خالي كاروكك واهزه – وترسته الدمعة
صوتك البذني يناغي – بعد ما سمعة
يبني عبد الله – يبني عبدالله
,,,,,,,,,,,,,,,,,,,,,,,,,,,,,,,1
افز من صوتك ﭼنت لو طال نومي
وي صلات الليل انته اتكلي ﮔومي
بوجهي اشوفك تبتسم ترحل هموي
شكثر ﭼنت وياك اسولف اﮔضي يومي

بالكماط امسح عيوني – ودمعتي التجري
من بعد عمرك يغالي – ماردت عمري
يبني عبد الله – يبني عبدالله
,,,,,,,,,,,,,,,,,,,,,,,,,,,,2
السهم صوب نحرك العطشان شفته
وانته شفتك مبتسم قصدك عرفته
رحت حضن الزهره يوليدي شبكته
ﭼانت اتناغيلك وتتبسم انته

لسه ضل احمر قميصك - ناﮔـع بدمك
ياطفل صبه انظرك – ارحم ابأمك
يبني عبد الله – يبني عبدالله
,,,,,,,,,,,,,,,,,,,,,,,,,,,,3
اعله الرمح يوليدي راسك رغم صغره
شمس تحرك خدك انظر وابجي حسره
طفل وخيول الاعادي اتدوس اصدره
جسمك شضل بيه والحافر يطبره

صدر عبد الله ترضرض – من حوافرهم
مثل ابوه حسين ضامي – وسلبوه كلهم
يبني عبد الله – يبني عبدالله
,,,,,,,,,,,,,,,,,,,,,,,,,,,,4
الـﮔبر ظلمه عليك وانت تخاف وحدك
من تفز بلليل من غيري يسكتك
ودي يم ﮔبرك انام ولو سمعتك
تبجي افك باب الـﮔبر وامسح دمعتك

شما غفيت اسمع ونينك – بالـﮔبر تبـﭼـي
افز ما الكاك يمي – ودمعي ضل يحجي
يبني عبد الله – يبني عبدالله
,,,,,,,,,,,,,,,,,,,,,,,,,,,,5
ﭼنت شمعة بغرفتي اتضويلي ليلي
وياك يبني بكربلة دفنوا دليلي
ماعفتني وضل خيالك يعتنيلي
تمسح ادموعي احسك من تجيلي

ارده اشوفك يبني ماكو – ابمنحرك نبله
لاتجيني ونحرك احمر – دمعي ما اهله
يبني عبد الله – يبني عبدالله
,,,,,,,,,,,,,,,,,,,,,,,,,,,,6
ماشربت الماي انته شلون اشربه
يبني ماي اطوني اشرب دمعي اصبه
نار صرت الماي من بعدك احسبه
ماي اشرب وانته ضامي عليه صعبه

يبني اغص بسهم نحرك – احس صوبني
اختنك بالماي بعدك – ضل يعذبني
يبني عبد الله – يبني عبدالله
,,,,,,,,,,,,,,,,,,,,,,,,,,,,



#حيدرموسى الرميثي

*[ درس المجالس ]*

أداء: الملا #علي_الوائلي_الكربلائي
كلمات: الشاعر #سيف_الجناحي

https://youtu.be/4lxGMX6M46s

مجالس شهر شوال لسنة 1441 هـ - 2020 م
ليالي استشهاد موﻻنا زعيم المذهب الجعفري شيخ الأئمة الإمام جعفر بن محمد الصادق صلوات الله عليه
هيئة مدد يا مهدي عجل الله فرجه - العراق بغداد

مونتاج: مجتبى العتابي
مكساج: كرار الموالي
اخراج: علي اللامي
مخطوطة: محمد فاضل
تنفيذ:ايليا للانتاج الحسيني
النشر الشبكي: علاء بركات العاملي

قصيدة لاستشهاد مولاي الجواد ع

بالصحن اشكيلك .. يالجواد دخيلك
___
داخل اعله الله وعليك وبالصحن واكف ترة
حطني خادم بالعزاء عليك سبع الگنطرة
جاينه امحرم عمامك والحزن لازم سرة
گمت اشم ريحة خيام امحرگّة وركضة،مرة

گاعد وابچيلك .. يالجواد دخيلك
_____
اعليك ابو سبعة مناير اترس اعيوني دمع
حتى اغرگ الدنيا كلها من يذكرون الضلع
بعد شهر ونص اسمعة يطفة بالخيمة الشمع
موش خيط بهالسهولة حسين راسة،ينگطع

هذا ضيمي احچيلك .. يالجواد دخيلك
_____
اعليك كل زاير اجاك وعايف الدنيا وراه
لملم اللچمات بية بلكي اموتن نص عزاه
يمشي ع الخنصر يدور گلبي يومية بضماه
مالت الله الناس تحچي وگالو شماله وشجاه

اتگلي شيسويلك .. يالجواد دخيلك
_______
وانه گلتلهم امامي سيد وعده بخت
العده طلبه يذبها يمة گبل ليذبها انگضت
جيتك وطلباتي بيدي وعيني ع الگاع انچفت
ع الخواصر شدلي وصلة خل ارد الزامطت

خادم وماشيلك .. يالجواد دخيلك
______
اشوه سالفتك خفيفة من متت فوگ السطح
حسين صدرة انسحگ ضلعة وراسة راكب ع للرمح
اعليك فرفاحة اطفالة اعليك لجمة كل جرح
من يجي امحرم اريدن اسهر اخدم للصبح

گلي گواه حيلك .. يالجواد دخيلك
__________
مامش اعلوگة اعله بابك ما عفتها ابلاية شد
داخل بديوان بختك والدمع بخدودي هد
حزّم اخواصر جبيلك والتعب ماريدة حد
وحدر شعري الوصلة اشدها خيمة ويشدها الوتد

حطني شمعة بليلك .. يالجواد دخيلك
_____
#علي هادي الخزعلي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

شنهي عمري ابلا مجالس
رحمه اسمي صار عابـس

نسمتي ابخنـگـتي اتنفسك
نعـمـتي بدنــيــتي مجلسك


بالهـــوى المـــغرب أشــمك واعتنـيك بـروحي
وانته تنسه اجروح جسمك تلـتـهي بجـروحي
راحـــتي كـــلها بظــريحك ياظحكتي ونوحي
كل حزن شفته عله وجهي بااتجاهك يوحــي


حـرگه عنــدي مــن خـيامك
كبـرتـني ابـــســد مقــامــك

شمعـتي بوحـشـتي اتلمسك
نعـمـتي بدنــيــتي مجــلسك

عيــشتــني بــخير دمـــك يالرسمت احـلامي
والله ما أنـــدل طريـــقي وانـــته مـو گدامي
ايامي كلها بدون لـــذه وتنــحسب أوهـامــي
الله لو أگــــضــيها مجلس ياحــــلات ايــامي

محله عمري ابنص عزائك
دلـلـتـــنـي ابـفي ردائــك

لوعتي وحســـرتي اتــقدسك
نعـمـتي بدنــيــتي مجــلس


بــالـــطـم لولـتـلـي امــي وبـنـعـي اتــناغيـلي
وحته مو خرخاشه چانت چنت احب زنجيلي
چـنت احس عبــدالله يمي بالمهــد يشـكــيلي
ربــي يـرزقــني بخدمـتك امــي من تدعــيلي

تدعي امي كون اخـدمـك
وانه شسمي لوله أسـمـك

كنـيـتي منيتي عابسك
نعمـتي بدنيتي عابسك



اشكرك گـدما رقيـــة اتصـــيح بويه امـتوني
اشكـــرك گــد العلــيله ابكـلــمــة الأخــذونـي
يالفگدت عيون اخوك اشلون اظحي عيـوني
امنيتي لو احمي ظلـوعك وانه اليسحگـوني

ريته صدري يحـمـي صدرك
وفدوه نحري - يــبقه نـحرك

ابغــيرتي ابوگفـتي حارسك
نعمــتي بدنـيـتي مجلسك


هايــم بعشــگ المــواكب والــطم من يومـي
وكالطفل من يشتروله چنت احضر اهدومي
ياهو مثــلك ياحبيبي ياصحــوتي ونـــومي
اشما يزيد الهم عليه بحزنه يمحي اهمـومي


ياهـو مثـلـك من اجـيـلـه
فوگ هـمه الــهم يشــيله

ضيعــتي وغربتي محبسك
نعـــمـتي بــدنيتي مجلسك


#لـ الخادم حيدر العماري
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

مختنگ من الحنين
ارد ازورك ياحسين

يا ابا عبدالله يا ابا عبدالله
........

والله طك كلبي الضريحك ارد اشمك يالحنين
حسره صارت يابو اليمه اتمشه بين الحرمين

وادعي واطلب امرادي
ونكعد انه واولادي
نلتم ليلة الجمعه .. هله بخطاري تنادي

يا ابا عبدالله يا ابا عبدالله
.......

راحت النعمه الجبيره وجنه ماندريهه
حسين نعمه من الله جان وللخلگ منطيهه

جانت شوفتك نعمه
اخلافك هل نظر يعمه
الحلوه البيك من انزور
ماتنمل يبو اليمه

يا ابا عبدالله يا ابا عبدالله

.......

راحت ايام المجالس راحت ايام الهنه
من كثر مابيهه اذكرك جنت ماحس بالسنه

عليك شمازدت نوحي
وحگ شيبك ترد روحي
اجي المجلسك كلي جروح
اطلع ماهن اجروحي

يا ابا عبدالله يا ابا عبدالله
.......

حسين مد ايدك علينه طول اعلينه الوباء
كلشي كلي ولا تكلي ماكو مشايه وعزاء

ماريد اسمع حجايه
مامش هل سنه اقرايه
اموت ومايدير الحول
اذا ماروح مشايه

يا ابا عبدالله يا ابا عبدالله
.......

وخاف ما اطلع واجيلك مشي بواحد من صفر
احسب احساب الوفاتي كبل لا يكضي الشهر

ليليه امي تدعيلك
خلي اوليدي يمشيلك
غيرك محد ايحلهه
ظلت يمك ادخيلك

ياابا عبدالله يا ابا عبدالله
......

#الخادم موسى البطلي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

محرم محرم قادم قادم
0000000
هذا اجه شهر الدمع لبي زينب تنفجع
حسين راسه ينكطع بهل شهر ياويلي

ادعي يوميه الفجر كون أضل طول العمر
خادم لام الخدر وهيه التشد حيلي

محرم محرم قادم قادم
0000000000
لليالي القادمه الخدم كلها محزمه
عهد ننطي الفاطمه مانعوف الخدمه

فاطمه يالطاهرة وياج دنيه واخره
شلون افارك منبره حسين هوه الرحمه

محرم محرم قادم قادم
0000000
استعدو ياخدم كرب عاشور الألم
كمت اشم ريحة خيم منها فاح العنبر

كرب وكلبي انفطر شهر مامثله شهر
يساعد الله المنتضر دم بجه عله الخدر

محرم محرم قادم قادم
0000000
ياللهي ابفاطمه حسين رجع مأتمه
هذا اجانه محرمه منه لا تحرمنه

اي وحك رب السماء انموت احنه بلا عزاء
كمر عدنه بكربلاء وحنه بي امنه

محرم محرم قادم قادم
0000000
صحنه ونطينه وعد حسين وياه للابد
فاطمه انريد المدد منج وفقينه

الخدمه وي دمنه مشت اكلوبنه ابخيمه انجوت
عليج ذيج النسبت لجدمتج حزمينه

محرم محرم قادم قادم
0000000
رفعو ايدكم بالدعاء ندعي بدموع الرجاء
ينتهي هذا الوباء ابجاه غربة زينب
رجعو ل الله وندعو و بالحسين اتوسلو
ابينكم اتراحمو حته نرضيه الرب

محرم محرم قادم قادم
0000000
#حسين عبد الزهره الدراجي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

الحساب الاعلامي الرسمي
لسماحة السيد علي الطالقاني
الإنسانية الإسلامية
https://tttttt.me/joinchat/AAAAAD7frnQJBFrXLmsbNg

*[ لطف رب العالمين ]*

أداء: الملا #مصطفى_السوداني
كلمات: الشاعر #السيد_علي_الموسوي

https://youtu.be/zPFKbP8499Q

مجالس شهر جمادى اﻵخر لسنة 1441 هـ - 2020 م
ليالي استشهاد موﻻتنا الطاهرة أم البنين (عليها السلام)
موكب قطيع الكفين - العراق - بغداد

مونتاج وتنفيذ: حارث العكيلي
مكساج: حسن يونس
النشر الشبكي: علاء بركات العاملي

#يوم_العاشر
جديد محرم ١٤٤٢ هجريه قصيده بعنوان (رجع مهره بالاهات )


رد المهر للصيوان خالي سرج خياله
صهيله مرد الدلال ودمعة عينه هماله

يمهر حسين وشمالك رديت السرج خالي
ما بين الخيام تحوم صهيلك شعب دلالي
مشابگ بالدمه واسهام عفته وين للوالي

جاوبني يمهر حسين
گلبي منشطر نصين
من عندك تهل العين
مابين الخيم تصهل حملي وطاح شياله

▪️▪️▪️▪️▪️▪️▪️▪️▪️▪️▪️▪️
يامهر العزيز حسين عفته اشلون للعطشان
تردلي والسرج خالي يعني حسيني عالتربان
مثل أسوار بالمعصم تحيط ابن امي العدوان

رديت السرج خالي
صهيلك روع اطفالي
عفته اشلون للغالي
ما بين العده وحده والله اليعلم بحاله
▪️▪️▪️▪️▪️▪️▪️▪️▪️▪️▪️▪️
جاوبني يمهر حسين عن حالة ابو اليمه
خبرني عن جروحه وبالك گلبي تلجمه
لتگلي العزيز حسين سابح عالثره بدمه

خامس أصحاب الكساء
طايح بطف كربلاء
تنحب أملاك السماء
وهذا القلم ويه اللوح نحبن للنبي وآله
▪️▪️▪️▪️▪️▪️▪️▪️▪️▪️▪️▪️
يامهره لعزيز الروح اخذني وياك للمصرع
اريدن شوفة الوالي گلبي اعليه يتگطع
امشي وياي اعله هونك احسن روحي جن تطلع

اريدن شوفة حسيني
اروف اجروحه بيديني
ولتخبره على ونيني
اخافن تجرح الدلال كافي جروحه جتاله
▪️▪️▪️▪️▪️▪️▪️▪️▪️▪️▪️▪️
جاوبها المهر بالاه يازينب تره صعبه
شسولفلج عن الوالي سهام النشبت بگلبه
عجيبه حالة المظلوم طرفه رافعه لربه

يناجي والجروح اهواي
والزادت علي بلواي
ذباحه الاجه عناي
داره اعله الوجه ياحيف وبسيفه تعناله

تمت بعون الله تعالى
خادمة الزهراء / ليلى زغيب



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

امي سلطانة وجودي بهالوجود
امي خبزتهه الذ من روحي

امي ریحة خیط شیلتهه دواء
و اتراب رجلیهه شفاء جروحي

من خلق گلب امي رحمن الرحیم
خله جبریل العشگ بي یوحي

الله صانع روح امي من الدموع
و آمر الجنه بنفسهه فوحي

خادم خدمةالحسین
ناصرآلبوعبید
https://tttttt.me/joinchat/AAAAAD13kEr7ZOeaqrWI7w

قصیدة:زیارة لیلة الجمعه
ـــــــــــــــــــــــــــــــــــــــــــــ
أبحواسي کلها والدمعه
أزور أبلــیلــة الـجــمعه
*حــبیبي حــسین*
ـــــــــــــــــــــــــــــــــــــــــــــ
عشت عمري ابحلم دافي..اشوفه ابعیني لیلیّه
یربّي أبلیـلة الجــمعه..أطب روضه الحسینیّه
أسـلـّم و أسـمع اجوابه..حبیبي الساتر اعـلیّه
اکض شـبّاچه و أقـراله..ألزیاره ابـطـور لطـمیّه

أحط شـبّاچه بعیـوني
وصیح أبلهفة أجنوني
*حــبیبي حــسین*
ـــــــــــــــــــــــــــــــــــــــــــــ
ارید انسه عتاباتي..واعیش ابکلشي اتمنه
اصیر ابلیلة الجمعه..ضیف احسین بالجنه
نعـم بس کربله تـگدر..تصیر الجنّه و الظنه
امل بزیارته عندي..اشوفن فاطمه ابصحنه

امل عندي اعله شبّاچه
اشـوف الزهـره تتباچه
*حــبیبي حــسین*
ـــــــــــــــــــــــــــــــــــــــــــــ
ما عـدنا شمـس باللیل..من آفاق السمه تطلع
بس گبة ابوالســجاد...شمس وابـکربله تسطع
ابنظام الکون ما عدنا..الشمس یمها الگمر یلمع
الگـمر من گبـة العباس...یصعد للسـمه و یرجع

ابلیالي الجمعه معتقدین
الگمر ینزل یزور احسین
*حــبیبي حــسین*
ـــــــــــــــــــــــــــــــــــــــــــــ
الطواف ابحضرة الضامي..یرید انفوس عطشانه
مثل ما تعطش الصحره..عطشت الشوفته آنه
حبیبي احسین أحبّنه..و أحب آلامه و أحزانه
لیالي الجــمعه من الله...وسیعه اتصـیر بیبانه

أشحلاها بوسة اعتابه
تصـیر المــلگه یم بابه
*حــبیبي حــسین*
ـــــــــــــــــــــــــــــــــــــــــــــ
احب آخر نفس مني..ابحضرته ینتهي و یخلص
و لا شمّن نفس ثاني...و عمر انفاسي خل ینقص
أنا امن اشرب لذیذ الماي..عله ابنه الاکبر أتنقّص
واگـول اشـلون عبدالله...وریده بالسـهم ینگص

بعدها أتـنادي اسم الله
الرباب ویبچی عبدالله
*حــبیبي حــسین*
ـــــــــــــــــــــــــــــــــــــــــــــ
نوایح کربله تشتد ...لیالي الجمعه بالحضره
تـجي ام البنین اتنوح..ابنها المنـگطع نحره
و للــعبــاس تـتعــنّه...ابحزنها فاطمه الزهره
وبیــن الحـرمین أتون...یمـهن زینـب الحره

ســلام الله عــلیٰ زیـنب
لیالي الجمعه من تنحب
*حــبیبي حــسین*
ـــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
1441-2020

[ عفوك يابوصالح ]

اسف لمن غرگنه ابحر الامواج
تشاهدنه ولگيناك السفينه
گبل چنه بنفاهه وما اجيناك
نشوف عيوبنه وبيهن رضينه
نعرفك حجة المعبود مولاي
مثل جدك مُحمّد انت بينه
واجب طاعتك من خالق الكون
مثل فرض الصلاه فرضك علينه
عليك اعمالنه يعرضوها كل يوم
بس ذنوب بيهن ماكو زينه
زيّدنه الجروح البيك اضعاف
ولا قدّرنه حقك وستحينه
جرحنه هواي گلبك ما ذكرناك
لحدما طحنه بالشده وبچينه
لأن تقصير عدنا بحقك هواي
لذلك بالمرض احنا ابتلينه
رجعناك صدك ودموعنه تسيل
عفوك يابوصالح انتهينه
ارفع هالوباء وارحم الناس
بجاه الزهره امك حن علينه

#سيد #زيد #الفحام
______________________________

حسين منك خاف اتيهن حيل جلب بيدي
انت گايل للخدمني يصير مثل وليدي

وين اروحن لو عفتني
وع مجالس علمتني

لا تهدني لا تهدني
...........

علمتني اعله المجالس والبواجي واللطم
مدلل وياك انه عايش بس تهدني اشبع هضم
الله لا يحرمني منك خلني من كلشي انحرم
كلبي كل ذنوب اترسه ومن اجيلك ينعصم

انت جنه بلا مقابل
انت والد وانه جاهل

لاتهدني لا تهدني
...........

شلون غرگان ويدور ع الجرف نسمة هوه
هيج حالي بلا مجالس انه واليغرك سوه
عيوني لو مابيهه دمعك عميه تبقه بلاضوه
حسين انت اول طبيب ايداوي عله بلا دوه

اليلطم ويبجي بنحيب
بمجلسك رأسآ يطيب

لا تهدني لا تهدني
.........

شيخ من اكعد واسولف بيك عنواني انعرف
انه اول خادم اكعد بالصدر مو بالطرف
شما اذل روحي بخدمتك انترس رفعه وشرف
دمعتك تغسل ذنوبي بمجلسك كلبي نضف

ياهو غيرك يسوه دمعي
تنومست بيك ويه ربعي

لاتهدني لا تهدني
........

حسين سهلهن علينه العَشره والمشايه
تسوه عندي الدنيا كلهه من اسمع الملايه
لذت سنيني بحياتي اعليك اسوي اقرايه
كلشي ماريد ارد اجيلك حافي شايل رايه

واطب تعبان الضريحك
حتى تحضرني من اصيحك

لا تهدني لا تهدني


.......

حسين يردوني اعوفك كطعو اعليه الدرب
لذة العاشك حبيبه يصير لليعشك صعب
مادرو بيك انت كاعد منتجي بنص الكلب
ايردن سنيني وشبابي بنص ضريحك من اطب

شنهي هذا الحب عجيبه
وانه اعرفك بس مصيبه

لا تهدني لا تهدني
..........

#الخادم موسى البطلي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

محرم مابقاله هواي
دخيلك ياعلي تحضر

يالمرجع الشمس مولاي
ترجعنه العزاء تگدر

بينه من الخيم جمرات
وگلبنه عله الطم محتر

للزهره شنريد انگول
اذا رد خالي الدفتر



#حيدر العماري
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

[ عفوك يابوصالح ]

اسف لمن غرگنه ابحر الامواج
تشاهدنه ولگيناك السفينه
گبل چنه بنفاهه وما اجيناك
نشوف عيوبنه وبيهن رضينه
نعرفك حجة المعبود مولاي
مثل جدك مُحمّد انت بينه
واجب طاعتك من خالق الكون
مثل فرض الصلاه فرضك علينه
عليك اعمالنه يعرضوها كل يوم
بس ذنوب بيهن ماكو زينه
زيّدنه الجروح البيك اضعاف
ولا قدّرنه حقك وستحينه
جرحنه هواي گلبك ما ذكرناك
لحدما طحنه بالشده وبچينه
لأن تقصير عدنا بحقك هواي
لذلك بالمرض احنا ابتلينه
رجعناك صدك ودموعنه تسيل
عفوك يابوصالح انتهينه
ارفع هالوباء وارحم الناس
بجاه الزهره امك حن علينه

#سيد #زيد #الفحام
__________________________

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

خويه جيت أحجيلك شنهي صار بحالي
من بقيت بحيـــــره لا حمـــــه ولاوآلي
خويـــه مارحموني من غبت يالغالـــي

* * *

عجبه ياحجة الباري من طحت بالغاضريه
يجري دمك

أبجي يبن أمي أجيتك وأنته شوف شصاربيه
جيت أحشمك

بالسياط آنه ولوني من لكوني آل أميه
أنعه يمك

ولن نسيت أهمومي شفتك أموذرينك
خويــــه وأمسلبينك بالعرى أمخلينك
صحـت يمـــه يمـــه كطعوا دلالـــــي

* * *

ماتت بموتك يغالي بلحظة الغمضت عيونك
أمنياتي

صعبه ياخويه عليه أكبال عيني يذبحونك
ياحياتي

وأبد مارحمت بحالي من شفتهم يسلبونك
نايباتي

ريــت راحت روحي ولا أظل ياروحــــي
وريت هاي جروحك خويه كون جروحي
ولا أظلن خويــــــــه ما أخو يبرالــــــــي

* * *

من بعدكم يالغوالي بخيلهم فزعوا علينه
عذبونه

وحيرونه ومرمرونه وشبوا النيران بينه
وسلبونه

كمت أنادي حسين وينك وليه يبن أمي أنولينه
شتتونه

عاليتامــــــــه خيامك من رحت حركوها
والعزيزه سكينــــــــه يالولــي سطروها
والشمر بغيابــــــــــك بسوطــــه أتعنالي

* * *

والشمر لمن سطرني وكلهم ألتموا عليه
وحرت حيره

صحت وينك ياأبوفاضل هم دريت شصاربيه
يبو الغيره

حيره وأشجندوب أشاجف زوركت ياخويه أديه
وصرت أسيره

زوركت ياخويــــــه أمن السياط أمتوني
راح أظل كل عمري سيـل تجري عيوني
من ذبـح ذبحوهـم كل أخوتي أكبالـــي

* * *

خويه من شتموا الزهره ريت روحي مني راحت
ريت ميته

الوي علي ثارات عنده خل يجيها الكوم صاحت
هاي بنته

الرجع من عباس دامي واللي منه قطره طاحت
يجي لخته

شلون أحمي روحي بكربله محتـــــاره
اليطلب أتعنالــــي مني ياخذ ثــــــاره
لن لكوني أوحيــده وأهل بالطف مالي

* * *

أطفالكم مرعوبه هامت حين نيران الفجيعه
اعليها شبت

البعض سحكتها الحوافر والبعض صوب الشريعه
خويه هامت

وشي حرك بالنار ماتت شي عطاشه شي صريعه
يمي ماتت

مره أحامي روحـي ومره أرد أحميها
والاطفـــال الماتت مالحكت أعليــها
كمت أشاجف عنهم بيمنتي وشمالـي

* * *
#سلام المشعل
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء