حبيبة الحسين رقيه ع


يا بوية شفتك بالحلم انه رقيـــــه
حنيت ابوسك والطشت جابوه اليه
حاجيني شلي بدنيتي راحه اعلة راسك موتتي
---------------------------------------------
حلمك رسمته بناظري وضي النظر ما عافه
يالوجهك ينگط ضوه ويسحر جمال اوصافـــه
خوفي ابوسه وينلچم ثغرك فطر بشفافــــــــه
راسك يبويه المنگطع يموت بحسرته الشافـه

متخضب بسيل الدمه وتگطر رگبته
ومتغير هواي الوجه گوه عرفتـــــه

المن اضل بحسرتي
-----------------------------------------
ياللونك بـلـون السمه متحيره صرت بلـونك
احـمـر اصـدن للوجـه وهو ابياض سنـــونك
وعـيـونك التسحر گبل ما چنهه ذيج عيونك
يالجنت يوسف ناظري شلي بحياتي بـدونـك

انظر جبهتك يالولي ينـزف جـرحـهـه
منگعه شيبك بالدمه ومحد مسحهــه

شلون اوصف حالتي
-------------------------------------------
جيـتك يـبـويه بحسـرتي وجفني التهل دموعه
ولْگيتك بلايه جسـد وعـالـراس اصـد ّابلـوعـه
گالولي جسمه بكربله وصدره انطحن وضلوعه
خليني اموتن بالحزن المن اضـل مـفـجـوعـه

بزهرة حياتي اتيتمت دمعي تجـــاره
جاوبني فـدوه لبسمتك وانطق عباره

غرگت جفوني بدمعتي
-------------------------------------------
مـغـمـضـه عينك يالترف ومـا تصد عينك لـيـه
يـشـرحـلـك لْسان الـدمـع انه العـزيـزه ارْقـيـــه
ظالم اجـانـي بطيحتك جـرنـي وسلب ترجيـه
وجـروح الاسـيـاط بحقد تـركـن اثـرهن بـيــــه

حسبالي سالم واگعدت اصرخ اريده
تاليهه راسك بالطشت حزنـي يـزيده

طفله وبقيت بلوعتي
-------------------------------------------
بحضنك اغفــــه مُنيتـــي بعد الحلم حسبالــي
بيدك تـنـشـف دمعتــي هذا الرسمتــــه ابالــــي
باليقضه جـابولي طشت گالولي شـوفـي الغالي
فـوك السياط ولـوعـتـــي حالك جـرح دلالـــــي

الشيبه مصبوغه بدمه وحمره شـفتـهـه
واحلامي كلـــهه بغيبتك شـو غيّبتـــهـه

شفت العذاب بنظرتي
-----------------------------------------
خـلـينـي اموت بفركتك المثلي بعد اشـعـدهـه
يـاهيّـه بسنين الــــورد شـافـت ذبــح والـدهـه
ادموعي وجروح المتن حسبالي بويه اتصدهه
تفتحلي عينك والگلب ما جنت اضـن اتسدهـه

وداعت الله يالنمت نومــــه طويلــــه
ما ارضى تتركني واضل مثل العلـيـله

وياك اموتن غايتي
-------------------------------------------
✍بقلم خادم الحسين ع
الشاعر رعد الجريخي

#هلال_المحرم
جديد محرم ١٤٤٢ هجريه مقطوعه بعنوان (قرب عاشور )


گرب عاشور ومحضرينها الونه
شحلات العين وتغرگهه الدموع

تنظر للسمه والگلب مكسور
تتنطر اهلال اليحني الضلوع

وقميص حسين من الدما مصبوغ
يشوفه كل محب والگلب مفجوع

وترد الغاضريه احزانها اردود
وگلب زينب يحن لأهله و يلوع

ومن تل المصايب زينب تصيح
يخي مالك درب كل درب مگطوع

ترى خيام الزجيه احترگت بنار
وصوتي الماطلع شو صار مسموع

والنوگ الهزيله لذيج الدروب
خذت ظعن النبي والظعن موجوع


تمت بعون الله تعالى
خادمة الزهراء / ليلى زغيب



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

محررررم 1442 هـ حميدة وسكينة ع

بنت إحسين او بت مسلم بالصحره اتلاگن
متلهفات الوالدهن حنن واشتاگن
وحده اتدور عليه . وحده ماتدري بيه
بالصحره اتلاگن

حرگوا خيمتهن واتوجهن للصحره او ماكو اللي ايلمهن
لا والد عدهن ياخذهن ابظهر العاشر ضيعن أمهن

ابدموع .. حميدة اتنادي يسكينة تيتمنه
ابدموع .. تگلها خايفه يلفي الشمر يمنه
ابدموع .. أسألچ منهو هالليلة ينيمنه

شبگت بت مسلم سكنة او صاحت لتخافي
لا تبچين امحلفتچ بخوانچ كافي
گومي ابسرعة او تعاي . خل اندور النه ماي
بالصحره اتلاگن
____________________
ظلن محتارات ابهيمه عطشانات او محد جاهن
خافن من اخيول العشرة توصل يمهن تتعناهن

عذاب .. يتيمات ابدرب هيمة منو الألهن
عذاب .. منو الوالدهن ايجيهن يوصلهن
عذاب .. منو ماي النهر يحظر يجيب الهن

وحدة اتكلم بالأخرى او تصرخ عطشانة
وسكنة اتگل البت مسلم شربي ادموعي آنه
عطشانات الورود . ما يمهن وسفه جود
بالصحره اتلاگن
____________________
صاحت سكنة يابت مسلم أنظر إيدچ شو محترگه
گالت يسكينة إمن الخيمة احترگت إيدي او عشت ابخنگه

إجيت .. انه من خيمة الحره ركض وحدي
إجيت .. واشوف النار انه ابإيدي او چوت خدي
إجيت .. تعبت إمن الركض يختي او وصل حدي

أركض والشوك ابجدمي ينبت يسكينة
نفس الحال آنه او إنتي ورمت رجلينة
بالشوك امجرحات . أيسنه إمن الحياة
بالصحره اتلاگن
_____________________
صاحت بت مسلم يسكينة ما أدري آنه ابحال الوالد
سافر عن روحي او خلاني او ما أدري اليمتى ايظل باعد

أبوي .. يسكنة أشعر ابگلبي يحاچيني
أبوي .. رحل من دنيته يختي عمت عيني
أبوي .. لعد گبره يسكنة من يوديني

مشتاگتله ابگد عمري مشتاگه الحظنه
لو بالطيف ايمر بيه يسكينة اتمنه
ازغيره او فارگت ابوي . او فارگني انوبه اخوي
بالصحره اتلاگن
______________________
صاحت سكنة آنه احسيني طايح يمنه او ما أندله
بلكت يلفي الليل او تمشي الخيل او أكدر آنه اوصله

تعاي .. ابحذر يختي حميدة او خلي اندوره
تعاي .. إنظري چني اشوف اخيول انه عشره
تعاي .. هذاكى والدي ايسحگن شفت صدره

ذنيچ اهدوم الوالد چلبن بالحافر
ابجسم الوالد چا هسه ما أدري اشصاير
حتى المحبس خذوه . عاري الوحده اتركوه
بالصحره اتلاگن

#حيدر الحلفي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*(طلب ورجاء من إمام الزمان عج)*🙏🏻😭
*الأمان الأمان يا إمام الزمان* تقرأ لحن الخضيب~ او لطم~
وين استقرت هالنوى يا خاتم الأُمة~
تدري المآتم ننحرم والعبره واللطمه~
باب المجالس افتحه ووفّقنا للخدمة~
رد لينه يا إبن الحسن بغربه انته تتعذّب~
*آيمهدي آيمهدي آيمهدي آه~*
〰〰〰〰〰〰
نريد المجالس والدمع يا صاحب المأتم~
افتحها ابواب العزا لخاطر دمع فاطم~
جاي المحرم والحزن يالمهديِ القائم~
تلم الشمل في كل عزا لخاطر دمع زينب
*آيمهدي آيمهدي آيمهدي آه~*
〰〰〰〰〰〰
ما يكفي حزنك والألم يالغايب ومحجوب~
يالدمعك الجاري نهر يوسف على يعقوب~
خليني اعينك عالحزن ندري العزا منصوب~
ليوم الثأر دمعك نهر ونار الگلب يلهب
خادمة آل محمد✍🏻

ماذا فعلت للحسين
حتى جعل قصيدتك مفتاح لكل عزاء
(آه يحسين ومصاب)

7/17 ذكرى رحيله
#الفاتحة

محرررم 1442 هـ مسلم بن عقيل ع

صاحب وابن عم . تلقب مسلم
والخوه تنشم . فقط عد مسلم
الخوه الحلوه الأكيدة . عندك يابو حميدة
صاحب وابن عم

بالشداد ايبين الصاحب يگولون
ابشده وحده إنته بس كحلت العيون
إحسين ياهنياله بيك اشكثر ممنون
صاحك او دگيت صدرك إله ولمّ عون

يالخوتك روح . او تقدم روحك
لحسينك اهناك . هويت اجروحك
هاي الخوه السعيدة . عندك يابو حميدة
صاحب وابن عم
______________________
الصاحب الوفاي چلمة لايگه اعليك
شلون اوصفك حاير اشأكتب شعر بيك
مدرسة الخوه او فتحت الباب بيديك
إحسين كلشي انطيته ماخليت شي ليك

بالكوفة تنشاف . جروحك هسه
حبك للحسين . جميل انحسه
كلشي إحسينك يريدة . عندك يابو حميدة
صاحب وابن عم
_____________________
إحسين اخوك او هيچ اخو هيعونك اعليه
تدري يستاهل لذلك روح تنطيه
اتصيح يازهراء عذراً من تحاچيه
من رخصتج راح اسلم والزم ايديه

كل هاي الاخلاق . يمسلم عندك
مو حگه لحسين . يشيب بعدك
حبك أجمل قصيدة . عندك يابو حميدة
صاحب وابن عم
___________________
علمتنه الصاحب اهنا شنهو معناه
واللي ينخاه صاحبه يفديه عيناه
حب الحسين ابصدق نيتك لگيناه
إنته بحسين اول العشاگ شفناه

متعجبة لاعداء . بقوا من هايه
ايحب مسلم إحسين . عجيب اهوايه
نبض إحسين او وريدة . عندك يابو حميدة
صاحب وابن عم
_____________________
قبله روحك عطشتها او ظامي ضليت
بعد چم يوم العطش يوصله حسيت
اتموت ظامي مثل ابو اليمه تمنيت
قبل ماتوگع أحب إحسين ناديت

ما أشرب الماي . صحت مو ثوبي
والغالي عطشان . وسف محبوبي
عنك لا مو بعيدة . عندك يابو حميدة
صاحب وابن عم
__________________
ويه رقية اهناكى رت ابنيتك اتكون
كون يسبوها قبلها او من يضربون
خبرتها كلشي لجل إحسينه ايهون
اتحملي يابويه كلشي او سوط المتون

لو جابوا النوگ . حميدة ابنيتي
اتصعدي اول الناس . أريدچ انتي
امنيتك هاي الوحيدة . عندك يابو حميدة
صاحب وابن عم

#حيدر الحلفي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#قصائد_محرم_الحرام
#الليلة_الرابعة

خطاب مولاتي ام البنين(ص) لمولاي الحسين(ص)
▪️▪️▪️▪️▪️▪️▪️▪️▪️▪️▪️▪️▪️▪️

حسين ياأبا عبدالله..حسين يمه تكسوك الدما

حسين انه ام البنين
بگلبي حسرات وونين
شبيك يابعد العيون
ليش اشوفنك حزين

ناوي وين.. ياحسين..والمن تحضر العيال
ياامير.. ياجبير.. ووين كايد هالدلال

ودمع طاح امن أسمعت ماشي الضعن
وحيل مابيه واروح اويه المشن

وليش ماخذ هالزغار لطف البعيد
وانته تدري بروحك بغربة شهيد

حسين ياأبا عبدالله..حسين يمه تكسوك الدما
▪️▪️▪️▪️▪️▪️▪️▪️▪️▪️▪️▪️▪️▪️

انته روحي والگلب
نفسي البريتي يطب
لمن تاخذ هالضعن
عيني تشبح عالدرب

للرماح..للنياح..وباجر بلايه علم
لاتروح..للجروح..وبأختك تشب الخيم

وشلون بيهه باجر اببين الخلگ
وانه احس جدمي گبلها الحترگ

ويمه يهضم منظر الماعدهه اخو
وشلون حال التنشتم من العدو

حسين ياأبا عبدالله..حسين يمه تكسوك الدما
▪️▪️▪️▪️▪️▪️▪️▪️▪️▪️▪️▪️▪️▪️

ابقى وحدي بلا خليل
اخذ وياك الكفيل
بطبعي علمته الوفه
وهوا اليرد اليعيل

بالخيام.. السلام..و أيد عباس الضوا
جفا موت..عنده صوت..وهوا اليحرك الهوا

وياهو يمه اليدنه لخيامك بعد
وانته حزمه وگله يالكافل مدد

وانه وصيته وكلتله يمه شوف
كون قبل احسينك اتگطع جفوف

حسين ياأبا عبدالله..حسين يمه تكسوك الدما
▪️▪️▪️▪️▪️▪️▪️▪️▪️▪️▪️▪️▪️▪️

حسين تفرغ هالبيوت
كون هاللحظة اموت
يمه باجر من امر
دار مطفية بسكوت

لاصديج..الطريج..وباجر يناشد عليك
ضلمة دار..بضعن نار..وياهو يلزمهن اديك

وماترد لهنانه اسندك لو طحت
وصوت منك يوصل ليمي نحت

وانته هيبة شلون مابين الزلم
وتطيح يمه وحافر يشبعك ردم

حسين ياأبا عبدالله..حسين يمه تكسوك الدما
▪️▪️▪️▪️▪️▪️▪️▪️▪️▪️▪️▪️▪️▪️

باجر يطش الخبر
ضعنك يرد من سفر
انه اسئل بس عليك
مااهم لإبني الگمر

بالنهار..يرد ديار..وحسرة تكتل بي غده
السؤال..يامحال..وشلون گادته العده

وشلون هذا الصار ماعنده ولي
وليش زينب جايه وتنادي هلي


وباجر اسئلهه شنو الصاير عجب
وأترد عليه تگلي صيواني انهب

حسين ياأبا عبدالله..حسين يمه تكسوك الدما
▪️▪️▪️▪️▪️▪️▪️▪️▪️▪️▪️▪️▪️▪️
#خادم الحسين محمد منير المياحي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

شور

حبيبي ياحسين نور عيني ياحسين


مو قصت دمع مابينك وبيني
بس قصت عشك كل ليله تجويني
من اذاكر عطش ريجك تعل عيني
واكولن بلبواجي يرتوي حسيني


حبيبي ياحسين نور عيني ياحسين
//

مروتك سيدي بهل خدمه نتوسل
من عدنه الطم والدمعه تتقبل
وكل عاشر محرم نقره الك مقتل
ونذمر زينب المهضومه فوك التل

حبيبي ياحسين نور عيني ياحسين

//


خلينه بعزائك لمنه بخيالك
تره احنه اهل الطم نتبختر بجالك
نضرب علوجه راس الرمح شالك
وننحب لو سمعنه تنسبي اعيالك

حبيبي ياحسين نور عيني ياحسين
///////



يبو كلب الجبير اعله الرمل مطروح
مو حكنه نون لمصيبتك ونوح
يتفرج عليك الي يجي ويروح
علغبره بقيت بلا غسل مذبوح


حبيبي ياحسين نور عيني ياحسين
///////


الطف كلش جبير وتلمع اسيوفه
جرحك لو نزف جا ياهو اليروفه
واخيك علشريعه مكطعه جفوفه
من زينب يون جي مستحي تشوفه

حبيبي ياحسين نور عيني ياحسين


#الخادم علي مخيلف

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

الماي الماي نشف ريج ارقيه
__________________
بالطف انفاس تصعد بس ما تنزل
متني من السوط على يا ساعه و يهدل
جابو هزلات النشطه البيهن تگزل
ضعني بلياك يتفرهد ليليه
__________________
الحادي يعيل بالراسه الگدامه
راس العباس راس بلايه اعمامه
برجلين الخيل يتسحول هندامه
شيحمل لوعات يا گلب العلويه
__________________
اباب الساعات خَدرت رجلي الوگفه
صرنه حجايات ع طارف كل شفه
و تراب النوگ غطانه و ما يخفه
و اسمع جرو سنسلة المسبيه
__________________
الاكبر من هاي من السوگ ادخلنه
شدنه بحبلين و يجر بينه يعتنه
ساعه يرخي و يا ساعه يوگعنه
و تصب دموم لو عتهن رجليه
__________________
شلعان گلوب ديره اتذبنه بديره
التكتل هاي آخ التچوي الغيره
تدخل ديوان وسفه الچانت اميره
وينك عباس عاين و انضر ليه
__________________
ياخويه ايزيد مامش ماي ابگصته
بالعصه يعيل يحفر بيها بشفته
يأشر و يكول للكافل هاي اخته؟
طگوها گبال راس ابن البدويه
.
.
.
.
.
#حسين الحمّامي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

(موشح)


شافت انواع المحن وشكالهه
بكربله وسوح الحرب وفعالهه
*-------------------*--------------------*

شافت انواع المحن بت الرسول
وناحت اعله حسين بالدمع الهطول
يابنه أمي اتصيح يا روح البتول

جثتك عالكاع ياهو الشالهه
*-------------------*--------------------*

صدت العباس اديه مگطعه
والعلم ملفوف يم المشرعه
زين وتحمل گلبهه الفاجعه

وفگد اخوهه الحيد شل احوالهه
*----------------------*-------------------*

علي الاكبر يمهه ودمومه تسيل
شب گلبهه بنار چن نار الخليل
شبه سيد الكون عالغبره قتيل

مانشف دمع الجفن يبرالهه
*-------------------*-------------------*

هالمصايب يم گلب زينب رسن
وخذن منهه الشاب بعده ابن الحسن
بعد شيطيب الجروح وينّسن

خابة الحره جميع أمالهه
*-------------------*------------------*

كعبه صارت للمحن لمدلله
شاهدت لنصار كلهه امجتله
ضلت بحيره المدامع هامله

هاي ماچانت گبل عالبالهه
*-------------------*--------------------*

شحچي عالصار وجره الام الخدر
طاح عالتربان يمهه اشكم بدر
شحال زينب من لفتهه اهل الغدر

والبدور امصرعه أعله ارمالهه
*----------------------*--------------------*

✍بقلم خادم الحسين //ع//
الشاعر رعد الجريخي

قصيده لدفن جسد الامام الحسين عليه السلام 2020

سليل المصطفه الهادي شهيد الغاضريه
صريع بلا دفـن دامي عله تراب الوطيه
صحت بويه وشبگته
شلت جسمه ودفنته
شهيد الغاضريه. شهيد الغاضريه
.......................

بلا دفــن ظل عله الارض. تسفي الرياح بنحره
مطبوگ صدره عله الظهر. بالخيل سحگو صدره
الـف وتسعـمـيّــة جــرح. مابين طعنه وطبره
ردّيـت مـن درب السبـي. ادفن حبيب الزهره

بحصيره لملمت جسمه توذر قطعه قطعه
احوم ودمعتي بعينـي ادوّر عـن اصبعه
الگبر بيـدي حفــرته
شلت جسمه ودفنته
شهيد الغاضريه. شهيد الغاضريه
....................

شحال اليشاهد والده بحرّ الشمس جثمانه
آنه العليــل المنفـجــع فـاگـــد هله وخوانه
شاهدت جثّة والـــدي. سابحه بدم شــريـانه
وعضائه كلـها مگطّعَـه. هـذا العشـت بحضـانه

أنه السجّـــاد بچفوفي. شلت جثّة حبيبي
ابويه الاغله من روحي ادفـنّـنـه بنحيبي
عله التربـــــان شفته
شلت جسمه ودفنته
شهيد الغاضريه. شهيد الغاضريه
....................

خلّيت جسمــه باللحِـد. وتمددت وي جسمه
ماعنده راس امن النحر. ودّعــت ابويه بشَمّه
يحسين بويه بفـرگتك. دنياي وحشه وظلمه
گد ما بچيت عله النحر نحره انغسل من دمه

صحت ياربي ساعدني ابويه شلون ادفنه
عجيبه ومانفذ صبري أنه السـجّـــاد ابنه
أنه المـايــوم عفتـه
شلت جسمه ودفنته
شهيد الغاضريه. شهيد الغاضريه
....................

لن صوت من جوف النحر السجاد يبني يگلّي
لا تنسه يبني عله الصدر. يوليدي وسّد طفلي
عبدالله عطشان انذبح وبالدم تخضّب مثلي
وسده عله صدري ياعلي يبرد دليــله اليغلي

الرضيع بصدره وسّدتّه مثل ماراد منّي
دفنت حسين بچفوفي. يويلي وزاد ونّي
ترابه بأيـــدي هلّتـه
شلت جسمه ودفنته
شهيد الغاضريه. شهيد الغاضريه
....................

من بعد دفنة والدي. ادفنت الصحابه الاطهار
واولاد عمي وخّوتي وجملة عمامي الابرار
وعالمشرعه عمي الگمر. شبل الأمين الكرار
بيدي حفرت گبر الوفي واريته عمّي المغوار

رجعت لعمّتي زينب بچت لمن لگتني
ابوك حسين يوليدي دفنته سائلتني.؟؟
صحت امرچ سمعته
شلت جسمه ودفنته
شهيد الغاضريه. شهيد الغاضريه

#سيد زيد الفحام

___________________________

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

مسير السبايا الى الكوفة 2020


ها يخوي عالهزل اختك مشت مچتوفه
ها يخوي شلون لو مرّونه سوگ الكوفه
اشد من سهم المنية
نظرة الشامت علية
ها يخوي ها يخوي
.................................

يابوفاضل ما اريد اجرح شعورك
والنعم ما قصّرت اديت دورك
لكن اسمحلي يمن مايطفه نورك
اشكي همي ومن عله الناگه ازورك

يالكفيل. المن اشكي يابوفاضل حالي
يالكفيل. ترضه من بعدك شمر يبرالي
اكلف واعظم اذية
نظرة الشامت علية
ها يخوي ها يخوي
...............................

ارد اخبرك يابوفاضل سلبوني
بالحبل عباس بعدك چتفوني
خويه لبن زياد للكوفه خذوني
عالهزل بغياب طولك طلّعوني

مادريت. زينـب بيـاحـــال ياواليــهه
مادريت. تشگف سياط الشمر بيديهه
مثل بسمار الزچية
نظرة الشامت علية
ها يخوي ها يخوي
...............................

من مشه ظعن السبي مر عالشريعه
خويه من عالناگه شاهدت الفجيعه
راسك المصيوب وچفوفك گطيعه
دمعي سال وضاگت بعيني الوسيعه

لا تگول اختي عافتني ونست ايامي
لا تگول بالغصب عنك رحت بآلامي
ماطفت جمرتها بية
نظرة الشامت علية
ها يخوي ها يخوي
...............................

صعبه ياعباس امشي بلا كفاله
بناگه هزله تميل وي ميل الثكاله
والشمر ياخويه يجرحني بسؤاله
وين كافل خدرج وراعي البساله

دمعي سال اسمع واسكت يراعي الغيره
دمعي سال بيش اجاوب يابوفاضل حيره
تبقه چويتها خفية
نظرة الشامت علية
ها يخوي ها يخوي
...............................

من وصلنه الكوفه ياعباس متنه
كلـها تـتـفـــرّج علينه وشتّمتنه
بالحجاره الناس خويه ستقبلتنه
ابشـع حچـايـات مُـرّه سَمّعتنه

ياعجيب. زينب الماچـانـو يعرفوها
ياعجيب هسه كل الوادم يشوفوها
تعتقـدنـي خارجية
نظرة الشامت علية
ها يخوي ها يخوي
...............................

هذا ياخويه الخفت منّه وعرفته
مجلس ابن زياد بالكوفه دخلته
خويه فرحان اللعين هواي شفته
وبية يتشمّت يبوالغيره سمعته

مات اخوچ. هذا راسه البالطشت گدامي
مات اخوچ اليوم احله واغله كل ايامي
شبيدي ياخويه سبية
نظرة الشامت علية
ها يخوي ها يخوي

#سيد زيد الفحام
__________________________

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

من زينب بنص الحرب جاء الخبر عاجل
اخر نداء وينتهي و يتقدم الكــــــــــــافل
جيبو النهر مجتوف
ومدنگ من الخوف
هذا البطل معروف يتسمه ابو فاضل

----------------------------------------------

صارت بعد ساعة صفر 
بالطف تره يصير الحشر
جاء النداء اعله الكفر 
وحسين يصـدر هالامر

 

بعيونه شاف من العطش جم طفله ذبلانه 
وعبد الله ما يحمل بعد هليابس لســـــــانه
من شدة الحر والتعب متغيره الوانـــــــه 
گام الكفــــــــيل وسكنه ظلت لازمه ردانه


جيبلنه عمي الماي
لا تبطي عني هواي
نار العطش بحشاي تسمع يبو فاضل ؟

 

 

--------------------------------------------

 

مو للنهر نيته العطـــش
گاصدله والسيف النــعش
بجفـوفه زود اربعطـعش
حتى الدرب خوف انفرش

 

مو چنه فارس لا قدر ماظل اثر حومــه
گبل الملاگه اتراجعو والقصه محسومه
ماظل وكت حان الغضب هذاالبطل يومه
خيرهم الحافظ على چفينه واهدومــــه

 

يا خيبر الاحفاد 
والعوره هم تنعاد 
تاليهه ابن ازياد يرگع لبو فاضل

 

،،،،،،،،،،،،،،

 

 

 

 

 

 

 

 

فرغو الكواكــب والارض 
بوجه الكفـــــــيل المنتفض
ياخذهه طول ويه العرض
هم بيكم احد يعتـــرض ؟

 

حالف وحق شيبة علي يعني الامر ماضي
ناصب حدود المحكمه وزينب تره القاضي
ياهو الرعب گلب الحرم خاف النهر راضي
بس شيلي چفچ عن بعد وعليهم أغـتاضي

 

ما يبقه بيهم صوت
جيش بفرد تابوت 
سموني انه الموت وهم اسمي ابو فاضل

 

،،،،،،،،،

 

 

 

 

 

 

شمتاني يا ماي النهر 
دنگ تحت جدم الگمر
گبلك تره الجيش اندمر
خلاه نحر يدفن نـــحر

 

گوم استعد من يوصلك ظل خافض الهامه
وافرش امتونك من يمر مو تمشي گدامه
ايامك تخلص تره وما تنتهي أيــــــــامه 
يا ماي من شاف الگمر ما يعلن اسـلامه

 

مد وجزر سواك 
حط گلبك بيمناك 
لتظن ابد ينساك ما ينسى ابو فاضل

 
،،،،،،،،،،،،،،،،

 

 

 

 

 

 

صوت البواچي الينسمع 
والمشرعه انترست دمع
صوت ارتفع صاح الجمع
عباس ابد ما ينـــــــجرع

 

ياهو اليجازف يوصله وياهو الوصل حده
يــــــــــا شدة الگابل علي تتبعهه هالشده
لا ينطي مهله بصولته ومنتهيه كــــل مده
عنده الحرب جرت نفس هيه الحرب عنده

 

يلما مهلت النــاس
يا فارس الاحساس
هو القدر عباس عباس ابو فاضل

 

،،،،،،،،،،،،،

 

 

 

 

 

 

يليشبهك بس حيـــــدره
فوگ الشرف والمفخره
امگ عظيمه وطـــاهره
حيا الله سبع الگنـــطره

 

حيا الله اخوي البلدرب ما فارگ خيـــــالي
ولمن وصلنه الكربله نهرين جابــــــــــالي
حط خيمته بصف خيمتي وبعيونه ضوالي 
حارسني من حر الشمس خاف يتدنـــــالي

 

عشت بأمان وياه
رب العرش يرعاه
زينب تره بحماه ونعمين ابو فاضل 
،،،،،،،،،،

كلمات خادم الحسين
#رعد الفريــــــــــجي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#قصيدة_شور_فزاعي
#لاصحاب_الامام_الحسين ع


حياهم = ربع ابو السجاد = يا حياهم
_____________________________________
لمة ورد كلهم شفافيه وعطر
بس بالملاگه اصدورهم ما تنگدر
حيطان كلش عاليه وما تنعبر ، ،

خشنين == بس يم ابو السجاد واحدهم گطن
زينين == شالو من امتون الخيم چومة حزن
ميتين = عالخدمه يتلگونهه املاگه الابن ، ،

- ربع يتسمون بس نعم الربع
- افعالهم تنشاف مو بس تنسمع
- نبتو اگبال الخيم زفة شمع ،
حياهم = ربع ابو السجاد = يا حياهم
_____________________________________
غيمة افياي وراكدين اعله الخيم
مثل الهوه الحار ويموعون السهم
عدلين مثل المسطره اگبال القلم ، ،

اطباع = بيهم اتحير اگبالهه اكبار العرب ،
واسباع = واحدهم من عيونه مصنوع الغضب
واشراع = لهاي السفينه الي انبنت خير وتعب

- عصي لرايات الحسين اتكونو
- خبط ماي المعركه وهمه الصفو
- خوش صاحب مثل ابو فاضل لگو
حياهم = ربع ابو السجاد = يا حياهم
_____________________________________
ريحة مطر وعذيبي ترسو كربله
ذيچ الزلم وين ابو اچفوف معدله
حيّو النشامه بيا هله ومية هله ،

كلفين = والزلمه من احجايته يبين صلب ،
عدلين = انجازاتهم بالوگفه والدم تنكتب ، ،
لحسين = وگفاتهم بيد ابو فاضل تنحسب

- البگه براس المعركه الطبو زلم
- ربع ابو السجاد ها چا والنعم ، ،
- نزلو لعباس بس صارو نجم ، ،
حياهم = ربع ابو السجاد = يا حياهم
_____________________________________
واحدهم يكشر هواه للمختنگ ،
صحبان متروسين حنيه وصدگ
وبدمهم حسين اسمه ينبض بالعرگ

صدگان = لوحة مواقفهم انرسمت بالعشگ
صحبان = من صولة اشواربهم الطف محترگ
بيبان = وماردو المحتاج واليطلب يدگ ، ،

- منين ما ارثيهم اتعب بالحچي
- اليتعب اعليهم يميل وينتچي ،
- صعدوا صيت الفرح مات البچي
حياهم = ربع ابو السجاد = يا حياهم
_____________________________________

#- علي مهدي المالكي ،

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

للحسن المجتبى وتمهيده لثورة الحسين ع

مِن الحَـسَن ناخِـذ دَرِس واشْراقه
وْحِلمَه العظيم الينبع امن اخلاقه

[ مو بس جُرَاحات ... سَـطَّر كـرامات ]
وحلمه العظيم الينبع امن اخلاقه
__________________________
1-

چان الحسن روح النـبي واحساس جدَّه احساسه
مُفتَرَضْ حُبَّه اعلَه البشر قُـدسيَّهْ حتى أنفاسه
چان اعلَه كتفَه لو صَعَد يِتــوانَه يرفــع راسه
اليشـتاگ للجـــنَّه گَـبُل وجه الحسن مقياسه

ريحـانته امن الدنيا چان ايوصفه
مِن روحه يستلهم حَـنانه وعطفه

[ لِلحُب إشـارات ... سطَّر كرامات ]

وحلمه العظيم الينبع امن اخلاقه
__________________________
2-

سِبط الرسول ابن النبي وارث مَقـام العِصمه
رابـع أنوار أهل الكِـسَه والآيـه تِشـــهَد بِسـمه
شبل الأسد حيدر علي وْيعكس افعاله وْعِلمه
والزهـره أمَّـه الطاهره وِحسين دمَّـه وْلَحمه

لو حاظر بمجـلس يشـــوفه بعـينَه
اعظاماً إلَه مايحچي چان احسِينَه

[ بِالإحـترامات ... سطَّر كرامات ]
وحلمه العظيم الينبع امن اخلاقه
__________________________
3-

معروف من ينطي الحسن لَمَّن يگصده الوافِـد
يِسبگ السـائِـل بالكـرم ماگال بَعــدَه اشـرايد
چان الحِلِم عِـنده طَـبُع والشامي أعظم شاهد
يكـظم الغيظ بداخـِـلَه لو سِـمَع كلمـــة حاقد

مَـرْتين وي ربه ٱقتـسم أمواله
مِهتم بنـاسه واليتـامه اعيـاله

[ مَـنهَل فِيوضات ... سطّر كرامات ]
وحلمه العظيم الينبع امن اخلاقه
__________________________
4-

عن معرفه وحِكمه وعقل من يبتدي بخطواته
حافَظْ عَلَى الدين بصُلِح بِـي بـيِّـنَتْ قـدراته
مِن شاف جِيشه بلا هدف مَيوصِـلَّه لْـغـايـاته
اوْ دم الشــهـاده لو جَـرَى مو صالِح لْـنهضاته

چان بوكت بي ينطفي استشهاده
او هُوَّ ٱبنْ بيت الْموت إلـهم عاده

[ من صُلْحَه ثورات ... سطّر كرامات ]
وحلمه العظيم الينبع امن اخلاقه
__________________________
5-

راد الحسن يدخِل حرب بس حِكمة الله اتْمِنعه
عِرْضَوا عَلِيهْ عقد الصُلِح وْكاس المَراره ايجرعه
واتصـدَّه لِلـفِـتنه بـعقِـل من أَجل دِينه وشرعه
كل غايته ايمَـهْد الدرب ثـورة حسين اتدفـعه

وي خصمه مِنْ وَقَّع صُلح ماهانت
مَصلحـة دِينـه اتهـمَّـه أكـثر چانت

[ وِفْق الإرادات … سطّر كرامات ]
وحلمه العظيم الينبع امن اخلاقه
__________________________
6-

گاموا يِدورون الفُرَص ابيا حِـيله يغـتـالـونه
شافوا جُعَيْدَه ٱقْرَب شخص تگدر تِغمْض عيونه
دَسَّت إِلَـه السُّـم باللبن بت أشعثْ الملعـونه
چانت وِصِيته بمـوتته يم النبي ايدفـنــونه

ماينـدفن گـالــوا أبـد يم جَـدَّه
مَروان چانت نِيتَه عـنَّه ايبعدَه

[ رغم الخِـلافات ... سطّر كرامات ]
وحلمه العظيم الينبع امن اخلاقه
________________________

خادم الزهراء ع
#مرتجى الحسَّاني

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

ضيعتني .. بحسرتي وعيوني تربي
ضيعتني.. وسومر الدخان كلبي
انه زينب .. انه زينب
//
اسال وحيره السوال .... حسين حل للماله راي
اشتم ارماد الخيام ..... وانته يمك كل هواي
وينك يمن بيك الهوه يعيش
التفكد اخوها تعاشر اليش
اشتم هدومك وانجفي افيش
يتعاملون بطيحتك بيش

كلي وينك المغرب اول شامت النه
كلي وينك النار مارحمت خيمنه
انه زينب ... انه زينب

///

لذنه حرمه بحرمه غاد .... اطمن بكل الجواب
كلنه للموت الحجاب .. مايمسه اله التراب
مثل العبايه الضرف مبخوت
تموت الرساله التنقره بصوت
يحسين مثل النحت منحوت
دمنه ع ادينه وسير الموت

اه يكلبي .... حسين مايرجع وانشده
اه يكلبي ... موت وارحم حالي بعده
انه زينب. انه زينب

//
مو دمع دم اليطيح... صفنتي توديني ليك
بين اردن بين اجيك .. طفله طفله تون عليك
حسبه ع حسبه صارن هواي
بين الخيم وحسين بلواي
هلبت واشوفه للخيم جاي
جا وزعت جم عطش للماي

لو تجينه .. الكوثر نوزعه بثوابك
لو تجينه .. نطيح فدوه الفي شبابك
انه زينب. . انه زينب

//
لا هله بجيت النهار .. ع الرمح راس الامير
اذن اذان المسير .. والرماح بلا ضمير
حان الصبح ياريته ماحان
يحسين راسك ع الرمح بان
ياهله براس العود ياشان
الوياك كلهم وادم احنان


حيرتني .. بالدمع يخلص حجينه
حيرتني .. لاطفل ينظر بجينه
انه زينب. انه زينب

//
ياهو اليخبرك واكول .. يازمن زينب تنوح
مدللتكم بالجروح . .. ع الهزل باجر تروح
ركضت رقيه والرمح هام
وعثرت بصفك من السهام
ياخوي وين اوينه الشام
من نفوت وسط السوك نلام

ياهظيمه .. بين سوك وسوك اسيره
ياهظيمه .. الهزل وانه الاميره
انه زينب .. انه زينب

//
جرح البكلبي عليك ... جروحنه مثل الشموع
الجرح جوه الضلوع ... ماتشافيه الدموع
جوه الضلوع جروحنه هواي
مو عطش عفنه الماي للماي
جرح الاخو مايشفه بالجاي
يبن امي جرحك بالكلب فاي

دمعه دمعه .. اطيح وانلم من عمرنه
دمعه دمعه .. عليك وتسولف المنه
انه زينب .. انه زينب

#الشاعر مرتضى الغزي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

يبني السهم مو حلّك..لا تمشي وياه.. يا رضيعي*
ولون العطش حلالك..لا تذبل هناك...يا ربيعي*
يا عبدالله.......يا عبدالله
......................
انته عمرك دوب يا عبدالله شهگه*
السهم مو گدك ورايح تشبگه*
وحيل چلمة يمه منك اشتهيهه*
يا بزر گلبي الاطشه ابگاع فرگه*

ارمش بعينك يبزري*
ضامي يا عبدالله ادري*
والعطش فطّر لهاتك*
يا نهر بالخيمه يجري*

عبدالله افل اگماطك..اهواي السهام.. وانته وحدك*
من تچوي يبني نحرك..عاين عالخيام.. وانه اردك*
يا عبدالله.........يا عبدالله
........................
هناك تتلگه السهام ابطرگ نحرك*
اچبير سن النبله وانته ازغير عمرك*
شويه دمك يمه ما يشبع عطشهم*
ولسه ست شهگات عمرك وينه كبرك*

ياهو من نحرك يطلعه*
خاف اجر سهمك واوجعه*
رگبتك كلش زغيره*
وعكس ما یرهم ارجعه*

شتسوي وانته هسه..من التعب شبعان.. يمه اشوفك*
يا روحي وين اضمك..يا جرح عطشان.. بيش اروفك*
يا عبدالله.........يا عبدالله
.......................
تفطرت منّ العطش عبدالله شفتك*
واشتهه ايضوگ السهم يبني رگبتك*
الماي شمرة عصا عنك وانته متعوب*
ونشفت الهاتك يمايي الما شربتك*

يفرهد اعيوني رفيفك*
مخظّر وسهمك خريفك*
شيسوه ماي الما شربته*
وانته ما يگطع نزيفك*

سيّر نده اعله الهيمه..واسگيهم احساس..وابقى ضامي*
وارجع حلم ما راوي..وايتاني عباس..يم خيامي*
يا عبدالله.......يا عبدالله
............................
الناس ما تعرف تشمك وانته ورده*
والسهم متعافي يبني وما تهده*
ضامي بس عبدالله اشوفك حيل راوي*
انته اول طفل هيچ ايحرگه مهده*

روح يا جرحي اللچمني*
ترهدن اعله النبله يبني*
شلون كاروكك اهزه*
خالي وافراگك هضمني*

دليهم اعله الرگبه..خلهم يشبعون.. من حلاتك*
رفرف يغالي بيدك..واهمه يشوفون.. من رضاتك*
يا عبدالله.......يا عبدالله
.........................
حرمله ايدور الترافه البيهه نشعه*
ولو نحرك يمه اعرف ما يشبعه*
الموت سوگ وانته صرت اغلا بضاعه*
يصيح جيبو ازغيركم نحره اگطعه*

موت عبدالله ابهداوه*
وبلل اسهامه ابنداوه*
الموت مرّ گالو ابطعمه*
وانته طعمك بس حلاوه*

خلي امك ابحزنهه..يا ريحة حسين..وكل غلاته*
الموت يبني لذه..ويه المحبين.. واشحلاته*
يا عبدالله.....يا عبدالله




#علاء المياحي
الفاتحه لروح والدي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

يمكن نِسافر آنه او أم البنين
مانگدر إنكابر ياخذنه الحنين

عِندي فكره الطف نِحضره

****

البحر بس البحر يگدر يلمّ مايه

وأنا أدري للعَزيز أشواگچ أهوايه

العَتب من العَتب عاتبني بحچايه

كافي إعتاب ليهم نمشي مشايه

نعرف أثرهم واضح ذاك الأثر
والدي گلي انخيم يم النهر

اشكبره صبره الطف نِحضره

****

مشوا وبيا دَرب اليدري ما گِله

اعله ريحَتهُم دَربهُم روحي تندله

وإذا تعبانه كون الغالي نوصَله

رمح الفرگه ياما بالگلب صَلَّه

لو بس اشوف الوالد روحي ترد
و الدمعه البخدي إتخضرله ورد

بگلبي جمره الطف نِحضره

****

الطريق إشما يصير إبعيد نختصره

ساعه بدمعه نطويّ ساعه بالحسره

اليريد إيلاگي روحه لو يطش عمره

ما يندم إذا لاگاه ضوه الزهره

بس إسمح إنَّ بويه ليكم نجي
تدري بالفرگه ماكو غير البچي

الفرگه مُره الطف نِحضره

****

نَهار وليل نمشي بواهس الملگه

أهل ملگه هَلي لا مو أهل فرگه

مِثلهم ما سمعنه او دوم ما نِلگه

قَسم لو شاهدتهم جفني ما طبگه

ما ينشبع منهم أهلي أهل الهله
لو ما طفّهُمْ چا ما صارت كَربله

إهنا يَحره الطف نِحضره

****

إذا شفناهم اجروح الهَجر تلتم

اشحلاة الكعده وَياهم بالمخَيم

ألثم بالجفوف و بالخصوص العَم

أنا مشتاگه أشوفه بوجهي يتبسم

يأم الكفيل أرد أسأل عن الكمر
لو كتله عطشانه إيجيب اشجم نهر

يفدي نَحره الطف نِحضره

**

قَبل لا يبتدي الطف ومصايبنه

نريد انشوف يا ربي حبايبنه

نرضه انموت لو لجلك تسلبنه

نوايبهم بلا شك هم نوايبنه

شنهو اليصير اعلينه بهذا الطلب
مَتني ولا مَتْن الحره بسوط انضرب

وعيني حمره الطف نِحضره

*

#
#الشاعر سليم الغزالي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

بكاء الشيخ وحيد الخراساني
عندما يدعوا بدعاء الفرج

#محررررم_1442_هـ
#إكشفلي_طفك

إكشفلي طفك سيدي لو بالحلم
طشرني بطفوفك عطش لو بس رسم
أرد ابچي من حرگة گلب . لمن أشوفك عالترب
ياسيدي

حبي الوحيد . عشگي اليزيد . بس هالطلب إرزقني يابو العاطفة
إفتحلي باب . من ظي رباب . وخليني اصد عبدالله بيديها غفه
خليني اذوب .وكت الغروب . الذاك المخيم لمن الوحده انطفه
رايد دموع . گد الشموع . الشعلتها رمله اعله الدماء النازفه

كل هالبواچي او ما أصدگ خادمك
إرزقني نظرة إمن الخيام ابمأتمك
إمن اطلع انوح او من أطب . لمن أشوفك عالترب
ياسيدي
____________
مشتاگ اشوف . ذيچ الچفوف . الحظنت أبو فاضل على شاطي النهر
حتى ابچي حيل . واسهرلي ليل . أللطم عله اجروحك حبيبي او عالگمر
من الخيام . من السهام . راويني منظر يابو لاكبر لو صور
أنظر عليك . لمن تجيك . زينب تشوفك وانته طايح عالظهر

إمن الف او تسعمية جرح رايد جرح
اتخليني اعيشه او بالگلب ينبت رمح
أوصلهن اجروحك صعب . لمن أشوفك عالترب
ياسيدي
_______________
يجمل حبيب . الخد التريب . مشتاگ أبوسنه او علية أجري الدمع
والزم إديك . وانحب عليك . بلكت أشوفن ياضوه اعيوني الصبع
أحسب جروح . إمن اگعد أنوح . وابجسمك احسب منكسرلك چم ضلع
هلبت أطيح . يمك جريح . او مثل اختك اعله امصابك انحب وانفجع

بلكت حبيبي مثلك اشعر بالعطش
ترسملي بلكت سيدي ليل اهدعش
واشتم هوى الطف من يهب . لمن أشوفك عالترب
ياسيدي
________________
كون ابظماك . أشعر معاك . ابلحظة عطش من كربله خليني احس
ابظهر الطفوف . خليني اطوف . اتعيشني لحظة امنيتي وي ذيچ الشمس
ساعة ارد انام . ابجنب الخيام . وابجمرة الخيمة حبيبي ارد التمس
من كربلاء . من العناء . عيشني يومك سيدي لو بس همس

خليني ساعة ابنار الخيام احترگ
بلكت مراحل أوصل ابدرس العشگ
عشگك جمر بيه او يشب . لمن أشوفك عالترب
ياسيدي
_______________
إرسملي خيل . ركضتها حيل . چانت عله اضلوعك تدوس ابلا رحم
راويني نار . ابعز النهار . لسعت ثياب الحره وي ذاكى العلم
فوگ التراب . راويني شاب . نايم يمولاي او غفه ابصدره السهم
طفل الرضيع . واگع صريع . خليني اشوفه او رگبته مليانه دم

خليني أبچي اعله الطفل مثل الطفل
خليني اشوفه ظامي وادموعه تهل
اجروحك ولاظن تنحسب . لمن أشوفك عالترب
ياسيدي
_____________
إرسملي نوگ . چانت تسوگ . بالحره من ديره لعد ديره ترد
طفلة او يتيم . چانت تهيم . تسحگ عله الشوك او تعودت عالورد
طفلة ابحبال . تمشي او خيال . والدها وياها انطبع فوگ الزند
اتصد عالرماح . لو عطره فاح . واتگله بويه امنيتي جرحك بيدي اشد

راويني طفلة ركضت ابذاكى الظهر
لمن إجاها للخيم خالي المهر
دمعتها من ظلت تصب . لمن أشوفك عالترب
ياسيدي

حيدر الحلفي