بكاء الشيخ وحيد الخراساني
عندما يدعوا بدعاء الفرج

#محررررم_1442_هـ
#إكشفلي_طفك

إكشفلي طفك سيدي لو بالحلم
طشرني بطفوفك عطش لو بس رسم
أرد ابچي من حرگة گلب . لمن أشوفك عالترب
ياسيدي

حبي الوحيد . عشگي اليزيد . بس هالطلب إرزقني يابو العاطفة
إفتحلي باب . من ظي رباب . وخليني اصد عبدالله بيديها غفه
خليني اذوب .وكت الغروب . الذاك المخيم لمن الوحده انطفه
رايد دموع . گد الشموع . الشعلتها رمله اعله الدماء النازفه

كل هالبواچي او ما أصدگ خادمك
إرزقني نظرة إمن الخيام ابمأتمك
إمن اطلع انوح او من أطب . لمن أشوفك عالترب
ياسيدي
____________
مشتاگ اشوف . ذيچ الچفوف . الحظنت أبو فاضل على شاطي النهر
حتى ابچي حيل . واسهرلي ليل . أللطم عله اجروحك حبيبي او عالگمر
من الخيام . من السهام . راويني منظر يابو لاكبر لو صور
أنظر عليك . لمن تجيك . زينب تشوفك وانته طايح عالظهر

إمن الف او تسعمية جرح رايد جرح
اتخليني اعيشه او بالگلب ينبت رمح
أوصلهن اجروحك صعب . لمن أشوفك عالترب
ياسيدي
_______________
يجمل حبيب . الخد التريب . مشتاگ أبوسنه او علية أجري الدمع
والزم إديك . وانحب عليك . بلكت أشوفن ياضوه اعيوني الصبع
أحسب جروح . إمن اگعد أنوح . وابجسمك احسب منكسرلك چم ضلع
هلبت أطيح . يمك جريح . او مثل اختك اعله امصابك انحب وانفجع

بلكت حبيبي مثلك اشعر بالعطش
ترسملي بلكت سيدي ليل اهدعش
واشتم هوى الطف من يهب . لمن أشوفك عالترب
ياسيدي
________________
كون ابظماك . أشعر معاك . ابلحظة عطش من كربله خليني احس
ابظهر الطفوف . خليني اطوف . اتعيشني لحظة امنيتي وي ذيچ الشمس
ساعة ارد انام . ابجنب الخيام . وابجمرة الخيمة حبيبي ارد التمس
من كربلاء . من العناء . عيشني يومك سيدي لو بس همس

خليني ساعة ابنار الخيام احترگ
بلكت مراحل أوصل ابدرس العشگ
عشگك جمر بيه او يشب . لمن أشوفك عالترب
ياسيدي
_______________
إرسملي خيل . ركضتها حيل . چانت عله اضلوعك تدوس ابلا رحم
راويني نار . ابعز النهار . لسعت ثياب الحره وي ذاكى العلم
فوگ التراب . راويني شاب . نايم يمولاي او غفه ابصدره السهم
طفل الرضيع . واگع صريع . خليني اشوفه او رگبته مليانه دم

خليني أبچي اعله الطفل مثل الطفل
خليني اشوفه ظامي وادموعه تهل
اجروحك ولاظن تنحسب . لمن أشوفك عالترب
ياسيدي
_____________
إرسملي نوگ . چانت تسوگ . بالحره من ديره لعد ديره ترد
طفلة او يتيم . چانت تهيم . تسحگ عله الشوك او تعودت عالورد
طفلة ابحبال . تمشي او خيال . والدها وياها انطبع فوگ الزند
اتصد عالرماح . لو عطره فاح . واتگله بويه امنيتي جرحك بيدي اشد

راويني طفلة ركضت ابذاكى الظهر
لمن إجاها للخيم خالي المهر
دمعتها من ظلت تصب . لمن أشوفك عالترب
ياسيدي

حيدر الحلفي

بدن يتوادعن. بعد مايلتقن
رقيه وفاطمه. بعدمايلتقن

شلون وداع بين اثنين لمن صار
وحده وي الضعن وحده تظل باالدار
رقيه وفاطمه وعله الوداع ازغار
نار فراگهن اي نار أشد من نار
بچن وتشابگن. بعد مايلتقن

العليله بكل الم وتعيش وحدتها
ورقيه تصير برض الشام دفنتها
هاي الدمعه والأهات حصتها
وذيچ اتاني نار الخيمه چويتها
عمت عين الزمن. بعد مايلتقن

اول مره هذا الموقف يمرهن
من يتوادعن وحسين ينظرهن
وزينب گاعده يمهن تصبرهن
مره تلومهن بس مره تعذرهن
بچت لمن بچن ٠٠ بعدمايلتقن

العليله اتگل لختها شلون حاچيني
شمسويه وأبوي أهنا يخليني
بعد عبدالله رايح مايناغيني
بكل مغرب اريدچ يمه ذكريني
اذا راح الضعن. بعدمايلتقن

رقيه اتگلها يختى تحرسچ الزهره
وعبدالله العزيز النبله تنتظره
اذكرچ من يلوع ويطلب الگطره!!
لوذكرچ اذا صاب السهم نحره!!!!
شجن يتبع شجن. بعدمايلتقن

شكبرها فاطمه دمعتها الي تهلها
معقوله الضعن مابيه مكان الها!!!!!
نزل ليها ابوها مدري شيگلها
حظنها وحيل ضل دمعاته يهملها
دموعه اشگدجرن. بعد مايلتقن
#سعدالعبودي
أهدي ثوابها الى روح والدتي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

للحسين ع..

بعيوني طف امن الحزن بي صوت أَبو مْسافِر
وِتـهِـل مواعِـيــــد الألـم وَي لـيلـة العـــاشِـــر

عِشت العـمُـر خيمه وجَـمُـر
وي ليلـة العــاشر
__________________________

أرد ارسم الطف وأنچـــوي بِمـصــيـبته ونِيـرانه
وحسين واگـف بالحــــرب ايزف للمنايا اخوانه
بْداخِل الْخيمه ارسم ضوه زينب لچن حـزنـانه
والجـيش دايِـر عل خِـيَــم وِيصيح ابن مَرجانه

لا تَبقــوْا لَهل البيت أَهَــل كِلهــم إقِـتلـوهُمْ
خَلهم يموتوا امن العَطش لا لا ترحمـــوهُمْ

[ شَّب الغدُر خيمه وجمر وي ليلة العاشر ]
_____________________

أَسمع رَكُض خيل وهَضل والصـوت تارس بـالي
ثاريهــا ابو الأكـبر وِگـــع اوظَل المُخـيَّـم خـالي
وِبعـشر خـيــاله انْـطحَن صَدر اِلِحـسـين الغالي
ظلِّـــيت أنـوح ابلا وَعـي والـزهــره تِـتــراوالي

تِـنعه اوصدى ابچاها يِـرد آ يبـنـي آ يبـنـي
فگـــدك طَعَـن گلبي برمح وِبجرحه عذبني

[ جَرّعني مُـر خيمه وجمر وي ليلة العاشر ]
_____________________

رِيجـي يِـبَس وتفَطِــرَت مِن المُـصـيبه اشــفافي
گالــوا أبو فاضل وگــــع وأركضله بالطف حـافي
بس شِفته حاضن رايته ضَمها اعله صدره وغافي
يم الجُـرف كاتب عــذُر يحســــين إلك مـاوافي

أم الـبنــين اتـعـــــــنـتـه والزهـره يم راسه
عَفيه إبنـي عباس البِذَل للـخـوّه أنـفـــاسه

[ نِلت النصر خيمه وجمر وي ليلة العاشر ]
_____________________

من أَلـــم زينب جَمْـــرِتي والمــاي مـايِطـفِــيها
بركـان تتحــــــــــوَّل إذا عاشــــور مـر اعليــها
يحسين كلمات الشـــعِـر مـا أُوفِـي حگك بيـها
يلباقي جسمك بالشمس حتى الخَــدَم تِحمـيها

يل عيشتني بعـالمَــــك خادم وأعَـزْ خادِم
لو إنته تِقـــبل خدمتي ميهمــني بالـوادِم

[ هذا الأمر خيمه وجمر وي ليلة العاشر ]
_____________________

ياكـربلـــه بوكت المحـن عن زينب اتخــلِّـيتي
من فارگَتْ عزهــا الزلم عن عـزها ما حامَيتي
طشَّرتي شـمل العـــايله وْبآل النبي اشسويتي
احسين مُصلِح طب إلچ وانتي عَكِس طَبيتي

أتمنــيـتج اتفــــزعين إلـه من حرگوا اخيامه
وي زينب اتجمعِي الحرَم من ضاعت أيتامه

[ بالـبر تِـفُـر خيمه وجمر وي ليلة العاشر ]
_____________________

أَنظر المهـــــدي وْدَمْعِـــته دم تنزل اعله خدوده
يحچي اويه زينب عمِّــته أيّـام ، بس معـــدوده
وارجَـــعــلچ أبنيــلـچ گُـبر يـم الگمــــــر وِزنوده
اوْ تـتـبـدَّل جروح الســبي خـير وفـرَح بِوجوده

كل جُمْعَه ياروحي صِحِت عينـچ على الرايه
لازم يِجـيج اعله الوَعــــد وِيشَرْف الـ اولايه

[ راعي العصر خيمه وجمر وي ليلة العاشر ]
________________________

خادم الحسين ع
#مرتجى الحسَّاني



https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

ليلة الخدمة

ابنيه عد ام الحسن من الله نزلت نِعمه
يحبوها كل آل النبي سمتها فاطم خِدمه

ما كافلها العباس....... ومكفوله بهاي الناس


سبحانه جلَّ المُقتَدر اموسع أجواء النعمه
اعل ام عيسى نزل مائدة عله الزهره نزل خدمه
وفاطمه اهلاً للكرم انطتها لهل الهِمه
اسأل العاشگ كربله تلگاها تمشي ابدمه

اويحسين نزلت للارض وأم الحسن حَبتها
من چانت اصغيرت عُمر امگمطه ابسبحتها

وخلتها فوگ الراس....... مكفوله بهاي الناس

______________
تنشاف بعيون العقل من الله نزلت ايه
احجابها غيرت علي ولبست التله اعبايه
من أربع حروف اتكونت بس هيه حيل اهوايه
افروعها هواي اشكثر أحدهن المشايه

من أسرارها اتحب الدمع تحب اليضحي ابروحه
أتريد اليِّساهر للحرگ اليغفى الملح بجروحه

تريد الشهگه بحساس............ مكفوله بهاي الناس

_____________

القائد العام ابكل عصر جبريل صار اعليها
گاضيها وين الما خِدم..؟ هاي اني حاير بيها
عاشت ابكهف ال النبي وبخت النبي حاميها
حتى الحسين ابكربله وي زينب امخليها

علويه عاشت بالالم ومسها الجمر بالعاشر
من شافت احسين انصرع اتبدت اگبال الحافر

واتناثر منها الياس......... مكفوله بهاي الناس

_______________
مادام هالخدمه ضوه الخدام ما محتاره
الياخذ الخدمة وطن باجر يأمن داره
حاسبها اخته ابو علي وحاسبها من أنصاره
وظفها يم باب الصحن اترحب بزواره

مو بالسهوله تنفهم متحيِّره بيها الناس
تتنفس ارماد الخيم وچنها ابتسامة عباس

ويالكافل جانت طاس..... مكفوله بهاي الناس


______________

هم خدمه هيه هم بخت ولبيت النبي خَدامه
كضت عمرها عايِّشه ابمجلس اللطامه
تعشق مواضيع الجزع وتعشق جنون القامه
اليوگع ابشده اوقدر هي تصير احزامه

اتكفلت كل الخَدم من يوم ما كفلوها
خلتهم ابرحمة علي وبعيونهم خلوها

والله احسن من الماس ....... مكفوله بهاي الناس

____________
حتماً اذا مابي جمر الگلب يصبح خدعه
والله خطيه اهل العشگ عافوا غرام الدمعه
كل شمعه يحرگها الوقت والتبقى بس هالشمعه
َما ابالغ ابدًا لو گلت الخدمه الاضواء السبعه

لازم نميز بالحجي ومو كل كلام انطيقه
وتوفيق هالدنيا ترا كل واحد وتوفيقه

وحُب حسينك مقياس...... مكفوله بهاي الناس




#الشاعر عبدالله الشويلي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#قصيدة_نزله
#للانصار_اصحاب_الحسين ع


من صداقتكم بدت روح الصداقه
ومن حلات اخلاصكم احلى انطلاقه
- يالانصار == يالانصار
⊰᯽⊱┈──╌❊╌──┈⊰᯽⊱
بشيبك حبيب شگد فَخر ، ،
غيمه وترس خدها المطر ،
يا منبع الفاق النهر ، ، == يمبخوت ؛

وبالعركه ابد ما تنسبگ ، ،
يا شيبه لنترست صدگ ،
عاشگ حسين وتنعشگ ، == على الصوت ،

يا چبير النصره ، == وخادم ابن الزهره
دخيلهن شيباتك == شايلات الگمره ، ،
- يالانصار == يالانصار
⊰᯽⊱┈──╌❊╌──┈⊰᯽⊱
جون بسمارك چم ضوه ،
كشخت بطولك نينوه ،
وفرعت صدرك للهوه ، ، == وشهگ بيك

حار العشگ لا ما برد ، ،
مستانس حسينك بعد ،
دگيت جدمك كالاسد ، == واصد ليك ، ،

الليل منك شابع == اسمر ومتواضع ،
وبسمارك ضويه == ادلي كلمن ضايع
- يالانصار == يالانصار
⊰᯽⊱┈──╌❊╌──┈⊰᯽⊱
عابس وفائك يندرس ،
يالتارس عيون الشمس ،
سيفك مضحك چم ضرس ، == يوفاي ،

چذبه الگمر انت الگمر ،
نابع على اجبينك نهر ، ،
والگابلك هد ما گدر ، ، == يبو الماي ،

هلا بصيت الديره == يلوگلك تفسيره
بين هايه وهايه == غيره كلك غيره ،
- يالانصار == يالانصار
⊰᯽⊱┈──╌❊╌──┈⊰᯽⊱
يا حِر يل امحير الفله ، ،
مرسومه بعيونك هله ، ،
لميت بيدك كربله ، ، == يسلطان ، ،

حَر الظهر جاسه البرد ،
من شافك اتهد ما ترد ،
زلمه وعلى هيئة ورد ، == يسلطان ،

هلا بالحريه == وفوكهه انسانيه ،
من جبينك نابع == مبدء الگمريه
- يالانصار == يالانصار
⊰᯽⊱┈──╌❊╌──┈⊰᯽⊱
بيك ازهرت گاع الخيم ، ،
ها ( يا زهيراً ) يا شهم ، ،
الگابل يمينك ما سلم ، ، == جفه وراح

عطشن مسافات الضوه ،
التمن على چفوفك سوه
يل شلت بيمينك لوه ، ، == وفلا طاح

تزهر وبيك احله == يا عيون وكحله ،
يا زهير احروفك == راسماتك شتله ، ،
- يالانصار == يالانصار
_____________________________________

- علي مهدي المالكي ، ،

#اللحن ، ، 👇👇

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

( ليلة الوداع _ زينب وأبا الفضل العباس ع)


خل اشمك يا عباس.. باچر بحافر تنداس

بلا چفوفك.. راح اشوفك.. يا عباس

ا~~~~~ا ١

ليلة العاشر يخويه والدمع مني يصب
زينب آنه يا كفيلي والوضع كلش صعب
باچر اموذر اشوفك وأنه يسبوني الغُرب
متني باجر يابو فاضل الف ضربه ينضرب

من كثر ضرب العدوان
بالمتن مايبقه مكان

يا عباس يا عباس

ا~~~~~ا ٢

اليله خلينه اني وانته نمشي مابين الخيم
نشلع الشوك ابأدينه باچر ايسبب ألم
تدوسه رجلين اليتامه تدوسه رجلين الحرم
باچر بلا كافل احنه ولا حمايه ولا علم

كلشي يحرگ خل ينشال
خايفه ايچوي الأطفال

يا عباس يا عباس

ا~~~~~ا ٣

اليله هاي بزودي امشي رايتك يمي تميل
اليله أصوات التلاوه وباچر أصوات العويل
عالنهر ماظن اعرفك انت عباس الكفيل
بوجهك اتدوس الحوافر وادري بي وجهك جميل

تتغير يا خويه هواي
بطلنه ومنريد الماي

يا عباس يا عباس

ا~~~~~ا ٤

باچر انظرلك يخويه بلا عمامه ولا چفوف
ومن يضربوني اعذرك واعرف شعندك ضروف
حتى من امشي سبيه من بعد يوم الطفوف
راسك ايعاين عليه وينظرب متني تشوف

بالسبي راسك وياي
ينظر المتني ولدماي

يا عباس يا عباس

#الشاعر #مصطفى_الشافعي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

كلما نويت انساهن اجروحي
من كتب قصيدة تنجرح روحي

*********

عودت روحي ما اسولف فحواي
صعبه لو كالوا عني يتشكه هواي
من اذكر اجروحك جرحي يتلاكه وياي
يحسين تعبن بسهر هاي وهاي

كل صفنه مني تاخذ احلامي
كلما اذكرك تكصر ايامي

*********

من حقي احلم والحلم مو ايام
ما ادري يحسين الوكت ليه شضام
حلمي اشوفك واضح ابلايه اسهام
وشعره اليجرحك حتى يلبسله الثام

اتمنى اشوفن ضحكت سنونك
ولا بالحصيره جن يلمونك

*********

الدنيه الضحيه المتعرف شنهو الراي
الناس كثره بيها والماي هواي
عطشت اشفافك والعطش صابه الداي
محد اجاك وكالك هاك الماي

مو واقعاً اشفاك ذبلانه
حتى اليرسمك صوره عطشانه

*********

الينساك ماله كل عذر ما معذور
مثل المضيعله نذر بين انذور
وكت اليحبك ماله داعي من يدور
عايش برايك وانته راعي الكل شور

عايش بشورك هوه ليريدك
بيدك الجمره والثلج بيدك

*********

الما شم هواك من الهوه يظل مخنوگ
الما لايگ اعليك بحلگ منهو يلوگ
المحترگ گلبه عليك متحركه عثوگ
تفتر الدنيا براسه جن فرت نوگ

الخله غيرك بالگلب شاعر
شتنفعه باجر غلطت الشاطر

*********

يحسين عالي تبقه متهزك ريح
والراد طيحت خدمتك هوه يطيح
للسانه موس اعله الخدم بالتجريح
حسابك غميج وياه عن كل تصريح

باجر تحاسب كلمن يشامر
الميخلي خاطر ما اله خاطر

#علي حسين المياحي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

°° *هلال محرم*°°

••أطوار لفى عاشور، تغريد الحزين وغيره••


السماء انشوف مِسوَدّه، مُحرّم هلهَلِ عْلينه
بِ آه يحسين ومصابه، نبديها تعازينه
نداءِ بكِل سنه يِدوي، رغم أنفِ ليِعادينه
مُواساةِ الإمامِ نْرِيد، هُوّه بعطفه يوفينه



ابْشُعوري دمعه مِستعره، أحِس ضاگِ الفضا عْلَيّه
أشِم دُخّانِ لِمخَيّم، ويتامى اتلوذ مسبيّه
ونين ايتام يفتّ الروح، تصبّ ادموع قدسيّه
أسمع صوت سحِگ أضلاع، مُصابه اهواي يچوينه



أسِمعَه بصوت كِسَر قلبي، وحيد وواگفِ ابعزمه
هل من ناصرِ العتره،غدى يسأل أبو اليمّه
عساكر حوله ملتمّه، أويلي عله قلب أمّه
عطشانِ وخِفت صوته، وسِهام ابصدره والينه


نِلبّي حسين بالعبره، بآه وونّه مشتاگين
أحِس اوصالي تتقطّع، لو گالوا "ذبيح" حسين
والطم صدري من أسمع، انه خويه أجيبه منين
على زينب شكثر دمعي، تحيّرنه وتِبَچّينه


#أمنن #علينا #برضاه
#يا_صاحب_الزمان

*مُحرّم والزهراء عليها السلام*

••أطوار لفى عاشور، تغريد الحزين وغيره••


الرواية تگول يا شيعه، بيوم المحشر العبره
تِمُر بالوادمِ البضعه، ولا بد تحضر الزهره
قميصِ احسين بيديها، امخضّب من دِمه الطبره
تِقله شذنبك ايذبحوك، أويلي عليك يا يُمه


ويِشوف العالمِ بأسره، راسِ احسين نِزَف دمه
سايل دمه فوگِ الراس، وثنايه ابحلقه متهشمه
يِقلها يُمه ذِبحوني، ولا راعوا نبي الرحمه
تِرفع چفها أم حسين، تطلب ثار ابو اليمه



يگلها داست ابصدري، خيول وطحنت اعظامي
ولحمي اتوذّر ابجنبي، وتبچي صارت أيتامي
حاطت بيّه عدواني، وصاحوا خل يظل ظامي
وانه عيني على زينب، تِنوح ابحرقه متألمه


(نداء الزهراء عليها السلام)

يا فردُ يا رحمان، احكم ربي هالساعه
گومِ لْذِبحَوِا اوليدي، وداسوا بخيلْهُمَ اضلاعه
ذِبحَوْا قلبي بيديهم، لمّن كسروا اذراعه
دموعي لجله يوميّه، إشفي صدر ابو اليمّه


#أمنن #علينا #برضاه
#يا_صاحب_الزمان

مثل نار الخيم فگدك ويرهم
منو اليصبر على فراگك ويرهم
گبالي وچتف أطفالك ويرهم
افلنهم حرت لوفل اديه

انه لوشاف حالي الصخر چاوين
نار الخيم للأطفال چاوين
الشمر طگهم وصاحو صوت چاوين
عمنه ويفزع أن بهاالرزيه

بكثر مجره الفرات الدمع ياره
وحيده وعلي ذب الدهر ياره
تمنيت الكفلني اليوم ياره
ويشوف شسوت الايام بيه

اعله روحي الحزن ضل يفتر طفلها
وناري الگلب ماواحد طفلها
الرباب تريد من عندي طفلها
وتلولي اعله المهد صبح ومسيه

ويلاه يافرت دهرنه
حادي الظعن باالكوفه مرنه
لكن بچينه وماصبرنه
وليامنه الراحت ذكرنه
لذاك الوكت حيل انقهرنه
يحظر علي اشگد انتظرنه
ويشوف حالتنه وقدرنه

لهذا الوكت ماحاسبه حساب
مچتوفه أمر بعتبت الباب
لو عاتبت يجرحني العتاب

هيه التمر يم دار أهلها
تنتظر واحد يطلع إلها
تحچيله وتگله ويگلها
شو زينبك محد سألها
طرت الكوفه اليوم شلها
#سعدالعبودي
اهدي ثوابها الى روح والدي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

قصائد عيد الغدير
☆☆☆☆☆☆☆☆☆☆☆☆☆☆☆☆☆☆
ابوالحسنين نور عيوني أبو الحسنين
اشماسويت لتلوموني أبو الحسنين
☆☆☆☆☆☆☆☆☆☆☆☆☆☆☆☆☆☆
اسمك انته ياعلي حبيته
وبكلبي ياحيدر علي خطيته
وغير شخصك ياعلي مهويته
ونذر عمري ياعلي نذريته
ياعلي مهما يصير تبقى للشيعه أمير
وهلي بسمك ياعلي سموني
ابوالحسنين نور عيوني
☆☆☆☆☆☆☆☆☆☆☆☆☆☆☆☆☆☆
شلون ماحبك يحيدر ياامير
ياامام الشيعة غيرك مايصير
ياوزيرالنبي ويانعم الوزير
فخر للشيعه صرت يوم الغدير
يامحله يومك ياعلي همومنه بيه تنجلي
مجنون وبحبه بعد خلوني
ابوالحسنين نور عيوني
☆☆☆☆☆☆☆☆☆☆☆☆☆☆☆☆☆☆
انته يالحبك بعد ماينوصف
وكلبي غيرك يالولي لاماعرف
كعبه للشيعه يحيدر والشرف
كلمه رددها الموالي من هتف
كلمه رددها الضمير تلوكلك كلمه أمير
عاشك وكلهم بعد يدروني
أبو الحسنين نور عيوني
☆☆☆☆☆☆☆☆☆☆☆☆☆☆☆☆☆☆
يافخرنا يالولي ونعم الأمل
لولاشخصك ديينه مايكتمل
نرفع الرأس بوجودك مانذل
ابد ماننساك ياخير العمل
ياولي ونعم الولي انته الأمير الاولي
مااعوفك حتى لومنعوني
أبو الحسنين نور عيوني
☆☆☆☆☆☆☆☆☆☆☆☆☆☆☆☆☆☆
بالغدير شصار بالله وشجره
الباري وشكال لرسول وامره
بيوم ارسل للرسول وخبرة
كله بعدك للولايه حيدره
ملتزم بأمر الجليل الولي حماي الدخيل
رافضي وعدواني هل سموني
أبوالحسن نور عيوني
☆☆☆☆☆☆☆☆☆☆☆☆☆☆☆☆☆☆
الشاعر عماد محمد الدراجي
الأحد 2016

https://tttttt.me/Emad_Al_Daraji

"تلبية الإمام الحسين عليه السلام في مكة"
*طور سامحيني*

يا إلهي.. يا إلهي..
عايفِ ادياري وأهَلها للمِنيّه
يا إلهي.. يا إلهي
هذا بيتك وانْحرم منه المسيّه

بالمدامع.. بالمدامع..
أبعث اشواقي وسَلامي للوديعه
أرْدَ اقِلها.. أرد اقلها..
ها ييمّه ضاقتِ الدّنيا الوسيعه

والمناسك يُمّه تِصْبَح بالغاضريه
وباجر ابنحري تِدوسِ خيول اميّه
يا إلهي.. يا إلهي..
هذا قربانِ ارتِفع لله ونبيّه
يا إلهي.. يا إلهي..
هذا بيتك وانحرم منه المسيه


يا إلهي.. يا إلهي..
وَيْ شُعوري ايلبي لجْلك كل وُجودي
يا إلهي.. يا إلهي..
يلبّي قلبي ابذبحِتي وقَطعة وريدي

ابسهمِ لِمثلّث أضحّي وابرُقَيّه
ولن بناتي لاذتِ وتبجي عَليّه

يا إلهي.. يا إلهي..
تلبياتي عله الرّمح بالغاضريه
يا إلهي.. يا إلهي..
وعيني تشبح عاللي مشّوها سبيّه


#أمنن #علينا #برضاه
#يا_صاحب_الزمان

*[ اخذ ايدي ]*

أداء: الملا #محمد_باقر_الخاقاني
كلمات: الشاعر #كرار_المحمداوي
ذاكر: مرتضى الشمري

https://youtu.be/tkzj_S5JDhM

مجالس ليالي شهر رمضان المبارك لسنة 1441 هـ - 2020 م
ليالي إستشهاد مولى الموحدين أمير المؤمنين علي ابن أبي طالب صلوات الله عليه وآله
عزاء هيئة أولاد علي عليهم السلام - العراق - واسط

مونتاج وتنفيذ: سيد كاظم الموسوي
مكساج: ليث حازم
تنفيذ: وارث للانتاج الحسيني
النشر الشبكي: علاء بركات العاملي

🖤🖤
*مع توجيه العلماء الافاضل لاحياء عشرة محرم الحرام 1442 هـ*

🤢 *وفي ظل جائحة كورونا*

✅ توجيه عام الى الجمهور الحسيني✅


🖤 *اعلم انك لست الحسيني الوحيد الذي يريد الاستماع للخطيب او المشاركة في الاحياء*🖤

🛑 لذلك اليك هذه المجموعة من الارشادات الوقائية :

🖤 اتبع الارشادات الصحية الصادرة من الجهات الرسمية .

🖤 *اتبع الارشادات الصحية والوقائية الصادرة من ادارة الماتم* .

🖤 اتبع الارشادات والتعليمات الادارية الصادرة من ادارة الماتم .

🖤 *ايها الحسيني لا تاتي الحسينية الا وانت متحصن صحيا لابسا الكمام والقفاز*

🖤 احمل معك كمام احتياط و محارم ورق ( كلينكس ) خاصة بك .

🖤 *احترازيا ومن الافضل حمل قنينة ماء صحة صغيرة خاصة بك* .

🖤 من الاحترازات الوقائية ايها الحسيني منع المصافحة والتقبيل واللمس .

🖤 *من الاحترازات الوقائية ايها الحسيني التباعد الاجتماعي على اقل تقدير مترا واحد.*

🖤 من الاحترازات الوقائية عدم التجمع والاحاديث الجانبية عند مداخل او مخارج الحسينية .

🖤 *المقاعد محدودة في قاعات الحسينيات فتعاون ولا تزاحم الاخرين* .

🖤 اذا رايت القاعة الرئيسية للحسينية قد ملئت واغلقت فاذهب للقاعة الخارجية وان ملئت فعليك الاستماع خارجا او الرجوع للمنزل والاستماع عبر الفضاء الالكتروني .

🖤 *اذا لا يوجد مكان مخصص للاخوات ايها الحسيني رتب امور اسرتك في المنزل عبر الاستماع
في الفضاء الالكتروني*

🖤 *ان كنت طبيبا او ممرضا او عاملا في القطاع الطبي فكن احد اعضاء فرق العمل* .

🖤 ان كنت عاملا قادرا على العطاء فلا تبخل بمشاركتك في فرق العمل المنظمة .

🖤 *اذا كنت من ذوي الامراض المزمنة بقاءك في البيت افضل لك و للمجتمع* .

🖤 اذا كنت تشعر بالالم او سخونة فالتوجه للمركز الصحي مباشرة هو الاخيار الافضل.

🖤 *اذا قيست حرارتك عند مدخل الحسينية وكانت مرتفعة فاستمع للنصح فالرجوع للمنزل او الذهاب للمشفي* .

🖤 اطفالك امانة ومسئولية فحافظ عليها اما بقائها منزليا او اخذ كامل الاحترازات صحيا.

🖤 *احرص على عدم استخدام المرافق الصحية في الماتم الا للضرورة القصوي* .

🖤 احرص على عدم لمس الابواب او الكراسي او غيرها من الاجهزة في الحسينية .

🖤 *شارك في التوعية الصحية و الادارية بنشر كل ما يصدر من ادارة الحسينية عبر وسائل التواصل* .

❤️ ايها الحسيني الوضع هذا العام استثنائي فاترك الجدال والنقد الغير هادف .

❤️ *ايها الحسيني اعمل جاهدا لانجاح الموسم الحسيني وادعم كل خطوة فيها تحقيق الاحياء ولك الاجر و الثواب* .

⚫⚫
عظم الله لكم الاجر واحسن الله لكم العزاء و الله يتقبل منكم صالح الاعمال🖤🖤

#الناشر_الحاج_فلاح_حسن_محرم_الليله_السابعه


محرررم 1442 هـ ( ليلة سابع ) رسالة رقية ع

رسالة من رقية الحظرة الكافل
تگول انته وأبوي ارجع يبو فاضل
تعوف العلگمي اتريدك . وتعاود إنته واعضيدك
يبو فاضل . يبو فاضل

رسالة دمعة بالطف من گلب طفلة
لبو فاضل بدين الحره توصلــــــــه
أريدن هسه ابوي ايردلي وانظرله
وابوسنك وابوسه او دمعي أذرفله

حلم كونه يردلي . إبوي الچنه خلي . وانه افرح ويه اهلي . واحظننه ليالي
يضي عيني يعمي . تعال او جيبه يمي . او يرد اينادي بسمي . رقية اهنا تعالي

تروحيله يزينب فدوه واحچيلــة
يعاود ويه ابويه رايحه ادعيلة
تردلي وايده ابإيدك . تعاود إنته واعضيدك
يبو فاضل . يبو فاضل
___________
يزينب هالرسالة العمي من عندي
بقيت ابلايه عَم وابلا أبو الوحــدي
زغيرة والبعد ياعمه مو گــــدي
ابخبر رجعة أبويه والگمر ردي

تعاي او طمنيني . يعاود بشريني . يعمه اتحمليني . غيابه عذباني
أبو فاضل يعمه . طلب بس عندي يمه . يجيب إحسين اشمه . وابد ماعوفه آني

أبد ما ظن يردني عمي مو طبعة
إذا راح الأخو بس الأخو ايرجعـة
أحلفك عمي بوليدك . تعاود إنته واعضيدك
يبو فاضل . يبو فاضل
________
انه اهنا يالعقيلة گاعده انطرهم
يردولي سوية زينب انظرهم
متت حرگه عليهم أرد اخبرهم
اشكثر بالحومه وحدي گمت ادورهم

يردولي سوية . أخو لازم أخيه . ويصيحولي رقية . رجعنه او ما نعوفچ
أبد ماتبقى دمعة . ابعيوني او حزني اودعه . وابوي ايگلي اسمعة . إجينالچ نشوفچ

حلم عندي يعمه بس حلم واحد
إبوي انظرله يمي والگمر گاعـــد
وفي عمي ابمواعيدك . تعاود إنته واعضيدك
يبو فاضل . يبو فاضل
__________
تگليله يزينب رايده اخيامي
يردهن من يرد ياعمه گدامي
وابوي ايرد يگلي ابخيمتي نامي
او كفيلچ ما يخلي بالخيم ظامي

حلم أنظر جربته . يرد بيها ابرجعته . يمايه لو شربته . بعد ما أضمه لحظة
ويگلچ يختي طبي . الخيم من مايي شربي . انه يتروه گلبي . من اختي عني ترضه

واشوفن والدي ينظرنه متبسم
او عله جود الگمر گاعد نهر يرسم
وحيد انته وبقى اوحيدك . تعاود إنته واعضيدك
يبو فاضل . يبو فاضل
____________
اللي بحظان الأبو تغفه اتعرف چانت
تناطركم بقت فوگ الترب نامت
تحنلك ساعة واتحن للأبو گامت
تصد خالي الدرب من البچي طاحت

يعمه احسيني وينه . مشه مارد ولينه . تأخر ما يجينه . وانه مشتاگه اشمه
الگمر وديني عنده . ردت أغفه اعله زنده . زغيرة او روحي وردة . تود عطره او تشمه

إبوي وعمي ما دلن انه امكانه
أريدن هسه اگلهم والله عطشانه
يزارع إسمي بوريدك . تعاود إنته واعضيدك
يبو فاضل . يبو فاضل
_________
يعمه آخر رسالة للگمر ظلـــــــــت
يجي ايشوف الخيول اعلينه شو نظرت
يزينب حيل ابد بعضامي ماخلت
أخافن عمه لو صوب الخيم ركضت

إذا عمي يحبني . يجي ايشوف الرعبني . الخيول الخوفتني . ردت عمي يردها
خفت تركض وراية . الخيول ابلا نهاية . ردت من عمي راية . يعمه ابعيني اشدها

يعمه خل يجوني خايفه اهواية
أبوي وعمي اريده ماردت ماية
انه ادري فرحتي عيدك . تعاود إنته واعضيدك
يبو فاضل . يبو فاضل

حيدر الحلفي

#الناشر_الحاج_فلاح_حسن