#دمعة_رقيه
جديد محرم ١٤٤٢ هجريه قصيدة بعنوان (عمي الغالي)


وين الغالي.. وين الغالي... عمه زينب وين الغالي

شوفي حالي... شوفي حالي... عمه زينب وين الغالي

دمعتي اتلالي ياعمه وارد انشدج عن ولينه
شو طالت غيبته هواي والگلب زايد حنينه
ومن انشدج دمعه صبت بحسره عمه اتجاوبينه
كافلج هذا يازينب الأبد ما يرضى ابجينه

طال اغيابه.. طال اغيابه...ياعمه وجمره بدلالي
وين الغالي.. وين الغالي... عمه زينب وين الغالي

〰️〰️〰️〰️〰️〰️〰️〰️〰️〰️〰️
〰️〰️〰️〰️〰️〰️〰️〰️〰️〰️〰️
ماني متعوده لغيابه عمه ذابحني الهجر
بحضنه جنت انه انام وما احس بأي خطر
شو هسه بدليلي النار من اجى طاري الگمر
عمه يلجمني دليلي ودمعي عالخد انحفر

يمته يجيني.. يمته يجيني.. ياعمه وينظر احوالي
وين الغالي.. وين الغالي.. عمه زينب وين الغالي
〰️〰️〰️〰️〰️〰️〰️〰️〰️〰️
〰️〰️〰️〰️〰️〰️〰️〰️〰️〰️
من طلع شايل جربته وأنه انتظره ياعمه
گلبي يلهب جالجمر والعطش ماخذني سهمه
شو طالت غيبة حبيبي وحيل مشتاگه اضمه
ريته يرجعلي كفيلج ومن الخطر ربي يسلمه

ريته يعود.... ريته يعود... ولا يكسر ظهر الوالي
وين الغالي.... وين الغالي.... عمه زينب وين الغالي
〰️〰️〰️〰️〰️〰️〰️〰️〰️〰️〰️
〰️〰️〰️〰️〰️〰️〰️〰️〰️〰️〰️
آنه رقيه العزيزه اشلون يرضى بدمعتي
مو هذا عمي الاعرفه جنه ما يسمع صرختي
معقوله عمي يروح وما يعود لخيمتي
آه يا نار الفراگ عمه ذابت مهجتي

ارد اشوفه... ارد اشوفه... الصوره متفارگ خيالي
وين الغالي... وين الغالي... عمه زينب وين الغالي
〰️〰️〰️〰️〰️〰️〰️〰️〰️〰️
〰️〰️〰️〰️〰️〰️〰️〰️〰️〰️
خل يرجع كفيلج عمه وما اريد الماي
هذا العطش اتحمله وهموم گلبي وبلواي
لاجن المگدر اجرعه افگد خيمتي وافياي
عباس عمي وهيبتي. وكل امل بدنياي

ادعي الباري... ادعي الباري... والدمعه بعيوني تلالي
وين الغالي... وين الغالي... عمه زينب وين الغالي

تمت بعون الله تعالى
خادمة الزهراء / ليلى زغيب



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

بالمآتم والعزاء ينتهي هذا الوباء
نندعي بجاه الحسين ينرفع عنّه البلاء
* * *
كلمه من گلوبنه
نعترف بذنوبنه
وبدموع التوبه خل نرفع ادينه
بهالوضع عِبره ودرس
خل نراجعها النفس
ليش كل هذا البلاء يصير بينه
خل ندگ باب الهدايه ورحمة الله الواسعه
حسين هوّه واسطتنه والوسيله النافعه

الخاطره رب السماء يستجيب إلنه الدعاء
وندري بتراب الحسين للعلل نلگه الدواء
* * *
#حملة_بجاه_الحسين ع
#الشاعر_وسام_الشويلي

في رثاء الإمام الجواد عليه السلام :
(نصّاري)

