ظلت بلا والي ..
شما اشوفن نار تتراوالي ..
وسط كلبي تشتعل .. يشيب بحزنه الطفل
وكلبي يخفك لو سمع بقرايه ..
..........................
بهالشهر أحزاني و آهاتي تطول ..
لأن دامي ومنذبح روح الرسول ..
وجسمه عاري وتسحك بصدره الخيول ..
آه يحسين ومصابه أصرخ وأكول ..
والاصابع تسعه صارن بيده ..
وخنصره المكطوع ياهو يعيده ..
العشره ماظن تكتمل .. يشيب بحزنه الطفل
وكلبي يخفك لو سمع بقرايه ..
............................
اله مرفوع العزاء بهالشهر ..
وحاضر ويانه الامام المنتظر ..
عن مجالسنه ولا مره أعتذر ..
والمدامع حفرن على الخد نهر ..
نعيش وياه بمرارات المصاب ..
نكله أظهر سيدي كافي غياب ..
غيبتك ما تنحمل .. يشيب بحزنه الطفل
وكلبي يخفك لو سمع بقرايه ..
........................................
حيدر مطر العبادي

كل خدام الحسين .. تهمل دمعة العين ..
محرم لو ترفرف رايته السوده ..
ماتبقه الحسينيات مسدوده ..
تهمل دمعة العين .. تهمل دمعة العين
.................................
هالخدام . وبكل عام . تستقبل شهر عاشور بالعبره ..
بالآهات . والحسرات . تجوي خدودهم دمعتهم الجمره ..
كل لطام . رافع هام . تحضر بالمجالس فاطمه الزهره ..
بيهه جنون . من يبجون . عشاك وخذو من عابس الشمره ..
كلهم عابس وجون .. عشكهم دوّخ الكون
كل خادم يصب دمعه على خدوده ..
ما تبقه الحسينيات مسدوده ..
تهمل دمعة العين .. تهمل دمعة العين
..........................
عالحيطان . بالأحزان . علكنه السواد ورفت الرايه ..
وكت الليل . عطر الهيل . هوه المجلس يصير بوكت القرايه ..
الونات . والدمعات . تجري على الذبيح الماشرب مايه ..
والانفاس . كلهه أحساس . خدام وتظل للموت وفايه ..
ألاهي بجاه عباس .. طيّب هاي الأنفاس
بجاه المابخل لحسين بزنوده ..
ماتبقه الحسينيات مسدوده ..
تهمل دمعة العين .. تهمل دمعة العين
...............................
محرم جاي . يالوفاي . لاتبخل على حسين بدمع عينك ..
وأعرف زين . دم حسين . بفضله مستقيم ومنحفظ دينك ..
وزّع ماي . خاطر هاي . تشفع بالكبر لو خلصت اسنينك ..
الهم ينزاح . تعبك راح .شما صبن دموعك فوك خدينك ..
دموعك وأسود الثوب .. تغسل كل الذنوب
بس لحسين هاي الدمعه مريوده ..
ماتبقه الحسينيات مسدوده ..
تهمل دمعة العين .. تهمل دمعة العين
..................................
بدمع العين .أعرف زين . المجلس مدرسه وأتعلّم ادروسه ..
المجروح. وين يروح .أبد مافاده جاهه وكثرت فلوسه ..
لو صديت . لهل البيت . أبد ماتبقه عندك عقده منحوسه ..
خلهه تسيل . بالزنجيل . ابجي و لا تخّلي الدمعه محبوسه ..
الألم والآه ينزاح .. لو دمع الحزن طاح
خدام وعلى الدمعات محسوده ..
ماتبقه الحسينيات مسدوده ..
تهمل دمعة العين .. تهمل دمعة العين
.................................
عدنه أعتاب . ويه أحباب . راحو للمكابر سكنو الهيمه ..
هل عاشور . ظلمه الدور . بالمجلس صورهم مرجله وشيمه ..
عالأحباب . شيب وشاب . نقره الفاتحه والمجلس أنقيمه ..
وبهالعام . هالأيتام . راح تحل محلهم والعزه أتديمه ..
بدمع وآهات ونياح .. نترحم على الراح
ذكراهم تظل ويانه موجوده ..
ماتبقه الحسينيات مسدوده ..
تهمل دمعة العين .. تهمل دمعة العين
....................................
حيدر مطر العبادي

أنه خادم وأفتخر سموني..
بيك هايم وأنت نور عيوني..
ياحسين .. ياحسين
............................
أنه خادم بالمجالس وأفتخر ..
بخدمة أهل البيت كضيت العمر ..
أنه أبوي العلماني من الزغر ..
سنين عمري بحبه ناذرهن نذر ..
أنه وي حسين أشعر بأرتباط..
لو تزل جدمي يعبرني الصراط ..
ياحسين .. ياحسين
..............................
أنه خادم عالجتف زنجيلي ..
بخدمة حسين ارد أهدن حيلي..
تدري كلمة خادم شتعنيلي ..
يعني باجر فاطمه تدعيلي ..
مثل ما بالدنيه رافع شاني ..
حسين يوم الحشر يتلكاني..
ياحسين .. ياحسين
.............................
بخدمة حسين الحياة أكضيهه..
ونار كلبي من المخيم بيهه ..
حتى بنتي زينب مسميهه ..
زينب الحوراء ماناسيهه ..
نبقه ألج حراس زينب للابد ..
شيب شاب وحتى طفل البلمهد ..
ياحسين .. ياحسين
...............................
أنه خادم والخسف صدري اللطم..
أنه فاضحني هواك شما أضم ..
يمشي وي شرياني ويدك بالعظم..
وبضريحك ريحة الجنه أشم ..
شكثر من خيره الحسين أنطاني..
لا أبد حاشاه ما ينساني ..
ياحسين .. ياحسين
..............................
شايل الدمام بالموكب وأصيح..
بعلو صوتي يا لثارات الذبيح..
حتى لو يغمه عليه ولو أطيح..
باجر بجنة عدن أنه استريح..
أنه خادم وأفتخر يالغالي..
بخدمتك يحسين راحة بالي..
ياحسين .. ياحسين
............................
أنه خادم وأطبر على الهامه..
وخلي تتر وه بدماي القامه..
أنه شادود بوسط لطامه ..
حسين باجر يوكف لخدامه..
ياكرامات الحسين هوايه..
حقنه من نزحف أله مشايه..
ياحسين .. ياحسين
...............................
أنه خادم شأكتب يحير القلم..
عن ابو السجاد عن راعي العلم..
أنطه جفينه ووسط عينه السهم..
شبل حيدر ورث من عنده الكرم..
الزهره تسمع قصتي وموضوعهه ..
وبعده بسمار الغدر بضلوعهه..
ياحسين .. ياحسين
...............................
أنه رادوود وأكّثّر بالنعي..
ألطم على الراس ويهل مدمعي..
سِله لو ذله يكول ابن الدعي..
لا أبد هيهات أصيرن تابعي..
كلشي البكلبي يكوله لساني..
حسين ساكن مهجتي ووجداني..
ياحسين .. ياحسين
................................
لخادم الحسين
حيدر مطر العبادي

صارت أحلام ..أمنياتج بالشباب الأربعه ..
صارت أحلام .. لا تتانين الشمل شيرجّعه ..
أيسي يم عباس ماينفع حنينج ..
حسين مايرجع ولاترجع بنينج ..
صارت أحلام .. صارت أحلام
...........................
طشرت كل الأماني الغاضريه ..
هنانه جف وهنا نحر وهنا سبيه ..
ذكرياتج عالنهر ظلت رميه ..
وصدر مسحوك بحوافر أعوجيه ..
عشتي مأسات .. بحالج اشسوت يمولاتي الطفوف ..
عشتي مأسات .. عالنهر عباس باقي بلا جفوف ..
خلي نهران الدمع تجريهه عينج ..
حسين مايرجع ولاترجع بنينج ..
صارت أحلام .. صارت أحلام
.............................
تربي عينج عالدرب منتظره الأخبار ..
االحزن فارش عباته ولاخبر سار ..
صابره وجمرة دليلج تستعر نار ..
جانت الشبان تطرد وحشة الدار ..
عندج اولاد.. أبد متقصّر ولا تخلف وعد ..
عندج أولاد .. ماوصل واحد شجاعتهم أبد ..
على فراك الأربعه الله اليعينج ..
حسين مايرجع ولاترجع بنينج ..
صارت أحلام .. صارت أحلام
...............................
شلون كلبج يالوفيه يحمل غياب ..
شابحه عيونج تناطر دكة الباب ..
بشوك تنتظرين يمته تعود الأحباب ..
ردتي بس واحد يهيل عليج التراب ..
بعد متعود .. ذيج جمعتكم وكعدتكم سوه ..
بعد متعود ..وجان وكت الظلمه عباسج ضوه ..
للزجيه بأربعه وفيتي دينج ..
حسين مايرجع ولاترجع بنينج ..
صارت أحلام .. صارت أحلام
.............................
فاطمه والله ونعم ربيتي الأسباع ..
تعبج وسهر الليالي والله ماضاع ..
كربّت ليج المنيه وردتي الأوداع ..
يلهج لسانج بأسمهم يبقه كلساع ..
ثاري الاولاد ..ماتقصّر أبد ويه الوالده ..
ثاري الأولاد .. ورد مات وأبد ماشاف النده ..
بلوعه وآهات وحزن خلصن سنينج ..
حسين مايرجع ولاترجع بنينج ..
صارت أحلام .. صارت أحلام
...........................
الولد وكت المنيه ألهه عازه ..
راد كلبج يلتقي بنبضه وأعزازه ..
والنعش بس بأربعه يصير أرتكازه ..
وأنتي محتاجه أربعه تشيل الجنازه ..
جوه التراب ..هاي أول ليله وحشه بالكبر ..
جوه التراب .. تفرحين بكمر هاشم من يمر ..
حتى وأنتي باللحد نسمع ونينج ..
حسين مايرجع ولاترجع بنينج ..
صارت أحلام .. صارت أحلام
...........................
بكربله لأم الحسن وفيتي نذرج ..
وانتي تنتظرينهم خلصتي عمرج ..
نزل وياج الكبر وأندفن صبرج ..
وردتي يَم حسين مو بالغربه كبرج ..
يَم الحسين .. للوفيه تنبني كبه وصحن ..
يَم الحسين .. للحيارى مرقدج يصبح وطن ..
وننصب هناك المواكب بأربعينج ..
حسين مايرجع ولاترجع بنينج ..
صارت أحلام .. صارت أحلام
.................................
حيدر مطر العبادي

