ليلة علي الاكبر عليه السلام


خل اودعك  بويه يالاكبر
شبگه منك  ماردت اكثر

انته عطشان  واني عطشان
مايرحمون   ذوله عدوان
......................

ياصوره من جدي النبي ومن معناه
كلما اشمك بويه اصيح آنه الله
افيش ياريحت علي ويامحلاه
اليوم امن اودعك ينترس كلبي احاه

انته تمشي   وتاخذ احلامي
وبرحيلك      تخلص ايامي

تبقه بالروح   بس الاحزان
مايرحمون    ذوله عدوان
...............
 
وجهك اذا ماشوفه شلي بدنياي
ويه النفس يابويه عايش وياي
يالاكبر وساعة تفارك عيناي
بعروكي احسنه فلا يمشي ادماي

يامعزتك       وساكن اعيوني
بلايه وجهك   ينخطف لوني

بهذا الوداع     ابقه حيران
مايرحمون      ذوله عدوان 
.............

خبرت امك تدعي الك يامهيوب
ويوصل دعاء الوالده ومامحجوب
اتمنه من تروح ترجعلي انوب
بس كون سالم يالولد ما مصيوب

شرد  اكلهه   التدعي بالخيمه
ونته ماكو     وطايح  بهيمه

اصبر شلون    هذا ميدان
مايرحمون      ذوله عدوان
...............

اخذ الگلب يالاكبر وياك وروح
بويه انه احس هالروحه متروسه جروح
ريته كبل نحرك كليبي المذبوح
ولااعتنيك والكه دمك مسفوح

ادري كلبي       اسهامه وجروحه
كثره لاكن        انته كل نوحه

يحني فركاك   والاجل حان
مايرحمون       ذوله عدوان
...............

من عيني يطفي هل زمن اجمل نور
كبل الكفيل اعليك يابويه الدور
كلنه ضحايه انصير يبني بعاشور 
طيحت ابو فاظل تره اتكّسر اضهور

الرايه بيده      ويهوه عالغبره
وبين اديّه        ينتهي عمره 

واعله عباس    گلبي لهفان
مايرحمون        ذوله عدوان
..................

يالاكبر وياك اختم بدمع العين
يالغبت عني وماكو منك يالزين
شلتك امن المصرع بذني الجفين  
ماتت اجدامي وبويه ماچني حسين

طاح گلبي     وشفته كدامي
وهوه انته        وكل كتر دامي

انته مذبوح    وعلى التربان
مايرحمون      ذوله عدوان 


#محمد هادي العقابي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

شفته بحلم ياعمتي ... يمسح اليه دمعتي
ياعمه لو عندج علم
فسريه الي هذا الحلم
يا عمتي
؟***************
عندي حلم ياعمتي خليني اسولف حلمي
لن والدي يمي اجه وياه اخوتي وعمي
من شفته كمت ابجي و اون بس هوه كلي ابتسمي
بس فزي من هذا الحلم وراح انه اجيبج يمي

ومن شفته ياعمه تره ... جانت ضلوعه مكسره
ومن عنده مسلوب الهدم
فسريه الي هذا الحلم
ياعمتي
؟*************
صار شكثر كتله انه يابويه ما شايفتك
مشتاكه الك وادري انته هم مشتاك بويه لبنتك
وياعمه من شفته انهضم كتله انه عاذرتك
شفته على وجهه وكع من كتله سلبوا اختك

يتباوع لدم المتن .... وانه انظر لدم الحظن
وعليه طحت مثل النجم
فسريه الي هذا الحلم
؟************
شما ردت اشبكه يبتعد دلالي جر الحسره
من ركزت شفت النبل ياعمه تارس صدره
كتله اعتنيتك بالعذب يابويه ذيج المره
اركض اجيتك بس طحت لمن سحكت الجمره

طفله ونحيله من الدمع ... ما احمل الطك والدفع

يابويه مابيهم شهم
فسريه الي هذا الحلم
؟****************
بسج يدمعاتي صحت خليني اشوف الوالد
ومن شفته وبصدره اثر جن واحد عليه كاعد
مثلي نسه جروحه واجه ويايه چيه متواعد
وبهالعمر كلب الطفل غير الابو مارايد

فزيت انه ودمعي جره ... كليلي ابوي شأخره

يمكنه بأخواني يلم
فسريه الي هذا الحلم
؟**********
ياعمه المن هالطشت شو بي اشمن عطره
والمن دمع عينج جره كليلي عمه بسره
معقوله ابوي بهالطشت ذاكه الحنانه شكبره
وين استراح من الهظم شو رد الي بس نحره

يادنيه ماريدج بعد ..... رد راس ابوي بلا جسد

ذبلانه شفته ومبتسم
فسريه الي هذا الحلم

#منتظر الجنابي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

هلا بشمرت علي العباس سواها
شال المشرعة وعالخيم بداها


من زعل عباس واختار النزال
الحومه والمشرعه صاحتله تعال
گام والميمنه ذبها اعله الشمال
بس ابو فاضل يلوگ اعله الثگال

الكتايب من اجته بنظره رداها
هلا بشمرت علي العباس سواها

__________
الگاع عطشانه ونزل شبعها دم
وركب الخيل ابزلمها وابتسم
الشرد من الخوفه بالماكو انصدم
صاح وينه الگال اوصل للخيم

اشتبكت كربله وبنظره حلاها
هلا بشمرت علي العباس سواها

__________
صگر حر وضل على الحومه يحوم
فتگ بيهم خوف ما مفتوگ دوم
ذبت الروس الزلم لا مو هدوم
السيف شراي وابو فاضل يسوم

وعالخيل الجثث عباس خلاها
هلا بشمرت علي العباس سواها

____________
وگفت السبعين الف عالمشرعه
صرفن اردانه وگصدها بمدمعه
چنه  نيزك جاي منهو يّرجعه
طب عليها من الجهات الاربعه

حتى المشرعه تيهت مجراها
هلا بشمرت علي العباس سواها

______________
هلا بالعارف المايعرف ندم
هلا بالفاتح ضميره للسهم
هلا بالما وصلت اجدامه القمم
ياهو شايفله علم شايل علم

قوانين البخت و الوفه سَنْاها
هلا بشمرت علي العباس سواها

___________
يا هلا بالينثر احساس ورعب
شهم لو طب معركه ميت گلب
وخزرة عيونه وعلي تگصب گصب
سبع ماعنده خساره بأي حرب

هلا بكافل اخيته ودوم وياهه
هلا بشمرت علي العباس سواها


#الشاعر عبدالله الشويلي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#السلام_على_انصار_الحسين
#عليه_وعليهم_السلام



امن اگلوبنه انسوي ادروع .. بمحرّمك
ندري بسنابكهه الخيل .. ما ترحَمَـك

......

صدر بصدر متعنين بالحرب ظهر امنيلنه
والنجمه ما تلمع بي يلمع السيف بليلنه
يسبگ الريح ومعروف إنخاه وتعرف حيلنه
انجيب النهر ؟ نسبي الجيش ؟ ها يبو اليمه احچيلنه

انصارك وبالانصار .. مَنعَلِمك

.......

انصارك ويالعطشان طفك يسولف رايهه
هوه الله حطلنه اعيون ترويك خاطر مايهه
ما تدري اميه بهاليوم جيتنه موت وجايهه
يقسم الشعره لنصين زلمك تره خطّايهه

العاشر هويتنه .. انروح فدوه لدَمَكْ

.......

لحچايه نعگد رايات والزلم تدري احچايه
الصاحب عذب من يصير شنهو الفرات ومايه
اتطيح من اديه بس بالموت صادگ حبيب بهايه
لو رفرفت چنهه الشيب بيضه بيمينه الرايه


يحسين فدوه الارواح .. المقدَمَك

.......

خل تثگل بدمنه الگاع واتخف عليك اهمومك
كلمن ويومه ومعروف بس ردنه موت بيومك
بس موتنه ايحب يومك
عابس حچه لسان الحال يابدر واحنه انجومك
نتسلب ارواح ولا تتسلب انته اهدومك


مثل اللسن عدنه انحور .. واتكلّمك

.......

