* *اللَّهُمَّ صَلِّ عَلَى مُحمَّدٍ وآَلِ مُحمَّدٍ وَعَجِّلْ فَرَجَهُمْ والْعَنْ أَعْدَاءَهُمْ* *

*★يا جابر اغتنم من أهل زمانك خمسا★واعلم بأنك لا تكون لنا وليا حتى لو اجتمع عليك أهل مصرك وقالوا إنك رجل سوء لم يحزنك ذلك ولو قالوا إنك رجل صالح لم يسرك ذلك★*

عن أبي جعفر الباقر (عليه السلام ) أنه قال لجابر بن يزيد الجعفي:
يا جابر اغتنم من أهل زمانك خمسا: إن حضرت لم تعرف، وإن غبت لم تفتقد، وإن شهدت لم تشاور، وإن قلت لم يقبل قولك، وإن خطبت لم تزوج.
وأوصيك بخمس: إن ظلمت فلا تظلم، وإن خانوك فلا تخن، وإن كذبت فلا تغضب، وإن مدحت فلا تفرح، وإن ذممت فلا تجزع. وفكر فيما قيل فيك، فإن عرفت من نفسك ما قيل فيك فسقوطك من عين الله جل وعز عند غضبك من الحق أعظم عليك مصيبة مما خفت من سقوطك من أعين الناس، وإن كنت على خلاف ما قيل فيك فثواب اكتسبته من غير أن يتعب بدنك. *واعلم بأنك لا تكون لنا وليا حتى لو اجتمع عليك أهل مصرك وقالوا إنك رجل سوء لم يحزنك ذلك ولو قالوا إنك رجل صالح لم يسرك ذلك*، ولكن اعرض نفسك على كتاب الله فإن كنت سالكا سبيله زاهدا في تزهيده راغبا في ترغيبه خائفا من تخويفه فاثبت وأبشر فإنه لا يضرك ما قيل فيك، وإن كنت مباينا للقرآن فما ذا الذي يغرك من نفسك....

*والوصية طويلة لمن أراد فليراجع*

*√تحف العقول عن آل الرسول صلى الله عليهم للشيخ الثقة الجليل الأقدم أبو محمد الحسن بن علي بن الحسين بن شعبة الحراني رحمه الله صفحة۲۸٤√*

*[اللَّهُمَّ ارْزُقْــــنَا كَــربَـــلاء]*

*{اللَّهُمَّ الْعَنِ الجِبْتَ والطَاغُوت}*

* *اللَّهُمَّ عَجِّلْ لِوَلِيِّكَ الفَرَج* *
*يـ حـــســـيـــن ـا*
قناة كامل الروايات
https://tttttt.me/AhYoAmRaNa

*الامام محمد الباقر (ع)*لحن يا ليلة الحادي عشر~♪
يا شيعة گوموا نودّعه ونواسيِ الزهره~
الباقر امامي بحسرته ويلي خلص عمره~
لارض البقيع نشيّعه ويلي انحفر قبره~
والصادق بنعشه حمل ودفن الأبو بلحده~
*واويلي مسموم الچبد واويلي عالباقر*
〰〰〰〰〰〰
آه آه ساعد الله قلب اولاده ينوحون على مصاب الباقر ع
آيبويه… يلي باللحد مدفون
آيبويه… ولاجلك تهلّ العيون
آيبويه… لْفَرگاك الگلب محزون
آيا باقر… آيامسموم الچبد
آيا باقر… نايم الليلة بلحد
آيا باقر… چبدك بسم انمرد
خادمة آل محمد ✍🏻

*••نعي وصية الامام الباقر ع لولده ••*لحن الجفيري♪~
لا تحمل بنعشي ابدا
يبني ولا تحفرلي لحد
عالغبره خلي هالجسد
خليني اواسي المنذبح
〰〰〰
لا تلفه جسمي بالكفن
خلني أواسي بهالمحن
حسين الغريب بلا دفن
جسمه ثلاثه منطرح
〰〰〰〰
نعشي تشيله تشيّعه¡
جسم الحسين بموضعه
وراسه العوادي ترفعه
تشييعه من فوق الرمح
〰〰〰〰
*بعد يا بُني يا جعفر!*
ظامي ابويه بكربله
گبري ما ٱريد تبلّله
آنه الي شفت بالفله
وبگلبي كم صورة وجرح
خادمة آل محمد ✍🏻

#يا_باقر _آل_ محمد ص
#لسان_حال _مولاتنا الزهراء _تنصب عزاء _الامام_محمد _الباقر_ع_ في _البقيع #

اتعنت فاطمة الزهره تنصب مأتم قرايه
عالباقر قضى مسموم تحن وتنوح بچّايه
➿➿➿➿
اويلي تنصب المأتم وتنحب عالقضى مسموم
تشعل شمعة الاحزان وتگعد عالقبر مهدوم
من قبره تشم عطور ورياحين وأثر العلوم
بمصابه الزهره مفجوعه وتهل العين بچّايه
➿➿➿➿
تكله يبني يالباقر اجيت انصبلك المأتم
أنوحن يبني لمصابك وابكي لقبرك تهدّم
گلبي منصدع يبني وانتي بحالتي تعلم
المهدي ينتحب مثلي ويذرف دمعه ويّايه
➿➿➿➿➿➿
اهتزت روضة الاحزان وصوت ينادي زهره
انا جسمي اندفن سالم ابكي المنقطع نحره
انا راسي ما قطعوه ولا ظل جسمي عالغبره
روحي وانصبي المأتم يم حسين وقرايه
➿➿➿➿➿➿
تگله لوعت قلبي ومصابك جدد احزاني
انا القضيت عمري بنوح ومصاب الطف أذّاني
ما انسى الذبيح حسين ساكن عيني وكياني
انوحن لاجله ليل نهار وعيني تهل بچايه

خادمة آل محمد✍🏻

لسان حال الامام الباقر ع/ لحن لفى عاشور او التغريد الحزين والحان الملا عبد الحي قنبر♪
مصايب كربله بعيني وقضّت الامر بنياح~
عمري كربله وعاشر وسبي وآلام كلّه جراح~
صورة بعيني محفوظه سيف وحامله الذبّاح~
مشاهد للمحن كثره وأعظمها ذبح لحسين
〰〰〰〰〰〰
ابچي من أشوف النار تذكرني بحريق خيام
فرّت منها عمّاتي مرعوبه من الظلاّم
من جانا الشمر بالسوط ولوّع بالضرب لايتام
هذا يسلّب النسوان ومدمعهن على الخدين
〰〰〰〰〰
آنه الي شفت منظر يفطّر كل گلب إلنه
شفت بالحومه عالغبره جسد وبدمه متحنّه
لكن راس ما عنده ويمّه نايحه سكنه
وزينب عالذبيح تنوح وگلبها منفطر نصين
خادمة آل محمد✍🏻

⬛️◾️▪️⚫️﷽⚫️▪️◾️⬛️
#الامام_الباقر_عليه السلام
#ندبه للإمام الباقر عليه السلام
بيوم إستشهاده

*شايل حاجتي وجيتك اهم بيها*
*ياابوجعفر ردت هالليله تكضيها*


▼△▼△▼△▼△▼△▼
بالنخوه قاصد مولاي والدمعه جريه
بحسين المنذبح عطشان بالغاضريه
حاشا تردها طلبتي يبن حامي الحميه
وللزهره جينه هاليوم كلنه انواسيها
===================
اريدن حاجتي منك ياابو الشاره
ياباقر اعلوم النبي وحافظ اسراره
بحق جدك المظلوم ويه انصاره
وبحق الزجيه وكل دمعه تجريها
===================
خادمكم سيدي وعندي هالطلبه
اقصد الليله جودك ودمعي اصبه
بزينب الحره سيدي ودمع التسجبه
يالباقر شيعتك من هالوبا تنجيها
===================
جيتك متحير هواي وبگلبي جمره
ياابو جعفر دخيلك خاطري تجبره
زادت اعليه الهموم وبعيوني عبره
نار الحيره مولاي ضلوعي تجويها
====================
يا ابو الصادق اندب بجاه العقيله
الباليسر راحت وياك همي تشيله
ضاقت اعليه دنيتي گيودي ثجيله
بالمشت بذاك الدرب والونه تخفيها

