الحسين وعلي الاكبر عليهما السلام


يبني. گوم اعله حيلك بويه
يبني. جيت اتچـــيلك بويه
يبني. للخيمه اشــيلك بويه

علي طاح. بيه المصايب وجــــــــــرت من اول اوليد
علي طاح. اجيت امن الخيـم ركض ايد اصفچ ابأيد
علي طاح. ادور عن عـــــــلي ردت حيل احضن الحيد
علي طاح. كلما اشيلنه وگـــــــــــــع ومنين ماريد
شلون شافوني الشـــــماته
امدنگ اعله اوليدي وبچي
متت چم موته بـــطريجي
من وصلــــتك گوه احچي

شنهي من لگوه لگيتك
امسبل ويابس عطش
انفخ ابحلگك وندهك
ويدي صـارتلك نعش

اگــعد يالاكبر ولو. بس روح اوديك
لمك اسولف شني. تنطرني ارد بيك

روحك. مـــــــــــن تطلع اتأذيني
روحك. من فدوه روحي وعيني
روحك. لاتمـــــــــشي وتخليني
------------------------------
يصيحون. من غبشت الله عالذبح مستعجل حسين
يصيحون. تتوچه بيمن والــــــــولد مات امن الونين
يصيحون. حدر الفرس طـــاح ونزف وتناوشه البين
يصيحون. الحگ يبو اليـــــمه العلي يرفس بالاثنين
فرّعت يمه ومسحته
منين مالزمنه الچـمه
حيراني شلون حيره
لملميته بطرگ هدمه

والعـــساكر يمي تدبچ
بيمن اتزامــــــــط بعد
امگطعينه امن الحوافر
و واحد امصوبه ابعمد

بخاصرته نابت سهم. وبصدره طعنات
ونگطع نفسه وشهگ. ثاري الـولد مات

حيلي.  اتبريد ومــــــابيه
حيلي. ضلت تخط رجليه
حيلي. ضميته بين ايديه
--------------------------------------
بالخيام. مأتم بواچـي ونايحه كل اهله يبچون
بالخيام. كضّت الباب وتنتضر سالم يرد كـــون
بالخيام. شدي يليلى معصبچ سمعي يهوسـون
بالخيام. ذبحو علي الاكبر ترا ذوله اليضحكون
اتگابلن عــــماته فوگه
فايض امــن الدم لگنه
ليش مبيوگــــه حلاته
والعطش شمخلي منه

بين اليرفسه ويسحگه
صدره طابگ عالضهر
والدللول وحلــــــــيبه
ليش صار بشــفته مر

دلال ابـــــــوك انفطر. ومـــك غريبه
يالعايف اشچم جرح. ينزف مصيبه

حزنك. لابــسته كل علويه
حزنك. شيبلي شيب البيه
حزنك. عايش على طاريه

*شاكر الصيمري*

يالاكبر بويه

عطشان
چا وين الگه للولـــــــــــد شربه
طاحت لهاته ونكـــــسر گــــلبه
مابيه اشـــــوف الاكـــــبر امدد
والماي منه فرغـــــت الـــجربه
يزينــــــب ردي     اشوفچ جـايه
شبقى بالخيمه      اعصري الرايه
شحيح الـسانه      وتغير لــــونه
اريده اگــــبالي      الي تــــچايه


حيران
أيروح للحومه ويرد يشـــــــــهگ
جمّر السانه وجسمه مايــــــــعرگ
علي لو راح مايرجع الــــــي سالم
اخاف اضلوع صدره عالضهر تطبگ
وجمال عيونك      والمسويـــــهه
اذا اشـــــهگلگ       الخيم اچويهه
قسمتك حومه       وشبابك عاشر
حياتك چــنهه       عطش تنهيــهه


زينب
لو طلع بس لا ينوخذ غفـــــــــــــلّه
اشوف الخيل دارت ياعلي اسم الله
وگف حته النفس وياي بالــــــخيمه
سمعته ايصيح يابويه البــــــگه لله
ركضت ابطولّي     وطحت بالحومه
حرت بولـــيدي      الم اهــــــــدومه
المنيه بگــــده       وخذّته امن ايدي
ولاترهمــــــلك        عليك الــــنومه

مذبوح
ذبيت ثوبي ولفلــــفت جـــــسمه
والخيل كلهه املطخه بــــــــدمه
يزينب للخيم جايبلچ الاكبـــــــر
شبابه اتبده بالميدان شـــــــيلمه
اسولف ضــيمي      لمن وهـمومي
تلگـــــي اوليدي      يزينب گومي
ازفن غــــــــالي       وشيـلن غالي
دماهم وصـــلت      لحد بلعــومي

يبني
يالضاع دمك بين هــــــــــــــذا وذاك
اتطشر حنينك ونحنى مگــــــــــفاك
علي امرملّه اخدودك والرمل يچوي
المهر ماوچد امك للعــــــــــدو وداك
يحــــيرت امك    يبعد الشيله
يليلى الاكــــبر     احير ابشيله
اشيله ويوگــع    ولم الـــطايح
انطفه بالحومه   ضواه اللــيله

شاكر الصيمري

مصيبة علي الاكبر جبيره للخيمه جابوه بحصيره
تگطع وصل وجروحه تاذيه وحاير ابوه يمه ويلم بيه
***************
شافه طاح من المهر وناس اجت يمه شكثر وصار بالكيف
هذا يطعن بالرمح وذاك يلجم بالجرح وهذا بالسيف
حاوطوه ومنين ما دارو يطبروه
وآخ بويه ايصيح صدري شما يطعنوه
للخيم يرجع يريد وما يخلوه
راد ماي وكلها صاحت لا ترووه

نام عله وجهه بحضن الاتراب ومن عنده سلبو حتى الثياب
محد يجيه وميه ينطيه وحاير ابوه يمه ويلم بيه
****************
جروح جسمه منترس ونايم بذيج الشمس ويدور افياي
علي عالگاع انفرش ويبس گلبه من العطش وتعذب اهواي
منين ما دار الوجه طعنوه بالرماح
وجسمه من كثر السيوف اتگطع وراح
الطعنه فوك الطعنه وشگد ياعلي صاح
عمت عيني عليه ماخلوه يرتاح

ياناس حيره امصاب الاكبر شيلمه جسمه الي تطشر
ومن الشمس ياهو اليغطيه وحاير ابوه يمه ويلم بيه
************
دمه عالكاع انثر مثل زخات المطر من دارو عليه
حالته اتگطع الگلب شلون نايم عالترب ومتوسد ايديه
گطعوه وگامو بجسمه يطشرون
وحركو گلب حسين بالاكبر يصيحون
كون من جسم ابنه كلشي ماتخلون
حتى ابوه يحتار يجمع مهجته شلون

گطعوه وسحكوه بالحوافر وحسين خلوه بأبنه حاير
صاير وصل عالغبره يلگيه وحاير ابوه يمه ويلم بيه
**************
المصرعه حسين اعتناه عالوجه مرمي لگاه ومهشم الراس
رمه بروحه من المهر تمدد بطوله ويجر بالگوه الانفاس
ظل يشم بيه وگعد يم جسمه حاير
يلم بوصاله ويطشرون العساكر
علي يبني بيك شمسويه الخناجر
اهواي من جسمك خذت ذيج الحوافر

من جسمك اشكد ياعلي ضاع وطشوك مثل الماي عالگاع
ياجرح من عندك اداويه وحاير ابوه يمه ويلم بيه
*********
حيلي يابويه انهدم شلون ارجعك للخيم وانته عله هالحال
اشلون اشيلنك حرت وانته يبني توذرت ومن عندك شظال
منين ماشيلك كتر من عندك ايطيح
وآخ بويه منين ما لزمنك اتصيح
بيدي لميتك وخاف تنثرك الريح
ومثل دمك راح دمي عله الثره ايسيح

جبت الحصيره وكمت الم بيك وماعندي شربت ماي ارويك
ابيا گلب لخيامي اوديه وحاير ابوه يمه ويلم بيه
******************
تمت
ميثم العمري

محـرم 1443 هـ

( نزله للاكبر ع )

هـذا الاكبر علي او علي ويــاه
هـذا الاكبر علي او علي ويــاه

……………………...
الحومه من طباها .. چـنه داخل طه
وكالسعـف تـتناكث .. الـزلـم خـلاهـا

الجـيش لمن شافه .. هـذا طـه اوصافه
هد عليهم صايل .. ورمحه فوگ اچتافه

بالحـومه مـن نـزل .. خـلاها هالبطـل
تـتراجف منه كـلها
هد بيهم چن عصف .. زلزلهم بالقصف
وراواها الزلم ذلـها

هـذا الاكبر علي او علي ويــاه
هـذا الاكبر علي او علي ويــاه

……………………...
صال صولة حيدر .. وحاس بيها الاكبر
والـزلـم خــلاهـا .. مـن الرعـب تـطـشر

الرمح بـيـهم هـزه .. چنه جـده الحمزه
والگـرب من عنده .. بسيفه راسه يحزه

طب بيهم او رعد .. چن حمزه الاسد
خـلاها كـلها ترجـف
اخو خيته بالفـعل .. من حيدر هالشبل
بالحومه گام يعصف

هـذا الاكبر علي او علي ويــاه
هـذا الاكبر علي او علي ويــاه

……………………...

طبـها رافـع راسه .. الهـيبه من عباسه
من ابوفاضل ماخذ .. غيرته ونوماسه

هـيه نفـس الثـايه .. بالهـدف والغايه
يموت ماينـطيـها .. وما يطيح الرايه

بالغايـه والـهدف .. ماينـذل هالشـرف
بقاموسه الموت عزه
بناموسه والاصل .. صاحب حق مايذل
والكـثـره مــا تـهـزه

هـذا الاكبر علي او علي ويــاه
هـذا الاكبر علي او علي ويــاه

……………………...

الزلـم من يخفگـها .. الروس گام ايطگـها
الشـارده جــدامـه .. بـالسـهـم يـلـحگـهـا

اليلـوحه يشرگـه .. وعالتراب ايطـرگـه
والشمر ضل دايـخ .. عليه فاتـح حلگـه

من شافه الشمر .. ضل لا ما مستقر
ومن خوفه مات حيله
يلطم ضل گـصته ..فشل كـل خطته
ورجليه ضل ماتشيله

هـذا الاكبر علي او علي ويــاه
هـذا الاكبر علي او علي ويــاه

……………………...

الحرب عنده ونسه .. وچن تزفـه العرسه
وهـيبه ينطي لشكله .. الدرع من ايلبـسه

من علي هالهـيبه .. وحگـه بيده يجيبه
من يطب عالعسكر .. تحس كلها بخيبه

بساعات الموزمه .. يسويها ملحمه
والغيره يطگ عرجها
يكـر وما ينـهزم .. يگـلبها عالخصم
ويتعـاله منـها عجـها

هـذا الاكبر علي او علي ويــاه
هـذا الاكبر علي او علي ويــاه

……………………...

حسين من يدعيله .. يهـد عليها بحيله
الكون فوگ اچـتافه .. مستـعد ايشيله

عفيه من ايگـله .. يضوي وجهه ويحله
هـذا قــرة عـينه .. او حـبـيـبه وخـلـه

للاكبر لو دعـه .. هالدعوه تشجـعـه
ويطـبـهـا علي بـهـمـه
ليلى من ربـتـه .. لحـسينـه طاعـتـه
ويرخصله برضه دمه

هـذا الاكبر علي او علي ويــاه
هـذا الاكبر علي او علي ويــاه


الشاعر عقيل الحسناوي..

من عــلي الكبــر رســاله
الــــم عــــــلي موديهــــه
يمه ظمي دموع عينــج
هــــــاي من تقــــــريهه

يمه مظمــــون الرساله ادري صــعب
يريـــــد من عدج تشــدين الگــــلب
الكـــل بدايه تصح هنــايه لكل درب
والعمـــر هليــوم حده
ماي علكــــــاع وتبده
علــــتراب يخلي خده
عــــلتراب يــــــــنام ماعــــده گبر
ولــــــيدج ومريود منــــعدج صبر
شدي حيــــلج السبي بوكت العصر


كــــون مكتــوبي وصلج
اقريــــلي يمــــه الفاتحه
وعودي كلبج علمــصايب
الــــدنيه كلهــــه ورايحه

يمــــه اريد اليــــــوم مــــنعدج عذر
خــــاف ســــمعتج كلام بهــــل عمر
حتــــئ لو وياج ظــــــــل منلــــزغر
انتــــي يايمــه ظواي
صبري كلماشفتي ماي
وظمي بدموعج وراي
دمــــوع عينــــج غاليت عله الگلب
يمه صــــــبر شما يمر موقف صعب
ادري موهــــــــين درب سبي الغرب


يمه اوصيــج عله عمتي
بسبي تعــــــــــــــينينهه
هيه تحــــــــــتار بيتامه
ونتي لتعــــــــــــذبينهه

من تشــــوفين النحــر فوگ التراب
يمه صــــــــبري تحملي هذ العذاب
هيه هم مــــثلج تره عدهه مصاب
مــصابهه اعظم وشد
فاگــــــده خال الولد
تشوف مطبور بعمد
تشــــوف طبرت هــامتهه وجدامهه
وســــــوده بعد حسين هيج ايامهه
يمه صــــــــــــبريهه تموت احلامهه

من عــلي هاي الرساله
وحارت بمــــــظمونهه
گبال زيــنب بــلبواجي
ودم تصــــــب عيونهه

شلون اصــــــبر وانه اشوفنه خيال
علـــــــــــتراب ينام يابزر الــــدلال
شلون اكدر هــــــيج اعوفنه محال
ريت يمــــه ونــدفن
ولاظــــــــلن للحزن
گلبي مايشــفه يون
كلبي حاير بلبــــــــجي يبجيله دم
الحيل كله اليــــــــوم بفراكه نهدم
ولد واحــــــــــــد رته سالم ماسلم

يــــمه رتك عون اليه
من يمر بيه عــــــسر
موتنــام عله الترايب
لاچــــــــفن لامن كبر

رتك تباريــــــــــــني يبني بشيبتي
وبيك ازامط من اكلــــــــهم هيبتي
شلون ميــــــــت هاي هيه مصيبتي
شلون غاطيك التراب
يبني وطــيني جواب
وانه ماحمــــل عذاب
شلون احمــــــل فركتك وطيني راي
ونته ظامــــي تروح يبني وهذ ماي
شلون ترظى امشي سبيه تظل وراي


الشاعر
ابو سلام الجابري

نعي
الحسين ع عند مقتل الاكبر ع


افراك الولد يازينب كسرني
اول تالي يصبح عالي وني
اجدامي مايعينن تعبني
كوه امشي كمت ماوصلني

منو يشيله ويلمه كلبي حاير
الاكبر زغر مابين الحوافر
غير اعله الولد تعمه النواظر
واكف يمج وبالكوه صابر

كل حيل ابد ماضال بيه
عينيني خل اوكف يخيه
شماتنه تعاين عليه
يمته يطيح ابن الزچيه

من الحومه تره جيتچ وجبته
واصلت يمه واعاين ماعرفته
نظرت اعليه وكتله ميت انته
عليه مارد يزينب خلها سكته

شميت نحره ومتت يمه
ومددت جسمي بطول جسمه
ماباقي من الدوس رسمه
يگوم علي ياهو الاحشمه

#زيد عدنان الزيدي





https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

طلع شباب امن الخيم گومي يزينب هلهلي
@@@
شبه الرسول ابهيبته وفارس مثل جده علي
طلع شباب امن الخيم گومي يزينب هلهلي
@@@
ملثم گحمها الموزمه وغيره ابدليله تغتلي
طلع شباب امن الخيم گومي يزينب هلهلي
@@@
طب وگلبها ابراحته لمحشم ابفزعة هلي
طلع شباب امن الخيم گومي يزينب هلهلي
@@@
شتّر اعادينه وصرخ ياحومه اخذي ادللي
طلع شباب امن الخيم گومي يزينب هلهلي
@@@
ياريت من هذا الفزع سالم يرد أبني إلي
طلع شباب امن الخيم گومي يزينب هلهلي
@@@
ياحيف نيران العطش فتت دليل امدللي
طلع شباب امن الخيم گومي يزينب هلهلي
@@@
لو طاح يازينب ترى گلبي ابمصابه يمتلي
طلع شباب امن الخيم گومي يزينب هلهلي
@@@
بالرمضه لو طاح الولد خايف جبينه ينصلي
طلع شباب امن الخيم گومي يزينب هلهلي
@@@
جاني ويصب دمه الظنه ابكثرة جراحه مبتلي
طلع شباب امن الخيم گومي يزينب هلهلي
@@@
ولمن رجع للمعركه تالي وگع شبه الولي
طلع شباب امن الخيم گومي يزينب هلهلي
@@@
مطبور واعضاءه وذر راح امنديّه أملي
طلع شباب امن الخيم گومي يزينب هلهلي
@@@
علي احمد الحمود
١٧-٨-٢٠٢١
مصرع الأكبر
محرم ١٤٤٣

*[ تسبيح المفارگ ]*

أداء: الملا #عمار_الكناني
كلمات: الشاعر #علي_عبود_العبودي

https://youtu.be/3rxmdfQkuHU

مجالس شهر محرم الحرام لسنة 1443 هـ - 2021 م
مجلس الليلة الرابعة من شهرالمحرم (ليلة مولاتنا الطاهرة أم البنين عليها السلام)
جامع ذو الفقار - العراق - بغداد

مونتاج وتنفيذ: حارث العكيلي - أيمن أحمد
مكساج: أحمد البرمكي
مخطوطة: حسين مقيم
النشر الشبكي: علاء بركات العاملي - علي الفاطمي

◾ملك الماء◾
الأداء : أشرف التميمي
الألحان : سيد محمد الموسوي
الكلمات : لقمان البدران

الكورال والتوزيع : سيد محمد الموسوي- اشرف التميمي- امجد كريم
تم التسجيل والمكساج في
استوديو عطش للأنتاج الفني
الهندسة الصوتية : امجد كريم
التنفيذ والاخراج : اشرف مهدي

للمشاهدة على اليوتيوب اضغط على الرابط :
https://youtu.be/GF2nn5FGgkM

#علي_الأكبر
جديد محرم ١٤٤٣ هجرية قصيده بعنوان (علي راح) لسان حال ليلى على جثة ولدها علي الأكبر داخل الخيمه


علي راح.... وانه اصفگ بس بديه
علي راح... انصبت العزه بالغاضريه
علي راح.... ما في دمع يكفي الرزيه

علي راح.... واهمله الدمع من دم
علي راح.... وجسمه اگبالي تخذم
علي راح.... وگليبي بمصابه تثلم

علي راح....حدر الضلع ناره تسري
علي راح....دمعي من دمه يجري
علي راح.... ياخويه وحرت بمري


علي راح... اصفگ بديه وانتحب
علي راح... جمر المصيبه يلتهب
علي راح... يا سهمه ساكن بالقلب

علي راح... خلي دمعاتج سجيبه
علي راح... آه يا عظم المصيبه
علي راح....ويايه نوحي يالغريبه


علي راح... وشب الجمر حدر الضلع
علي راح... بعيني ما ظل كل دمع
علي راح...يا روحي ذوبي جالشمع


تمت بعون الله تعالى
خادمة الزهراء / ليلى زغيب




الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

#علي_الأكبر_عليه_السلام

*يا سماوات ويا أرضُ اشهدي*
*لم تزل نار الأسى في كبدي*
*كيف أنسى ولدي كيف أنسى ولدي*
●●●●●●●●●●●●

ولدي أضحى قتيلاً بدم النحر خضيبْ
ورأته العين بدراً دامياً فوق الكثيبْ
مهجتي حرّى عليهِ وبها يرعى اللهيبْ
كلما أتْعَبَها الخطبُ استجارت بالنحيبْ

ليتَ موتي كان قبل المولدِ
لم تزل نار الأسى في كبدي

★★★★★

ليتَ في الموتِ اختياراً ثم يرضى بالبديلْ
كي أُوارى ثم يحيى ذلك البدر القتيلْ
ليس في الموتِ بديلٌ ما إلى هذا سبيلْ
آن لي أنْ أعلنَ الصبرَ لدى الخطبِ الجليلْ

من حياض الصبر أضحى موردي
لم تزل نار الأسى في كبدي

★★★★★

قُتِلَ الأكبرُ صبراً بين أشباهِ الرجالْ
قتلوهُ وهو ظامٍ لم يذق طعمَ الزلالْ
مَزَّقوهُ بسيوفٍ ورماحٍ ونبالْ
بدماءٍ غسَّلوهُ كفَّنوهُ بالرمالْ

ليتَهُ لُفَّ بثوبٍ أمْلَدِ
لم تزل نار الأسى في كبدي

★★★★★

شامخاً ماتَ وما أحنى قواماً عن خضوعْ
فَغَدا القلبُ عليهِ جمرةً بين الضلوعْ
جمرةٌ يعلو سناها ثم تنسالُ الدموعْ
مثلما ينسالُ من فرط اللظى ماءُ الشموعْ

وكأنَّ الدمعَ زيتُ المَوْقِدِ
لم تزل نار الأسى في كبدي

★★★★★

كان لي طَوْداً منيعاً كلما جَدَّ البلاءْ
وإذا بالطَوْدِ مُلْقىً في بوادي كربلاءْ
كيف لا تجري عيوني بدل الدمعِ دماءْ
كيف لا أبكي عليه كلَّ صبحٍ ومساءْ

ليتَها لا أشرقتْ شمسُ الغدِ
لم تزل نار الأسى في كبدي

★★★★★

خافقي ذابَ احتراقاً في الأسى وهو يقولْ
كيف لا أبكي هلالاً غالَهُ سيفُ الأُفولْ
كيف لا أبكي قتيلاً فقدُهُ أبكى الرسولْ
وكذا أبكى عليَّ المرتضى ثم البتولْ

لم يزل من بعدهِ الجفنُ ندي
لم تزل نار الأسى في كبدي

★★★★★

قلتُ والخافقُ يطفو في بقايا الذكرياتْ
ليتني قبلَ عليٍّ غالَني سيفُ المماتْ
هل تُرى بعد عليٍّ يُرتجى صفوُ الحياةْ
أمْ تُرى الأيام تجري بالنَّوى والنائباتْ

ليس دون الصبرِ من ملتحدِ
لم تزل نار الأسى في كبدي

★★★★★

#جابر_الكاظمي

*هي ليلة*
هي ليلة~ وحسين يصبّر زينبهُ
هي ليلة ~ من فوق التل تندبهُ
هي ليلة ~ وحوافر خيل تقلّبه
••••••••••••
هي ليلة~ زينب والعبرة تجريها
هي ليلة~ كالقدر بذكرٍ تحييها
هي ليلة~ والمحن تتنزّل فيها
•••••••••••••
هي ليلة ~ و تقبّل زينب منحره
هي ليلة ~ وغدت في رمح تُبصره
هي ليلة ~ وهناك فاطم تحضره
•••••••••••••
هي ليلة~ والشمر لذبحٍ يقصده
هي ليلة ~ ولعينُ لصدرهِ يصعده
هي ليلة ~ والجنة باكر موعده
••••••••••••••
هي ليلة ~ ويلوح برمحٍ كالبدر
هي ليلة ~ ورضيعه يُروى من نحر
هي ليلة ~ وجبال العز في الأسر

بقلم خادمة آل محمد ✍🏻
اللحن👇🏻
https://youtu.be/P_nLcUBqpN0

1443 / دمعة القائم الامام الحسين ع واخته زينب ليلة عاشوراء
يگلها / لحن الجفيري♪
كفّي دموعچ والحزن
وصبري يا زينب عالمحن
لو شفتي اخوچ بلا دفن
ونحره انذبح من الوريد
❈❈❈❈❈❈❈❈
باچر تشوفين العجب
جسمي عفير عْلى الترب
وسهم المثلث بالگلب
وجسمي طريح عْلى الصعيد
بعد يا زينب عندك محن صعبة يا ام المصايب…
آآه آه ماذا ينتظرك مولاتي يا في كربلاء هناك المحن والرزايا والشهداء والقتل والسبي والعطش وحرق الخيام وآلام تتبعها آلام (يلا معي بعين القلب لنرى ماذا رأت زينب يوم العاشر~)
طور الأنين العاملي~
يختي يا ريحانة علي
عندچ صبر لْعُظم المصاب
تشوفي بعينچ كل هالبله واجساد اخوتچ عالتراب
جثث وضحايا مرمّله
ودم النحر صاير خضاب
وفوق القنا راس الولي
صبرچ يا بت حامي الدخيل
〰️〰️〰️〰️〰️
*الله الله يا قلب زينب شتتحمل من مصايب ومحن واويلاه وازينباه*
تشوفي العمامه مسلّبه
واوصالي كلها مگطّعه
تشوفي بدر فوق النهر
كفّالچ عْلى المشرعه
يتصوّب بسهم الغدر
ويسره ويمينه مگطّعه
حالچ يا محزنه صعب
ما عندچ محامي وكفيل
خادمة آل محمد✍🏻

1443 / دمعة القائم وسبي الفواطم
ليلة العاشر مولاتنا زينب تودع أخاها وتتزود منه، فيوصيها الحسين ع بوصية عظيمة:
أختي زينب، إذا رأيتِ الشمر يجلس على صدري فابتعدي عنه ولا تكلميه، عليكِ بالصبر، أختاه لا تلطمي عليَّ خداً ولا تشقي عليَّ جيباً... ولسان حاله / لحن لفى عاشور او الحان الملا عبدالحي قنبر~ او التغريد الحزين~
لو شفتي الشمر جالس وعلى صدري يتربع
صبري يختي عالمحنه لو شفتي. النحر يگطع
لو شفتيني عالغبره دامي جسمي بالمصرع
صبري يا بنت حيدر وصية ٱخوچ لِزميها
❊❊❊❊❊❊❊❊❊
لو عينچ يا محزونه شافت نحريِ المنحور
ثوبچ لا تِشِقّينه ولا تهلّي الدمع منثور
ولو شفتي خيول عداي جالت عالصدر مكسور
اصبري يختي يا زينب
ودمعتچ لا تهليها
خادمة آل محمد✍🏻
هالله هالله في الصبر يا زينب هالله هالله في الوصية يا زينب انت العالمة الفاهمة انت الكافلة للعائلة بعد اخيك الحسين انت التي ستحفظ العيال والاطفال والنساء…
يگلها گومي… روحي لخيمتچ بالحال
يگلها گومي… وشوفي النسوة والاطفال
يگلها گومي… واحمي ربّات الدلال
تگله خويه… راح اودعك هالمسيه
تگله خويه… وامري لله بهالرزيه
تگله خويه… ودمعتي بخدي جريه
خادمة آل محمد ✍🏻

بسم الله الرحمن الرحيم
تم نشر اكثر من ٤٠٠ قصيده بحق الليله العاشره من المحرم (عبدالله الرضيع +الوداع ) على الرابط التالي

https://tttttt.me/joinchat/AAAAAFP9-Ukpe56ibTVf0A

#الناشر_الحاج_فلاح_حسن

*[ لا تدعوني ويك أم البنين ]*

أداء: الملا #محمد_باقر_الخاقاني
كلمات: الشاعر #السيد_مرتضى_الياسري

https://youtu.be/4EfpbSd9ppk

مجالس شهر محرم الحرام لسنة 1443 هـ - 2021 م
مجلس الليلة الرابعة من شهر الحرام (ليلة مولاتنا الطاهرة الميمونة أم العباس أم البنين صلوات الله عليها)
عزاء هيئة غريب طوس - العراق - البصرة

مونتاج وألوان: كرار المياحي
اخراج: مرتضى نبيل
مكساج: أحمد البرمكي
مخطوطة: زين عباس
النشر الشبكي: علاء بركات العاملي

بسم الله الرحمن الرحـيم
عظم الله اجورنا واجوركم بمصاب سيدي ومولاي الامام ابي عبد الله الحسين واهل بيته واصحابه
تم نشر اكثر من ٣٥٠ قصيده خاصه ليله الوحشه على الرابط التالي

https://tttttt.me/joinchat/AAAAAFGA0XCmqJ5goN9AoA

#الناشر_الحاج_فلاح_حسن