__
يعيني اعله الجواد ابچي ابدمع دَم..
صايم چان و افطوره عله السَّمْ..
__
گصيره ايّام عمره او چان كل يوم
من اُمِّ الفضِل يتجرّع اهموم
جابتله العنب و العنب مسموم
يا ويلي او عليْه حان المحتّم..
__
او عگب ما سمّته او منّه الچبد ذاب
طِلْعَت من وراها اْو سدِّت الباب!
بلا خوّان ظل وحده ولا اصحاب
يوِن و ايعالج ابـچبده التخذّم..
__
ثلث تيَّام ظل بالدَّار مِفرِد
او منْ سمِّ الذي بحشاه يـمْرِد
ظل ايگوم نوب أو نوب يگعِد
غِريب ابحالته بس الله يعلم..
__
غِريب او من هله ما عنده احّد
يحِضره ابغربته الله اوْ لحّد!
دار اعيونه عالجِبله او تمدّد
و ابحر الشمس فوگ السطح تَمْ..
__
بآخر نفَس حطْ عالگاع خدّه
او تناسى امصيبته او شوغات چبده
ابعطش گلبه تذكّر عطش جدّه
أبو اليمّه مصابه امصاب الاعظم..
__

ميرزا عادل أشكناني
ذي القعدة / ١٤٤١ هـ
قم المقدّسة

🆔https://tttttt.me/mirza_adel_ashkanani

وحگ كل گطره دمه بعاشوره
حسين وحي الله يجيه ايزوره
الكون نوره من اشعّة نوره
مو بعازه بگمر تطلع صوره


الشاعر محمد حسن ضيغم

القصيدة فيها مضامين واقتباسات من زيارة الناحية المقدسة المروية عن صاحب الزمان
**
كلـمــــا أرد أزور گـبـرك بالمَـغيب
أبعـــثـلك سَـلام للطف ياغــريب

بالطف لو چِنت حاضِر أُوگَـفْ للخـيم ســاتِر
( ياغريب ياغريب)
______________________________

اعليك اسلِّمْ كل وَكِت واقــرأ الزياره
اوياك أجَدِّد حزني وارفعــلك شِعاره
آنـه ياجـدِّي الأبــد ماينـســــه ثــاره
ابغـيـبته ايْـنِدبَـك يظل ليـله ونهـاره

جرحك ياحسـين جمرهْ او ماتهِـيد
وْثـارك مايمــوت يرجع من جديد

وارجع علْ عهَد ثائِـر أُوگَـفْ للخـيم ساتِـر
(ياغريب)
______________________

لُـو تِـأخِّـرنِي الـدِّهـــور وْمـا أحـظــرك
والقَــدر عـائِـق يِصـــــــير وما أنصرك
كل صباح وكل مِسـه ياجدي أذكـــرك
حتى اموت بلوعة امصابي اعله گبرك

دم تِجري الدِّمُوع واتـأسَّـف علـيك
أتمـــنَّـه شـــــهيد أوگـع بين اديك

لمَّن تِـطلب الناصِر أُوگَـفْ للخـيم ساتِـر
(ياغريب)
______________________

أَلسَّـــلام اعله التِـغـسَّـــل من دِمـــائَه
أَلسَّـــلام اعله الـذي هِـتْـكــوا خِـبــائَه
مِـنَّه سِـلْـبـوا خاتَـمَـه او سِلـبـوا رِدائَه
اوْطِلعَن امن اخدورهن بالطف نِسائَه

من رَدّ الجَــوَاد مُـعـوِل لِلـخُـدُور
طلعَن ناشِـرات عالخَـدّ الشُــعُـور

چِنْت أتْمَـنَّه بالعاشِر أُوگَـفْ للخـيم ساتِـر
(ياغريب)
______________________

شفـتك اتدِير بطرف عينك عليــهن
وانته مشــغول بجراحك ياولِيــهن
بادِرَن للمصـرع او تسـمـع بَچـيــهن
لاطِمــات اوْجـوهِّن بـثـنين ادِيــهن

شافـنَّك جـريح طايـح علْ تُـــرَاب
عطشـان وتِلوج من عُظْم الْمُـصاب

مِثلك عالألـم صابِـر أُوگَـفْ للخـيم ساتِـر
(ياغريب)
______________________

سِـبَـوْا أهلك ياوسـافه وچتـفوهم
(فَوقَ أقْتابِ المَطِـيَّاتِ) خَــذوهم
بالٱسوَاق الصعبه ياجَـد طوِّفُوهم
وِعلَـه باب الشـام بالحَّـر وَگِّـفوهم

وادِم عِـدها عِـيد وِتْـدِگ الْـطِّبـول
وِبقـتل الحُسَـين مقتول الرسول

حتـماً مِن أَرِد باچِـر أوگف للخـيم ساتِر
(ياغريب)
______________________

أَخْـتِم بحزنك واظل لابـس سوادَه
والغِـيَاب اعليك اخلصه بلا سـعاده
أفرش اترابك وانـام بلا وِســــــاده
يل تُـرَابـك بي أشـم عطر الشـهاده