((شوق الزيارة))

لا تسئل المشتاگ حاله اشعلامه
رايد يزور حسين عشگه وغرامه
@@@
عشگه وغرامه حسين وابعينه صوره
ولهالدرب مجروح تارس نذوره
عينه اطفحت بدموع رايد يزوره
چي مبتعد ولهان شوگ لإمامه
@@@
شوگ لإمامه يروح گبره ويضمه
ويتگلب ابشباك لحده ويشمه
ادركني يامولاي يابوالايمه
روحي على الرايات مثل الحمامه
@@@
مثل الحمامه الروح رفت جنحها
وبس زاد ابوالسجاد غزر ملحها
يابلسم الدلال داوي جرحها
وهذا الدوه بعتاب گبرك مقامه
@@@
گبرك مقامه يكون جنه وسيعه
رايد يطبها عليك جاه الوديعه
ياللي بعشر عاشور ذبحوا رضيعه
چن منحره المكسور گلبه ابسهامه
@@@
گلبه ابسهامه ايميل صوبك بولكبر
وابخاطره المذبوح دمعه تحدر
يمته الصحن ملهوف يمك تحضر
ومن لهفته ابكل ليله حلمه ومنامه
@@@
حلمه ومنامه يصير شافك يغالي
ويسئل من يفسرون رؤيا الليالي
وحتى الصبح ألگاك صوره ابخيالي
صبح ومسى لطفوف فكره ومرامه
@@@
فكره ومرام يكون بالطف حياته
ويتمنه بيها يكون تالي وفاته
وبمجاور العباس يسوى مماته
گاع الي بيها حسين گاع السلامه
@@@
الشاعر : علي احمد الحمود
٢٩-٦-٢٠٢١
https://telegram.me/aliahmed313_channel

بضعنكم عمه اخذوني

اشبعدكم لو تعوفوني
اظل وحدي مع الحسره
ودليلي يلتهب جمره
يأحبابي .. يأحبابي
@@@
خذاني الواهس لحزني .. اوجنتي بعيني صبابه
دليل الطفله مايحمل .. يعمه امفارگ احبابه
تعرفي حالة ابنيه .. تتاني الوالد ابابه
تريد اتضمه لو يرجع .. هلا اتگله اجه بابه
…
تداوي شمته اجروحي
وترجع ضمته روحي
صعب عالغايب انتظره
ودليلي يلتهب جمره
يأحبابي .. يأحبابي
@@@
تگولي عمه يبنيتي .. عليچ مأثره العله
وگلچ خادمه اخذوني .. بعدكم عيشي مايحله
افز وخدمكم بدربي .. وعنا لدروب احتمله
ترى الفارگ اعزاءه .. صريع ابوحدته والله
…
اذا عني مشا الغالي
انه شيبگالي بحوالي

يخلي ابوجنتي العبره
ودليلي يلتهب جمره
يأحبابي .. يأحبابي
@@@
اشوف ابعينچ الروحه .. فراق وما بعد رده
احاسيس الصدر تحچي .. بعدكم شدتي ابشده
يقبلني ابويه حسين .. ودموعه اتغسل ابخده
مشاكل للطفوف يصير .. وربيع احلامي يتبده
…
احاسيسي فلا رجعه
وضحايه كل بني البضعه
ذبيح او حرمه متيسره
ودليلي يلتهب جمره
يأحبابي .. يأحبابي
@@@
شفت ياعمه بوداعچ .. صريع الأكبر اتوذر
وعريس اتحنه من دمه .. هدية عرسه يتطبر
وشفت صوب النهر رايه .. كفيلچ منچ اتعذر
وابويه راجع ومحني .. لعضيده ظهره واتكسر
…
رجعلچ شايل اهمومه
عليه الكافل ادمومه
صفه ابلا يمنه لا يسره

ودليلي يلتهب جمره
يأحبابي .. يأحبابي
@@@
يعمه بعينچ اتمثل .. مهر واتجدمي بالعاشر
وابويه للحرب يمشي .. وحيد وما إله ناصر
وشوفه شايل ارضيعه .. ذبيح ويكسر الخاطر
العطش فتتله دلاله .. وجواه امن اللضه صاير
…
ابويه وشايل اوليده
وشرگ لمثلث اوريده
اعله صدره ارگبته منكسره
ودليلي يلتهب جمره
يأحبابي .. يأحبابي
@@@
يعمه وشفت عالهزل .. خيالچ وانتي مسبيه
يفرونچ يبت حيدر .. والى الطاغوت مهديه
تشاكي لراس ابوفاضل .. على السوت بني أميه
ومعاچ اطفال والنسوه .. شريفه وسكنه وارقيه
…
عليهم ما سكن وني
خواتي الي مشوا عني
بعدهم وانا متحيره
ودليلي يلتهب جمره
يأحبابي .. يأحبابي
@@@
الخرابه تخنگ انفاسي .. اذا لاحت على عيونچ
رقيه تنادي يا بابا .. وعليها منخطف لونچ
مصاب الي جمع بثنين .. عليهن الله ايعونچ
عزيزه شابگه الشيبه .. وسياط الرضت امتونچ
…
وحالي چن رقيه صار
اتاني امن الحلم اخبار
جزاني الوالد ابسفره
ودليلي يلتهب جمره
يأحبابي .. يأحبابي
@@@
علي احمد الحمود
٢٥-٦-٢٠٢١
العليله
محرم

يام لبنين الدمع رخصي اعله عينچ
عالوفه الاربع ترى راحوا بنينچ
زينب انا وأخوتي
يمه ذوله عزوتي

@@@
يام لبنين .. الأربع ابنين
چانوا ابطف الحريبه مامثلها
فدوه للجود .. نحر ممدود
وطبع غيرتهم وراثه من اهلها
ابمشي لضعون .. غطت الكون
ستر ليه وعالمحامل وي حملها
وراية حسين .. براح چفين
بس ابوفاضل يرفها من ثجلها
…
والنعم منچ ييمه ابماربيتي
ستر للمحمل غيوره علميتي

همه چانوا دنيتي
يمه ذوله عزوتي

@@@
ارچابي يخشه .. انصاب مخشه
وانا بضعوني اخويه خدري كافل
ومن وصلنه .. طفوف اجلنه
گبلي للگاع ابمهابه جدمه نازل
يحوم بالليل .. چنه أكليل
هالعظيم بحمى زينب مايجامل
هالگمر تام .. حطني عالهام
ومن مثيلي والكفلني ابوفاضل
…
بين چفين الرعايه وجوه عينه
خوش چانوا بالمسير امدللينه
هيبه بيها هيبتي
يمه ذوله عزوتي

@@@
العاشر وصار .. وشبت النار
واربع ليوث الحرايب بالحريبه
صگور وتحوم .. گلبوا الگوم
وصبّوا ابجيش الأعادي چم مصيبه
حسين مسرور .. شافها ادور
رغم ماچان العطش ساجر لهيبه
لحمى لطناب .. اتقدم ارگاب
وكلهم الاربع ترى كانوا شبيبه
…
طبوا الساحه ونزل بيها غضبهم
للحسين ارخيص بعوها رگبهم
وطن ليّ بغربتي
يمه ذوله عزوتي

@@@
طاحوا ابطال .. دم و اوصال
جعفر وعبدالله عثمان الغضنفر
عليهم الطف .. دمعه ماكف
وگلبي يايمه ابمصيبتهم تفطر
بآخر ارجاي .. وخلصت الماي
شفت ابوالغيره اعله مهره بالمعسكر
شايل الجود .. فوگ لزنود
وانا دمعي فوگ خدي ماتصبر
…
للفرات ايريد يجلب ماي إلنه
ولو يطيح ايطيح من بعده أملنه
هالدخيل ابشيمتي
يمه ذوله عزوتي

@@@
راسه مرفوع .. شگ لجموع
وطشر الجيمان بوفاضل اشوفه
وهذا رجواي .. ماشرب ماي
رغم ما خاض الفرات اويه ضفوفه
تالي من راح .. والعلم طاح
مال خويه عالشريعه بلا چفوفه
السهم بالعين .. وبلا چفين
وبالعمد بدر السمه اعلن خسوفه
…
حسين يركض للمعاره دون احساس
ونسمع يصرخ يويلي طاح عباس
وبإبتلاءه بلوتي
يمه ذوله عزوتي

@@@
وبعد لحسين .. صرنه ماشين
لاچن ابمركب مذلتنه واسرنه
راحت اسباع .. وجات لضباع
وما لفينه الراحه يايمه ابسفرنه
وين لغيور .. چفي مأسور
وبالحبل گوه الشمر تالي يجرنه
خدري محروگ .. ومتني مطگوك
وبين لسواگ العدو تالي يفرنه
…
يام لبنين الأمر من هاي لأهوال
بالدواووين الشماته شلون تنهال
شلون حالي وهگوتي
يمه ذوله عزوتي

@@@
تشمت الناس .. وين عباس
راح اخيچ بت علي وانتي انسبيتي
وبالخريبه .. هم مصيبه
لو تجيني وياي لرقيه نعيتي
بعد لخوان .. اشكال ولوان
هدمت هاي المصيبه اركان بيتي
ابحت الصوت .. ادعو للموت
وچنت بدموم النحر اكتب وصيتي
…
يام لبنين الشفت ماچان موصوف
عظم الله الأجر لينه بلطفوف
وابنهايه قصتي
يمه ذوله عزوتي

@@@
علي احمد الحمود
٢٦-٦-٢٠٢١
ام البنين
محرم

#من_ديوان_دمعه_فاطميه_الجزء_الخامس_الخاص_بالعباس_ع_للشاعرة_دمع_الفواطم



لطميه فزاعية مع رباط هوسه...للسيدة زينب ع عتب للعباس ع...



دتانيني...عندي اعتاب وياك

ابد ما ترهم العشرة بلياك

((ابدي اعتابي//اليوم اوياك ))

✍✍✍✍✍✍✍✍

لا ترحل يخويه اليوم تانيني
شنو جنك تريد اليوم تجفيني
خال ابني وعزيزي ويا نظر عيني

((لتخليني///يا خويه ابذل ))

✍✍✍✍✍✍✍✍

انه ابعازتك والروح محتاره
لو هجموا علينه او دكوا الغاره
باصرني يخويه او كلي الجاره

((لا ترحل///يا خال اولادي ))

✍✍✍✍✍✍✍✍

تانيني يخويه ولا تشيل ابساع
اكعدلي يخويه او عوف نوم الكاع
هضموني العده خويه او خدري ضاع

((ذلوني///اخلاف اعيونك ))

✍✍✍✍✍✍✍✍

تانيني يخويه وريض اشويه
انه الفركاك خويه حيل ما بيه
كلي اشوصتك بيه البدويه

((الوفايه///وصتك بيه ))

✍✍✍✍✍✍✍✍

ريضلي واذكرك بالوعد وياي
من شفتك امدد تيهيت الراي
ترضه اعلى المخيم هجمت اعداي

((شوف اشبينه///عباس اكعد ))


¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
❌لاإجيـــز حــذف الأســم❌

★★--------------★★----------★★

https://telegram.me/tteef

"يَا قَاسِم الخِير
ضيّعنِي دمعة بحضرتك

گلبِي جِنح طير
وتكسره غُربة عمّتك" 💔

(( دلاّلـــــي مـــــأتـــــم ))
ذكرى هلال شهر محرم الحرام

هَلْهَلْ ادموعي هِلالَك يالمُحَرَّم
و إفْـتَحِـت دلاّلي مَأْتَم لـك تألَّـم
يسعر ابجوفي لهيبه -- و للحَشر تُبْگَه المُصيبه
❃❃❃❃❃❃❃❃❃❃❃❃
أزَّمِت عيني ابطلوعَك و إفْتَحِت جَرح الأنين
و كل دمع ع الخَد تسايل يبچي ينحب يا حسين
و نَكَّسِت راسي لا شوفك و إلْطَمِت حسره الجبين
و إرْفَعِت آه النوايب و اجْذَبِت شَهْگَت حَنين
...............
يا جَرِح عبراتي نَزْفَه و النوايح
من شِفِت طيفَك ذِبَحْني و صوتي صايح
يا وِجَع ماكو طبيبه -- و للحَشر تُبْگَه المُصيبه
❃❃❃❃❃❃❃❃❃❃❃❃
يا وجه ليل المآسي من تهل صبحي يروح
الشَمِس حَتَّه ابطلوعَك تنتحب لَمَّن تلوح
و حَتَّه أيّامَك كئيبه من تمر بينا و تروح
و تُبْگه مزروعه ابمُهجنا غصتَك تشگينا نوح
...............
ساگِمه روحي إعْلَه شوفك عُمري ظَلْمَه
أذكر احسين ابطفوفَه و جاري دَمَّه
و اذكر اللحظه العصيبه -- و للحَشر تُبْگَه المُصيبه
❃❃❃❃❃❃❃❃❃❃❃❃
لا فجيعه اتمر عَلينَه مثلَك ابكل الزمان
ولا وجَع مثلَك وجَعْنا و هَيَّج بحسره الكيان
يكفي نارك لَسَّه بينا تشتعل و بكل مكان
و أصْدَر العالم بيانه و يا حُسين أوَّل بيان
...............
بس تهل بينا عذابَك اتفِزْ جروحه
للدهر سيفه إنته صاير ظل يلوحه
و مِنَّك الدِنْيَه كئيبه -- و للحَشر تُبْگَه المُصيبه
❃❃❃❃❃❃❃❃❃❃❃❃
من تهل و انظر رسومَك بالي يرسمها صُوَر
صورَت اضعان الهِدايَه لكربَلَه خَذْها القَدَر
و صورَت اجيوش آل أُمَيَّه حايطه ماي النَهَر
و بالظما اعيال الرساله تهتف الچبد إسْتَعَر
...............
و للگُمَر صورَه أشوفَن ع الشريعه
و چَن جبل زينب تهاوَه ابْهَالفجيعه
و تصرخ اشحال الغريبه -- و للحَشر تُبْگَه المُصيبه
❃❃❃❃❃❃❃❃❃❃❃❃
ليته لا يطلع هِلالَك لا ولا عيني تشوف
من يفِزْ دمعي ابجفوني چالجمر ينزل ذَروف
و أسمع احسين و نِداءَه هل مُناصِر بالطفوف
و أسمع الخيل ابْجَريها داسَت ابْصَدرَه الرَؤوف
...............
و هَلْ عَلَه اسْنان المنِيَّه راسه تالي
و إخْتَه مَشّوها سبِيَّه بلَيّا والي
و الجِثَث ظَلَّت سليبه -- و للحَشر تُبْگَه المُصيبه
❃❃❃❃❃❃❃❃❃❃❃❃
بالسِمَه و بصافي وَجْهَك شاهَدِت نار و رماد
من خِيَم هاي الفواطم من عُگب سَلْب و عِناد
ليش مو غايب عِفِتْهُم ابْظلْمَة الليل و سواد
كَلْفَه آيات القَداسَه امْكَشِفْه حاميها باد
...............
شگد هِلالَك يا مُحَرّم بينا قاسي
أظْلَم ابليلَه عمرنا ابْهَالمَآسي
انْعَزّي للزَهرَه الحَبيبَه -- و للحَشر تُبْگَه المُصيبه
❃❃❃❃❃❃❃❃❃❃❃❃
الشاعر : أبو شهيد الأحسائي
السبت ١٤٣٩/٨/١٨هـ
════════════
*لا يجوز و محاسب شرعاً حذف او تغيير التوقيع*

*♦️قناة الواتساب♦️*
https://chat.whatsapp.com/INKEg5B0j6q5qkZUiGHZlY
〰️〰️〰️〰️〰️〰️〰️〰️
*🔹قناة التلگرام🔹*
https://tttttt.me/joinchat/AAAAAE_HFNViqL7eHHi48w
════════════

