فتحة مجلس الليلة التاسعه ( الاكبر ) ع



ليلة التاسع محرم من عزائك
الليله للاكبر ننادي ابكربلائك
(احنه غير حسين ماعدنه وسيله)
.........................
أكبر اجروح الحنت يحسين ظهرك*
الليله من گدّ الوجع كضيت خصرك*
ابنك الاكبر يبدوله شبابه**
امنين جاك الطف يمولانا وعذابه**

ليلة التاسع محرم من عزائك
الليله للاكبر ننادي ابكربلائك
(احنه غير حسين ماعدنه وسيله)
.............................
كل حلات الله يوصفونه وكماله*
باچر اتراب الارض ياخذ جماله*
وانته بين الخيمه تشهگ رايح وجاي**
الله لا ينطي العطش واينشف الماي**

ليلة التاسع محرم من عزائك
الليله للاكبر ننادي ابكربلائك
(احنه غير حسين ماعدنه وسيله)
............................
ودع ابنك يا ترف والزم چفوفه*
عالترب باچر دمه ينزف تشوفه*
شلون ابنك للخيم تگدر تجيبه**
ايساعد الله العالترب ينظر حبيبه**

ليلة التاسع محرم من عزائك
الليله للاكبر ننادي ابكربلائك
(احنه غير حسين ماعدنه وسيله)



علاء المياحي
الفاتحه لروح والدي

#الناشر_الحاج_فلاح_حسن

فتحة مجلس ليلة العاشر (الوداع)



ليلة العاشر محرم من عزائك
نهتف ابجمر الوداع ابكربلائك
(احنه غير حسين ماعدنه وسيله)
..............................
هايه أخر ليله وياهم يالحسين*
لمّة اوداع وتلاگو عين بالعين*
تشهگ ام عبدالله واتلولي اعله ابنهه**
بالسهم يحسين يفرغ كل حضنهه**

ليلة العاشر محرم من عزائك
نهتف ابجمر الوداع ابكربلائك
(احنه غير حسين ماعدنه وسيله)
.............................
العزيزة گلبك انعلّي البواچي*
من رقيه تنسلب بالطف تراچي*
حتى وانته اعله الترب وابزحمت الخيل**
صوت وينك بابا ياخذ منك الحيل**

ليلة العاشر محرم من وداعك
نهتف ابجمر الوداع ابكربلائك
(احنه غير حسين ماعدنه وسيله)
..............................
لا خيم لا زلمه باچر والله حيره*
شلون تركض زينب واهيه الاميره*
التله يراد الهه حيل وهاي بلوه**
واهيه من گد المصايب تمشي گوه**

ليلة العاشر محرم من عزائك
نهتف ابجمر الوداع ابكربلائك
(احنه غير حسين ماعدنه وسيله)



علاء المياحي
الفاتحه لروح والدي

#الناشر_الحاج_فلاح_حسن

فتحة مجلس الليلة اهدعش (الوحشه)




ليلة الوحشه ابمحرم من عزائك
للايتام انادي كلنه ابكربلائك
(احنه غير حسين ماعدنه وسيله)
..............................
الليله عالگاع النجوم ابكربله اتنام*
ماكو رايه ولا گمر لا ضلت اخيام*
ليلة الوحشه رعب نسوان واطفال**
موسم ادموع وبواچي وباچر احبال**

ليلة الوحشه ابمحرم من عزائك
للايتام انادي كلنه بكربلائك
(احنه غير حسين ماعدنه وسيله)
...............................
كلشي ظلمه وزينب اتدور ملامح*
بلكي من حسين تلگه صبع طايح*
جابو الماي ورقيه ركضت اعليه**
نحرك المذبوح بس رادت ترويه**

ليلة الوحشه ابمحرم من عزائك
للايتام انادي كلنه ابكربلائك
(احنه غير حسين ماعدنه وسيله)
...............................
البگه براس المهدي كل خدامك اتصيح*
حسين يا أول عشگ من ربك اتطيح*
جمرة اخيامك تضل بالگلب تچوي*
بكل زمن حبك يضل يحسين يروي*

ليلة الوحشه ابمحرم من عزائك
للايتام انادي كلنه ابكربلائك
(احنه غير حسين ماعدنه وسيله)



