نص القصيدة

سار
قلبيَ عكْسَ المَسَارْ
حتّى في جنَّتِي نارْ
في النَّارِ نُورْ ..

باتْ
جفنيَ بالعَبَراتْ
يرنو لشاطي الفُراتْ
بين الخُدورْ ..
ـــــــــــــــــ
رأيتُ بعيْنَيْ فؤداي فؤادا..
بنارِ التعشٌّقِ يذكو اتقّادا..
كباسطِ كفَّيْهِ نحْوَ الخيَالِ
فما زادَهُ القُـرْبُ إلّا ابْتعادا..
و إنِّيَ ماضٍ بِعَكْسِ المسَارِ
فيا سَعْـدُ دَعْ عن غرامي سُعادا..
و عِشْ جمرةً في خيامِ الحُسينِ
و إلا فكُن في هَواهُ رَمَادا..

جمري
قد لخِّصَ عُمري .. بِلَـيالٍ عشْرِ
إذ صارَ الدمْعُ طَهوري
دعْني
و الحزنَ فإنِّي .. آنستُ بحزني
نارًا من جانِب طـُـوري

أيْن ؟!
كلُ أسى الثقلَيْن
من دمْعتي للحُسين!
طولَ الدُّهورْ

ماتْ
كلٌّ جمالِ الحياةْ
في مذبَحِ الكُرُبات
بين الخُدور ..
ـــــــــــــ
لقد صار بنيانُ صبري رُكاما..
و جفنيَ عافَ الكرَى و المَناما..
أنا المُستَهامُ ولكنَّ قلبي
يُحَلِّقُ خارِجَ سربِ الهيامى..
أجوبُ الفرَاتَ , وأنعى الحياةَ
و أرثي الحُماةَ , وأبكي الخِيَاما..
وأخلعُ قلبي بوادي السَّلامِ
فأسمعُ قِيلاً سلاما سلاما..

كرْبي
قد نوَّر دربي .. و بيصرةُ قلبي
حقَّرَتِ الدنيا عندي
شاني
و كيانُ كياني .. بحسينٍ فاني
من مهدي حتَّى لَحْدي


ميرزا عادل أشكناني
ذو القعدة / 1442 هـ

https://tttttt.me/mirza_adel_ashkanani

[ #بسم_الله ]
محرم 1443

#الشيخ_حسين_الأكرف
كلمات #ميرزا_عادل_أشكناني

*YOUTUBE:*
https://youtu.be/RlpT_unxu0g

بسْم الله و بالله .. مِنَ الله
إلىٰ الله .. و في سبيل الله
نبدي :
الحچي اعلْه احسين
بالويلاه .. او جرِّ الآه
ويَّه حُجَّةِ الله

_____
حُسين يا حسين~حُسين يا حسين
_____

يا ربِّي إِشْرَح لِيَ صدري و احْلُل العُقده ابلساني
يا ربِّي و ارزقني التشَرُّف أبچي ويْ صاحب زماني
نبچي سوه اعْله زينب
و الدمعه دُرَّه تنَصب
باللّون الارجواني

من ينادي يا جدّاه ..
سيفي يرتقب يرتوي منِ الدَّم
و احنه ننتقم ويّاه ..
الواحد اِبْألِف و اللّي بادي أظلَم


مرسوم ابعينه .. جدّه امحاوطينه الخيل
ما ينسه احسينه .. ما دام الصبُح و اللّيل

من عمّه راسه الحَارْ .. صار اْو صار
ذو الفقّار .. يطفي النار بالنّار
و احنه :
اعْله هذا الحال .. ليل اِنْهار
و الأنظار .. تترقّب يوم الثارْ
_____
حُسين يا حسين~حُسين يا حسين
_____

گالولي بالرَّجعه الشَّريفه احسين اوّل من يجينه
و الدنيا يحكمها إلى أن حاجبه ايْطيح اعْله عينه(١)
يا ربّي واللي رِدْته
أرجَع زمَن رجِعْته
و اصبح مُلُك يمينه

و آنه حتّى ذاك اليوم
أبقه منتظر طلْعته الرشيده
و اجري للمدامع دوم
بلكي بالدَّمِع ينغسل وريده

ناري سرَّايه .. ما بين الـ[متىٰ] و الـ[وين]
ما دام الرَّايه .. حَمره اعْله گبَّة اِحسين

مهما الظَّلام ايْسود .. عدنه اوْعود
بالموعود .. ايردّ السَّلام اردود
فتره :
او تمر ليَّام .. تالي ايعْود
و المريود .. حُكمه ابحُكُم داوود(٢)

____


(١) عن أبي جعفر عليه السلام قال:*«إنَّ أوّل من يرجع لجاركم الحسين بن علي عليه السلام فيملك حتى تقع حاجباه على عينيه من الكبر»*

(٢) عن أبي عبيدة أن الإمام الصادق (عليه السلام) قال له في حديث طويل: *«يَا أَبَا عُبَيْدَةَ، إِذَا قَامَ قَائِمُ آلِ مُحَمَّدٍ (عليهم‌السلام)حَكَمَ بِحُكْمِ دَاوُدَ وسُلَيْمَانَ، لَا يَسْأَلُ بَيِّنَةً»*

🔹🔶🔹🔶

| بسم الله وبالله |
ميرزا عادل أشكناني
الكويت
ذو الحجّة / ١٤٤٢ هـ

*[ لا أحب الآفلين ]*

أداء: الملا #محمد_باقر_الخاقاني
كلمات: الشاعر #الميرزا_عادل_أشكناني

https://youtu.be/94_VKM-2G4k

إصدار إستوديو شهر محرم الحرام لسنة 1443 هـ - 2021 م

مونتاج : علي الموالي
التسجيل : احمد البرمكي
الهندسه الصوتيه والتوزيع : حسام يسري
اخراج : #جراح_الحسيني
انتاج: #الاسراء_ميديا
النشر الشبكي: علاء بركات العاملي
@alesraa_media
#محرم_1443/2021

اللَّهُمَّ عَجِّلْ لِوَلِيِّكَ الفَرَج

تعلّمتُ من إبراهيم خليل الله عليه السلام أن {لا أحبُّ الآفلين}

فأحببتُ الحسين -دون غيره- !

____

ما علِّگت گلبي ابَّشّر .. گلبي للحُبْ ما يِلين
هالدنيا خلصانه او أنا .. لا أحِبُّ الآفِلين

كرَّمني الله اْو بالعَقِل تكريمي
يا روحي كافي و ابْصَفِنْـتِچ هِيمي
الـحُبِّ الأريده الحـُبِّ الإبراهيمي

خلّي حبُچ لليّ حُبَّه ما يزُولْ
او للّي شمسه البازغه ابلايه أفُولْ
كافي غفله اْو بالله فِهْمي اشأرْد اگول:
الدنيا عوفيها وراچ اْو سِدِّي إذنچ للعَذُول
او عطلي عقلچ للي ما تستوعب امصابه العُقولْ
او سحگي ذاتچ لجل ذاك السحگت اضلوعه الخُيولْ

كَسَّرْتُ أصنامَ هَوايْ .. و رُحْتُ في سَحْقِ أنايْ
و جُلتُ في ملكوتِ الحُبِّ , فتلاشَى العَقْلُ وَتاهْ
فمنشأي منهُ إليْه .. و دَمْعَتي مِنْهُ عليْه
أريدُ وجْهَ اللهِ تعالى , و حسينٌ وجْهُ اللهْ !

وجَّهْتُ وجهي للفطر .. گلب الحجَر ..
ابغير الحزن ما أقتنِع
لا يدّعي ابطاري العشِگ .. الما محترگ
و الما فهَم حزنك شَرِع
و الما بچه او گايل أحِب .. أكبر چذِب !
ما عدنه حُبِّ ابلا دمِع

جرَّبِت أنواع العشگ .. و اكتشفت العاشِقِين
كلهم يروحون اْو أنه .. لا أحبُّ الآفلين !
ــــــــــ
طفْت ابخيالي او غَرْبَلِتْ تفكيري
عندي الحقيقة و الوَهَم عد غيري
لولا خدمته ما احصِّل خيري ..

اُنسي مو ويَّه الإنِس , ويَّه النّحيبْ
اشما أقرِّب منهم أشعُر مو قريب
خيِّبْوا ياما ظنوني الما تِخيب !
الحُب قراري او إختياري لاهُو قِسمه اْو لا نصَيبْ
او قرّرت أبگه غريب ابْدِنْيِـتـي لَـجْل الغريبْ
لا حبيب إلّا الحُسين اْو غيره ما رايد حبيبْ

فسيِّدي خيرُ مَلِيكْ .. أحبَبْتُهُ دونَ شَريكْ
بِهِ أنِسْتُ و دونَ دُموعي .. لا أشعرُ باسْتِئناسْ
بعيشَتي أقصى طمُوحْ.. عليْهِ أبكي و أنوحْ
وبعدَ هذا لستُ أبالي .. ماذا سَيقولُ النَّاسْ

ما ينتهي الگال اْو گلِت .. واشحصَّلِت
تاليها من كثْر الحچِي ؟!
و العنده ثار ابكربله .. ما تشغله
هالدنيا عن طُول البچِي
هذا العمر يگظي تَره ..اْو بس منبره
اتسنَّد اعليْه و انتچِي

عاين عله الوادم صِفوْا .. خبَر ماضي اوْيه السَّنين
راحوْا و أنا بيَّه طبع: .. لا أحِبُّ الآفِلين

__
(لا أحبُّ الآفلين)
ميرزا عادل أشكناني
ذو القعدة / ١٤٤٢ هـ
قم المقدّسة

يوميَّة منزِل بيْه ينزِل و آنا ويَّاه
منِّ المدينه لأربعينه اشلون مسراه
خطوه ابأثر خطوه اويْه النَّحر
يطوي محطَّاته ابهالسفر
و أنا ويَّاه
ــــــ
أنا الزهره اْو عله اوْليدي
يوِن گلبي ولا يگطع ونينه
عليْه اتفـيض حنِّيتي
حِنينه اْو منهو مثْل الأُم حِنينه
إجه ايودَّعني و ايسافر
يريد ايشيل من أرض المدينه
نفَضت اترابي من رُوحي
اطْلعت من گبري أمشي اويه الظعينه

إيدي اعْله گلبي او صار دربي ويَّه لظعون
اْو عندي خبرهم من سفرهم ما يرجعون
ظعنه مِشه بدروب الخطَر
يطوي محطَّاته ابهالسفر
و أنا ويَّاه
ــــــ
يگولون اليطب مكَّه
أمان اتصير إله امْن الخطر والخوف
و أنا ابني من وصل ليها
عليْه دارت هَنادي او بيض لسيوف
گالوْا ينهدر دمَّه
ولَوْ بالكعبه چان ايصلّي و ايْطوف
حوّل حِجّته عُمره
او طلع يطوي المنازل لرْض لطفوف

إِحْرامه حَلَّه اْو دمْعه هَلَّه او لاح لفراگ
و ابدربه وضَّح حجَّه يصبَح حجّ لعراگ
ناوي على ذاك المُستقَر
يطوي محطَّاته ابهالسفر
و أنا ويَّاه
ــــــ
نوَّخ ظعنه برْض الطف
او شفِت ذَبحة بنينه او هَـلَه او ناسه
او حِبَسْت أنفاسي بالمصرَع
لمَن شفِت الولَد گطعَوْا أنفاسه
زادت حيرتي حيره
واشوفن بن سعَد بالخيل داسه
أظل وي جسمهِ لمسلَّب !؟
لو كمّل سفرتي ويَّه راسه ؟!

قرّرت أوَدعه او گلْت أتبعه لراس لحسين
ابسفرة مناحِر من يسافر يستقر وين ؟
يصعد جبل لو يعبر نهَر
يطوي محطَّاته ابهالسفر
و أنا ويَّاه
ــــــ
جماله اعله الرمح يبهر
گمر اربعطعش تمِّ ابْطَلِعْـته
طلع من كربله وآنه
إلى مسجد الحَنَّانه تِبَعْـته
او بس شاف إخته مچتوفه
من فوگ الرّمح طاحت دمِعْته
يوصّي زينب ابسكنه
او صوته امن النحر يطلع سِمَعْته

يبچي لخواته ولبناته گلبه محروگ
و اهْوَه اِعْله رُمحه چان جَرحه يحدي بالنوگ
ويّاهن لچم منزل عُبَر
يطوي محطَّاته ابهالسفر
و أنا ويَّاه
ــــــ
وصلنه لمنزل الكوفه
او عقيق اعيوني صَب لؤلؤه المنثور
بناتي باليُسر باتَن
و ابني دَم وريده اعْليهِـن ايْفُور
من چف مجرم لـ مجرِم
راسه المنگطع ينتقِل و ايْدُور
مرَّه اعْله الرُمح عالي
اْو مرَّه ابّيت خُولي ابوَسَط تُّنور

من خَد محمَّد تالي هالخَـد فوگ لِرمادْ
گلبي اشيصبره و إبني نحره ويْ بَني ازياد
صار النحَر بچفوف القَدر
يطوي محطَّاته ابهالسفر
و أنا ويَّاه
ــــــ
من تِكريت للموصل
عبَر للشام راسه يطوي لدروب
يوم ابصوْمَعة راهِب
او يوم ابْعَسْقَلان ابشِجره مصلوب
وابَّـوَّابة الساعات
شفِت منظر يفطّر صُمِّ لگلوب
شفِت راس البطل مُسلِم
على مَدْخَل دِمَشْق ابرمح منصوب

شاف اِبن عمَّه إجه اِيضمّه وهوَّه منحور
و إنحنه راسه ابشوگ باسه امشابگ انحور
چنَّه شمس شابگله گمَر
يطوي محطَّاته ابهالسفر
و أنا ويَّاه
ــــــ

أشد منزل هدم حيلي
نِزلنه اْو نِزلتِ اعْلينه البِلِيَّه
آهْ يالشام آهْ يالشام
آهْ يالشام أصعبهم عليَّه
اشجاب النُور للمخمور
اشجاب ابني لإبن هنْد او سميَّه
ساعه بالطشت وحده
اوساعه بالطشت بس يم رقيَّه

جاها ابخضابه او بالخرابه صار ما صار
تمسح جبينه اشگد حِنينه اچفوف لزغار
من مصرعه لْحَد خامس صَفر
يطوي محطَّاته ابهالسفر
و أنا ويَّاه
ــــــ

خلصت سفرة المنحر
اْو رَد راسه من السفره الطويله
او عگب ما چان برماحه
أخيراً صار بچفوف العقيله
تمّيت آنه ويَّه إبني
أشيل اترابه و ابراسي أهيله
او يوم الأربعينيّه
أتلگه اليزوره و أندعيله

يوم الزياره بنتظاره الجاي مشّاي
دربه السَّلامه او بالقيامه يكون ويّاي
يوم أربعينه كلمن حظر
يطوي محطَّاته ابهالسفر
و أنا ويَّاه
ــــــ
ميرزا عادل أشكناني
الكويت
محرم 1443 هـ

🆔https://tttttt.me/mirza_adel_ashkanani

يَا حُسِينِ وْخَلَّصِتْ عِزِّي وْدَلالِي
مِنْ غِبِتْ عِينِ الشِّمِرْ شَافَتْنِي تَالِي
گَلِّي بَاچِرْ لِلسَّبِي جَهَّزْ حِبَالِي
مَيْتَه رِيتِ وْلا زِلِمْ تِنْظُرْ خَيَالِي

جِيتَ اخِبْرَكْ عَنْ عِدَاكِ لْحَاوِطُونِي
وِالسِّيَاطِ لْوَرُّمَتْ خُويَه مُتُونِي
مِنْ سِطَرْ وَجْهِي الشِّمِرْ أَدْمَى عُيُونِي
رَوِّعُونِي وْشَتِّمُونِي وْسَلِّبُونِي

يَا گَلُبْ زِينَبْ تَرَه زِينَبْ وَحِيدَه
وِانْتَه رَاسَكْ عَالرُّمُحْ يَبْنِ الصُّمِيدَه
مَا نِشَفْ تِنْزِفْ دِمَه فَتْحَةْ وِرِيدَه
وِالْيِهِزْ رُمْحَكْ عَسَاهِ انْشَلَّتِ ايدَه

خُويَه اخِبْرَكْ عَنْ هَتِكْ سِتْرِي وْحِجَابِي
يَا مَرَه شَافَتْ مِثِل هَمِّي وْمُصَابِي
لُو جِبَلْ چَانِ انْصِدَعْ خُويَه لْعَذَابِي
بِتْ عَلِي وِالزَّهْرَه تِتْسَلَّبْ ثِيَابِي؟

حَرْمَلَه شَامِتْ إِجَانِي وْدَمْعِي هَامِلْ
يِضْحَكِ وْسَهْمِ الْمُثَلَّثْ بِيدَه شَايِلْ
گَلِّي شُوفِينَه السَّهَمْ وِصْوَابَه قَاتِلْ
صَوَّبِتْ چَبْدِ الْأَخُو وْعِينَ ابُو فَاضِلْ

زِينَبِ الْكُبْرَى مِشَتْ فُوگِ الْهِزِيلَه
يَا نَظَرْ عِينِي سَفِرْتِي شْگَدْ طَوِيلَه
ظَعْنِي مَا بَطَّلْ أَبَدْ نُوحَه وْعَوِيلَه
مِنْ بَعَدْ چَفِّ الْگُمَرْ صِرْتِ الْكَفِيلَه

https://tttttt.me/Hassankhanafer

عَافَتِ الْحُرَّه أَخُوهَه بِالْفَلَه
وْيَه الْعِدَه رَاحَتْ بِيدِيهَه السِّلْسِلَه
زِينَبِ الْمَظْلُومَه نَادَتْ كَرْبَلَه
أَرْدَ اوَصِّيچِ عْلَه مَگْطُوعِ النَّحَرْ

كَرْبَلَه بَالِچْ عَلَى حْسِينِ الذَّبِيحْ
رَاحَ اعُوفَه وَحَّدَه يَمِّچْ طَرِيحْ
بْهِيدَه خَلْ يِمْشِي الْهَوَه بْنَحْرَه الْجَرِيحْ
وِعْلَه كِيفَه تْرَابِچِ بْجِسِمْ الْفَخَرْ

كَرْبَلَه ظَامِي حَبِيبِي عْلَه الثَّرَى
كِلْ مِسِيَّه رِشِّي مِايِ بْمَنْحَرَه
رِشِّي جِثْتَه لْبِالتُّرَابِ مْعَفَّرَه
خَلْ يِكَفِّرْ عَنْ ذُنُوبَه هَالنَّهَرْ

كَرْبَلَه وْصِيَّه أَخِيرَه اتْحَمِّلِي
بِلِّلِي بْدَمْعَاتِي مَنْحَرْ كَافِلِي
جَمِّعِي ذِرْعَانِ ابِنْ حِيدَرْ عَلِي
نُوحِي وِابْچِي كَرْبَلَه لَجْلِ الْگُمَرْ

كَرْبَلَه لُو نَاشَدِچْ عَنِّي الطُّهُرْ
لَا تِخَبْرِينَه عَلَى حْبَالِ الْيِسُرْ
لَا تِگُولِي زِينَبِ بْوِلْيَةْ شِمُرْ
أَدْرِي مَا يِحْمِلْ دِلِيلَه هَالْخَبَرْ

https://tttttt.me/Hassankhanafer

*بِسْمِ رَبِّ الحُسين*
*النَّشرُ العاشورائيّ_ خروج الرّكب الزّينبيّ من كربلاء المقدّسة*

*ما رأيتُ إلّا جميلا*

لسان حال السيدة زينب عليها السلام في جوابها لابن زياد لعنة الله تعالى عليه حين سألها: كيف رأيتِ صنع الله بأخيك الحسين؟

جوهرةُ الأباةِ تقاد للطغاةِ
وا عجبا أراها يبهتهم نداها
والله ما رأيت إلا الجميل

لا تأخذوها نحو قصر اللئام
تحدو بها الأحزان والآلام
أما كفاكم رض صدر الإمام
أنى يقاد الضياء للظلام

يا قمر العشيرة زينبكم أسيرة
لله مشتكاها يبهتهم نداها
والله ما رأيت إلا الجميل
▪️▪️▪️▪️▪️▪️▪️▪️

يا كعبة الأحزان والصبر العجيب
يا قبلة الآلام محراب النحيب
أنى الرحيل وذا الحسين تريب
والرأس مقطوع وذا الشيب خضيب

يا كبش الكتيبة زينبكم غريبة
تدرك من سباها؟ يبهتهم نداها
والله ما رأيت إلا الجميل
▪️▪️▪️▪️▪️▪️▪️▪️

يا نغل مرجان ويا ابن الخناء
يا من قتلتم نسل خير النساء
يا سائلي عن صنع رب السماء
أنى الفرار قل بيوم الجزاء
(أيقن عقابا "ذق" بيوم الجزاء)

في يدنا الجنان تلفحكم نيران
يصهركم لظاها يبهتهم نداها
والله ما رأيت إلا الجميل
▪️▪️▪️▪️▪️▪️▪️▪️

يا شامتا إذ حز نحر الحسين
مهلا سأنبي عن كرور السنين
إني أرى في كربلا مرقدين
وما أرى الرؤوس بل قبتين

مهبط أنبياء قبلة أولياء
يفلح من أتاها يبهتهم نداها
والله ما رأيت إلا الجميل

والله لن تطفى شموس الخلود
والشام تغدو مقصدا للحشود
عن ركب زينب تنتزع القيود
وعند عباس سيحلو السجود

قد قطعوا اليسار فانقلبت منارة
تسحر من يراها يبهتهم نداها
والله ما رأيت إلا الجميل

تُرابُ نِعالِ ساداتِه

🏴 ساعدَ اللّٰهُ قلبَ إمامِ زمانِنا عجّل اللّٰهُ تعالى فرجَه الشَّريف بهذا المصاب الجلل 🏴

#لا_يَوْمَ_كَيَوْمِك#
#لبّيكَ_داعيَ_اللّه#
#وَبَدَأَ_الفتحُ الزّينبيّ#

▪️نشر جديد
قصيدة دفن الامام الحسين (ع)

ذكر المقرَّم في كتابه مقتل الحسين (ع) :
ثمّ مشى الإمام زين العابدين (ع) إلى جسد أبيه واعتنقه وبكى بكاءاً عالياً ، وأتى إلى موضع القبر ، ورفع قليلاً من التراب فبان قبر محفور وضريح مشقوق ، فبسط كفيه تحت ظهره وقال : بسم الله وفي سبيل الله وعلى ملّة رسول الله ، صدق الله ورسوله ، ما شاء الله ، لا حول ولا قوّة إلاّ بالله العظيم  وأنزله وحده ، لَم يشاركه بنو أسد فيه ، وقال (ع) لهم : "إنّ معي مَن يعينني".


١/أمَّا الشجى فإلى القيامةِ سرْمدُ
والليلُ بعدَكَ يا حُسينُ مُسهّدُ
(دفّانُـ)ـكَ اليومَ النبيّ محمّدُ
لعلِيِّكَ السجادِ جاءَ مُعينا

٢/سالتْ عليكَ من الوصيِّ محاجرُ
ألفاكَ صدراً رضْرضَتْهُ حوافِرُ
ضلعٌ هنا، وهُناكَ ضلعٌ آخرُ
وبقيتَ في حرِّ الهجيرِ طعينا

٣/لهفي لِمنْ لطمتْ لديكَ الأضلُعا
تبكيكَ جِسماً بالحصيرةِ جُمِّعا
جاءتْ إلى السجادِ تحملُ إصبعا!
وتقولُ : دعهُ معَ اليدينِ دفينا..

٤/وهنا الزَّكيُّ دنا بِقلبٍ يتَّقِدْ
في الرَّملِ يبحثُ، ما تُراهُ يفتَقِدْ
باللهِ هل وجَدَ المُثلَّثَ والكَبدْ ؟
منْ ثُمَّ أودَعَها ، فناحَ حزينا

٥/زينُ العبادِ طوى إليكَ فيافِيا
جسداً بِلا رأسٍ أتاكَ مُوارِيا
وهوى يُقبِّلُ عظمَ* نحرِكَ باكيا
فتزلزلتْ أرضُ الطفوفِ أنينا

٦/وإذا بصوتٍ مِنْ وريدِكَ يعتلي :
وسِّدْ على صدري رضيعي يا علي
أسفي، فأينَ الصَّدرُ يا بنَ المُرسلِ؟!
سحقوهُ ، بل سحقوا الهُدى والدِّينا

https://tttttt.me/AliOsailyAmily

*جديد لطم /سلام على ساكني الحرمين*

*سلام على ساكني الحرمين*
*سلام على الكافل والحسين*
*سلام على ثانيِ القبلتين*
*حسين يا حسين²*

حبيبي يا حسين حبيبي يا حسين
حبيبي يا حسين يا حسين يا حسين~
〰〰〰
سلام عليك صريع الردا
سلام عليك قتيل العدا
سلام عليك امام الهدى
*حسين يا حسين²*
حبيبي يا حسين حبيبي يا حسين
حبيبي يا حسين يا حسين يا حسين~
〰〰〰
سلام عليك امامي الغريب
بارض المنايا صريعا خضيب
وراسك فوق القناة يلوح
وجسمك عار تريبا سليب
*حسين يا حسين²*

حبيبي يا حسين حبيبي يا حسين
حبيبي يا حسين يا حسين يا حسين~
〰〰〰
يا رحمة السماء وقبلة الصلاة
وباب كل خير سفين النجاة
شفيع كل شيعي غدا في الحساب
يا ثورة الدموع وماء الحياة
*حسين يا حسين²*

حبيبي يا حسين حبيبي يا حسين
حبيبي يا حسين يا حسين يا حسين~
〰〰〰
اميري حسين ونعم الأمير
سرور فؤادي البشير النذير
ملاذي نجاتي بيوم الحساب
شفيعي غدا من حميم السعير
*حسين يا حسين²*
〰〰〰〰
بدمع المآقي أنين الفراق
اليك أبث حنين اشتياق
خلود الدماء عبر الدهور
كل شيئ فانٍ وذا انت باق
*حسين يا حسين²*
حبيبي يا حسين حبيبي يا حسين
حبيبي يا حسين يا حسين يا حسين~
الشاعرة خادمة آل محمد ✍🏻
اللحن
https://youtu.be/liYYFpmQRtg

*سلام على ساكني الحرمين*
آداء الرادود الحاج علي قبيسي🎤
كلمات الشاعرة خادمة آل محمد ✍🏻

*مقدمة لدفن أجساد الشهداء (ع)*
ألا أيها النائمون في حرّ الهجير قد تسربلت أجسادكم بجلابيب الرمال فكانت لكم أكفانا… والغسل من الدماء القانية… قد مُزج بطيب الجنان وعطر الريحان تلك هي الدماء الزواكي… هنا أجساد ثاوية في العراء ثلاثة… هنا الأشلاء والأوصال… هنا القربان الذي رفعا والقرآن الذي وُضعا والنحر الذي قُطعا … وأي أجساد مضرجة بالدماء مقطعة الأعضاء قد فُصلت عنها الروؤس وشُيّعت فوق الأسنة… وقد أضاء الخافقين من بدرٍ يلوح بأعلى الميّادِ… فتُبصره زينب المفجوعة فيتلو عليها آيات الصبر فتسكن روعتها.. آه يا زينب من بيارق دموع عينيها قد اوصت الرياح أن تكون للشهداء أكفانا… والأرض وطاء والرمال غطاء والنعش أكفّ الصحراء في أرض كربلاء… هنا ذُبح محزوز الوريد… هنا داسو صدر الدرّ النضيد… هنا بقي ثلاثا ثاويا فوق الصعيد هنا كربلاء... حيث شُيّعت جثامين الشهداء الى الرفيق الأعلى بعد أن جُهّزت بتجهيزٍ ملائكي وتجهيزٍ نبوي وتجهيز إلهي… فشاء الله أن يذبح الحسين في كربلاء… هلموا الى الموكب المهيب مع الملائكة والأنبياء لرفعرتلك الجثامين عن تراب كربلاء… آهٍ كربلاء…😭
*عظم الله أجوركم بمصاب سيد الشهداء ابي عبدالله الحسين (ع)*
خادمة آل محمد ✍🏻

*[ بندريه موطني كربلاء ]*

أداء: الرادود #ميرزا_حيدر_الابراهيمي
كلمات الشاعر: #باسم_الخاقاني

https://youtu.be/Ew0UGcb64U0

مجالس ليالي شهر محرم الحرام 1443 هـ _ 2021 م
مجالس الليالي العشرة الأولى من شهر المحرم
عزاء مضيف سلطان بني هاشم عليه السلام- العراق - سوق الشيوخ

مونتاج: سجاد محمد
مكساج: علي هاجر
هندسة الصوت: لؤي الحسيني
اخراج: اكرم ورد
مخطوطة: زين عباس
النشر الشبكي: علاء بركات العاملي

#لدفن_الاجساد
جديد محرم ١٤٤٣ هجرية قصيده بعنوان (دفن روحه)

تعنه بالهظم والاه علي السجاد والحسره
يريد يواري احبابه يويلي منكسر ظهره

رجع للطف بحزانه ابو الباقر علي هاليوم
يتّجه على الاهات ينادي بحسره يامظلوم
رايد ادفنك بويه يلغسلك نجيع ادموم

اجيتك بويه من اسري
ألمك حاير بأمري
بي نار الحزن تسري
ألم جسمك يبويه اشلون وكل اعضاك متنثره
▪️▪️▪️▪️▪️▪️▪️▪️▪️▪️▪️▪️
ابواري جمع اوصاله ودنه من نحره ويكلمه
مظلمه الدنيه يابويه عگب عينك يبو اليمه
نيران الأسر تجوي ومصابك ترك لجمه

مصابك نحل عظامي
اشوفك والنحر دامي
گوه انقل اجدامي
اتعثر على الرمله يبويه واهمل العبره
▪️▪️▪️▪️▪️▪️▪️▪️▪️▪️▪️▪️
سمع من نحره هذا الصوت أريدك تجلب الاصغر
تحط نحره على نحري وابگبري تدفن الاكبر
تخلي وليدي عد رجلي وعلى التشوفه تتصبر

رش نحر الطفل بالماي
سهم نحره ثبت بحشاي
وعلي الأكبر نظر عيناي
تدري بمهجتي ذابت أخيك جثته متوذره
▪️▪️▪️▪️▪️▪️▪️▪️▪️▪️▪️▪️
وقبل ميهيل علي التراب لنه يسمع احجايه
وليدي ياابو الباقر اتعنه الصاحب الرايه
كسر ظهري ابو الغيره ووجت نار بحشايه

اريد تشمه بالمنحر
وتجمع جسمه الطّشر
روحي وكافل الخدر
ظل اعله النهر نايم ابلايا ايمينه و اليسره
▪️▪️▪️▪️▪️▪️▪️▪️▪️▪️▪️▪️
دفن كل اهله والانصار وناره وجت بضلعه
دفنهم ويلي بالاهات ومن دم يهمل الدمعه
وقصد للكوفه بهمومه وروحه من الحزن تنعه

رجع للكوفه بهمومه
آثار اتراب بهدومه
وروحه حيل ملجومه
جروحه البالقلب ظلت عاشرها مدى عمره


تمت بعون الله تعالى
خادمة الزهراء / ليلى زغيب


الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

*[ هذا الهضمني ]*

أداء: الملا #مصطفى_السوداني
كلمات: الشاعر #علي_عباس_الربيعاوي

https://youtu.be/F5Az5D6iqzo

مجالس شهر محرم الحرام لسنة 1443 هـ - 2021 م
مجلس الليلة العاشرة من المحرم (ليلة مولانا الشهيد عبد الله الرضيع صلوات الله عليه)
عزاء هيئة شباب علي الأكبر عليه السلام - العراق - البصرة

مونتاج: عباس اللامي
مكساج: حسن يونس
مخطوطات: حسين مقيم
تنفيذ: SS للانتاج الحسيني
النشر الشبكي: علاء بركات العاملي