((قـــرآن الـــشـــعــــائـــر))
ذكرى مصاب أبا عبدالله الحسين عليه السلام واحياء الشعائر المقدسه

قُرآن الشعائر -- قُربان المشاعر
منحر ثورتك يابو الأيمَه
●•••••●•••••●•••••●●•••••●
*{ ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ }*
عظيم إنته و شعيره الباري خَلاّك
و عشگ بفّادي ضَمّيتَه أنا اهْواك
يَسُبحانه الذي بألْطافَه سَوّاك
و خِلَقني لشانَك و كل روحي تِفْداك
...............
يا تقوىٰ الموالي -- يا صرح المعالي
و الله جاعِلَك للدين حِكْمَه
●•••••●•••••●•••••●●•••••●
*{وَإِذِ ابْتَلَىٰ إِبْرَاهِيمَ رَبُّهُ بِكَلِمَاتٍ فَأَتَمَّهُنَّ ۖ قَالَ إِنِّي جَاعِلُكَ لِلنَّاسِ إِمَامًا ۖ قَالَ وَمِن ذُرِّيَّتِي ۖ قَالَ لَا يَنَالُ عَهْدِي الظَّالِمِينَ}*
إلٰه العَرِش من آدم نذر ليك
إمام تكون و أسراره جعل بيك
گبل خلق الخلائق نور حاويك
و رضيت إنته إبتلاءَه و جاه معْطيك
...............
بيَقينَك و الإراده -- جَعَل حُبَّك عباده
و دَمَّك منهج الإسلام تَمَّه
●•••••●•••••●•••••●●•••••●
*{ لَا أُقْسِمُ بِهَذَا الْبَلَدِ (1) وَأَنْتَ حِلٌّ بِهَذَا الْبَلَدِ (2) وَوَالِدٍ وَمَا وَلَدَ}*
مقامك بارز وما شي يضاهيك
يَمَن لگلوب أوطان و تباريك
إلٰهي بمَكّه ما أقسم غضب ليك
سبب حل بيها قَتْلَك من أعاديك
...............
يَكعبة هالضماير -- و شَمِس تضوي البصاير
و يحج لك دمع من عين هضمه
●•••••●•••••●•••••●●•••••●
*{ وَفَدَيْنَاهُ بِذِبْحٍ عَظِيمٍ}*
يَمَن مذبوح عطشان و تناديه
مشاعرنه بحنين و نوح لَبّيه
فداءَك بالنحر ما شي يساويه
بمماتك تحيي شرع الله و معانيه
...............
و فداءَك للشريعه -- رسم نهج الطليعه
ابْدَمَّك يالولي أحْييت لأُمَّه
●•••••●•••••●•••••●●•••••●
*{ وَمَن قُتِلَ مَظْلُومًا فَقَدْ جَعَلْنَا لِوَلِيِّهِ سُلْطَانًا فَلاَ يُسْرِف فِّي الْقَتْلِ إِنَّهُ كَانَ مَنْصُورًا }*
يَمظلوم إنچِتَل و ع الغبره عافوه
يصب دم النحر و بالخيل داسوه
و علىٰ سنان الرمح هالراس شالوه
إلك ثار و يظل و الشيعه يحييوه
...............
و إذا مهدينا يظهر -- إلك بالثار يجهر
براية كربله مشدود عزمه
●•••••●•••••●•••••●●•••••●
*{يَا أَيَّتُهَا النَّفْسُ الْمُطْمَئِنَّةُ * ارْجِعِي إِلَى رَبِّكِ رَاضِيَةً مَّرْضِيَّةً * فَادْخُلِي فِي عِبَادِي * وَادْخُلِي جَنَّتِي}*
صُفَت روحَك تحت عرش الله بِسْماه
يَمَن أنْطىٰ النَفِس لجل الله و رضاه
و خلودَك سَيّدي بالرحمه يغشاه
يَباب المَرْحَمَه لكل صوت ناجاه
...............
إلى يوم القيامه -- يظل إسمَك كرامه
و جَنَّه امْحَبِّتَك يحسين نِعْمَه
●•••••●•••••●•••••●●•••••●
الشاعر : أبو شهيد الأحسائي
الأحد ١٤٤١/١٢/١٢هـ
════════════
*لا يجوز و محاسب شرعاً حذف او تغيير التوقيع*

*♦️قناة الواتساب♦️*
https://chat.whatsapp.com/INKEg5B0j6q5qkZUiGHZlY
〰️〰️〰️〰️〰️〰️〰️〰️
*🔹قناة التلگرام🔹*
https://tttttt.me/joinchat/AAAAAE_HFNViqL7eHHi48w
════════════

(مرثية نعش عاشوراء و الحياة)
✦✦✦✦✦✦✦✦✦✦✦✦
نَعشُ عاشوراء أمَلُ الإسلامِ وَحيٌ للحَياةِ
نَعشُ عاشوراء دَكَّ أركانَ الضَلالِ و الطُغاةِ
أيُّ شِريانٍ هَزَّ إحساسَ الوُجودِ بالفَلاةِ
أيُّ شِريانٍ فارَ طُوفانُ الخُلودِ مِنهُ آتي
يُغرِقُ الدُنيا بَينَ لُجّاتِ النُواحِ فَهوِ عاتي
و دِما الأشلا عَرَجَت للعَرشِ مِنْ بَعدِ الثَباتِ
من رَضيعٍ قد حَزَّهُ سَهمُ الظَما دونَ الفُراتِ
أو يَتيمٍ قد صارَ تَحتَ الحافِرِ و العادِياتِ
أم مِنَ الصَدرِ سَحَقَت وَحيَ الجَلالِ و الصَلاةِ
يا تُرىٰ مَنْ قد يَنْحَرُ القُرآنَ يا هَوْلَ الُجُناةِ
و علىٰ الرُمحِ آيَةُ التَطهيرِ تَتْلو المُعجزاتِ
حَولَها كَبَّر كُلُّ شَيطانٍ لفَتحٍ للبُغاةِ
بَل هو فَتحٌ أهلَكَ الشَيطانَ نَصلُ التَضحِياتِ
فَغَدىٰ وِتراً أرعَبَ الطُغيانَ كُلَّ السَنَواتِ
و هو بُركانٌ ثارَ في وَجهِ الفُجورِ و العُصاةِ
زَلْزَلَ الدُنيا أعلَنَ التَوحيدَ نَهجاً للهُداتِ
رائدُ النَصرِ و هو بابٌ و سَفينٌ للنَجاةِ
الحُسَينُ قد أعلَنَ الحَقَّ سَبيلاً للأُباةِ
و الذي أنْشا مَجدَهُ الخالِدَ رغمَ الجَوْرِ بَل رغمَ المَماتِ
صارِعُ الإفكِ وَطَنُ الأحرارِ نَفْحُ الذِكرياتِ
عَلَمُ الثَوْرَه كُلَّ عَهْدٍ و هو لَمٌّ للشَتاتِ
و هو بالأُخرىٰ شافِعُ الباكي و مَنجىٰ العَرَصاتِ
كَربَلا صارَت مَسْلَكَ الأرواحِ صَرْحُ الأُمنِياتِ
و هي عُنوانُ الصَبرِ إنْ فاضَت بهِ ذا النائباتِ
ثِقْلُها عَزْمٌ مُلْهَمٌ مِنْ زَينَبٍ رَمْزَ الثَباتِ
لَمْ يَنَلْ مِنها ذُلُّ أسْرٍ رغمَ فَرْطِ المُعْضلاتِ
بَرَزَتْ شُمًّا أحنىٰ كُلَّ الراسِياتِ الشامِخاتِ
بَرَزَتْ لَبْوَه مَزَّقَتْ زَهْوَ يَزيدَ الغانِياتِ
و هي سُلطانٌ أرعَبَ الدَهْرَ و سَطْوَ المُوبِقاتِ
صَوْتُها سَوْطٌ أثْخَنَ الحِقْدَ جِراحاً مُثْكِلاتِ
خِدْرُها دَرْسٌ لَقَّنَ الأجيالَ سِرَّ الطاهِراتِ
و هي إعْصارٌ كامِنٌ فينا يُهيجُ الزَفَراتِ
نَعشُ عاشوراء شَيَّعتهُ أعيُنـي بـالـجـارِياتِ
✦✦✦✦✦✦✦✦✦✦✦✦
✍️الشاعر : أبو شهيد الأحسائي
الخميس ١٤٣٧/١٢/٢٧هـ
════════════
*لا يجوز و محاسب شرعاً حذف او تغيير التوقيع*

*♦️قناة الواتساب♦️*
https://chat.whatsapp.com/INKEg5B0j6q5qkZUiGHZlY
〰️〰️〰️〰️〰️〰️〰️〰️
*🔹قناة التلگرام🔹*
https://tttttt.me/joinchat/AAAAAE_HFNViqL7eHHi48w
════════════