علاء المياحي
الفاتحه لروح والدي

#الناشر_الحاج_فلاح_حسن

#شور


بابا حُسين بابا حُسين
بابا حُسين بابا حُسين
〰️〰️〰️〰️〰️
سـار الظعن هايـم وناديــله .. ويّـاك اخــذني الكـربـلـه
خذني اوي عبدالله الألوليله .. مـن يبجي اهزن محمله
وحجيله عن قصة بألف ليله .. قـصـة علـيله امــدلـله
سارن خواتي ابهالظعن
شـــدن عبيـهن وطلـعن
كلـهن خـوات اتـرافـگن
بابا حُــسين
ايد اعـله ايد اتگاودن
مـن المشي حيل اتعبن
من ضلمة الهيمه بچـن
بابا حُــسين
صار الظهر. .. حيل المشي يريد الظهُر
صارن سمر .. اوجـوه الهـواشم باليسُر
حته الفجر. .. يلهب سمومه چـن جمُر
بابا حُسين بابا حُـسين
〰️〰️〰️〰️〰️
صرت اتبع الناگه بجدم حافي .. عثـرني جـدمي وتيـهت
ما كمت اشوفنه الضعن جافي .. كمت اركضت ما لحگت
راسي بحظن بابا اشكثر غافي .. هسه بتـرابه انا نـمت
يتـراوه كـل لحظة الي
عطـشـان يا بابا علــي
ذبلان مــو چنه النبي
بابا حُسين
يبست شفاه يبست خشب
ويلي عليه امـــن الـتعب
شاف المــيّـه وما شــرب
بابا حُسين
سكنه اعثرت .. تعبها يابـــويه الركــض
خيل الأجــت .. بضلوع جم طفله ترض
نــــار وعــلَت .. بثياب جــم سيد تـلض
بابا حُسين بابا حُسين
〰️〰️〰️〰️〰️
وبكدحجي عيوني حجي لساني..عيني بكلام شكد حجت
وتبدت اجروحي وجرح ثاني .. لـو حل غُـرُوب وچلـچلت
جـــم ليله عــدت وانتظر آني .. خلصانه روحي ويـبّـست
يا بوية مر بيه حلم
دخان اخيمكم اشم
ورقيـة شبـعانه لچم
بابا حُسين
محتاره زينب اوكـفت
ما عدها ماي وسلهمت
بتراب خيـمتها طــفت
بابا حُسين
كلشي انحرگ .. حـرك الخيــم والله كلف
طفل انسحگ .. من صارت الركضه زحف
سوط اليدگ.. بمـتـون زيـنـب عالجـتف
بابا حُسين بابا حُسين
〰️〰️〰️〰️〰️〰️〰️
يا ريته موتي بجمرة اخيمّك .. كون احترگ حد الطفي
وافرشلك اضلوعي صدر يمك ..وانسحگ وي خيل التجي
وتوذّر وكــون اليـلم جسمك .. ايلمني وي جسمك عــلـي
مثل الخيم كون احترگ
كـــون بحوافر انسحگ
دخان اشهـگ واختـنگ
بابا حُسين
بسهام كون اموجّعه
كون الأدين امگطّعه
ويه عمامــي الاربعه
بابا حُسين
كون الحبل .. مشدود بيدي وي علي
ايد ورجل .. بثنينهن كون انــچوي
واشبع يفل .. مـثـل الزغـار البسـبي
بابا حُسين بابا حُسين
〰️〰️〰️〰️〰️〰️〰️

✍️حيدر عبدالله السعيدي

#الناشر_الحاج_فلاح_حسن

عطشني وحسسني == ابنحرك يمذبوحي
تدري انه ضاميلك == وعايش على اجروحي
يارب العشك == ارزقني الدمع

========================

يا هوه الشوك == للكلبه مخنوك
حسين من صدك الله اريدن اعيش وياك الجرح
مره اريدك === تاخذني بيدك
من هوه الدنيه اعله طفك الذاكه نحرك والذبح

شمسوي انته وهيجي خاطر
ضامي واتسحكك حوافر

الخانك روحي وكثرّ نوحي//ليش ابنحرك ما يسكوك
تنازع روحك من الحافر//ماتستاهل وايسحكوك

حيرتي وصفنتي == يمك تعيش السكته
أتصدك نستاهل ؟== انعيش واتموت انته
يارب العشك == ارزقني الدمع
========================

وديني وياك == الجرح الاذاك
من عطش نحرك واجولك اسكوك مو ماي ابرمح
شحسيت ابهاي == حسين يضماي
من طلعن النسوان كلهن وانته جسمك منطرح

من جنت تتباوع الهن
خيل اجنك عشره كلهن

كلهن جنك هاليردنك/ /بحوافرهن تركز بيك
وانته روحك تطلع ترجع//صار اهوايه ادوس اعليك

عذبنك تعبنك == وانته الامس جبت الماي
تيروهن من مايك == خوش وجزن سحك هواي
يارب العشك == ارزقني الدمع
========================

الهيجني مولاي === والحاني اكفاي
انته نور الله اعله وجهك ليش ما قدروك ابد
ابشيبك ادموم == وطمعو بالهدوم
وعمت عيني اعليك ماضل غيره تفزعلك بعد

مطروح انته وركضو اعليك
لو عالذبح اشباقي هالبيك

ابلايه الغيره ركضو كلهم//صاحو هاذه كتلو حسين
طعنه ابطعنه فوك الطعنه//الحد ماجازن مدري الوين

تدري هاذه التعب == اليصعد ترى بنفاسك
من فاركته عالنهر == ضهرك حنه ابعباسك
يارب العشك == ارزقني الدمع
========================

اعليك الاضلوع == ارزقني الادموع
خل احس معنى الهضيمه وشنهو معناه الالم
حسسني الاوجاع == اومعنى الاضياع
من تشوف اختك غريبه وتركض ابين الزلم

العايش ابنحرك مصيبه
صاحو اعله اختك غريبه

الاخذت روحك خيمه وتله//وزلمه ابرمحه ايعثر كام
زينب تركض بين الغربه//وحيل انكسر كسرت جام

تتوجع من عدهم == اشبيدك انته بس راس
يا حيلك ميعينك == لمن عشت ضيم الناس
يارب العشك == ارزقني الدمع
========================
سجاد الكعبي

#الناشر_الحاج_فلاح_حسن

* *اللَّهُمَّ صَلِّ عَلَى مُحمَّدٍ وآَلِ مُحمَّدٍ وَعَجِّلْ فَرَجَهُمْ والْعَنْ أَعْدَاءَهُمْ* *

*★شيعتنا * لا يخاصم لنا واليا، ولا يجالس لنا عائبا ولا يحدث لنا ثالبا ولا يحب لنا مبغضا، ولا يبغض لنا محبا★فكيف أصنع بهذه الشيعة المختلفة الذين يقولون إنهم يتشيعون؟★اطلبهم في أطراف الأرض أولئك الخشن عيشهم، المنتقلة دارهم★*

عن أبي عبد الله عليه السلام أنه دخل عليه بعض أصحابه فقال له: جعلت فداك إني والله أحبك وأحب من يحبك، يا سيدي ما أكثر شيعتكم؟ فقال له: أذكرهم فقال: كثير، فقال: تحصيهم؟ فقال: هم أكثر من ذلك، فقال أبو عبد الله عليه السلام:
أما لو كملت العدة الموصوفة ثلاثمائة وبضعة عشر كان الذي تريدون ولكن شيعتنا من لا يعدو صوته سمعه، ولا شحناؤه بدنه ولا يمدح بنا غاليا، ولا يخاصم لنا واليا، ولا يجالس لنا عائبا ولا يحدث لنا ثالبا ولا يحب لنا مبغضا، ولا يبغض لنا محبا.
فقلت: فكيف أصنع بهذه الشيعة المختلفة الذين يقولون إنهم يتشيعون؟
فقال: فيهم التمييز وفيهم التمحيص، وفيهم التبديل، يأتي عليهم سنون تفنيهم وسيوف تقتلهم، واختلاف تبددهم، إنما شيعتنا من لا يهر هرير الكلب، ولا يطمع طمع الغراب ولا يسأل الناس بكفه وإن مات جوعا قلت: جعلت فداك فأين أطلب هؤلاء الموصوفين بهذه الصفة؟ فقال: اطلبهم في أطراف الأرض أولئك الخشن عيشهم، المنتقلة دارهم، الذين إن شهدوا لم يعرفوا وإن غابوا لم يفتقدوا، وإن مرضوا لم يعادوا، وإن خطبوا لم يزوجوا، وإن ماتوا لم يشهدوا، أولئك الذين في أموالهم يتواسون، وفي قبورهم يتزاورون، ولا يختلف أهواؤهم وإن اختلفت بهم البلدان.