يَـمْـطَهْـر ابْـدِمَـاك تُـربـة كـربـلاء
يـاوارث صِفَـــات كِـل الأنبـيــاء

ضِد كل طاغيَه وجائِر أوگَف للخــيم سـاتر
(ياغريب)
______________________________


خـــادم الزهراء ع
#مرتجى الحَسَّـاني


https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

اللحن

💠 أبيات للسيد حيدر الحلي (رحمه الله) يمدح فيها الإمام الحجة (عجّل الله فرجه)
🙏 ويتوسل به إلى الله لدفع الوباء الذي حل بالعراق آنذاك

يا بن الإمام العسكريّ ومَن

ربُّ السـمـاءِ لديـنـه انتجبَه

أفـهـكـذا تُـغـضـي وأنـت تـرى

نـارَ الوبـاءِ تـشـبُّ مـلتـهبه

لا تــنــطــفـي إلاِّ بـغـاديـةٍ

مـن لطـفـكـم تـنـهـلُّ مـنسكبه

أيـضـيـقُ عـنَّا جـاهُـكـم ولقد

وَسِـعَ الوجـودَ وكـنـتـم سـببه

الغــوثَ أدركــنــا فـلا أحـدٌ

أبـداً سـواكَ يـغـيثُ مَن نَدبه

غــضِــبَ الإِلهُ وأنـت رحـمـتـهُ

يـا رحـمةَ اللهِ اسبقي غَضبَه

💠 أبيات للسيد حيدر الحلي (رحمه الله) يمدح فيها الإمام الحجة (عجّل الله فرجه)
🙏 ويتوسل به إلى الله لدفع الوباء الذي حل بالعراق آنذاك

يا بن الإمام العسكريّ ومَن

ربُّ السـمـاءِ لديـنـه انتجبَه

أفـهـكـذا تُـغـضـي وأنـت تـرى

نـارَ الوبـاءِ تـشـبُّ مـلتـهبه

لا تــنــطــفـي إلاِّ بـغـاديـةٍ

مـن لطـفـكـم تـنـهـلُّ مـنسكبه

أيـضـيـقُ عـنَّا جـاهُـكـم ولقد

وَسِـعَ الوجـودَ وكـنـتـم سـببه

الغــوثَ أدركــنــا فـلا أحـدٌ

أبـداً سـواكَ يـغـيثُ مَن نَدبه

غــضِــبَ الإِلهُ وأنـت رحـمـتـهُ

يـا رحـمةَ اللهِ اسبقي غَضبَه

السلام عليكم
بمناسبه قرب حلول شهر محرم الحرام
اي رادود يريد يسجل قصيده بالاستوديو انا اكتبله قصيده فقط يراسلني عالخاص

https://www.facebook.com/Emadmuhammdrbeen1993

ملاحظه .. انا ماعندي استوديو بس اكتب قصائد لليريد يسجل قصيده بالاستوديو

+++++++++++++++++++++++
الشاعر عماد محمد الدراجي
الاربعاء 2020/7/8

*من ذا يقدم لي الجواد ولامتي=والصحب صرعى والنصير قليل*

1. من ذا يقدم لي الجواد ولامتي والصحب صرعى والنصير قليل
2. فأتته زينب بالجواد تقوده والدّمع من ذكر الفراق يسيل
3. وتقول قد قطّعت قلبي يا أخي حزنا فيا ليت الجبال تزول
4. فلمن تنادي والحماة على الثرى صرعى ومنهم لا يبلّ غليل
5. ما في الخيام وقد تفانى أهله إلا نساء وله وعليل
6. أرأيت أختا قدّمت لشقيقه فرس المنون ولا حمى وكفيل
7. فتبادرت منه الدموع وقال ي أختاه صبراً فالمصاب جليل
8. فبكت وقالت يا ابن أمي ليس لي وعليك ما الصبر الجميل جميل
9. يا نور عيني يا حشاشة مهجتي من للنساء الضائعات دليل
10. ورنت إلى نحو الخيام بعولة عظمى تصبّ الدمع وهي تقول
11. قوموا إلى التوديع إنّ أخي دع بجواده إنّ الفراق طويل
12. فخرجن ربات الخدور عواثر وغدا لها حول الحسين عويل
13. الله ما حال العليل وقد رأى تلك المدامع للوداع تسيل
14. فيقوم طوراً ثم يكبو تارة وعراه من ذكر الوداع نحول
15. فغدا ينادي والدموع بوادر هل للوصول إلى الحسين سبيل
16. هذا أبي الضيم ينعى نفسه يا ليتني دون الأبي قتيل
17. أبتاه إني بعد فقدك هالك حزنا وإني بعدكم لذليل

الشاعر : الشيخ محمد نصار

بديَار المُصايب هالمسِـيه
شگِلتيله ابوِنينچ يارُقيه
من اشـبَگتي راسَه
الحافِر صَلف دَاسه
شگِلتيله ابوِنينچ يارُقيه

مدَلّلـه اهواي
حُب ابوچ الأكبر إنتي امدَلّلـه اهواي
برِقـّـة الماي
اچفوفـچ التَرفـه الطَريه برِقـة الماي
ازغِيره حَنينه السنين ابگَد صَلاة الله
خطوَه اويه خطوَه إبوچ ايگلّچ اسمَ الله
وكِل هذا انذِبح بالغاضريه
شگِلتيله ابوِنينچ يارُقيه

بغربَة الشام
بعَـد لـفرَاگ التقَـيتوا بغربَة الشام
برُوحچ آلام
اورِدتي تشكِين الإبوچ برُوحچ آلام
بصَدرچ بعَدها جدِيده الدَخنه مازَالت
عَينچ تحِرگچ ورَماد امن الحَرگ شَالت
ولاثَار الچَوي ابوَجهك بَقيه
شگِلتيله ابوِنينچ يارُقيه

جابَوا الراس
امغَطى والمَنديل أحمَر جابَوا الراس
وهَاج الاحساس
بگلبچ الغَض التِصَدّع هَاج الاحساس
نبضِچ تِسَارَع يطَـيبه اورِجفت اطرَافچ
وصَابه الذهُول القريب الحاضِر وشافچ
وحَط طير السِكون اعله البَريه
شگِلتيله ابوِنينچ يارُقيه

برَجفة اعيُون
شِفتي راس الغالي هذا برَجفة اعيُون
ذابِل اجفون
أثَـر للحافر ابگِـصته وذابِـل اجفون
امتَرّب يوَيلي ذِبيح وتِـنزف اودَاجه
ودمّه ابطَشتهم عَبيط وتِردِم امواجه
اونَگّط دمعچ ابطَشت الرِزيه
شگِلتيله ابوِنينچ يارُقيه
**
بشَهگه ودموع
مرَّت ايدِيچ بلِـحيته بشهگه ودموع
وماهُو مسموع
شگِلتي للراس ابونين الماهُو مسموع
اتحَرّك حَنينه وسِمعتي امن الثغـَر كِلمه
ونِمتي اعله خدَّه اوِّنينچ انجـَز الخَتمه
ويَّاه رِحتي للجَنه الزهيه
شگِلتيله ابوِنينچ يارُقيه

============

لقمان لعيبي البدران
https://telegram.me/lukmanalbadran

حبيبة الحسين رقيه


طفله مو مالت سبي چنهه قدسيّة نبي

وردة چانت بالمخيم
بـيـهـه والـدهه متيم

*--------------------*----------------------*

عوداهه حسين من يطلع يشمهه
بكل صباح تعودت يهتف بسمهه
فجئة خلاهه بدمع وسهام ألمهه
تركض ونار الخيم چوّت جدمهه

والمتن ما ظنه يسلم
بـيـهـه والـدهه متيم

*--------------------*----------------------*

اربـع سـنـيـن الـعـمـر اكـثر روايـة
يعني مو مالت سبي وتنظر سبايـة
ربي هالطفلة نسبت شنهي الجناية
هايه مــا صارت گـبـل بـيـن البراية

مدري واقع مدري تحلم
بـيـهـه والـدهه متيم

*--------------------*----------------------*

يحبهه ابوهه حنينة وصغيرت بناته
بـهـل العلاقه لـزيـنـب تـرد ذكـريـاته
وچـانـت تـحـس بمحبته وسـر غلاته
تـحـضـر بـكـل يـوم سـجـادة صـلاتـه

