خدام الإمـام الحسـين(ع)🚩لنشر القصائد الحسينية
https://tttttt.me/labaykahoussein

قصائد قلم الولاء الحسيني الشاعرة خادمة آل محمد
https://tttttt.me/kadimatAlmouhamad

لمولاتي رقيه
شور او فتحة عزاء

بابا بابا الفرگه تكتل.....بابا بابا الفرگه تكتل
______________________
يابويه أموت عليك...گلتهه وگد الحچايه
بعد وجهي اشوفه ابيش..الدم بايگ شكو أمرايه
تسجد عالضلوع اخيول...لان صدرك امصلايه

بوية الدنيا تهوه العايش بوجهين
وأنته امنين ما گلبك حسين حسين
هاي الناس تكره شكو واحد زين

دللول..راح الولي لراسك ونغفه سوه
دللول..آخر حچايه وبعد ما شم هوه
دللول..هذا كله برگبتچ يا نينوه
_____________________
دليني ابوسك وين...وشط الدم ترس خدك
نفس الذابحك يحسين...شو يحچي بسم جدك
انته المو بكد الناس...الطشت شو صاير بكدك

لمعت شيبك تفهي شكو الماس
حلات الموته نتشابگ عبايه وراس
يا لمة الطشت ناقصها بس عباس

سوه نموت..امن الخيم للشام ما چني عشت
سوه نموت..بردت اوجوه الخلگ لمن رحت
سوه نموت..بوية چي نعمه يحطوك بطشت
______________________
هاي الدنيا سفرة موت...و تعبنه الدرب كلش
من كسروا اجناحاتك...ركضو فرهدولك عش
الناس الفرهدت عشّك...حارت بيمن اتبلش

باگوا وين اليحبهن گلب اختك
بدو من محبسك وصلوا لعايلتك
لو تنباگ جا باگوها سالفتك

معاناة..انه ما چني رقيتكم قبل
معاناة..غيراني افراگك ومشيي الهزل
معاناة.. وتدري صعبه لو رجف الگلب طفل
______________________
نصيبي منك اجروحي...ونصيبك مني حسراتك
لمن تنضرلي من رمحك..واشوف اتندي دمعاتك
گمت اسمع بدمعك اه...وتكزبر جرحي شوغاتك


چنت اوگف اگبالك والگلب يروه
لچن هسه الگلب يمك او يتچوه
ورجليني بجمرهم شبتلن بلوه

احاچيك... وهاي اول مره المحلك سكوت
احاچيك... لوون ميت گلي حته انه اموت
احاچيك.. كون ما اسمع ونين اسمعلي صوت
_____________________
چنت احسبهه شيباتك...وأغمض بسدك عيوني
بس هسه شوسع جرحك...يكفي بي يدفنوني
يالشايلني بمتونك...شلت راسك على متوني

شحسب والجروح الطبره ع الطبره
وچذاب اليگول الخيل بس عشره
ماخلن طشاشك صار بالصحره

الم بيك... وگمت أمد جفوني صوب الهيمه
ألم بيك... وگمت اتحسر ادور خيمه
ألم بيك... كون اضمك عن الجيش وضيمه

سيد فيصل الشريفي
مصطفى صادق اللامي

#الناشر_الحاج_فلاح_حسن

لمولاتي رقيه
شور او فتحة عزاء

بابا بابا الفرگه تكتل.....بابا بابا الفرگه تكتل
______________________
يابويه أموت عليك...گلتهه وگد الحچايه
بعد وجهي اشوفه ابيش..الدم بايگ شكو أمرايه
تسجد عالضلوع اخيول...لان صدرك امصلايه

بوية الدنيا تهوه العايش بوجهين
وأنته امنين ما گلبك حسين حسين
هاي الناس تكره شكو واحد زين

دللول..راح الولي لراسك ونغفه سوه
دللول..آخر حچايه وبعد ما شم هوه
دللول..هذا كله برگبتچ يا نينوه
_____________________
دليني ابوسك وين...وشط الدم ترس خدك
نفس الذابحك يحسين...شو يحچي بسم جدك
انته المو بكد الناس...الطشت شو صاير بكدك