*√بحار الأنوار الجامعة لدرر أخبار الأئمة الأطهار للعلم العلامة الحجة فخر الأمة المولى الشيخ محمد باقر المجلسي الجزء٦٥ الصفحة١٦٥√*

*[اللَّهُمَّ ارْزُقْــــنَا كَــربَـــلاء]*

*{اللَّهُمَّ الْعَنِ الجِبْتَ والطَاغُوت}*

* *اللَّهُمَّ عَجِّلْ لِوَلِيِّكَ الفَرَج* *
*يـ حـــســـيـــن ـا*
قناة كامل الروايات
https://tttttt.me/AhYoAmRaNa

مشاهدة "ملا جاسم الحسيني ابوذيه نعي للسيده زينب تخاطب العباس ع #نسالكم_الدعاء" على YouTube
https://youtu.be/oKpPiusgmx4

عباس لـــــونك نادر بالطف جمالك عابر
بالخيمه ويشوفونك اجمل بـشر بالعاشر

الله حــــــط افنونه
بالگـــــــــمر وعيونه
يادخيــــــــل امتونه وريشاته وخزراته
اتريس اعله الحومه
كافــــــل المحشومه
اتونست بعلـــــــومه المهيوبه وشمراته

عبيد الگــوم حدر السيف كلهه
الحرب من تشتد العباس حلهه
دخيل اسمه
ابو فاضل


يچوي الهوى نيــــشانك اتوزع ضوع بميدانك
شامه ابوجه محـــــلاها هيچ انته بين اخوانك

ياكلف وزنـــــــودك
الهه گـــاعد جودك
حد اخوك احدودك طم روحه اليدنه
ماتفوتك فــــــــوته
گالـــب الطف موته
والعدل مــن صوته ايسلمهه ابلا ونه

سره اعله الموت وگفها اعله رايه
دفن ماي الفرات بهــــــوى الرايه
دخيل اسمه
ابو فاضل


لولاك مــــــارف شارب چا فاهي ضل الحاجب
ارســــــومك امحليتنه ومحليه حتــه الشايب

زودك امعلـــــــــــــينه
ريحه منــــــــــك بينه
وين ماكـــــــو اسكينه تلگانه انذب الچف
الگنطره ومـــــــــابيهه
وين مانلگــــــــــــــيهه
من نصيح اعليــــــــهه من اسمك تتراجف

مدد بس گـــــول والعباس يمك
جيب اسم الگمر لو ضاع اسمك
دخيل اسمه
ابو فاضل


متســــيد اعله القاده ايسمونه نشمي الساده
من ضهره يطلع كافل كفاله حتـــــــــه اولاده

كافل مــــن اصياره
عاش مــــن اختاره
شايل اجـــمل شاره وشايلته ابتكوينه
دوّر المعـــــــــموره
ياهو شايف صوره
بس جــــدار ونوره حارسنه وحامينه

اسم والاسم منـــه اتخاف حيطان
السوالف من تذكره تتــرس السان
دخيل اسمه
ابو فاضل


نافذ بصــــــيره وزاهد هوه الصلب والعابد
هوه الفلك واســـــراره ياقمر الله الـــواحد

والكره الارضـــــــيه
اتدور حـــــولك هيه
امك القـــــــــــدسيه بصيارك شافتمن؟
انبياء براســـــــــــك
علي بين انفــــاسك
والحسين احساسك من حقق تتفنن

الكواكب تفتر وبس هــوه ثابت
وجهه النور نور الشمــس باهت
دخيل اسمه
ابو فاضل

خادم القصيده
شاكر الصيمري

#الناشر_الحاج_فلاح_حسن

°° *يا أباعبدلله*°°

*طور الجفيري*


كم ليلَه وليلَه بعَد
نِحسِب ايامِ وعدَد
يَمْحَرّم طالِ الأمَد
خَنگه ابدِليلي تنسِمع


ما نعوفِ الحسرَه واللّطم
عالفطره دمعي مِنهضم
حتى ظهورِ المُنتَقِم
يشافي جراحِ المِنصرع


كم علّه بينَه وكم ذَنِب
غُفرانِ انريده ينكِتب
نحتاجِ نشيلِ شْكَم حُجُب
عَنّا ودَواءَه بالدِّمِع


إكسيرِ الرّحمه كلمه
"واحُسَيْناً" وا نِعمَه
وفّقني ربي لهالخدمه
مصابه ترى لقلبي صِدع


نِنتظركِ وذاكَ العهَد
والشيعي ما يِخلِف وعَد
لجلك نِموت ما نبتِعد
جنّة خُلودي بهالجزَع


