نزال للأكبر ع..

ياهلا بشبل حسين من طب عليهم
__________________________

هذا الأكـبر شــاب بَـعـدَه بحـيله
جبل چـنَّه اوصاعد اعله اكحيله
حســين مِتـشـيِّم وفرحـت ليلى
بالخيم عِگـدَت الجَـيْته الشــيله

ابشريانه .. طفح دم الغِــيره
وميـدانه .. وگف كلَّه بحيره

شايل بسيفه الموت واتعــــنه لـيهم
ياهلا بشـبل حسين من طب عليهم
__________________________

سيفه بيمـينه اونزل للســـاحه
اليوم أميـه ماتشـــوف الراحه
مثل سيفه اعيـونه هَم ذبّـاحه
واليخزره ايطـيح مِنه اسلاحه

بفعـــاله .. خِسَف ظهر الحومه
اليدناله .. الله كـــــاتب يـومه

رِجفوا او طاح السيف من بين اديـهم
ياهلا بشـــــبل حسين من طب عليهم
__________________________

يرهِـب او هيبـــة نـبـي بعــيونه
اوْ بالمراجـل حيــدر ايوصفـونه
مثل صُلْب ايمـانه صَلْبه امـتونه
امن الفرس ماگـدروا ايطيحونه

شِيْـنحره .. چن أسـد بل غــابه
من زغره .. والأبطال اتـهــــابه

زوده زود العـباس ظل يگصي بيهم
ياهلا بشبل حسين من طب عليـهم
________________________

الدِين يتفـــاخَـر ابظِلْ اوجوده
ماگِـدر واحـــد يِمـس احـدوده
لَـوَن عادت خـيـبر المشــهـوده
بـابهـا بالطـف يِـقـلـعـه ابـزوده

مايتـعــب .. والحرايب عِـيده
لو يغضب .. يقلـع الطف بيده

چفه چف الكــــرار قــرَّر مَحِـــيـهم
ياهلا بشبل حسين من طب عليهم
__________________________

رايتــه الشـــايلـها بي تِـتــبــاها
اشما تِميل ايميل گـلـبه اويــاها
مِـثل ســـيـل الْجـارِف او ردَّاها
تـيِّـهَـت يمـنــاها من يســـــراها

چم فارس .. صافن اعله افعاله
بي واهس .. يشمر الخَــــــيَّـاله

شافوا ابهذا الشاب هيبـــــة نَـبـيهم
ياهلا بشبل حسين من طب عليـهم
__________________________

امن الغضب صعدت بصدره انفاسه
فـدوه اروح الغِـيـــرته واحســـاسه
إبن غـانـــــم وي علي حـط راســـه
مِن بَـرز صـــوته انگطـع مِن سـاسه

لَـخـيامه .. رجـع بِـيــده ابشـاره
وَايَّــامه .. ســــولِـفَت بَـخــبـاره

آل هاشــم عالناس يمشي حَچِـيهم
ياهلا بشبل حسين من طب عليهم
__________________________


خادم الحسين ع
#مرتجى الحسَّاني



https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

الله وفقنا و خدمناك و بچينه
حسين بالجنه نريدك هم تجينه
بلا قرايه و أربعين
الجنه نار بلا حسين

ما نريد الجنه كلها بلا قرايه ولا عزه
جنه ما بيها مجالس والله احسها منشزه
ما شبعنا من المآتم واحس متوازي وزه
بگبري خاف يطول نومي و عيني تبگه معوزه
الله خلد إلك يبن الزهره منبر
نريد دنيا و آخره بمجلسك نحضر
حتى ندخل جنتين
الجنه نار بلا حسين

مو دعاء الندبه يذكر نور منبر شيعتك
گال مبيضه الوجوه و هالصفات بمجلسك
حسين لا تحرمنا عطفك بالجنان مروتك
بكلشي ما ترضى العيون الما تصب لمصيبتك
تعودت تبچي لمصابك بالمآتم
خاف بالجنه بعد ما عيش خادم
خاف ما تبچيلي عين
الجنه نار بلا حسين

صح جنان الباري بيها لنفسي كل ما تشتهي
خاف يلغون اربعينك و المواكب تنتهي
أدري تسود الوجوه او وجه خادمكم بهي
ما أريد انسى محرم خاف بالجنه التهي
وين قصرك بالجنان مبايعينك
حتى نمشيله زحف مثل اربعينك
مبايعك بالنشأتين
الجنه نار بلا حسين

الجنه بيها انهار ندري وكل نهر يجري وعذب
خاف ننسى و ما نذكرك سيدي بوكت الشرب
ويه جنتك يابو الأكبر نكون كلنه ننكتب
شتضن لو شفنه رقيه نبطل وما ننتحب
فدوه لاسمك فدوه لبنيتك رقيه
حسين خلنه بجنتك ننصب عزيه
الك حته نوفي دين
الجنه نار بلا حسين

حسين سويلك قباب تعودينه اعله القبر
خلي قصرك مثل قبرك و العطر نفس العطر
وبين قصرك وابو فاضل آنه مشتاگ شكثر
مثل بين الحرمين وركضة طويريج أمر
حتى دنيا و آخره تبقه الشعاير
حسين لا تحرمنا من هالخدمه باچر
هناك وين الگاك وين
الجنه نار بلا حسين

راح أمّن أدري باچر أربعينك تختلف
ماكو روس ولا سبايا ولا عده سبعين ألف
لچن بالمقتل عباره نريد باچر تنحذف
هواي وصفوها الأسيره خل أميره تنوصف
جنه مخصوصه فقط بس للسبايه
الله بانيها الهن بهيئة عبايه
بگد سبيهن والونين
الجنه نار بلا حسين


الخادم مهدي التقي

الزهراء ع تبكي على أبي الفضل ع


دمــــعــــي دمــــعـــي يـــســـيـــل اعــلــه الــگـــمـــر
ضــلــعــي ضــلــعــي نــســـيــتـــه ابـــهـــالـــخــبـــر

فـــاطـــمـــة آنـــه الـــوديــعــه
إحــضــرت يـــم الــشــريــعــه


* * *

جـيـت اشـوف الطلّع اخـتـه امن المـديـنـه
مـن سـمـعـت بـعـمـد راسـه وسـهـم عـينه
عـالـشـريـعـه الـگـيـت جـسـمـه مـوذريـنه
وآنـه والــشــاطــي تـگـابـلـنـه وبـچـيـنــه

عـــيـــنـــه عـــيـــنـــه يـــديـــر اعـــلـــه الـــعـــلـــــم
ويــــنـــــه ويـــــنـــــه الــــيــــدگ صـــــدره بـــألــــم

حــزنــه وي حــزنــي يــذيـعـه
إحــضــرت يـــم الــشــريــعــه

* * *

آنـه مـن حـيـن اسـمـعـت بـالـهـم اجـيـتــه
يــمــه يـمــه شـــلـــون حـالـك نـاشـديـتـه
گـتـلـه يـالـغـالـي الضـلـع يـمـك نـسـيـتــه
مـثـل الـحـسـيـن الـظـهـر لجلك حـنـيـتــه

نــــــــاري نــــــــاري اعــلــه روحــي اتــــوجــــرت
يــــاهــــي يــــاهـــــي بــمــحـــنـــتــي اتـــحـــيـــرت

مــن يــشــاركــنــي الـفـجـيـعـه
إحــضــرت يـــم الــشــريــعــه

* * *

شـلـون مـا احـضـر واشــم نحره واشوفه
وهــوه لـلـخــوه نـــذر عـيــنــه وچـفـوفـه
ديـن لام عـبـاس كـلـشـي ومــا اعــوفـــه
بـدر زيـنـب فـجـعـه فـجـعـونـي بخـسوفـه

لـــخـــتـــه لـــخـــتــــه حـــنــيــنــه ولــــوعــــتــــــه
شـــفـــتـــه شـــفـــتـــه ودريـــــت ابـــحــالـــتــــه

شــاهــدت چــفــه الـگـطــيـعــه
إحــضــرت يـــم الــشــريــعــه

* * *


صـعـبـه ما اگـدر اوصـف الحـال شـفـتـه
عـاتـبـيـتـه وانــكــسـر گـلـبـي وعــذرتــه
چـنـه احـسـه اويـاي يـبـچـي الچافل اخته
چـي بـچـيـت ادمـوم عـلـمـوده وحضرتـه

روحــــــي روحــــي بــعـــد عـــنـــهــه الــصــبـــر
نــــوحــي نــــوحــــي أخـــمـــده ابـــيـــا عـــــــــذر

مــا بــقــت حــجــه وذريـــعــه
إحــضــرت يـــم الــشــريــعــه

* * *

لا يــســار ولا يــمــيــن الــبــاقــي عـنـده
سـاعـه انـوح لمنحره وساعه اعـله زنـده
راح كـــفـــال الـــخـــدر راح اشــــيـــرده
آه يــا لــوعــة رقــيـــه واخــتــه بــعــــده

چـــــفــــــه چــــفـــــه الــگـــطـــع روس الـــــعــــــده
وفـــــــــــه وفــــــــــه بــــمــــواقــــف خــــــالـــــــده

لـلــفـــده حـسـيــن ورضـيـعــه
إحــضــرت يـــم الــشــريــعــه

* * *

بحسره عـيـنونــي ودمــع آنــه الـزچــيـه
گـلـبـي مـا يـصـبـر تـره ابـهـاي الـرزيــه
اليـوم چـن ضـلـعـي انكـسر بالغـاضـريـه
أيــســت مــن الـگـمــر واصــفــج بــديــه

صـبــري صـبـري فــگـدتــه اعـلـه الـولـد
أدري أدري الـحـزن ويـــاه خــلـد

گــابـلـت جــثــتــه الـصـريـعـه
إحــضــرت يـــم الــشــريــعــه

* * ***

✍ بقلم خـــادم الـحـسـيـن //ع//
الشاعر رعد الجـريـخـي

*{{ هــــــوى ديــــــني }}*


١/ إِخِذِ ايدي..على دينك
مولاي الحبَّ اريده
لگه دينه..وعرف الحب
لِبْعَطفك تآخذ ايده

لِي يْعيشك بجروحه..يعله بحبه
يِتْبَرَّه من عيونه..الشافك گلبه

وين...
دليني الحب..أرد اشتم بيه
هَوَى دِيني

عين...
تنظر ما ريد..صرت اعشگ بيك
عمه عيني

*بيك الحب عْرَفْتَه...{حسين}*
*ملِك ومالك إنت..{حسين}*

٢/ من كل شي..ضَيِّعْنِي
وبْحبك دَلِّي روحي
جرح الحب..إِلِي لَذَّه
ويا محلاهن جروحي

حُبِّ الباري نعرفه..من نمشيلك
مو إنسان نحسبه..الْما باچيلك

ذاك..
ميِّت إحساس..الْما يبچي دموع
لذكر ضعونك

هاك...
گلبي الْناجاك..خلّيته ينوح
ضل ممنونك

*ممنونك بمصابك...{حسين}*
*تقبل يبچي ببابك...{حسين}*

٣/تْعَنِّيْتَك..وعيوني
ما تطلب غير قربك

إقبلنا..يالْندري
يْحِب الخدام قلبك

من زَلَّاتِ الْدِنية..تِرأف بِيَّه
گلبك مولاي شايل..شْگد حنيه

بيك...
رحمة معبود..والْيبچي عليك
يوصَل ربه

ليك...
مَدِّيت الإيد..عبدك ويريد
تحرگ گلبه

*إحْرگني بنار حبك...{حسين}*
*بساعة من راح ضعنك...{حسين}*

٤/ هوى روحي..بالدنيا
أسمع صوت قرايه

يالْعرشك..معراجه
مولاي المشايه

عطر الإيمان والحب..نْشِمَّه ببابك
من الجنات كلها..أرقى ترابك

هاي...
دمعات الشوق..يم المعشوق
تنزل جمره

ماي..
ما شارب ليش..حتى احنه نعيش
كل شي تخسره

*ضيعت أطفال عندك...{حسين}*
*حتى احنه نعيش بعدك...{حسين}*


*{{جروح : كرار المحمداوي}}*

➖➖➖➖➖
رابط قصيدة ((هوى ديني)) ((اخذ ايدي)):
https://tttttt.me/MajalesAlKhaqani/955
https://youtu.be/tkzj_S5JDhM