لمعت شيبك تفهي شكو الماس
حلات الموته نتشابگ عبايه وراس
يا لمة الطشت ناقصها بس عباس

سوه نموت..امن الخيم للشام ما چني عشت
سوه نموت..بردت اوجوه الخلگ لمن رحت
سوه نموت..بوية چي نعمه يحطوك بطشت
______________________
هاي الدنيا سفرة موت...و تعبنه الدرب كلش
من كسروا اجناحاتك...ركضو فرهدولك عش
الناس الفرهدت عشّك...حارت بيمن اتبلش

باگوا وين اليحبهن گلب اختك
بدو من محبسك وصلوا لعايلتك
لو تنباگ جا باگوها سالفتك

معاناة..انه ما چني رقيتكم قبل
معاناة..غيراني افراگك ومشيي الهزل
معاناة.. وتدري صعبه لو رجف الگلب طفل
______________________
نصيبي منك اجروحي...ونصيبك مني حسراتك
لمن تنضرلي من رمحك..واشوف اتندي دمعاتك
گمت اسمع بدمعك اه...وتكزبر جرحي شوغاتك


چنت اوگف اگبالك والگلب يروه
لچن هسه الگلب يمك او يتچوه
ورجليني بجمرهم شبتلن بلوه

احاچيك... وهاي اول مره المحلك سكوت
احاچيك... لوون ميت گلي حته انه اموت
احاچيك.. كون ما اسمع ونين اسمعلي صوت
_____________________
چنت احسبهه شيباتك...وأغمض بسدك عيوني
بس هسه شوسع جرحك...يكفي بي يدفنوني
يالشايلني بمتونك...شلت راسك على متوني

شحسب والجروح الطبره ع الطبره
وچذاب اليگول الخيل بس عشره
ماخلن طشاشك صار بالصحره

الم بيك... وگمت أمد جفوني صوب الهيمه
ألم بيك... وگمت اتحسر ادور خيمه
ألم بيك... كون اضمك عن الجيش وضيمه

سيد فيصل الشريفي
مصطفى صادق اللامي

#الناشر_الحاج_فلاح_حسن

بعدني بخيمه اهلي وچتفوني

خذوني بلا خدر شو من خذوني

صحت عباس الحك يسروني


الناس بلايه رحمه وزينب وحيده


@@@@@@@@@@@@@@@

اول ما مشينه أبين شمات

صاحوا مات هذا حسينچن مات

اله بها الضعن نفتر اولايات

وكل يوم عله سوگ ومنطقه جديده


@@@@@@@@@@@@@


عله باب الشام ماسولفلك اشصار

علينه اجناب تضحك والضعن حار

وتشمر ب الحجار وتشعل النار

تمنينه العطش والسوط ب البيده

@@@@@@@@@@@@@

الخرابه بلايه باب ونفشل اناام

نسوان وثگاله وكومه ايتام

ننام اگعوود وتفززنه الاحلام

واحلم ب الغرب مدفونه وبعيده


@@@@@@@@@@@@@

خللص خويه حيلي وتهت بالبر

اگضيهه بهزل والهزل تعثر

وفوگ امتون خيتك سوط يفتر

عله اسياط وحجر شو صار تعويده

@@@@@@@@@@@@@@@

غريبه ولو متت ياهو الاليه

ياهو اليبچي ويقيم العزيه

ولا واحد بقه من الغاضريه

غير الكفل ضعن حسين ماريده


سيد فيصل الشريفي
---

#الناشر_الحاج_فلاح_حسن

علي ياعلي ياعلي مدد
..... ......
داخت الخياله والكل بي تحير
عرگه وتخيل علي الاكبر يهد
ادخيل بخت الساده واحدهم جبير
كام لطراف النجف بيهم يمد
بس علي مسويها
بكيفه شاخ اعليها_ الرياله
راية اعلى متونه
فارس يعرفونه_ الخياله
علي ياعلي ياعلي مدد
_________________________

الضربه لازم لو تخيب ولو تصيب
بس الاكبر ضربته بيهم ترس
راس ابن غانم علي حالف يجيب
خطط اعله راس من اول امس
بغيرته شد راسه
ينضر العباسه_وعمه بتسم
يردم الخياله
بيهم الهنياله_ المنه سلم
علي ياعلي ياعلي مدد
_________________________
يصيد بيهم كلفريسه ومن بعيد
اطيح من اجسادهم حدره الرگب
غيمت طف كربله وصارت رعيد
الدنيا مطرت كال اسويهم حطب
منالخيم هوسوله
حيهم يكلوله_حزام الظهر
ونعم تربيته
هوس بجفيته_ بهيئة قمر
علي ياعلي ياعلي مدد
_________________________
ضيگ الثامه وعالگحيله يميل
السمه من الخوف حلوب امطرت
چفه عشر ازلام من عدهم يشيل
وروس قادتهم بسيفه اطشرت
ماتفيده الومه
الزلمه ذب هدومه_ ومنه شرد
يصطر بجفينه
الاحه الله يعينه_كول نمرد
_________________________
كلماتي المتوضعه
مريم الويسي احزاني فاطميه


#الناشر_الحاج_فلاح_حسن

الهلال...اول ليله محرم١٤٤٣هـ

منشوفك ينخطف لـــــوني/هلالك ذوبل عيـــــوني
تهيج اجروحي بيه
ترجعـــــــني سبـيه
وغريب اليحدي بظعــوني

ـــــــــــــــــــــــــــــــــــــــــــــــــــــــــــــــ
من تهل يهلال حزني تنرسملي مجزره
بذني لسه صوت يدوي للضلوعه مكسره
بصدري ما يطفى لهيبي نار گلبي موجره
من اميره تالي ارگض بالصحاري محيره

بشهرك مـــــايضل غالي/روس وتنرفع عــــــــالي
تصد مهضومه ليـــــه
ترجعني سبـــــــيه
وغريب اليحدي بظعـــوني
ـــــــــــــــــــــــــــــــــــــــــــــــــــــــــــــــ

أنه أخت عباس واعتب بهلتك راحو هلي
بيك چم ذكره طفوها وبيك ذبحو چم ولي
آه من ضيمك يشهري راح شيخي وكافلي
فوگ كل هذا الجرالي بينه يحدي عاذلي

ابد ماجانت ابـــــالي/شافت كربله اخيالي

الخلگ تنضر عليه
ترجعني سبيــــــــه
وغريب اليحدي بظعــوني
ـــــــــــــــــــــــــــــــــــــــــــــــــــــــــــــــ
بيك شفت اشكد مأسي تمرد ابروحي مرد
چم سهم بگليبي تارك بالعدد تعجز تعــــــد
دارو اعله حسين لمه وهوا لوحيده يهد
تحاوشُو وسفه الاعادي توسط وعني ابتعد

شهرك فرهد احــــــلامي/ذبحلي حسيني گـــــدامي
تدوسه الاعــــــوجيه
ترجعنـــــي سبــــــيه
وغريب اليحدي بظعوني
ـــــــــــــــــــــــــــــــــــــــــــــــــــــــــــــــ
ياشهر ليش افجعتني گلي هاي حجايه
تجمع اجيوش ال اميه وتعتنينه عنايه
تدري بحسين الغريب اجه بأشرف غايه
انته بهلالك علينه اشهرت سيف ورايه

هلالك أكبر امصـــــيبه/غريب ايودع اغـــــريبه
بذبح ابن الزچـــــيه
ترجعــــــــني سبيه
وغريب اليحدي بظعوني
ـــــــــــــــــــــــــــــــــــــــــــــــــــــــــــــــ
ياهلال انه ارد احلفك منين ماخذ هالضوه
اضن بگته من الكفلني من هوا بطف نينوه
انته تدري السبب انته چـان لجروحي دوه
لذنب ذنبك انـــه اكرهك سلبّت مني الهوه

تدري كافل اظعــــوني/خلافه شكثر عذبـــــــوني
شوفوني الاذيــــــه
ترجعــــــــني سبـيه
وغريب اليحدي بظعوني
ـــــــــــــــــــــــــــــــــــــــــــــــــــــــــــــــ
تمت الحمدلله
بقلم خادم الزهراء ع
الملا ياسر الزيادي١٤٤٢هـ

#الناشر_الحاج_فلاح_حسن

مشاهدة "وحك خيمة علي البيهه يعيناي/عميتي انشدهه لوبعدج يعيناي
/اون بلشام ماواحد يعيناي/وفتت كلبي فت ونت رقيه" على YouTube
https://youtu.be/dHw6qlsExko

ثلث ساعات وحذف من بعد النشر


#الشكرلله #نسالكم_الدعاء

*[ دافن عزيزة ]*

أداء والحان : الملا #علي_الوائلي_الكربلائي
كلمات: الشاعر #كرار_حيدر_الخفاجي

https://youtu.be/n1A-RAElUJs

ليالي شهر شعبان لسنة 1442 هـ - 2021 م
حسينية الإمام الباقر عليه السلام - لبنان - بيروت

مونتاج وتصوير: مصطفى شامي
مكساج: أحمد سوار
النشر الشبكي: علاء بركات العاملي

فتحة مجلس الليله الاولى (المهدي عج)

ليلة الاول محرم من عزائك
نعاهد المهدي وننادي ابكربلائك
(احنه غير حسين ماعدنه وسيله)
....................
الليله يالمهدي بده أول محرم*
هسه يم حسين لو يم المخيم*
ندري جفنك ما غمض يالمهدي ساعه**
گبالك اتشوف الحرم لحظة وداعه**

ليلة الاول محرم من عزائك
نعاهد المهدي ونصيح ابكربلائك
(احنه غير حسين ماعدنه وسيله)
......................
ياحزن گلبك يدلينه المواجع*
سولف النه حسين چان شلون واگع*
وعالرضيع المو بكاروكه تهنّه**
وعن سهم نحره الاجه وما شبع منّه**

ليلة الاول محرم من عزائك
نعاهد المهدي وننادي ابكربلائك
(احنه غير حسين ما عدنه وسيله)
........................
انطينه من عينك دمع يروي المصيبه*
ولا تگول اعله الهزل زينب غريبه*
وشلون داست عالجمر ترفه رقيه**
وصوتهه المبحوح للعاشگ هويه**

ليلة الاول محرم من عزائك
نعاهد المهدي وننادي ابكربلائك
(احنه غير حسين ماعدنه وسيله)


علاء المياحي
الفاتحه لروح والدي

#الناشر_الحاج_فلاح_حسن

فتحة مجلس الليلة الثانيه (الخدم)



ليلة الثاني محرم من عزائك
صوت خدامك ينادي ابكربلائك
(احنه غير حسين ماعدنه وسيله)
..........................
أنته أول ضامي بللّنه ابحنانه*
خيامه منهوبه ويغطينه بجنانه*
وصح غريب ومنسلب بالطف ردائه**
امن الخدم طول الزمن يبقى ندائه**

ليلة الثاني محرم من عزائك
صوت خدامك ينادي بكربلائك
(احنه غير حسين ماعدنه وسيله)
.........................
كلشي ندري ايموت بس يبقى عزائك*
فايز اليچويه جمر من كربلائك*
يا سبيل ويبرد ابعشگه ضمانه**
نبقى دوم انصيح يا لذة هوانه**

ليلة الثاني محرم من عزائك
صوت خدامك ينادي ابكربلائك
(احنه غير حسين ماعدنه وسيله)
............................
يارزق ما ينشبع منّه وجماله*
جرحك الضامي يدلينه كماله*
منك ونرجع الك يا ابو رقيه**
صوتنه يضل عالي والحد المنيه**

ليلة الثاني محرم من عزائك
صوت خدامك ينادي بكربلائك
(احنه غير حسين ماعدنه وسيله)



علاء المياحي
الفاتخه لروح والدي

#الناشر_الحاج_فلاح_حسن

فتحة مجلس الليله الثالثه (العليله)



ليلة الثالث محرم من عزائك
للعليلة انادي من طف كربلائك
(احنه غير حسين ماعدنه وسيله)
.........................
ما يردولچ بعد سافر ضعنهم*
عيشي ويه الذكريات البقت منهم*
لا علي ولا ابو علي يرد يالعليله**
الحوافر تاخذ امن حسين حيله**

ليلة الثالث محرم من عزائك
للعليله انادي من طف كربلائك
(احنه غير حسين ماعدنه وسيله)
......................
عيشي نار الشوگ واحترگي ابمحرم*
ما يضلچ زلمه يرجع لا مخيم*
راح ابوچ ولا تحسبين الرجوعه**
والحوافر ما تخليلچ ضلوعه**

ليلة الثالث محرم من عزائك
للعليه انادي من طف كربلائك
(احنه غير حسين ماعدنه وسيله)
.......................
بس حرم ترجع الچ ماعدهه رايه*
تلّگي عماتچ يردّن بس ضمايه*
يا عطش ما ينتهي الحدّ القيامه**
الله لا يرحمنه اذا ننسى اليتامه**

ليلة الثالث محرم من عزائك
للعليله انادي من طف كربلائك
(احنه غير حسين ماعدنه وسيله)


علاء المياحي
الفاتحه لروح والدي

#الناشر_الحاج_فلاح_حسن

فتحة مجلس الليلة الرابعه
(ام البنين )




ليلة الرابع محرم من عزائك
لأم گمركم نهتف ابطف كربلائك
(احنه غير حسين ماعدنه وسيله)
.........................
ياحسين أم الگمر مصباح عاشر*
تشوطي وتنادي الحوافر يالحوافر*
صوتهه ايضل للابد ويه الينوحون**
من حزنهه انريد دمع ايدلي العيون**

ليلة الرابع محرم من عزائك
لام گمركم نهتف ابطف كربلائك
(احنه غير حسين ماعدنه وسيله)
......................
هيّه نذرت بير لو تسمع خبركم*
واحنه ننطي اعيون لو ننظر صوركم*
البدوي من ايفارگ اشيطفيهه ناره**
هيّه محراب الوفه واحنه السهاره**

ليلة الرابع محرم من عزائك
لام گمركم نهتف ابطف كربلائك
(احنه غير حسين ماعدنه وسيله)
..........................
الليله أم الاربعه اتون بالمدينه*
گلب بدويه وعليك اشگد حنينه*
من بختهه انريد يحسين المدامع**
عليك يحلا النوح واشمحلا المواجع**

ليلة الرابع محرم من عزائك
لام گمركم نهتف ابطف كربلائك
(احنه غير حسين ماعدنه وسيله)



علاء المياحي
الفاتحه لروح والدي

#الناشر_الحاج_فلاح_حسن

فتحة مجلس الليله الخامسه ( مسلم )



ليلة الخامس محرم من عزائك
الحميده نهتف ابطف كربلائك
(احنه غير حسين ماعدنه وسيله)
........................
ألبگه براسچ حميده الجرح يوجع*
مسلم اول خير من حسين يوگع*
العطش نفس العطش والفرق غربه**
بالعزاء ادموعنه انسويهه جربه**

ليلة الخامس محرم من وعزائك
الحميده نهتف ابطف كربلائك
(احنه غير حسين ماعدنه وسليه)
.............................
الليله حيرت مسلم العطشان حيره*
مسلم أول جرح طاح ابغير ديره*
يا حزن يكفي اعله طوله ابن عمك**
الكوفه ما ترحم غريب ولا ترحمك**

ليلة الخامس محرم من عزائك
الحميده نهتف ابطف كربلائك
(احنه غير حسين ماعدنه وسيله)
..........................
مسلم اول لچمه منهن بيك تبدي*
وانته ضعن اجروحكم للموت يحدي*
الليله عينك ما تبطل امن البواچي**
الليله من بنتك يبوگون التراچي**

ليلة الخامس محرم من عزائك
الحميده نهتف ابطف كربلائك
(احنه غير حسين ماعدنه وسيله)


علاء المياحي
الفاتحه لروح والدي

#الناشر_الحاج_فلاح_حسن

فتحة مجلس الليله السادسه ( الانصار)