جَنّه نِحِسها مؤنِسه
راحه وثبات ابمجلِسه
وتِفخَر ملايك تِحرسه
واتْكَفكِفِ ابْحَرِّ الدِّمِع


#أمنن #علينا #برضاه
#يا_صاحب_الزمان

https://tttttt.me/khadimatAL3etraAltahira

*ندبة لصاحب الزمان عج وأُمنية كل موالي يوم الجمعة*
سجّل اسمي يابو صالح من جنود المنتظر
ادعي كل جمعة تجينه وعنّا تكشف كل عُسر
يابو صالح يا امامي تدري وعدك انتظر
ما أملّ كل جمعة ٱندبك واقرا يوميه العهد
〰️〰️〰️〰️〰️
بدمعتي راسم حروفك كل صبح أسأل عليك
وكل زيارة اتمنى ٱشوفك ولديارك أعتنيك
أنشدك وين ما ترجع خادم آنه بين ايديك
طوّل غيابك علينه واحنا ننتظرك بعد
〰️〰️〰️〰️〰️
يابو صالح… كافي يالمهدي سفر
يابو صالح… بغيبتك راح العمر
يابو صالح… رد يا مهدي المنتظر
كلنا ننخاك… وننشدك عجّل يا غايب
كلنا ننخاك… ذابت قلوب الحبايب
كلنا ننخاك… بدولتك جينا نطالب
آيمهدي… هالقلب ملّ انتظاره
آيمهدي… لغيبتك دمعي تجاره
آيمهدي… امسح قلوب الحيارى
خادمة آل محمد✍🏻

#يا_صاحب_الزمان

عجل فدتك النفوس.....

يابو صالح... يمتى اشوفك عيني مشتاگه لرؤاك
يابو صالح... هالدنيه ظلمه وحيل محتاجه لضياك
يابو صالح... الكون كله ينتظر بس خفگة لواك
يابو صالح... عمري كله انذرته كون اتنفس هواك
🕊🕊🕊🕊🕊🕊🕊🕊🕊🕊🕊🕊
آ يمهدي... بالدمع اكتب رساله وانتظر منك جواب
آ يمهدي... حدر الضلع وجة جمر من اثر ذاك المصاب
آ يمهدي... كل كياني يلتهب لو يمر طاري الحجاب
آ يمهدي... بركان حزني ينفجر من اذكر الزهره والباب
🕊🕊🕊🕊🕊🕊🕊🕊🕊🕊🕊🕊
يا حبيبي...جمعه جمعه انتحب واقره ندبه بالدموع
يا حبيبي...اذكر اسمك آيغايب تنزل دموعي خشوع
يا حبيبي...عالدرب انه امامي بعمري شاعلك شموع
يا حبيبي...بأمن المضطر دعيت ربِّ يايمته الرجوع

#اللــہـم_عجــل_لـولیڪ_الفــرج

خادمة الزهراء / ليلى زغيب



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

*[ آخر كلام القصيدة ]*

أداء: الرادود #علاء_الغريباوي
كلمات: الشاعر #ياسر_المطوري

https://youtu.be/y0Oy1E_r0Cw

ليالي شهر رجب اﻷصب لسنة 1442 هـ - 2021 م
عزاء الحي المركزي - العراق - واسط - قضاء الحي
حسينية أصحاب الكساء عليهم السلام

مونتاج: عباس الهماشي
مكساج: حسن يونس
مخطوطة: حيدر الزمان
تنفيذ: الفضل للانتاج الحسيني
النشر الشبكي: علاء بركات العاملي

*[ امنيتي ]*

أداء: الرادود الحسيني #عمار_الكناني
كلمات: الشاعر #علي_محسن_الزيادي

https://youtu.be/zmMW28A23cY

مجالس شهر شوال لسنة 1442 - 2021 م
ليالي إستشهاد الإمام جعفر بن محمد الصادق عليه السلام
عزاء هيئة بيت العباس عليه السلام - العراق - الحلة

مونتاج: محمد كاظم مجيد
تسجيل ومكساج: حسن الشمري
مخطوطة: فاطمة حسين
تنفيذ: مجموعة ميامين للانتاج الحسيني
النشر الشبكي: علاء بركات العاملي - علي الفاطمي

مهموم وعندك حاجات
للمعصومه اتعنه
تكشف همك والكربات
حرمها بقعة الجنه

يا فاطمة المعصومه مدد🕊🍃💐
متباركين بمولدها الميمون💐
خادمة آل محمد ص