#قصيدة_نزله
#لشجاعة_مسلم ع


-- حيّو مسلم ===== حيّو مسلم
_____________________________________
حيّو قاموس الزلم ،
يا هلا بطول النجم
مسلم الزلمه الشهم == هلا والله
منطي للموت اضهَره ،
بينه مابينه اشعره ،
وتچوي خزرة ناضره == هلا والله

تهوس ام عصابه == وما اتفض الطلابه
-- حيّو مسلم ===== حيّو مسلم
_____________________________________
عالدرج حط مگبره ، ،
وطوعه كضت مبخره ،
وسيفه يكتب ما جره ، == هلا والله
بشذرت المحبس ضوه
توارد بوجهه سوه ،
حيّو خناگ الهوه ، == هلا والله ، ،

مستقيم الحاجب == اربات حيدر غاضب
-- حيّو مسلم ===== حيّو مسلم
_____________________________________
يا سليل المرجلة
يا رسالة كربله ،
معدل ابن معدله == هلا والله ،
غابش وحاچه النده
وطش شراره للعده ،
يابو ضربه امسدده ، == هلا والله

ادخيل سبع الكوفه == بصايته المعروفه
-- حيّو مسلم ===== حيّو مسلم
_____________________________________
يا نسر حَط ع القصر ،
يگدر وما ينگدر ، ، ،
يا محطه لچم عمر == هلا والله ، ،
نخله وتفرفح رطب ،
شايل عيون الغضب ،
لموگده حطهم حطب ، == هلا والله ، ،

يا احروف الغيمه == يا اربات الشيمه
-- حيّو مسلم ===== حيّو مسلم
_____________________________________
هد عجيد الموزمه ، ،
هد كتاب الملحمه ،
بعينه نامت چم سمه ، == هلا والله ،
وبو طاهر للزلم ، ،
حَط قوانين العِلم
ضاوي يا صيت النجم ، == هلا والله ،

- هد عجيد الصوله == زلمه يرهب طوله
-- حيّو مسلم ===== حيّو مسلم
_____________________________________

#- علي مهدي المالكي ،


#اللحن ، ، 👇👇
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

خيم بعنان السمه اعمادها
ونابته بوسط الثره اوتادها
....................................
بعطر عباس الخيام امبخّره
محرّزات بعلم سبع الگنطره
ايحيطن بصيوان لبوة حيدره
والهواشم سد بنت بأجسادها
....................................
سد بنت محّد يصد ذيچ الخيم
ودلّل العلويه شيّال العلم
والهوه ايمرّ إبإذن راعي الشيم
عاف نسمه وذيچه نسمه رادها
....................................
الراد راده..الخرسه خلّاها اصرخت
بكوسر اخيال الگمر لاذ البخت
عينه عل خيمات لو حرّه انتخت
اخيال ريشاته عليهن مادها
....................................
ماد فيّه عالضعن ماكو خطر
ومحّد اتگرّب لخيماته وعبر
علي رد الشمس بس ابنه الگمر
رد الجيوش لصلب اجدادها
....................................
ردها وبگصّته طگ عرگ الغضب
عله احدود الخيم واگف من خطب
صگر كلّ الجيش شاهين العرب
وگبل لا ترمش الصيده صادها
....................................
الصيده طاحت بين ايدين الاسد
وصوب سلطان الخيم عسكر سجد
تروط ارض الطف اذا عباس هد
براسه عصّابة الزهره شادها
....................................
شادها وتالي ابعمد راسه انهشم
عينه عالصيوان وبعينه سهم
الخيم توگع لو وگع حامي الخيم
امن الصواوين اللي باقي ارمادها


(شاهين العرب)
#محمد اياد السعد

يالرايد عني اتروح ارحم كلبي المجروح
يا عباس يا خويه
****************
خويه عالناكه من ركبتني
الكربله بحماك انته الجبتني
خويه كل عمرك ما فاركتني
تكثر جروحي لو ودعتني

يالرايح صوب الماي لا تكطع خويه وياي
يا عباس يا خويه
*****************
يالخذت بيدك جود السقايه
بالخيم ضلت عندك ضمايه
اتعنه للشاطي وجيبنه مايه
رايتك خويه ما منها رايه

كلها اتعاين عالجود وتنتظرك يمته تعود
يا عباس يا خويه
**************






يالعشت بيه ما اكدر انساك
جنت عالحلوه والمره وياك
خدري راح ايروح من تهجم اعداك
وينكسر ضهري خويه اعله فركاك

راح اتجتف بحبال واحتار بجمع اطفال
يا عباس يا خويه
*****************
للنهر جيتك وانه الوديعه
ورتفع نوحي يم الشريعه
انضر جفوفك خويه كطيعه
وشبت بكلبي نار الفجيعه

ترضه اختك يا عباس تتشمت بيها الناس
يا عباس يا خويه
*********************









بكربله تدري ذبحو زلمنه
ومن رحت عكبك حركو خيمنه
غارت العسكر واحنه انهضمنه
ردنه بجفوفك تحمل علمنه

حركت خدي الدمعات وطحت اكبال الشمات
يا عباس يا خويه
*****************
لا مهج ضلت لا ضلت عيون
اتردلي ياريتك وتشوف المتون
بالخيم عكبك كامو يحركون
ولا ترحموهم كامو يصيحون

هجمت خويه العدوان يالنايم عالتربان
يا عباس يا خويه
*********************
تمت
#تحسين الخفاجي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

أمنية الحسن المجتبى ع

آنه الحسن وِمْصِيبتي اتهون
يم الخيم واسياط الِمــــتون

آلامي وِجروح البين أزغر جرح مِن حسين
واسياط الِمتون
_____________________________

رغـم الچَـــــبِد متـگـطِّـع او دمِّي يِصُب
عيني اعله أخوي الينـذبح برض الغرُب
گِتله الطشِت شِيله اختي زينب لاتِطُب
بِـوْداعه ياخــذ راحــتـه اويـــاك الگلُب

خلينه نتشـــابگ بالٱحزان
مسموم وِيودعلَه عطشان

اشما تهمِل ادموع العين أزغر جرح من حسين
واسياط المتون
_____________________________

مِتوســـد وْيَم راسـي أخُوتي من مِتِت
شالـوني فـوگ امتـــــونـهم واتشـيعِت
أُمنيتي عمــري ايطول وِبطَفهم چـنِت
عن حَرَم جدي اويه الهواشــم دافـعِت

أتمنه بِـيَّه اتطــول الٱيام
وأوگف أدافع عن الِخيام

وافديلها اجفوف اثنين أزغر جرح من حسين
واسياط المتون
_____________________________

أتمـــنَه وي عبــاس أخـوي بكـربـــــله
نهجم سوه اعله الجيش وِنذل حرمله
وِثـنيـنَّـه انـشــــــيـل النـهــر للعــايله
وْزينـب تِـنــــادينـه هـله وْميـــة هـله

أمنيتي وي اخواني موجـود
ابعشرة محرم إسمي معدود

وين اسمي عن الطف وين أزغر جرح من حسين
واسياط المتون
_____________________________

وَدعـتــه وِترجِّـيت مِـنَّـه المَــعــــذَره
اوْخلِّيـتله القاســم اوليـدي اينـاصِرَه
يفدي العمر وي علي اوسـبع الگنطره
أشرف عرس لو ضحَّه بالطف منحره

وَي عمّّه گِتله الكربله ايروح
هنيالك إلـهم ترخص الـروح

وِيصير عرسك عرسِين أزغر جرح من حسين
واسياط المتون
_____________________________

لا يوم يِشْـبه يوم أخــوي او غربته
كل الجروح اتهــــون يم دم جبهته
دم چـبدي كِلَّه مايعـــادل طيحــته
بالجســـد راسي اوهوَّ تنحـز رگبته

باجر أشوفه اعله الرمح راس
هوَّ او أخـوي الغـــالي عبـاس

بالطف ردت أُوفي الدَين أزغر جرح من حسين
واسياط المتون
____________________________


خادم الحسين ع
#مرتجى الحَسَّاني
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

مدد يازينب       مدد يازينب
 
* * *
بيت . نشر حب وعطف
بيت . أبد ماينوصـــــف
بيت . أجه ذكره بالانجيل وأجه بكل الصحف
بيت . نجاة امحبته
بيت . تفوز الوالته
بيت . ملائكـــة السمــــه تنزل تقبل عتبتـــه
بيت . ينادي بالعــــدل
بيت . خلص سم وقتل
بيت . على أيد النبي أتربه بناه سيد الرسل
 
شلون ماتطلع عظيمه البيه ربت
بس حسافه كل عمـــرها أتعذبت
بالطفوف بنص كلبهـــا اتصوبت
وللدعي أبن الدعي تالــي انسبت
 
للشــــــام انسبت .. زينب       عذبهـا السبي .. زينب
لاجنهــــــــا بقت .. زينب       هيبـــه جالنبي .. زينب
كلب اخت الحسن .. زينب       مالحظه ارتعد .. زينب
بقصـرابن الدعي .. زينب       ماذلت ابــــــد .. زينب
 
* * *
 
تاج . تظل أخت الكمر
تاج . على راس الفخر
تاج . مثل نوعه فلا يوجد ولايصوغ الدهر
تاج . ثمين ومو حلــــي
تاج . صياغه امن العلي
تاج . بسجايا حيدره مرصع عليه لمسة علي
تاج . تخلـــد بالزمن
تاج . ذهل أهل الفتن
تاج . بملامح فاطمه الزهره شبيه أم الحسن
 
البخت والصيت من رب السمه
وهوه مو كل واحد الله يعظمــه
وزينب اليذكرها الله يكرمـــــــه
شكد عظيمه منزلة بت فاطمــه
 
ماتخشه العده .. زينب       جن حامي الحمه .. زينب
ضد أهل الظلم .. زينب     جنها فاطمــــــــه .. زينب
وبزود وصبــر.. زينب      وكفت بالشـــــدد .. زينب
طود بكربلــــه .. زينب       لأخوتها سنــــــد .. زينب
 
* * *
 
يوم . كلبها ينصدع
يوم . يهل منها دمع
يوم . عزيز اعلى الكلب زينب تودعه وتنفجع
يوم . مصيبة فاطمـــه
يوم . فكد حامي الحمه
يوم . انجرح جبد الحسن بالسم غده ينزف دمه
يوم . مصايب كربله
يوم . عذاب العايلــه
يوم . العزيز حسين ابو اليمـــه تعاين مقتلـــه
 
شافت الغالي الاعز أمن الهوه
بقى عالتربان جسمه بنينــــوه
وشاهدت جفين شيال اللـــــوه
وأضلمت بعيونها وضاع الضوه
 
هايـــه بت علي .. زينب       هاي ام الخدر .. زينب
تالي بكربلــــــه .. زينب       يوليها الشمـر .. زينب
لأبن امها مشت .. زينب       دامي شافتـــه .. زينب
طاحت عالجسم .. زينب       تبجي وشبكته .. زينب
 
* * *
 
صوت . وكف لأهل الوفه
صوت . مشرف موقفــــه
صوت . عجز كلمن حجه عنه يريد يوصفه
صوت . حزين ومنفجـــــع
صوت . خطب وسط الجمع
صوت . قبل ليطش شمل أهله أبد ماينسمع
صوت . مثال التضحيه
صوت . تحده الطاغيـه
صوت . شرح أهداف أبواليمه ودماه الزاكيه
 
كملت الثوره بخطب بت حيدره
صوتها هز العروش الجائره
أبحث التاريخ كلـــــه ودوره
أبد ماتلكه مثل زينب مـــــره
 
نعجز عن وصف .. زينب       ومانوصف أهل .. زينب
بس زينب مثــــل .. زينب       بت خيــر العمل .. زينب
قران العلـــــــــي .. زينب       بت خيـر العرب .. زينب
قمــــــــــه بالعزم .. زينب       ثوره كل خطـب .. زينب
 
* * *
 
طاح . علم بيه تحتمي
طاح . علم عالعلكمــي
طاح . أبو فاضل ابو الغيره فخر كل هاشمي
طاح . أخوهــــا عالتـرب
طاح . اويه الحسين الكلب
طاح . ابوكلب الحنين اصبح دمه كلبه يصب
طاح . وأميـه هلهلت
طاح . وثيابه أتسلبت
طاح . وبعد عينه بكت زينب وحيده وانولت
 
بس تصوب راس شيـــال العلم
كلب ابوالاكبـــر تصوب بالسهم
وبس مشو ويه المنايه أهل الشيم
كوم أميــــه كلها هجمت عالخيم
 
لاجن من بقت .. زينب       مابين الغــرب .. زينب
مره تنشتـــــم .. زينب       مره تنضــرب .. زينب
ضلت جالجبل .. زينب       بالطف صامده .. زينب
وتلم بالحـــرم .. زينب       متهاب العـــده .. زينب
 
* * *
                                                سلام المشعل

دمع اليتيمات يروي المعاناة
يا حميده ويارقيه
تقاسمن بالهم سويه
___
كلها تسمع كلها تنصت لو حجه السان الدمع
الجرح لمن تشوفه مو مثل راعي الوجع
الفكد ناسه اليعزهم هذا أعلم بالوضع
تأكل بروحه المآسي ويحترك مثل الشمع
ياجرح الافراك بالمهجه حراك
عدنه شاهد عالقضيه
تقاسمن بالهم سويه
____
يا صبر تحمل حميده لو وصل ليها الخبر
وهيه تصرخ كل مسيه بويه طولت السفر
انكطعت اخبارك يمسلم وكلبي مو كد القهر
أنا مشتاكه لحنانك يمته يجمعنه الدهر
يمته الاكيك وي روحي اخليك
واحضنك بثنين اديه
تقاسمن بالهم سويه
__
عمي يمسح رأسي بيده شفته والمدمع يكت
اعرفت أنا يتيمه وأنت يابويه رحت
بويه مظلم دهري بعدك وبعيوني ما شفت
بالصبر اتجه وانهض لحضه يابويه طحت
انهارت الروح وشينفع النوح
بويه بعدتنه المنيه
تقاسمن بالهم سويه
_
يارقيه ويا جرحها بجت عيون الورد
بالدرب كل ساعة تنشد بويه وينك ماترد
لا تسافر عني لحظة روحي ما تحمل بعد
يا دفء روحي وعطفها من يمر بيها البرد
طال البعدطال سال الدمع سال
امسح دموعي الجريه
تقاسمن بالهم سويه
_
شافت الرأس المطهر بالطشت ينزف دمه
كعدت اكباله بحزنها ابليه روح تكلمه
بويه منهو الحز وريدك صلفه اديه ومجرمه
المصيبتها وجرحها ناحت أملاك السمه
من حضنت الرأس ماتت ياهلناس
ياألم هاذي الضحيه
تقاسمن بالهم سويه
_______
ياسر الساعدي

#قصائد_محرم_الحرام
#ليلة_مولاتي_العليله_ص_

لسان حال مولاتي العليله(ص)

*********************'***

شيبني البعد**بويه
ماظنك ترد**بويه
بدموعي اهد**بويه

تدري بروحتك طاح الدمع/والحيل مهدوم
اون أمن البعد من فركتك /يابوية كل يوم
بعد ماظن تجي يطول البعد/مااشم الهدوم

دمع عيني/وحدي انه غريبه
دمع عيني/عبد الله شيجيبه
دمع عيني/شحمل يامصيبه

اه/ياهو يمسح دمعتي
اه/تنسمع كل ونتي
اه/ابجي غربت خوتي

حسين بويه حسين

********************'***

مامنك خبر**بويه
تطول بالسفر**بويه
زغيرة عالقهر**بويه

شحمل يا قهر بعدك بقت/ظلمه المدينه
انه ام الفرح وأم الهله/هسه حزينه
العمر ابلا ابو وفيّ رايته/تذبل سنينه

رحت مني/بدمعاتي اناطر
رحت مني/بلكي تردلي باجر
رحت مني/من حضني لحوافر

طاح/دمعي وانت ماتجي
طاح/رمشي واشبع بالبجي
طاح/لساني كد ماارتجي

حسين بويه حسين

*************'**********

عطشانه الك**بويه
بحسرة اتوسلك**بويه
ترجع ديرتك**بويه

بس صورة ألم يمي بقت/ماظنك تعود
ارسم بالضعن مامش عذب/ومودعه الجود
عمي بكربله رسمته وكع/ماظلت زنود

هضم بيه/عن ضعنك بعيده
هضم بيه/بهالديرة وحيده
هضم بيه/وجهك هسه اريده

وين/هسه ناصبلك خيم
وين/هسه صاباك السهم
وين/فيك وفي العلم

حسين بويه حسين

************************

مرسال الجرح**بويه
كال اعله الرمح**بويه
مذبوح الصبح**بويه

مرسالي الك صوب الضعن/غاطيته بجروح
مرساااال الاجه منك ااااالي/كلالي مذبوح
اضم بجرحي بس هوا الجرح/تاليته مفضوح

فكدت طولك/ياهيل الليالي
فكدت طولك/ماظلالي غالي
فكدت طولك/اليردلي بسؤالي

صار/عكبك ضعنّه بالدرب
صار/خدك يغالي بالترب
صار/كلشي يبويه بالغصب

حسين بويه حسين

**********************'**
#خادم الحسين محمد منير المياحي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

حسين يــا اقـرب مسـافه ابّين ربّـك والعَبِــد
يعنـي لـو گِتلــك أحبَّـك الله يسمعنـي ويِــرِد
.........................
حسين يالمنطيك ربّك هالقدر والمَنــزِلِه
وانت وافيته ونِطيتَـه منحر بطف كربله
يا غريب وذاكه دارك بي عَبيــد مدلِّــله
يعني ربحـان اليِحِبِّــك يجتِهِـد ما يجتِهِــد
..........................
مَنحَرَك دَرب الهِـدايه يا حُسين لكل بَشَـر
ومِن هلاكه الما يفضّلك لا مَناص ولا مفَـر
بالكلام الباري ينصـح وانت دربَّك بالصوَر
حيـن خَـلّاك الوسيله ومِـن خِـلالك ينعِبِــد
.........................
مِن خِلالك صِــرنه نعبِـد ربَّـك ونسِجِـد نعَـم
بس ولا تنفَع سَجِدته الماله دمعه اعله الخِيَم
أســود امصـابك يغــالي صــاير احرام الخَـدَم
مِــن يِهِـل عـاشور تلبَـس ولطــوافَك تسْتِعِــد
..........................
حِج مدامع عِدنه يغدي ونلگه كل شوط بجرح
يا مِلح كلشي انت تِــدري مْغَــزِّر اويانَـه المِلح
كل ظهـر عـاشر نشـوفه الـراس ينشاـل بْـرمح
ينْـزِف ومِــن كُــلِّ فَـجٍّ چَنَّــه كعبـه وينگصِــد
.........................
كـون نتـوضَّـه بمـدامِع كلشـي نِعمَــل ينقِبِــل
هيچ ربَّـك مِنـطي نعـمه يريــدنه نخدمك عَدِل
كلشي مخلوق اعله ساعه عن محبتَك يِنسئِل
وحيــل يحتار بزمــانه الچــان عَنَّـك مِبتِعِـــد
.......................
وين وجــهه يديـره كلمن مـاله موقِـف ينــذكِر
الچان من يحچــون بسمك يضحـك وما ينكسِـر
هنــاك ساعتـهه يِصـدِّگـ چـان ما يسـوه العمــر
يحـزن وبَـس اليحبّــك واليخدمَــك ينسِعِــد
.......................
بين ربَّــك والبريِّــه يا حُسين انت الصِـلَه
وعــالسراط الِّي يخدمِـك مِــن يِميــل اتعَدِّلَــه
نْصيـح خدمَتنـه وعَمَلنــه يا غَــريب اتْقَبِّلَــه
تِـدري بالخِــدَّام كِلــهه مْچلبــه بيــك وما تِهِــد




#علي كاطع البهادلي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

السلام عليكم

ملاحظه
الى جميع خدام الامام الحسين(ع) احب اخبركم ان قناتي انتقلت الى الرابط الموجود بالاسفل الرابط القديم بعد عوفوه مايشتغل اشتركوا بالرابط الموجود بالاسفل الي راحوانزل بيه قصائد محرم الحرام لهذا العام بعد العيد ان شاء الله


https://tttttt.me/Emad_Al_Daraji

محرررم 1442 هـ ام البنين ع

مدري اشبيه الماي اليوم كلما أشرب أعطش حيل
مايرويني او گلبي ايگول عندچ خل ظامي ابهالليل
عندچ محبوب . ظامي ومسلوب
ابهذه الليل

مدري اشبيه الماي . ما يروي العطشان
واشعر گلبي ايگول . عندچ خل ذبلان
گمت اسأل بالناس . وسائلت الجيران
هم مثلي ابهاليوم . واحدكم ضميان

گالوا لا لا يمّ عباس مابي شي يروينه الماي
ماعطشانة انتي ايگولون عطشة ملگه الخلچ هاي
خلچ متعوب . ضامي ومسلوب
ابهذه الليل . ابهذه الليل
_______________________
أم او گلبي ايگول . هذا احساسچ طال
بحسين اتشعرين . عطشان ابيا حال
مارت اشرب ماي . مثله او دمعي سال
خل اشعر بحسين . أكثر بالدلال

كل مابيه اتمر لحظات أنظر خيمة او راية او جود
يم الخيمة إحسين ايصيح عالعباس او ماموجود
هذا المحسوب . ظامي او مسلوب
ابهذه الليل . ابهذه الليل
_______________________
گمت اشعر بحسين . عطشان ابني شلون
لو يمه آنه اهناك . أروي من لعيون
حسيت الأطفال . بالخيمة او يبچون
ما ظل عدهم ماي . واصرخ شيشربون

كلهم ركضوا يم إحسين واشعر صاحوا عطشانين
مره ايسكت بالرضعان وينده زينب لا تبچين
هذا المكتوب . ظامي ومسلوب
ابهذه الليل . ابهذه الليل
______________________
اشما جاي اعطش حيل . او مني الحيل ايبيد
أشعر إبني إحسين . رايح منه اوليد
لاكبر بس لا راح . عطشان ابنه الحيد
وابنه الازغر ذاك . مرفوع اعله الإيد

اشگد ظل يطلب إبنه الماي عبدالله او محد يرويه
فك اگماطه او يصرخ گام أشعر بس ماكو اليسگيه
دمه اعله الثوب . ظامي او مسلوب
ابهذه الليل . ابهذه الليل
_____________________
تتراجف لچفوف . واتصور چفين
طاحن من عباس . أدري ابحظن إحسين
وابظهره المكسور . رد او معمي العين
حاير للخيمات . يوصل مدري الوين ?

ينظر زينب من ابعيد بيمن راجع للخيمات
ابلا عباس ابلايه الجود ظل يتعثر بالخطوات
محتار ايلوب . ظامي او مسلوب
ابهذه الليل . ابهذه الليل
_____________________
اشما أعطش لحساس . شو بحسين ايزيد
وانظر طفلة اتصيح . اتشوف إحسين اتريد
واتخيل عالگاع . طايح إبني ابعيد
وسكنة الأمها اتصيح . باقي إحسين اوحيد

او من الخيمات النسوان ركضن صوب إحسين ابروح
هاي اتلمه او ذيچ اتكول مسبيات شلون انروح
لشام انوب . ظامي او مسلوب
ابهذه الليل . ابهذه الليل

#حيدر الحلفي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

ابو ذيات على لسان حال السيدة زينب ((ع))



اميره مخدره و دهري .. وضعناي
و صفه بيد الشمر ركبي.. وضعناي
اشابه بالفله ابمشيّ .. وضع ناي

أنوحن و الحزن لايگ عليه

*------------------*-------------------*

الحزن يا ناس من زغري .. خَواني
و مصاب الطف بعد اكثر .. خِواني
انسبيت و راحوا بلحظه .. خُواني

و أنه الچان الگمر حداي اليه

*------------------*-------------------*

✍ بقلم خادم الحسين ع
الشاعر رعد الچريخي

خادم الحسين عبدالخالق الحريشاوي
https://tttttt.me/abd_alkhale77q

* *اللَّهُمَّ صَلِّ عَلَى مُحمَّدٍ وآَلِ مُحمَّدٍ وَعَجِّلْ فَرَجَهُمْ والْعَنْ أَعْدَاءَهُمْ* *

*★إذا حدثتني بحديث فأسنده لي★يا جابر لحديث واحد تأخذه عن صادق خير لك من الدنيا وما فيها★*

عن جابر قال: قلت لأبي جعفر محمد بن علي الباقر عليهما السلام: إذا حدثتني بحديث فأسنده لي، فقال: حدثني أبي، عن جدي، عن رسول الله صلى الله عليه وآله وسلم، عن جبرئيل عليه السلام، عن الله عز وجل، وكل ما أحدثك بهذا الإسناد. وقال: يا جابر لحديث واحد تأخذه عن صادق خير لك من الدنيا وما فيها.

*√كتاب الأمالي لفخر الشيعة أبي عبد الله محمد بن محمد بن النعمان العكبري البغدادي الملقب بالشيخ المفيد صفحة٤۲√*

*[اللَّهُمَّ ارْزُقْــــنَا كَــربَـــلاء]*

*{اللَّهُمَّ الْعَنِ الجِبْتَ والطَاغُوت}*

* *اللَّهُمَّ عَجِّلْ لِوَلِيِّكَ الفَرَج* *
*يـ حـــســـيـــن ـا*
قناة كامل الروايات
https://tttttt.me/AhYoAmRaNa

يالاكبر يا روح الروح شيهود كلبي المجروح
تعبني السهر يمه صوبني الدهر يمه
****************
يا اجمل بشر بالكون وسط عيوني راسمتك
وتسع اشهور يوليدي بين اضلوعي شايلتك
ربيت وتعبت اعليك وليام الكبر ردتك
يبعد امك يالمدلل مدري اشلون فاركتك

جنت اسهر كل ليله وياك ما اكدر احمل فركاك
اعليك اربي النضر يمه صوبني الدهر يمه
***********************
يوليدي طبع كل ام تتاني اوليدها المغرب
وما تكدر تطب للبيت اله اتشوف ابنها ايطب
تانيت اشكثر ترجع واعله اخدودي الدموع اتصب
بيدي اعصرلك عيوني جنت يوليدي من تطلب

انه امك وتشوف الحال وناتي اتكطع الدلال
مكسورة ضهر يمه صوبني الدهر يمه
**********************








عطشتك يا حلم دنياي بمايك يمته ترويني
بعدني بعازتك يبني لا تمشي وتخليني
ترس راسي ييمه الشيب وعكبك ذبلت اسنيني
اموتن تدري يوليدي اذا ما شوفك بعيني

كلي عيوني اشلون اتنام ومنك حرمتني الايام
موتني القهر يمه صوبني الدهر يمه
************************
صحت يوليدي ساكت ليش انه امك يبعد امك
روح ابلا جسد ضليت عفتني وكلبي ضل يمك
يا تعبي وسهر ليلي اريد بنحرك اشتمك
وانام اوياك طول بطول وحضن يالولد جسمك

هاي انه امك يا رجواي فك عيونك واحجي وياي
يا بعد النضر يمه صوبني الدهر يمه
****************











يوليدي العذاب ايطول ويكثر نوحي من ترحل
رافكني الحزن والضيم وبغيابك بديت اذبل
حملت اللوعه والحسرات بعد جا كلي شتحمل
اركض من يمر طاريك وعنك كل وكت اسأل

يبست بخدودي الدمعات وعثرت بشفافي الجلمات
مو مالت سفر يمه صوبني الدهر يمه
***********************
شفتك سابح بدمك يبني وجسمك اموذر
كوه انكل كمت جدمي واسكت عيوني ما اكدر
عله الدنيه العفه بعدك صحت يوليدي يالاكبر
بهجرك كطعيت احشاي ونارك بالكلب تسعر

يالنايم فوك التربان اشعنده الموت اويالشبان
بكلبي ضل اثر يمه صوبني الدهر يمه
*********************
تمت
#تحسين الخفاجي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

بسم الله الرحمن الرحيم والصلاه والسلام على المبعوث رحمة للعالمين حبيب اله العالمين ابي الزهراء محمد وعلى ال بيته الطاهرين
السلام عليكم ورحمة الله وبركاته
نود أن نعرض عليكم لسته القنوات لنشر القصائد الخاصه بشهر محرم وبالترتيب الاتي أدناه👇

القناه الرئيسيه على الرابط التالي 👇👇
الناشر الحاج فلاح حسن لنشر القصائد الحسينيه / عزاء
■□■□■□■□■□■□■□■□■

من يمـر طاريـك اعثــر بالدمــوع
💔😭
مدري اصرخ لو أدگ صدري احير
😔⁉️
ارزقني رحلة عشگ مابيها رجوع
💔💔
لو أموتـن لــو أرد مجنــون اصير
💔😭
■□■□■□■□■□■□■□■□■
https://tttttt.me/alnasherfalahhasnn


#الناشر_الحاج_فلاح_حسن_محرم_الليله_الاولى

@alhajfalahhasnn1

#الناشر_الحاج_فلاح_حسن_محرم_الليله_الثانيه


https://tttttt.me/joinchat/AAAAAERj1DE7uk0xAi_44g


#الناشر_الحاج_فلاح_حسن_محرم_الليله_الثالثه

@alhajjfalahhasnn3

#الناشر_الحاج_فلاح_حسن_محرم_الليله_الرابعه


https://tttttt.me/joinchat/AAAAAERVlQu2TaN8ejCHEw

#الناشر_الحاج_فلاح_حسن_محرم_الليله_الخامسه

@falal5

#الناشر_الحاج_فلاح_حسن_محرم_الليله_السادسه

https://tttttt.me/joinchat/AAAAAExxzdtrIO4eSlLvMA

#الناشر_الحاج_فلاح_حسن_محرم_الليله_السابعه


https://tttttt.me/joinchat/AAAAAEU9CWab6o-yz8s6dg


#الناشر_الحاج_فلاح_حسن_محرم_الليله_الثامنه


https://tttttt.me/joinchat/AAAAAFGNtKZUPid3MugGQQ


#الناشر_الحاج_فلاح_حسن_محرم_الليله_التاسعه


https://tttttt.me/joinchat/AAAAAE6iwyqkhbvz69Afvw

#الناشر_الحاج_فلاح_حسن_محرم_الليله_العاشره

https://tttttt.me/joinchat/AAAAAFP9-Ukpe56ibTVf0A


#الناشر_الحاج_فلاح_حسن_محرم_ليله_الوحشه


https://tttttt.me/joinchat/AAAAAFGA0XCmqJ5goN9AoA



#الناشر_الحاج_فلاح_حسن_دفن_الاجساد_الطاهره

https://tttttt.me/joinchat/AAAAAFK4YUGL-tIb-c6MvQ

#الناشر_الحاج_فلاح_حسن_مسير_السبي

https://tttttt.me/joinchat/AAAAAEpjTlDspoAsDQGQtg


نسال الله التوفيق وقبول هذا القليل بحق محمد وآل محمد

يرجى نشر الرابط ليصل إلى جميع الخدمه
الاقل شأنا #الناشر_الحاج_فلاح_حسن