==================
يالباقر الليله اندب والمدمع يسيل
گرب عاشور مولاي يامطول الليل
نحضر مأتم المظلوم اوياه الكفيل
ويحضر المهدي والهموم يجليها
====================
تمت بأقلام خادمات الزهراء عليها السلام
✍الشاعرة زينب راضي الزيني
✍خادمة الزهراء ليلى زغيب
#في (٦)من ذي الحجه ١٤٤١هج ليلة إستشهاد الامام الباقر عليه السلام
#نسألكم الدعاء لوالدينا بالرحمه والمغفرة



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

((واهس بچي))


يدمعة شوگ بعيون اليعشگون
ويا واهس بچي مايبرد بيوم

يلچمني الحزن وتفاعل وياه
وتمنه ابمحبتك ابقه ملچوم

مايحله العشگ بس بالمعانات
وللبارد گلب ما ضنن ايدوم

يرمضان العطش ومرخص الماي
حرارت مجلسك يعرفهه ليصوم

قليلات الدموع ايهلن اعليك
حلات العين تنزف دمعه ودموم

يا اول جسر ودوسه الخيول
ويا بحر الندى الماعرفته الگوم

ما شوفك بشر يلكلك احساس
اشوفنك گمر وبنص الانجوم

يلومني ابمحبتك وشكر ألله
ما همن وخلي أللايم ايلوم

منذور الخدمتك طول الايام
واحسك بالنفس وبعيني مرسوم

متهشم صدر ماسامع بيوم
وبروك الحوافر كله مهشوم

يچويني الدمع ورتاحن اهواي
يلبساحت حضرتك عمري معدوم

عابس ماصرت ومقصر وياك
ماواصل مقام الشگ الهدوم

*-----------------*-----------------*
✍بقلم خادم الحسين //ع//
الشاعر رعد الجريخي

عبااس ،، عباااس ،،،، عباااس،، عبااااس
،،،،،،،،،،،،،،،،،،،،،،،،،،،،،،،،،،،،،،،،،،،،

بسمك عليناهه الرايه
يمطيح چف الرمايه
والشط ناشف ريجه و مايه
والله مسوي بجرفه اسوايه

لو مية طف ما ينساهه
انته ابن الوالي الرداهه
شمس الله وترجع خلاهه
هنيال امك وانته رباهه

عبااااس ،،،، عباااس ،، عباس ،، عباس
،،،،،،،،،،،،،،،،،،،،،،،،،،،،،،،،،،،،،،،،

يا قائد وچفوفك ديره
يمأسس عباس الغيره
صارت بيهم خوفه وحيره
يا كافل يصعب تفسيره

ياهو الطب الحومه بزوده
ذل الجيش بهاي زنوده
وگفات الكافل مشهوده
خيمة زينب ندري حدوده

عباااس ،،، عباااس ،،، عبااس ،،، عباس

،،،،،،،،،،،،،،،،،،،،،،،،،،،،،،،،،

خلي الفارس فوگ الفارس
للحومه انته مسوي الواهس
يم حيدر يلكافل دارس
لاختك زينب حامي وحارس


يا ظهر حسين وعنوانه
يا قائد جيشه وذرعانه
صاح الكافل انه هنانه
والجيش انخطفت الوانه

عباااس ،،، عباااس ،، عبااس ،، عباس
،،،،،،،،،،،،،،،،،،،،،،،،،،،،،،


يا ساگي الموت بجف أيده
ما طارت بچفوفه الصيده
هذا الموت وياهو ايريده ؟
يخلص والعباس ايعيده

قادتهم بالطف غطاهه
لمها وطشرهه ولماهه
شردت والطف ما كفاهه
للبرزخ راح وذلاهه


عباااس ،،، عبااااس ،،، عباااس ،، عباس

،،،،،،،،،،،،،،،،،،،،،،،،،،،،،،،،،،،،،،،


صاحت زينب هذا الهيبه
عباس وحيدر ترتيبه
خله ابگلب الحاقد شيبه
يا كافل عنوان النيبه


وصلهم للشط رداهم
ما شافو راحه وخلاهم
چنه الموت ويحچي وياهم
يطحنهم بيده وذراهم

عباااس ،، عباااس ،،، عبااس ،، عبااس

،،،،،،،،،،،،،،،،،،،،،،،،،،،،،،،،،،،،،،،،،،،،


جاب الماي أوشط أوغيمه
مد أچفوفه وصارن خيمه
ضم روحه الطف ماي بهيمه
صاحت زينب يا رب ديمه

هذا الكافل فدوه الطوله
وفى الزينب هيچ احچوله
يا دمعة شوگ وهلهوله
مشتاگه اختك بس گلوله

كلمات خادم الحسين
#رعد الفريجي
1442 محرم
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#قصيدة_شور
#خطاب_أم_البنين_للمهدي ، ع


گوم شوف == بالطفوف
-- الشايل التاريخ بعيونه سهم
الماي طاح == الحيل راح
-- گوم هد مكسوره عصاة العلم
بلايه دار == وكلشي نار
-- گوم عدلك خويمه من الخيم ،

كوم خل اركض وراك = ارد اذب ماي بگفاك
هذا ثارك هل اجاك == يابو صالح ،
كوم حط لعيني عين == كوم اخذ ثار الحسين
هلك ذوله مذبحين ، == وكلشي رايح ، ،
_________________________________
شگد عذاب == شگد مصاب
-- وحگ هذا اسم الحسين بخاتمك
ابچي دم == اعله الخيم ، ،
-- هاي أنا ام البنين اتحشمك ،
العطش زاد = الحيل باد ،
-- خربوا صورة علي بمخيمك ، ،

سبحة الزهره اعله گاع = طشروها وكلشي ضاع
عگب ذولاك السباع == ظلمه صارت ،
وضاع ترتيل الدلال = من السلاسل للحبال ، ،
ضال ابالي السؤال = احروفه ماتت ،
_________________________________
دمعي گام == يدث كلام ،
-- حچي هواي ونايم الخير برمح ،
الموت زاد == وبس رماد ،
-- منين ما ينجابلك طاري انجرح
عالرمال == چم دلال ،
-- طلع ضعن الغاليات من الصبح ، ،

سالمات اچوف اديك = وادمك حنت عليك ،
يابو صالح واحچي بيك = اگبال ثارك ، ،
ويه الرواسي العاليات = امس راح حسين بات
والرقيات البنااات ، ، = اشتهن داارك ،
_________________________________
چم سؤال == بروحي ضال ،
-- شلون راس السنه يحطونه بطشت
الخوف نار == والديار ،
-- خاليه ويالمهدي من كلشي خفت ،
بلا امان == من زمان ؛ ،
-- خايفه ومثل السنابل صوفرت ،

عيش للثار العظيم ، = بسيف عزب ياچريم
ومَشي رسهم مستقيم = وابني دوله ،
حط على الثارات ثار = ثار ركضات الصغار
وخيم طفتهن النار = وحامي لجله ؛
_________________________________

- علي مهدي المالكي ،


#اللحن ، ، 👇👇
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

‏خذني سلاماً (جابرياً) نازفاً
‏من كسرِ قلبٍ ما لهُ من جابِرِ
‏.
‏فاليومَ أعلنتِ العلومُ حدادَها
‏وغدتْ مُعطَّلةً لِرُزءِ "الباقِرِ"
‏.
‏عظم الله أجر صاحب الزمان (عج) وأجوركم باستشهاد إمامنا محمد بن علي الباقر عليهما السلام.
‏.
‏⁧ #الإمامِ_الباقر⁩
‏⁧ #اللهم_عجل_لوليك_الفرج⁩

عظم الله أجوركم
.

https://youtu.be/2VySCod4w2E

رئيسية للعلية ع

رمح بُعدك هُوه بكلبي وضحِكتك سيف بفكاري
اصفن واذبح التفكير واگولن ترجع الداري
بلكت تجيني...... مدميه عيني


اصفن وتخطر عيونك...... والعطش ذابحلي لونك..... وشِفِتك زرگه
وتخطف  الواهس نظرتي...... اودي سألنك على اختي..... وافگد الملگه

ديره من اجروحي عطشانه الحنانك
شما اباوع بابا يذبحني مكانك
بكل محطه ..... ليك اسافر..... والگه كلشي..... انيين

غصه من الوقت صارت لثواني امراية جروحي
ما صارت گبل يحسين  انامن من تعب نوحي
بهذا انيني ...... مدميه عيني

_________

شايِّله امتاعي واتاني.......... تصهر ابروحي الثواني....... وتدمع اعيوني
الشمس چَويه ابدمعتي........ النجم يغفه اعله ونتي ...... ومنخطف لوني

أحلامي مِطشره ابدربكم من يلمها
هيمه روحي واه بيها ويا ألمها

بابا وينك ..... الدنيا خنگه ..... وكلشي احسه....... انيين

عليلة وعِلِتي انت طبيبي وتعرف اشبيه
مارتضاهه عالغربه عليك انذِبِح يوميه
هسه اني ويني؟........... مدميه عيني


_________

انشتل شوفي اعله بابك...... ضحكتي فديِّت غيابك..... يا ضوه آمالي
وَنِتي صوت الحوافر...... ترسم ادموعي مناحر....... فاگده اخيالي

سافرت واني ابمكاني اعليك ادور
بويه كل مغرب بواجي ابابك اشمر

ليش أكابر ...... وانت ماكو....... ودمعي ينزل....... انيين

بكثر ما واكفه اتنطر  صرت عكازه للحايط
الهوى خاويته بالصفنه  احسه متيِّهْ وشايط
ميته بحنيني...... مدميه عيني

__________
تربتك بجفوفي حنه...........ياجرح بس انت جنه....... شنسه شَتْناسه
المطر بعيوني خاتل............ نظرتي نظرت مقاتل...... منگطع راسه

جفي مستاحش لحيتك بيش امشط
مو دمه ملح ابغيابك جرحي ينگط

بابا بابا....... شگد گلتها...... وكلشي اگولن....... انيين

العايش عمره بس مغرب الضحكه تنشز ابوجهه
شمعه اني ورحيل نار  وبناري لله متوجهه
وينك حُسيني.......... مدميه عيني

___
خدي گمره ودمعي غيمه......... مشيتي مشيت يتيمه....... ضلت اتاني
من اغفه اضل اشگف بديه......... اسم الله من الاعوجيه.......يلهج الساني

شماغفت عيني تمر خياله عشره
واركض اعليك واصيحن يمه زهره

وِبْركِضتي......... اوگع اني....... وتلفظ اسمي....... انيين

بحلم شفتك بلا عباس ويحضن بالرمل نحرك
سألتك من شفت جسمك صدرك هذا لو ضهرك
ضاعت سِنيني......... مدميه عيني

________
عمتي الحره الأميره........ خايِّفه ترجع أسيره...... وتمشي مفجوعه
الهزل ضحكت شماته.........والگمر لو صد خواته........ ينثر ادموعه

اسم الله من السلسه وحرگ الخواچي
اسم الله من الصفعه من جر التراچي

بلا محامل...... والسلاسل......... تروي اليه.......انيين

الغُرب تحدي بضعن عمتي بعد ما جان ابو فاضل
وشفاهك بالكهف تقرأ ويهز ابراسك الحامل

ما يرضه ديني....... مدميه عيني


#الشاعر عبدالله الشويلي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*[ يا غريب الغرباء ]*

أداء: الملا #محمد_باقر_الخاقاني
كلمات: الشاعر #أبو_محمد_الزبيدي

https://youtu.be/P9uuT8tHlKQ

مجالس شهر ذو القعدة الحرام لسنة 1440 هـ - 2019 م
ليالي استشهاد مولانا السلطان الغريب الإمام علي بن موسى الرضا صلوات الله عليه
هيئة يد الله - العراق - بغداد
حسينية الصديقة الطاهرة صلوات الله عليها

مونتاج: مصطفى الحميداوي
مكساج: سجاد الهيفي
مخطوطة: مؤمل الرميثي
النشر الشبكي: علاء بركات العاملي

•• *طور يا ليلة الحادي عشر*••

في "الوصول الى كربلاء"

هلّت مَدامع كربله ¤ شافت أبو اسْكينه
وصّل أرض كرب وبله ¤ وسالِ الدّمِع من عينه
°¤°¤°¤°¤


من سمعتِ ابصوته النّعي، ينعى شبابِ الغيره
صاحت ترايب كربله، يا لوعه يا حيره
سالت مدامِعها وتِون، صوتِ البَچي بكل ديره
ويَمّه بَناتَه اتْجمِّعَن، وتقلّه لا' اتْخلّينه

°¤°¤°¤°¤

شيخ العشيره من وصل، شايل رضيعه ابصدره
ما كمّلِ لْسادس شهَر، يِشبَه عزيزِ الزّهره
والبسمه منّه تْهِل ضوه، شمحلاهه من نظره
لاچن بِجَت أُمّه شكثر ، من سمعتِ ايْذبحونه

°¤°¤°¤°¤

اهتزّت ترايب كربله، وصّل أبو فاضل
غيره وحميّه ومرجله، ولزينبِ الكافل
ما يرضى يِسمع بالأسر، وبيده اللوا شايل
چَفّينَهِ لزينب دُوَه، وباچر تِروح ايمينه

°¤°¤°¤°¤

صلّت على طه النّبي، شافت شبيهِ الهادي
هيبة محمد في علي، لاچن يويلِ افّادي
يتگطّعِ ابسوحِ الحرب، وامّه عَليهِ اتنادي
قالوا عريس عله التُّرب، حنّوها إيدينه

°¤°¤°¤°¤

#أمنن #علينا #برضاه
#يا_صاحب_الزمان

https://tttttt.me/khadimatAL3etraAltahira

•• *طور يللي عله النهر نايم*••

لو هل عَلينه امْحَرّم
نِشم حَرگِ لِمخَيّم
وعِيال حسين تتيَتّم

*ألا هل من مُعين*
*حبيبي يا حُسين*


نواسي الزهره باللطمه
شگَد عظيمه هالنّعمه
أبد ما نعوفنِ الخدمه

*ألا هل من مُعين*
*حبيبي يا حُسين*


شْمَا تِمُر بينه الأزمان
ما ننسى ذبحِ الشبّان
والطّفل ميّت عطشان

*ألا هل من مُعين*
*حبيبي يا حُسين*


واقف وحيدِ وحاير
وابصوته هل من ناصر
وقلبه شكِثُر صابر

*ألا هل من مُعين*
*حبيبي يا حُسين*


ما ننسى دمعة زينب
شالت أخوها امترّب
والصّبُر منها يعجب

*ألا هل من مُعين*
*حبيبي يا حُسين*


تگِلّه يا قَلُب زينب
ترضى يخويه اتسلّب
حاچيني چبدي يلهب

*ألا هل من مُعين*
*حبيبي يا حُسين*


ذبيح الهادي صوّبني
شِنو دمعي وألم ونّي
ونحيب الزّهره يفجعني

*ألا هل من مُعين*
*حبيبي يا حُسين*


حَذاري تِنشَفِ العَبره
ماكو أعز من نحره
ابچي المِنكِسر ظَهره


*ألا هل من مُعين*
*حبيبي يا حُسين*


#أمنن #علينا #برضاه
#يا_صاحب_الزمان

{(کن یکون) و قدرة الله قدرتک یاباالفضل}

(کن یکون) و قدرة الله قدرتک یاباالفضل
کل صعب لمن نگصدک یصبح بإذنک سهل

۱/عد جنابک جیت خایف و اطلب ببابک امان
خاف قافلة الزیارة بیها ما الگی مچان
جیت یا عباس یمک حاجتي (ازیارة) و ضمان
منک انته بس اریده و خوف الابگلبي ایعدل

٢/يا گمر کل عام نگصد بالمحرم للطفوف
اتعودینا اعلی الزیارة ما بعد بینا نعوف
نحيی عاعتاب القداسة و لمّن الگبة نشوف
و لو بعدنا بسيف حرگة یا بو فاضل ننچتل

٣/یا مجرب و النوازل عندک اسهل کل أمر
خذني لارض الغاضرية گرب من عدنا الشهر
یا گمر بالزهرة احلفک لا تردني منکسر
اقضیها متعود اعلی خیرک مثل کل مرة قبل

٤/خاطر رقیة التحبها خاطري لا تکسره
مرادي من عندک اریده یالیباس اتخضّره
قنطره و ما بیّه اعبر و انته سبع القنطره
فراگ الحسین ابمحرم ابد ما بیه ینحمل

*الموفق احمد علي الدر*