ليلة السادس محرم من عزائك
للانصار انادي من طف كربلائك
(احنه غير حسين ماعدنه وسيله)
.............................
الليله لون الدنيه كلهه ايصير وردي*
موسم الحب والعشگ من جون يبدي*
مدرسة حبهم اسمهه الغاضريه**
عابس ايدرّسنه حب والد رقيه**

ليلة السادس محرم من عزائك
للانصار انادي من طف كربلائك
(احنه غير حسين ماعدنه وسليه)
................................
والمدير ابن مظاهر اجمل احساس*
يفتح القيد ويسجل خدم عباس*
من عذوبيته نشم عطر الولايه**
نحظر اول درس من جرح الضمايه**

ليلة السادس محرم من عزائك
للانصار انادي من طف كربلائك
(احنه غير حسين ماعدنه وسيله)
...........................
من دمه الانصار نتعلّم الخدمه*
والله ياريت احنه چنّه اهناك يمه*
كل سهم بينه نحبه ونفتح اصدور**
نحرگ الروح اعله موده مثل البخور**

ليلة السادس محرم من عزائك
للانصار انادي من طف كربلائك
(احنه غير حسين ماعدنه وسيله)


علاء المياحي
الفاتحه لروح والدي

#الناشر_الحاج_فلاح_حسن

فتحة مجلس الليلة السابعه (العباس ) ع



ليلة السابع محرم من عزائك
عالگمر لچمه وننادي ابكربلائك
(احنه غير حسين ماعدنه وسيله)
...........................
الليله اكبر لچمه عدنه اشلون بأم عون*
يا سهم هذا اليصوّب اجمل اعيون*
كل ورد بالدنيه ريجه الليله يعطش**
وترتوي اعيون الصحارى جوده من طش**

ليلة السابع محرم من عزائك
عالگمر لچمه وننادي ابكربلائك
(احنه غير حسين ماعدنه وسيله)
.............................
كون يخجل كل نهر لو عنده غيره*
يطيح عباس وعطش جاس الاميره*
عالجرف يتبده وايطش لون اخظر**
يشتل ابراگ النهر لو طاح منحر**

ليلة السابع محرم من عزائك
عالگمر لچمه وننادي ابكربلائك
(احنه غير حسين ماعدنه وسيله)
.............................
حيرتك يا ابو علي ابطيحت عضيدك*
ترجع امدنگ تحط عالخصر ايدك*
واحنه جمرة حيرتك تحرگ گلبنه**
ابطيحت الرايه يشب بينه عطشنه**

ليلة السابع محرم من عزائك
عالگمر لچمه وننادي ابكربلائك
(احنه غير حسين ماعدنه وسيله)


علاء المياحي
الفاتحه لروح والدي

#الناشر_الحاج_فلاح_حسن

فتحة مجلس الليله الثامنه (القاسم ) ع



ليلة الثامن محرم من عزائك
كلنه للقاسم ننادي ابكربلائك
(احنه غير حسين ماعدنه وسيله)
...........................
حنّته الليله ويموت ابصبح عاشر*
هذا اگصر عرس عمره ايصير باچر*
بين كل ذيچ المناحر احلا زفه**
ثوب من دم والترب باچر يلفه**

ليله الثامن محرم من عزائك
كلنه للقاسم ننادي ابكربلائك
(احنه غير حسين ماعدنه وسيله)
...............................
هذا اول شاب دمّ ايصير عرسه*
الخيل تفرح من تحس يختنگ نفسه*
اگبال عين امه الولد تتمنى يكبر**
مو بيوم الزفه يمهه ايصير منحر**

ليلة الثامن محرم من عزائك
كلنه للقاسم ننادي ابكربلائك
(احنه غير حسين ماعدنه وسيله)
...........................
ايطيح ماي ازرگ عله الرمضاء صافي*
ذابل ابگد العطش بس چنه غافي*
هوّه من چف الحسن اجمل هديه**
للحسين ايروح عاشگ للمنيه**

ليلة الثامن محرم من عزائك
كلنه للقاسم ننادي ابكربلائك
(احنه غير حسين ماعدنه وسيله)



علاء المياحي
الفاتحه لروح والدي

#الناشر_الحاج_فلاح_حسن