خدهه ياسه ويحلة بالشم
بـيـهـه والـدهه متيم

*---------------------*----------------------*

فاركاهه وما رجع والحاله صعبـه
نحرمت بلحظه لحنانه وتتني دربـه
تـنـظـر الخياله يمهه وكلهه غـربه
خافت وينزف جفنهه ودمعه صبه

وبوضعهه الباري يعلم
بـيـهـه والـدهه متيم

*--------------------*----------------------*

حـرگـو الخيمه وتصد بالنار اجوهه
ركضت وتصرخ يـبـابـه وما رعوهه
تصورت بعده ويجيهه يحامي ابوهه
والله صـعـبـه بـجـر اذنـهـه يـعذبوهه

تدري ما يرضى اتألم
بـيـهـه والـدهه متيم

*--------------------*----------------------*

شـافـت الخـيـل الاعادي مــن اجنهه
مثل شذرة الدمعه نزلت عالوجنهـه
ويله ويله العــذبـاهـه وجــر اذنـهـه
تـذبـل الـورده وتـمـوت بـلا غصنهه

حبهه غالي وميتقيم
بـيـهـه والـدهه متيم

_______
✍بقلم خادم الحسين ع
الشاعر رعد الچريخي

خفكة الراية دليل ماتموت أم الكفيل
صيتها من كربلة لحد كربلة
__
كربلة مسجلتها حاضر أول اِخذت بالعذاب
امتحنت بدرس البسالة وجاوبت ب اربع شباب
صافن التاريخ بيها يحجي عنها بجم كتاب
ابابها تانت ولدها واصبحت للحاجة باب

اقرة فاتحتي واصيح بداعة فراك الذبيح
وكبل لااسولف تحل المشكلة
_
من قريت اعلة الوفية راسي دنكتة بوقار
مادرة الهدم كبرها بكل كلب عدها مزار
من ابنها الشال راية صيت للرايات صار
فهمتني بكل بساطة التضحية يعني انتصار

علمتني اَنطي المزيد لخدمة حسين الشهيد
كالت اخدم تاخذ اعضم منزلة
_

العطش حاير سألها ياضمة يتحدة ماي ؟
محد مسويها قبلة والكمر سواها هاي
الوكفت ابشداتي كلها تلقبت ريتي وهواي
كبالي ام عباس تبقة مو مهم ياهو الوراي

ياهو اني ومن اكون وتنفرش لية العيون
غير منها صيتي بالخدمة اعتلة
_
كالت الضحة الأمامة تعبي برباتة حَلال
لزلم تنقاس بفعلها وهية ربت بس رجال
جانت توصي ولدها بوكت بي طلبوا دلال
دللوا حسين ابو اليمة كبلة اغفوا اعلة الرمال

كربلة تبقة شهود عاالبنين وعالزنود
اليوكف وية حسين ربنة يدللة
_
اكدتلي الدمعة موقف والوفة اصل الحنين
كلمة الحك تبقة ثورة تهز عروش الضالمين
بسملة للغيرة صارت تضحيت ام البنين
بالشجاعة يمر اسمها وهم يمر وكت الونين

الفاركت اربع بدور اضلم تشوف الينور
والمِفارك ياكلب يتحلمة
_
وية عاشوراء عاشت كلمة ماتعرف ضروف
شكد تمنت لو نعشها يزورو ارض الطفوف
نستحي نشوف وابنها بسهم مرمي ومايشوف
حتة ترضة علينة هية لازم نثوب جفوف

بالكلب شالت جروح الفركة خلتها تنوح
واحنة دمعتنة عليها هاملة
__
سيد معتز الحسيني


#

بالصحن اشكيلك .. يالجواد دخيلك
___
داخل اعله الله وعليك وبالصحن واكف ترة
حطني خادم بالعزاء عليك سبع الگنطرة
جاينه امحرم عمامك والحزن لازم سرة
گمت اشم ريحة خيام امحرگّة وركضة،مرة

گاعد وابچيلك .. يالجواد دخيلك
_____
اعليك ابو سبعة مناير اترس اعيوني دمع
حتى اغرگ الدنيا كلها من يذكرون الضلع
بعد شهر ونص اسمعة يطفة بالخيمة الشمع
موش خيط بهالسهولة حسين راسة،ينگطع

