السيدة زينب تخاطب رأس اخيها العباس عليهما السلام
محرم 1443

**********************

من فوگ رمحك بـــــاوعلنه
الما يسوى هالحادي بضعنه
عباس اخيتك طبت الشام
بحبال مچتوفه ويه الايتام
عبااس خويه

***********************
يلتارس الدنيه ضوه وغافي اعلى رمحك
ما اريد اگلك بالجره وبالصــــار اجرحك

من أهد النهر للــــيوم لچمات
من ودعيتك والعمر مــــــــات
مرن على اختك خويه لوعات
شحچي وشگلك علجرالي

رد الحسين وظهره مكســـور
شالك بديه وجنت منــــــــحور
من الحرگه گامت دمعته تفور
گلي يزينب وشبقالي ؟

طاح العمد والخوه راحــت
خيمتنه خويه اليوم طاحت

دهرچ يزينب باچر شضام ؟
بحبال مچتوفه وي الايتام
عباس خويه

**********************


ممشى الهزل كلش صعب وآنه الأميره
كلساع وجهي اعله النهر عباس أديره

أگعد تره محضرين الحبال
وين الكفيل الچان خيـــــال
گالوهه اليه وحالي يا حال
ما ينحمل يا ضيم گلبي

مسبيه صرتي وعينچ تشوف
حتى العليل وياچ مچتــــــوف
طبت خيمكم نار وسيـــــــوف
من الحصل ما شوف دربي

تركض ورانه ارجال عباس
چم طفل جوه الحافر انداس

وين أتجه حرگوهه الخيام
بحبال مچتوفه وي الايتام
عباس خويه

*******************




مرونه من يمك عمد يلكافل شلـــــــون
ساعتهه حسيت برمح وگليبي مطعون

لا بيه أگل للحادي تــــــاني
ما يرضى اودعك لو ثواني
سلمت من بعيـــــــــد وأني
دمعي اليهل بلل عباتي

سار الضعن والشامت يـــــريد
ياخذ حرمكم خويه لــــــــــيزيد
رحنه ويه ناس الموش أجاويد
بعد المشو شلي بحياتي

نوح اليتامى أوحشه الدروب
يكسرنه حيل أملاگه الغروب

من ضيم روحي بليلي ما نام
بحبال مچتوفه وي الايــــتام
عباس خويه

*********************




فوگ السبي وفگد الاهل ضربونه بحجار
طبتنه للشـــــــــام وعلي مالت لطم حار

زينب اسيره اطب دواويــــــن ؟
بالطشت خلو راس الحسيــن
صاحو يزينب وين تمشيــــــن
وانتي الكفيلچ ظل رميه

هذا الجره ومـــــــــوت الحملته
لعبت عصى الطاغي اعله شفته
وين الاخو الما عاشـــــت أخته
موتهه ضيم الغاضريه

من صاح شامت نهر مذبوح
زينب بقت لا شوف لا روح

يا فيّ أخوتي الوسفه ما دام
بحبال مچتوفه وي الايــتام
عباس خويه

*******************




بتنه بخرابه اعله الرمل وبعيد اهلنه
ونت رقيه الشوفت حســـين وگعدنه

سمعوهه چابو راسه منحور
باست لحيته وعينه التــــدور
يا بويه صاحت والله معذور
بس فرگتك كلش ثگيله

سكتت شلتهه وما حچت آه
ماتت رقيه حسين ويـــــلاه
ورد الطفوله الي دفنـــــــاه
وناتي يلكافل طويله

رديت بس يا ردة الموت
المن بعد نسكن بالبيوت

راحو هلي وخلولي الاحلام
بحبال مچتوفه وي الايتام
عباس خويه

#رعد الفريــــــجي
1443 للهجرة






https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

يارقيه،،،، يارقيه،،، يارقيه



ذاكه صدره الكله حنيه انكسر
والحوافر وصلت الحد الضهر
جسمه چم خيال داساه وعبر
والحجر نصين سوه اجبينه

والدچ عريان ضل بكربله
جسم جسمت گلبه نبله حرمله
لاهله بذيچ المشاهد لاهله
وحتى ثوبه ومحبسه مسلبينه

بعد ما يرجعلچ وراح الابو
بيت ماضلچ ولا عم لا اخو
شوفي ذاك العالرمح راسه منو؟
خاف تشتاقيله تشوفينه

راحت ايام الدلال وغربت
وشيبته ذيچ الكريمه اتربت
والخيول اشخربت ماخربت
عاالمصايب گلبچ الله يعينه

طفله بعدچ تجرح ادموع الهجر
وحيل حيل اتعب ايام الاسر
عمرچ ابين الخرابه والقصر
يارقيه باچر اتودعينه

عاالرمح بايت وصارت نومته
المثله كون يغمض بنص عيلته
من عمت عين الرماح الشالته
منظره يمرمرنه ويبچينه

شدي حيلچ كون عندچ باقي حيل
منين اجيبن والدچ والدنيه ليل
من تركته تحولن دمعاتي خيل
يغيرن اعله الاخد اذاتردينه

#سعد العبودي






https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

طفله تاهت بالبريه...عمه فك احبال اديه
ضاعت امن ايدي رقيه
طفله تاهت بالبريـــــــه
.......................................
عمه درب الشام حطم ذكرياتي
اكبال عيني اتفرهدن عمه بناتي
وحده وحده جانت امجلبه بعباتي
اه من سوط الشمر دمَر حياتـــي
حيره يالسجاد حيره...زينب الجانت اميره
هسه مكيوده وسبيــــــه
ضاعت امن ايدي رقيه
..............................................
لو عدل عباس عمك حشميتـــــه
ادري راسه وياي مجبوره نسيته
دورت يا عمه روحي وما لكيتــه
الراس ابوها حسين اضنها معتنيته
استند عمه اعله متني..والراس ابوك حسين اخذني
نار المفارك سريـــــــه
ضاعت امن ايدي رقيه
....................................................
دورت ما بين الارماح وشفتهــــا
سكته تحجي ويه ابوها واسمعتها
بويه تذكرهن تراجيي الجبتهـــــا
انباكن وهل جيت اكلك ضيعتهــا
وعاينت عسكر لمحها...برمحه اذاها ودفعها
ريته جان الرمح بيــــه
ضاعت امن ايدي رقيه
...................................................
من وصلنه الشام واكعدنه بخرابه
جانت امن الضلمه تصرخ بابا بابا
دمعي هدم ساتره وشكك حجابــــه
وصحت اه يحسين يحسين ومصابه
والشمر لمن سمعني...اكباله شتمني وضربني
ويلي يا ويلي عليــــــه
ضاعت امن ايدي رقيه
.....................................................
المجلس ابن ازياد لمن دخلوهــــــا
وكفت وبالطشت شافت راس ابوها
وكعت وبالسوط كلهم كوموهـــــــا
هيه شمه وهيه موته من لكوهــــــا
وانطفت شمعة ضواها...وعندي ابوها امناها
ارجع وايدي خليـــــــه
ضاعت امن ايدي رقيه
.......................................................
خادم خدمة الحسين
الشاعر
محمد الموالي

(من سيدة الخدر والعفاف زينب عليها السلام)

هاي دنيه
الوزعت هدم الامامه
وصاحت هناكه سبيل
هاي دنيه

الشافت اشرف جدم حافي
وعالرمح صاحت عوافي وما رعت منحر يسيل
هاي دنيه

هاي دنيه
الشافت الدمعه التطيح
اتخضر الحك يبو فاضل
دلت الحافر يدوس
لبست اثياب المناجل
اشگد خذت بالطف سنابل
هاي دنيه

هاي دنيه
دورت كسرتنه حيل
ورادت بكل صوره نخضع
مادرت لو صحنه يا عباس خويه
يخضر امن حجايه وحده يرد يطلع
ولو احلفه بأي نحر مگطوع بالطف
اعله كل هودج اسيره جفوف يگطع

هاي دنيه
چودرت.. دخان خيمه
وطشرت ظعن الكواكب وانطفه وما شفته يلمع

الگبل ماجان الاسمنه طاري يطلع
صرنه بلسان الشماته
كل اسم مسبيه نسمع
من كتاب الباري للبر
كل سور ياسين تطلع
تچوت اجلود المصاحف بصحاري
كل درب بيه جمره تلسع
ودت الخيل اعله صيوان النبوه
هيه تدفع واحنه ندفع

وكمت اصيح
يامن اجيب الشمس
صوب الليالي
بس كمرنه
صار نيشان العوالي
يا هو اندهه
وما ألچمه
وهمه غالي گبال غالي

وانه ادري
المالها بالهيمه اول
مالها اعله الناگه تالي

كلشي ضاع
صارت الحيره نهر
يبره لرمحهم
وصورة الخيل اعله بالي

بكلبي حسره اعله اليمين العالوطيه
گمت احسه من الترب يومي لرقيه
كلشي للكافل اشوفه اشما جفن اطبگ يلالي

هاي دنيه
الخلت ام
بين زفه وبين موت
اشموع دمعتها تقاسم
الخلت ام
تودي عريس اعله موته
من عگب ما كبرته وصار جاسم
وكلشي ساكت جان بالطف
والدمع جان اليسولف عن كسر گلب الهواشم
وطاحن وكمنه نطيح
والدمع بل العمايم

هاي دنيه
الضيعت صورة محمد
چان للاحساس مرقد
چان الاكبر
مثل ابوه من كلشي اكبر
جده چان ويمنه حاضر
صلت اعليه البواتر
هاي دنيه الچان غايتها المناحر
لحد ماخلت ضواه وطوله يگصر
والابو اگباله تحيّر
مره يگعد
مره يوكف
مره حفنه سنين يكبر

وهيج من نام اعله طوله
ماكدر يوكف ابطوله
ماكدر من جان يگدر
ورجع بس ابلايه روحه
وهاي مدري شلون صارت جبل يعثر

هاي دنيه
الحرمت السجاد من لذة سجوده
بنحر ابوه
وضلت اتزيد ابقيوده
وجان يكدر يگلب الدنيه بعصاه
بس خضع لامر الاله
واقتنع ليگود دنيا للسبي الشامت يگوده

هاي دنيه
لخذت من الام ابن جانت تعزه
جان لو مر الهوه وفز بمنتها
بروحها توكف تهزه
جان عبدالله زغير
وراد بس ترويه گطره
ابعينهم فارس جبير
وجابو اكبر سهم سيروه اعله نحره
ويتمو مهده بحقدهم
وماتت اليمه بحلك امه التعزه

هاي دنيه الخلت بدرب الاجينه
شكو طفله تفز تنام بحضن ابوها
وجان الها بهاي غايه
گامت تلم ذكره ذكره
وتگعد تفزز حميده

هاي دنيه
الغيرت اسم الاميره للأسيره
وخلت الكون انجمع تالي بحصيره
وطفت انجوم وكمر كل العشيره

هاي دنيه
هاي دنيه

حسين سعد البهادلي

▪️قصيدة ليلة الوحشة :

١/يا مُبْكِياً في الطفِّ حتّى وَحْشَهْ
لهفي لِظَعْنِكَ في ظلامِ الوَحْشهْ
أمسى غريباً خائفاً في دهْشَهْ
يدعوكَ لكنْ لَمْ تُجِبهُ قتيلا

٢/يا وجهَ ربِّ الناسِ ما بينَ الورى
عجباً لجسمكَ في الصَّعيدِ تعفّرا
والرأسُ تُهديهِ الصِّعادُ (الرماح) إلى القرى
يتلو الكتابَ مُرَتَّلاً ترتيلا

٣/يا مَنْ كسوتَ الكونَ بالأنوارِ
واهاً ! أتبقى بعدَ ذبحِكَ عاري
ملقــىً ثــلاثاً دونمـا إقبارِ
لمْ تلقَ تكفيناً ولا تغسيلا

٤/جلَّ المصابُ فبعدَ إحراقِ الخِيَمْ
يا أيْنَ نامتْ بِنتُ فاطِمَ والحرمْ ؟!
واللهِ كافِلةُ اليتامى لمْ تَنْم
حرستْ نساءً يرتجينَ كفيلا

٥/آهٍ لزينبِكَ العقيلةِ في الغدِ
حقّا أتضرِبُها سياطُ المُعتدي ؟!
بالرمحِ تُقرَعُ إنْ تؤشِّرْ باليَدِ
مِنْ بعدما بُحَّتْ عليكَ عويلا

٦/قدْ راعَها لا ما رعاها الدَّهرُ
منْ بعدِ عباسٍ حداها الشمرُ
وبزجرِها كمْ راحَ يقسو زَجْرُ
ترجو ومنْ ترجوهُ كانَ عليلا..

https://tttttt.me/AliOsailyAmily

▪️مصيبة رأس سيد الشهداء عليه السلام في التنور.

ينعـاكَ منهــوبَ الحشا عـاشورُ
فدمُ السماءِ على الثرى مهدورُ

أيُّ المعالي لمْ تنُحكَ بشجْوِها؟!
قلمُ القضا؟!أَمْ لوحُهُ المسطورُ؟!

أَمْ ساقُ عرشِ اللهِ أم كرسيُّهُ؟!
أَمْ آيُـــهُ؟! أَمْ رقُّـــهُ المنــشورُ؟!

ناجاكَ ربُّكَ فوقَ طورِكَ فانثنى
دكّاً لدى وَدَجيْكَ ذاكَ الــــطُّورُ

صعقَ الكليمُ يرى جبينكَ مشرقاً
فوقَ القناة سرى به الدَّيجورُ

وتلاطمتْ عبَراتُ نوحٍ عندما
نظر الدماءَ على الرمادِ تفورُ

وُسِّدتَ بعْدَ الرملِ تنّورَ الأسى
يا ليتَ فارَ بحزنه التنورُ !

نورٌ على نورٍ علاكَ توهجاً
تلكَ الدماء وعظمُكَ المكسورُ

مذْ ضمَّكَ التنور صاح بأنةٍ
"طابتْ بضمِّكَ يا حسينُ حجورُ

أهلاً بمحزوزِ الوريدِ من القفا
أهلاً بنحركَ أيها المنحورُ"

وبكاكَ يدعو بالثبورِ مولولاً
وكأنَّ يقرحُ عينَهُ المستورُ

يرنو إلى الزهراء شقَّتْ جيْبها
جاءتكَ من أرضِ البقيع تزورُ

نادتْه "يا تنورُ دعْهُ فإنّهُ
حدقُ العيونِ وماؤها والنّورُ"

وهوتْ عليكَ بلهفةٍ مذهولةً
يُدْمي العوالمَ قلبُها المفطورُ

ولداهُ ما الشيبُ المخضّبُ بالدما؟
ما خدّكَ المتعفّرُ المصهورُ؟

ما جُرحُ ثغركَ؟ما يباسُ شفاهِه؟
أهُوَ الظما؟ أَمْ وجدُكَ المسجورُ؟

ما دمعكَ الجاري وحمرةُ لونِه؟
تفديكَ روحي أيها المصدورُ

أوزينبٌ تُبكيكَ يُسلَبُ خدرُها
في كربلا؟ أم طفلُكَ المذعورُ؟

https://tttttt.me/AliOsailyAmily

شو متغير حيل * شسوّت بيك الخيل
جاوبني وريح دلالي * معقول انت حسين الغالي
شو متغير حيل * شسوّت بيك الخيل
-----------
چاوينه - صدرك لبالرقه انترس
چاوينه - شو عالصدر حافر فرس
چاوينه - ورد لـ بشفاك انغرس
چاوينه - عطر لتنثره من النفس
بس اسمع ونات - چا وين الچلمات
چا وين الچلمات - بس اسمع ونات

مو من طبعك ونّك عالي - معقول انت حسين الغالي
شو متغير حيل
شسوّت بيك الخيل
-------------
معقولة - الچان بالممشى ترف
معقولة - عاف المشي ويزحف زحف
معقولة - وجهك ذبل من النزف
معقولة - من الظمه لسانك يجف
متيبسات شفاك - وين المبسم ذاك
وين المبسم ذاك - متيبسات شفاك

تسأل عالماي أول تالي معقول انت حسين الغالي
شو متغير حيل
شسوّت بيك الخيل
-------------
حاچيني - شگد جسمك أحجار انشمر
حاچيني - شو مندفن من الحجر
حاچيني - بگلبك رمح عندي خبر
حاچيني - شلون وطلع من الظهر
خاف اسحب بهداي وانت تصيح چلاي
وانت تصيح چلاي خاف اسحب بهداي

ما متعودة تلوج گبالي معقول انت حسين الغالي
شو متغير حيل
شسوّت بيك الخيل
-------------
محتاره - أگعد اضمدلك ضلع
محتاره - لو أمشي أدور عن صبع
محتاره - يا كتُر منك ينرفع
محتاره - گابلتك بونه ودمع
صبعك ما موجود - شو صاير فرهود
شو صاير فرهود - صبعك ما موجود

بس للهم خصمك خلالي معقول انت حسين الغالي
شو متغير حيل
شسوّت بيك الخيل
-------------
يا حسيني - آنا العزيزة آنا الاخت
يا حسيني - شو ترجف عليمن خفت
يا حسيني - صوب المخيم تلتفت
يا حسيني - حچيك همس مدري شگلت
تزحف وين تريد - خويه الخيم بعيد
خويه الخيم بعيد - تزحف وين تريد

هالمنظر ما چان ببالي معقول انت حسين الغالي
شو متغير حيل
شسوّت بيك الخيل
-------------

*حسين طالب السماوي*

ياگمر سفره ضعونك بعيده
ياگمر كل فجر ديره جديده

نوگ السبي لمن حدن
والعلم ما رف بلضعن
ضلمه الضعن ما بي ضوه


يا دمعه عفاف اختك يا خيمه سترنا الضاع
طوح للسبي الحادي بضعون الغريبه بساع
كل خطوه سبي بممشاي تشرب مني حيل الكاع
شابع بس قهر كلبي منك ما شبعت اوداع

ياگمر بيا دمع زينب تنوحك
ياگمر وانته ساگي ضعوني روحك

ترست جفوفك دمعتي
ومشيت يابدر اخوتي
وداعك جرح ماله دوه


كلشي بروحي بعدك مات كلشي علنهر عفته
فاركتك جرح ضامي ظهر النوگ شايلته
الماي بلا عطر چفك ما يرويني لو ضگته
وراسك علرمح وياي خيمه ويمشي فوك اخته

ياگمر الكحل عيوني بجماله
ياگمر زارع بروحي دلاله

الحجبني بفياي العلم
وعطره ترس ريت الخيم
بفكده دليل اخته انجوه


يا عين الزجيه امي وامان الزهره بجفوفك
طاري اسمك محنه وماي وتارس ضعني معروفك
تمطر علدلال خيام وخدري مطرزه بشوفك
ضيعني السبي عنك مو بيديه لوعوفك

ياگمر ضعنك اليگطر ترافه
ياگمر بلسبي ضايع عفافه

حن كلبي خويه لخوتك
وعطشت ضعوني الرايتك
يلبيرغك منك هوه


مشه حادي الضعن دونك ومدري اليا درب گصده
وجم مدلل بضعني بجفوفه الحبل شده
دخان الخيام يفوح من اشتم ورد خده
خويه وكل خرابه نفوت ندفن ياگمر ورده

ياگمر جم يتيمه من ضعنه
ياگمر انجرحت وتنزف محنه

مستحيه من اعضيدي
ادفن بناته بأيدي
وياهن ردت موتي سوه


علمتوني الشمس كعدت وهزيله ارچايب الركبان
وعطش يتبده كل حيله فوگ شفايف الرضعان
كل ديره سبي طبيت ازرع دمعتي نيشان
خويه وشثگل جدمي لو طبيت للديوان

ياگمر چبيره للديوان طبتي
ياگمر اختك ورخصت دمعتي

كل نظره لخيالي انذبح
جن فايت بكلبي رمح
وجروح دلالي ارتوه

ارفعتلي إيدك
وارفعتلك إيدي..
گتلي عذريني يخيّه گطعوا اوريدي..
صحتلك خدري
يالفدالك نحري..
بس صحتلي يا عقيله والله مو بيدي..

يا أبا عبد الله..
وآنه عالتله أنادي يا عزيز امك..
شفتك اعله الثره عاري سابح ابدمك
وآه يويلي والخناجر شابچه ابجسمك

يمگطع وذر..
وبجبينك أثر
شفتك عالمهر لمن..ضربوك ابحجر..

صابوك ابسهم..
وآخ امن الألم..
طلعته اويه چبدتك..من خرز الظهر

يبن امي حسين..
****
ينايم عمرك..
خلص من نحرك..
شالسبب فوگاها رمح النابت ابخصرك..

اشعجب مستضعف
ومتگدر توگف..
شفت شايب وانته نايم يرفس ابظهرك

يا أباعبدالله..
انداروا اعليك واجتّك امك اتندبك..
لگت واحد بيك يسحب واحد ايسلبك
شافت الشامي يخويه ابعينها ايضربك

صاحت والدمع..
يجري وعالضلع..
لچمت خويه من لگت..گلبك منشلع..

ربتّك عمر..
كل شبر ابنذر
تالي اتعاينك نحر..ونّك مرتفع..

يبن امي حسين..
****
ذبيح وسلبوك
كأن ميعرفوك...
كلهم ابلا رحمه صاروا بالعصي ايضربوك..

عساني أعمه
يشيخ الزلمه..
ابثوبك ادري بالي لاچن رادوا ايذلوك..

يا أباعبدالله..
اشگد جمالك سهّراني يا حبيب امك..
ابعيني شفت الأعوجيه خربطت رسمك
واستباحت آل اميه عالأرض دمك..

اشگد هان الذبح..
راسك عالرمح..
وبيك الف اوتسعميَةْ..جرح ابصف جرح..

اتمنّيت الفنه..
واولاد الخنه..
گالوا ذروا الكفر..بجروحك ملح..
ذرَّوا وانته عالأرض..بجروحك ملح

يبن امي حسين.

خادم الحسين ع يوسف صوفان
القناة المعنية بنشر اللطميات والمقاطع المصورة بالإضافة إلى القصائد المكتوبة
https://tttttt.me/youssefsoufan

للتواصل:
https://tttttt.me/youssef_soufan

https://m.facebook.com/usef.soufan

https://instagram.com/youssef_soufan315

⚔اللهم عجل لوليك المنتقم الفرج ⚔
https://tttttt.me/youssefsoufan

يَا حُسِينِ وْخَلَّصِتْ عِزِّي وْدَلالِي
مِنْ غِبِتْ عِينِ الشِّمِرْ شَافَتْنِي تَالِي
گَلِّي بَاچِرْ لِلسَّبِي جَهَّزْ حِبَالِي
مَيْتَه رِيتِ وْلا زِلِمْ تِنْظُرْ خَيَالِي

جِيتَ اخِبْرَكْ عَنْ عِدَاكِ لْحَاوِطُونِي
وِالسِّيَاطِ لْوَرُّمَتْ خُويَه مُتُونِي
مِنْ سِطَرْ وَجْهِي الشِّمِرْ أَدْمَى عُيُونِي
رَوِّعُونِي وْشَتِّمُونِي وْسَلِّبُونِي

يَا گَلُبْ زِينَبْ تَرَه زِينَبْ وَحِيدَه
وِانْتَه رَاسَكْ عَالرُّمُحْ يَبْنِ الصُّمِيدَه
مَا نِشَفْ تِنْزِفْ دِمَه فَتْحَةْ وِرِيدَه
وِالْيِهِزْ رُمْحَكْ عَسَاهِ انْشَلَّتِ ايدَه

خُويَه اخِبْرَكْ عَنْ هَتِكْ سِتْرِي وْحِجَابِي
يَا مَرَه شَافَتْ مِثِل هَمِّي وْمُصَابِي
لُو جِبَلْ چَانِ انْصِدَعْ خُويَه لْعَذَابِي
بِتْ عَلِي وِالزَّهْرَه تِتْسَلَّبْ ثِيَابِي؟

حَرْمَلَه شَامِتْ إِجَانِي وْدَمْعِي هَامِلْ
يِضْحَكِ وْسَهْمِ الْمُثَلَّثْ بِيدَه شَايِلْ
گَلِّي شُوفِينَه السَّهَمْ وِصْوَابَه قَاتِلْ
صَوَّبِتْ چَبْدِ الْأَخُو وْعِينَ ابُو فَاضِلْ

زِينَبِ الْكُبْرَى مِشَتْ فُوگِ الْهِزِيلَه
يَا نَظَرْ عِينِي سَفِرْتِي شْگَدْ طَوِيلَه
ظَعْنِي مَا بَطَّلْ أَبَدْ نُوحَه وْعَوِيلَه
مِنْ بَعَدْ چَفِّ الْگُمَرْ صِرْتِ الْكَفِيلَه

https://tttttt.me/Hassankhanafer

محررررم 1443 هـ عبدالله الرضيع

يمّ الولد شوفي الولد نام بدية
غمضها عينة ابحضني من باس رقية
توه الولد سد عينة توه . وبس هالمسة وياچ هو
غمضها عينة

ها يالرباب ابنچ عطش ومن البچي نام
ماينحمل جرح الضمه وما ظنه يلتام
وشلون باچر بالشمس وابنص الخيام
شيسكتة وباچر حرب مو مثل الايام

هالليلة آخر ليلة وياچ حبيبچ
اتودعين إبنچ باچر وهذ نصيبچ
گوه تودعين ابني گوه . وبس هالمسة وياچ هو
غمضها عينه
___________________________
غمضها عينه من لزم خدها الحلو وباس
إختة رقية شايلة چيه نفس الاحساس
طالع على إختة الطفل حتى بالانفاس
ايحبها وتحبة والطفل عدها اغله هالناس

يتفارگون ابهاي الطفوف حبايب
باچر رضيعچ يبچي وايشوف مصايب
خوه تروح شلون خوه . وبس هالمسة وياچ هو
غمضها عينه
___________________________
آنه أبوه وصعبة عطشان ابني اصد ليه
گلبي ايتگطع لو بچه وابيش ارويه
عبدالله غالي اعلية ما ريدن أبچيه
لا يگعد إمن النوم مهده اوياية هزيه

بس يگعد اعرف يبچي عالماي دريته
واعيوني لو ضل بيها دمعات نطيته
بلوه ابتليت شلون بلوه . وبس هالمسة وياچ هو
غمضها عينه
____________________________
لتگعدينة توه نام اوليدي عطشان
كل خوفي يحلم بالعطش وايفزلي حلمان
من العطش غمض ترى ما ضنه نعسان
بس هالمسة هذا المهد لوليدچ امچان

باچر مكانه تحت التراب أشوفة
بدمومه سابح يمچ اهنا أعوفة
يروه إمن الدموم إبني يروه . وبس هالمسة وياچ هو
غمضها عينه
____________________________
ربيتة بيدية وحسافة أخسر ارباي
إبنك حرام ايموت ضامي ابديرة الماي
گمطتة بيدية المسة يحسيني بهداي
گمت ابچي وابني إمن العطش ظل يبچي وياي

واسكينة يمه اتون تلوليه يبوها
حتى الإخت صاحت دللول لخوها
فدوه أروح النومه فدوه . وبس هالمسة وياچ هو
غمضها عينه
___________________________
نظري الرگبتة وقبليها اهواية هاليوم
باچر رگبتة اوليدچ اتغطيها الدموم
اباب الخيم تتلگى إبني عمته واتگوم
واتشيلة مابين الخيم زينبنة واتحوم

غطي الرضيع اتگلي يحسين ذبحني
العند الرباب شلون اوديه لچمني
تسوى الدموع اعليه تسوى . وبس هالمسة وياچ هو
غمضها عينه

حيدر الحلفي

محررررم 1443 هـ

صحت نحت من ضربوا اگبالي رقية
صيحه اللي ما صايحها اخو ابطيحة أخية
بنتي بنتي بنتي . من الناگة طحتي
اگبالي رقية

وآنه اعله الرمح شفت السياط ابمتنچ اتدور
ما أنزل إلج ما شيلچ ابإيدية معذور
إمن الطيحه نضرتة ضلعچ اويه اضلوعي مكسور
كل ساعة ابحبلهم بويه جسمچ شفته مجرور

ألم سهم بيه ولا شوفچ بچيتي
إمن الناگة من طحتي اسمعت بويه اشحچيتي
وينك بويه صحتي . من الناگة طحتي
اگبالي رقية
____________________________
طحتي اعله الترب موش اعله ادية وضهرچ انصاب
متروسة الخرايب شوك بويه وحار التراب
محترگات ادينچ والسياط اتشگگ اثياب
شيطيب جروحچ يالفگدتي أغلى لاحباب

متت حرت بالگيد شفتچ بويه نمتي
وموش ابصباح الخير يرقية گعدتي
ابسوط الشمر گمتي . من الناگة طحتي
اگبالي رقية
____________________________
من طحتي رقية اوياچ گلبي اعله الترب طاح
محد مدلچ ايدة والدلال ابطيحتچ راح
طحتي والشمر لتگوموها أسمعة صاح
ختموت ونخلها ويه ابوها فوگ الرماح

سلب ضرب خدچ يبوية اتوجعيتي
ابگد الخيول العشرة طگ اتحمليتي
آه اشگد صرختي . من الناگة طحتي
اگبالي رقية
_________________________
يالچنتي اعله صدري اتغمضين اعيونچ ابليل
نمتي بالخرايب بالشموس او ماكو تضليل
غمضتي العيون او دمچ إمن اگيدوچ ايسيل
كلما غمضيتي تحلمين ابركضة الخيل

ذبح جرح أحلامچ ابهالفترة صارت
أصعب حلم صوب الخيام الخيل غارت
ابنار اشگد حلمتي . من الناگة طحتي
اگبالي رقية
____________________________
من الطف يبوية للخرابة اتدوري الماي
عطشانة وشفافچ فطروها تشبه اشفاي
من حرگ الخيم لا ماگعدتي لحظة بفياي
بوية والسناسل ظلت ابإيدينچ اهواي

ظمه دمه من الطفوف الهسه شفتي
الله اليساعد گلبچ اهواية تعبتي
ماي اشگد عطشتي . من الناگة طحتي
اگبالي رقية
____________________________
ناگتهم هزيلة وتعبتچ بين الدروب
مثلچ من رمحهم بويه احسن حيل متعوب
اشگد اشتاگ اشمچ يالحبيبة وكت الغروب
مامتعودة تبقين بوية ابلايه محبوب

أون أحن يحبيبة اظمچ بين ادية
مشتاگ البسچ شيلتچ بوية رقية
عني ابعيدة صرتي . من الناگة طحتي
اگبالي رقية

حيدر الحلفي

عزاء/ المهدي وصور العاشر
💧💧💧💧💧💧💧

إني أنا المهديُّ من آلِ النبي
عن كربلا ما غبتُ من يومِ السَبي
أقضي حياتي فوق تلّ ٍ زينبي
منهُ أُعاينُ مصرعَ الجَدّ ِ الحسين

إني سمعتُ اليومَ صوتَ أنينِهِ
ورأيتُ الشمرَ جاءَ مع سِكّينِهِ
للوجهِ يركلُ عند حَزِّ وتِينِه !!
ويشدُّ شَعرَ الرأسِ حقداً باليدين


عيني تشاهدُ زينباً في الخيمةِ
والنارُ تُحرقُ ثوبَها يا حسرتي
هي صورةٌ كالجمرِ تُلهِبُ مهجتي
ولها أبكي دماً في الغيبتين


سكَنَت على الرمضاءِ منهُ حَواسُهُ
وبقُربهِ يغفو هنا عباسُهُ
جَدّاهُ فوق الرمحِ يُرفعُ رأسُهُ
ظامي الحشا يقضي ولم يُسقَ المعين

وإلى العراءِ بناتُ أحمدَ تهربُ
والنارُ في خيمِ النبوةِ تَلهَبُ
ووراءَهم في الطفِ تركضُ زينبُ!!
محتارةً في جَمعِهم ،أين الخيام؟!!

مهضومةٌ مسلوبةٌ لهفي لها
مضروبةٌ بالسوطِ تشبهُ أمَّها
بأصابعِ الكفّينِ تُخفي وجهَها
لتَصُدّ َ من عينِ العِدا شرَّ السهام!!

##محمد طالب العاملي

نعي وعزاء/ الأطفال ليلة الوحشة
💧💧💧💧💧💧💧

هذا الظلامُ جاء خيامُنا العراء
ناموا بلا غطاء أطفالَ كربلاء

1/تحتارُ زينبُ ما لهم لا يَهجَعون
يا لهفَ نفسي هل ينام ُ الخائفون!!
رعبُ النهارِ أطارَ نومَ عيونِهم
صُوَرُ الفجيعةِ أيقظت لهمُ العيون
يخشون -مثلَ العصر- هجمةَ عسكرٍ
يخشَونَ جمرَ النارِ فيهِ يُحرَقون
يخشونَ من خيلٍ تُرضرِضُ صدرَهم
وبسيفِ شمرٍ عند نوم ٍ يُذبحون!!

حوراءُ في المساء أنينُها حِداء
ناموا بلا غطاء أطفالَ كربلاء

2/من خوفهم تعبوا من اليومِ الأليم
واستسلموا للنوم ِ في الليلِ البَهيم
حوراءُ تحرسُهم وتحرسُ عينَهم
وتُعيذُهم باللهِ من شرِّ الرجيم
بصلاةِ ليلٍ في القنوتِ دعاؤها
يا ربُّ هَدّىءْ روعَهم أنت الرحيم
الخوفُ أيقظهم وأقلقَ نومَهم
أتُراه ُ في أحلامِهم شمرٌ يُقيم !!!

سيطلع ُ النهار يا أيها الصغار
ناموا بلا غطاء أطفالَ كربلاء

#محمد طالب العاملي

السيده رقية رأت الحسين ع بالمنام


عـمـه شـفـتـه جـسمـه ما بي أي جـرح
عـمـه شـفـتـه يـشـبـه لـوجـه الـصـبـح

راح ابــوي الـغـالـي صـوره خـلـه ابـالي

*---------------*---------------*

شـفـتـه يـمـي سـلـوة عـيـونـي وضـــواي
چــــن أحـــســه بــابــه گــالالــي تـــعــاي
ردت أكـلـه اشـگـد زلـــــــم ركـضـت وراي
تـونـي أحـچـي ويـقـظـتـي گطعت رجـاي

گـلـبـي يــمــه لـيـش عـافـانـي الـتـرف
گـلـبـي يــمــه يـنـبـض بـأسمـه ويــرف

بُـعـده شـيّـب حـالـي

*---------------*---------------*

يـمـتـه يــرجــع والـــــدي الـكـلـه حـنـان
الـدافـي حـضـنـه وتـارس الـدنـيـه أمـان
هــســه ويــنــه الـغـيّـبــه عـنـي الــزمـان
أشـگـد أحـبـه ولـحـيـاتـي جــــنــه چــان

إحسيني هـذا فـدوه أروحـن لـلأســـم
إحسيني هـذا صـورتـه بـعـيـنـي رسـم

مـو حـلـم حـسـبـالي

*---------------*---------------*

عــمـه صـعـبـه أشـعـجـب مـنـي يـغـيـب
يـمـتـه أشـوفـه فـجـأه عـافـاني الحبيب
كــلــمــه مـنـه يـنـتـهـي هـــذا الـنـحـيـب
أنسه اذاني وجرحي الـِ بـمـتـني يـطـيـب

هـسـه أريــده الـمـاخـذ أُوْيــاه الـعـمـر
هـسـه أريــده الـتـارك بـگـلـبـي جـمــر

الـ عــايــش ابـدلالـي

*---------------*---------------*

گـلـتـي غــايــب الـغـايــب أيـام ويــعــود
مـــن أذكـــره جـــرح لـجــروحــي يـــزود
بــدونــه كـلـشـي مـظـلـم بـهـذا الــوجـود
صــبــري خـلـص والــدمــع عـمــه شـهـود

شلـون أعـوفه الـخـلـه بـعـيـونـي دمـع
شلـون اعـوفه وعيشتي بـدونـه شـمـع

الــفـرگــه أول تــالـي

*---------------*---------------*

بُــعــده طــوّل والـهـجـر صـعـبـه يـطـول
بـنـومـي شـفـتـه بصدره مـاداست خيول
لــو نـظـرنـي بـحـالـتـي هـايـه أشـيـگـول
روحـي هـوه بـرجـعـتـه دمـوعـي تــــزول

أغـفــه يـمـتـه بـلـگـت بـحـلـمـي يــرد
أغـفــه يـمـتـه وأشـتـم بـعـطـر الــورد

يــا عُــمُــر يـحـلالـي

*---------------*---------------*

الـدنـيـه كـلـهـه صــــارت بـعـيـنـي ظـلام
دمـعـي يـجـري وزايـد بــروحــي الـهـيـام
بـــــس أشــوفــه أغـفـه وبـحـضـنـه أنـام
أشـكـي يــمــه لـوعـتـي وحــرگ الـخـيـام

مـنـي غــايـب بـغـيـبـتـه أشعندي بـعـد
مـنـي غــايـب والـــدي وعـنـي أبـتـعـد

عــذبــانــي الــوالــي

*---------------*---------------*

✍خـادم رقـيـة ع
الشاعر رعد الجريخي

*[ يا أبا الفضل ]*

أداء: الملا #عمار_الكناني
كلمات: الشاعر #علي_عويز_الشويلي

https://youtu.be/AaFh6OpfwQQ

مجالس شهر محرم الحرام لسنة 1443 هـ - 2021 م
مجلس الليلة السابعة من شهرالمحرم (ليلة مولانا قمر بني هاشم العباس ابن علي صلوات الله عليهم)
جامع ذو الفقار - العراق - بغداد

مونتاج وتنفيذ: حارث العكيلي - أيمن أحمد
مكساج: أحمد البرمكي
مخطوطة: حسين مقيم
النشر الشبكي: علاء بركات العاملي - علي الفاطمي

*[ الخطوة مقتل ]*

أداء: الرادود #علاء_الغريباوي
كلمات: الشاعر #حيدر_سامي_السعدي

https://youtu.be/O5G4uX7Mg24

مجالس شهر محرم الحرام لسنة 1443 هـ - 2021 م
مجلس الليلة العاشرة من شهر المحرم
عزاء هيئة نور الزهراء عليها السلام - العراق - الناصرية

مونتاج وتنفيذ: محمد أديب
مكساج: كرار الموالي
تصاميم: رضا العتابي
مخطوطة: محمد حسن
النشر الشبكي: علاء بركات العاملي

جديد محرم الحرام 1443 هـ

📜 سـار 📜

🎙 أداء 🎙
• الرادود الحاج محمد الحجيرات

🖋 كلمات 🖋
• الشاعر ميرزا عادل أشكناني

🎛 توزيع ومكساج 🎛
• سيد محمد الكاظمي

🎚 اشراف عام 🎚
• يوسف المهنا


https://youtu.be/XkWe5MVvM2A