محرررم 1442 هـ

عاشور الحب . خدمة او موكب . منتظرين ايامة
احسينيتنة . ولطميتنة . امحظريهن واعلامة


عاشور الحب منتظرينه ابكل لهفه
نحسب ساعات الأيامة او ما نغفه
جمرة عاشور إحسين ابدن ماتطفه
انعيش ايام إحسين ابكل لحظة ابطفه

انعيش الحرگة . او ذيچ الخنگة . الصارت وسط اخيامة
انهل دمعتنة . ولطميتنة . امحظريهن واعلامة
___________________
علگناهن رايات الحب من هسه
عاشور الحب من قبل ايام انحسه
المجلس بثياب السود إحسين انكنسه
بلكت ضيك يابو السجاد انلمسه

انبوس المنبر . من نتطبر . يحسين اعله الهامه
ابكل همتنه . ولطميتنة . امحظريهن واعلامة
______________
ننصب موكب يابو اليمه ابكل شارع
بلكت فاطم تحظر خدمتنة اتباوع
من لحسينية نگضيها للجامع
هيچ ايام امحرم نگضيها انتابع

إمن احسينية . لحسينية . ايروحون اللطامة
انحب لطمتنة . ولطميتنة . امحظريهن واعلامة
____________________
هذا ايوزع ماي وذاكى اليقرالك
هذا الفوگ الحايط أحرف خطالك
هذا اليرسم جربة ابإيدين اطفالك
هذا اشموع ابليل العاشر وجالك

هذا اليكتب . شعره ويندب . يحسين ابكل عامة
واقرايتنة . ولطميتنة . امحظريهن واعلامة
_____________
هذا اليرسم جود وچف اعله الراية
هذا الينطر موعد أجمل مشاية
هذا اليحسب بيش الساعة لقراية
وهذا اليم البيت ايوزع كل ماية

اتوزع اثوابك . كل احبابك . الكل صارت خدامة
انحب جمعتنة . ولطميتنة . امحظريهن واعلامة
_______________
حتى الأطفال ابكل عاشور اتخدمك
عالقمصان إحسين ايخطون ابإسمك
لو وزعوا زاد ايصيحون ابإسم امك
ويحسين ايصيحون اشتاگينه انشمك

حتى اليرضع . ننظر يسمع . لطمية ابإلهامة
ايحب ونتنة . ولطميتنة .امحظريهن واعلامة

حيدر الحلفي

#تلبية_الحسين_ع
#الخروج_من_مكة


شاء   الإلهُ   بأن    يراهُ   مُضرّجاً
ويَرى     نساءً     بالفَلاتِ      تُساقُ

فأتى النداءُ   أيا حسينٌ   قُمْ   لكي
تُفدي    بنفسكَ    و  الدّماءُ    تُراقُ

كلُّ   البدورِ  غداً   سأَقْبضُ   نورَها
فالعرشُ   أعياهٌ     الجفا     الفرَّاقُ

لبَّى     الحُسينُ     بكُلِّهِ      ونداؤهُ
لبَّيكَ        ربّي        للّقا        توَّاقُ

لبَّيكَ     ظمآناً     وحيداً     بالعرى
كلُّ    العيالِ     فِداكَ    و  الأعناقُ

فأصابَهُ      حَجرٌ     بأمِّ      جبينهِ
شُجَّتْ     به     الأفلاكُ     والآفاقُ

ورَموهُ   بالسّهمِ   المثلّثِ   و  القنا
فهوى   طريحاً      باللئام     يُحاقُ

نادى أيا  ربي   لجأْتُ   إليك   مُحْ
تاجاً   ضعيفاً      للفنا       مُشْتاقُ

أرضيتَ خُذْ كٌلّي وبعضي فالهوى
طُراً    يُجيبُ   هواكَ   و الأعماقُ

جاء  اللعينُ    بسيفهِ    مُتخطّياُ
نحو  الحسينِ    بِخُبثهِ    ينساقُ

أحنى على الأضلاعِ يأخذُ  شيبَهُ
وعروقهُ   جفَّتْ    بها    الأرماقُ

فاحتزَّ رأسَ بْنِ الرسولِ  وفاطمٍ
ومُصيبةٌ   تَدْمى   بها    الآماقُ

وعلى القنا  رفعوهُ  يقْطرُ  بالدٍّما
من   بعد  ذالك   زينبٌ   ستُساقٌ

بالضربِ والزّجرِ المُهينِ إلى السِبا
وإلى العليلِ يشُدُّها الإيثاقُ

وترى   البرايا   شخصَها   ولوجهِها
تُبدي بهِ الأمصارُ والأرواقُ

تَلقى بكفّيها السياطَ وتارةً
تُخفي يداها ما  ترى الأحداقُ


د. محمد الدغلي


https://tttttt.me/drmohamadeldeghli

[ الليله الأولى ]

ها يزينب رد محرّم و انجمعنـه
ـــــــــــــــــــ
رجع شهرچ .. وانتـي كيفـچ .. يا أميـره
وحزن عندي .. بكُبر بختچ .. ياچبيره
يزعــل الله .. وجهي عنــچ .. لو أديره

وهـاي أول ليـله بسـوالف دمعنـه
ها يزينب رد محرّم و انجمعنـه
ـــــــــــــــــــ
موش وحدچ .. وياچ كلنه .. بهالمصيبه
گلوب تنبــض .. يا غريبه .. يا غريبه
هلال شهرچ .. چنت ادعي .. ربي جيبه

چبير ربنه الحمدلله من سمـعنه
ها يزينب رد محرّم و انجمعنـه
ـــــــــــــــــــ
هواي هنّه .. منين نبدي .. لو قرينه
دموع حمره .. هدوم سوده .. حضّرينه
و إلـچ رايه .. بنص گلبنه .. ياحزينه

وعالمنـازل رايـه ردّينه ورفعنـه
ها يزينب رد محرّم و انجمعنـه
ـــــــــــــــــــ

مهدي التقي

مسلم


أنه البعت حياتي*****
كله لجل صلاتي*****
عالي يضل بيدي اللوى*
وحسين لعيوني الضوه*
خالد انه ابوفاتي
.............
أنه الضگت طعم العشگ.. مثل الشهد بالساني**
شما اعطش حسیني نهر.. كوثر عذب رباني**
شربني بچفوفه الگمر.. حبه ملك خلاني**
بزنودي شديت اللوى.. ما بعت روحي الثاني**

ما بدلت وعودي******
لجله انخلق وجودي****
واشراعي سفانه الهوى*
وحسين لعيوني الضوه*
خالد انه بوفاتي
............
استانس ابطاري الحرب.. واطرب الصوت العركه**
والشكك ابمسلم يجي.. وانه اوضح شكه**
عرج الهواشم من يطگ.. خشم الرجال انفركه**
نستاحش ابسوگ الترف.. صگاره تشهد مكه**

مهري أهد لجامه******
أردمهه هامه ابهامه****
كل عشره اطبگهم سوه*
وحسين لعيوني الضوه*
خالد انه ابوفاتي
..............
ما يهلچ اجناح النسر.. والصيد حتمآ صيده**
الفرسان تخنس من اجي.. وانه أبو حميده**
أنه عبد لابن النبي.. وانتو الذهب عبيده**
أيام هيه وتنگضي.. والخاين اشيفيده**

وداعت علي وسماره****
بشركم الله ابناره******
اشدخلكم ابوادي طوى*
وحسين لعيوني الضوه*
خالد انه بوفاتي
............
يالكوفه كشختكم مره.. تروحون فدوه الطوعه**
بطبگات شيلتهه الوفه.. مثل الفجر واطلوعه**
وشيبات هاني واوگفته.. ترسن وحشتي اشموعه**
مو گهوه عزبني عمر.. وفنيانه چان اضلوعه**

الدافعلي كسرة خاطر***
تجازيه الزهره باچر*****
شوفتهه لجروحه دوه*
وحسين لعيوني الضوه*
خالد انه ابوفاتي
................
ريج المراجل لو نشف.. افزعله غيمة نخوه**
مزنت مطر صيف امطرت.. من نحري ديني يروه**
بروده أحس ابموتتي.. لحسين عمري فدوه**
سجاده لجدام الخدر.. والموت الهم يسوه**

يتدلل ابو رقيه*******
روحي اله هديه******
بس شوگي منه ما روه*
وحسين لعيوني الضوه*
خالد انه بوفاتي
..............
أنه الشربت امنيتي.. وما بعت لحظه ديني**
الحيل مل وما طحت.. ما بدلت يقيني**
بشفايفي الچلمه تضل.. خادم انه الحسيني**
والعشگ لوما بيه تعب.. ما يسوه نظره ابعيني**

سمعوها وابصراحه*****
تعب النحبهم راحه******
المحبوبي دﻻلي انچوه*
وحسين لعيوني الضوه*
خالد انه ابوفاتي




علاء المياحي
الفاتحه لروح والدي

نشيد: صرت أدعى رافضيا

اللحن

فارگت الزيارة ايام طگ گلبي و اشتاگیت
واذكرت العليلة شلون ضل خالي عدها البيت
أنه فارگت الزيارة .. و هيه ماتت بانتظاره
_____________
چنت أنه اتخيل فقط بالفرگة و اسمع يحچون
ما عايش ايام الهجر لا باچي دمعاتي عيون
توني ضگت طعم البعد و الفرگة و الغربة شلون
من تصفن و تشتاگ اله و الدرب ما منه ظنون

ما اگدر اصل لحسين صار الدرب مسدود
الله يساعد اليشتاگ و گلبه بونينه ينود
و اليحب مستعرة ناره .. و هيه ماتت بانتظاره
_____________
خادم حسيني و فارگت گبة و ضريح بعاشور
و بعيني ضاگت دنيتي و گلبي بحزن ضل يفور
شحال العليلة الفارگت و جهه اليشع بسمة و نور
بفراگ ابوها تشد جرح و الجرح الآخر مطرور

كل لحظة اظنها تلوج و يرف گلبها ب آه
والمنتظرة دگت باب عاشت علی الويلاه
تنتظر بس ماكو چاره .. و هيه ماتت بانتظاره
_____________
مو قصدي اقيسن حالتي و لا قارنت بين اثنين
بس ارد اسولف قصتي و رباط سالفتي حسين
ليفارگه و ضل منتظر يجيب الصبر گلي منين
الله يعينچ فاطمة الما شفتي ابوچ انتي سنين

ما ادري انتي شتسوين لو چل اعليچ الليل
محتارة اظن تبقين و ترض ضلوعچ خيل
الليل قاسي ويه الحياره .. و هيه ماتت بانتظاره
_____________
هوه انت يا نسمة هوه تمر اعله واحد غرگان
اليفارگك يشهگ نفس خيمة و نحور و دخان
الما شارب حروفك عطش ما يرتوي يضل عطشان
يا عازة ابنيتك نده اليابس غصنها و ذبلان

يا ماي و كحل للعين نلگه احنه مثلك وين
كلنه بعلة معلولين و انت الطبيب حسين
عشنه و بحبك اساره .. و هيه ماتت بانتظاره
_____________
يا بلسم جروح الگلب خليني عايش وياك
مثل العليلة التنتظر ما هودت من فرگاك
ليلي و نهاري و نومتي و باليقضة اجيبن طرواك
ما تنحسب من العمر ساعة لون بيها انساك

كون ابقى أون ملچوم كل عمري اعيش جروح
وابقى انه اصيح حسين لمن تروح الروح
گلبي بس اسمك شعاره .. و هيه ماتت بانتظاره
______________
#عباس حسن السوداني

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

للمزيد  من القصائد المكتوبه
فاطميون @h_ameer1       
الرسميه   @h_ameer2
القصائد   @h_ameer3      
النسائية   @h_ameer4

* *اللَّهُمَّ صَلِّ عَلَى مُحمَّدٍ وآَلِ مُحمَّدٍ وَعَجِّلْ فَرَجَهُمْ والْعَنْ أَعْدَاءَهُمْ* *

*★رأى أمير المؤمنين عليه السلام رجلا من شيعته من بعد عهد طويل★فقال عليه السلام: أجد فيك بقيه قال: هي لك يا أمير المؤمنين★*

عن الريان الصلت عن الرضا علي بن موسى عن أبيه موسى بن جعفر عن أبيه جعفر بن محمد عن أبيه محمد بن علي عن أبيه علي بن الحسين عن أبيه الحسين بن علي قال: رأى أمير المؤمنين عليه السلام رجلا من شيعته من بعد عهد طويل وقد اثر السن فيه وكان يتجلد في مشيته فقال عليه السلام كبر سنك يا رجل قال: في طاعتك يا أمير المؤمنين فقال عليه السلام: أجد فيك بقيه قال: هي لك يا أمير المؤمنين.

*√عيون أخبار الرضا للشيخ الأقدم والمحدث الأكبر أبي جعفر الصدوق محمد بن علي بن الحسين بابويه القمي الجزء۲ صفحة۲۷۱√*

*[اللَّهُمَّ ارْزُقْــــنَا كَــربَـــلاء]*

*{اللَّهُمَّ الْعَنِ الجِبْتَ والطَاغُوت}*

* *اللَّهُمَّ عَجِّلْ لِوَلِيِّكَ الفَرَج* *
*يـ حـــســـيـــن ـا*
قناة كامل الروايات
https://tttttt.me/AhYoAmRaNa

هو_الحسين_وكفى
گلبي عفته يم ضريحك وانت ساكن بالعيون
ما نستك يا حبيبي صاحب الگلب الحنون
احسبني عابس انجن بحبك بس إلك يحلا الجنون
وبخدمتك عمري يخلص وانكتب خادم كـ جون
خادمة آل محمد.. ✍🏻

قناة الشاعرة الحسينية خادمة آل محمد ص
https://tttttt.me/joinchat/AAAAAD9ng3ujqkUa3rjbSA

الشاعر رعد الچريخي
قناة تختص بنشر القصائد الحسينية
https://telegram.me/raadghurikhi

*[ يا موت ما تتعاتب ]*

أداء: الملا #مصطفى_السوداني
كلمات: الشاعر #حمزة_السماوي

https://youtu.be/eCO-MV2RAdw

مجالس شهر جمادى اﻵخر لسنة 1441 هـ - 2020 م
ليالي استشهاد موﻻنا باب المراد الإمام محمد بن علي الجواد صلوات الله عايه
عزاء موكب أحزان السماء - العراق - بغداد

مونتاج: تيسير السوداني
مكساج: حسن يونس
مخطوطة: حسن الموسوي
تنفيذ: مؤسسة الاباء الاسلامية للانتاج الحسيني
النشر الشبكي: علاء بركات العاملي

#قصائد_محرم_الحرام
#ليلة_مولاي_علي_الاكبر_ص_

لسان حال مولاي الحسين(ص) مع ولده الاكبر(ص)
————————————————
يالطايح بطيحتك حيلي
يالاكبر اتگطع دليلي
الحسين انه موش الحسين
جيتك عمامك تتجيلي

اسمعتك—لمن صحت بويه تعال
جيتك—اركض واطيح اعله الرمال
الكيتك—متگطعه كل الوصال
—اكبر محال

من طيحتك ظهري انخسف
مات الجفن حدمااا نزف
گوااااااا يبويه اوصلت الك
جرحي عله الغربه انكشف

واعليا يوليدي واعليا يوليدي
————————————————
اكبري كبّرته نوحي
يالفاتح بدمك جروحي
دربي اجيتك مااشوفه
امشي جسد ماهيه روحي

عكبك—بويه انكطع كل الغرام
دمك—من شفته عالدنيه السلام
يمك—اتمدد بطولي و انام
—ابلا كلام

طولي بعد مو مال امس
طولك سهم جاسه وشمس
جرحي عليك اكبر جرح
مالي عله الدنيه نفس

واعليا يوليدي واعليا يوليدي
————————————————
يمبدي يمك كل سنيني
يالچاوي عالتربان عيني
ماچني قائد بويه ضليت
نص غربه يتعالى ونيني

هدت—عيني دمه وشفت الرماح
كبرت—جروحي شيسد كل الجراح
كلبي—بويه وكف گد النياح
—بعيني لاح

ردت المنيه بس تجي
جفني احترك من البجي
لا يهنه بعدك كلشي صار
مالي ظهر حته انتجي

واعليا يوليدي واعليا يوليدي
————————————————
مرجعني للخيمات معمي
گوا انگله بويه جدمي
تذبحني كطره ماكو بيه
وشتلگا ناشف صبح دمي

راجع—اصفج اديه امن الهضم
طابع—جفي اعله خدي باللطم
جبيره—فركتك منهه اشظم
—كسرة عظم

كاسرلي غصني من رحت
امشي عله الكاع و طحت
طاح الگلب عكبك ترا
نشغت گبر من ناشغت

واعليا يوليدي واعليا يوليدي
————————————————
#خادم الحسين محمد منير المياحي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

الى( عُبدِ اللهِ الرضيع ع )

كَبَدرٍ يَحمِلُ الفَرقَدْ يُناْدِي رَبِّهُ أَشهَدْ

عَلَى قَومٍ أَصَابُوا نَحرَ طِفلِي
___________________________
فِي يَدِيهِ الكَوكَبُ الدُّرّيُ ظَامِ

مِثلَ نَجمٍ اَنزوَى خَلفَ الظّلامِ

نَحرُهُ يُسقَى دَمَاً قَبلَ الفِطَامِ

خَرَّ فَي حِضنِ أَبِيْهِ كَالحَمَامِ

بِسَهمٍ قد قَضَى ظَامِي بِيومِ العَاشرِ الدِّامِي

تَعَالَى حَقدُهُم حَقداً بِجَهلِ
_____________________
مَدَّ عَبدُ اللهِ يَدّاً نَحْوَ جِيدِه

ظَنّ مَاءً سَالَ مِن وَسطِ وَريدِه

مَن رَأَى بَدرَاً هَوَى مِن قَبلِ عِيدِه

آهِ يَا وَيلاً لشِمرٍ ويَزيدِه

حُسِينٌ صَدرُهُ الوَارِفْ غَدَا مِن بَعدِهِ نَازِفْ

عَلَى البَيداءِ يَهوِي دُونَ خُلِّ
________________________
دَمُ عَبْدِ اللهِ فِي كَفِّ الحُسِينِ

قَد رَمَاهُ وانْبرَى مِثلَ اللُّجِينِ

جَامِداً صَارَ بَكتْهُ كُلُّ عَينِ

أُمّهُ تُبكِيهِ مِن فِرطِ الحَنِينِ

تُنَادِي أُمّهُ أَبنِي أمَاتَ القَلبَ لِي حُزنِي

تَنَامُ اليَومَ مَلفُوفاً بِرَملِ
______________________

سِكْنةٌ قَد صَرخَتْ قُمْ عُدْ إليَّا

كَيفَ مُتَّ اليومَ مَهمُوماً ظَمِيّا ؟

أُختُكُ الآنَ أُنادِي وَا أَخِيَا

عِطرُكُ المَنثُورُ بَاقٍ في يَديَّا

أُقضّي اللّيلَ بِِالدّمعِ بِصَمتٍ ذِبتُ كالشَّمعِ

وَنَارُ الحَرقِ شَبّتْ قُربَ رِجلي
________________________

هَمُّ عُبدِ اللهِ في حَالِ الحُسِينِ

كيفَ يَبقَى حَائِراَ دُونَ مُعِينِ ؟

وأبُو الفَضلِ هوَى دُونَ يَدِينِ

زَينبٌ والرأسُ مِن فَوقِ الرُّدينِ

يَتامَى دَونَما حَامِ وَقَد سَارُوا إلى الشّامِ

وصَوتُ الزَّجرِ يَرمِي دَونَ حَلِ
___________________

مِن عَلَى رُمحٍ غَدَا وَهْوَ يَصِيحُ

آهِ أمّاهُ انظَرِي أنّي جَرِيحُ

حِضنُكِ الدّافِئُ فِيهِ أسترِيحُ

أَحضنِينِي فَأَنَا الطِفلُ الذَّبِيحُ

حُسِينٌ حَامِلُ الجَنةْ أَتى فِيهِ وفِي أَنّةْ
يُنَادِي مَن بَقَى يَا نَفسُ مَن لي ؟
_______________________

آخرُ البَاكِينَ سَرّاً تَبكِي فَاطِمْ

دَمعُها هَلَّ عَلَى هَذي المَظالِمْ

بَصرَتْ أولادَها بَينَ الصَّوارِمْ

وَهْيَ تَدعُو أَصبرُوا يَا آلَ هَاشِمْ

عَليٌ سَورةٌ الدّهرِ غَدَا يَبكي على النَّحرِ
يَرَى أَيتَامَهُ جُرّتْ بِحَبلِ
___________________

#علي حبيب الشابي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*[ نار بدليلي ]*

أداء: الملا #علي_الوائلي_الكربلائي
كلمات: الشاعر #علاء_عبدالحسين_الكربلائي

https://youtu.be/ISeOJ5fkw-Q

مجالس شهر جمادى اﻵخر لسنة 1441 هـ - 2020 م
ليالي استشهاد موﻻتنا الطاهرة أم البنين صلوات الله عليها
عزاء هيئة كربلاء - العراق - ميسان

مونتاج واخراج: كرار فاضل
مكساج: كرار الموالي
مخطوطة: مؤمل الرميثي
تنفيذ: فوتو آرت للانتاج الفني
النشر الشبكي: علاء بركات العاملي

*[اني والموت ]*

أداء: الملا #أحمد_الخيكاني
كلمات: الشاعر #السيد_معتز_الحسيني

https://youtu.be/Q0zVgF83QE4

إحياء ليالي شهر ذي القعدة لسنة 1440 هـ - 2019 م
ليالي إستشهاد موﻻنا باقر علوم النبيين الإمام محمد بن علي الباقر عليه السلام
هيئة العِبرة والعَبرة - جامع حيدر الكرار - العراق - بغداد

مونتاج ومكساج: أبو مؤمل السوداني
تنفيذ: أم أبيها للانتاج والتوزيع الفني
النشر الشبكي: علاء بركات العاملي

يـگـولـون بــقــه يـــم الـنــهــر
يـگـولـون نـسـه اخـتـه الگـمـر

*---------------*---------------*

أخــبـرك يــجــرح اهــواي
كــلام الـتــمــشــي ويــاي
اجــيــتــك تــايــه الـــراي
يـخـوي انـتـــه الــشــهــم

أريـــدك تــتــرك الــنــــوم
اعــرفــك انـتـه جــيــدوم
احـلـفـك يـالـگـمـر گــــوم
صــعــب حـچّـي الـــزلـــم

گـوم يـاعـبـاس لـيـث الـموزمه
روحي مشتاگه واجيتك هايمه

يـگـولـون صـعـب هـذا الـخـبـر

*---------------*---------------*

حــلالـي ابـنـومـك الـنـوح
يـخـويـه وگـلـبي مجروح
بـقـيـت مـحـيـره الــــروح
جّـــرح گـــلـــبـــي نــــزف

چــنــت امــخــدره ويــاك
مـشـيـت بـولـيــــة اعـداك
اريــدن ابــچــي وانــعــاك
عــســن شــوفــي انـتـلـف

بالحزن والضيم اجيت الكـربـلـه
بـچـفـك الـهـودج الـزمـه ونـزلـه

يـگـولـون هــوه وچـفــه انـبـتـر

*---------------*---------------*

دگـوم وشـيـل الـچـفـوف
يـراعـي الغــيـره معـروف
انـظـر اخـتـك وشــــــوف
بـــعـــد بـــيـــك الأمــــــل

خـصـمـك خـل يـشوفـون
تـنـشـف دمـــع الـعــيــون
تـنـزّل هــــاي الــضـعــون
يــبــن خـــيـــر الــعــمـــل

يـالچـنـت كفالـه وانته التحرسه
چـذّبـيـت الـگـالـوا الكافل نـسـه

يـگـولـون حـچـي مــــر وعــبــر

*----------*----------*

اقـصـلـك روحــة الــشــام
سـبـيـه امــدنّـگــه الــهــام
تـــدّور اعــلــيــه الايــتــام
وأنـــــه ابـعـيـنـي الــدمــع

دلـيـلـي اتـحـمـل اجــــراح
بــعــد شــيــرجــع الــــراح
امـــوتـــن يـمــتـه وارتــاح
صــــرت مــثــل الــشــمــع

لوعاني الشام من عگبك تره
دخلت الديوان گبلي يا مـره

يگولون مــره وتمشي ابسفر

*---------------*---------------*

اخـــوي وتــبــقــه كــفــال
عـفـتـنـي وشـيـب الـحـال
نـخـيـتـك نـخـوة ارجـــال
يــــمــــن كــلــك مــــجـــد

چـانـت ســفــرتــي بـعـيــد
دخلـت الـمـجـلـس ايـزيــد
يـگـلـي عـــافــچ الــحــيــد
گــــــــــــلــــــــــت لازم ارد

اشتكيلك حيل اذتني العـده
اسمع ايشتمون وأنه امگيده

يـگـولـون عـلـى النوم انجبر

*---------------*---------------*

الـحـزن صـارالـي جـلـبـاب
انــوحــن والـگـلـب شــاب
عــلــيـــه طــال الاغـيــاب
اشـبـقــه غــيــر الــبــچــي

عـفـتـنـي والـخـدر ضـــاع
وسـف يـمـرجـف الاسـباع
تــضـل امــوسّــد الــگـــاع
جــرح روحــي الـحــچــي

ما يلوگ النوم يم المشـرعـه
والچفن وياك يچي ابمدمعه

يـگولـون غـفـه احزام الظهر

*---------------*---------------*

✍ بقلم خادم الحسين ع
الشاعر رعد الچريخي

(جاسم و الاكبر)


جـــاســــم والاكــــبـــــر بــــالــــحـــــرب جــــاســــم والاكـــبـــــر

* * *
عــــلــــي الأكـــبـــر چـــنـــه حـــيـدر جــــــــاســــــم يـــمـــثــل الـــگـــمــر
طــبــــوا بـــســــــوح الـــمـــعـــــارك صــــــــــــــورو اروع صـــــــــــــور
طـــشـــروا كـــــــل الـــكـــتـــايــــــب
تــــيـّــهـــت حـــــتـــــى الــــمــــفــــر
عــــادوا أمــــجــــاد الـــصـــمــــيـــده
يـــــاهـــــــو يــگـــــربــــهــــم گـــــدر

خــــلـّـــدوا طـــــــــف كـــــربــــلــــه
أهـــــل غـــــيــــره ومــــــرجـــــلـــــه
مــــحــــــد تــــــعـــــذر وارتـــــجـــف
مــــحـــــــد تــــــــعــــــــذر
* * *

صــالـــو اعـــلـــه اهــل الـضــغـايــن
بـــيـــهـــم الــــــــزود اعـــــتـــــلـــــه
أســـــــد واحـــــــدهـــــــم تــــمـــثـــل
يــــــــا شــــــجــــــاع يـــنــــازلـــــــه
هــــــزّوا الــجـــيـــش بـــشـــجـــاعــه بـــــالــــعـــــزم والــــمــــرجــــلـــــه
خــــطـــــوّا الـــمـــــيـــــدان كــــلــــه والــــرمــــــــاح مــــچــــلــــچــــلـــــه

مـــنـــهـــم الـــجـــيـــش انــــذعـــــــر
بـــخــوفـــه كـــــل واحــــد شــــعـــــر
يــــاهـــو الـــتـــجـــاســـر عـــالــخــيــم يـــــاهـــــو الـــتـــجـــاســـر
* * *

خلو بـــــــروس الاعادي
الــــــگـــــاع مــــــــن دم ارتـــــــوت
بـــيــــهـــم الامــــثـــــــال تـــضــرب والـــــمــــعــــانــــي اتـــــجــــســـدت
يــــــــوم غــــــاروا بـــالـــمـــراجـــل
حــــيــــل هـــالـــصـــولـــــه حـــلـــت
ضــاكــت الـوســعــه بــخــصــمــهــم والـــجـــــيــــــوش اتــــــزلـــــزلـــــت

ذولــــه فـــــرســــــان الـــــــشـــــــدد
مــــــــا يــــهـــــمـــــون الــــــعـــــــدد
الــــخـــــــنـــــدق تــــكـــــرر عـــالـــعـــده الـــخـــــنـــــدق تــــكـــــرر
* * *

جـــــــندلـــــــوا كــــل الأعـــــــادي
صــــبــــغــــوا الـــحـــومـــه بـــدمـــه
هـــــاي حــــمـــــلات اورثـــــــوهـــه
امــن الــفــحـــل حــامـــي الـــحـــمـــه
واحـــــد يـــــطـــــشـّـــرهـــــه مــــرّه
او
واحـــــد يــــلــــم صـــــــــارمــــــه
عـــلـــي الأكـــبـــر وابــــن عــــمــــه
لــــيـــــوث يـــــــوم الـــــمـــــوزمــــه

احـــــيــــــود مـــــنــــبــــع لـلـــعـــزم
جـــندلـــــوا خـــــيـــــــل وزلـــــــــم
لا مــــــا تـــــغـــــيـّــــر هــــالــــنـــهـــج
لا مـــــــا تـــــــغـــــــيـّـــــر
* * *

هـــــذا كــــــــض الــــمـــيــــمــــنــــه
وذاك كــــــــض الـــــمـــــيـــــســـــره
ذهـــلـــوا صـــفــوف الـــعـــســـاكـــر والـــــعــــقـــــــــول مـــــحـــــيــّــــره
حـــــكــمـــوا بـــيـــهـــه الـــصـــوارم والـــــكــــفـــــــر لــــزمـــــت ســـــره
مــــثــــل مـــوقـــفـــهـــم تــــخــــلــد
أبــــــــد مــــــــا صـــــــار وجـــــــره

بــــيـــهـــــم الــــطــــف انــــخــــتــم
ذولـــــه عــــنـــــــوان الــــشـــــيـــــم
الـــــــهــــــم تـــــذكـــــــر يــالــتـحب
الـــــــهـــــــم تـــــــذكـــــــر
* * *

✍بقلم خــادم الــحــســيــن ع
الشاعر رعـــد الــجـــريـــخــــي

أرحم حالي ياربي _ زغيره وتعبو كلبي
حنينه وكلبي ما يحمل هجرهم"
خي يرجعولي وآنه أقبل عذرهم"
...............................
أنه المجروحه نص الكلب _ أنه الماعدهه ذرة ذنب
أنه الكلشي ترف متربع أبروحي"

بعدني أبعمر ورد الصبح _ ولابيه أعله لجمة جرح
عمري أهواي أزغر من أذه أجروحي"

مشو عني الغوالي لجمه لجمه
أدنك راسل للذل والله زحمه
أبو حسين زلمه شلون زلمه

تركني أشصار ما أدري _ عبرتي أتفلش أبصدري
غريبه إيكوسرون أعلي نضرهم:
خي يرجعولي وأنه أقبل عذرهم"
.................................
أحبهم مثل حب السحر _ للنجمه وليالي السهر
عمري أوياهم أبكد ابتساماتي"

مريضه وكلت يمشي المرض _ اليفارك خله ميت نبض
لو يلفون جا هانت معاناتي"

أكض الباب وبجي ما أهمكم
هلي مخليني وين أهواي أحبكم
ألح بلكي أمن ألح اكسر كلبكم

يطبع الشيمه شيمتكم _ ياهو إيباري طفلتكم
الموت أرحم ولا أضل أنتضرهم"
خي يرجعولي وأنه أقبل عذرهم"
...................................
أحس أعيوني بيه أنطفن _ خواتي أشمالجن سولفن
كلله خطيه أشلون ضلتهه"

عليله وترفه حد الترف _ إذا تبجي تطيح سلف
تذوب الروح بالدلال حسرتهه"

شبكني وترجن بي أشويه
ولحي أعليه أهوايه يارقيه
كليله أخيتنه وخطيه

كسر خاطرها مو هين _ أبرسم وجناتهه أمبين
الأهل لو سافرو يكتل سفرهم"
خي يرجعولي وأنه أقبل عذرهم"
...............................
صفت نيتهم أعله الهجر _ يشيلون أويه طرة الفجر
وشوف حسين أبوي إيزهب أبروحه"

أجي كدامه ألم بالهدم _ حته إيشوفني من ألم
وعثر يمه عمده وألجم أجروحه"

وأكض ضهري وأكوم وأجري دمعه
وسند روحي وأتجه أعله ضلعه
بلكي إيكول أمشي أويانه أسمعه

أدري أهواي أحرجنه _ لجن مو بيدي أحبنه
ونه أدري بحالي كلش ما يسرهم"
خي يرجعولي وأنه أقبل عذرهم"
.....................................
خذاني أمن إيدي أبوي وحجه_ جلمتين وتخوصر بجه
شبكته وكتله بابا أشصار حاجيني"

حط إيده أعله كلبه أووكف _ ما كمل جلمته ورجف
راد إيكول احبج كال عذريني"

خذته العبره وكعدنه وبجينه
أبهدم عبدالله كمت أمسحت عينه
حنين وآنه هم كلش حنينه

فديتك بابا لا تزعل _ منك أرتبك وخجل
اليحب أهله أيتجرع بعد مرهم"
خي يرجعولي وأنه أقبل عذرهم"
..................................
أنكطع كل الإمل بالأمل _ وتوادعنه أبمرارة أجل
ونطيت اللملمتهن وآنه ممنونه"

ورجعت أبلع أبريجي وأغص _ وعرفت أشيعني دمع الرخص
اليصبهن أربعه أربعه امن أعيونه"

ولملمت البكه أمن الحيل كوه
وحط كاروك أخيي الضهري تجوه
توه المرض أثر بيه توه

وداعآ يا أعز ناسي _ الشيب أتزاحم أبراسي
الضعنو للسفر أنطر خبرهم"
خي يرجعولي وأنه أقبل عذرهم"
..................................

#حسين باهض الحلفي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء