#مسلم_بن_عقيل
جديد محرم ١٤٤٣ هجرية قصيده بعنوان (حيرة مسلم) نعي

مسلم غده حاير ويدير بالافكار
ولبو السجاد من دمه يهل الاعبار


مسلم حاير وخذلته الاصحاب
بالسكك يمشي وامغلگه الابواب
ما يدري الوجه لاوين ابن الاطياب
ولحسين بساع يريد يوصّل الاخبار
▪️▪️▪️▪️▪️▪️▪️▪️▪️▪️▪️▪️
يم باب طوعه وگف ويلي حيران
يگلهه ومن عينه الدمع غدران
اريد اشرب جوفي التهب نيران
والجزه باجر تحصلي من النبي المختار
▪️▪️▪️▪️▪️▪️▪️▪️▪️▪️▪️▪️
يگلهه يحره ترى يم بابج غريب
خذلتني الاصحاب وماكو حبيب
بيتيني بدارج الليله وباجر قريب
انه من بيت معروف بضيافة الخطار
▪️▪️▪️▪️▪️▪️▪️▪️▪️▪️▪️▪️
يگلهه يحره اعرفج بالنفس تراني
سفير حسين انه وخان بيه زماني
غريب بديرة الكوفه ابين عدواني
وما بگالي يحره بديرتكم انصار
▪️▪️▪️▪️▪️▪️▪️▪️▪️▪️▪️▪️
گالتله ونعم منك والدمعه هموله
عمك حيدر الكرار ونعم الحموله
اتشرف بيك يراعي الزود والصوله
على الراس والعين يا ريحة الاطهار
▪️▪️▪️▪️▪️▪️▪️▪️▪️▪️▪️▪️
گلهه يحره ارد اوصيج بوصيه
باجر من تطب يتامه الغاضريه
گلليلهم والدمعات من دم جريه
مسلم عليكم وج وسط الضلع نار


تمت بعون الله تعالى
خادمة الزهراء / ليلى زغيب



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

*[ تموت احسنلها ]*

أداء: الملا #عمار_الكناني
كلمات: الشاعر #حسين_طالب_السماوي

https://youtu.be/fYo9E6KlzfY

مجالس شهر محرم الحرام لسنة 1443 هـ - 2021 م
مجلس الليلة الثانية من شهرالمحرم
جامع ذو الفقار - العراق - بغداد

مونتاج وتنفيذ: حارث العكيلي - أيمن الزعيم
مكساج: علي شهاب
مخطوطة: حسين مقيم
النشر الشبكي: علاء بركات العاملي - علي الفاطمي

من شفت الهوى       يدفع بالخـــــيم
من شفت المهـر       تارس ضهره دم
امسابگ وي منيتك
ياعباس اجيـــــتك
اركض ولتفت       خايف عالحرم
عباس      يارايــــــتي
عباس     ياغيــــــرتي
عباس     طايح صدگ
عباس     ياطيحـــتي
من جدمي حد راسي     گــوه الفض انفاسي
خنگتني چـــــم عبره     وينـــــــك يعباسي


دايرتـــك زلم         وتهوس علـــــيك
عباس الشهم         صاير هيچي بيك
كون الموت اخذني
يالفگدك هضـــمني
من جسمك شلم      وانته ابليه اديك
ياخوي      لو مـــــــاترد
ياخوي      بيمن اهـــــد
ياخوي      لو ماكو اخو
ياخوي      بالناس اصد
گـــــدامك اتلوه      چن هانت الخـوه
يمدوهن عيوني     عباس ابو النخوه


خليت العطـــش      بخيامــك وراي
اطفال وحــــرم       كلهه تنادي ماي
هد حيلي مصـابك
من فدوه الشبابك
معناها انكسر         من هسه گفاي
ويلاه       عينك طفـــت
ويلاه       من غمضــــت
ويلاه       صوتي احبس
ويلاه       روحي انتـهت
التمت اهمــــومي      وانسمعت اعلومي
ياحيرتي اخلافك      گـبلك ردت يومي


يامــــــاي النهر        يمك حيـلي راح
ترسوني حچي       من گالولي طاح
چـم شامت طلعلي
ضل وحدك يگــلي
ركضو عالخيم       محد بيهه صاح
لو اروح     ادري الزلــم
لو اروح     تحرگ خيم
لو اروح      يابالفضــل
لو اروح      بيـمن اهم
صيوانك ابحيره      انهض يبو الغيره
من تهجم الوادم      ماترحم ازغــيره


هذا انه أخــوك       يم راســـك طحت
ماتسمع ونيــن        اشگد بيك اندهت
شيل اشــويه روحك
بلكي الضم جروحك
ترجع للبنــات         هاخــويه اشگلت
للشام       ساعـــــة زمن
للشام       يمشي الضعن
للشام       خويــه الخدر
للشام       يتغــــــــــربن
وحدي واضل حاير       تاليتي للحـافر
من يحمي نسوانك       لو ينسبن باچر

عبدهم
#شاكر الصيمري





https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

Custom Commands

•{شهر البچي}•

كون البچي بشهر البچي من دم نهله
منهو الإله انطگت مرى و تبچي اعلى تلة

{ويلي على زينب}

١/من بيكم العنده إخت شلعوا گلبها
هذا اليطگها اعلى الوجه هذا اليسبها
واحد دفعها بالرمح واحد سلبها
بس شبديها ام الخدر أخوتها قتلة

{ويلي على زينب}

٢/من بيكم العنده إخت تركض وحيده
حيرة و عليها المشرعة صارت بعيده
وصلت لخوها بلا وعي و ترجّع إيده
و الحيرة مو بس خايفة الحيرة شتگله

{ويلي على زينب}

٣/گالتله إگعد يالأخو و انظر دمعتي
و لتگلي لو شفت المتن عذريني يختي
و لتگلي لو تشتم حرگ وين إنت چنتي
حرگوا خيمنا و الشمر سلّبني ثكلة

{ويلي على زينب}

٤/هاي التنوح اعلى الولد و يشب حزنها
و هاي التحنّي بالدمة چفين إبنها
و ذيچ التلولي عالمهد ميتة أظنها
طفل انذبح و تسلبت من عدنا طفلة

{ويلي على زينب}

٥/احسين أخوها اعلى الترب جثته رمية
و ركضت رقية لجثته ركضت سبية
گاملها و بلاية نحر شابگ رقية
و تگله نومك عالترب لا مو محلة

{ويلي على زينب}


*الشاعر الموفق السيد محمد المنصوري*


رابط قصيدة " شهر البچي " :
https://youtu.be/V_N0yl3dnjY
_______________________
قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://tttttt.me/MSudane
_______________________
القناة الرسمية للملا مصطفى السوداني على telegram :
https://tttttt.me/Mustafa_Sudane
_______________________

ليلة استشهاد النبي الاكرم صلى الله عليه واله حوار بين رقية وجدتها الزهراء سلام الله عليها:
رقية تخاطب جدتها الزهراء ليلة وفاة النبي:

انه ياجده رقية .. شوفتج عنت عليه
فاگده الوالد يزهره
راح اجيج وكلي عبره
وللعزا نگعد سويه
.....
احنه كل وحده محزنه .. الليله مشتاكه لبوها
بس فرق بين اللي عدها .. حيدره لمن لفوها
عن يتيمه بدار غربه .. وتنخى اَهلها الضيعوها
وبگلبها تنعى سكته .. بالنواعي الما نعوها
طفله ياجده وسبيه .. والحبل أثّر بديه
امن البواچي عيوني حمره .. راح اجيج وكلي عبره
....١.....
بيت حزنچ والبواچي .. عمتي عنهن حچتلي
تصورت شكله يشابه .. للخرابه من اوصفتلي
تخيلت من حالي أهون .. حالتچ من سولفتلي
لأن آنه من بچيت .. الضربه مدري منين اجتلي
طفله وبديره اجنبيه .. ومن ابوها تريد جيه
من المشي رجليه جمره .. راح أجيج وكلي عبره
....٢......
وارثه حزني وعذابي .. من عذابچ من ونينچ
لكن تگول الروايه .. انتي من سقطوا جنيچ
رجعوا قنفذ عليچ .. وضريه ضرباچ اعله عينچ
ونضربتي بسوط واحد .. ضربه تشگفها ادينچ
زورگتني اسياط اميه .. وصارت مخالف عصيه
وانسطر سطره اعله سطره .. راح اجيچ وكلي عبره
......٣.....
جواب الزهراء:
.............
كلفت زينب تبوسج .. عني بوسه بالإنابة
وروحي كل ليله تگصدچ .. زايره اطوف الخرابه
اجيبلچ وياها غيمه .. خاطر ترش الترابه
وانصب بگبرچ عزيه .. آه يحسين ومصابه
آ يسبي الفاطميه .. وياعُظم ذيچ الرزيه
والأطفال التمشي أسره .. راح اجيچ وكلي عبره
......٤......
آه ياجده رقيه .. آه يا سبية خواتچ
آه يا حرگة خيمكم .. آه يا جرة عباتج
آيزينب من نختني .. لحگي يازهره لبناتچ
يالتشبهيني بمصابي.. يالتشبهيني بصفاتج
كون نجسمها الأذيه .. شويه الچ والباقي اليه
للعطش كون انه گطره .. راح أجيچ وكلي عبرهن
.....٥......
من ذهب گبة ضريحج .. ضاويه ليوم القيامه
تحچي للعالم محنتچ .. شاهد لذيچ الظُلامه
وانه گبري مضيعينه .. حتى ما ظلت علامه
الكسروا ضعلي سبوكم .. كلهم أعداء الامامه
والأيام الفاطميه .. شاهدات اعله القضيه
وضلعي والدفعه التسمره .. راح اجيچ وكلي عبره
......٦.....
سيد نعيم آل مسافر

عايشه ابالي صور رايه تبچي اعله النهر
يمها عباس الگمر بلايه چفين
* * *
اتخيلت چن راية الكافل تشوف
ونايمه اعله الخامه انواع السيوف
هيه عدله وكلشي ميت بالطفوف
ما اظنها تدري ميتات الچفوف

ناشغت وتمايلت كلشي ميت مادرت
للمخيم عاينت إلحرم وين
*
تبچي ظلت والخيام ابلا عيال
عالترب شافت بقايه امن الحبال
انتبهت وجثه ابكترها اعله الرمال
منهو هذا الدمه من ازنوده سال

الرايه لمن شافته الصدره حاظن جربته
ابو فاظل عرفته هذا اخو حسين
*
امزگه وعل كافل الرايه تنوح
حاولت رادت تگعده وما تلوح
تحاچي چفينه وتجاوبها الجروح
الچفوف امدده وما بيها روح

البشداد امجربه عالرمال امتربه
بالدموم امخظبه وتجري نهرين
*
نظرة اعله العلگمي بنظرة عتب
يانهر مات الكفيل انته السبب
چا خدر ام المصايب من سلب
ولا شمر للخيمه يم زينب گرب

يانهر شفت الشمر بالفواطم ظل يجر
وسمعت ام الخدر هاج الاونين
*
ظل يحاچيها النهر كفي العتاب
يكفي عباس الگمر هذا المصاب
أنگلب يالرايه اتمنه تراب
بجربته الماي انگلب كله خظاب

راد يرجع للخيم لاچن العسكر هجم
انصابت الجربه بسهم وثاني بالعين
***


الشاعر اياد الديراوي

ليلة الوداع

سولفتلي دموعك من لزمت اضلوعك
خايف تگول باچر خيول اتهشِمك
1
هذي اول مره خويه عني درت عيونك
بلون حرگ خيامي باچر ليش صاير لونك
بعده ما بين فجرنه ونته حمره جفونك
خلي نتوادع يغالي گبل ليذبحونك

ايدي حطها ابيدك ارد اشم اوريدك
هسه الوداع باچر ضياع ويألِمك
2
اعليه خايف ما تگلي ليش بنفاسك حزن
صبري اكبر من دموعك ما يهم جرح الجفن
انا ادري الخيل باچر بصدرك اتدور حظن
گبل لتهشم ضلوعك ارد ابوسنهن وون

هسه ونة خاطر اهون امن العاشر
خلها تنوح روح اعله روح وتكلِمك
3
بعمر ورده اوياك احسن لچن من دونك دهر
هيه بس هالليله يمك وباچر اتطشر نهر
حاسبه احساب الخيامي ودري تاليها مفر
لاچن اجبينك يخويه شلون تنصاب بحجر

من تفيظ دمومك خويه تخفي رسومك
ارماد الخيام وبين السهام اتوهمك
4
راح اصبر صبر امي لمن ايضربوني
بلون هاي الشيله باچر خويه لون امتوني
والحبل بچفوفي شِده انظر ايمنعوني
ارفع ايدي حتى اودعك وكلهم ايجروني

خاطري ايكسرونه اوداعك ايمنعونه
اه يالغريب منظر عجيب ما يرْحَمَك
5
باچر اعله الرمح راسك خويه يفتر بالطفوف
راح افزع للكفلني ولو ما عنده چفوف
ارد اگله انهظ عضيدك صار طعمه للسيوف
اشرح الحال ابونيني السهم ميخليلهه شوف

مگطعات اچفوفه والسهم سد شوفه
بدم الزنود خويه اعله جود چن راسِمَك
6
لا تخافت خويه صوتك بقت ساعه للكلام
باچر اعله الناگه انه ونته عالغبره تنام
ليل الله يهل عبايه شلون يخلص هالظلام
ستري يالغالي بخيامي وما تظل هاي الخيام

تحترگ هالخيمه وانه افر بالهيمه
صوت الحنين اه ياحسين ايحشِمك
****

الشاعر اياد الديراوي

(بسم الله الرحمن الرحيم)

أرد أكلك من أجـــيـت.... شصار بعدك من مشيت
كوم اكعد خويه خلي احجيلك
نارهم وصلت خيمــنه ادخيــــلك
***********************************
1- خويه جابانـي العتب يم الشريـــعه
كوه امشي وضاكت بعيني الوسيعه
لو تكــــوم وتحرس أخيــام الوديــــــعه
لــــو تــــــودي وياي جفــين الكطيـــــــعه

ودي وياي الجفوف طايح ادري ابلايه شوف
كوم اكعد خويه خلي احجيلك
نارهم وصلت خيمــنه ادخيــــلك
**************************************
2- غربت شمس الله يا شمعة حياتي
وبـــوداعـــك ودعــت كل أمــنــياتـــي
خدري اعز من روحي واتمنه مماتي
خويـه وصــلت نارهــم طارف عباتي

شكد تمنيت أسمعت بيك لمن حشمت
كوم اكعد خويه خلي احجيلك
نارهم وصلت خيمــنه ادخيــــلك
*************************************
3- رفن أعيــوني النوايب ما تعدن
مبين برفهن بچي وليه استعدن
كـون تتـــعذرنــي وأبلايــك أردن
چا شكـللـهن لــون عنك ينــشــــدن

يرجع وشايل لواه لو دمعنه انطش وراه
كوم اكعد خويه خلي احجيلك
نارهم وصلت خيمــنه ادخيــــلك
**************************************
4- خل أسولفلك عله الروح وهضمها
أشيـضل أبروحها الحرگوا خيــمها
بين أطفي النار بين العيــله ألمــها
تحيرت يابو الفضل روحي بألمها

أركض بين الخيم وغادي بالروح الألم
كوم اكعد خويه خلي احجيلك
نارهم وصلت خيمــنه ادخيــــلك
***************************************
5- لا مسافر حتى اكــول اترد إلــــيه
ولا مريض وتشفي وتعدي المنيه
الفــــــرق بـــعــد الثــرى عــن الثــــريه
بين أجيت وياك بين أمشي سبيه

شلون ياخويه انسبي ** وأنه بت آل النبي
كوم اكعد خويه خلي احجيلك
نارهم وصلت خيمــنه ادخيــــلك




خادم أهل البيت
#الشاعر مصطفى البزوني




https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

مسلم مـــــــن نزلها    لاگــــاها بزلمهه
خيل الكوفه حارت    طشرها ويلمهه

مسلم يهيبه وقــــــــسورا
شايل جهـــــــــامة حيدرا
بالحومه مايفـــــــــتر ورا
وعيونه تنگـــــــط مرجله
لو شال ســـيفه اتــمايلت
گدامه كلهــــــه اتراكضت
هامه اعله هامه اترادمت
والكوفه صــــارت كربله

ياسمار ازنــوده      ابو فاضل زوده
من يذب اعگاله      بالعرك مشهوده
ياحيدر زمانك      يالكاسر خشمهه


من طبها صــــنديد الزلم
شاچخ عله امتونه العلم
صاحتله مســـلم ياشهم
هاي انه طـوعه وحييته
چنك علــــــــي ماتنگدر
من تخزر الفــارس خزر
فوگ الحيـاطين انشمر
فراها فـــــــــــر ابيمنته
ياحلات الحـــــومه    بالزلم ملضـــــومه
وانته باشط سيفك   هاي الك محسومه
لو شلت الحواجب     تتبريد جدمهه


هاي الملاعـــــــب والحرب
هاشم ابــــــــــــــد ماتنغلب
برگابهم ســــــــــــــد الدرب
والروس يطبگـــــــها طبگ
داس اعله كل شارب وگف
بالكوفه هـــــم سواله طف
وگــــــباله عسكرهم رجف
بحافر مهرته ضــــل يطگ
والزلم نشــــــــاها       تلاطمت خلاها
شما تزيد ارجالهه       للقصــــر رداها
مسلم كله غيرة     والحومه هجمهه



من شافو الوادم گـــــضت
والقاده گـــــــــدامه انفنت
كل الكـــــــــــتايب نوّخت
شالو الرايه البــــــيضه اله
محد سلم مـــــــن سطرته
خيالـــــــــــهه ودگ ثايته
ابن الهواشـــــــــــم طگته
ماثنه بيــــــــــــهه امعدله
اتوسط ابن الساده     وانچــــفت بالقاده
والفلت من ايــــده     ماحصـــل مشراده
بدروب السواگي      ضلت يجري دمهه



رتل عليــــــــــــــهه الزلزله
حط راسه بيــــــده النازله
حيل الله مســــــلم شايله
والكوفه جفلـــت من زعل
ياطارش ايمـــــر بالضعن
وتسابگ اجــــدامه الزمن
ويگـــــــله ابن عمك علن
يحسين مرسالك وصــل
اتنومست بي طوعه     ضاگت الموسوعه
ابو طـــــــاهر زودي     رايتك مرفـــــوعه
يم زوده العساكر       مارفت علمهه

خادم القصيده
#شاكر الصيمري



https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

عالمٌ غيّرَ مُعَلَّم   ذا أَبا الفَضلُ تَكلم
[ بالطفوفْ ]
بَطلٌ وَقتُ القِتالِ   يَمتَلك كُل الجمالِ
[ بالطفوفْ ]
في كُل قَلبٍ تَنهشُ الحَسرّه
لَمْ يَصلواْ مِن عِلمهِ ذَرَّه
أبا الفَضل...
@
هوَّ المِفتاحُ للبابِ الذّي يُقفَل
هوَّ قَبلَ الطفوفِ في السما يُسأَل
كَ وحي اللهِ مِن فوقِ العُلى يُرسَل
أبا الفضلِ على زينَب فقط مُنزَل
فَ لَهُ كُلَ الحياةِ   لَمْ يَخف صوتُ المماةِ
[ بالطفوفْ ]
تَرتعِب منهُ الرجالِ   يَمتَلك كُل الجَمالِ
[ بالطفوف ]
تَنسمع في صَمتهِ الأبرَّه
لَم يَصلوا مِن عِلمهِ ذَرَّه
أبا الفَضل...
@
فراتٌ فيهِ يُروى كُل ضمئانا
يُرَّتل وجههُ عَيناهُ قُرآنا.
فَ سُبحانَ الذّي أبدع سُبحانا
فَ كُل من رأى العباسُ فرحانا
للقُلوبِ إِن أشارّ   تمتَلئ كُلاً وقارّ
[ بالطفوفْ ]
كُل حزبٍ يفَرّحون   فَ أبا الفَضلِ حَنون
[ بالطفوفْ ]
في قَلبهِ حِنيةٌ كُبره
لَم يصلوا مِن عِلمهِ ذَرَّه
أبا الفَضل...
@
جميلاً للجَمالِ أيةً كُبرا
فَ من علمٍ الى حلمٍ قضى عُمرا
فَقيهٌ عالمٌ في عِلمهِ أدرا
صِفاتٌ جُمِعتْ في مُهجة الزّهرا
عالمٌ عِلم الوجود   هذا مِن رزق الودود
[ بالطفوفْ ]
أسس عِلم الحَياء   يَنبَعث منهُ الوفاء
[ بالطفوفْ ]
روحَهُ مَعروفةٌ حُرَّه
لم يصلوا مِن عِلمهِ ذرَّه
أبا الفَضل...
@
لديهِ في عُلومِ الكونِ الهامِ
فَ هل تَقدرّ أن توصفُ أقلامِ
حروفٍ عَجزت عن وصفها السامي
رأيت الوصفُ عنها عاجزٌ دامي
كُل حرفٍ للكَفيل   فيهِ ترتيل الجليل
[ بالطفوفْ ]
فيهِ أوصاف الرسول   قرةُ عين البتول
[ بالطفوف ]
حُبهُ في أعيُن الزهرَّه
لَم يصلوا مِن عِلمهِ ذرَّه
أبا الفَضل...
@
لهُ في عالم الأكوان كَم هائل
بتكونِ العزيزِ عِلمهُ كامل
[ آ يصلحُ أن نَقيسُ العلمَ بالجاهل ؟ ]
ف يكفي أسمهُ عباسُنا الكافل
يعلموا فيهِ اللئام   عالمٌ وسط الخيام
[ بالطفوفْ ]
كافلٌ وهوَّ الوحيد   هذا بالطفِ نشيد
[ بالطفوفْ ]
يّمتلك في رأسهِ خبرَّه
لم يصلوا مِن عِلمهِ ذرَّه
أبا الفَضل...
@
#عبد الرحمن حميد الفضلي




https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

أبد ماشايف مثل أصحابي
همَ حزني وفرحتي وأحبابي
أبد ماشافت العين   مثل أصحاب الحسين
أبد ماشايف مثل أصحابي
@
گعدوا كلهم بليلة العاشر
وي شيبة الخدمه أبن مضاهر
قائدهم شهم بالحرب ملاچ
وترجف لسه من عنده العساكر
گاللهم ، يخواني ، شدولي العزم
باچر ، تنظر زينب ، وتبين الزلم
گعدوا والتسولف بس العيون
وأرتعدت الغيره بعابس وجون
وهدت غيرة القين   مثل أصحاب الحسين
أبد ماشايف مثل أصحابي
@
گاللهم عگل للخيمه تنذب
وبرير بدمعته لحسينه عزب
گاللهم أخوتي لو تموتون
ولا يدخل الخوف بگلب زينب
كِل هَمي ، ومن عزمي ، صيروا چن نهر
ليهمكم ، كل زلمه ، نتگطع وذر
كون حسين مايفگد الخوه
التميمي يصيح يم حسين تگوه
كل واحد على الفين   مثل اصحاب الحسين
أبد ماشايف مثل أصحابي
@
صار الصبح وگفوا فرد وگفه
كل زلمه شفت سيفه أعله چفه
حتى گلوبهم مابيها كل خوف
الشايل غيرته واللي تحَفّه
كل واحد ، من عدهم ، من عزمه يشد
گاع الله ، شو ترجف ، لو واحد يهد
ماخلوا بگاعي تصير خلّه
بنص جيش العدو حطوا الذله
الگه منهم منين   مثل أصحاب الحسين
أبد ماشايف مثل أصحابي
@
من هدوا أرتعبت منهم الگاع
سفينه الطف وربعي كلهم شراع
صاحوا فرد صيحه وأسمعت صوت
وسفه المثل أبو السجاد ينباع
فرحوني ، بغيرتهم ، من صاحوا هلا
گد ما ، عزبوا بيها ، فرحت كربله
من أبعيد أسمع صوت وأحساس
كلشي بكربله من أچفوف عباس
ماكو منهم ثنين   مثل أصحاب الحسين
أبد ماشايف مثل أصحابي
@
كتبوا بالمناحر أحنه وياك
وكت الحرب بس شدنه أعله يمناك
من هاي المواقف صاحبك زين
وضلت خالده من الوكت ذاك
حلفوني ، بدمعتهم ، والدم ينعصر
خافن ، قصرنه أحنه ، نترجى العذر
خافن بويه قصرنه وي أهلنه
فدوه نروح كلنه لروح سكنه
دور الصاحب الصاحب   مثل أصحاب الحسين
أبد ماشايف مثل أصحابي
@
#عبد الرحمن حميد الفضلي




https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

توها غمضت عيني لن صدى ايصحيني
حميده اگعدي اجيناج ///// گعدنه سويه وذكرناج
***********
تعبانه من درب السبي وصوط الشمر اذاني
زغيره وجتفني بالحبل وابجي شكثر خلاني
توني غفيت من التعب وصحاني صوت اخواني
تفارگنه من حرك الخيم ومشتاگه الهم آني

افراگهم هد حيلي ودمعه يخلص ليلي
حميده تعبنه بلياج //// گعدنه سويه وذكرناج
*************
فارگت اخوتي بكربله وما تنحمل فرگتهم
حسبالي ماتو بالحرك ونار الخيم حرگتهم
حسبالي راحو بالسحك وخيل العده سحگتهم
ما ادري بخواني اشجره ما ردت بس شوفتهم

بدمعتي واحزاني صحت وين اخواني
اسمعتهم حميده فگدناج /// گعدنه سويه وذكرناج
***********
گلولي مشتاگين الج وآنه صحت جنتو وين
اشگد عليكم دورت الحد ما تعب شوف العين
فرينه من حرگ الخيم ومن انذبح شفنه حسين
ضعنه بصحاري نينوى ومانندل الدرب منين

الليل صار وهيمه لا اهل لا خيمه
يخويه سبيه لگيناج /// گعدنه سويه وذكرناج
*************
انسولف كعدنه للصبح وذكرنه ذيج الخوه
وحنينه للخوه الصدك وللعشره ذيج الحلوه
ياخويه فارگناج امس وفرگاج بينه شسوه
محليتها هالدنيه الاخت وبلا اخت ماتسوه

ياحميده شلونج صدك زرگه امتونج
اخوتج نگلج علي وياج /// گعدنه سويه وذكرناج
**************
افراگكم كلش صعب وياخويه مو بالحسبان
تدرون اليفارك اخو الجلمة اخو ايظل عطشان
اثنين انه فارگت وبگلبي تسعر نيران
ياخويه بديار الغرب عازتها عازه الخوان

واليضيع اخوانه تگصي بي عدوانه
دمعنه وحزنه ترجاج /// گعدنه سويه وذكرناج
**************
السجان حن النه وبجه من اولاد مسلم صحنه
طلعنه واجت لينه مره وياها بدمعنه رحنه
الحارث سمع بينه واجه تشابگنه خويه وطحنه
الظالم اخذنه عله النهر وبيا ذنب ذبحنه

صحت من طيحني گبل اخوي اذبحني
يخويه بذبحنه قهرناج /// گعدنه سويه وذكرناج
*************
تمت
#ميثم العمري




https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

رايد تخدم حسين للخدمه افرش العين
اخدم من صدك لا يهمك اشلون وبفضه اقتدي وبقمبر جون
***********
اهنا يالتعشك الخدمه وعندك خدمته حلوه
اذا رايد صدك تخدم اتعب والتعب يسوه
لتعوف المجالس هاي وصبح للخدم قدوه
رسل للمجلس ايحضرون وحتى آدم وحوى

تبجي كلها وتنوح عيسى ويوسف ونوح
وبهذا العزاء كلهم يحضرون وبفضه اقتدي وبقمبر وجون
************
اخدم ماعليك بذاك وهذا اشگال وشماگال
طلك الدنيه لجل حسين ودرب حسين راحة بال
خلي الخدمه كل همك حنين ويقبلك بالحال
مخلص صير وي حسين عالراس وعلي تنشال

قدم كلشي لحسين وخدمته تاخذك وين
رايح تنحسب من اليخدمون وبفضه اقتدي وبقمبر وجون
*************
عيش بخدمته احله سنين وهيم بحب ابو اليمه
الخدمه تحزم الها احزام وقمبر صير بالخدمه
يقبلك راح اله خادم واسمك يرتبط بسمه
نعمه وبيها كل الخير بالك تترك النعمه

بهاي الخدمه ترتاح وألها ايوفقك راح
حسين اليخدمه ينحط بالعيون وبفضه اقتدي وبقمبر وجون
*****************
حسين اجمل عشك تدرون بجنون الناس عاشگته
عنده مملكة خدام وعظيمه شكثر مملكته
تخدمه بشغف كل الناس وعن حب كلها خادمته
مو بس عابس انجن بيه انجنت كلها بمحبته

غالي واغله محبوب ومالك كل الگلوب
ياهو المو بحب حسين مجنون وبفضه اقتدي وبقمبر وجون
***************
شد حيلك وكوم اخدم تريد الخدمه شدت حيل
اسهر بالسهر ترتاح حلاة الخدمه سهر الليل
شما قدمنه لجل حسين منوافيه سحگت خيل
ولا نوفي النحر والصوط ولا زينب الشافت ويل

شنوافي خنصره الراح لو طعنات الارماح
لو ننطي العمر مانوفي تدرون وبفضه اقتدي وبقمبر وجون
***************
خل نتعاهد وي حسين ونظل اعله العهد باقين
كلشي انعوفه من اليوم ونصفي اگلوبنه من الحين
ما نطعن بهذا وذاك بحجة ساء ل أسم حسين
ونعوف الناس ونظل كون بس بالخدمه متمسكين

حنين وطيب حسين ويعرف خادمه زين
تدري بلا حسين الكل يضيعون وبفضه اقتدي وبقمبر وجون
****************
تمت
#ميثم العمري



https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

بسم الله الرحمن الرحيم
تم نشر القصائد الحسينيه الخاصه بليله السادسه من محرم الدمعه والخاصة بانصار سيد الشهداء ع ويوجد برابط المرفق اكثر من ٣٠٠ قصيده على الرابط التالي

https://tttttt.me/joinchat/THHN22sg7h5KUu8w

#الناشر_الحاج_فلاح_حسن

*[ سهر ليل ]*

أداء: الملا #مرتضى_الحميداوي
كلمات: الشاعر #أبوتراب_الياسري

https://youtu.be/2HlRMbjld9s

مجالس شهر محرم الحرام لسنة 1443 هـ - 2021 م
مجلس الليلة الثانية من شهر المحرم
عزاء مضيف الإمام الحسين عليه السلام
العزاء المركزي - ناحية جديدة الشط - العراق - ديالى

مونتاج واخراج: حارث العكيلي
مكساج: كرار الموالي
مخطوطة: حسين مقيم
النشر الشبكي: علاء بركات العاملي

*جديد تم اصدار(كتاب دمعة القائم🩸 وسبي الفواطم/ لهذا العام 1443 هـ ببركة وعناية صاحب الزمان (عج)*
*يحتوي على مجالس عاشورائية جديدة منسقة ومميزة وقصائد بأجمل الاطوار والألحان ….*
📝 *اعداد وتأليف الشاعرة الحسينية خادمة آل محمد* ✍ للحجز 70733497 بخدمتكم
*يـا زهـراء مـدد*