يابن أبن الاول ،، خسران الـ عَد الاول رابع
بغضآ بابوك الكرار كل مجريات الواقع
واحنه بعلي انشد الحيل بحب علي اعليك اندافع
والشاف حَد ذوالفقّار مو مثل خوف السامع


صرح الاله وكل جور .. ما هدَّمَك

.......

سعد هادي الشمري


https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

طبينه الساعات الصعبه
كلمن بل طف يلزم كلبه

راح ايطيح احسين الغالي
ويصير الماجان البالي

اااااااااااااااااااااااااااااااااااااااااااااا


كلش صعبه هاي الغربه من تركض تحركلي اخيام
اكبركسره جيت ابحسره والكيك امترس بسهام
ميعوفنك ويركنك ميريدنك ساعه اتنام
عوفن صدره صرتن عشره منضرمامرني اباحلام


ااااااااااااااااااااااااااااااااااااااااااااااااااا

متحلف الناس اتبجينه
ونلطم عل عين اتخلينه


كون انه المتكطعه وصالي
راح يطيح احسين الغالي


اااااااااااااااااااااااااااااااااااااااااااااا


صارايزيدن من ايدكن دكات الكلب اعلل راح
امشي واعثر شفت المنضرجسمك ينزف بس اجراح
ابحرك الخيمه صارت ههيمه وزرعويمك بس ارماح
ياحيل الله كون اوصله لمن اشربيده وصاح


اااااااااااااااااااااااااااااااااااااااااااااااااااا


راحت كل ايامي الحلوه
منطاحت علكاع الخوه

لاضل اول لاضل تالي
راح ايطيح احسين الغالي


اااااااااااااااااااااااااااااااااااااااااااااااا


ترابه وتعمي صارت يمي وبكتري اشكم طفله اتخاف
انه الوحده ابهاي الشده وعلينه الهجموالاف
صحت ابحيره وين الغيره لاكوامروه ولاكوانصاف
اصعدعل تل مااتحمل من اعيون الغربه انشاف


ااااااااااااااااااااااااااااااااااااااااااااااااااا


وين الكافل وين الرايه
كل ساعه اتموتني احجايه

ويسبون اب اهلي اكبالي
راح يطيح احسين اكبالي


ااااااااااااااااااااااااااااااااااااااااااااااااااااا


ليش القسمه ماقسمتلي الجنت اتمناه بلعين
شوف الدنيه اسوت بيه اخذكل غالي وكل زين
راحومني جرحي ابكدي كل ساعه مودعتلي اثني
وينه وينه الحلوه اسنينه بيهم ضل يستنكي البين


ااااااااااااااااااااااااااااااااااااااااااااااااااا

ياكلبي اشتتحمل اكثر
عل راحوماضنك تكدر

ونشكت ورقت امالي
راح يطيح احسين الغالي


اااااااااااااااااااااااااااااااااااااااااااااااااااا

طيورالجنه يبجن هنه من شافن عبدالله ينوح
يبست شفته ادموعه ابسكته والنبله ابنحره المذبوح
منكدحزنه لوطبكنه جفني ابدمعه ايضل مفتوح
الشالع كلب وتعب صبري من ضلينه وين انروح

الكل راح وضلازينب
من الضيم الضهراتحدب

محنيه وشديت ارحالي
راح ايموت احسين الغالي


ااااااااااااااااااااااااااااااااااااااااااااااااا

كمنه وطحنه يمك صحنه اكعدطب اعلينه الخوف
الحافريسحك ثوبك ينشك وعلينه الشمات اطوف
اتسلبنه وتعذبنه وكلمانركض نلكه اجفوف
شكال اتخوف الموت اشوف ولاوجه البيهم مئلوف

سحكوجسه ضل احساسه
ماعافاني وحشم راسه

يبنيات وماضل والي
راح يطيح احسين الغالي

#تمت سلام البهادلي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

قصيده ليلت العاشر* ملمع


صباحكم حَلّ بهِ الوداع
مسائُنا صارَ بهِ الضياع
لوحة دماءٌ رسمت.
اضلاعكم قد هُشمت
=========================
يايوم مثل يوم البكربله صار
خله الارض والسمه بضيمه تحتار
السمه دم مطرها عله اجراح الزغار
وعله جسم الحسين بجه حته الحجار

واليلُ قد زاد بهِ الجراح.
و اصطفّت الاعداءُ بل رماح
كلُ خيامِ حُرقت
اضلاعكم قد هشمت
============================
نعد ساعه ساعه والكلوب اليمه
وبعدكوم يخوتي نعيش ابحريمه
وحرايم بلااخوان يظلن هضيمه
ومشينه يتيمه تلوذ بيتيمه

ياليت هذا اليوم لا يكون.
اعداء غيرُ الظلمِ لايرون
الاف خيلاً هُجمت.
اضلاعكم قد هشمت
========================
مشت زينب وظيم الطفوف بلعيون
تفكر بلعزاز عله اتراب يظلون
والصياط بعدكم تعاشر بلمتون
شماته علحالي ابتسامات يصطرون


لهفي على من سلُبَ الرداء.
واختهُ عاشَ بها العناء
من صوطهم ماسلمت.
اضلاعكم قد هشمت
=========================
تره جلمت البويه صعبه امن اليتام
احسه ابدليلي تطب مثلل سهام
شكله التعود عله حظان ابو اينام
يتانون يريدون ابو ابهاي الايام

امتلأت عيني من الدخان
وفارقت من صنعَ الحنان
اعمادُ خيمه انكسرت
اضلاعكم قد هشمت
=========================
اليمه دروب السبي وسلسلتها
ورقيه ابزغرها المصايب لكتها
تحصل ابوهه وتحظنه امنيتها
الابو راح والايام للتراب رمتها


عيني بها لعينكَ اشتياقُ
ما هكذا يا أبتي الفراقُ
كلُ الاماني اندفنت.
اضلاعكم قد هشمت
=========================
ركضنه نفس واحدوماكوراحه
وكلام الشماته بدليلي جراحه
يكولون هلج وين نريدالصراحه
تره السوك يئلم يهل ناس صباحه

صياطُهم الّمَتْ الاكتاف.
وتبتسم امامنا الالاف
والكل منا رُعبت.
اضلاعكم قد هشمت
=========================
تمت
#سلام البهادلي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

صارت عشيرة الخدام
وحسين شــــــــــــيخ اعليهه

منهد ماصـــــــــــــــــاح الا من ناصر
خادم بخــــــــــــــــادم ترسنه العاشر
حسين للتاريخ مـــــــــاضي وحاضر
كون من صـــــــــــدرك نشيل الحافر
ونصير لسكينه الماي
يوم اهـــــــــدعش رويهه

=================
الختم بيد حسين هــــــــوه الحاكم
ياملك مثله يقـــــــــــــــــدر الخادم
سيدي اعلينه عطــــــــــــــائك دايم
المايسلم امــــــــــــــــره بيدك نادم
والدنيا من غيرك هيچ
وبفلس مـــــــــــــانشريهه

==================
كلهه مـــــــــــــن ايدك وليدك راجعه
اكو وادم عافتك بــــــــــــس ضايعه
تاكل بماعــــــــــــــــــونك وماشابعه
واكو خـــــــــــــدام شكثر متواضعه
مايعثر اليمشي اوياك
واعله امـــــــــك ايخليهه

==================
كل عشيره وعـــــــــدهه بيرغ مالهه
واحنه رايتنه ابو فاضــــــــل شالهه
شكو اطلابه الماتحــــــــلهه ارجالهه
خلهه عالعباس واحــــــــسب حالهه
كل شده لو بس تنخاه
عباس يحــــــــــضر بيهه

==================
عامره اتضل المجــــــــــــالس بينه
شضارها الـــــوادم وتحچي اعلينه
الجنه الهم واحـــــــنه النه حسينّه
بكيفه وين يريــــــــــــدنه ايخلينه
هاي المأتم لحسـين
طـــــــــول العمر نحييهه

===================
شيخنه حسين ونضــــل حاشيته
انغمض ونمشــــــــي ورا خاچيته
ياهو مثله ابطيــــــــــــبته وحيته
حسين فوگ العرش واصل صيته
ديوانه ماينسد يوم
شيخ الهــــــــلا وراعيهه


عبدهم
#شاكر الصيمري

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*[ ربُ العزاء ]*
Master of condolences

أداء: الملا #مصطفى_السوداني
كلمات: الشاعر #كرار_حسين_الكربلائي

https://youtu.be/wYOKNybFDsM

إصدار شهر محرم الحرام لسنة 1442 هـ - 2020 م

مونتاج: علي الموالي
تسجيل: علي فاضل
هندسة صوتية: حسين نجم
مخطوطة: حسين مقيم
النشر الشبكي: علاء بركات العاملي

*[ يا زينب ما عرفتج ]*

أداء والحان : الملا #علي_الوائلي_الكربلائي
كلمات: الشاعر #عبدالرحمن_السلامي

https://youtu.be/FbK386t7ky8

مجالس شهر محرم الحرام لسنة 1441 هـ - 2019 م
موكب عزاء التعاون - العراق - بغداد

مونتاج: حيدر الساعدي
مكساج: أحمد البرمكي
مخطوطة: مرتضى الربيعي
النشر الشبكي: علاء بركات العاملي

*[ عالم النوح ]*

أداء: الملا #عمار_الكناني
كلمات: الشاعر #السيد_علي_الموسوي

https://youtu.be/ngqndfxPnjQ

مجالس شهر جمادى اﻵخر لسنة 1441 هـ - 2020 م
ليالي إستشهاد موﻻنا الإمام علي الهادي صلوات الله عليه
هيئة الشاب الحيدري - العراق - الكوت - الكريمية

مونتاج: مصطفى العتابي
مكساج: ليث حازم
مخطوطة: مؤمل المريثي
تنفيذ: شاريو للانتاج الحسيني
النشر الشبكي والتوزيع: علاء بركات العاملي - علي الفاطمي

بدن يتوادعن. بعد مايلتقن
رقيه وفاطمه. بعدمايلتقن

شلون وداع بين اثنين لمن صار
وحده وي الضعن وحده تظل باالدار
رقيه وفاطمه وعله الوداع ازغار
نار فراگهن اي نار أشد من نار
بچن وتشابگن. بعد مايلتقن

العليله بكل الم وتعيش وحدتها
ورقيه تصير برض الشام دفنتها
هاي الدمعه والأهات حصتها
وذيچ اتاني نار الخيمه چويتها
عمت عين الزمن. بعد مايلتقن

اول مره هذا الموقف يمرهن
من يتوادعن وحسين ينظرهن
وزينب گاعده يمهن تصبرهن
مره تهدي بيهن مره تعذرهن
بچت لمن بچن ٠٠ بعدمايلتقن

العليله اتگل لختها شلون حاچيني
مدري ليش أبوي أهنا يخليني
بعد عبدالله رايح مايناغيني
بكل مغرب اريدچ يمه ذكريني
اذا راح الضعن. بعدمايلتقن

رقيه اتگلها يختي تحرسچ الزهره
وعبدالله العزيز النبله تنتظره
اذكرچ من يلوع ويطلب الگطره!!
لوذكرچ اذا صاب السهم نحره!!!!
شجن يتبع شجن. بعدمايلتقن

شكبرها فاطمه دمعتها الي تهلها
معقوله الضعن مابيه مكان الها!!!!!
نزل ليها ابوها مدري شيگلها
حظنها وحيل ضل دمعاته يهملها
دموعه اشگدجرن. بعد مايلتقن
#سعدالعبودي
أهدي ثوابها الى روح والدتي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*[ وين شيال العلم ]*

أداء: الرادود #علاء_الغريباوي
كلمات: الشاعر #حاتم_صبري_الكاظمي

https://youtu.be/z3SFpPhsQTs

مجالس سنة 1441 هـ - 2020 م
هيئة خوة العباس عليه السلام - العراق - ميسان

مونتاج: كرار فاضل
مكساج: كرار الموالي
مخطوطة: مؤمل الرميثي
تنفيذ: فوتو آرت للانتاج الفني
النشر الشبكي: علاء بركات العاملي

منهو يعينك عالعزا *للشاعرة خادمة آل محمد*
🎤
بصوت عبد آل محمد *الأحقر كرار العاملي🖤*

*من يواسي قلبك يا بقية الله*
الليلة اريد تواسي امامك الغريب بالدمعه واللطمة يلا توجهوا بقلبك لصاحب الزمان بدموعك ونحيبك اه اه ساعد الحجة بالأنين والدموع
طور الأنين العاملي♪

منهو يعينك عالعزا
وماكو مآتم عالحسين
منهو يعينك عاللطم
ويعزي گلبك بالأنين
اجينا نواسي دمعتك
ونبكي المدمع عالحسين
ندري بدمعتك ما تجف
صبح ومسيّه عالذبيح
〰️〰️〰️〰️
بدم القتيل بكربله
انت لِتطلبله الثأر
دم من دموعك هامله
تون وتنوحن عالنحر
راسم بعينك قافله
والعمه راحت باليسر
وراس الشهيد على الرمح
تشوفه وجسمه ظل طريح
〰️〰️〰️〰️〰️
تگصد طفوف ثار الإله
وجفنك يسيل بعبره دم
وتسمع نحيب لعمتك
وصار مرورك عالخيم
تندب على قتل الحسين
گلبك يلوج من الألم
صرختها يا مهدي العجل
أدرك لثارات الذبيح
〰️〰️〰️〰️〰️
يا صاحب الزمان انت كلما تزور كربله تتجسد امام طفوف جدك الحسين ع وترى بعين البصيرة اجساد مقطعة الرؤوس وتسمع عويل النساء ولكن سيدي ما الذي يكسر گلبك…

وليكسر لگلبك صور
زينب عا تل الزينبي
تصرخ يابن امي طحت
وحرگوا خيمنا والعبي
ومن يسمع صراخ النسا
يقوم ويطيح ابن النبي
فوق الترب ويلي جريح

حسين حسين حسين😭
خادمة آل محمد✍🏻

الك مشتاق ياعاشور
واترقب الك كل يوم
اريد ألطم على صدري
واريد أبچي على المظلوم

واويلي على المظلوم
واويلي على المظلوم
--------------
علاقة تدري آنا وياك
وصار الها العلاقة سنين
من زغري وعلى الدنيا
اول مافتحت العين
اشوف أمي تون وتصيح
على العباس ويا حسين
من ماتم الى ماتم
تاخذني بدمع مسكوب
واويلي على المظلوم

قبل ايام ياعاشور
استعديت آنا للخدمة
وشرف ليا يصير سنين
اقل خادم لبو اليمة
شما ابذل مقصّر
لجل اللي بذل دمه
احرّم نفسي لجل اللي
من عذب النبع محرم
واويلي على المظلوم
وا

من قالوا جميع الناس
هل بهل السنة عاشور
صحت مأجورة يازهرا
وياحيدر علي مأجور
لسبط المصطفى واللي
تركوا النحر منحور
سافي الترب اچفانه
وتغسيله نزف الدموم
واويلي على المظلوم
واويلي على المظلوم
-------------
هلالك ياشهر عاشور هيج ترى احساسي
وثوب الفرح شلته وصار
ثوب الاسود لباسي
اريد ابچي بكل ماتم
واريد ألطم على راسي
فدوة راسي وصدري
لسبط النبي المظلوم
واويلي على المظلوم
واويلي على المظلوم
-------------
من اسمع صوت القراية
والناعي بدا ينعي
اروح الماتم بسرعة
ويجري،من جفن دمعي
وفي كل ماتم اتصور
الزهرا تصرخ ااه ضلعي
ضلوع حسين نستني
بكسرها ضلعي المهشوم
واويلي على المظلوم
واويلي علىى لمظلوم
-----------------
يالمحب فوق الدور شيل اعلام الاحزان
واصرخ بعالي الصوت يالمذبوح عطشان
ياريت راسي من قبل راسك على سنان
يحسين ماتبرد الجمرة بنزف الدموع
ليل نهار انحب وقلبي عليك موجوع
ياريت خيل الرضرضت صدرك رضت مني الضلوع
ياريت راسي من قبل راسك الموجوع
ورضت ضلوعي حسين قبلك بالميادين

اشويه احتاج منك كافيه اعليّه
وقليلك أدري ما ينگالّه اشويه...

أريد الحيل شهر الدمعه عالأبواب
ووعد صفحة ذنوبي وياك مطويّه

مسّكني ابحبل روحيه اعرّج بيه
يمن حتى الجماد اترزقه روحيه

شد حيل البغيرك بيه يبطّل حيل
وعليك الزهره لا تگطع بواچيه...

هل شهر الحزن يمهيّج الأحزان..
وراجي اتحن يتارس گلبي حنيّه...

لو بارد..أحلفك من گلب بردان..
ابحرارة حضنك احرگني ابنواعيه..

ولونّي اتخلفت عن راحلة الآهات..
أنه ادخيلك يحادي الحرگه مر بيه..

ما اريد العمر يمضي وشبابي ايروح
إذا مو من حسينيه الحسينيه...

مو دعبل إجيتك..جاي جون ايريد
ماعون التترسه ابدمعه لرقيه...

يمشبعني آه اببين بيت وبيت..
صدري ايروح الك فدوه اويه لطميه

أهديك الگلب..واضلوعي هم ويّاه..
لچن دمعاتي منك أجمل اهديه..

ما اوفيك لو بيك اكتبت ديوان..
ويوفيني اويه لطفك بيت أبوذيه

خادم الحسين ع يوسف صوفان
القناة المعنية بنشر اللطميات والمقاطع المصورة بالإضافة إلى القصائد المكتوبة
https://tttttt.me/youssefsoufan

للتواصل:
https://tttttt.me/youssef_soufan

https://m.facebook.com/usef.soufan

https://instagram.com/youssef_soufan315

⚔اللهم عجل لوليك المنتقم الفرج ⚔
https://tttttt.me/youssefsoufan

باجر اذا حن الكلب للملكة
لبابك ييمة امشي بس مندكة
تحني الظهر لمن تصير الفركة
بين وداعك والعين بعدك بقت ذبلانة
-------
شايل وجهة يشبهة حنان الزهرة
طاري الهجر مايرهم وية العشرة
كسرة رحيلك تبقة اصعب كسرة
طبع اليفارك غالين يتصاحب وية احزانة
-------
غالي الدمع بس ينزل اعلة الغالي
لحضة وداعك يمة شغلت بالي
معقولة باجر بيتك يضل خالي
ويامن اسولف يحسين ابقة احجي وي حيطانة
-------
بديرة فركتك تايهه ومااندل
شوف الجرح عن جيتك ضل يسأل
موصية الكمر بالطف تضل مدلل
يم رجلك ابني العباس كتلة يذب ذرعانة
------
شيب حجينة اعلة الهجر مانكدر
يبني ابرحيلك جفني لازم يسهر
ردلي احلفك وبشباب الاكبر
ابداعة علي لية تعود بعدك اضل سهرانة
------
غير الدمع بعدك يغالي شعندي
هم ودعتني وهم عفتني بوحدي
ارجعلي اريدك مااريدن ولدي
شفت الهجر مثل الموت نبجي شكثر خلانة
....
سيد معتز الحسيني

▪️قصيدة لطم لمولاتنا العليلة (عليها السلام)

كأني بطفلة الحسين (ع) سميّة فاطمة (ع) تسمعُ صرخةً وعويلا من تلكَ الناحية..وإذ بها تلتقي بالناعي الكئيب "بشر بن حذلمْ"، فدار هذا الحوار ..


أنَاْ طِفلةٌ تغفو أمامَ البابِ
بِاللهِ أخبِرْني عَنِ الأَحبابِ
عاتَبْتُهمْ حتى جَرتْ بالدَّمعِ أعتابي

١/يا بشرُ إنِّي قدْ لمَحْتُكَ صارِخاً تنعى
لكنْ لِشدَّةِ ما بكَوْا لَمْ أستطِعْ سَمْعا
ما ذَلِكَ الصوتُ الذي قدْ زلزلَ السَّبعا ؟
ورأيتُ "قبرَ المصطفى"* يَهْمي لهُ الدَّمْعا

وسمِعتُ آهاً هيَّجتْ أوجَاعي
مِنْ جدَّتي مكسورةِ الأضلاعِ
يا بشرُ عندكَ هلْ أرى سبباً لأسبابي؟

*ينقل أرباب المقاتل أن بشرَ بنَ حذلَم نعى الإمام الحسين (ع) عند قبر جدِّه المصطفى (ص).

٢/في أيِّ وادٍ يا تُرى وَجْهُ السَّنا حلّا ؟
أتُرى يعُودُ زمانُهُ أمْ يا تُرى ولّى؟
إِنْ أسألِ الجُدرانَ عَنْهُ جاوبَتْ "كلاّ"
باللهِ أصْدِقْني فقلْبي في النَّوى كلاّ

فمتَى سيرجعُ والدي يا بِشرُ؟
لتعودَ أيّامُ الهَنا والبِشرُ
غُصْني ذَوى أشكو الجَوى في فقْدِ أطيابِي

٣/فأجابهَا يا طفلةَ الشَّمسِ اقبَلي عُذري
ولتسْألي أمَّ البنينَ فإنَّها تدْري
قَالَتْ : نعمْ، شاهدتُها مكسُورةَ الظَّهْرِ
لا لا تقُلْ أنَّ السَّمَا أمْستْ بِلا بدْرِ

فبكى وقد ضَاقتْ بهِ الأنفاسُ
يا طِفْلتي آهٍ قضَى العبَّاسُ
حُزْنُ الفراتِ لأجلِهِ يجرِي كميزابِ

٤/إِنْ كانَ حقاً قد مَضى عمِّي أبُو الفضلِ
يعني بأنَّ الشَّملَ عادَ مُبَدَّدَ الشَّملِ
لكِنْ تُرى جارَ الزَّمانُ بأَخذَةِ الكُلِّ ؟
أرجوكَ يا بشرَ الأسَى ما حالُهِمْ قُلْ لي..

أينَ الحسينُ ، متى أرى إشْراقَهْ ؟
فأنا لدفءِ ضُلوعِهِ مُشْتاقَهْ
أينَ الحبيبُ لِكَيْ يرى مِنْ بَعْدِهِ ما بي؟

٥/وكأنَّ بِشراً ها هُنَا لمْ يمتلِكْ صَبْرا
أَبُنيَّتي قد عظَّمَ البَاري لكِ الأَجرا
قُتِلَ الحُسينُ ورأسُهُ ما بارَحَ السُّمْرا
والجِسْمُ أمسى عافراً ملقىً على الغبْرا

لا ترتجي مِنْ صَدْرِهِ تِحْنَانا
فلقَدْ غدا لِخيولِهِمْ مَيْدانا
ما بيْنَ أبناءٍ قضوا صرعى وأصحابِ

٦/ويلاهُ واويلاهُ صاحتْ تخمِشُ الخَدّا
وعلى الثَّرى مِنْ كفِّها قدْ أسقَطَتْ مهدا
يا بشرُ أينَ أخي الرضيعُ يخفِّفُ الوَجْدا
فأجابَها سهمُ اللئيمِ بِنَحْرِهِ أوْدى

ساروا بهِ فوقَ القَنَا مرفوعا
والأمُّ تنظُرُ رأْسَهُ المقطوعا
مسبيّةً معَ زينبٍ في قيْدِ أغرابِ

https://tttttt.me/AliOsailyAmily