أوگف
خل انصوّر صوره ..
يلا شباب اتجمعو بسرعه
و واحد يتْنَشَّد بالثاني
شكلي اشلونه ؟ امبينه أحزاني ؟
ثوب الأسود لبسو كلهم
متحزمين لزينب كلهم
تعبانين بلون الفزعه
من سمعو هل شهر الدمعه
بدو الخدام بموكبهم
گالو نبدي بهاي الفكره
انعلگ رايه بلون النيّه للمهدي و لحسين ؟ الحمره .
متحزمين اندگ اگلــوب اعله الحيطان
و من نتعب صحنه بدمعتنه يا بو فلان
لو حمزه اتشغّل كاسيته لو ؟
خل نسمع عبد الزهره
حتى نحس موجوده الزهره .
و اليكنِس حِصران الموكب تكريمه
منْ حقّـه ؟
يتــخيل گاعــد بالخيمه
نعلگ ضوه أحمر لـ العاشر
بلون ادموع الي (مو غايب) لا بَل (حاضِر)
و نسوي تشابيه و جثّه
ونكتب يمها بكسرة خاطر :
(ممنوع ايسحگچ أي حافر)

و للاخير ..
الشاعر حاتم صبري الكاظمي

محرم هل وجتنه أيام الأحـــزان
خل نبچي ونون عالمات عطشان

تصب العين دمعات .. على الراحن سبيات
محرم .. محرم
..........

الثوب الأسود خل نحضره وصلت أيام الدمع
من يهل شهر المحرم گلب زينب ينفجـــــــــع
الحره من يرحون أهلها حيره تبقى بيا وضع
باچر اخيام العقيله تحترگ مثل الشمــــــــــع

لا كافلها ضل ولاكو رايــــــــه
صفت محتاره زينب بالسبايه

بگلبها شگد معانات .. على الراحن سبيات
محرم .. محرم
..........

كربله وعاشر محرم احنه ما ننساها ابــــــد
يا مصيبة شچان ذنبه نذبح حتى البالمهـــد
حسين ضل ميمونه يصهل للمخيم خالي رد
أصبحت زينب غريبة اخو ما ضل لا ولــــــد

راحوا كل أهلها بزينب شلــــــون
ما ضل عدها بس دمعات العيون

حزنها يفكها هيهات .. على الراحن سبيات
محرم .. محرم
..........

آه يحسين ومصابه مثله ما صار وجــــــره
عياله بالبر اتراكض والخيام موجــــــــــــره
الشمر گاعد فوگ صدره ويلي ويحز منحره
فوگ هذا الصار كله من يده گطعو خنصره

زينب عالتراب تشوفه نايـــــم
ما ضل شي بعد بحسين سالم

تشوف بعينه نضرات .. على الراحن سبيات
محرم .. محرم
..........

حيره محتاره بوضعها زينب بذاك المحـــل
حسين ماكوا يفزعلها و ماكوا عباس الكفل
عينها تصد عالمخيم شافته بنار اشتعــــــل
للسبي رايح ضعنها عدها ما ضل كل أمـــل

تصد زينب تشاهد روس اهلها
الشمر حاديها من بعد الكفلهــا

تون كل المسافات .. على الراحن سبيات
محرم .. محرم
..........

كون مو لجلك عليمن روحي أعلمها الونيـن
هو بس انت بحياتي انا مثلك الگه ويــــــن
العين اذا ما تبچي لجلك ابد ما اسميها عين
يا ابو ارقيه وحياتك ما شفت مثلك حنيــن

عليك أبعد ولا تزعل عليــــــه
من اطيح بشده ابد مترد إديه

دوم بروحي آهات .. على الراحن سبيات
محرم .. محرم
..........






✍حسين الفيصلي

سلام الله على ادمـــــــوع العقيله
وسلام اعله الخـــــدر ذاك وكفيله
الناس امتانيه العيد
وضعنها كافــل إيريد
يـــرد الخـــيل عنها وتشتكيله
سلام الله على ادموع العقيله


ها يهلال عيد الله
جرح لأم الحجر فزيت
محرّم شافته ابرمضان
گلي ابيا وجه هليت
طبرو راس حيدرها
واتهدم عليها البيت
غيب وأخذ كلشي إوياك
اشتاخذ أصلا اشخليت
غيب ولاتهــــل يهلال الأحـــزان
يتيمه أم العفاف ابعيد رمضان
اللطم والدمعه شتفيد
وضعنها كافــــل ايريد
يرد الخيــــل عنها وتشتكيله
سلام الله على ادموع العقيله


ياعيد إرحل اشتلگه
ابگلب شايل هضيمة باب
وجدم مل من الامراكض
بين الباب والمحراب
وجفن غطاه رماد اخيام
وصدر يتنفس العطاب
واخت من مملكة عباس
تروح لخربة وي سلاب
سلام الله على اخيام الغريبه
وعلى ضيعة دلالچ والنصيبه
الجريب ايوصي الابعيد
وضعنها كافــــل ايريد
يرد الخيـــــل عنها وتشتكيله
سلام الله على ادموع العقيله


بعده ايهل جفنها ادموم
وجرح واليهه بعده أخضر
شيطيّب جرح محراب
وشيهون فگد حيدر
ولو نفرض فرض ياناس
كسر والدهه يتجبر
شيطيّب جرح عطشان
ثلاث أيام ظل بالبر
إذا طاب الجرح يترك علامـــه
أشلون البات مجروح ابخيامه
اجيت اعله المواعيد
وضعنها كافــــل ايريد
يرد الخيل عنها وتشتكيله
سلام الله على ادموع العقيله


صمنا اعله الفرح ياعيد
وصرنه نسلتذ بالهم
وفطرنا اعله اللطم والآه
حين الصاح إبن حذلم
لا فرحت عيون الناس
وابو اليمه يغسله الدم
إبگلبنه النار لو تخمد
اشيخمد نار المخيم
انخلقنه انواسي دمعات الزجيه
ونظـــل انادي يادمعـــة رقيــــه
آه يا فگد الاعضيد
وضعنها كافــــل ايريد
يرد الخيـــــل عنها وتشتكيله
سلام الله على ادموع العقيله


تهل لو ماتهل يهلال
كل ليله لطم عدنه
مصايب كربلا وعاشور
نستنه مصايبنه
كل خادم فده لحسين
عمره وعمر أخوه وابنه
ولا ينزع ثياب السود
وعلى ألطف مايكف حزنه
الفرح لأهل الفرح والنه المصيبه
احاجي ابگلبي الاينوح لحبيبه
هيد.. ايگلي ما اهيد
وضعنها كافــــل ايريد
يرد الخيل عنها وتشتكيله
سلام الله على ادموع العقيله

بأبِي أنْتَ اْو اُمِّي و اهْلي ..
اْو نفسي اْو مالي اْو اُسْرِتي
رافِع راسي اوْياك ابْـ ذِلّي ..
او جابر گلبي ابْكَسْرِتي

يمْرَبِّيني .. مو تدريني
ما عندي غيرك يحسين !

ـــــــــــــــــ
نابت عظمي ابخيرك .. حاشه لغيرك ..
يا مولاي انطي الوَجِه

و آنه ابلا هالخِدمه .. مثل الأعْـمه ..
ضايع لاوين اتِّجِه ؟


حسين .. يقصّة عِـشگي
حسين .. يحُبّـي الصِدگي
حسين .. الـ مَيشتاگ اينوح اعْله امصابك لا ياخذ دور المشتاگ !

حسين .. تره الما يِهوَه
حسين .. حياته شتسوه ؟
حسين .. او تره الما مَچْوي ابنار اخيامك ما محسوب اعْله العِشّاگ ..


مسكين الما ضايگ مِلحَك ..
عاش الدِّنيه ابلا طعَم
و الما عاشَـر لَچمة جَرْحَك ..
إنسان اْبْجَـوَّا صَنَم !

و اليشهد لك .. كون ايگلّك :
ما عندي غيرك يحسين !

ـــــــــــــــــ

عايش حِزْن اسْنيني .. بيني اْو بيني ..
شِلِّي ابْغيري اشْيْعتِقِد !؟

حابِس ناري ابْصدري .. اْو كاتِم سِرْي ..
خايف أحچِيهْ و أنْحِسِد !


حُسين .. يهـالذابحني !
حُسين .. الدّمع فاضحني
حُسين .. الـ ميِعْرف يقراني امن اعيوني ما يفهم سرّي المكتوم

حُسين .. غرامك حيره
حُسين .. صعُب تفسيره
حُسين .. أنا الملچوم او ما يفهمني بس اللي مثلي ملچوم


كون اشْلَع گلبي امْن اِضلوعي ..
و اگطَع نسمة رِيّـتـي
لاچِن خَلْف الله اِعْله اِدموعي ..
خلّت مَعنىٰ لْدِنْـيِـتي

حِن اعْليَّه .. تِعلَم بيّه
ما عندي غيرك يحسين !

ـــــــــــــــ

هاذي الدنيا ساعه .. اْو كون ابْطاعه ..
تخلص أيّام العمُر
ما أعلَم شي أكمل .. و أحسنَ و أفضل ..
من دمعي اْو أكثر أجُر

حسين .. ثجيله اذنوبي
حسين .. العفو مطلوبي
حسين .. دِخِيلك يا مولاي او باچر يوم المحشر بالله اْو بيك

حسين .. أمَل ما ليّه
حسين .. سوَه اللّطميّه
سبِع وديان اجهنّم تطفه ابـ دمعاتي من أبچي اعليك



لا أولادي اْو لا أموالي .. اِيْـنِـفعوني ابيوم الحشُر
اْو شيْـبَـيِّـض دفتر أعمالي .. لو ما لطْمي اعْله الصدُر ؟
يوم المحشر .. عند المَعبَر
ما عندي غيرك يحسين !


____

| بأبي أنت و أمي |
ميرزا عادل أشكناني
٨ / ٢٠١٩
"الكويت"

https://tttttt.me/mirza_adel_ashkanani

في بداية محرم كان لانبياء الله دور في خدمة الحسين وهم في الفردوس الاعلى

بمثل هليله دار .. حديث الانبياء
نبي يگل لنبي .. گرب شهر العزاء
مدد ياكربلاء .. مدد ياكربلاء
؟********
ابمثل هاي الليالي يعتلي صوت الونين
بين دمع الانبياء وبين دمع الصالحين
التفت آدم لولده گلهم وگلبه حزين
ادعوا لله بالزچيه نصير خدام الحسين

والخدامه شرف ما تنوله الهملته
هوه اليريده الحسين يوفقه لخدمته
صفي نيتك يالتريد تشملك رحمته
والله لو كلبك ابيض يمدلك يمنته

يهنياله الذي ... اله المجلس وطن
اليخدمه بهالشهر ... تباوعله ام حسن
الفلا فوت عزاء ... مدد ياكربلاء
؟******************
نكتبت ادورار الخدامه وكل نبي ياخذ اجر
بالحداد الجنه سوده بس الدموع الحمر
بهليالي الجزع الواجب يعني مكروه الصبر
كل نبي ساكن خرابه بجنته وعاف القصر

والمواكب بنوها نبي يساعد نبي
هذا ينصبله خيمه ويوزع بالعبي
جنه الله للطفوف تجي بهيئة سبي
تصرخ دخيلك انه يتل الزينبي

وابهالسنه الجنان .. مدامع هامله
سبي بالاربعين ... تروح لكربله
وتنادي الانبياء ... مدد ياكربلاء
؟**************
كام نوح ودمعه احمر من جفن عينه نسچب
مهنتي كال النجاره وعندي ياربي طلب
منبر ارد اصنعلي لكن مو بسامير وخشب
ارد اسويه من زمرد يا الهي ومن ذهب

وهالخدامه انه ادريها حسن الخاتمه
ابمحمد يربي وعلي حامي الحمه
منبر حسين انه ادري تكرم خادمه
بلا بسامير اريده كرامه لفاطمه

انه ادري فاطمه .... تهل يمه الدمع
بلا بسمار اخاف .... يأذيها الضلع
بحق ذيج الدماء ... مدد ياكربلاء
؟*************
صاح موسى وعينه تجري بس طلب واحد الي
بعصتي اشطر الكوثر من رخصتك ياعلي
ارد اوزعه يا الهي انه واولادي وهلي
اشرب واذكر حسينك صوتي هذا يعتلي

وبعطش طفله كلبي بعد ما يحتمل
طفل عبد الله ومصابه مو مالت طفل
شنهو ذنبه يعالم يحز نحره النبل
يالتشربون اذكروا الروه بدمه اليهل

شعظم ذنبك يماي ... اميرك ما روه
وخذت من الحسين ... زند راعي اللوه
خذت رمز الوفاء .... مدد ياكربلاء
؟**************
اكتمل تحضير مجلس مركزي وعنه انعلن
تقيمه هيئة انبياء الله في جنه عدن
وبحظور النبي وحيدر والحسن وام الحسن
يُرجى من كلمن يعزي لو حظر لابس جفن

ويرتقى المنبر هناكه بجنان الخلد
ملا حمزه الزغير يهالعالم يرد
والزجيه الكلبها عله ابنها منمرد
لو قره محلى الوداع تناديله اعد

وتناديله عليك .... دمه ذاك الوريد
يحمزه ام الحسن ... اهز مهدك تريد
تزيدلنه البكاء ... مدد ياكربلاء
؟****************
بالارض لو صار مجلس تعتني املاك السمه
وي محمد والزجيه وحيدره حامي الحمه
عين كلبك بيها راقب يالدمعتك ساجمه
عادةً بالباب تكعد تنعى ابنها فاطمه

يعني ابو صالح وياها يهمل دمعته
يابو الاكبر ينادي ويذب عمامته
اباله يتصور الخيل اجتي وسحكته
برمحه راسه وعله اخته يصد بنظرته

لهسه بهالمصاب ... عجب ينبض كلب
يشوف ام الحجاب ... سبي ترافگ غرب

عگب ذاك الخباء ... مدد ياكربلاء

منتظر الجنابي

💠شور ||شال ايده حسرة||💠

🎙#يوسف_صوفان

▪️ياجعفر ابن محمد الصادق▪️
@youssefsoufan

💠شور ||والله مشتاگ لضريحك||

🎙#يوسف_صوفان

📝الشاعر محمد حسن ضيغم
💐السلام عليك يا شمس الشموس💐
@youssefsoufan

أذن اذآن الاحزان عاشور اجه عالابواب
يافاطمة إحسينچ مات والخيمه صارت عطاب
ــــــــــــــــــــــــــــــــــــــ
أشهدُ أنَّ حُسيناً ذبيحُ كربلاء
أشهدُ أنَّ حُسيناً سليبٌ بالعراء
أشهدُ لمّا رأتهُ عزيزةُ السماء
إن كانَ يُرضيكَ قالت فخُذ كما تشاء

حيّ على العزاء
حيّ على البُكاء

زينب عله التل واتصيح والحومه مليانه رگاب
يافاطمة إحسينچ مات والخيمه صارت عطاب
ــــــــــــــــــــــــــــــــــــــ
رأسُ على رأسِ رمحٍ خضيبُ اللحيّتي
وفي الوريدُ دماءٍ كنَهرِ الجَنّتي
حيّ على دمعُ زينبْ ولطمُ الجَبهتي
هيّا نَشقُ العوالي بِضربِ القامتي

قد قامت الصلاةْ
صلاةُ التَعزيات

تفرح اجفوف الخدام طاري اللطم من ينجاب
يافاطمة إحسينچ مات والخيمه صارت عطاب
ــــــــــــــــــــــــــــــــــــــ
كانَ الأمانُ قريباً فمُذ غابَ القَمر
أشرقَ صيوانُ زينبْ شِراراً وأنتَثر
فأينما تمشي زينبْ لها السوطُ ظَهر
ذاكَ يسبُ أبيها وذا يرمي الحَجر

فأحتارتِ النِساء
بالسِتر والحَياء

خل توگع السموات ولا منهن ايطيح الحجاب
يافاطمة إحسينچ مات والخيمه صارت عطاب
ــــــــــــــــــــــــــــــــــــــ
راياتُنا للمُرمَل حَصيرا وكَفن
ودمعُنا للرضيعِ كَماءِ ولَبن
أشهدُ أن المجالس لنا صارت وَطن
ورايةُ الثارِ حمراءُ ياأبنَ الحسن

والرايةُ السوداء
في كلِ عاشوراء

مصبوغه برماد اخيام واشويه من لون الباب
يافاطمة إحسينچ مات والخيمه صارت عطاب
ــــــــــــــــــــــــــــــــــــــ
لَو نوديَ في السماءِ آتى محرمُ
توضأُ في الدموعِ وضوءَ المُغرمُ
وأذكُرو المقتولَ ذِكَراً كَثيراً والطمُ
صلَو صلاةَ المجانينَ ثمَّ سَلِمُ

مُذْ يُنشرُ الرِداء
يَقطُرُ بالدِماء

آدم يجي أيوزع ماي ونوح النبي يرجع شاب
يافاطمة إحسينچ مات والخيمه صارت عطاب
ــــــــــــــــــــــــــــــــــــــ
كَمْ قاسمٌ راحَ مِنا ونَجلٌ أكبَري
قد شيّعوهُ بلبيّك يأبنَ العسكري
من كربلاءُ أخذنا ومِن وادي الغري
عزمٌ حُسيني ثُمَّ وفاءٌ حيدري

فلتَحيّاْ كربلاء
إنشودةِ السماء

موحشد واحد حشدين والمهدي حاضر ماغاب
يافاطمة إحسينچ مات والخيمه صارت عطاب


محمد الجماسي

محرم نفسه باقي وموش بالكيف
الشعاير يمته عَگده وصعبه حلها

مو بيـدك وبيــدي وداعت حسين
يم الله والمهــدي الشغـــله كلـها

ولا محلــوله لجــل إعيونّه السود
لخاطــر ذيچــه إلـ تغيـير شكلها

زينــب والمجــالس مثــل إلجبال
أول تـــــالي إلـ قـــــرايه نِذِلهـا

وشنو الزهره تجي ماتلگه عاشـور
هـوّه الله خـــلق كــون إلـ أجـلها

السَنَه چلمة محرم. بيها حرفين
كــاف و نــون الله إيحــط قبلـها

إطمئنوا وحضّروا النيّـات والنــوح
شعايرنه اعلــه ماهيّــه ومثـــلها

دام الزهـــره يم البـــاب ترتــاح
البـــوب امفتحــــه إلهــا ولـهلها

#باچر_إترد_عامْرَه

#قصیده_لاستقبال_محرم


إمعاتب عشگ بین العیـن
یادمعه تنــزل لحسیــن
وچم آه تکســر خاطر


بیدی إعله صدری امن اطبع
کــــل هـــاذه بس ما یقـنع
راید یدگ ابحافــر


فــرض إدموع إخیـام
و صلتــهـــن الخـــدام


ــــــــــــــــــــــــــــ

دمعتی التوابه بیه إســـتغــفرت علــوجنه

وإشتـراهه إحسین چسوه إنطـاها لأهل الجنه

إحنه ناس المنهل الله إتعیش بیــنه الـونه

هیه بـس های الدموع العــدنه والــماعدنه


الله الخلقنه إبهل الون
لو بعد منطینه اعیـون
ونبچی إعلی ظیم العـاشر

بیدی إعله صدری امن اطبع
کــــل هـــاذه بس ما یقـنع
راید یدگ ابحافــر

إتطیح الدموع إیتام
وصلتــهن الخــدام

ـــــــــــــــــــــــــــــــ

إلدیـن شـدحیـله وتنخـه وینهه أهل الفزعه

والف هنـیاله الیبیـن روحــه یم البضــعه

صوت من گلب المجالس وکلهه خل اتسمعه

رایـده طـلاب حـوزة آیــت الله الــدمعه


إهـنـا یبـیـن الـزلمه
من یسـتهم بلخـدمه
وبلحـب دلیله حایر

بیدی إعله صدری امن اطبع
کــــل هـــاذه بس ما یقـنع
راید یدگ ابحافــر

واجـروحه تنـزف شام
وصلتــهن الخـدام


ــــــــــــــــــــــــــــــــ

احنه ناس الفـرح ویـن الحـزن لایگ بینه

واحنه حبیـنه الحسین ومن صدگ حبینه

الله کل خادم حسین ابیـوم یخـلق طینه

جاب من دمعــة وخله منهه إبعـــینه


إنعیــــش مثل الشمعه
إعلیٰ الله وعله هـــلدمعه
وانــعاشر إلــمنابــر

بیدی إعله صدری امن اطبع
کــــل هـــاذه بس ما یقـنع
راید یدگ ابحافــر

نلطــم ندگ عـــلهام
وصلتهــن الخـــدام

ــــــــــــــــــــــــــــــــ

تعمه عیـن العلیٰ زینب مابـچت لو ناشفه

شنهی مایدری إختـمن هایه علــتل واگــفه؟

های بنت إحیود هاشم عیب أگـولن خـایفه

های زینب علهـزل؟ العفـــو های الــــطایفه


تمــشی وإتعــاین للناس
بلکت إجــاها العبــاس
وایردهه لا تسافـر

بیدی إعله صدری امن اطبع
کــــل هـــاذه بس ما یقـنع
راید یدگ ابحافــر

وراس الاخــو جدام
وصـلتهن الخــدام

ــــــــــــــــــــــــــــــــــــ

#عبد_الرباب
#احمـد_الصخراوی

https://telegram.me/ninve

وكأنه بالأمس فقط كنا ننتظر شوقا قدوم شهر محرم.. وكنا نتسارع شوقا وحبا في خدمتك يا ابا عبدالله .. وبعد شهري العزاء كل ما نتمناه ان تكون أمنا الزهراء (ع) راضيةً عنا وان لا نكون قد قصرنا في مجالس العزاء #يا_ابا_عبدالله

يا عِشِگْنَه كِلْ أَمَلْنَه نِرْتِجِي مِنَّكْ زِيارَه
وِالْيِزُورَكْ بِالرِّوايَه بِالْعَرِشْ چَنْ الله زارَه
كَرْبَلَه كَرْبَلَه مَحْلَه إسِمْهَه
يَمْتَه يَمْ تُرْبِتَكْ نُوصَلْ نِشِمْهَه
وِبْعَتْبِتَكْ نِجْرِي الْعَبْرَه
وِبْحَضْرِتَكْ نِنْعَه الزَّهْرَه
يا مَظْلُومْ...يا مَظْلُومْ...

أرْبَعِينَكْ هَلْ عَلِينَه الله لا يِحْرُمْنَه مِنَّكْ
يَمْتَه نِمْشِي وِالْمَواكِبْ بِالدَّمِعْ بَسْ تِحْچِي عَنَّكْ
يا گَمَرْ هاشِمْ طَلَبْ بِسْمِ الْعَقِيلَه
تِأْذَنِ الْنَه نِزُورَه وْنِعْتِنِيلَه
يا با الْفَضِلْ تِعْلَمْ بِينَه
طالِ الْبُعُدْ وِاشْتاگِينَه
يا مَظْلُومْ...يا مَظْلُومْ...

كِلْ مُحَرَّمْ بِالْمَجالِسْ نِعْصُرِ الرُّوحِ لْمُصابَكْ
ماكُو عِدْنَه تِدْرِي أغْلَى مِنْ نِواعِينَه لْعَذابَكْ
نِحْسِبِ شْباقِي شْمُضَه لْساعَةْ لِقاءَكْ
غايَةِ الْعاشِگْ يَغَالِي كَرْبَلاءَكْ
لُو تِبْعِدْنَه نْمُوتِ بْهَمْنَه
حُبَّكِ الطَّاهِرْ جَنَّنَه
يا مَظْلُومْ...يا مَظْلُومْ...

[ ياسيدي العطشان ]
سيد مجيد بني فاطمة
.
https://youtu.be/2LZwzOuyqt0
.
مونتاج#مهدي_مزرعة
انتاج#أسفار_الغدير
‏Asfar alghdeer ©️2019

أبيات نعي
أستقبال هلال شهر محرم
وقدوم الزهراء لمجالس
الحسين عليه السلام
..................
يا شيعة علي يا جعفريه
هل أهلال حزن الغاضريه
حضرو أدموعكم نصبو العزيه
كومو أستقبلو الزهره الزجيه
......................
اجت من المدينه أم الحسين
كلبها أمنالحزن مجسوم نصين
تدور بالمجالس دمعة العين
عزوها أبمدامعكم يطيبين
.....................
كومو أستقبلوها أبالطم الصدور
أو عزوها أبمصاب أهلال عاشور
مأجور البجه واللطم مئجور
ولكم بالحشر هالأجر مذخور
.................
خادم أهل البيت
الشاعر : أسماعيل الجوراني
السبت : 31/8/2019


https://tttttt.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

*دعاء الامام الحجة عج بشهر محرم* / لحن الجفيري♪
المضطّر يا ربي بدعاء
بأمّن يجيب لي النداء
بدم القتيل بكربلاء
ياربي عجّل لي الامر
〰〰〰〰
يوميه عيني تهل دمع
ابكي على كسر الضلع
وانت لدعائي تستمع
ياربي عجّل لي الامر
〰〰〰〰
انشر قميص المنذبح
كم طعنه بيه وكم جرح
ادعي المسيه وكل صبح
ياربي عجّل لي الامر
〰〰〰〰
ابكي على مصاب الغريب
عالغبره مطروح وسليب
اقسم بدم نحره الخضيب
ياربي عجّل لي الامر
〰〰〰〰
انصب عزا بشهر الدمع
اجزع والطم عالضلع
وصيحة بكائي ترتفع
ياربي عجّل لي الامر
*اللهم عجل لوليك الفرج*
خادمة آل محمد ✍🏻