((القصائد المكتوبة للملا محمد باقر الخاقاني))

قناة تعتني بنشر اللطميات المكتوبة التي قرأها خادم الحسين الموفق الملا محمد باقر الخاقاني
https://tttttt.me/latmiyyatalkhakani

.
فكيف اصبر على فراقك؟💔
#سيد_مجيد_بني_فاطمة
.

https://youtu.be/L354iRF5P3E
.
مونتاج#مهدي_مزرعة
انتاج#أسفار_الغدير

#تراث

لوبيدي يحسين چنت أظل يمك
واتوسد وياك واسبح بدمك
يابن أمـي يالحال الأجل بينك وبيني
بصوت الـمصـيبه .... تنـادي الـغـريـبه

يالچنت عايش بگربي ويالچنت عايشه بگربك
هاك إخذ يحسين گلبي خويه يالمصيوب گلبك
هاك إخذ يحسين عيني يابن ابويه وشوف دربك

گوم إنـهـض إنـظـر حـالـتي
ياضوه عيوني وسلوتي
يـابـن أمـي حـرگوا خـيمتي
من الخطر فريت يمك

خويه إگعد وشوف ..... حال الـفـواطـم
مــتـحـيـره تـصـيـح ..... ويـن الـهـواشـم
مـتصل ونها بـونـتي .... دسـمـع ونـيـني
بــصـوت الـمـصـيـبـه تـنـادي الـغـريـبـه
ــــــــــــــــــــــــــــــــــــــ
من مشيت اودعـتني ومن بعد دمع الموادع
ظلت عيوني على دربك وچنت أظن يحسين ترجع
وساعه لن مـهرك يخويه يصهل وگلبي تگطع

فـريـت إلـه بـالـعـاطـفه
وروحي لصبرها موالفه
وبـهـالـهـمـوم مـكـلـفـه
وسباح دلالي تگطع

هـاك إخـذ گلـبـي .....وانطـيني گلـبك
وانه ابگه بعــداك .... يــرعــانـي ربـك
وياريت يابن أمي الحجر .... صكني بجبيني
بــصـوت الـمـصـيـبـه تـنـادي الـغـريـبـه
ــــــــــــــــــــــــــــــــــــــ
فر دليلي على المعاره والجدم يسبگ خيالي
وگبل گلبي الروح فرت هـايـمـه تدور الوالي
وسمعت صوت المصيبه من النحر يصرخ تعالي

شـوفـي يـزيـنـب حـالتي
راسي إنفصل عن جثتي
وتـكـفـلـي إنـتـي بعيلتي
وصارعي جور الليالي

خل دهـري وعداي ... وجور الـلـيالـي
ومن عگب عيـنـاي ... بـاري اطـفـالـي
أصـبر يخويه والصبر.... حـسـبي ومعيني
بــصـوت الـمـصـيـبـه تـنـادي الـغـريـبـه
ــــــــــــــــــــــــــــــــــــــ
تكفلت يحسين مـنك والمصيبه تكفلتني
صوبك سهم الـمـنيه والـشـمـاته صوبتني
ريت تنظر يابن ابويه للمصيبه الدوهنتني

وتـشـوف بـعـيـون الأثـر
مالومه من جور الدهر
مـابـيـن عـدوان وخـطـر
والـمـصـايب المتني

من طحت يحسين .... سـلـبـنـي دهري
وبـس دمع عـيـناي .... من عيني يجري
يابن أمـي اتـستر دمي ... بچفـوف إديـنـي
بــصـوت الـمـصـيـبـه تـنـادي الـغـريـبـه
ــــــــــــــــــــــــــــــــــــــ
بـعيني أباريلك عيالك يابن أبويه وعنها ادافع
بـين فگدك والمصيبه يـا عـزيز الروح انازغ
بـالـصـبـر طـفـيـت الـبـلگلـب مـو بالمدامع

وسـلـيـت حـزنـي بـدمعتي
وداويت علتي بغربتي
واسـرار سـبـيـي بـمـهـجتني
وبهضيمتهن اطالع

صــوبــك يـحـسـيـن ....سهم الـمـنـيه
ومـاظـل ولـي وياي .... بـالـغـاضـريـه
سـهـم الشماتـه بالگلـب....... هـيج حنيني
بـصـوت الـمـصـيـبـه.... تـنـادي الـغـريـبه
ــــــــــــــــــــــــــــــــــــــ
راح ارد يحسين عـنك للشماته بدمع عيني
مسيت من بعدك غريبه بلا خدر ومسلبيني
باليمين الزم دلـيلي وباليسار أستر جبيني

مـابـيـن عـيـلـه مـسـلبه
واطفال تبچي معذبه
وبـيـن الـخيام الـلاهـبـه
زاد يابن أمي ونيني

مــاظـلت خـيـام .. من عگب عـينك
حرگوها يـحسين .. وفـرت بـنـيـنـك
حاربـت صبري وبـالصـبر .... ثـابت يقيني
بـصـوت الـمـصـيـبـه .... تـنـادي الـغـريـبه
ــــــــــــــــــــــــــــــــــــــ
نـام وتـهـنـى بمـنامك وانـه الـعـيال إكفلتها
وانـه بچفـوف الـمصيبه بـالـمـحامل ركبتها
بالعمى ياريت عيني وريت جثتك ما شفتها

بـجـمـر الـمـصـيبه ترعرعت
چم نايمه بالطف شفت
چم نـار آنـه شـاهـدت
دمـعـة عـيوني طفتها

مـن دمعـي ارويـك ... وأخضب بدمك
واتسلى يـحـسين ... مـن احـن يـمـك
وعلى الـيتامه الـسـاهـره.... خل تظل عيني
بـصـوت الـمـصـيـبـه..... تـنـادي الـغـريـبه

المرحوم الشاعر
عبد علي الخاچي الكربلائي

#اللهم_عجل_لوليك_الفرج

وإِنَّ قبراً حوىٰ العبّاس أجدرُ أنْ
‏تبني عليهِ الورىٰ أحداقَها حَـرَما
#قمر_بني_هاشم

*نخوة العباس ع*
مولاي يا قمر العشيرة يا ساقي عطاشى كربلاء…اسقنا من معينك مولاي اسقنا بكفوفك من زمزم جودك يا ابا الفضل فها نحنا قد اجتمعنا في خيمة عزائك نتوجه اليك بحق خدر العقيلة زينيب ع… بقلوبنا الى كربلاء عند باب الحسين ع ابا الفضل العباس… نقف هناك نستأذن عند بابه ومن آداب الاستئذان القاء التحية ..(ارفع يدك سلم على العباس)
السلام على ابن ام البنين
السلام على قطيع الكفين
السلام على نصير الحسين ع
بهذا السلام امامنا حجة الله يزور عمه العباس ..
((السلام على أبي الفضل العباس ابن أمير المؤمنين ، المواسي أخاه بنفسه ، الآخذ لغده من أمسه ، الفادي له ، الواقي ، الساعي إليه بمائه ، المقطوعة يداه ، لعن الله قاتليه يزيد بن الرقاد ، وحكيم بن الطفيل الطائي ...))… والسلام عليك سيدي ورحمة الله وبركاته…
فها هي القلوب قد توجهت مع امامنا صاحب الزمان ع لباب الحوائج ع… ابي الفضل العباس قاضي الحاجات وكلنا اصحاب حوائج(كلمن له حاجة امام عينيه فنحن الليلة عند باب الحوائج عنا مرضى عنا مشاكل عنا حوائج يا ابا الفضل ) نقف عند بابك سيدي فامسح على قلوبنا وسكّن روعها واملاءها حبا للحسين ع كما ملئ قلبك الشريف بحب الحسين ع فواسيته بعطشه وفديته بمهجتك وروحك…. يا ابا الفضل..
*نخوة وتوسل بالعباس ع*
يابو فاضل…. انظز بعينك اليّه
يابو فاضل… جيتك بعبره جريه
يابو فاضل… اقسم بخدر السبيه
〰〰〰
لا تردني…. اقضي حاجتك بيمناك
لا تردني…. امسح دمعتي بيسراك
لا تردني…. بحق زينب اجيت انخاك
〰〰〰
معتنيلك…والدمع جاري لمصابك
معتنيلك…. عاشق لشمة ترابك
معتنيلك… زاير وواقف ببابك
خادمة آل محمد ✍🏻
اخواتي توجهن بنداء واحد
لحن الخضيب ~
يابو فاضل3~~~
يابو فاضل3~~~
〰〰〰
باب الحوايج يالقمر مفتاح لباب حسين
عليك اقسم بأم الخدر
واقسم بأم الْبنين
بعطش الحسين وبالنحر وسهم الي صاب العين
تقضي حوائجنا بعجل يا قاضي الحاجات
يابو فاضل~ 3 آه
يابو فاضل~ 3 آه
(بصوت واحد)
يا وجيها عند الله اشف لنا عندالله
أجرك على العباس وحاجتك مقضية بحق كفوف العباس ان شاءالله
لرفع الحوائج بذكر الصلاة على محمد وآل محمد وختامها بالمباركة الفاتحة هدية لصاحب المجلس ابا الفضل العباس ع
خادمة آل محمد✍🏻

(لوضاءته وجمال هيئته وإنّ اسرة وجهه تبرق كالبدر المنير، فكان لا يحتاج في الليلة الظلماء إلى ضياء.)
قيل له قمر بني هاشم.

#مشاركة من صديق القناة الأخ
#جواد_الگرعاوي

____________________________

كل عشق دونك
محض افتراء
كل حب غيرحبك..
هو لهوا وهراء
قلبك الحاني على اعداءه
صارمثوى الاوفياء
ياابااااالاحرار..فخرا
انت يوم الصمت ..
لبيت النداء
انت يوم الخوف...
عانقت السماء
يوم كان الكل مختبئا بكلك
قد اضل الكل ضلك..
وسكنت في العراء
انت في يوم اكتسا التجار دينك...
وارتدوا ثوب محمد
سلبوا منك الرداء
انت من صان لحوم الناس اجمع
مزقوك بالحراب...
انت ياعدل الكتاب
ادمت الكون دمائك
وغدا العرش خضاب
ياملاذ الخائفين...
قد حفظت دين احمد
جدك الهادي الامين
مذ حفضت بيت الله
رب العالمين
فبنى الله لك..كعبة عشق
في قلوب المؤمنين
طافت الارواح قبل العين فيك
فغدى عشقك زمزم
للعطاشى الظامئين
وغدا قبرك كهف
للحيارى الضائعين
وغدا مصداق ايمان وحب
فيك يوم الاربعين......


✍ جواد كاظم الگرعاوي

~~~~~~~~~~~~~~~~

☀ منبريّون يتواصلون ☀

هنا نختار أفضل ثلاث مشاركات لمتابعينا الأعزاء وننشرها بأسمائهم في قناتنا

☀ منبريّون حسينيّون ☀

@minbariyoon
…………………………………………
☀ منبريّون يتواصلون ☀
https://telegram.me/joinchat/AGWwjjzFRmg3wBj8nPwuJg

يالتريد بدنياك عز وكرامه
ماتفيدك والله غير الخدامه
الك افضل هويه
خدمة ابن الزجيه
.............

ايمامك المهدي أنه اسمع كلامي الينكال
لورايد اتعيش ابفخر وبخير وتغير الحال
مهيوب عمرك ينكضي وذكرك يضل للاجيال
غير الحسين بدنيتك لاتحط ثاني اعله البال

يعله شانك وتصير عندك هويه
لازم اتعيش هناك بالغاضريه

عدنه اكبر قضيه
خدمة ابن الزجيه
.................

نكران ذاتك كل وكت خليهه مابين الناس
ياشيعي وذكر هالفعل باجمل اجر من ينقاس
هلخدمة هاي بكل زمن تاج وتضل فوك الراس
بالخدمه جبريل ابتده وسلمهه بيد العباس

صارت بجف عباس هلخدمه رايه
وتنعكد بالصعبات الحل القضايه
بيهه غيره وحميه
خدمة ابن الزجيه
.................

يالتخدم بدرب العشك منك عطر خدمه ايفوح
لا تنسه روحك بالحجي الخدمه تريد المملوح
اصل الدرب هذا عدل وغير العدل مامسموح
بيد الحسين الخاتمه ومن يرفضك وين تروح

صفي نيتك وتعيش سيد زمانك
وكلبك ابيض خليه وينبض حنانك

ماتحب الاذيه
خدمة ابن الزجيه
................

للمذهب امراية وفه صير وردت منك عون
اعكس الصوره الواضحه والحجو خل ايبطلون
اعداء عدنه بكل وكت يالجعفري ويشوفون
تاج المذاهب مذهبك موسهله بيه ايطعنون

آنه اريد الخدام اتباهه بيهم
ما اسامح من راد يحجي عليهم

والعمل بين اديه
خدمة ابن الزجيه
.................

الخدمه تره كول وفعل والخادم بوجهه النور
وبيتي صبح هوه العزه وبالعزه ماريد اقصور
تسرون گلبي من اجي والمجلس الكا معمور
جم خادم بخادم شفت لحسين عمره ومنذور

بالفعل ياخدام رايد عهدكم
ايد وحده وارتاح لو شاهدتكم

احضر بكل عزيه
خدمة ابن الزجيه
................

بالخدمه ثبتلك جدم بالك تره بيوم اتميل
تتندم وتالي الندم بس الدمع يبقه ايسيل
حب وتسامح كل وكت گلبك بحنيته يشيل
لكل الخدم هذا الحجي ودعو الضهوري بتعجيل

ثاري عايش وياي وبگلبي جمره
وانتضر ذاك اليوم والسيف اشهره

واملي كل الوطيه
خدمة ابن الزجيه


#محمد هادي العقابي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

من نزَل سِتر الظلام بليل الاحزان
وگفَت اگبال التغطّى بثُوب تِربان
وشالِته ونادَت يربي اقبَل القربَان
**
سهَام ورمَاح وحَوافِر ويَّه لسيوف
عالسبط صلّت جمَاعه بأرض لطفوف
وسَلّمَت روحَه المِنيته وزينب تشُوف
دِنية الباري ابسِماها اختِلفت الوان
وشالِته ونادَت يربي اقبَل القربَان
**
حسين ثَـوَّب دمّه كله الخاطِر الدين
وكل عضو بجسمه صُبح للحق عَناوين
واهيه ثَوْبَت عِز خدرها اويه الصوَاوين
وكل دلال بذاك امِسها ورِفعة الشان
وشالِته ونادَت يربي اقبَل القربَان
**
أصبَح اونين العقـيله ودمع الجفون
بعِيد عن مَسمَع عَدُوها وعن العيون
اعلِيها من چلچل الليل وخيَّم اسكون
ناحَت الوَحَّدها تندِب فگد الاخوان
وشالِته ونادَت يربي اقبَل القربَان
**
شهگة المخنوگ بيَّها اتغطّي الآفاق
وخدها حِرگتـَّه المدامع حَرگ الأوراق
اتگول وين الدُونه گالوا گطْع الاعناق
لاهُو ظل ولا شِفت منهُم خبر بان
وشالِته ونادَت يربي اقبَل القربَان
**
صح بچَت لكن صبرها ايهدِّ الجبال
ولا ضعُف بـيَّن عليها ولاحمِل مال
وبوَكت شدّوا إديها بجَاسي الحبال
سِيل المناشَغ وِگف عِد حَد الاجفان
وشالِته ونادَت يربي اقبَل القربَان
--------------
لقمان لعيبي البدران
1442
@lukmanalbadran

#تراث

لوبيدي يحسين چنت أظل يمك
واتوسد وياك واسبح بدمك
يابن أمـي يالحال الأجل بينك وبيني
بصوت الـمصـيبه .... تنـادي الـغـريـبه

يالچنت عايش بگربي ويالچنت عايشه بگربك
هاك إخذ يحسين گلبي خويه يالمصيوب گلبك
هاك إخذ يحسين عيني يابن ابويه وشوف دربك

گوم إنـهـض إنـظـر حـالـتي
ياضوه عيوني وسلوتي
يـابـن أمـي حـرگوا خـيمتي
من الخطر فريت يمك

خويه إگعد وشوف ..... حال الـفـواطـم
مــتـحـيـره تـصـيـح ..... ويـن الـهـواشـم
مـتصل ونها بـونـتي .... دسـمـع ونـيـني
بــصـوت الـمـصـيـبـه تـنـادي الـغـريـبـه
ــــــــــــــــــــــــــــــــــــــ
من مشيت اودعـتني ومن بعد دمع الموادع
ظلت عيوني على دربك وچنت أظن يحسين ترجع
وساعه لن مـهرك يخويه يصهل وگلبي تگطع

فـريـت إلـه بـالـعـاطـفه
وروحي لصبرها موالفه
وبـهـالـهـمـوم مـكـلـفـه
وسباح دلالي تگطع

هـاك إخـذ گلـبـي .....وانطـيني گلـبك
وانه ابگه بعــداك .... يــرعــانـي ربـك
وياريت يابن أمي الحجر .... صكني بجبيني
بــصـوت الـمـصـيـبـه تـنـادي الـغـريـبـه
ــــــــــــــــــــــــــــــــــــــ
فر دليلي على المعاره والجدم يسبگ خيالي
وگبل گلبي الروح فرت هـايـمـه تدور الوالي
وسمعت صوت المصيبه من النحر يصرخ تعالي

شـوفـي يـزيـنـب حـالتي
راسي إنفصل عن جثتي
وتـكـفـلـي إنـتـي بعيلتي
وصارعي جور الليالي

خل دهـري وعداي ... وجور الـلـيالـي
ومن عگب عيـنـاي ... بـاري اطـفـالـي
أصـبر يخويه والصبر.... حـسـبي ومعيني
بــصـوت الـمـصـيـبـه تـنـادي الـغـريـبـه
ــــــــــــــــــــــــــــــــــــــ
تكفلت يحسين مـنك والمصيبه تكفلتني
صوبك سهم الـمـنيه والـشـمـاته صوبتني
ريت تنظر يابن ابويه للمصيبه الدوهنتني

وتـشـوف بـعـيـون الأثـر
مالومه من جور الدهر
مـابـيـن عـدوان وخـطـر
والـمـصـايب المتني

من طحت يحسين .... سـلـبـنـي دهري
وبـس دمع عـيـناي .... من عيني يجري
يابن أمـي اتـستر دمي ... بچفـوف إديـنـي
بــصـوت الـمـصـيـبـه تـنـادي الـغـريـبـه
ــــــــــــــــــــــــــــــــــــــ
بـعيني أباريلك عيالك يابن أبويه وعنها ادافع
بـين فگدك والمصيبه يـا عـزيز الروح انازغ
بـالـصـبـر طـفـيـت الـبـلگلـب مـو بالمدامع

وسـلـيـت حـزنـي بـدمعتي
وداويت علتي بغربتي
واسـرار سـبـيـي بـمـهـجتني
وبهضيمتهن اطالع

صــوبــك يـحـسـيـن ....سهم الـمـنـيه
ومـاظـل ولـي وياي .... بـالـغـاضـريـه
سـهـم الشماتـه بالگلـب....... هـيج حنيني
بـصـوت الـمـصـيـبـه.... تـنـادي الـغـريـبه
ــــــــــــــــــــــــــــــــــــــ
راح ارد يحسين عـنك للشماته بدمع عيني
مسيت من بعدك غريبه بلا خدر ومسلبيني
باليمين الزم دلـيلي وباليسار أستر جبيني

مـابـيـن عـيـلـه مـسـلبه
واطفال تبچي معذبه
وبـيـن الـخيام الـلاهـبـه
زاد يابن أمي ونيني

مــاظـلت خـيـام .. من عگب عـينك
حرگوها يـحسين .. وفـرت بـنـيـنـك
حاربـت صبري وبـالصـبر .... ثـابت يقيني
بـصـوت الـمـصـيـبـه .... تـنـادي الـغـريـبه
ــــــــــــــــــــــــــــــــــــــ
نـام وتـهـنـى بمـنامك وانـه الـعـيال إكفلتها
وانـه بچفـوف الـمصيبه بـالـمـحامل ركبتها
بالعمى ياريت عيني وريت جثتك ما شفتها

بـجـمـر الـمـصـيبه ترعرعت
چم نايمه بالطف شفت
چم نـار آنـه شـاهـدت
دمـعـة عـيوني طفتها

مـن دمعـي ارويـك ... وأخضب بدمك
واتسلى يـحـسين ... مـن احـن يـمـك
وعلى الـيتامه الـسـاهـره.... خل تظل عيني
بـصـوت الـمـصـيـبـه..... تـنـادي الـغـريـبه

المرحوم الشاعر
عبد علي الخاچي الكربلائي

#اللهم_عجل_لوليك_الفرج

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

شكبر حظة خادم المگطوع نحرة
هذا بالذر اندعتله فاطمه الزهرة
اليخدم وليدي الشهيد
يندفن باجر سعيد
ويل الحسين بكربله نبنيله حضرة

،،،،،،،،،،،،،،،،،،،


گبل لا ربنه خلق گاع و سمه
دعت للخدام بالذر فاطمة
اليخدم ابني ربي كون تكرمة
فوگ صدرة چفوفه سويها اوسمه

ربي لطمات الصدر
للجنه سويهن جسر
ويل الحسين بكربله نبنيله حضرة


،،،،،،،،،،،،،،،،،

الگضه عمرة يخدم و يحضر مجالس
اقسم بدم الحسين يحبه عابس
الثوبه اسود بالطبگ تلكاه لابس
بدفتره يسجله حبيب ويل النوارس


الابس ثياب الحزن
كحل ينحط للجفن
ويل الحسين بكربله نبنيله حضرة

،،،،،،،،،،،،،،،،،،،،،


الشايل حسين بوريده مچان دمه
الزهرة گالت من يموت يصير نجمه
الحافظ حروف الحسين و ناسي اسمه
فاطمة من يختنگ تفزعله نسمه


اليوگع بشدة ثگيله
الزهرة و الزهره تجيله
ويل الحسين بكربله نبنيله حضرة

،،،،،،،،،،،،،،


ذلة مكروهه الخدامه و تعرف الناس
والخدم مذبوحي تاج يصير ع الراس
اليبچي لمصاب الحسين بحرگه و حساس
رايه باجر بالقيامه يشيله عباس

اليبچي لحسين وهله
عدل مات ندلله
ويل الحسين بكربله نبنيله حضرة

،،،،،،،،،،،،


اليوزع بالمجلس للخدم ماي
هذا للجنه اجيبه و يدخل وياي
العايف اهله و گاصد المذبوح مشاي
علي يوگفله وعلي بالمحشر فياي

النصب مجلس للعزاء
يكبر بعين السماء
ويل الحسين بكربله نبنيله حضرة

،،،،،،،،،،،،،،،،،،،


كلشي عندي مسجل ولضن يضيع
اليبني موكب چنه بانيلي البقيع
اليخدم بلهفه وگلب دامي و فجيع
ادري قصدة يخيط جروح الرضيع

اليخدم و شايل علم
انسجله مطفي الخيم
ويل الحسين بكربله نبنيله حضرة


كلمات خادم الحسين
#حازم سوادي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

جرح زينب

لقد أسرى بِـيَ الجرحُ الذي أسرى
بقلبكِ للأسى يازينبَ الكبرى

النص :
ألا للهِ صـــبركِ زينبٌ لـمّــــا …
ضَممْتِ الطفَّ بل أحزانَــهُ ضمّــا ..
أَقلبٌ مثلُ قلبكِ يحـــمِــــلُ الهما ..
لقد أمسى لنا في المنتهى سفرا
.........................................

أيٱبنةَ بضعةِ المختارِ قد مالت…
بنا الدنيا لأرضٍ بالدما سالت ..
وأيُّ كتائبّ فوق الهدى جالت ..
سنابكُها ترضّ بحقدِها الصدرا
......................................

ألا للهِ صبرُكِ يٱبنةَ الهادي ..
وبالركبِ المقدسِ قد سرى الحادي ..
قطعتي الحزنَ من وادٍ الى وادي ..
أجلُّ بكِ العُلى يابضعةَ الزهرا
..................................

أجلُّ بكِ العُـلى ياجمرةَ الحزنِ ..
وبنتَ الطهر مجدا زهرةً الغصنِ ..
فأنتم أهلُ بيتٍ علةُ الكونِ ..
وثقلٌ للهدايةِ يَعدلُ الذّكرا
........................................

ألا يازينب الاحزانِ أشجانا ..
مصابٌ ألهبَ الأرواحَ أحزانا ..
فمَن ذا هدَّ للأســـلامِ أركانا ..
وما أبقى لآياتِ النُهى قَدرا
.....................................

أعانَ اللهُ قلـــباً في الرزياتِ ..
سما في كربلا فوق المعاناةِ ..
ومن ذا يا أفانينَ الكراماتِ ..
يطاوِلُكم بما قد نالكُمْ صبرا
......................................

أفانينَ الهدى نعمَ الأفانينِ ..
وميزانُ لأربابِ القوانينِ ..
وشُهبٌ لٱختراقاتِ الشياطينِ ..
فأنتم للهداةِ الآيةُ الكبرى
...................................

ولهفي للحسينِ السبطِ مظلوما ..
قتيلاً من شرابِ الماءِ محروما ..
قتيلاً في هجيرِ الطفِّ مهظوما ..
عتتْ ظلما عليه الطغمةُ الكدرا
.......................................

وقد أمستْ عقيلةُ هاشمٍ ولهى ..
إذ ٱرتحلَ الحِمى في كربلا عنها ..
فيالهفي لفقدِ السبطِ ما أوهى ..
وياأسفاً بناتُ المصطفى أسرى
…………………………..............

نسألكم الدعاء…

شاعر أهل البيت ع
#أبو عقيل الناصري


https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#الناشر_الحاج_فلاح_حسن_محرم_الليله_الثامنه


محررررم 1442 هـ

فرحني لحظات اوليدي وخليني اشوفك فرحان
لو لحظة خليني انظرلك تشبه ييمى العرسان
ختگول ناسك چلمة . جسام فرح إمه
فرحني لحظات

لو ساعة إلبس بدلتك او خليني اشوفنك
فرحان وابثوب العرس عالراس ابوسنك
إنته الوحيد ابدنيتي مو حگي احبنك
خليني ازفك يولدي وابإيدي امشطنك

من ترتدي ثوب العرس أصفن أظل يبني اعليك
أجملها لحظات العمر امحنايه اشوفن إيديك
واتصير بالطف لمه . جسام فرح إمه
فرحني لحظات
__________________
ثوب العرس يامهجتي بيدية فصلته
تحلى اكثر او أكثر بعد لو جاسم اللبسته
لايگ قميصك يالولد بيدية طرزته
واسمك عليه يبني اكتبت بدموعي لونته

اشمحلاتك ابثوب الزفة گاعد تظل بالخيمات
واهلك يطشون اورودك او نشعلك اجمل شمعات
واتزيح منه الظلمة . جسام فرح إمه
فرحني لحظات
_________________
اتبسملي اريدك يالولد عيش العرس وافرح
عريس يبني ابكربله قبل الحرب تصبح
والوالده اتزف الولد كل العمر تطمح
ما ودها تنظر عالإبن ابلا زفه وامجرح

فرح گلب إمك جاسم وخليني حال النسوان
فرحانه بيك او متأمله امعرس مثل هالشبان
واتزيح حزني او همه . جسام فرح إمه
فرحني لحظات
_________________
مشتاگه يابعد العمر هالليلة اهلهلك
وصوغة العرس يجمل الولد مشتاگه اجيبلك
شمعة عرس فوگ الأرض خليني أرسملك
يوليدي احظر حنتك خليني واعجنلك

مشتاگه اشوف امحنايه إيدك واقبلها اردود
يم عمك إحسين او زينب او كون الگمر هم موجود
عريس حاظر عمه . جسام فرح إمه
فرحني لحظات
________________
حظروا عمامك زفتك چا يلله يوليدي
خليني ازفك بالخيم يبن الحسن بيدي
ماعندي عيد او زفتك ابطف كربله عيدي
فرحني فرح عيلتك يايمى يوحيدي

خليني اهلهل يم زينب وكت العرس ياجسام
يوليدي خل عمتك تفرح عريس بالخيمة اتنام
شميت عرسك نسمه . جسام فرح إمه
فرحني لحظات

حيدر الحلفي

#الناشر_الحاج_فلاح_حسن

•• *وداع الحسين لقبر الزهراء عليها السلام*••

(طور أومت بديها ملا عبدالحي وغيره)

جيتِچ ييُمّه وادري تسِمعيني
يُمّه بَوَدعِچ لو تِوَدعيني
بعَد ما أرجَع أريدچ تِضُمّيني
للغاضريّه مقصدي ويِذِبحوني


قومي ييُمه نشفي دُموعي
آخر وداع وأيّسي من رجوعي
راح اواسيچ ابكَسرة ضُلوعي
وظامي عله الوطيه ايسلّبوني


ضُمّيني يُمّه لضِلعچ يا حبيبه
مشتاق اشوفچ يل حنانچ طِيبه
عسى ضلعچ ييُمّه خمّد لهيبه
مسافر بعيد ومنّچ يحرموني



غريب ابوطن جدّي أودعچ
وباچر فوگ الرّمُح راسي يِفِجعچ
وجسمي يصير اسهام و يِرَوعچ
وباچر عيالي عالثرى يشوفوني


يُمّه بأمان الله هذا سلامي
راحل واقضّي آخر ايامي
حضريني يُمه من تنحب ايتامي
وباچر اسهامِ ونبِل يرموني

°▪°▪°▪°

°•*طور الجفيري*°•

*جواب الزهراء سلام الله عليها*

صوت الزچيّه امنِ القبُر
يبني يا ريحانِ النّظر
عني تِروحِ بهالخطر
صوّبني چبدك والسهم


يُمّه أسِمعَك يا ورد
خلني أشوفك ها بعَد
يا بلسم اجروحي وسعَد
اتعوفِ الزچيه للهضم


ناوي يا يُمه عالرحيل
وكلّ المصايب تِميل
وآنه ابدُموعي لتِسيل
أنحب عَليك بيا ألم


يُمّه أجيلك كربله
نحرك أشمّه وأحمِله
وغُسلك دُموعي الهامِله
ينهِدم حيلي والعزِم


#أمنن #علينا #برضاه
#يا_صاحب_الزمان

رغم انف المارضوا واهل الحسد
جابته الكعبه علي مــو بـت اسد

*-------------*-------------*

الله خص المرتضى بهل منزله
حايط الكعبه انفطر ونشك اله
حــيــدر القرآن كــلــهــه اترتله

حــبــنــه للكرار بــاقــي للأبــد

*-------------*-------------*

نفتخر بسم الوصي ونتباهــه
بس اله الامجاد ربنه انطاهـه
اكــرم الــنــاس النبي گالاهــه
ذِكر اسمه من يمر مثل الشهد

*-------------*-------------*

اخــتــاره عـالـكـل البــشــر بارينه
ولــجــله كون الله اختلف تكوينه
هــــذا داحــــي الــبــاب يالناسينه

انشك جدار البيت لجله امن انولد

*-------------*-------------*

حبه يسري اويه الدمه ومنعوفه
انـروح فدوه الهل اسم وحروفه
بــحــر حــيدر والكرامه اجروفه

خــلــده المعبود غــيــره مـا خلد

*-------------*-------------*

يلي تسأل ليش هــايــم بالولي
انــه موبيدي الكلب يهتف علي
بالزغر ويعيش حــبــه بـداخلي

ساكنه بروحي محبته من المهد

*-------------*-------------*

مــا ابالغ لـــو كـلـت ســر الوجود
والـدلـيـل اتخلد بشخصه الخلود
وصف حيدر بالشعر فاق الحدود

عـجـز شعري وبيش اوصفنه بعد

*-------------*-------------*

بالختام الكلمه هـاي احجيهه
بــيــه لتلـوم البـشــر شعليهه
مــحــبــة الكرار هــايــم بيهه

يمه ودي الروح ياطير السعد

*-------------*-------------*

✍ بقلم خادم الحسين ع
الشاعر رعد الچريخي

قصيده فرح بحق الامام علي ع


عالمـعـبـر وعالمـعـبـر وعالمـعـبـر
متدوس جدمـه المايحبك حيدر

🌹 🌹 🌹

مدوس جدمـه المايدين ابـديـنـك
مفتاح جنة الباري شاله ايـمـيـنـك
عالحوض بـاچـر تنضرنه بـعـيـنـك

الـعـاداك حـيـدر والله لازم يخـسر

🌹 🌹 🌹

احچيهه هـايه ياعلي ومـا بـالـي
بـس انـت وحـدك سـاكـن بدلالي
هالليله بسمك هـالـفـرح يحلالـي

يسقيني بـاچـر چفك مـن الكوثر

🌹 🌹 🌹

خـــل اليلوم اعليه خـــلـــه ابــرايه
هـذا اعتقادي ومـا تغيره احـچـايـه
يــاهـــو الرسول بچفه خـلـه الرايه

وياهو ابيمينه الهد حصنهه الخيبر

🌹 🌹 🌹

امي ارضعتني مــن الولاده ابدرهه
وعلمني ابـــوي اولايـتـه وفـسرهه
گـــلالـــي جنــه ابلا علي تخسرهه

اولاية علي تبقى الاصـل والجوهر

🌹 🌹 🌹

مـــن عـــالـــم الـــذر وذبــت بهيامه
ومنيتي اصـــيــرن خـــادم الخدامه
كل مسلم ابدونه العفه اعله اسلامه

هالكلمه هــايــه الله وصّـــه وقـــدر

🌹 🌹 🌹

آخـــر كـــلامـــي واسـتـمـع هالكلمه
كالعمري فدوه ايروح لحروف اسمه
ايسموني خادم وفـــخـــر بهالخدمه

حــقــــه الخدملك ياعلي لـــو يفخر

🌹 🌹 🌹

✍ بقلم خادم الحسين ع
الشاعر رعد الچريخي