هذا ضيمي احچيلك .. يالجواد دخيلك
_____
اعليك كل زاير اجاك وعايف الدنيا وراه
لملم اللچمات بية بلكي اموتن نص عزاه
يمشي ع الخنصر يدور گلبي يومية بضماه
مالت الله الناس تحچي وگالو شماله وشجاه

اتگلي شيسويلك .. يالجواد دخيلك
_______
وانه گلتلهم امامي سيد وعده بخت
العده طلبه يذبها يمة گبل ليذبها انگضت
جيتك وطلباتي بيدي وعيني ع الگاع انچفت
ع الخواصر شدلي وصلة خل ارد الزامطت

خادم وماشيلك .. يالجواد دخيلك
______
اشوه سالفتك خفيفة من متت فوگ السطح
حسين صدرة انسحگ ضلعة وراسة راكب ع للرمح
اعليك فرفاحة اطفالة اعليك لجمة كل جرح
من يجي امحرم اريدن اسهر اخدم للصبح

گلي گواه حيلك .. يالجواد دخيلك
__________
مامش اعلوگة اعله بابك ما عفتها ابلاية شد
داخل بديوان بختك والدمع بخدودي هد
حزّم اخواصر جبيلك والتعب ماريدة حد
وحدر شعري الوصلة اشدها خيمة ويشدها الوتد

حطني شمعة بليلك .. يالجواد دخيلك
_____
علي هادي الخزعلي

#هلال_محرم
#نعي

*وصايا الإمام الرضا ( عليه السلام ) إلى الريان بن شبيب في أول يوم من محرم*

*يا بن شبيب آنا الرضا و گليبي مكسور*
*أبچي أون مدمي الجفن بهلال عاشور*

————— (١) —————

يا بن شبيب هــذا الشهــر للحســره ولآه
وهذا هلاله المنخسف يبچي اعلى مولآه
و كل العــوالم تنتــحب و تصــيح ويــلآه
*لجل الجـرى في كربلا الفـت لصـــخور*

————— (٢) —————

يا بن شبيب أهل الحگد ما عدها رحمه
و هذا الشهـر بيه القتل الحـرمه حُكـمه
ذبحوا عزيز المصــطفى سفكوا له دمه
*وراسه على راس الرمح يـاوسفه مشهور*

————— (٣) —————

يا بن شبيب اللي جـرى بچّى الأرآضين
و خلا السما تمطر دما وتصيح يحسين
وبس من يهل هـذا الشـهر يزداد لونين
*ويصبح گميص احسين بالافلاك منشور*

————— (٤) —————

يا بن شبيب ابهالشهر هل دمعك أحمر
گــبلك ترى حــتى الحجــر دمـه تفجــر
و أحضــر مجـالس للعزا أشعث و أغـبر
*حالك مثل حال الملك تلطم بلصدور*

————— (٥) —————

يا بن شبيب اللـي جرى أقـرح جفنا
لا يـوم مثل الصار بحــسين انفجعنا
ذبحوه مثل ذبح الكبش الـ كان عزنا
*ودخلت خواته باليسر مجلس للخمور*

————— (٦) —————

يا بن شبيب ثوب الحزن خلّه شعارك
و أرفع يثارات الحـسين بأعـلى دارك
ونادي يمهدي بالعجل لا تنسى ثارك
*ثار الذي راسه انگطع والصدر محفور*

————— (٧) —————

يا بن شبيب اجـري الدمـع بالجنة تفوز
وكل دمعه لجل احسين اضعافها تحوز
و عنك ترضى فاطمة وما يصيبك العوز
*وگبرك تحضره تعتني والضلع مكسور*

————— (٨) —————

يا بن شبيب بس من تهل أول دموعك
انـوي تزور ابن النبي بدمـعة خشـوعك
و قلّه أنا يا ســيدي بأمــرك و طــوعك
*و كل غالي لجلك والنفيس يحسين مدخور*

————— (١) —————

يا بن شبيب قـوم ارتـدي ثـوب الخـدامه
وأنسى التعب أنسى الألم أنسى الملامه
وألعن يزيد ابكـل وگـت جيشه و نظـامه
*يوم التصب ماي العذي وتصيح مأجور*

الوزن فائزي - رباعي


🖋 عبد مُحمد وآل مٌحمد / #مفضل_حبيب السهو - القطيف
------

نتشرف بإنضمامكم في القناة🌹
قناة متخصصة في الشعر الشعبي الحسيني
‏https://tttttt.me/Mofadhal

👇كامل القصيدة بالكمبيوتر 👇
‏https://goo.gl/gCvDNc

يزهراء مانسيت احسيني
يزهراء ابدفترچ سجليني

****
الخدمو ابنچ ونتي يمچ سجليتي اسماهم
وفقيـــــني وسجليــــني ابدفتـرچ ويـاهم
واللــه اقبطهم الانهـم چف علـي اليرعاهم
وفتخــر بيـــهم وحــقچ مــن يمـر ذكراهم
يزهراء امن الخدم حسبيني
يزهراء ابدفتــرچ سجلــيني

****
مثل ياسين الرميثي وجاسـم وحمزه اوطن
هيچ اريدن صيتي يصبح طالبچ يم الحسن
خلصت كل عمري ألطم عالحسين وعالضعن
والعيون امــن الطفوله اعله البوچي اتعودن
يزهراء فــدوه لا تنسيـني
يزهراء ابدفترچ سجليني

****
مانسيت حسين لحظه ولا مصايب كربله
ولا نسيت اليسـروهه وچتفوهه ابسنسله
عمري خلـص بالمجـالس انحـب واتوسله
ردت من عنده الشفاعه والشرف والمنزله
يزهراء ابحبه افدي اسنيني
يزهراء ابدفتــرچ سجلــيني

*
كـون مـا تستقبلــيني ياهـو يقبلــني بعـد
انطردت من رحمة الله وابقه خاسر للابد
فاطمه يرضه الرضاچ الخالق الواحد احد
لا ترديـــني دخيــلچ يمــچ اشعـر بالسعد
يزهراء حبكــــم اينجيني
يزهراء بدفترچ سجليني

**
امــن اذكر امتون السبــايه امـن الظرب صارن زرگ
بيدي اكض زنجيل ولطم على امتوني ابحرگه ادگ
اخ مــن اذكـر رقــــــــــيه اهــواي بالعـبره اختـــنگ
سلبـو منـــهه التراجـــي وبالحـــــبل چفها انشـــبگ
يزهراء كـربله اتبچــــيني
يزهراء ابدفترچ سجليني
*

الخادم
كامل السعيدي

عِلة صوُت المَنابر هَلة بشهر الشَعائر

-------
مدة الفركة طويلة وانحنة منها الضهر
من محرم ذاكة واحنة نحسب اللحظة بشهر
ثنين ملكوا كل عمرنة همة عاشور وصفر
المافهم معنة محرم لايعد روحة بشر

نضل ننزف مشاعر هلة بشهر الشعائر

------
ابلا محرم كل دقيقة تنحسب رحلة عمر
وتنسبي حتة السوالف من يمر طاري اليسر
الحركوا بدلالة خيمة دمعتة تنزل جمر
الينكطع منحر حبيبة راسة لازم ينطبر

نحِن لا مانكابر هلة بشهر الشعائر

___
حسين سالوفة محنة وشيخ ديوان الهلة
عَلة الموعد كلشي حاضر والشهر نستقبلة
فوك كل موكب حسيني بيرغ الغيرة اعتلة
واللطم عدنة وجوبا لو ذكرنة كربلة

حجة دمع النواضر هلة بشهر الشعائر

------
الخدمة هاي اسرار بيها تنحجي لبير العشك
بكربلة صعبة وعجيبة منذبح نحر الصدك
عن حزن زينب دعائي ابد مااريد افترك
الماي كل ماشفتة ابجي وكلبي لازم يختنك

اصيح وكلبي حاير هلة بشهر الشعائر


-------
كل سنة عهدي اكتبة ومااخالف للأبد
ابقة خادم للنهاية هذا مضمون العهد
من الولادة يامحرم حزن الحسين انولد
امي لولتلي مصابة من بعدني بالمهد

عمر للخدمة ناذر هلة بشهر الشعائر

------

سيد معتز الحسيني

#عزيزة_الحسين
جديد محرم ١٤٤٢ هجريه قصيده بعنوان (جبت الماي يابويه)


رقيه انه ياحسين تعنيت الرمحك بالماي
هاك اشرب منه بويه ورد بساعه يا رجواي


من بعد العاشر واصوابه جابوا ماي للاطفال
من واحد لواحد كلهم مدهوشين بهذا الحال
لاجنهه اعزيزة الحسين أخذته ودمعه همال

راحت لحسين تنظره
نادته بدمعه وحسره
يابويه اشرب گطره
جابوا ماي النه يحسين وبسرعه جيتك بهاي

▪️▪️▪️▪️▪️▪️▪️▪️▪️▪️▪️▪️
وصلت والحزن جتال وازغيره حيل اعله الرمح
تگله بويه هاك الماي برد غليلك والجرح
سمعت تنادي عطشان بويه يا وجه الصبح

انزل بويه عن رمحك
بهيده ليلجمك جرحك
وارمال الطف تلفحك
خوفي اعليك بهذا الحال يتأذى جرحك هواي
▪️▪️▪️▪️▪️▪️▪️▪️▪️▪️▪️▪️
مااگدر بعد اوصلك تدريني يابويه زغيره
جبت الماي بايديه بالله اشلون ابهاي الحيره
اشلون الماي يوصلك حرت بويه بتدبيره


اشلون اوصلك يلغالي
والرمح اهوايه عالي
خابت بويه آمالي
وضعك هذا فاجعني وضاگت الدنيه بعيناي
▪️▪️▪️▪️▪️▪️▪️▪️▪️▪️▪️▪️
توجهت لحامل رمحك وانخيته بدمع الجاري
ارحم حيرتي ويتمي ولتزود قهري وناري
والدي عطشان هواي ومحتاره بيه افكاري

اديه تعبت من الشيل
ارحم دموعي التسيل
وراسه فوگ الرمح يميل
يالظالم جبتله الماي ومن شفتك زادت بلواي
▪️▪️▪️▪️▪️▪️▪️▪️▪️▪️▪️▪️
نادتني زينب بالاه رجعي ياطفلة الحسين
هذا الظالم يفرح حيل لو شاهد دموع العين
من خذتي الماي من ايدي ظنيتج منه اتشربين

لاجن ياحيف وحسره
عشيتنه صارت مره
بجيتي حتى الزهره
ومن شفتج انه ابهالحال شبت نار بوسط اجلاي


تمت بعون الله تعالى
خادمة الزهراء / ليلى زغيب




الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

قصيده لستشهاد الامام الجواد ع



ماكو ليله   تمر عليه
بلايه دمعه   ولااذيه

فاطمه   فاطمه   آنه الزجيه
...............

اجروح گلبي هواي مايحصل مثلهه
الياوكت دمعاتي فوك الخد اهلهه
وعالجواد الليله ذابت روحي كلهه
ليش ولدي اتحلل الوادم چتلهه

شنهو ذنبي    لو ذنبهم
كلبي ذايب    آنه امهم

فاطمه    فاطمه    آنه الزجيه
.............. 

بدو بيه وضل اثر جف اعله خدي
والله ضلموني واحير منين ابدي
الحاربوني ووكفو اعله الباب ضدي
ضلعي ماكفه ويّردون اعله  ولدي 

سمموهم      ذبحوهم
ياحسرتي     مارعوهم

فاطمه     فاطمه      آنه الزجيه
..............

للجواد أتعنه بحزاني وأكصده
بهل فجيعه ابني لا مايضل وحده
ارد اشوفه شلون بالسم ذاب جبده
وعلى صطح الدار ضل ايواسي جده

صوته اسمعه     الريح جابه
ينادي يالطف      ومصابه

فاطمه     فاطمه        آنه الزجيه
...............

آخذ آلآمي وكسرتي بهل مسيه
وبهضم وبنوح انصبله العزيه 
محني ضهري وعالضلع خليت اديه
الزهره اني الليله برض الكاضميه

من وصلته    ماعرفته
وجهه ذابل    ابني شفته

فاطمه     فاطمه      آنه الزجيه 
................

كل نفس اتنفسه يلجمني صدري
ماتهنيت بحياتي وضاع عمري
الدنيه ماترحم ولا انصفني دهري
يمته من هاي المصايب يبره كسري

ياهضيمه    عالغوالي
وبفكدهم     هذا حالي

فاطمه      فاطمه       آنه الزجيه
................

ابد مامرتاحه روحي وناري تسعر
وللمجالس بالدمع والونه احضر
واليواسيني بدمعته گلبي ينسر
وافكد الخادم اذا عني تاخر


اني انضر      للخدمنه
واسمه يمي   وارضه عنه

فاطمه      فاطمه        آنه الزجيه




#محمد هادي العقابي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء